Reader
Reader | Aeneid, Book 10
Aeneid
Virgil
Text
Position
Line 1 of 911
Waypoints
| Line Ref | J. B. Greenough | Latin |
|---|---|
| 1 | Primary Panditur interea domus omnipotentis Olympi, |
| 2 | Primary conciliumque vocat divom pater atque hominum rex |
| 3 | Primary sideream in sedem, terras unde arduus omnis |
| 4 | Primary castraque Dardanidum adspectat populosque Latinos. |
| 5 | Primary Considunt tectis bipatentibus, incipit ipse: |
| 6 | Primary Caelicolae magni, quianam sententia vobis |
| 7 | Primary versa retro tantumque animis certatis iniquis? |
| 8 | Primary Abnueram bello Italiam concurrere Teucris. |
| 9 | Primary Quae contra vetitum discordia? Quis metus aut hos |
| 10 | Primary aut hos arma sequi ferrumque lacessere suasit? |
| 11 | Primary Adveniet iustum pugnae, ne arcessite, tempus, |
| 12 | Primary cum fera Karthago Romanis arcibus olim |
| 13 | Primary exitium magnum atque Alpes immittet apertas: |
| 14 | Primary tum certare odiis, tum res rapuisse licebit. |
| 15 | Primary Nunc sinite et placitum laeti componite foedus. |
| 16 | Primary Iuppiter haec paucis; at non Venus aurea contra |
| 17 | Primary pauca refert: |
| 18 | Primary O pater, O hominum rerumque aeterna potestas! |
| 19 | Primary Namque aliud quid sit, quod iam implorare queamus? |
| 20 | Primary Cernis ut insultent Rutulli Turnusque feratur |
| 21 | Primary per medios insignis equis tumidusque secundo |
| 22 | Primary Marte ruat? Non clausa tegunt iam moenia Teucros: |
| 23 | Primary quin intra portas atque ipsis proelia miscent |
| 24 | Primary aggeribus moerorum et inundant sanguine fossas. |
| 25 | Primary Aeneas ignarus abest. Numquamne levari |
| 26 | Primary obsidione sines? Muris iterum imminet hostis |
| 27 | Primary nascentis Troiae nec non exercitus alter; |
| 28 | Primary atque iterum in Teucros Aetolis surgit ab Arpis |
| 29 | Primary Tydides. Equidem credo, mea volnera restant |
| 30 | Primary et tua progenies mortalia demoror arma. |
| 31 | Primary Si sine pace tua atque invito numine Troes |
| 32 | Primary Italiam petiere, luant peccata neque illos |
| 33 | Primary iuveris auxilio; sin tot responsa secuti, |
| 34 | Primary quae superi manesque dabant: cur nunc tua quisquam |
| 35 | Primary vertere iussa potest aut cur nova condere fata? |
| 36 | Primary Quid repetem exustas Erycino in litore classes, |
| 37 | Primary quid tempestatum regem ventosque furentis |
| 38 | Primary Aeolia excitos aut actam nubibus Irim? |
| 39 | Primary Nunc etiam manis, haec intemptata manebat |
| 40 | Primary sors rerum, movet et superis immissa repente |
| 41 | Primary Allecto, medias Italum bacchata per urbes. |
| 42 | Primary Nil super imperio moveor: speravimus ista, |
| 43 | Primary dum fortuna fuit; vincant quos vincere mavis. |
| 44 | Primary Si nulla est regio, Teucris quam det tua coniunx |
| 45 | Primary dura, per eversae, genitor, fumantia Troiae |
| 46 | Primary exscidia obtestor, liceat dimittere ab armis |
| 47 | Primary incolumem Ascanium, liceat superesse nepotem. |
| 48 | Primary Aeneas sane ignotis iactetur in undis |
| 49 | Primary et, quamcumque viam dederit Fortuna, sequatur: |
| 50 | Primary hunc tegere et dirae valeam subducere pugnae. |
| 51 | Primary Est Amathus, est celsa mihi Paphus atque Cythera |
| 52 | Primary Idaliaeque domus: positis inglorius armis |
| 53 | Primary exigat hic aevum. Magna dicione iubeto |
| 54 | Primary Karthago premat Ausoniam: nihil urbibus inde |
| 55 | Primary obstabit Tyriis. Quid pestem evadere belli |
| 56 | Primary iuvit et Argolicos medium fugisse per ignes |
| 57 | Primary totque maris vastaeque exhausta pericula terrae, |
| 58 | Primary dum Latium Teucri recidivaque Pergama quaerunt? |
| 59 | Primary Non satius cineres patriae insedisse supremos |
| 60 | Primary atque solum, quo Troia fuit? Xanthum et Simoenta |
| 61 | Primary redde, oro, miseris iterumque revolvere casus |
| 62 | Primary da, pater, Iliacos Teucris. |
| 62b | Primary Tum regia Iuno |
| 63 | Primary acta furore gravi: Quid me alta silentia cogis |
| 64 | Primary rumpere et obductum verbis volgare dolorem? |
