Reader
Reader | Theogony, Book 1
Theogony
Hesiod
Text
Position
Line 1 of 1046
Waypoints
| Line Ref | Hugh G. Evelyn-White | Ancient Greek |
|---|---|
| 1 | Primary Μουσάων Ἑλικωνιάδων ἀρχώμεθʼ ἀείδειν, |
| 2 | Primary αἵθʼ Ἑλικῶνος ἔχουσιν ὄρος μέγα τε ζάθεόν τε |
| 3 | Primary καί τε περὶ κρήνην ἰοειδέα πόσσʼ ἁπαλοῖσιν |
| 4 | Primary ὀρχεῦνται καὶ βωμὸν ἐρισθενέος Κρονίωνος. |
| 5 | Primary καί τε λοεσσάμεναι τέρενα χρόα Περμησσοῖο |
| 6 | Primary ἢ Ἵππου κρήνης ἢ Ὀλμειοῦ ζαθέοιο |
| 7 | Primary ἀκροτάτῳ Ἑλικῶνι χοροὺς ἐνεποιήσαντο |
| 8 | Primary καλούς, ἱμερόεντας· ἐπερρώσαντο δὲ ποσσίν. |
| 9 | Primary ἔνθεν ἀπορνύμεναι, κεκαλυμμέναι ἠέρι πολλῇ, |
| 10 | Primary ἐννύχιαι στεῖχον περικαλλέα ὄσσαν ἱεῖσαι, |
| 11 | Primary ὑμνεῦσαι Δία τʼ αἰγίοχον καὶ πότνιαν Ἥρην |
| 12 | Primary Ἀργεΐην, χρυσέοισι πεδίλοις ἐμβεβαυῖαν, |
| 13 | Primary κούρην τʼ αἰγιόχοιο Διὸς γλαυκῶπιν Ἀθήνην |
| 14 | Primary Φοῖβόν τʼ Ἀπόλλωνα καὶ Ἄρτεμιν ἰοχέαιραν |
| 15 | Primary ἠδὲ Ποσειδάωνα γεήοχον, ἐννοσίγαιον, |
| 16 | Primary καὶ Θέμιν αἰδοίην ἑλικοβλέφαρόν τʼ Ἀφροδίτην |
| 17 | Primary Ἥβην τε χρυσοστέφανον καλήν τε Διώνην |
| 18 | Primary Λητώ τʼ Ἰαπετόν τε ἰδὲ Κρόνον ἀγκυλομήτην |
| 19 | Primary Ἠῶ τʼ Ἠέλιόν τε μέγαν λαμπράν τε Σελήνην |
| 20 | Primary Γαῖάν τʼ Ὠκεανόν τε μέγαν καὶ Νύκτα μέλαιναν |
| 21 | Primary ἄλλων τʼ ἀθανάτων ἱερὸν γένος αἰὲν ἐόντων. |
| 22 | Primary αἵ νύ ποθʼ Ἡσίοδον καλὴν ἐδίδαξαν ἀοιδήν, |
| 23 | Primary ἄρνας ποιμαίνονθʼ Ἑλικῶνος ὕπο ζαθέοιο. |
| 24 | Primary τόνδε δέ με πρώτιστα θεαὶ πρὸς μῦθον ἔειπον, |
| 25 | Primary Μοῦσαι Ὀλυμπιάδες, κοῦραι Διὸς αἰγιόχοιο· |
| 26 | Primary ποιμένες ἄγραυλοι, κάκʼ ἐλέγχεα, γαστέρες οἶον, |
| 27 | Primary ἴδμεν ψεύδεα πολλὰ λέγειν ἐτύμοισιν ὁμοῖα, |
| 28 | Primary ἴδμεν δʼ, εὖτʼ ἐθέλωμεν, ἀληθέα γηρύσασθαι. |
| 29 | Primary ὣς ἔφασαν κοῦραι μεγάλου Διὸς ἀρτιέπειαι· |
| 30 | Primary καί μοι σκῆπτρον ἔδον δάφνης ἐριθηλέος ὄζον |
| 31 | Primary δρέψασαι, θηητόν· ἐνέπνευσαν δέ μοι αὐδὴν |
| 32 | Primary θέσπιν, ἵνα κλείοιμι τά τʼ ἐσσόμενα πρό τʼ ἐόντα. |
| 33 | Primary καί μʼ ἐκέλονθʼ ὑμνεῖν μακάρων γένος αἰὲν ἐόντων, |
| 34 | Primary σφᾶς δʼ αὐτὰς πρῶτόν τε καὶ ὕστατον αἰὲν ἀείδειν. |
| 35 | Primary ἀλλὰ τί ἦ μοι ταῦτα περὶ δρῦν ἢ περὶ πέτρην; |
| 36 | Primary τύνη, Μουσάων ἀρχώμεθα, ταὶ Διὶ πατρὶ |
| 37 | Primary ὑμνεῦσαι τέρπουσι μέγαν νόον ἐντὸς Ὀλύμπου, |
| 38 | Primary εἰρεῦσαι τά τʼ ἐόντα τά τʼ ἐσσόμενα πρό τʼ ἐόντα, |
| 39 | Primary φωνῇ ὁμηρεῦσαι· τῶν δʼ ἀκάματος ῥέει αὐδὴ |
| 40 | Primary ἐκ στομάτων ἡδεῖα· γελᾷ δέ τε δώματα πατρὸς |
| 41 | Primary Ζηνὸς ἐριγδούποιο θεᾶν ὀπὶ λειριοέσσῃ |
| 42 | Primary σκιδναμένῃ· ἠχεῖ δὲ κάρη νιφόεντος Ὀλύμπου |
| 43 | Primary δώματά τʼ ἀθανάτων. αἳ δʼ ἄμβροτον ὄσσαν ἱεῖσαι |
| 44 | Primary θεῶν γένος αἰδοῖον πρῶτον κλείουσιν ἀοιδῇ |
| 45 | Primary ἐξ ἀρχῆς, οὓς Γαῖα καὶ Οὐρανὸς εὐρὺς ἔτικτεν, |
| 46 | Primary οἵ τʼ ἐκ τῶν ἐγένοντο θεοί, δωτῆρες ἐάων. |
| 47 | Primary δεύτερον αὖτε Ζῆνα, θεῶν πατέρʼ ἠδὲ καὶ ἀνδρῶν, |
| 48 | Primary ἀρχόμεναί θʼ ὑμνεῦσι καὶ ἐκλήγουσαι ἀοιδῆς, |
| 49 | Primary ὅσσον φέρτατός ἐστι θεῶν κράτεί τε μέγιστος. |
| 50 | Primary αὖτις δʼ ἀνθρώπων τε γένος κρατερῶν τε Γιγάντων |
| 51 | Primary ὑμνεῦσαι τέρπουσι Διὸς νόον ἐντὸς Ὀλύμπου |
| 52 | Primary Μοῦσαι Ὀλυμπιάδες, κοῦραι Διὸς αἰγιόχοιο. |
| 53 | Primary τὰς ἐν Πιερίῃ Κρονίδῃ τέκε πατρὶ μιγεῖσα |
| 54 | Primary Μνημοσύνη, γουνοῖσιν Ἐλευθῆρος μεδέουσα, |
| 55 | Primary λησμοσύνην τε κακῶν ἄμπαυμά τε μερμηράων. |
| 56 | Primary ἐννέα γάρ οἱ νυκτὸς ἐμίσγετο μητίετα Ζεὺς |
| 57 | Primary νόσφιν ἀπʼ ἀθανάτων ἱερὸν λέχος εἰσαναβαίνων· |
| 58 | Primary ἀλλʼ ὅτε δή ῥʼ ἐνιαυτὸς ἔην, περὶ δʼ ἔτραπον ὧραι |
| 59 | Primary μηνῶν φθινόντων, περὶ δʼ ἤματα πόλλʼ ἐτελέσθη, |
| 60 | Primary ἣ δʼ ἔτεκʼ ἐννέα κούρας ὁμόφρονας, ᾗσιν ἀοιδὴ |
| 61 | Primary μέμβλεται ἐν στήθεσσιν, ἀκηδέα θυμὸν ἐχούσαις, |
| 62 | Primary τυτθὸν ἀπʼ ἀκροτάτης κορυφῆς νιφόεντος Ὀλύμπου. |
| 63 | Primary ἔνθα σφιν λιπαροί τε χοροὶ καὶ δώματα καλά. |
| 64 | Primary πὰρ δʼ αὐτῇς Χάριτές τε καὶ Ἵμερος οἰκίʼ ἔχουσιν |
| 65 | Primary ἐν θαλίῃς· ἐρατὴν δὲ διὰ στόμα ὄσσαν ἱεῖσαι |
| 66 | Primary μέλπονται πάντων τε νόμους καὶ ἤθεα κεδνὰ |
| 67 | Primary ἀθανάτων κλείουσιν, ἐπήρατον ὄσσαν ἱεῖσαι. |
| 68 | Primary αἳ τότʼ ἴσαν πρὸς Ὄλυμπον ἀγαλλόμεναι ὀπὶ καλῇ, |
| 69 | Primary ἀμβροσίῃ μολπῇ· περὶ δʼ ἴαχε γαῖα μέλαινα |
| 70 | Primary ὑμνεύσαις, ἐρατὸς δὲ ποδῶν ὕπο δοῦπος ὀρώρει |
| 71 | Primary νισσομένων πατέρʼ εἰς ὅν· ὃ δʼ οὐρανῷ ἐμβασιλεύει, |
| 72 | Primary αὐτὸς ἔχων βροντὴν ἠδʼ αἰθαλόεντα κεραυνόν, |
| 73 | Primary κάρτει νικήσας πατέρα Κρόνον· εὖ δὲ ἕκαστα |
| 74 | Primary ἀθανάτοις διέταξεν ὁμῶς καὶ ἐπέφραδε τιμάς. |
| 75 | Primary ταῦτʼ ἄρα Μοῦσαι ἄειδον, Ὀλύμπια δώματʼ ἔχουσαι, |
| 76 | Primary ἐννέα θυγατέρες μεγάλου Διὸς ἐκγεγαυῖαι, |
| 77 | Primary Κλειώ τʼ Εὐτέρπη τε Θάλειά τε Μελπομένη τε |
| 78 | Primary Τερψιχόρη τʼ Ἐρατώ τε Πολύμνιά τʼ Οὐρανίη τε |
| 79 | Primary Καλλιόπη θʼ· ἣ δὲ προφερεστάτη ἐστὶν ἁπασέων. |
| 80 | Primary ἣ γὰρ καὶ βασιλεῦσιν ἅμʼ αἰδοίοισιν ὀπηδεῖ. |
| 81 | Primary ὅν τινα τιμήσωσι Διὸς κοῦραι μεγάλοιο |
| 82 | Primary γεινόμενόν τε ἴδωσι διοτρεφέων βασιλήων, |
| 83 | Primary τῷ μὲν ἐπὶ γλώσσῃ γλυκερὴν χείουσιν ἐέρσην, |
| 84 | Primary τοῦ δʼ ἔπεʼ ἐκ στόματος ῥεῖ μείλιχα· οἱ δέ τε λαοὶ |
| 85 | Primary πάντες ἐς αὐτὸν ὁρῶσι διακρίνοντα θέμιστας |
| 86 | Primary ἰθείῃσι δίκῃσιν· ὃ δʼ ἀσφαλέως ἀγορεύων |
| 87 | Primary αἶψά κε καὶ μέγα νεῖκος ἐπισταμένως κατέπαυσεν· |
| 88 | Primary τοὔνεκα γὰρ βασιλῆες ἐχέφρονες, οὕνεκα λαοῖς |
| 89 | Primary βλαπτομένοις ἀγορῆφι μετάτροπα ἔργα τελεῦσι |
| 90 | Primary ῥηιδίως, μαλακοῖσι παραιφάμενοι ἐπέεσσιν. |
| 91 | Primary ἐρχόμενον δʼ ἀνʼ ἀγῶνα θεὸν ὣς ἱλάσκονται |
| 92 | Primary αἰδοῖ μειλιχίῃ, μετὰ δὲ πρέπει ἀγρομένοισιν· |
| 93 | Primary τοίη Μουσάων ἱερὴ δόσις ἀνθρώποισιν. |
| 94 | Primary ἐκ γάρ τοι Μουσέων καὶ ἑκηβόλου Ἀπόλλωνος |
| 95 | Primary ἄνδρες ἀοιδοὶ ἔασιν ἐπὶ χθόνα καὶ κιθαρισταί, |
| 96 | Primary ἐκ δὲ Διὸς βασιλῆες· ὃ δʼ ὄλβιος, ὅν τινα Μοῦσαι |
| 97 | Primary φίλωνται· γλυκερή οἱ ἀπὸ στόματος ῥέει αὐδή. |
| 98 | Primary εἰ γάρ τις καὶ πένθος ἔχων νεοκηδέι θυμῷ |
| 99 | Primary ἄζηται κραδίην ἀκαχήμενος, αὐτὰρ ἀοιδὸς |
| 100 | Primary Μουσάων θεράπων κλέεα προτέρων ἀνθρώπων |
| 101 | Primary ὑμνήσῃ μάκαράς τε θεούς, οἳ Ὄλυμπον ἔχουσιν, |
| 102 | Primary αἶψʼ ὅ γε δυσφροσυνέων ἐπιλήθεται οὐδέ τι κηδέων |
| 103 | Primary μέμνηται· ταχέως δὲ παρέτραπε δῶρα θεάων. |
| 104 | Primary χαίρετε, τέκνα Διός, δότε δʼ ἱμερόεσσαν ἀοιδήν. |
| 105 | Primary κλείετε δʼ ἀθανάτων ἱερὸν γένος αἰὲν ἐόντων, |
| 106 | Primary οἳ Γῆς τʼ ἐξεγένοντο καὶ Οὐρανοῦ ἀστερόεντος, |
| 107 | Primary Νυκτός τε δνοφερῆς, οὕς θʼ ἁλμυρὸς ἔτρεφε Πόντος. |
| 108 | Primary εἴπατε δʼ, ὡς τὰ πρῶτα θεοὶ καὶ γαῖα γένοντο |
| 109 | Primary καὶ ποταμοὶ καὶ πόντος ἀπείριτος, οἴδματι θυίων, |
| 110 | Primary ἄστρα τε λαμπετόωντα καὶ οὐρανὸς εὐρὺς ὕπερθεν |
| 111 | Primary οἵ τʼ ἐκ τῶν ἐγένοντο θεοί, δωτῆρες ἐάων |
| 112 | Primary ὥς τʼ ἄφενος δάσσαντο καὶ ὡς τιμὰς διέλοντο |
| 113 | Primary ἠδὲ καὶ ὡς τὰ πρῶτα πολύπτυχον ἔσχον Ὄλυμπον. |
| 114 | Primary ταῦτά μοι ἔσπετε Μοῦσαι, Ὀλύμπια δώματʼ ἔχουσαι |
| 115 | Primary ἐξ ἀρχῆς, καὶ εἴπαθʼ, ὅ τι πρῶτον γένετʼ αὐτῶν. |
| 116 | Primary ἦ τοι μὲν πρώτιστα Χάος γένετʼ, αὐτὰρ ἔπειτα |
| 117 | Primary Γαῖʼ εὐρύστερνος, πάντων ἕδος ἀσφαλὲς αἰεὶ |
| 118 | Primary ἀθανάτων, οἳ ἔχουσι κάρη νιφόεντος Ὀλύμπου, |
| 119 | Primary Τάρταρά τʼ ἠερόεντα μυχῷ χθονὸς εὐρυοδείης, |
| 120 | Primary ἠδʼ Ἔρος, ὃς κάλλιστος ἐν ἀθανάτοισι θεοῖσι, |
| 121 | Primary λυσιμελής, πάντων δὲ θεῶν πάντων τʼ ἀνθρώπων |
| 122 | Primary δάμναται ἐν στήθεσσι νόον καὶ ἐπίφρονα βουλήν. |
| 123 | Primary ἐκ Χάεος δʼ Ἔρεβός τε μέλαινά τε Νὺξ ἐγένοντο· |
| 124 | Primary Νυκτὸς δʼ αὖτʼ Αἰθήρ τε καὶ Ἡμέρη ἐξεγένοντο, |
| 125 | Primary οὓς τέκε κυσαμένη Ἐρέβει φιλότητι μιγεῖσα. |
| 126 | Primary Γαῖα δέ τοι πρῶτον μὲν ἐγείνατο ἶσον ἑαυτῇ |
| 127 | Primary Οὐρανὸν ἀστερόενθʼ, ἵνα μιν περὶ πάντα καλύπτοι, |
| 128 | Primary ὄφρʼ εἴη μακάρεσσι θεοῖς ἕδος ἀσφαλὲς αἰεί. |
| 129 | Primary γείνατο δʼ Οὔρεα μακρά, θεῶν χαρίεντας ἐναύλους, |
| 130 | Primary Νυμφέων, αἳ ναίουσιν ἀνʼ οὔρεα βησσήεντα. |
| 131 | Primary ἣ δὲ καὶ ἀτρύγετον πέλαγος τέκεν, οἴδματι θυῖον, |
| 132 | Primary Πόντον, ἄτερ φιλότητος ἐφιμέρου· αὐτὰρ ἔπειτα |
| 133 | Primary Οὐρανῷ εὐνηθεῖσα τέκʼ Ὠκεανὸν βαθυδίνην, |
| 134 | Primary Κοῖόν τε Κρῖόν θʼ Ὑπερίονά τʼ Ἰαπετόν τε |
| 135 | Primary Θείαν τε Ῥείαν τε Θέμιν τε Μνημοσύνην τε |
| 136 | Primary Φοίβην τε χρυσοστέφανον Τηθύν τʼ ἐρατεινήν. |
| 137 | Primary τοὺς δὲ μέθʼ ὁπλότατος γένετο Κρόνος ἀγκυλομήτης, |
| 138 | Primary δεινότατος παίδων· θαλερὸν δʼ ἤχθηρε τοκῆα. |
| 139 | Primary γείνατο δʼ αὖ Κύκλωπας ὑπέρβιον ἦτορ ἔχοντας, |
| 140 | Primary Βρόντην τε Στερόπην τε καὶ Ἄργην ὀβριμόθυμον, |
| 141 | Primary οἳ Ζηνὶ βροντήν τε δόσαν τεῦξάν τε κεραυνόν. |
| 142 | Primary οἳ δή τοι τὰ μὲν ἄλλα θεοῖς ἐναλίγκιοι ἦσαν, |
| 143 | Primary μοῦνος δʼ ὀφθαλμὸς μέσσῳ ἐνέκειτο μετώπῳ. |
| 144 | Primary Κύκλωπες δʼ ὄνομʼ ἦσαν ἐπώνυμον, οὕνεκʼ ἄρα σφέων |
| 145 | Primary κυκλοτερὴς ὀφθαλμὸς ἕεις ἐνέκειτο μετώπῳ· |
| 146 | Primary ἰσχὺς δʼ ἠδὲ βίη καὶ μηχαναὶ ἦσαν ἐπʼ ἔργοις. |
| 147 | Primary ἄλλοι δʼ αὖ Γαίης τε καὶ Οὐρανοῦ ἐξεγένοντο |
| 148 | Primary τρεῖς παῖδες μεγάλοι τε καὶ ὄβριμοι, οὐκ ὀνομαστοί, |
| 149 | Primary Κόττος τε Βριάρεώς τε Γύης θʼ, ὑπερήφανα τέκνα. |
| 150 | Primary τῶν ἑκατὸν μὲν χεῖρες ἀπʼ ὤμων ἀίσσοντο, |
| 151 | Primary ἄπλαστοι, κεφαλαὶ δὲ ἑκάστῳ πεντήκοντα |
| 152 | Primary ἐξ ὤμων ἐπέφυκον ἐπὶ στιβαροῖσι μέλεσσιν· |
| 153 | Primary ἰσχὺς δʼ ἄπλητος κρατερὴ μεγάλῳ ἐπὶ εἴδει. |
| 154 | Primary ὅσσοι γὰρ Γαίης τε καὶ Οὐρανοῦ ἐξεγένοντο, |
| 155 | Primary δεινότατοι παίδων, σφετέρῳ δʼ ἤχθοντο τοκῆι |
| 156 | Primary ἐξ ἀρχῆς· καὶ τῶν μὲν ὅπως τις πρῶτα γένοιτο, |
| 157 | Primary πάντας ἀποκρύπτασκε, καὶ ἐς φάος οὐκ ἀνίεσκε, |
| 158 | Primary Γαίης ἐν κευθμῶνι, κακῷ δʼ ἐπετέρπετο ἔργῳ |
| 159 | Primary Οὐρανός. ἣ δʼ ἐντὸς στοναχίζετο Γαῖα πελώρη |
| 160 | Primary στεινομένη· δολίην δὲ κακήν τʼ ἐφράσσατο τέχνην. |
| 161 | Primary αἶψα δὲ ποιήσασα γένος πολιοῦ ἀδάμαντος |
| 162 | Primary τεῦξε μέγα δρέπανον καὶ ἐπέφραδε παισὶ φίλοισιν· |
| 163 | Primary εἶπε δὲ θαρσύνουσα, φίλον τετιημένη ἦτορ· |
| 164 | Primary παῖδες ἐμοὶ καὶ πατρὸς ἀτασθάλου, αἴ κʼ ἐθέλητε |
| 165 | Primary πείθεσθαι, πατρός κε κακὴν τισαίμεθα λώβην |
| 166 | Primary ὑμετέρου· πρότερος γὰρ ἀεικέα μήσατο ἔργα. |
| 167 | Primary ὣς φάτο· τοὺς δʼ ἄρα πάντας ἕλεν δέος, οὐδέ τις αὐτῶν |
| 168 | Primary φθέγξατο. θαρσήσας δὲ μέγας Κρόνος ἀγκυλομήτης |
| 169 | Primary ἂψ αὖτις μύθοισι προσηύδα μητέρα κεδνήν· |
| 170 | Primary μῆτερ, ἐγώ κεν τοῦτό γʼ ὑποσχόμενος τελέσαιμι |
| 171 | Primary ἔργον, ἐπεὶ πατρός γε δυσωνύμου οὐκ ἀλεγίζω |
| 172 | Primary ἡμετέρου· πρότερος γὰρ ἀεικέα μήσατο ἔργα. |
| 173 | Primary ὣς φάτο· γήθησεν δὲ μέγα φρεσὶ Γαῖα πελώρη· |
| 174 | Primary εἷσε δέ μιν κρύψασα λόχῳ· ἐνέθηκε δὲ χερσὶν |
| 175 | Primary ἅρπην καρχαρόδοντα· δόλον δʼ ὑπεθήκατο πάντα. |
| 176 | Primary ἦλθε δὲ νύκτʼ ἐπάγων μέγας Οὐρανός, ἀμφὶ δὲ Γαίῃ |
| 177 | Primary ἱμείρων φιλότητος ἐπέσχετο καί ῥʼ ἐτανύσθη |
| 178 | Primary πάντη· ὃ δʼ ἐκ λοχέοιο πάις ὠρέξατο χειρὶ |
| 179 | Primary σκαιῇ, δεξιτερῇ δὲ πελώριον ἔλλαβεν ἅρπην |
| 180 | Primary μακρὴν καρχαρόδοντα, φίλου δʼ ἀπὸ μήδεα πατρὸς |
| 181 | Primary ἐσσυμένως ἤμησε, πάλιν δʼ ἔρριψε φέρεσθαι |
| 182 | Primary ἐξοπίσω· τὰ μὲν οὔ τι ἐτώσια ἔκφυγε χειρός· |
| 183 | Primary ὅσσαι γὰρ ῥαθάμιγγες ἀπέσσυθεν αἱματόεσσαι, |
| 184 | Primary πάσας δέξατο Γαῖα· περιπλομένων δʼ ἐνιαυτῶν |
| 185 | Primary γείνατʼ Ἐρινῦς τε κρατερὰς μεγάλους τε Γίγαντας, |
| 186 | Primary τεύχεσι λαμπομένους, δολίχʼ ἔγχεα χερσὶν ἔχοντας, |
| 187 | Primary Νύμφας θʼ ἃς Μελίας καλέουσʼ ἐπʼ ἀπείρονα γαῖαν. |
| 188 | Primary μήδεα δʼ ὡς τὸ πρῶτον ἀποτμήξας ἀδάμαντι |
| 189 | Primary κάββαλʼ ἀπʼ ἠπείροιο πολυκλύστῳ ἐνὶ πόντῳ, |
| 190 | Primary ὣς φέρετʼ ἂμ πέλαγος πουλὺν χρόνον, ἀμφὶ δὲ λευκὸς |
| 191 | Primary ἀφρὸς ἀπʼ ἀθανάτου χροὸς ὤρνυτο· τῷ δʼ ἔνι κούρη |
| 192 | Primary ἐθρέφθη· πρῶτον δὲ Κυθήροισιν ζαθέοισιν |
| 193 | Primary ἔπλητʼ, ἔνθεν ἔπειτα περίρρυτον ἵκετο Κύπρον. |
| 194 | Primary ἐκ δʼ ἔβη αἰδοίη καλὴ θεός, ἀμφὶ δὲ ποίη |
| 195 | Primary ποσσὶν ὕπο ῥαδινοῖσιν ἀέξετο· τὴν δʼ Ἀφροδίτην |
| 196 | Primary ἀφρογενέα τε θεὰν καὶ ἐυστέφανον Κυθέρειαν |
| 197 | Primary κικλῄσκουσι θεοί τε καὶ ἀνέρες, οὕνεκʼ ἐν ἀφρῷ |
| 198 | Primary θρέφθη· ἀτὰρ Κυθέρειαν, ὅτι προσέκυρσε Κυθήροις· |
| 199 | Primary Κυπρογενέα δʼ, ὅτι γέντο πολυκλύστῳ ἐνὶ Κύπρῳ· |
| 200 | Primary ἠδὲ φιλομμηδέα, ὅτι μηδέων ἐξεφαάνθη. |
| 201 | Primary τῇ δʼ Ἔρος ὡμάρτησε καὶ Ἵμερος ἕσπετο καλὸς |
| 202 | Primary γεινομένῃ τὰ πρῶτα θεῶν τʼ ἐς φῦλον ἰούσῃ. |
| 203 | Primary ταύτην δʼ ἐξ ἀρχῆς τιμὴν ἔχει ἠδὲ λέλογχε |
| 204 | Primary μοῖραν ἐν ἀνθρώποισι καὶ ἀθανάτοισι θεοῖσι, |
| 205 | Primary παρθενίους τʼ ὀάρους μειδήματά τʼ ἐξαπάτας τε |
| 206 | Primary τέρψιν τε γλυκερὴν φιλότητά τε μειλιχίην τε. |
| 207 | Primary τοὺς δὲ πατὴρ Τιτῆνας ἐπίκλησιν καλέεσκε |
| 208 | Primary παῖδας νεικείων μέγας Οὐρανός, οὓς τέκεν αὐτός· |
| 209 | Primary φάσκε δὲ τιταίνοντας ἀτασθαλίῃ μέγα ῥέξαι |
| 210 | Primary ἔργον, τοῖο δʼ ἔπειτα τίσιν μετόπισθεν ἔσεσθαι. |
| 211 | Primary νὺξ δʼ ἔτεκεν στυγερόν τε Μόρον καὶ Κῆρα μέλαιναν |
| 212 | Primary καὶ Θάνατον, τέκε δʼ Ὕπνον, ἔτικτε δὲ φῦλον Ὀνείρων· |
| 214 | Primary δεύτερον αὖ Μῶμον καὶ Ὀιζὺν ἀλγινόεσσαν |
| 213 | Primary οὔ τινι κοιμηθεῖσα θεὰ τέκε Νὺξ ἐρεβεννή, |
| 215 | Primary Ἑσπερίδας θʼ, ᾗς μῆλα πέρην κλυτοῦ Ὠκεανοῖο |
| 216 | Primary χρύσεα καλὰ μέλουσι φέροντά τε δένδρεα καρπόν. |
| 217 | Primary καὶ Μοίρας καὶ Κῆρας ἐγείνατο νηλεοποίνους, |
| 218 | Primary Κλωθώ τε Λάχεσίν τε καὶ Ἄτροπον, αἵτε βροτοῖσι |
| 219 | Primary γεινομένοισι διδοῦσιν ἔχειν ἀγαθόν τε κακόν τε, |
| 220 | Primary αἵτʼ ἀνδρῶν τε θεῶν τε παραιβασίας ἐφέπουσιν· |
| 221 | Primary οὐδέ ποτε λήγουσι θεαὶ δεινοῖο χόλοιο, |
| 222 | Primary πρίν γʼ ἀπὸ τῷ δώωσι κακὴν ὄπιν, ὅς τις ἁμάρτῃ. |
| 223 | Primary τίκτε δὲ καὶ Νέμεσιν, πῆμα θνητοῖσι βροτοῖσι, |
| 224 | Primary Νὺξ ὀλοή· μετὰ τὴν δʼ Ἀπάτην τέκε καὶ Φιλότητα |
| 225 | Primary Γῆράς τʼ οὐλόμενον, καὶ Ἔριν τέκε καρτερόθυμον. |
| 226 | Primary αὐτὰρ Ἔρις στυγερὴ τέκε μὲν Πόνον ἀλγινόεντα |
| 227 | Primary Λήθην τε Λιμόν τε καὶ Ἄλγεα δακρυόεντα |
| 228 | Primary Ὑσμίνας τε Μάχας τε Φόνους τʼ Ἀνδροκτασίας τε |
| 229 | Primary Νείκεά τε ψευδέας τε Λόγους Ἀμφιλλογίας τε |
| 230 | Primary Δυσνομίην τʼ Ἄτην τε, συνήθεας ἀλλήλῃσιν, |
| 231 | Primary Ὅρκον θʼ, ὃς δὴ πλεῖστον ἐπιχθονίους ἀνθρώπους |
| 232 | Primary πημαίνει, ὅτε κέν τις ἑκὼν ἐπίορκον ὀμόσσῃ. |
| 233 | Primary Νηρέα δʼ ἀψευδέα καὶ ἀληθέα γείνατο Πόντος, |
| 234 | Primary πρεσβύτατον παίδων· αὐτὰρ καλέουσι γέροντα, |
| 235 | Primary οὕνεκα νημερτής τε καὶ ἤπιος, οὐδὲ θεμιστέων |
| 236 | Primary λήθεται, ἀλλὰ δίκαια καὶ ἤπια δήνεα οἶδεν· |
| 237 | Primary αὖτις δʼ αὖ Θαύμαντα μέγαν καὶ ἀγήνορα Φόρκυν |
| 238 | Primary Γαίῃ μισγόμενος καὶ Κητὼ καλλιπάρῃον |
| 239 | Primary Εὐρυβίην τʼ ἀδάμαντος ἐνὶ φρεσὶ θυμὸν ἔχουσαν. |
| 240 | Primary Νηρῆος δʼ ἐγένοντο μεγήρατα τέκνα θεάων |
| 241 | Primary πόντῳ ἐν ἀτρυγέτῳ καὶ Δωρίδος ἠυκόμοιο, |
| 242 | Primary κούρης Ὠκεανοῖο, τελήεντος ποταμοῖο, |
| 243 | Primary Πλωτώ τʼ Εὐκράντη τε Σαώ τʼ Ἀμφιτρίτη τε |
| 244 | Primary Εὐδώρη τε Θέτις τε Γαλήνη τε Γλαύκη τε |
| 245 | Primary Κυμοθόη Σπειώ τε Θόη θʼ Ἀλίη τʼ ἐρόεσσα |
| 246 | Primary Πασιθέη τʼ Ἐρατώ τε καὶ Εὐνίκη ῥοδόπηχυς |
| 247 | Primary καὶ Μελίτη χαρίεσσα καὶ Εὐλιμένη καὶ Ἀγαυὴ |
| 248 | Primary Δωτώ τε Πρωτώ τε Φέρουσά τε Δυναμένη τε |
| 249 | Primary Νησαίη τε καὶ Ἀκταίη καὶ Πρωτομέδεια |
| 250 | Primary Δωρὶς καὶ Πανόπεια καὶ εὐειδὴς Γαλάτεια |
| 251 | Primary Ἱπποθόη τʼ ἐρόεσσα καὶ Ἱππονόη ῥοδόπηχυς |
| 252 | Primary Κυμοδόκη θʼ, ἣ κύματʼ ἐν ἠεροειδέι πόντῳ |
| 253 | Primary πνοιάς τε ζαέων ἀνέμων σὺν Κυματολήγῃ |
| 254 | Primary ῥεῖα πρηΰνει καὶ ἐυσφύρῳ Ἀμφιτρίτῃ, |
| 255 | Primary Κυμώ τʼ Ἠιόνη τε ἐυστέφανός θʼ Ἁλιμήδη |
| 256 | Primary Γλαυκονόμη τε φιλομμειδὴς καὶ Ποντοπόρεια |
| 257 | Primary Ληαγόρη τε καὶ Εὐαγόρη καὶ Λαομέδεια |
| 258 | Primary Πουλυνόη τε καὶ Αὐτονόη καὶ Λυσιάνασσα |
| 259 | Primary Εὐάρνη τε φυήν τʼ ἐρατὴ καὶ εἶδος ἄμωμος |