| 65 | Primary Aenean hominum quisquam divomque subegit |
| 66 | Primary bella sequi aut hostem regi se inferre Latino? |
| 67 | Primary Italiam petiit fatis auctoribus, esto, |
| 68 | Primary Cassandrae inpulsus furiis: num linquere castra |
| 69 | Primary hortati sumus aut vitam committere ventis? |
| 70 | Primary Num puero summam belli, num credere muros |
| 71 | Primary Tyrrhenamque fidem, aut gentis agitare quietas? |
| 72 | Primary Quis deus in fraudem, quae dura potentia nostra |
| 73 | Primary egit? Ubi hic Iuno demissave nubibus Iris? |
| 74 | Primary Indignum est Italos Troiam circumdare flammis |
| 75 | Primary nascentem et patria Turnum consistere terra, |
| 76 | Primary cui Pilumnus avus, cui diva Venilia mater: |
| 77 | Primary quid face Troianos atra vim ferre Latinis, |
| 78 | Primary arva aliena iugo premere atque avertere praedas? |
| 79 | Primary Quid soceros legere et gremiis abducere pactas, |
| 80 | Primary pacem orare manu, praefigere puppibus arma? |
| 81 | Primary Tu potes Aenean manibus subducere Graium |
| 82 | Primary proque viro nebulam et ventos obtendere inanis, |
| 83 | Primary tu potes in totidem classem convertere nymphas: |
| 84 | Primary nos aliquid Rutulos contra iuvisse nefandum est? |
| 85 | Primary Aeneas ignarus abest: ignarus et absit. |
| 86 | Primary Est Paphus Idaliumque tibi, sunt alta Cythera: |
| 87 | Primary quid gravidam bellis urbem et corda aspera temptas? |
| 88 | Primary Nosne tibi fluxas Phrygiae res vertere fundo |
| 89 | Primary conamur, nos, an miseros qui Troas Achivis |
| 90 | Primary obiecit? Quae causa fuit, consurgere in arma |
| 91 | Primary Europamque Asiamque et foedera solvere furto? |
| 92 | Primary Me duce Dardanius Spartam expugnavit adulter, |
| 93 | Primary aut ego tela dedi fovive cupidine bella? |
| 94 | Primary Tum decuit metuisse tuis: nunc sera querelis |
| 95 | Primary haud iustis adsurgis et inrita iurgia iactas. |
| 96 | Primary Talibus orabat Iuno, cunctique fremebant |
| 97 | Primary caelicolae adsensu vario, ceu flamina prima |
| 98 | Primary cum deprensa fremunt silvis et caeca volutant |
| 99 | Primary murmura, venturos nautis prodentia ventos. |
| 100 | Primary Tum pater omnipotens, rerum cui prima potestas, |
| 101 | Primary infit; eo dicente deum domus alta silescit |
| 102 | Primary et tremefacta solo tellus, silet arduus aether, |
| 103 | Primary tum Zephyri posuere, premit placida aequora pontus: |
| 104 | Primary Accipite ergo animis atque haec mea figite dicta. |
| 105 | Primary Quandoquidem Ausonios coniungi foedere Teucris |
| 106 | Primary haud licitum, nec vestra capit discordia finem: |
| 107 | Primary quae cuique est fortuna hodie, quam quisque secat spem, |
| 108 | Primary Tros Rutulusne fuat nullo discrimine habebo. |
| 109 | Primary Seu fatis Italum castra obsidione tenentur |
| 110 | Primary sive errore malo Troiae monitisque sinistris. |
| 111 | Primary Nec Rutulos solvo: sua cuique exorsa laborem |
| 112 | Primary fortunamque ferent. Rex Iuppiter omnibus idem. |
| 113 | Primary Fata viam invenient. Stygii per flumina fratris, |
| 114 | Primary per pice torrentis atraque voragine ripas |
| 115 | Primary adnuit et totum nutu tremefecit Olympum. |
| 116 | Primary Hic finis fandi. Solio tum Iuppiter aureo |
| 117 | Primary surgit, caelicolae medium quem ad limina ducunt. |
| 118 | Primary Interea Rutuli portis circum omnibus instant |
| 119 | Primary sternere caede viros et moenia cingere flammis. |
| 120 | Primary At legio Aeneadum vallis obsessa tenetur, |
| 121 | Primary nec spes ulla fugae. Miseri stant turribus altis |
| 122 | Primary nequiquam et rara muros cinxere corona |
| 123 | Primary Asius Imbrasides Hicetaoniusque Thymoetes |
| 124 | Primary Assaracique duo et senior cum Castore Thymbris, |
| 125 | Primary prima acies; hos germani Sarpedonis ambo |
| 126 | Primary et Clarus et Thaemon Lycia comitantur ab alta. |
| 127 | Primary Fert ingens toto conixus corpore saxum, |
| 128 | Primary haud partem exiguam montis, Lyrnesius Acmon, |
| 129 | Primary nec Clytio genitore minor nec fratre Menestheo. |
| 130 | Primary Hi iaculis, illi certant defendere saxis |