| 260 | Primary καὶ Ψαμάθη χαρίεσσα δέμας δίη τε Μενίππη |
| 261 | Primary Νησώ τʼ Εὐπόμπη τε Θεμιστώ τε Προνόη τε |
| 262 | Primary Νημερτής θʼ, ἣ πατρὸς ἔχει νόον ἀθανάτοιο. |
| 263 | Primary αὗται μὲν Νηρῆος ἀμύμονος ἐξεγένοντο |
| 264 | Primary κοῦραι πεντήκοντα, ἀμύμονα ἔργα ἰδυῖαι. |
| 265 | Primary Θαύμας δʼ Ὠκεανοῖο βαθυρρείταο θύγατρα |
| 266 | Primary ἠγάγετʼ Ἠλέκτρην· ἣ δʼ ὠκεῖαν τέκεν Ἶριν |
| 267 | Primary ἠυκόμους θʼ Ἁρπυίας Ἀελλώ τʼ Ὠκυπέτην τε, |
| 268 | Primary αἵ ῥʼ ἀνέμων πνοιῇσι καὶ οἰωνοῖς ἅμʼ ἕπονται |
| 269 | Primary ὠκείῃς πτερύγεσσι· μεταχρόνιαι γὰρ ἴαλλον. |
| 270 | Primary Φόρκυϊ δʼ αὖ Κητὼ Γραίας τέκε καλλιπαρῄους |
| 271 | Primary ἐκ γενετῆς πολιάς, τὰς δὴ Γραίας καλέουσιν |
| 272 | Primary ἀθάνατοί τε θεοὶ χαμαὶ ἐρχόμενοί τʼ ἄνθρωποι, |
| 273 | Primary Πεμφρηδώ τʼ ἐύπεπλον Ἐνυώ τε κροκόπεπλον, |
| 274 | Primary Γοργούς θʼ, αἳ ναίουσι πέρην κλυτοῦ Ὠκεανοῖο |
| 275 | Primary ἐσχατιῇ πρὸς Νυκτός, ἵνʼ Ἑσπερίδες λιγύφωνοι, |
| 276 | Primary Σθεννώ τʼ Εὐρυάλη τε Μέδουσά τε λυγρὰ παθοῦσα. |
| 277 | Primary ἣ μὲν ἔην θνητή, αἳ δʼ ἀθάνατοι καὶ ἀγήρῳ, |
| 278 | Primary αἱ δύο· τῇ δὲ μιῇ παρελέξατο Κυανοχαίτης |
| 279 | Primary ἐν μαλακῷ λειμῶνι καὶ ἄνθεσιν εἰαρινοῖσιν. |
| 280 | Primary τῆς δʼ ὅτε δὴ Περσεὺς κεφαλὴν ἀπεδειροτόμησεν, |
| 281 | Primary ἔκθορε Χρυσαωρ τε μέγας καὶ Πήγασος ἵππος. |
| 282 | Primary τῷ μὲν ἐπώνυμον ἦεν, ὅτʼ Ὠκεανοῦ περὶ πηγὰς |
| 283 | Primary γένθʼ, ὃ δʼ ἄορ χρύσειον ἔχων μετὰ χερσὶ φίλῃσιν. |
| 284 | Primary χὠ μὲν ἀποπτάμενος προλιπὼν χθόνα, μητέρα μήλων, |
| 285 | Primary ἵκετʼ ἐς ἀθανάτους· Ζηνὸς δʼ ἐν δώμασι ναίει |
| 286 | Primary βροντήν τε στεροπήν τε φέρων Διὶ μητιόεντι. |
| 287 | Primary Χρυσάωρ δʼ ἔτεκεν τρικέφαλον Γηρυονῆα |
| 288 | Primary μιχθεὶς Καλλιρόῃ κούρῃ κλυτοῦ Ὠκεανοῖο. |
| 289 | Primary τὸν μὲν ἄρʼ ἐξενάριξε βίη Ἡρακληείη |
| 290 | Primary βουσὶ παρʼ εἰλιπόδεσσι περιρρύτῳ εἰν Ἐρυθείῃ |
| 291 | Primary ἤματι τῷ ὅτε περ βοῦς ἤλασεν εὐρυμετώπους |
| 292 | Primary Τίρυνθʼ εἰς ἱερὴν διαβὰς πόρον Ὠκεανοῖο |
| 293 | Primary Ὄρθον τε κτείνας καὶ βουκόλον Εὐρυτίωνα |
| 294 | Primary σταθμῷ ἐν ἠερόεντι πέρην κλυτοῦ Ὠκεανοῖο. |
| 295 | Primary ἣ δʼ ἔτεκʼ ἄλλο πέλωρον ἀμήχανον, οὐδὲν ἐοικὸς |
| 296 | Primary θνητοῖς ἀνθρώποις οὐδʼ ἀθανάτοισι θεοῖσιν, |
| 297 | Primary σπῆι ἔνι γλαφυρῷ θείην κρατερόφρονʼ Ἔχιδναν, |
| 298 | Primary ἥμισυ μὲν νύμφην ἑλικώπιδα καλλιπάρῃον, |
| 299 | Primary ἥμισυ δʼ αὖτε πέλωρον ὄφιν δεινόν τε μέγαν τε |
| 300 | Primary αἰόλον ὠμηστὴν ζαθέης ὑπὸ κεύθεσι γαίης. |
| 301 | Primary ἔνθα δέ οἱ σπέος ἐστὶ κάτω κοίλῃ ὑπὸ πέτρῃ |
| 302 | Primary τηλοῦ ἀπʼ ἀθανάτων τε θεῶν θνητῶν τʼ ἀνθρώπων· |
| 303 | Primary ἔνθʼ ἄρα οἱ δάσσαντο θεοὶ κλυτὰ δώματα ναίειν. |
| 304 | Primary ἣ δʼ ἔρυτʼ εἰν Ἀρίμοισιν ὑπὸ χθονὶ λυγρὴ Ἔχιδνα, |
| 305 | Primary ἀθάνατος νύμφη καὶ ἀγήραος ἤματα πάντα. |
| 306 | Primary τῇ δὲ Τυφάονά φασι μιγήμεναι ἐν φιλότητι |
| 307 | Primary δεινόν θʼ ὑβριστήν τʼ ἄνομόν θʼ ἑλικώπιδι κούρῃ· |
| 308 | Primary ἣ δʼ ὑποκυσαμένη τέκετο κρατερόφρονα τέκνα. |
| 309 | Primary Ὄρθον μὲν πρῶτον κύνα γείνατο Γηρυονῆι· |
| 310 | Primary δεύτερον αὖτις ἔτικτεν ἀμήχανον, οὔ τι φατειὸν |
| 311 | Primary Κέρβερον ὠμηστήν, Ἀίδεω κύνα χαλκεόφωνον, |
| 312 | Primary πεντηκοντακέφαλον, ἀναιδέα τε κρατερόν τε· |
| 313 | Primary τὸ τρίτον Ὕδρην αὖτις ἐγείνατο λυγρὰ ἰδυῖαν |
| 314 | Primary Λερναίην, ἣν θρέψε θεὰ λευκώλενος Ἥρη |
| 315 | Primary ἄπλητον κοτέουσα βίῃ Ἡρακληείῃ. |
| 316 | Primary καὶ τὴν μὲν Διὸς υἱὸς ἐνήρατο νηλέι χαλκῷ |
| 317 | Primary Ἀμφιτρυωνιάδης σὺν ἀρηιφίλῳ Ἰολάῳ |
| 318 | Primary Ηρακλέης βουλῇσιν Ἀθηναίης ἀγελείης. |
| 319 | Primary ἣ δὲ Χίμαιραν ἔτικτε πνέουσαν ἀμαιμάκετον πῦρ, |
| 320 | Primary δεινήν τε μεγάλην τε ποδώκεά τε κρατερήν τε· |
| 321 | Primary τῆς δʼ ἦν τρεῖς κεφαλαί· μία μὲν χαροποῖο λέοντος, |
| 322 | Primary ἣ δὲ χιμαίρης, ἣ δʼ ὄφιος, κρατεροῖο δράκοντος, |
| 323 | Primary πρόσθε λέων, ὄπιθεν δὲ δράκων, μέσση δὲ χίμαιρα, |
| 324 | Primary δεινὸν ἀποπνείουσα πυρὸς μένος αἰθομένοιο. |
| 325 | Primary τὴν μὲν Πήγασος εἷλε καὶ ἐσθλὸς Βελλεροφόντης. |
| 326 | Primary ἣ δʼ ἄρα Φῖκʼ ὀλοὴν τέκε Καδμείοισιν ὄλεθρον |
| 327 | Primary Ὅρθῳ ὑποδμηθεῖσα Νεμειαῖόν τε λέοντα, |
| 328 | Primary τόν ῥʼ Ἥρη θρέψασα Διὸς κυδρὴ παράκοιτις |
| 329 | Primary γουνοῖσιν κατένασσε Νεμείης, πῆμʼ ἀνθρώποις. |
| 330 | Primary ἔνθʼ ἄρʼ ὃ οἰκείων ἐλεφαίρετο φῦλʼ ἀνθρώπων, |
| 331 | Primary κοιρανέων Τρητοῖο Νεμείης ἠδʼ Ἀπέσαντος· |
| 332 | Primary ἀλλά ἑ ἲς ἐδάμασσε βίης Ἡρακληείης. |
| 333 | Primary Κητὼ δʼ ὁπλότατον Φόρκυι φιλότητι μιγεῖσα |
| 334 | Primary γείνατο δεινὸν ὄφιν, ὃς ἐρεμνῆς κεύθεσι γαίης |
| 335 | Primary πείρασιν ἐν μεγάλοις παγχρύσεα μῆλα φυλάσσει. |
| 336 | Primary τοῦτο μὲν ἐκ Κητοῦς καὶ Φόρκυνος γένος ἐστίν. |
| 337 | Primary Τηθὺς δʼ Ὠκεανῷ Ποταμοὺς τέκε δινήεντας, |
| 338 | Primary Νεῖλόν τʼ Ἀλφειόν τε καὶ Ἠριδανὸν βαθυδίνην |
| 339 | Primary Στρυμόνα Μαίανδρόν τε καὶ Ἴστρον καλλιρέεθρον |
| 340 | Primary Φᾶσίν τε Ῥῆσόν τʼ Ἀχελώιόν τʼ ἀργυροδίνην |
| 341 | Primary Νέσσον τε Ῥοδίον θʼ Ἁλιάκμονά θʼ Ἑπτάπορόν τε |
| 342 | Primary Γρήνικόν τε καὶ Αἴσηπον θεῖόν τε Σιμοῦντα |
| 343 | Primary Πηνειόν τε καὶ Ἕρμον ἐυρρείτην τε Κάικον |
| 344 | Primary Σαγγάριόν τε μέγαν Λάδωνά τε Παρθένιόν τε |
| 345 | Primary Εὔηνόν τε καὶ Ἄρδησκον θεῖόν τε Σκάμανδρον. |
| 346 | Primary τίκτε δὲ θυγατέρων ἱερὸν γένος, αἳ κατὰ γαῖαν |
| 347 | Primary ἄνδρας κουρίζουσι σὺν Ἀπόλλωνι ἄνακτι |
| 348 | Primary καὶ Ποταμοῖς, ταύτην δὲ Διὸς πάρα μοῖραν ἔχουσι, |
| 349 | Primary Πειθώ τʼ Ἀδμήτη τε Ἰάνθη τʼ Ἠλέκτρη τε |
| 350 | Primary Δωρίς τε Πρυμνώ τε καὶ Οὐρανίη θεοειδὴς |
| 351 | Primary Ἱππώ τε Κλυμένη τε Ῥόδειά τε Καλλιρόη τε |
| 352 | Primary Ζευξώ τε Κλυτίη τε Ἰδυῖά τε Πασιθόη τε |
| 353 | Primary Πληξαύρη τε Γαλαξαύρη τʼ ἐρατή τε Διώνη |
| 354 | Primary Μηλόβοσίς τε Φόη τε καὶ εὐειδὴς Πολυδώρη |
| 355 | Primary Κερκηίς τε φυὴν ἐρατὴ Πλουτώ τε βοῶπις |
| 356 | Primary Περσηίς τʼ Ἰάνειρά τʼ Ἀκάστη τε Ξάνθη τε |
| 357 | Primary Πετραίη τʼ ἐρόεσσα Μενεσθώ τʼ Εὐρώπη τε |
| 358 | Primary Μῆτίς τʼ Εὐρυνόμη τε Τελεστώ τε Κροκοπεπλος |
| 359 | Primary Χρυσηίς τʼ Ἀσίη τε καὶ ἱμερόεσσα Καλυψὼ |
| 360 | Primary Εὐδώρη τε Τύχη τε καὶ Ἀμφιρὼ Ὠκυρόη τε |
| 361 | Primary καὶ Στύξ, ἣ δή σφεων προφερεστάτη ἐστὶν ἁπασέων. |
| 362 | Primary αὗται δʼ Ὠκεανοῦ καὶ Τηθύος ἐξεγένοντο |
| 363 | Primary πρεσβύταται κοῦραι· πολλαί γε μέν εἰσι καὶ ἄλλαι. |
| 364 | Primary τρὶς γὰρ χίλιαί εἰσι τανύσφυροι Ὠκεανῖναι, |
| 365 | Primary αἵ ῥα πολυσπερέες γαῖαν καὶ βένθεα λίμνης |
| 366 | Primary πάντη ὁμῶς ἐφέπουσι, θεάων ἀγλαὰ τέκνα. |
| 367 | Primary τόσσοι δʼ αὖθʼ ἕτεροι ποταμοὶ καναχηδὰ ῥέοντες, |
| 368 | Primary υἱέες Ὠκεανοῦ, τοὺς γείνατο πότνια Τηθύς· |
| 369 | Primary τῶν ὄνομʼ ἀργαλέον πάντων βροτὸν ἀνέρʼ ἐνισπεῖν, |
| 370 | Primary οἳ δὲ ἕκαστοι ἴσασιν, ὅσοι περιναιετάωσιν. |
| 371 | Primary θεία δʼ Ἠέλιόν τε μέγαν λαμπράν τε Σελήνην |
| 372 | Primary Ἠῶ θʼ, ἣ πάντεσσιν ἐπιχθονίοισι φαείνει |
| 373 | Primary ἀθανάτοις τε θεοῖσι, τοὶ οὐρανὸν εὐρὺν ἔχουσι, |
| 374 | Primary γείναθʼ ὑποδμηθεῖσʼ Ὑπερίονος ἐν φιλότητι. |
| 375 | Primary Κρίῳ δʼ Εὐρυβίν τέκεν ἐν φιλότητι μιγεῖσα |
| 376 | Primary Ἀστραῖόν τε μέγαν Πάλλαντά τε δῖα θεάων |
| 377 | Primary Πέρσην θʼ, ὃς καὶ πᾶσι μετέπρεπεν ἰδμοσύνῃσιν. |
| 378 | Primary Ἀστραίῳ δʼ Ἠὼς ἀνέμους τέκε καρτεροθύμους, |
| 379 | Primary ἀργέστην Ζέφυρον Βορέην τʼ αἰψηροκέλευθον |
| 380 | Primary καὶ Νότον, ἐν φιλότητι θεὰ θεῷ εὐνηθεῖσα. |
| 381 | Primary τοὺς δὲ μέτʼ ἀστέρα τίκτεν Ἑωσφόρον Ἠριγένεια |
| 382 | Primary ἄστρα τε λαμπετόωντα, τά τʼ οὐρανὸς ἐστεφάνωται. |
| 383 | Primary Στὺξ δʼ ἔτεκʼ Ὠκεανοῦ θυγάτηρ Πάλλαντι μιγεῖσα |
| 384 | Primary Ζῆλον καὶ Νίκην καλλίσφυρον ἐν μεγάροισιν· |
| 385 | Primary καὶ Κράτος ἠδὲ Βίην ἀριδείκετα γείνατο τέκνα, |
| 386 | Primary τῶν οὐκ ἔστʼ ἀπάνευθε Διὸς δόμος, οὐδέ τις ἕδρη, |
| 387 | Primary οὐδʼ ὁδός, ὅππη μὴ κείνοις θεὸς ἡγεμονεύῃ, |
| 388 | Primary ἀλλʼ αἰεὶ πὰρ Ζηνὶ βαρυκτύπῳ ἑδριόωνται. |
| 389 | Primary ὣς γὰρ ἐβούλευσεν Στὺξ ἄφθιτος Ὠκεανίνη |
| 390 | Primary ἤματι τῷ, ὅτε πάντας Ὀλύμπιος ἀστεροπητὴς |
| 391 | Primary ἀθανάτους ἐκάλεσσε θεοὺς ἐς μακρὸν Ὄλυμπον, |
| 392 | Primary εἶπε δʼ, ὃς ἂν μετὰ εἷο θεῶν Τιτῆσι μάχοιτο, |
| 393 | Primary μή τινʼ ἀπορραίσειν γεράων, τιμὴν δὲ ἕκαστον |
| 394 | Primary ἑξέμεν, ἣν τὸ πάρος γε μετʼ ἀθανάτοισι θεοῖσιν |
| 395 | Primary τὸν δʼ ἔφαθʼ, ὅστις ἄτιμος ὑπὸ Κρόνου ἠδʼ ἀγέραστος, |
| 396 | Primary τιμῆς καὶ γεράων ἐπιβησέμεν, ἧ θέμις ἐστίν. |
| 397 | Primary ἦλθε δʼ ἄρα πρώτη Στὺξ ἄφθιτος Οὔλυμπόνδε |
| 398 | Primary σὺν σφοῖσιν παίδεσσι φίλου διὰ μήδεα πατρός. |
| 399 | Primary τὴν δὲ Ζεὺς τίμησε, περισσὰ δὲ δῶρα δέδωκεν. |
| 400 | Primary αὐτὴν μὲν γὰρ ἔθηκε θεῶν μέγαν ἔμμεναι ὅρκον, |
| 401 | Primary παῖδας δʼ ἤματα πάντα ἑοῦ μεταναιέτας εἶναι. |
| 402 | Primary ὣς δʼ αὔτως πάντεσσι διαμπερές, ὥς περ ὑπέστη, |
| 403 | Primary ἐξετέλεσσʼ· αὐτὸς δὲ μέγα κρατεῖ ἠδὲ ἀνάσσει. |
| 404 | Primary φοίβη δʼ αὖ Κοίου πολυήρατον ἦλθεν ἐς εὐνήν· |
| 405 | Primary κυσαμένη δὴ ἔπειτα θεὰ θεοῦ ἐν φιλότητι |
| 406 | Primary Λητὼ κυανόπεπλον ἐγείνατο, μείλιχον αἰεί, |
| 407 | Primary ἤπιον ἀνθρώποισι καὶ ἀθανάτοισι θεοῖσιν, |
| 408 | Primary μείλιχον ἐξ ἀρχῆς, ἀγανώτατον ἐντὸς Ὀλύμπου. |
| 409 | Primary γείνατο δʼ Ἀστερίην ἐυώνυμον, ἥν ποτε Πέρσης |
| 410 | Primary ἠγάγετʼ ἐς μέγα δῶμα φίλην κεκλῆσθαι ἄκοιτιν. |
| 411 | Primary ἢ δʼ ὑποκυσαμένη Ἑκάτην τέκε, τὴν περὶ πάντων |
| 412 | Primary Ζεὺς Κρονίδης τίμησε· πόρεν δέ οἱ ἀγλαὰ δῶρα, |
| 413 | Primary μοῖραν ἔχειν γαίης τε καὶ ἀτρυγέτοιο θαλάσσης. |
| 414 | Primary ἣ δὲ καὶ ἀστερόεντος ἀπʼ οὐρανοῦ ἔμμορε τιμῆς |
| 415 | Primary ἀθανάτοις τε θεοῖσι τετιμένη ἐστὶ μάλιστα. |
| 416 | Primary καὶ γὰρ νῦν, ὅτε πού τις ἐπιχθονίων ἀνθρώπων |
| 417 | Primary ἔρδων ἱερὰ καλὰ κατὰ νόμον ἱλάσκηται, |
| 418 | Primary κικλῄσκει Ἑκάτην. πολλή τέ οἱ ἕσπετο τιμὴ |
| 419 | Primary ῥεῖα μάλʼ, ᾧ πρόφρων γε θεὰ ὑποδέξεται εὐχάς, |
| 420 | Primary καί τέ οἱ ὄλβον ὀπάζει, ἐπεὶ δύναμίς γε πάρεστιν. |
| 421 | Primary ὅσσοι γὰρ Γαίης τε καὶ Οὐρανοῦ ἐξεγένοντο |
| 422 | Primary καὶ τιμὴν ἔλαχον, τούτων ἔχει αἶσαν ἁπάντων. |
| 423 | Primary οὐδέ τί μιν Κρονίδης ἐβιήσατο οὐδέ τʼ ἀπηύρα, |
| 424 | Primary ὅσσʼ ἔλαχεν Τιτῆσι μετὰ προτέροισι θεοῖσιν, |
| 425 | Primary ἀλλʼ ἔχει, ὡς τὸ πρῶτον ἀπʼ ἀρχῆς ἔπλετο δασμός, |
| 427 | Primary καὶ γέρας ἐν γαίῃ τε καὶ οὐρανῷ ἠδὲ θαλάσσῃ· |
| 426 | Primary οὐδʼ, ὅτι μουνογενής, ἧσσον θεὰ ἔμμορε τιμῆς, |
| 428 | Primary ἀλλʼ ἔτι καὶ πολὺ μᾶλλον, ἐπεὶ Ζεὺς τίεται αὐτήν. |
| 429 | Primary ᾧ δʼ ἐθέλει, μεγάλως παραγίγνεται ἠδʼ ὀνίνησιν· |
| 434 | Primary ἔν τε δίκῃ βασιλεῦσι παρʼ αἰδοίοισι καθίζει, |
| 430 | Primary ἔν τʼ ἀγορῇ λαοῖσι μεταπρέπει, ὅν κʼ ἐθέλῃσιν· |
| 431 | Primary ἠδʼ ὁπότʼ ἐς πόλεμον φθεισήνορα θωρήσσωνται |
| 432 | Primary ἀνέρες, ἔνθα θεὰ παραγίγνεται, οἷς κʼ ἐθέλῃσι |
| 433 | Primary νίκην προφρονέως ὀπάσαι καὶ κῦδος ὀρέξαι. |
| 435 | Primary ἐσθλὴ δʼ αὖθʼ ὁπότʼ ἄνδρες ἀεθλεύωσιν ἀγῶνι, |
| 436 | Primary ἔνθα θεὰ καὶ τοῖς παραγίγνεται ἠδʼ ὀνίνησιν· |
| 437 | Primary νικήσας δὲ βίῃ καὶ κάρτεϊ καλὸν ἄεθλον |
| 438 | Primary ῥεῖα φέρει χαίρων τε, τοκεῦσι δὲ κῦδος ὀπάζει. |
| 439 | Primary ἐσθλὴ δʼ ἱππήεσσι παρεστάμεν, οἷς κʼ ἐθέλῃσιν. |
| 440 | Primary καὶ τοῖς, οἳ γλαυκὴν δυσπέμφελον ἐργάζονται, |
| 441 | Primary εὔχονται δʼ Ἑκάτῃ καὶ ἐρικτύπῳ Ἐννοσιγαίῳ, |
| 442 | Primary ῥηιδίως ἄγρην κυδρὴ θεὸς ὤπασε πολλήν, |
| 443 | Primary ῥεῖα δʼ ἀφείλετο φαινομένην, ἐθέλουσά γε θυμῷ. |
| 444 | Primary ἐσθλὴ δʼ ἐν σταθμοῖσι σὺν Ἑρμῇ ληίδʼ ἀέξειν· |
| 445 | Primary βουκολίας δʼ ἀγέλας τε καὶ αἰπόλια πλατέʼ αἰγῶν |
| 446 | Primary ποίμνας τʼ εἰροπόκων ὀίων, θυμῷ γʼ ἐθέλουσα, |
| 447 | Primary ἐξ ὀλίγων βριάει κἀκ πολλῶν μείονα θῆκεν. |
| 448 | Primary οὕτω τοι καὶ μουνογενὴς ἐκ μητρὸς ἐοῦσα |
| 449 | Primary πᾶσι μετʼ ἀθανάτοισι τετίμηται γεράεσσιν. |
| 450 | Primary θῆκε δέ μιν Κρονίδης κουροτρόφον, οἳ μετʼ ἐκείνην |
| 451 | Primary ὀφθαλμοῖσιν ἴδοντο φάος πολυδερκέος Ἠοῦς. |
| 452 | Primary οὕτως ἐξ ἀρχῆς κουροτρόφος, αἳ δέ τε τιμαί. |
| 453 | Primary Ῥείη δὲ δμηθεῖσα Κρόνῳ τέκε φαίδιμα τέκνα, |
| 454 | Primary Ἱστίην Δήμητρα καὶ Ἥρην χρυσοπέδιλον |
| 455 | Primary ἴφθιμόν τʼ Ἀίδην, ὃς ὑπὸ χθονὶ δώματα ναίει |
| 456 | Primary νηλεὲς ἦτορ ἔχων, καὶ ἐρίκτυπον Ἐννοσίγαιον |
| 457 | Primary Ζῆνά τε μητιόεντα, θεῶν πατέρʼ ἠδὲ καὶ ἀνδρῶν, |
| 458 | Primary τοῦ καὶ ὑπὸ βροντῆς πελεμίζεται εὐρεῖα χθών. |
| 459 | Primary καὶ τοὺς μὲν κατέπινε μέγας Κρόνος, ὥς τις ἕκαστος |
| 460 | Primary νηδύος ἐξ ἱερῆς μητρὸς πρὸς γούναθʼ ἵκοιτο, |
| 461 | Primary τὰ φρονέων, ἵνα μή τις ἀγαυῶν Οὐρανιώνων |
| 462 | Primary ἄλλος ἐν ἀθανάτοισιν ἔχοι βασιληίδα τιμήν. |
| 463 | Primary πεύθετο γὰρ Γαίης τε καὶ Οὐρανοῦ ἀστερόεντος, |
| 464 | Primary οὕνεκά οἱ πέπρωτο ἑῷ ὑπὸ παιδὶ δαμῆναι |
| 465 | Primary καὶ κρατερῷ περ ἐόντι, Διὸς μεγάλου διὰ βουλάς· |
| 466 | Primary τῷ ὅ γʼ ἄρʼ οὐκ ἀλαὸς σκοπιὴν ἔχεν, ἀλλὰ δοκεύων |
| 467 | Primary παῖδας ἑοὺς κατέπινε· Ῥέην δʼ ἔχε πένθος ἄλαστον. |
| 468 | Primary ἀλλʼ ὅτε δὴ Δίʼ ἔμελλε θεῶν πατέρʼ ἠδὲ καὶ ἀνδρῶν |
| 469 | Primary τέξεσθαι, τότʼ ἔπειτα φίλους λιτάνευε τοκῆας |
| 470 | Primary τοὺς αὐτῆς, Γαῖάν τε καὶ Οὐρανὸν ἀστερόεντα, |
| 471 | Primary μῆτιν συμφράσσασθαι, ὅπως λελάθοιτο τεκοῦσα |
| 472 | Primary παῖδα φίλον, τίσαιτο δʼ ἐρινῦς πατρὸς ἑοῖο |
| 473 | Primary παίδων θʼ, οὓς κατέπινε μέγας Κρόνος ἀγκυλομήτης. |
| 474 | Primary οἳ δὲ θυγατρὶ φίλῃ μάλα μὲν κλύον ἠδʼ ἐπίθοντο, |
| 475 | Primary καί οἱ πεφραδέτην, ὅσα περ πέπρωτο γενέσθαι |
| 476 | Primary ἀμφὶ Κρόνῳ βασιλῆι καὶ υἱέι καρτεροθύμῳ. |
| 477 | Primary πέμψαν δʼ ἐς Λύκτον, Κρήτης ἐς πίονα δῆμον, |
| 478 | Primary ὁππότʼ ἄρʼ ὁπλότατον παίδων τέξεσθαι ἔμελλε, |
| 479 | Primary Ζῆνα μέγαν· τὸν μέν οἱ ἐδέξατο Γαῖα πελώρη |
| 480 | Primary Κρήτῃ ἐν εὐρείῃ τραφέμεν ἀτιταλλέμεναί τε. |
| 481 | Primary ἔνθα μιν ἷκτο φέρουσα θοὴν διὰ νύκτα μέλαιναν |
| 482 | Primary πρώτην ἐς Λύκτον· κρύψεν δέ ἑ χερσὶ λαβοῦσα |
| 483 | Primary ἄντρῳ ἐν ἠλιβάτῳ, ζαθέης ὑπὸ κεύθεσι γαίης, |
| 484 | Primary Αἰγαίῳ ἐν ὄρει πεπυκασμένῳ ὑλήεντι. |
| 485 | Primary τῷ δὲ σπαργανίσασα μέγαν λίθον ἐγγυάλιξεν |
| 486 | Primary Οὐρανίδῃ μέγʼ ἄνακτι, θεῶν προτέρῳ βασιλῆι. |
| 487 | Primary τὸν τόθʼ ἑλὼν χείρεσσιν ἑὴν ἐσκάτθετο νηδὺν |
| 488 | Primary σχέτλιος· οὐδʼ ἐνόησε μετὰ φρεσίν, ὥς οἱ ὀπίσσω |
| 489 | Primary ἀντὶ λίθου ἑὸς υἱὸς ἀνίκητος καὶ ἀκηδὴς |
| 490 | Primary λείπεθʼ, ὅ μιν τάχʼ ἔμελλε βίῃ καὶ χερσὶ δαμάσσας |
| 491 | Primary τιμῆς ἐξελάειν, ὃ δʼ ἐν ἀθανάτοισι ἀνάξειν. |
| 492 | Primary καρπαλίμως δʼ ἄρʼ ἔπειτα μένος καὶ φαίδιμα γυῖα |
| 493 | Primary ηὔξετο τοῖο ἄνακτος· ἐπιπλομένων δʼ ἐνιαυτῶν |
| 494 | Primary Γαίης ἐννεσίῃσι πολυφραδέεσσι δολωθεὶς |
| 495 | Primary ὃν γόνον ἄψ ἀνέηκε μέγας Κρόνος ἀγκυλομήτης |
| 496 | Primary νικηθεὶς τέχνῃσι βίηφί τε παιδὸς ἑοῖο. |
| 497 | Primary πρῶτον δʼ ἐξέμεσεν λίθον, ὃν πύματον κατέπινεν· |
| 498 | Primary τὸν μὲν Ζεὺς στήριξε κατὰ χθονὸς εὐρυοδείης |
| 499 | Primary Πυθοῖ ἐν ἠγαθέῃ γυάλοις ὕπο Παρνησοῖο |
| 500 | Primary σῆμʼ ἔμεν ἐξοπίσω, θαῦμα θνητοῖσι βροτοῖσιν. |
| 501 | Primary λῦσε δὲ πατροκασιγνήτους ὀλοῶν ὑπὸ δεσμῶν |
| 502 | Primary Οὐρανίδας, οὓς δῆσε πατὴρ ἀεσιφροσύνῃσιν· |
| 503 | Primary οἳ οἱ ἀπεμνήσαντο χάριν ἐυεργεσιάων, |
| 504 | Primary δῶκαν δὲ βροντὴν ἠδʼ αἰθαλόεντα κεραυνὸν |
| 505 | Primary καὶ στεροπήν· τὸ πρὶν δὲ πελώρη Γαῖα κεκεύθει· |
| 506 | Primary τοῖς πίσυνος θνητοῖσι καὶ ἀθανάτοισιν ἀνάσσει. |
| 507 | Primary κούρην δʼ Ἰαπετὸς καλλίσφυρον Ὠκεανίνην |
| 508 | Primary ἠγάγετο Κλυμένην καὶ ὁμὸν λέχος εἰσανέβαινεν. |
| 509 | Primary ἣ δέ οἱ Ἄτλαντα κρατερόφρονα γείνατο παῖδα· |
| 510 | Primary τίκτε δʼ ὑπερκύδαντα Μενοίτιον ἠδὲ Προμηθέα |
| 511 | Primary ποικίλον αἰολόμητιν, ἁμαρτίνοόν τʼ Ἐπιμηθέα |
| 512 | Primary ὃς κακὸν ἐξ ἀρχῆς γένετʼ ἀνδράσιν ἀλφηστῇσιν· |
| 513 | Primary πρῶτος γάρ ῥα Διὸς πλαστὴν ὑπέδεκτο γυναῖκα |
| 514 | Primary παρθένον. ὑβριστὴν δὲ Μενοίτιον εὐρύοπα Ζεὺς |
| 515 | Primary εἰς Ἔρεβος κατέπεμψε βαλὼν ψολόεντι κεραυνῷ |
| 516 | Primary εἵνεκʼ ἀτασθαλίης τε καὶ ἠνορέης ὑπερόπλου. |
| 517 | Primary Ἄτλας δʼ οὐρανὸν εὐρὺν ἔχει κρατερῆς ὑπʼ ἀνάγκης |
| 518 | Primary πείρασιν ἐν γαίης, πρόπαρ Εσπερίδων λιγυφώνων, |
| 519 | Primary ἑστηὼς κεφαλῇ τε καὶ ἀκαμάτῃσι χέρεσσιν· |
| 520 | Primary ταύτην γάρ οἱ μοῖραν ἐδάσσατο μητίετα Ζεύς. |