| 131 | Primary molirique ignem nervoque aptare sagittas. |
| 132 | Primary Ipse inter medios, Veneris iustissima cura, |
| 133 | Primary Dardanius caput ecce puer detectus honestum, |
| 134 | Primary qualis gemma micat, fulvum quae dividit aurum, |
| 135 | Primary aut collo decus aut capiti; vel quale per artem |
| 136 | Primary inclusum buxo aut Oricia terebintho |
| 137 | Primary lucet ebur; fusos cervix cui lactea crinis |
| 138 | Primary accipit et molli subnectens circulus auro. |
| 139 | Primary Te quoque magnanimae viderunt, Ismare, gentes |
| 140 | Primary volnera dirigere et calamos armare veneno, |
| 141 | Primary Maeonia generose domo, ubi pinguia culta |
| 142 | Primary exercentque viri Pactolusque inrigat auro. |
| 143 | Primary Adfuit et Mnestheus, quem pulsi pristina Turni |
| 144 | Primary aggere moerorum sublimem gloria tollit, |
| 145 | Primary et Capys: hinc nomen Campanae ducitur urbi. |
| 146 | Primary Illi inter sese duri certamina belli |
| 147 | Primary contulerant: media Aeneas freta nocte secabat. |
| 148 | Primary Namque ut ab Euandro castris ingressus Etruscis |
| 149 | Primary regem adit et regi memorat nomenque genusque, |
| 150 | Primary quidve petat quidve ipse ferat, Mezentius arma |
| 151 | Primary quae sibi conciliet, violentaque pectora Turni |
| 152 | Primary edocet, humanis quae sit fiducia rebus |
| 153 | Primary admonet immiscetque preces: haud fit mora, Tarchon |
| 154 | Primary iungit opes foedusque ferit; tum libera fati |
| 155 | Primary classem conscendit iussis gens Lydia divom, |
| 156 | Primary externo commissa duci. Aeneia puppis |
| 157 | Primary prima tenet, rostro Phrygios subiuncta leones, |
| 158 | Primary imminet Ida super, profugis gratissima Teucris. |
| 159 | Primary Hic magnus sedet Aeneas secumque volutat |
| 160 | Primary eventus belli varios, Pallasque sinistro |
| 161 | Primary adfixus lateri iam quaerit sidera, opacae |
| 162 | Primary noctis iter, iam quae passus terraque marique. |
| 163 | Primary Pandite nunc Helicona, deae, cantusque movete, |
| 164 | Primary quae manus interea Tuscis comitetur ab oris |
| 165 | Primary Aenean armetque rates pelagoque vehatur. |
| 166 | Primary Massicus aerata princeps secat aequora tigri: |
| 167 | Primary sub quo mille manus iuvenum, qui moenia Clusi |
| 168 | Primary quique urbem liquere Cosas, quis tela sagittae |
| 169 | Primary gorytique leves umeris et letifer arcus. |
| 170 | Primary Una torvus Abas: huic totum insignibus armis |
| 171 | Primary agmen et aurato fulgebat Apolline puppis. |
| 172 | Primary Sescentos illi dederat Populonia mater |
| 173 | Primary expertos belli iuvenes, ast Ilva trecentos |
| 174 | Primary insula inexhaustis Chalybum generosa metallis. |
| 175 | Primary Tertius ille hominum divomque interpres Asilas, |
| 176 | Primary cui pecudum fibrae, caeli cui sidera parent |
| 177 | Primary et linguae volucrum et praesagi fulminis ignes, |
| 178 | Primary mille rapit densos acie atque horrentibus hastis. |
| 179 | Primary Hos parere iubent Alpheae ab origine Pisae, |
| 180 | Primary urbs Etrusca solo. Sequitur pulcherrimus Astur, |
| 181 | Primary Astur equo fidens et versicoloribus armis. |
| 182 | Primary Tercentum adiciunt (mens omnibus una sequendi) |
| 183 | Primary qui Caerete domo, qui sunt Minionis in arvis, |
| 184 | Primary et Pyrgi veteres intempestaeque Graviscae. |
| 185 | Primary Non ego te, Ligurum ductor fortissime bello, |
| 186 | Primary transierim, Cinyre, et paucis comitate Cupavo, |
| 187 | Primary cuius olorinae surgunt de vertice pennae, |
| 188 | Primary crimen, Amor, vestrum formaeque insigne paternae. |
| 189 | Primary Namque ferunt luctu Cycnum Phaethontis amati, |
| 190 | Primary populeas inter frondes umbramque sororum |
| 191 | Primary dum canit et maestum Musa solatur amorem, |
| 192 | Primary canentem molli pluma duxisse senectam, |
| 193 | Primary linquentem terras et sidera voce sequentem. |
| 194 | Primary Filius, aequalis comitatus classe catervas, |
| 195 | Primary ingentem remis Centaurum promovet: ille |
| 196 | Primary instat aquae saxumque undis immane minatur |