| 521 | Primary δῆσε δʼ ἀλυκτοπέδῃσι Προμηθέα ποικιλόβουλον |
| 522 | Primary δεσμοῖς ἀργαλέοισι μέσον διὰ κίονʼ ἐλάσσας· |
| 523 | Primary καί οἱ ἐπʼ αἰετὸν ὦρσε τανύπτερον· αὐτὰρ ὅ γʼ ἧπαρ |
| 524 | Primary ἤσθιεν ἀθάνατον, τὸ δʼ ἀέξετο ἶσον ἁπάντη |
| 525 | Primary νυκτός ὅσον πρόπαν ἦμαρ ἔδοι τανυσίπτερος ὄρνις. |
| 526 | Primary τὸν μὲν ἄρʼ Ἀλκμήνης καλλισφύρου ἄλκιμος υἱὸς |
| 527 | Primary Ἡρακλέης ἔκτεινε, κακὴν δʼ ἀπὸ νοῦσον ἄλαλκεν |
| 528 | Primary Ἰαπετιονίδῃ καὶ ἐλύσατο δυσφροσυνάων |
| 529 | Primary οὐκ ἀέκητι Ζηνὸς Ὀλυμπίου ὑψιμέδοντος, |
| 530 | Primary ὄφρʼ Ἡρακλῆος Θηβαγενέος κλέος εἴη |
| 531 | Primary πλεῖον ἔτʼ ἢ τὸ πάροιθεν ἐπὶ χθόνα πουλυβότειραν. |
| 532 | Primary ταῦτʼ ἄρα ἁζόμενος τίμα ἀριδείκετον υἱόν· |
| 533 | Primary καί περ χωόμενος παύθη χόλου, ὃν πρὶν ἔχεσκεν, |
| 534 | Primary οὕνεκʼ ἐρίζετο βουλὰς ὑπερμενέι Κρονίωνι. |
| 535 | Primary καὶ γὰρ ὅτʼ ἐκρίνοντο θεοὶ θνητοί τʼ ἄνθρωποι |
| 536 | Primary Μηκώνῃ, τότʼ ἔπειτα μέγαν βοῦν πρόφρονι θυμῷ |
| 537 | Primary δασσάμενος προέθηκε, Διὸς νόον ἐξαπαφίσκων. |
| 538 | Primary τοῖς μὲν γὰρ σάρκας τε καὶ ἔγκατα πίονα δημῷ |
| 539 | Primary ἐν ῥινῷ κατέθηκε καλύψας γαστρὶ βοείῃ, |
| 540 | Primary τῷ δʼ αὖτʼ ὀστέα λευκὰ βοὸς δολίῃ ἐπὶ τέχνῃ |
| 541 | Primary εὐθετίσας κατέθηκε καλύψας ἀργέτι δημῷ. |
| 542 | Primary δὴ τότε μιν προσέειπε πατὴρ ἀνδρῶν τε θεῶν τε· |
| 543 | Primary Ἰαπετιονίδη, πάντων ἀριδείκετʼ ἀνάκτων, |
| 544 | Primary ὦ πέπον, ὡς ἑτεροζήλως διεδάσσαο μοίρας. |
| 545 | Primary ὣς φάτο κερτομέων Ζεὺς ἄφθιτα μήδεα εἰδώς. |
| 546 | Primary τὸν δʼ αὖτε προσέειπε Προμηθεὺς ἀγκυλομήτης |
| 547 | Primary ἦκʼ ἐπιμειδήσας, δολίης δʼ οὐ λήθετο τέχνης· |
| 548 | Primary ζεῦ κύδιστε μέγιστε θεῶν αἰειγενετάων, |
| 549 | Primary τῶν δʼ ἕλεʼ, ὁπποτέρην σε ἐνὶ φρεσὶ θυμὸς ἀνώγει. |
| 550 | Primary Φῆ ῥα δολοφρονέων· Ζεὺς δʼ ἄφθιτα μήδεα εἰδὼς |
| 551 | Primary γνῶ ῥʼ οὐδʼ ἠγνοίησε δόλον· κακὰ δʼ ὄσσετο θυμῷ |
| 552 | Primary θνητοῖς ἀνθρώποισι, τὰ καὶ τελέεσθαι ἔμελλεν. |
| 553 | Primary χερσὶ δʼ ὅ γʼ ἀμφοτέρῃσιν ἀνείλετο λευκὸν ἄλειφαρ. |
| 554 | Primary χώσατο δὲ φρένας ἀμφί, χόλος δέ μιν ἵκετο θυμόν, |
| 555 | Primary ὡς ἴδεν ὀστέα λευκὰ βοὸς δολίῃ ἐπὶ τέχνῃ. |
| 556 | Primary ἐκ τοῦ δʼ ἀθανάτοισιν ἐπὶ χθονὶ φῦλʼ ἀνθρώπων |
| 557 | Primary καίουσʼ ὀστέα λευκὰ θυηέντων ἐπὶ βωμῶν. |
| 558 | Primary τὸν δὲ μέγʼ ὀχθήσας προσέφη νεφεληγερέτα Ζεύς· |
| 559 | Primary Ἰαπετιονίδη, πάντων πέρι μήδεα εἰδώς, |
| 560 | Primary ὦ πέπον, οὐκ ἄρα πω δολίης ἐπιλήθεο τέχνης. |
| 561 | Primary ὣς φάτο χωόμενος Ζεὺς ἄφθιτα μήδεα εἰδώς· |
| 562 | Primary ἐκ τούτου δὴ ἔπειτα δόλου μεμνημένος αἰεὶ |
| 563 | Primary οὐκ ἐδίδου Μελίῃσι πυρὸς μένος ἀκαμάτοιο |
| 564 | Primary θνητοῖς ἀνθρώποις, οἳ ἐπὶ χθονὶ ναιετάουσιν. |
| 565 | Primary ἀλλά μιν ἐξαπάτησεν ἐὺς πάις Ἰαπετοῖο |
| 566 | Primary κλέψας ἀκαμάτοιο πυρὸς τηλέσκοπον. αὐγὴν |
| 567 | Primary ἐν κοΐλῳ νάρθηκι· δάκεν δέ ἑ νειόθι θυμόν, |
| 568 | Primary Ζῆνʼ ὑψιβρεμέτην, ἐχόλωσε δέ μιν φίλον ἦτορ, |
| 569 | Primary ὡς ἴδʼ ἐν ἀνθρώποισι πυρὸς τηλέσκοπον αὐγήν. |
| 570 | Primary αὐτίκα δʼ ἀντὶ πυρὸς τεῦξεν κακὸν ἀνθρώποισιν· |
| 571 | Primary γαίης γὰρ σύμπλασσε περικλυτὸς Ἀμφιγυήεις |
| 572 | Primary παρθένῳ αἰδοίῃ ἴκελον Κρονίδεω διὰ βουλάς. |
| 573 | Primary ζῶσε δὲ καὶ κόσμησε θεὰ γλαυκῶπις Ἀθήνη |
| 574 | Primary ἀργυφέη ἐσθῆτι· κατὰ κρῆθεν δὲ καλύπτρην |
| 575 | Primary δαιδαλέην χείρεσσι κατέσχεθε, θαῦμα ἰδέσθαι· |
| 576 | Primary ἀμφὶ δέ οἱ στεφάνους, νεοθηλέος ἄνθεα ποίης, |
| 577 | Primary ἱμερτοὺς περίθηκε καρήατι Παλλὰς Ἀθήνη. |
| 578 | Primary ἀμφὶ δέ οἱ στεφάνην χρυσέην κεφαλῆφιν ἔθηκε, |
| 579 | Primary τὴν αὐτὸς ποίησε περικλυτὸς Ἀμφιγυήεις |
| 580 | Primary ἀσκήσας παλάμῃσι, χαριζόμενος Διὶ πατρί. |
| 581 | Primary τῇ δʼ ἐνὶ δαίδαλα πολλὰ τετεύχατο, θαῦμα ἰδέσθαι, |
| 582 | Primary κνώδαλʼ, ὅσʼ ἤπειρος πολλὰ τρέφει ἠδὲ θάλασσα, |
| 583 | Primary τῶν ὅ γε πόλλʼ ἐνέθηκε,—χάρις δʼ ἀπελάμπετο πολλή,— |
| 584 | Primary θαυμάσια, ζῴοισιν ἐοικότα φωνήεσσιν. |
| 585 | Primary αὐτὰρ ἐπεὶ δὴ τεῦξε καλὸν κακὸν ἀντʼ ἀγαθοῖο. |
| 586 | Primary ἐξάγαγʼ, ἔνθα περ ἄλλοι ἔσαν θεοὶ ἠδʼ ἄνθρωποι, |
| 587 | Primary κόσμῳ ἀγαλλομένην γλαυκώπιδος ὀβριμοπάτρης. |
| 588 | Primary θαῦμα δʼ ἔχʼ ἀθανάτους τε θεοὺς θνητούς τʼ ἀνθρώπους, |
| 589 | Primary ὡς εἶδον δόλον αἰπύν, ἀμήχανον ἀνθρώποισιν. |
| 590 | Primary ἐκ τῆς γὰρ γένος ἐστὶ γυναικῶν θηλυτεράων, |
| 591 | Primary τῆς γὰρ ὀλώιόν ἐστι γένος καὶ φῦλα γυναικῶν, |
| 592 | Primary πῆμα μέγʼ αἳ θνητοῖσι μετʼ ἀνδράσι ναιετάουσιν |
| 593 | Primary οὐλομένης πενίης οὐ σύμφοροι, ἀλλὰ κόροιο. |
| 594 | Primary ὡς δʼ ὁπότʼ ἐν σμήνεσσι κατηρεφέεσσι μέλισσαι |
| 595 | Primary κηφῆνας βόσκωσι, κακῶν ξυνήονας ἔργων— |
| 596 | Primary αἳ μέν τε πρόπαν ἦμαρ ἐς ἠέλιον καταδύντα |
| 597 | Primary ἠμάτιαι σπεύδουσι τιθεῖσί τε κηρία λευκά, |
| 598 | Primary οἳ δʼ ἔντοσθε μένοντες ἐπηρεφέας κατὰ σίμβλους |
| 599 | Primary ἀλλότριον κάματον σφετέρην ἐς γαστέρʼ ἀμῶνται— |
| 600 | Primary ὣς δʼ αὔτως ἄνδρεσσι κακὸν θνητοῖσι γυναῖκας |
| 601 | Primary Ζεὺς ὑψιβρεμέτης θῆκεν, ξυνήονας ἔργων |
| 602 | Primary ἀργαλέων· ἕτερον δὲ πόρεν κακὸν ἀντʼ ἀγαθοῖο· |
| 603 | Primary ὅς κε γάμον φεύγων καὶ μέρμερα ἔργα γυναικῶν |
| 604 | Primary μὴ γῆμαι ἐθέλῃ, ὀλοὸν δʼ ἐπὶ γῆρας ἵκοιτο |
| 605 | Primary χήτεϊ γηροκόμοιο· ὅ γʼ οὐ βιότου ἐπιδευὴς |
| 606 | Primary ζώει, ἀποφθιμένου δὲ διὰ κτῆσιν δατέονται |
| 607 | Primary χηρωσταί· ᾧ δʼ αὖτε γάμου μετὰ μοῖρα γένηται, |
| 608 | Primary κεδνὴν δʼ ἔσχεν ἄκοιτιν ἀρηρυῖαν πραπίδεσσι, |
| 609 | Primary τῷ δέ τʼ ἀπʼ αἰῶνος κακὸν ἐσθλῷ ἀντιφερίζει |
| 610 | Primary ἐμμενές· ὃς δέ κε τέτμῃ ἀταρτηροῖο γενέθλης, |
| 611 | Primary ζώει ἐνὶ στήθεσσιν ἔχων ἀλίαστον ἀνίην |
| 612 | Primary θυμῷ καὶ κραδίῃ, καὶ ἀνήκεστον κακόν ἐστιν. |
| 613 | Primary ὣς οὐκ ἔστι Διὸς κλέψαι νόον οὐδὲ παρελθεῖν. |
| 614 | Primary οὐδὲ γὰρ Ἰαπετιονίδης ἀκάκητα Προμηθεὺς |
| 615 | Primary τοῖό γʼ ὑπεξήλυξε βαρὺν χόλον, ἀλλʼ ὑπʼ ἀνάγκης |
| 616 | Primary καὶ πολύιδριν ἐόντα μέγας κατὰ δεσμὸς ἐρύκει. |
| 617 | Primary Βριάρεῳ δʼ ὡς πρῶτα πατὴρ ὠδύσσατο θυμῷ |
| 618 | Primary Κόττῳ τʼ ἠδὲ Γύῃ, δῆσεν κρατερῷ ἐνὶ δεσμῷ |
| 619 | Primary ἠνορέην ὑπέροπλον ἀγώμενος ἠδὲ καὶ εἶδος |
| 620 | Primary καὶ μέγεθος· κατένασσε δʼ ὑπὸ χθονὸς εὐρυοδείης. |
| 621 | Primary ἔνθʼ οἵ γʼ ἄλγεʼ ἔχοντες ὑπὸ χθονὶ ναιετάοντες |
| 622 | Primary εἵατʼ ἐπʼ ἐσχατιῇ, μεγάλης ἐν πείρασι γαίης, |
| 623 | Primary δηθὰ μάλʼ ἀχνύμενοι, κραδίῃ μέγα πένθος ἔχοντες. |
| 624 | Primary ἀλλά σφεας Κρονίδης τε καὶ ἀθάνατοι θεοὶ ἄλλοι, |
| 625 | Primary οὓς τέκεν ἠύκομος Ῥείη Κρόνου ἐν φιλότητι, |
| 626 | Primary Γαίης φραδμοσύνῃσιν ἀνήγαγον ἐς φάος αὖτις· |
| 627 | Primary αὐτὴ γάρ σφιν ἅπαντα διηνεκέως κατέλεξε |
| 628 | Primary σὺν κείνοις νίκην τε καὶ ἀγλαὸν εὖχος ἀρέσθαι. |
| 629 | Primary δηρὸν γὰρ μάρναντο πόνον θυμαλγέʼ ἔχοντες |
| 630 | Primary Τιτῆνές τε θεοὶ καὶ ὅσοι Κρόνου ἐξεγένοντο, |
| 631 | Primary ἀντίον ἀλλήλοισι διὰ κρατερὰς ὑσμίνας, |
| 632 | Primary οἳ μὲν ἀφʼ ὑψηλῆς Ὄθρυος Τιτῆνες ἀγαυοί, |
| 633 | Primary οἳ δʼ ἄρʼ ἀπʼ Οὐλύμποιο θεοί, δωτῆρες ἐάων, |
| 634 | Primary οὓς τέκεν ἠύκομος Ῥείη Κρόνῳ εὐνηθεῖσα. |
| 635 | Primary οἵ ῥα τότʼ ἀλλήλοισι χόλον θυμαλγέʼ ἔχοντες |
| 636 | Primary συνεχέως ἐμάχοντο δέκα πλείους ἐνιαυτούς· |
| 637 | Primary οὐδέ τις ἦν ἔριδος χαλεπῆς λύσις οὐδὲ τελευτὴ |
| 638 | Primary οὐδετέροις, ἶσον δὲ τέλος τέτατο πτολέμοιο. |
| 639 | Primary ἀλλʼ ὅτε δὴ κείνοισι παρέσχεθεν ἄρμενα πάντα, |
| 640 | Primary νέκταρ τʼ ἀμβροσίην τε, τά περ θεοὶ αὐτοὶ ἔδουσι, |
| 641 | Primary πάντων ἐν στήθεσσιν ἀέξετο θυμὸς ἀγήνωρ. |
| 642 | Primary ὡς νέκταρ τʼ ἐπάσαντο καὶ ἀμβροσίην ἐρατεινήν, |
| 643 | Primary δὴ τότε τοῖς μετέειπε πατὴρ ἀνδρῶν τε θεῶν τε· |
| 644 | Primary κέκλυτε μευ, Γαίης τε καὶ Οὐρανοῦ ἀγλαὰ τέκνα, |
| 645 | Primary ὄφρʼ εἴπω, τά με θυμὸς ἐνὶ στήθεσσι κελεύει. |
| 646 | Primary ἤδη γὰρ μάλα δηρὸν ἐναντίοι ἀλλήλοισι |
| 647 | Primary νίκης καὶ κράτεος πέρι μαρνάμεθʼ ἤματα πάντα |
| 648 | Primary Τιτῆνές τε θεοὶ καὶ ὅσοι Κρόνου ἐκγενόμεσθα. |
| 649 | Primary ὑμεῖς δὲ μεγάλην τε βίην καὶ χεῖρας ἀάπτους |
| 650 | Primary φαίνετε Τιτήνεσσιν ἐναντίοι ἐν δαῒ λυγρῇ |
| 651 | Primary μνησάμενοι φιλότητος ἐνηέος, ὅσσα παθόντες |
| 652 | Primary ἐς φάος ἂψ ἀφίκεσθε δυσηλεγέος ὑπὸ δεσμοῦ |
| 653 | Primary ἡμετέρας διὰ βουλὰς ὑπὸ ζόφου ἠερόεντος. |
| 654 | Primary ὣς φάτο· τὸν δʼ ἐξαῦτις ἀμείβετο Κόττος ἀμύμων· |
| 655 | Primary Δαιμόνιʼ, οὐκ ἀδάητα πιφαύσκεαι· ἀλλὰ καὶ αὐτοὶ |
| 656 | Primary ἴδμεν, ὅ τοι περὶ μὲν πραπίδες, περὶ δʼ ἐστὶ νόημα, |
| 657 | Primary ἀλκτὴρ δʼ ἀθανάτοισιν ἀρῆς γένεο κρυεροῖο. |
| 658 | Primary σῇσι δʼ ἐπιφροσύνῃσιν ὑπὸ ζόφου ἠερόεντος |
| 659 | Primary ἄψορρον δʼ† ἐξαῦτις ἀμειλίκτων ὑπὸ δεσμῶν |
| 660 | Primary ἠλύθομεν, Κρόνου υἱὲ ἄναξ, ἀνάελπτα παθόντες. |
| 661 | Primary τῷ καὶ νῦν ἀτενεῖ τε νόῳ καὶ ἐπίφρονι βουλῇ |
| 662 | Primary ῥυσόμεθα κράτος ὑμὸν ἐν αἰνῇ δηϊοτῆτι |
| 663 | Primary μαρνάμενοι Τιτῆσιν ἀνὰ κρατερὰς ὑσμίνας. |
| 664 | Primary ὣς φάτʼ· ἐπῄνεσσαν δὲ θεοί, δωτῆρες ἐάων, |
| 665 | Primary μῦθον ἀκούσαντες· πολέμου δʼ ἐλιλαίετο θυμὸς |
| 666 | Primary μᾶλλον ἔτʼ ἢ τὸ πάροιθε· μάχην δʼ ἀμέγαρτον ἔγειραν |
| 667 | Primary πάντες, θήλειαι τε καὶ ἄρσενες, ἤματι κείνῳ, |
| 668 | Primary Τιτῆνές τε θεοὶ καὶ ὅσοι Κρόνου ἐξεγένοντο, |
| 669 | Primary οὕς τε Ζεὺς Ἐρέβευσφιν ὑπὸ χθονὸς ἧκε φόωσδε |
| 670 | Primary δεινοί τε κρατεροί τε, βίην ὑπέροπλον ἔχοντες. |
| 671 | Primary τῶν ἑκατὸν μὲν χεῖρες ἀπʼ ὤμων ἀίσσοντο |
| 672 | Primary πᾶσιν ὁμῶς, κεφαλαὶ δὲ ἑκάστῳ πεντήκοντα |
| 673 | Primary ἐξ ὤμων ἐπέφυκον ἐπὶ στιβαροῖσι μέλεσσιν. |
| 674 | Primary οἳ τότε Τιτήνεσσι κατέσταθεν ἐν δαῒ λυγρῇ |
| 675 | Primary πέτρας ἠλιβάτους στιβαρῇς ἐν χερσὶν ἔχοντες. |
| 676 | Primary Τιτῆνες δʼ ἑτέρωθεν ἐκαρτύναντο φάλαγγας |
| 677 | Primary προφρονέως, χειρῶν τε βίης θʼ ἅμα ἔργον ἔφαινον |
| 678 | Primary ἀμφότεροι· δεινὸν δὲ περίαχε πόντος ἀπείρων, |
| 679 | Primary γῆ δὲ μέγʼ ἐσμαράγησεν, ἐπέστενε δʼ οὐρανὸς εὐρὺς |
| 680 | Primary σειόμενος, πεδόθεν δὲ τινάσσετο μακρὸς Ὄλυμπος |
| 681 | Primary ῥιπῇ ὕπʼ ἀθανάτων, ἔνοσις δʼ ἵκανε βαρεῖα |
| 682 | Primary Τάρταρον ἠερόεντα, ποδῶν τʼ αἰπεῖα ἰωὴ |
| 683 | Primary ἀσπέτου ἰωχμοῖο βολάων τε κρατεράων· |
| 684 | Primary ὣς ἄρʼ ἐπʼ ἀλλήλοις ἵεσαν βέλεα στονόεντα. |
| 685 | Primary φωνὴ δʼ ἀμφοτέρων ἵκετʼ οὐρανὸν ἀστερόεντα |
| 686 | Primary κεκλομένων· οἳ δὲ ξύνισαν μεγάλῳ ἀλαλητῷ. |
| 687 | Primary οὐδʼ ἄρʼ ἔτι Ζεὺς ἴσχεν ἑὸν μένος, ἀλλά νυ τοῦ γε |
| 688 | Primary εἶθαρ μὲν μένεος πλῆντο φρένες, ἐκ δέ τε πᾶσαν |
| 689 | Primary φαῖνε βίην· ἄμυδις δʼ ἄρʼ ἀπʼ οὐρανοῦ ἠδʼ ἀπʼ Ὀλύμπου |
| 690 | Primary ἀστράπτων ἔστειχε συνωχαδόν· οἱ δὲ κεραυνοὶ |
| 691 | Primary ἴκταρ ἅμα βροντῇ τε καὶ ἀστεροπῇ ποτέοντο |
| 692 | Primary χειρὸς ἄπο στιβαρῆς, ἱερὴν φλόγα εἰλυφόωντες |
| 693 | Primary ταρφέες· ἀμφὶ δὲ γαῖα φερέσβιος ἐσμαράγιζε |
| 694 | Primary καιομένη, λάκε δʼ ἀμφὶ πυρὶ μεγάλʼ ἄσπετος ὕλη. |
| 695 | Primary ἔζεε δὲ χθὼν πᾶσα καὶ Ὠκεανοῖο ῥέεθρα |
| 696 | Primary πόντος τʼ ἀτρύγετος· τοὺς δʼ ἄμφεπε θερμὸς ἀυτμὴ |
| 697 | Primary Τιτῆνας χθονίους, φλὸξ δʼ αἰθέρα δῖαν ἵκανεν |
| 698 | Primary ἄσπετος, ὄσσε δʼ ἄμερδε καὶ ἰφθίμων περ ἐόντων |
| 699 | Primary αὐγὴ μαρμαίρουσα κεραυνοῦ τε στεροπῆς τε. |
| 700 | Primary καῦμα δὲ θεσπέσιον κάτεχεν Χάος· εἴσατο δʼ ἄντα |
| 701 | Primary ὀφθαλμοῖσιν ἰδεῖν ἠδʼ οὔασι ὄσσαν ἀκοῦσαι |
| 702 | Primary αὔτως, ὡς εἰ Γαῖα καὶ Οὐρανὸς εὐρὺς ὕπερθε |
| 703 | Primary πίλνατο· τοῖος γάρ κε μέγας ὑπὸ δοῦπος ὀρώρει |
| 704 | Primary τῆς μὲν ἐρειπομένης, τοῦ δʼ ὑψόθεν ἐξεριπόντος· |
| 705 | Primary τόσσος δοῦπος ἔγεντο θεῶν ἔριδι ξυνιόντων. |
| 706 | Primary σὺν δʼ ἄνεμοι ἔνοσίν τε κονίην τʼ ἐσφαράγιζον |
| 707 | Primary βροντήν τε στεροπήν τε καὶ αἰθαλόεντα κεραυνόν, |
| 708 | Primary κῆλα Διὸς μεγάλοιο, φέρον δʼ ἰαχήν τʼ ἐνοπήν τε |
| 709 | Primary ἐς μέσον ἀμφοτέρων· ὄτοβος δʼ ἄπλητος ὀρώρει |
| 710 | Primary σμερδαλέης ἔριδος, κάρτος δʼ ἀνεφαίνετο ἔργων. |
| 711 | Primary ἐκλίνθη δὲ μάχη· πρὶν δʼ ἀλλήλοις ἐπέχοντες |
| 712 | Primary ἐμμενέως ἐμάχοντο διὰ κρατερὰς ὑσμίνας. |
| 713 | Primary οἳ δʼ ἄρʼ ἐνὶ πρώτοισι μάχην δριμεῖαν ἔγειραν |
| 714 | Primary Κόττος τε Βριάρεώς τε Γύης τʼ ἄατος πολέμοιο, |
| 715 | Primary οἵ ῥα τριηκοσίας πέτρας στιβαρῶν ἀπὸ χειρῶν |
| 716 | Primary πέμπον ἐπασσυτέρας, κατὰ δʼ ἐσκίασαν βελέεσσι |
| 717 | Primary Τιτῆνας, καὶ τοὺς μὲν ὑπὸ χθονὸς εὐρυοδείης |
| 718 | Primary πέμψαν καὶ δεσμοῖσιν ἐν ἀργαλέοισιν ἔδησαν |
| 719 | Primary χερσὶν νικήσαντες ὑπερθύμους περ ἐόντας, |
| 720 | Primary τόσσον ἔνερθʼ ὑπὸ γῆς, ὅσον οὐρανός ἐστʼ ἀπὸ γαίης· |
| 721 | Primary τόσσον γάρ τʼ ἀπὸ γῆς ἐς Τάρταρον ἠερόεντα. |
| 722 | Primary ἐννέα γὰρ νύκτας τε καὶ ἤματα χάλκεος ἄκμων |
| 723 | Primary οὐρανόθεν κατιὼν δεκάτῃ κʼ ἐς γαῖαν ἵκοιτο· |
| 724 | Primary ἐννέα δʼ αὖ νύκτας τε καὶ ἤματα χάλκεος ἄκμων |
| 725 | Primary ἐκ γαίης κατιὼν δεκάτῃ κʼ ἐς Τάρταρον ἵκοι. |
| 726 | Primary τὸν πέρι χάλκεον ἕρκος ἐλήλαται· ἀμφὶ δέ μιν νὺξ |
| 727 | Primary τριστοιχεὶ κέχυται περὶ δειρήν· αὐτὰρ ὕπερθεν |
| 728 | Primary γῆς ῥίζαι πεφύασι καὶ ἀτρυγέτοιο θαλάσσης. |
| 729 | Primary ἔνθα θεοὶ Τιτῆνες ὑπὸ ζόφῳ ἠερόεντι |
| 730 | Primary κεκρύφαται βουλῇσι Διὸς νεφεληγερέταο |
| 731 | Primary χώρῳ ἐν εὐρώεντι, πελώρης ἔσχατα γαίης. |
| 732 | Primary τοῖς οὐκ ἐξιτόν ἐστι. θύρας δʼ ἐπέθηκε Ποσειδέων |
| 733 | Primary χαλκείας, τεῖχος δὲ περοίχεται ἀμφοτέρωθεν. |
| 734 | Primary ἔνθα Γύης Κόττος τε καὶ Ὀβριάρεως μεγάθυμος |
| 735 | Primary ναίουσιν, φύλακες πιστοὶ Διὸς αἰγιόχοιο. |
| 736 | Primary ἔνθα δὲ γῆς δνοφερῆς καὶ Ταρτάρου ἠερόεντος |
| 737 | Primary πόντου τʼ ἀτρυγέτοιο καὶ οὐρανοῦ ἀστερόεντος |
| 738 | Primary ἑξείης πάντων πηγαὶ καὶ πείρατʼ ἔασιν |
| 739 | Primary ἀργαλέʼ εὐρώεντα, τά τε στυγέουσι θεοί περ, |
| 740 | Primary χάσμα μέγʼ, οὐδέ κε πάντα τελεσφόρον εἰς ἐνιαυτὸν |
| 741 | Primary οὖδας ἵκοιτʼ, εἰ πρῶτα πυλέων ἔντοσθε γένοιτο, |
| 742 | Primary ἀλλά κεν ἔνθα καὶ ἔνθα φέροι πρὸ θύελλα θυέλλῃ |
| 743 | Primary ἀργαλέη· δεινὸν δὲ καὶ ἀθανάτοισι θεοῖσι |
| 744 | Primary τοῦτο τέρας. Νυκτὸς δʼ ἐρεβεννῆς οἰκία δεινὰ |
| 745 | Primary ἕστηκεν νεφέλῃς κεκαλυμμένα κυανέῃσιν. |
| 746 | Primary τῶν πρόσθʼ Ἰαπετοῖο πάις ἔχει οὐρανὸν εὐρὺν |
| 747 | Primary ἑστηὼς κεφαλῇ τε καὶ ἀκαμάτῃσι χέρεσσιν |
| 748 | Primary ἀστεμφέως, ὅθι Νύξ τε καὶ Ἡμέρη ἆσσον ἰοῦσαι |
| 749 | Primary ἀλλήλας προσέειπον, ἀμειβόμεναι μέγαν οὐδὸν |
| 750 | Primary χάλκεον· ἣ μὲν ἔσω καταβήσεται, ἣ δὲ θύραζε |
| 751 | Primary ἔρχεται, οὐδέ ποτʼ ἀμφοτέρας δόμος ἐντὸς ἐέργει, |
| 752 | Primary ἀλλʼ αἰεὶ ἑτέρη γε δόμων ἔκτοσθεν ἐοῦσα |
| 753 | Primary γαῖαν ἐπιστρέφεται, ἣ δʼ αὖ δόμου ἐντὸς ἐοῦσα |
| 754 | Primary μίμνει τὴν αὐτῆς ὥρην ὁδοῦ, ἔστʼ ἂν ἵκηται, |
| 755 | Primary ἣ μὲν ἐπιχθονίοισι φάος πολυδερκὲς ἔχουσα, |
| 756 | Primary ἣ δʼ Ὕπνον μετὰ χερσί, κασίγνητον Θανάτοιο. |
| 757 | Primary Νὺξ ὀλοή, νεφέλῃ κεκαλυμμένη ἠεροειδεῖ. |
| 758 | Primary ἔνθα δὲ Νυκτὸς παῖδες ἐρεμνῆς οἰκίʼ ἔχουσιν, |
| 759 | Primary Ὕπνος καὶ Θάνατος, δεινοὶ θεοί· οὐδέ ποτʼ αὐτοὺς |
| 760 | Primary Ἠέλιος φαέθων ἐπιδέρκεται ἀκτίνεσσιν |
| 761 | Primary οὐρανὸν εἲς ἀνιὼν οὐδʼ οὐρανόθεν καταβαίνων. |
| 762 | Primary τῶν δʼ ἕτερος γαῖάν τε καὶ εὐρέα νῶτα θαλάσσης |
| 763 | Primary ἥσυχος ἀνστρέφεται καὶ μείλιχος ἀνθρώποισι, |
| 764 | Primary τοῦ δὲ σιδηρέη μὲν κραδίη, χάλκεον δέ οἱ ἦτορ |
| 765 | Primary νηλεὲς ἐν στήθεσσιν· ἔχει δʼ ὃν πρῶτα λάβῃσιν |
| 766 | Primary ἀνθρώπων· ἐχθρὸς δὲ καὶ ἀθανάτοισι θεοῖσιν. |
| 767 | Primary ἔνθα θεοῦ χθονίου πρόσθεν δόμοι ἠχήεντες |
| 768 | Primary ἰφθίμου τʼ Ἀίδεω καὶ ἐπαινῆς Περσεφονείης |
| 769 | Primary ἑστᾶσιν, δεινὸς δὲ κύων προπάροιθε φυλάσσει |
| 770 | Primary νηλειής, τέχνην δὲ κακὴν ἔχει· ἐς μὲν ἰόντας |
| 771 | Primary σαίνει ὁμῶς οὐρῇ τε καὶ οὔασιν ἀμφοτέροισιν, |
| 772 | Primary ἐξελθεῖν δʼ οὐκ αὖτις ἐᾷ πάλιν, ἀλλὰ δοκεύων |
| 773 | Primary ἐσθίει, ὅν κε λάβῃσι πυλέων ἔκτοσθεν ἰόντα. |
| 774 | Primary ἰφθίμου τʼ Ἀίδεω καὶ ἐπαινῆς Περσεφονείης. |
| 775 | Primary ἔνθα δὲ ναιετάει στυγερὴ θεὸς ἀθανάτοισι, |
| 776 | Primary δεινὴ Στύξ, θυγάτηρ ἀψορρόου Ὠκεανοῖο |
| 777 | Primary πρεσβυτάτη· νόσφιν δὲ θεῶν κλυτὰ δώματα ναίει |
| 778 | Primary μακρῇσιν πέτρῃσι κατηρεφέʼ· ἀμφὶ δὲ πάντη |
| 779 | Primary κίοσιν ἀργυρέοισι πρὸς οὐρανὸν ἐστήρικται. |
| 780 | Primary παῦρα δὲ Θαύμαντος θυγάτηρ πόδας ὠκέα Ἶρις |