| 197 | Primary arduus et longa sulcat maria alta carina. |
| 198 | Primary Ille etiam patriis agmen ciet Ocnus ab oris, |
| 199 | Primary fatidicae Mantus et Tusci filius amnis, |
| 200 | Primary qui muros matrisque dedit tibi, Mantua, nomen, |
| 201 | Primary Mantua, dives avis; sed non genus omnibus unum: |
| 202 | Primary gens illi triplex, populi sub gente quaterni, |
| 203 | Primary ipsa caput populis, Tusco de sanguine vires. |
| 204 | Primary Hinc quoque quingentos in se Mezentius armat, |
| 205 | Primary quos patre Benaco velatus harundine glauca |
| 206 | Primary Mincius infesta ducebat in aequora pinu. |
| 207 | Primary It gravis Aulestes centenaque arbore fluctum |
| 208 | Primary verberat adsurgens, spumant vada marmore verso. |
| 209 | Primary Hunc vehit immanis Triton et caerula concha |
| 210 | Primary exterrens freta, cui laterum tenus hispida nanti |
| 211 | Primary frons hominem praefert, in pristim desinit alvus: |
| 212 | Primary spumea semifero sub pectore murmurat unda. |
| 213 | Primary Tot lecti proceres ter denis navibus ibant |
| 214 | Primary subsidio Troiae et campos salis aera secabant. |
| 215 | Primary Iamque dies caelo concesserat almaque curru |
| 216 | Primary noctivago Phoebe medium pulsabat Olympum: |
| 217 | Primary Aeneas (neque enim membris dat cura quietem) |
| 218 | Primary ipse sedens clavumque regit velisque ministrat. |
| 219 | Primary Atque illi medio in spatio chorus ecce suarum |
| 220 | Primary occurrit comitum: nymphae, quas alma Cybebe |
| 221 | Primary numen habere maris nymphasque e navibus esse |
| 222 | Primary iusserat, innabant pariter fluctusque secabant, |
| 223 | Primary quot prius aeratae steterant ad litora prorae. |
| 224 | Primary Agnoscunt longe regem lustrantque choreis, |
| 225 | Primary quarum quae fandi doctissima Cymodocea |
| 226 | Primary pone sequens dextra puppim tenet ipsaque dorso |
| 227 | Primary eminet ac laeva tacitis subremigat undis, |
| 228 | Primary tum sic ignarum adloquitur: Vigilasne, deum gens, |
| 229 | Primary Aenea? Vigila et velis immitte rudentis. |
| 230 | Primary Nos sumus, Idaeae sacro de vertice pinus, |
| 231 | Primary nunc pelagi nymphae, classis tua. Perfidus ut nos |
| 232 | Primary praecipitis ferro Rutulus flammaque premebat, |
| 233 | Primary rupimus invitae tua vincula teque per aequor |
| 234 | Primary quaerimus. Hanc Genetrix faciem miserata refecit |
| 235 | Primary et dedit esse deas aevumque agitare sub undis. |
| 236 | Primary At puer Ascanius muro fossisque tenetur |
| 237 | Primary tela inter media atque horrentis Marte Latinos. |
| 238 | Primary Iam loca iussa tenent forti permixtus Etrusco |
| 239 | Primary Arcas eques: medias illis opponere turmas, |
| 240 | Primary ne castris iungant, certast sententia Turno. |
| 241 | Primary Surge age et Aurora socios veniente vocari |
| 242 | Primary primus in arma iube et clipeum cape, quem dedit ipse |
| 243 | Primary invictum Ignipotens atque oras ambiit auro. |
| 244 | Primary Crastina lux, mea si non inrita dicta putaris, |
| 245 | Primary ingentis Rutulae spectabit caedis acervos. |
| 246 | Primary Dixerat, et dextra discedens impulit altam |
| 247 | Primary haud ignara modi puppim: fugit illa per undas |
| 248 | Primary ocior et iaculo et ventos aequante sagitta. |
| 249 | Primary Inde aliae celerant cursus. Stupet inscius ipse |
| 250 | Primary Tros Anchisiades; animos tamen omine tollit. |
| 251 | Primary Tum breviter super adspectans convexa precatur: |
| 252 | Primary Alma parens Idaea deum, cui Dindyma cordi |
| 253 | Primary turrigeraeque urbis biiugique ad frena leones, |
| 254 | Primary tu mihi nunc pugnae princeps, tu rite propinques |
| 255 | Primary augurium Phrygibusque adsis pede, diva, secundo. |
| 256 | Primary Tantum effatus. Et interea revoluta rubebat |
| 257 | Primary matura iam luce dies noctemque fugarat: |
| 258 | Primary principio sociis edicit, signa sequantur |
| 259 | Primary atque animos aptent armis pugnaeque parent se. |
| 260 | Primary Iamque in conspectu Teucros habet et sua castra, |
| 261 | Primary stans celsa in puppi; clipeum cum deinde sinistra |