| 781 | Primary ἀγγελίην πωλεῖται ἐπʼ εὐρέα νῶτα θαλάσσης. |
| 782 | Primary ὁππότʼ ἔρις καὶ νεῖκος ἐν ἀθανάτοισιν ὄρηται |
| 783 | Primary καί ῥʼ ὅστις ψεύδηται Ὀλύμπια δώματʼ ἐχόντων, |
| 784 | Primary Ζεὺς δέ τε Ἶριν ἔπεμψε θεῶν μέγαν ὅρκον ἐνεῖκαι |
| 785 | Primary τηλόθεν ἐν χρυσέῃ προχόῳ πολυώνυμον ὕδωρ |
| 786 | Primary ψυχρόν, ὅτʼ ἐκ πέτρης καταλείβεται ἠλιβάτοιο |
| 787 | Primary ὑψηλῆς· πολλὸν δὲ ὑπὸ χθονὸς εὐρυοδείης |
| 788 | Primary ἐξ ἱεροῦ ποταμοῖο ῥέει διὰ νύκτα μέλαιναν |
| 789 | Primary Ὠκεανοῖο κέρας· δεκάτη δʼ ἐπὶ μοῖρα δέδασται· |
| 790 | Primary ἐννέα μὲν περὶ γῆν τε καὶ εὐρέα νῶτα θαλάσσης |
| 791 | Primary δίνῃς ἀργυρέῃς εἱλιγμένος εἰς ἅλα πίπτει, |
| 792 | Primary ἣ δὲ μίʼ ἐκ πέτρης προρέει μέγα πῆμα θεοῖσιν. |
| 793 | Primary ὅς κεν τὴν ἐπίορκον ἀπολλείψας ἐπομόσσῃ |
| 794 | Primary ἀθανάτων, οἳ ἔχουσι κάρη νιφόεντος Ὀλύμπου, |
| 795 | Primary κεῖται νήυτμος τετελεσμένον εἰς ἐνιαυτόν· |
| 796 | Primary οὐδέ ποτʼ ἀμβροσίης καὶ νέκταρος ἔρχεται ἆσσον |
| 797 | Primary βρώσιος, ἀλλά τε κεῖται ἀνάπνευστος καὶ ἄναυδος |
| 798 | Primary στρωτοῖς ἐν λεχέεσσι, κακὸν δέ ἑ κῶμα καλύπτει. |
| 799 | Primary αὐτὰρ ἐπεὶ νοῦσον τελέσῃ μέγαν εἰς ἐνιαυτόν, |
| 800 | Primary ἄλλος γʼ ἐξ ἄλλου δέχεται χαλεπώτερος ἄεθλος. |
| 801 | Primary εἰνάετες δὲ θεῶν ἀπαμείρεται αἰὲν ἐόντων, |
| 802 | Primary οὐδέ ποτʼ ἐς βουλὴν ἐπιμίσγεται οὐδʼ ἐπὶ δαῖτας |
| 803 | Primary ἐννέα πάντα ἔτεα· δεκάτῳ δʼ ἐπιμίσγεται αὖτις |
| 804 | Primary εἴρας ἐς ἀθανάτων, οἳ Ὀλύμπια δώματʼ ἔχουσιν. |
| 805 | Primary τοῖον ἄρʼ ὅρκον ἔθεντο θεοὶ Στυγὸς ἄφθιτον ὕδωρ |
| 806 | Primary ὠγύγιον, τὸ δʼ ἵησι καταστυφέλου διὰ χώρου. |
| 807 | Primary ἔνθα δὲ γῆς δνοφερῆς καὶ Ταρτάρου ἠερόεντος |
| 808 | Primary πόντου τʼ ἀτρυγέτοιο καὶ οὐρανοῦ ἀστερόεντος |
| 809 | Primary ἑξείης πάντων πηγαὶ καὶ πείρατʼ ἔασιν |
| 810 | Primary ἀργαλέʼ εὐρώεντα, τά τε στυγέουσι θεοί περ. |
| 811 | Primary ἔνθα δὲ μαρμάρεαί τε πύλαι καὶ χάλκεος οὐδὸς |
| 812 | Primary ἀστεμφής, ῥίζῃσι διηνεκέεσσιν ἀρηρώς, |
| 813 | Primary αὐτοφυής· πρόσθεν δὲ θεῶν ἔκτοσθεν ἁπάντων |
| 814 | Primary Τιτῆνες ναίουσι, πέρην Χάεος ζοφεροῖο. |
| 815 | Primary αὐτὰρ ἐρισμαράγοιο Διὸς κλειτοὶ ἐπίκουροι |
| 816 | Primary δώματα ναιετάουσιν ἐπʼ Ὠκεανοῖο θεμέθλοις, |
| 817 | Primary Κόττος τʼ ἠδὲ Γύης· Βριάρεών γε μὲν ἠὺν ἐόντα |
| 818 | Primary γαμβρὸν ἑὸν ποίησε βαρύκτυπος Ἐννοσίγαιος, |
| 819 | Primary δῶκε δὲ Κυμοπόλειαν ὀπυίειν, θυγατέρα ἥν. |
| 820 | Primary αὐτὰρ ἐπεὶ Τιτῆνας ἀπʼ οὐρανοῦ ἐξέλασεν Ζεύς, |
| 821 | Primary ὁπλότατον τέκε παῖδα Τυφωέα Γαῖα πελώρη |
| 822 | Primary Ταρτάρου ἐν φιλότητι διὰ χρυσέην Ἀφροδίτην· |
| 823 | Primary οὗ χεῖρες μὲν ἔασιν ἐπʼ ἰσχύι, ἔργματʼ ἔχουσαι, |
| 824 | Primary καὶ πόδες ἀκάματοι κρατεροῦ θεοῦ· ἐκ δέ οἱ ὤμων |
| 825 | Primary ἣν ἑκατὸν κεφαλαὶ ὄφιος, δεινοῖο δράκοντος, |
| 826 | Primary γλώσσῃσιν δνοφερῇσι λελιχμότες, ἐκ δέ οἱ ὄσσων |
| 827 | Primary θεσπεσίῃς κεφαλῇσιν ὑπʼ ὀφρύσι πῦρ ἀμάρυσσεν· |
| 828 | Primary πασέων δʼ ἐκ κεφαλέων πῦρ καίετο δερκομένοιο· |
| 829 | Primary φωναὶ δʼ ἐν πάσῃσιν ἔσαν δεινῇς κεφαλῇσι |
| 830 | Primary παντοίην ὄπʼ ἰεῖσαι ἀθέσφατον· ἄλλοτε μὲν γὰρ |
| 831 | Primary φθέγγονθʼ ὥστε θεοῖσι συνιέμεν, ἄλλοτε δʼ αὖτε |
| 832 | Primary ταύρου ἐριβρύχεω, μένος ἀσχέτου, ὄσσαν ἀγαύρου, |
| 833 | Primary ἄλλοτε δʼ αὖτε λέοντος ἀναιδέα θυμὸν ἔχοντος, |
| 834 | Primary ἄλλοτε δʼ αὖ σκυλάκεσσιν ἐοικότα, θαύματʼ ἀκοῦσαι, |
| 835 | Primary ἄλλοτε δʼ αὖ ῥοίζεσχʼ, ὑπὸ δʼ ἤχεεν οὔρεα μακρά. |
| 836 | Primary καί νύ κεν ἔπλετο ἔργον ἀμήχανον ἤματι κείνῳ |
| 837 | Primary καί κεν ὅ γε θνητοῖσι καὶ ἀθανάτοισιν ἄναξεν, |
| 838 | Primary εἰ μὴ ἄρʼ ὀξὺ νόησε πατὴρ ἀνδρῶν τε θεῶν τε. |
| 839 | Primary σκληρὸν δʼ ἐβρόντησε καὶ ὄβριμον, ἀμφὶ δὲ γαῖα |
| 840 | Primary σμερδαλέον κονάβησε καὶ οὐρανὸς εὐρὺς ὕπερθε |
| 841 | Primary πόντος τʼ Ὠκεανοῦ τε ῥοαὶ καὶ Τάρταρα γαίης. |
| 842 | Primary ποσσὶ δʼ ὕπʼ ἀθανάτοισι μέγας πελεμίζετʼ Ὄλυμπος |
| 843 | Primary ὀρνυμένοιο ἄνακτος· ἐπεστενάχιζε δὲ γαῖα. |
| 844 | Primary καῦμα δʼ ὑπʼ ἀμφοτέρων κάτεχεν ἰοειδέα πόντον |
| 845 | Primary βροντῆς τε στεροπῆς τε, πυρός τʼ ἀπὸ τοῖο πελώρου, |
| 846 | Primary πρηστήρων ἀνέμων τε κεραυνοῦ τε φλεγέθοντος. |
| 847 | Primary ἔζεε δὲ χθὼν πᾶσα καὶ οὐρανὸς ἠδὲ θάλασσα· |
| 848 | Primary θυῖε δʼ ἄρʼ ἀμφʼ ἀκτὰς περί τʼ ἀμφί τε κύματα μακρὰ |
| 849 | Primary ῥιπῇ ὕπʼ ἀθανάτων, ἔνοσις δʼ ἄσβεστος ὀρώρει· |
| 850 | Primary τρέε δʼ Ἀίδης, ἐνέροισι καταφθιμένοισιν ἀνάσσων, |
| 851 | Primary Τιτῆνές θʼ ὑποταρτάριοι, Κρόνον ἀμφὶς ἐόντες, |
| 852 | Primary ἀσβέστου κελάδοιο καὶ αἰνῆς δηιοτῆτος. |
| 853 | Primary Ζεὺς δʼ ἐπεὶ οὖν κόρθυνεν ἑὸν μένος, εἵλετο δʼ ὅπλα, |
| 854 | Primary βροντήν τε στεροπήν τε καὶ αἰθαλόεντα κεραυνόν, |
| 855 | Primary πλῆξεν ἀπʼ Οὐλύμποιο ἐπάλμενος· ἀμφὶ δὲ πάσας |
| 856 | Primary ἔπρεσε θεσπεσίας κεφαλὰς δεινοῖο πελώρου. |
| 857 | Primary αὐτὰρ ἐπεὶ δή μιν δάμασεν πληγῇσιν ἱμάσσας, |
| 858 | Primary ἤριπε γυιωθείς, στενάχιζε δὲ γαῖα πελώρη. |
| 859 | Primary φλὸξ δὲ κεραυνωθέντος ἀπέσσυτο τοῖο ἄνακτος |
| 860 | Primary οὔρεος ἐν βήσσῃσιν ἀιδνῇς παιπαλοέσσῃς, |
| 861 | Primary πληγέντος. πολλὴ δὲ πελώρη καίετο γαῖα |
| 862 | Primary ἀτμῇ θεσπεσίῃ καὶ ἐτήκετο κασσίτερος ὣς |
| 863 | Primary τέχνῃ ὕπʼ αἰζηῶν ἐν ἐυτρήτοις χοάνοισι |
| 864 | Primary θαλφθείς, ἠὲ σίδηρος, ὅ περ κρατερώτατός ἐστιν. |
| 865 | Primary οὔρεος ἐν βήσσῃσι δαμαζόμενος πυρὶ κηλέῳ |
| 866 | Primary τήκεται ἐν χθονὶ δίῃ ὑφʼ Ἡφαιστου παλάμῃσιν. |
| 867 | Primary ὣς ἄρα τήκετο γαῖα σέλαι πυρὸς αἰθομένοιο. |
| 868 | Primary ῥῖψε δέ μιν θυμῷ ἀκαχὼν ἐς Τάρταρον εὐρύν. |
| 869 | Primary ἐκ δὲ Τυφωέος ἔστʼ ἀνέμων μένος ὑγρὸν ἀέντων, |
| 870 | Primary νόσφι Νότου Βορέω τε καὶ ἀργέστεω Ζεφύροιο· |
| 871 | Primary οἵ γε μὲν ἐκ θεόφιν γενεή, θνητοῖς μέγʼ ὄνειαρ· |
| 872 | Primary οἱ δʼ ἄλλοι μαψαῦραι ἐπιπνείουσι θάλασσαν· |
| 873 | Primary αἳ δή τοι πίπτουσαι ἐς ἠεροειδέα πόντον, |
| 874 | Primary πῆμα μέγα θνητοῖσι, κακῇ θυίουσιν ἀέλλῃ· |
| 875 | Primary ἄλλοτε δʼ ἄλλαι ἄεισι διασκιδνᾶσί τε νῆας |
| 876 | Primary ναύτας τε φθείρουσι· κακοῦ δʼ οὐ γίγνεται ἀλκὴ |
| 877 | Primary ἀνδράσιν, οἳ κείνῃσι συνάντωνται κατὰ πόντον· |
| 878 | Primary αἳ δʼ αὖ καὶ κατὰ γαῖαν ἀπείριτον ἀνθεμόεσσαν |
| 879 | Primary ἔργʼ ἐρατὰ φθείρουσι χαμαιγενέων ἀνθρώπων |
| 880 | Primary πιμπλεῖσαι κόνιός τε καὶ ἀργαλέου κολοσυρτοῦ. |
| 881 | Primary αὐτὰρ ἐπεί ῥα πόνον μάκαρες θεοὶ ἐξετέλεσσαν, |
| 882 | Primary Τιτήνεσσι δὲ τιμάων κρίναντο βίηφι, |
| 883 | Primary δή ῥα τότʼ ὤτρυνον βασιλευέμεν ἠδὲ ἀνάσσειν |
| 884 | Primary Γαίης φραδμοσύνῃσιν Ὀλύμπιον εὐρύοπα Ζῆν |
| 885 | Primary ἀθανάτων· ὃ δὲ τοῖσιν ἑὰς διεδάσσατο τιμάς. |
| 886 | Primary Ζεὺς δὲ θεῶν βασιλεὺς πρώτην ἄλοχον θέτο Μῆτιν |
| 887 | Primary πλεῖστα τε ἰδυῖαν ἰδὲ θνητῶν ἀνθρώπων. |
| 888 | Primary ἀλλʼ ὅτε δὴ ἄρʼ ἔμελλε θεὰν γλαυκῶπιν Ἀθήνην |
| 889 | Primary τέξεσθαι, τότʼ ἔπειτα δόλῳ φρένας ἐξαπατήσας |
| 890 | Primary αἱμυλίοισι λόγοισιν ἑὴν ἐσκάτθετο νηδὺν |
| 891 | Primary Γαίης φραδμοσύνῃσι καὶ Οὐρανοῦ ἀστερόεντος. |
| 892 | Primary τὼς γάρ οἱ φρασάτην, ἵνα μὴ βασιληίδα τιμὴν |
| 893 | Primary ἄλλος ἔχοι Διὸς ἀντὶ θεῶν αἰειγενετάων. |
| 894 | Primary ἐκ γὰρ τῆς εἵμαρτο περίφρονα τέκνα γενέσθαι· |
| 895 | Primary πρώτην μὲν κούρην γλαυκώπιδα Τριτογένειαν |
| 896 | Primary ἶσον ἔχουσαν πατρὶ μένος καὶ ἐπίφρονα βουλήν. |
| 897 | Primary αὐτὰρ ἔπειτʼ ἄρα παῖδα θεῶν βασιλῆα καὶ ἀνδρῶν |
| 898 | Primary ἤμελλεν τέξεσθαι, ὑπέρβιον ἦτορ ἔχοντα· |
| 899 | Primary ἀλλʼ ἄρα μιν Ζεὺς πρόσθεν ἑὴν ἐσκάτθετο νηδύν, |
| 900 | Primary ὡς δή οἱ φράσσαιτο θεὰ ἀγαθόν τε κακόν τε. |
| 901 | Primary δεύτερον ἠγάγετο λιπαρὴν Θέμιν, ἣ τέκεν Ὥρας, |
| 902 | Primary Εὐνουμίην τε Δίκην τε καὶ Εἰρήνην τεθαλυῖαν, |
| 903 | Primary αἳ ἔργʼ ὠρεύουσι καταθνητοῖσι βροτοῖσι, |
| 904 | Primary Μοίρας θʼ, ᾗ πλείστην τιμὴν πόρε μητίετα Ζεύς, |
| 905 | Primary Κλωθώ τε Λάχεσίν τε καὶ Ἄτροπον, αἵτε διδοῦσι |
| 906 | Primary θνητοῖς ἀνθρώποισιν ἔχειν ἀγαθόν τε κακόν τε. |
| 907 | Primary τρεῖς δέ οἱ Εὐρυνομη Χάριτας τέκε καλλιπαρῄους, |
| 908 | Primary Ὠκεανοῦ κούρη, πολυήρατον εἶδος ἔχουσα, |
| 909 | Primary Ἀγλαΐην τε καὶ Εὐφροσύνην Θαλίην τʼ ἐρατεινήν· |