| 262 | Primary extulit ardentem. Clamorem ad sidera tollunt |
| 263 | Primary Dardanidae e muris, spes addita suscitat iras, |
| 264 | Primary tela manu iaciunt: quales sub nubibus atris |
| 265 | Primary Strymoniae dant signa grues atque aethera tranant |
| 266 | Primary cum sonitu fugiuntque notos clamore secundo. |
| 267 | Primary At Rutulo regi ducibusque ea mira videri |
| 268 | Primary Ausoniis, donec versas ad litora puppes |
| 269 | Primary respiciunt totumque adlabi classibus aequor. |
| 270 | Primary Ardet apex capiti cristisque a vertice flamma |
| 271 | Primary funditur et vastos umbo vomit aureus ignes: |
| 272 | Primary non secus ac liquida siquando nocte cometae |
| 273 | Primary sanguinei lugubre rubent aut Sirius ardor, |
| 274 | Primary ille sitim morbosque ferens mortalibus aegris, |
| 275 | Primary nascitur et laevo contristat lumine caelum. |
| 276 | Primary Haud tamen audaci Turno fiducia cessit |
| 277 | Primary litora praecipere et venientis pellere terra. |
| 278 | Primary ultro animos tollit dictis atque increpat ultro |
| 279 | Primary Quod votis optastis, adest, perfringere dextra; |
| 280 | Primary in manibus Mars ipse viris. Nunc coniugis esto |
| 281 | Primary quisque suae tectique memor, nunc magna referto |
| 282 | Primary facta, patrum laudes. Ultro occurramus ad undam, |
| 283 | Primary dum trepidi egressisque labant vestigia prima. |
| 284 | Primary Audentis Fortuna iuvat, |
| 285 | Primary haec ait et secum versat, quos ducere contra |
| 286 | Primary vel quibus obsessos possit concredere muros. |
| 287 | Primary Interea Aeneas socios de puppibus altis |
| 288 | Primary pontibus exponit. Multi servare recursus |
| 289 | Primary languentis pelagi et brevibus se credere saltu, |
| 290 | Primary per remos alii. Speculatus litora Tarchon, |
| 291 | Primary qua vada non sperat nec fracta remurmurat unda, |
| 292 | Primary sed mare inoffensum crescenti adlabitur aestu, |
| 293 | Primary advertit subito proram sociosque precatur: |
| 294 | Primary Nunc, o lecta manus, validis incumbite remis; |
| 295 | Primary tollite, ferte rates; inimicam findite rostris |
| 296 | Primary hanc terram, sulcumque sibi premat ipsa carina. |
| 297 | Primary Frangere nec tali puppim statione recuso |
| 298 | Primary arrepta tellure semel. Quae talia postquam |
| 299 | Primary effatus Tarchon, socii consurgere tonsis |
| 300 | Primary spumantisque rates arvis inferre Latinis, |
| 301 | Primary donec rostra tenent siccum et sedere carinae |
| 302 | Primary omnes innocuae, sed non puppis tua, Tarchon. |
| 303 | Primary Namque inflicta vadis dorso dum pendet iniquo, |
| 304 | Primary anceps sustentata diu fluctusque fatigat, |
| 305 | Primary solvitur atque viros mediis exponit in undis |
| 306 | Primary fragmina remorum quos et fluitantia transtra |
| 307 | Primary impediunt, retrahitque pedem simul unda relabens. |
| 308 | Primary Nec Turnum segnis retinet mora, sed rapit acer |
| 309 | Primary totam aciem in Teucros et contra in litore sistit. |
| 310 | Primary Signa canunt. Primus turmas invasit agrestis |
| 311 | Primary Aeneas, omen pugnae, stravitque Latinos |
| 312 | Primary occiso Therone, virum qui maximus ultro |
| 313 | Primary Aenean petit: huic gladio perque aerea suta, |
| 314 | Primary per tunicam squalentem auro latus haurit apertum. |
| 315 | Primary Inde Lichan ferit, exsectum iam matre perempta |
| 316 | Primary et tibi, Phoebe, sacrum: casus evadere ferri |
| 317 | Primary quo licuit parvo? Nec longe Cissea durum |
| 318 | Primary immanemque Gyan, sternentis agmina clava, |
| 319 | Primary deiecit Leto: nihil illos Herculis arma |
| 320 | Primary nec validae iuvere manus genitorque Melampus, |
| 321 | Primary Alcidae comes usque gravis dum terra labores |
| 322 | Primary praebuit. Ecce Pharo, voces dum iactat inertis, |
| 323 | Primary intorquens iaculum clamanti sistit in ore. |
| 324 | Primary Tu quoque, flaventem prima lanugine malas |
| 325 | Primary dum sequeris Clytium infelix, nova gaudia, Cydon, |
| 326 | Primary Dardania stratus dextra, securus amorum, |
| 327 | Primary qui iuvenum tibi semper erant, miserande iaceres, |
| 328 | Primary ni fratrum stipata cohors foret obvia, Phorci |
| 329 | Primary progenies, septem numero, septenaque tela |
| 330 | Primary coniciunt; partim galea clipeoque resultant |
| 331 | Primary inrita, deflexit partim stringentia corpus |
| 332 | Primary alma Venus. Fidum Aeneas adfatur Achaten: |
| 333 | Primary Suggere tela mihi: non ullum dextera frustra |
| 334 | Primary torserit in Rutulos, steterunt quae in corpore Graium |
| 335 | Primary Iliacis campis. Tum magnam corripit hastam |
| 336 | Primary et iacit: illa volans clipei transverberat aera |
| 337 | Primary Maeonis et thoraca simul cum pectore rumpit. |
| 338 | Primary Huic frater subit Alcanor fratremque ruentem |
| 339 | Primary sustentat dextra: traiecto missa lacerto |
| 340 | Primary protinus hasta fugit servatque cruenta tenorem, |
| 341 | Primary dexteraque ex umero nervis moribunda pependit. |
| 342 | Primary Tum Numitor iaculo fratris de corpore rapto |
| 343 | Primary Aenean petiit; sed non et figere contra |
| 344 | Primary est licitum, magnique femur perstrinxit Achatae. |
| 345 | Primary Hic Curibus fidens primaevo corpore Clausus |
| 346 | Primary advenit et rigida Dryopem ferit eminus hasta |
| 347 | Primary sub mentum graviter pressa pariterque loquentis |
| 348 | Primary vocem animamque rapit traiecto gutture; at ille |
| 349 | Primary fronte ferit terram et crassum vomit ore cruorem. |
| 350 | Primary Tres quoque Threicios Boreae de gente suprema |
| 351 | Primary et tris, quos Idas pater et patria Ismara mittit, |
| 352 | Primary per varios sternit casus. Accurrit Halaesus |
| 353 | Primary Auruncaeque manus, subit et Neptunia proles, |
| 354 | Primary insignis Messapus equis. Expellere tendunt |
| 355 | Primary nunc hi, nunc illi; certatur limine in ipso |
| 356 | Primary Ausoniae. Magno discordes aethere venti |
| 357 | Primary proelia ceu tollunt animis et viribus aequis; |
| 358 | Primary non ipsi inter se, non nubila, non mare cedit; |
| 359 | Primary anceps pugna diu, stant obnixa omnia contra: |
| 360 | Primary haud aliter Troianae acies aciesque Latinae |
| 361 | Primary concurrunt; haeret pede pes densusque viro vir. |
| 362 | Primary At parte ex alia, qua saxa rotantia late |
| 363 | Primary impulerat torrens arbustaque diruta ripis, |
| 364 | Primary Arcadas insuetos acies inferre pedestris |
| 365 | Primary ut vidit Pallas Latio dare terga sequaci |
| 366 | Primary (aspera quis natura loci dimittere quando |
| 367 | Primary suasit equos), unum quod rebus restat egenis, |
| 368 | Primary nunc prece, nunc dictis virtutem accendit amaris: |
| 369 | Primary Quo fugitis, socii? Per vos et fortia facta, |
| 370 | Primary per ducis Evandri nomen devictaque bella |
| 371 | Primary Opemque meam, patriae quae nunc subit aemula laudi, |
| 372 | Primary fidite ne pedibus. Ferro rumpenda per hostis |
| 373 | Primary est via. Qua globus ille virum densissimus urget, |
| 374 | Primary hac vos et Pallanta ducem patria alta reposcit. |
| 375 | Primary Numina nulla premunt, mortali urgemur ab hoste |
| 376 | Primary mortales, totidem nobis animaeque manusque. |
| 377 | Primary Ecce, maris magna claudit nos obice pontus, |
| 378 | Primary deest iam terra fugae: pelagus Troiamne petemus? |
| 379 | Primary Haec ait et medius densos prorumpit in hostis. |
| 380 | Primary Obvius huic primum, fatis adductus iniquis, |
| 381 | Primary fit Lagus. Hunc, magno vellit dum pondere saxum, |
| 382 | Primary intorto figit telo, discrimina costis |
| 383 | Primary per medium qua spina dabat, hastamque receptat |
| 384 | Primary ossibus haerentem. Quem non super occupat Hisbo, |
| 385 | Primary ille quidem hoc sperans: nam Pallas ante ruentem, |
| 386 | Primary dum furit, incautum crudeli morte sodalis |
| 387 | Primary excipit atque ensem tumido in pulmone recondit. |
| 388 | Primary Hinc Sthenium petit et Rhoeti de gente vetusta |
| 389 | Primary Anchemolum, thalamos ausum incestare novercae. |
| 390 | Primary Vos etiam, gemini, Rutulis cecidistis in agris, |
| 391 | Primary Daucia, Laride Thymberque, simillima proles, |