| 910 | Primary τῶν καὶ ἀπὸ βλεφάρων ἔρος εἴβετο δερκομενάων |
| 911 | Primary λυσιμελής· καλὸν δέ θʼ ὑπʼ ὀφρύσι δερκιόωνται. |
| 912 | Primary αὐτὰρ ὁ Δήμητρος πολυφόρβης ἐς λέχος ἦλθεν, |
| 913 | Primary ἣ τέκε Περσεφόνην λευκώλενον, ἣν Ἀιδωνεὺς |
| 914 | Primary ἥρπασε ἧς παρὰ μητρός· ἔδωκε δὲ μητίετα Ζεύς. |
| 915 | Primary Μνημοσύνης δʼ ἐξαῦτις ἐράσσατο καλλικόμοιο, |
| 916 | Primary ἐξ ἧς οἱ Μοῦσαι χρυσάμπυκες ἐξεγένοντο |
| 917 | Primary ἐννέα, τῇσιν ἅδον θαλίαι καὶ τέρψις ἀοιδῆς. |
| 918 | Primary Λητὼ δʼ Ἀπόλλωνα καὶ Ἄρτεμιν ἰοχέαιραν, |
| 919 | Primary ἱμερόεντα γόνον περὶ πάντων Οὐρανιώνων, |
| 920 | Primary γείνατʼ ἄρʼ αἰγιόχοιο Διὸς φιλότητι μιγεῖσα. |
| 921 | Primary λοισθοτάτην δʼ Ἥρην θαλερὴν ποιήσατʼ ἄκοιτιν· |
| 922 | Primary ἣ δʼ Ἥβην καὶ Ἄρηα καὶ Εἰλείθυιαν ἔτικτε |
| 923 | Primary μιχθεῖσʼ ἐν φιλότητι θεῶν βασιλῆι καὶ ἀνδρῶν. |
| 924 | Primary αὐτὸς δʼ ἐκ κεφαλῆς γλαυκώπιδα Τριτογένειαν |
| 925 | Primary δεινὴν ἐγρεκύδοιμον ἀγέστρατον Ἀτρυτώνην |
| 926 | Primary πότνιαν, ᾗ κέλαδοί τε ἅδον πόλεμοί τε μάχαι τε, |
| 927 | Primary Ἥρη δʼ Ἥφαιστον κλυτὸν οὐ φιλότητι μιγεῖσα |
| 928 | Primary γείνατο, καὶ ζαμένησε καὶ ἤρισε ᾧ παρακοίτῃ, |
| 929 | Primary ἐκ πάντων τέχνῃσι κεκασμένον Οὐρανιώνων. |
| 929a | Primary Ἥρη δὲ ζαμένησε καὶ ἤρισε ᾧ παρακοίτῃ. |
| 929b | Primary ἐκ ταύτης δʼ ἔριδος ἣ μὲν τέκε φαίδιμον υἱὸν |
| 929c | Primary Ἥφαιστον, φιλότητος ἄτερ Διὸς αἰγιόχοιο, |
| 929d | Primary ἐκ πάντων παλάμῃσι κεκασμένον Οὐρανιώνων· |
| 929e | Primary αὐτὰρ ὅ γʼ Ὠκεανοῦ καὶ Τηθύος ἠυκόμοιο |
| 929f | Primary κούρῃ νόσφʼ Ἥρης παρελέξατο καλλιπαρήῳ, |
| 929g | Primary ἐξαπαφὼν Μῆτιν καίπερ πολυδήνεʼ ἐοῦσαν. |
| 929h | Primary συμμάρψας δʼ ὅ γε χερσὶν ἑὴν ἐγκάτθετο νηδὺν |
| 929i | Primary δείσας, μὴ τέξῃ κρατερώτερον ἄλλο κεραυνοῦ. |
| 929j | Primary τοὔνεκά μιν Κρονίδης ὑψίζυγος αἰθέρι ναίων |
| 929k | Primary κάππιεν ἐξαπίνης· ἣ δʼ αὐτίκα Παλλάδʼ Ἀθήνην |
| 929l | Primary κύσατο· τὴν μὲν ἔτικτε πατὴρ ἀνδρῶν τε θεῶν τε |
| 929m | Primary πὰρ κορυφὴν Τρίτωνος ἐπʼ ὄχθῃσιν ποταμοῖο. |
| 929n | Primary Μῆτις δʼ αὖτε Ζηνὸς ὑπὸ σπλάγχνοις λελαθυῖα |
| 929o | Primary ἧστο, Ἀθηναίης μήτηρ, τέκταινα δικαίων |
| 929p | Primary πλεῖστα θεῶν τε ἰδυῖα καταθνητῶν τʼ ἀνθρώπων, |
| 929q | Primary ἔνθα θεὰ παρέδεκτο ὅθεν παλάμαις περὶ πάντων |
| 929r | Primary ἀθανάτων ἐκέκασθʼ οἳ Ὀλύμπια δώματʼ ἔχουσιν, |
| 929s | Primary αἰγίδα ποιήσασα φοβέστρατον ἔντος Ἀθήνης· |
| 929t | Primary σὺν τῇ ἐγείνατό μιν πολεμήια τεύχεʼ ἔχουσαν. |
| 930 | Primary Ἐκ δʼ Ἀμφιτρίτης καὶ ἐρικτύπου Ἐννοσιγαίου |
| 931 | Primary Τρίτων εὐρυβίης γένετο μέγας, ὅστε θαλάσσης |
| 932 | Primary πυθμένʼ ἔχων παρὰ μητρὶ φίλῃ καὶ πατρὶ ἄνακτι |
| 933 | Primary ναίει χρύσεα δῶ, δεινὸς θεός. αὐτὰρ Ἄρηι |
| 934 | Primary ῥινοτόρῳ Κυθέρεια Φόβον καὶ Δεῖμον ἔτικτε |
| 935 | Primary δεινούς, οἵτʼ ἀνδρῶν πυκινὰς κλονέουσι φάλαγγας |
| 936 | Primary ἐν πολέμῳ κρυόεντι σὺν Ἄρηι πτολιπόρθῳ, |
| 937 | Primary Ἁρμονίην θʼ, ἣν Κάδμος ὑπέρθυμος θέτʼ ἄκοιτιν. |
| 938 | Primary Ζηνὶ δʼ ἄρʼ Ἀτλαντὶς Μαίη τέκε κύδιμον Ἑρμῆν, |
| 939 | Primary κήρυκʼ ἀθανάτων, ἱερὸν λέχος εἰσαναβᾶσα. |
| 940 | Primary Καδμείη δʼ ἄρα οἱ Σεμέλη τέκε φαίδιμον υἱὸν |
| 941 | Primary μιχθεῖσʼ ἐν φιλότητι, Διώνυσον πολυγηθέα, |
| 942 | Primary ἀθάνατον θνητή· νῦν δʼ ἀμφότεροι θεοί εἰσιν. |
| 943 | Primary Ἀλκμήνη δʼ ἄρʼ ἔτικτε βίην Ἡρακληείην |
| 944 | Primary μιχθεῖσʼ ἐν φιλότητι Διὸς νεφεληγερέταο. |
| 945 | Primary ἀγλαΐην δʼ Ἥφαιστος, ἀγακλυτὸς ἀμφιγυήεις, |
| 946 | Primary ὁπλοτάτην Χαρίτων θαλερὴν ποιήσατʼ ἄκοιτιν. |
| 947 | Primary χρυσοκόμης δὲ Διώνυσος ξανθὴν Ἀριάδνην, |
| 948 | Primary κούρην Μίνωος, θαλερὴν ποιήσατʼ ἄκοιτιν. |
| 949 | Primary τὴν δέ οἱ ἀθάνατον καὶ ἀγήρω θῆκε Κρονίων. |
| 950 | Primary ἥβην δʼ Ἀλκμήνης καλλισφύρου ἄλκιμος υἱός, |
| 951 | Primary ἲς Ἡρακλῆος, τελέσας στονόεντας ἀέθλους, |
| 952 | Primary παῖδα Διὸς μεγάλοιο καὶ Ἥρης χρυσοπεδίλου, |
| 953 | Primary αἰδοίην θέτʼ ἄκοιτιν ἐν Οὐλύμπῳ νιφόεντι, |
| 954 | Primary ὄλβιος, ὃς μέγα ἔργον ἐν ἀθανάτοισιν ἀνύσσας |
| 955 | Primary ναίει ἀπήμαντος καὶ ἀγήραος ἤματα πάντα. |
| 956 | Primary ἠελίῳ δʼ ἀκάμαντι τέκεν κλυτὸς Ὠκεανίνη |
| 957 | Primary Περσηὶς Κίρκην τε καὶ Αἰήτην βασιλῆα. |
| 958 | Primary Αἰήτης δʼ υἱὸς φαεσιμβρότου Ἠελίοιο |
| 959 | Primary κούρην Ὠκεανοῖο τελήεντος ποταμοῖο |
| 960 | Primary γῆμε θεῶν βουλῇσιν Ἰδυῖαν καλλιπάρῃον. |
| 961 | Primary ἣ δέ οἱ Μήδειαν ἐύσφυρον ἐν φιλότητι |
| 962 | Primary γείναθʼ ὑποδμηθεῖσα διὰ χρυσέην Ἀφροδίτην. |
| 963 | Primary ὑμεῖς μὲν νῦν χαίρετʼ, Ὀλύμπια δώματʼ ἔχοντες, |
| 964 | Primary νῆσοί τʼ ἤπειροί τε καὶ ἁλμυρὸς ἔνδοθι πόντος. |
| 965 | Primary νῦν δὲ θεάων φῦλον ἀείσατε, ἡδυέπειαι |
| 966 | Primary Μοῦσαι Ὀλυμπιάδες, κοῦραι Διὸς αἰγιόχοιο, |
| 967 | Primary ὅσσαι δὴ θνητοῖσι παρʼ ἀνδράσιν εὐνηθεῖσαι |
| 968 | Primary ἀθάναται γείναντο θεοῖς ἐπιείκελα τέκνα. |
| 969 | Primary Δημήτηρ μὲν Πλοῦτον ἐγείνατο, δῖα θεάων, |
| 970 | Primary Ἰασίωνʼ ἥρωι μιγεῖσʼ ἐρατῇ φιλότητι |
| 971 | Primary νειῷ ἔνι τριπόλῳ, Κρήτης ἐν πίονι δήμῳ, |
| 972 | Primary ἐσθλόν, ὃς εἶσʼ ἐπὶ γῆν τε καὶ εὐρέα νῶτα θαλάσσης |
| 973 | Primary πάντη· τῷ δὲ τυχόντι καὶ οὗ κʼ ἐς χεῖρας ἵκηται, |
| 974 | Primary τὸν δʼ ἀφνειὸν ἔθηκε, πολὺν δέ οἱ ὤπασεν ὄλβον. |
| 975 | Primary Κάδμῳ δʼ Ἁρμονίη, θυγάτηρ χρυσέης Ἀφροδιτης, |
| 976 | Primary Ἰνὼ καὶ Σεμέλην καὶ Ἀγαυὴν καλλιπάρῃον |
| 977 | Primary Αὐτονόην θʼ, ἣν γῆμεν Ἀρισταῖος βαθυχαίτης, |
| 978 | Primary γείνατο καὶ Πολύδωρον ἐυστεφάνῳ ἐνὶ Θήβῃ. |
| 979 | Primary κούρη δʼ Ὠκεανοῦ, Χρυσάορι καρτεροθύμῳ |
| 980 | Primary μιχθεῖσʼ ἐν φιλότητι πολυχρύσου Ἀφροδίτης, |
| 981 | Primary Καλλιρόη τέκε παῖδα βροτῶν κάρτιστον ἁπάντων, |
| 982 | Primary Γηρυονέα, τὸν κτεῖνε βίη Ἡρακληείη |
| 983 | Primary βοῶν ἕνεκʼ εἰλιπόδων ἀμφιρρύτῳ εἰν Ἐρυθείῃ. |
| 984 | Primary Τιθωνῷ δʼ Ἠὼς τέκε Μέμνονα χαλκοκορυστήν, |
| 985 | Primary Αἰθιόπων βασιλῆα, καὶ Ἠμαθίωνα ἄνακτα. |
| 986 | Primary αὐτὰρ ὑπαὶ Κεφάλῳ φιτύσατο φαίδιμον υἱόν, |
| 987 | Primary ἴφθιμον Φαέθοντα, θεοῖς ἐπιείκελον ἄνδρα. |
| 988 | Primary τόν ῥα νέον τέρεν ἄνθος ἔχοντʼ ἐρικυδέος ἥβης |
| 989 | Primary παῖδʼ ἀταλὰ φρονέοντα φιλομμειδὴς Ἀφροδίτη |
| 990 | Primary ὦρτʼ ἀναρεψαμένη, καί μιν ζαθέοις ἐνὶ νηοῖς |
| 991 | Primary νηοπόλον νύχιον ποιήσατο, δαίμονα δῖον. |
| 992 | Primary κούρην δʼ Αἰήταο διοτρεφέος βασιλῆος |
| 993 | Primary Αἰσονίδης βουλῇσι θεῶν αἰειγενετάων |
| 994 | Primary ἦγε παρʼ Αἰήτεω, τελέσας στονόεντας ἀέθλους, |
| 995 | Primary τοὺς πολλοὺς ἐπέτελλε μέγας βασιλεὺς ὑπερήνωρ, |
| 996 | Primary ὑβριστὴς Πελίης καὶ ἀτάσθαλος, ὀβριμοεργός. |
| 997 | Primary τοὺς τελέσας Ἰαωλκὸν ἀφίκετο, πολλὰ μογήσας, |
| 998 | Primary ὠκείης ἐπὶ νηὸς ἄγων ἑλικώπιδα κούρην |
| 999 | Primary Αἰσονίδης, καί μιν θαλερὴν ποιήσατʼ ἄκοιτιν. |
| 1000 | Primary καί ῥʼ ἥ γε δμηθεῖσʼ ὑπʼ Ἰήσονι, ποιμένι λαῶν, |
| 1001 | Primary Μήδειον τέκε παῖδα, τὸν οὔρεσιν ἔτρεφε Χείρων |
| 1002 | Primary Φιλυρίδης· μεγάλου δὲ Διὸς νόος ἐξετελεῖτο. |
| 1003 | Primary αὐτὰρ Νηρῆος κοῦραι,· ἁλίοιο γέροντος, |
| 1004 | Primary ἦ τοι μὲν Φῶκον Ψαμάθη τέκε δῖα θεάων |
| 1005 | Primary Αἰακοῦ ἐν φιλότητι διὰ χρυσέην Ἀφροδίτην, |
| 1006 | Primary Πηλέι δὲ δμηθεῖσα θεὰ Θέτις ἀργυρόπεζα |
| 1007 | Primary γείνατʼ Ἀχιλλῆα ῥηξήνορα θυμολέοντα. |
| 1008 | Primary Αἰνείαν δʼ ἄρʼ ἔτικτεν ἐυστέφανος Κυθέρεια |
| 1009 | Primary Ἀγχίσῃ ἥρωι μιγεῖσʼ ἐρατῇ φιλότητι |
| 1010 | Primary Ἴδης ἐν κορυφῇσι πολυπτύχου ὑληέσσης. |
| 1011 | Primary Κίρκη δʼ, Ἠελίου θυγάτηρ Ὑπεριονίδαο, |
| 1012 | Primary γείνατʼ Ὀδυσσῆος ταλασίφρονος ἐν φιλότητι |
| 1013 | Primary Ἄγριον ἠδὲ Λατῖνον ἀμύμονά τε κρατερόν τε· |
| 1014 | Primary Τηλέγονον δʼ ἄρʼ ἔτικτε διὰ χρυσέην Ἀφροδίτην. |
| 1015 | Primary οἳ δή τοι μάλα τῆλε μυχῷ νήσων ἱεράων |
| 1016 | Primary πᾶσιν Τυρσηνοῖσιν ἀγακλειτοῖσιν ἄνασσον. |
| 1017 | Primary Ναυσίθοον δʼ Ὀδυσῆι Καλυψὼ δῖα θεάων |
| 1018 | Primary γείνατο Ναυσίνοόν τε μιγεῖσʼ ἐρατῇ φιλότητι. |
| 1019 | Primary αὗται μὲν θνητοῖσι παρʼ ἀνδράσιν εὐνηθεῖσαι |
| 1020 | Primary ἀθάναται γείναντο θεοῖς ἐπιείκελα τέκνα. |
| 1021 | Primary νῦν δὲ γυναικῶν φῦλον ἀείσατε, ἡδυέπειαι |
| 1022 | Primary Μοῦσαι Ὀλυμπιάδες, κοῦραι Διὸς αἰγιόχοιο. |