| 392 | Primary indiscreta suis gratusque parentibus error; |
| 393 | Primary at nunc dura dedit vobis discrimina Pallas: |
| 394 | Primary nam tibi, Thymbre, caput Evandrius abstulit ensis; |
| 395 | Primary te decisa suum, Laride, dextera quaerit |
| 396 | Primary semianimesque micant digiti ferrumque retractant. |
| 397 | Primary Arcadas accensos monitu et praeclara tuentis |
| 398 | Primary facta viri mixtus dolor et pudor armat in hostis. |
| 399 | Primary Tum Pallas biiugis fugientem Rhoetea praeter |
| 400 | Primary traicit. Hoc spatium tantumque morae fuit Ilo; |
| 401 | Primary Ilo namque procul validam direxerat hastam, |
| 402 | Primary quam medius Rhoeteus intercipit, optime Teuthra, |
| 403 | Primary te fugiens fratremque Tyren, curruque volutus |
| 404 | Primary caedit semianimis Rutulorum calcibus arva. |
| 405 | Primary Ac velut optato ventis aestate coortis |
| 406 | Primary dispersa immittit silvis incendia pastor, |
| 407 | Primary correptis subito mediis extenditur una |
| 408 | Primary horrida per latos acies Volcania campos; |
| 409 | Primary ille sedens victor flammas despectat ovantis: |
| 410 | Primary non aliter socium virtus coit omnis in unum |
| 411 | Primary teque iuvat, Palla. Sed bellis acer Halaesus |
| 412 | Primary tendit in adversos seque in sua conligit arma. |
| 413 | Primary Hic mactat Ladona Pheretaque Demodocumque, |
| 414 | Primary Strymonio dextram fulgenti deripit ense |
| 415 | Primary elatam in iugulum, saxo ferit ora Thoantis |
| 416 | Primary ossaque dispersit cerebro permixta cruento. |
| 417 | Primary Fata canens silvis genitor celarat Halaesum: |
| 418 | Primary ut senior leto canentia lumina solvit, |
| 419 | Primary iniecere manum Parcae telisque sacrarunt |
| 420 | Primary Evandri. Quem sic Pallas petit ante precatus: |
| 421 | Primary Da nunc, Thybri pater, ferro, quod missile libro, |
| 422 | Primary fortunam atque viam duri per pectus Halaesi. |
| 423 | Primary Haec arma exuviasque viri tua quercus habebit. |
| 424 | Primary Audiit illa deus: dum texit Imaona Halaesus, |
| 425 | Primary Arcadio infelix telo dat pectus inermum. |
| 426 | Primary At non caede viri tanta perterrita Lausus, |
| 427 | Primary pars ingens belli, sinit agmina: primus Abantem |
| 428 | Primary oppositum interimit, pugnae nodumque moramque. |
| 429 | Primary Sternitur Arcadiae proles, sternuntur Etrusci |
| 430 | Primary et vos, O Grais imperdita corpora, Teucri. |
| 431 | Primary Agmina concurrunt ducibusque et viribus aequis. |
| 432 | Primary Extremi addensent acies nec turba moveri |
| 433 | Primary tela manusque sinit. Hinc Pallas instat et urget, |
| 434 | Primary hinc contra Lausus, nec multum discrepat aetas: |
| 435 | Primary egregii forma, sed quis Fortuna negarat |
| 436 | Primary in patriam reditus. Ipsos concurrere passus |
| 437 | Primary haud tamen inter se magni regnator Olympi: |
| 438 | Primary mox illos sua fata manent maiore sub hoste. |
| 439 | Primary Interea soror alma monet succedere Lauso |
| 440 | Primary Turnum, qui volucri curru medium secat agmen. |
| 441 | Primary Ut vidit socios: Tempus desistere pugnae; |
| 442 | Primary solus ego in Pallanta feror, soli mihi Pallas |
| 443 | Primary debetur; cuperem ipse parens spectator adesset. |
| 444 | Primary Haec ait, et socii cesserunt aequore iusso. |
| 445 | Primary At Rutulum abscessu iuvenis tum iussa superba |
| 446 | Primary miratus stupet in Turno corpusque per ingens |
| 447 | Primary lumina volvit obitque truci procul omnia visu |
| 448 | Primary talibus et dictis it contra dicta tyranni: |
| 449 | Primary Aut spoliis ego iam raptis laudabor opimis |
| 450 | Primary aut leto insigni: sorti pater aequus utrique est. |
| 451 | Primary Tolle minas. Fatus medium procedit in aequor. |
| 452 | Primary Frigidus Arcadibus coit in praecordia sanguis. |
| 453 | Primary Desiluit Turnus biiugis, pedes apparat ire |
| 454 | Primary comminus; utque leo, specula cum vidit ab alta |
| 455 | Primary stare procul campis meditantem in proelia taurum, |
| 456 | Primary advolat: haud alia est Turni venientis imago. |
| 457 | Primary Hunc ubi contiguum missae fore credidit hastae, |
| 458 | Primary ire prior Pallas, siqua fors adiuvet ausum |
| 459 | Primary viribus imparibus, magnumque ita ad aethera fatur: |
| 460 | Primary Per patris hospitium et mensas, quas advena adisti, |
| 461 | Primary te precor, Alcide, coeptis ingentibus adsis. |
| 462 | Primary Cernat semineci sibi me rapere arma cruenta |
| 463 | Primary victoremque ferant morientia lumina Turni. |
| 464 | Primary Audiit Alcides iuvenem magnumque sub imo |
| 465 | Primary corde premit gemitum lacrimasque effundit inanis. |
| 466 | Primary Tum Genitor natum dictis adfatur amicis: |
| 467 | Primary Stat sua cuique dies, breve et inreparabile tempus |
| 468 | Primary omnibus est vitae: sed famam extendere factis, |
| 469 | Primary hoc virtutis opus. Troiae sub moenibus altis |
| 470 | Primary tot nati cecidere deum; quin occidit una |
| 471 | Primary Sarpedon, mea progenies. Etiam sua Turnum |
| 472 | Primary fata vocant, metasque dati pervenit ad aevi. |
| 473 | Primary Sic ait atque oculos Rutulorum reicit arvis. |
| 474 | Primary At Pallas magnis emittit viribus hastam |
| 475 | Primary vaginaque cava fulgentem deripit ensem. |
| 476 | Primary Illa volans umeri surgunt qua tegmina summa |
| 477 | Primary incidit atque viam clipei molita per oras |
| 478 | Primary tandem etiam magno strinxit de corpore Turni. |
| 479 | Primary Hic Turnus ferro praefixum robur acuto |
| 480 | Primary in Pallanta diu librans iacit atque ita fatur: |
| 481 | Primary Adspice, num mage sit nostrum penetrabile telum. |
| 482 | Primary Dixerat; at clipeum, tot ferri terga, tot aeris, |
| 483 | Primary quem pellis totiens obeat circumdata tauri, |
| 484 | Primary vibranti cuspis medium transverberat ictu |
| 485 | Primary loricaeque moras et pectus perforat ingens. |
| 486 | Primary Ille rapit calidum frustra de volnere telum: |
| 487 | Primary una eademque via sanguis animusque sequuntur. |
| 488 | Primary Corruit in volnus, sonitum super arma dedere |
| 489 | Primary et terram hostilem moriens petit ore cruento. |
| 490 | Primary Quem Turnus super adsistens, |
| 491 | Primary Arcades, haec, inquit, memores mea dicta referte |
| 492 | Primary Euandro; qualem meruit, Pallanta remitto. |
| 493 | Primary Quisquis honos tumuli, quidquid solamen humandi est, |
| 494 | Primary largior. Haud illi stabunt Aeneia parvo |
| 495 | Primary hospitia. Et laevo pressit pede talia fatus |
| 496 | Primary exanimem, rapiens immania pondera baltei |
| 497 | Primary impressumque nefas, una sub nocte iugali |
| 498 | Primary caesa manus iuvenum foede thalamique cruenti, |
| 499 | Primary quae Clonus Eurytides multo caelaverat auro; |
| 500 | Primary quo nunc Turnus ovat spolio gaudetque potitus. |
| 501 | Primary Nescia mens hominum fati sortisque futurae |
| 502 | Primary et servare modum, rebus sublata secundis! |
| 503 | Primary Turno tempus erit, magno cum optaverit emptum |
| 504 | Primary intactum Pallanta et cum spolia ista diemque |
| 505 | Primary oderit. At socii multo gemitu lacrimisque |
| 506 | Primary impositum scuto referunt Pallanta frequentes. |
| 507 | Primary O dolor atque decus magnum rediture parenti |
| 508 | Primary haec te prima dies bello dedit, haec eadem aufert, |
| 509 | Primary cum tamen ingentis Rutulorum linquis acervos. |
| 510 | Primary Nec iam fama mali tanti, sed certior auctor |
| 511 | Primary advolat Aeneae, tenui discrimine leti |
| 512 | Primary esse suos, versis tempus succurrere Teucris. |
| 513 | Primary Proxima quaeque metit gladio latumque per agmen |
| 514 | Primary ardens limitem agit ferro, te, Turne, superbum |
| 515 | Primary caede nova quaerens. Pallas, Euander, in ipsis |
| 516 | Primary omnia sunt oculis, mensae, quas advena primas |
| 517 | Primary tunc adiit, dextraeque datae. Sulmone creatos |
| 518 | Primary quattuor hic iuvenes, totidem, quos educat Ufens, |
| 519 | Primary viventis rapit, inferias quos immolet umbris |
| 520 | Primary captivoque rogi perfundat sanguine flammas. |
| 521 | Primary Inde Mago procul infensam contenderat hastam. |
| 522 | Primary Ille astu subit ac tremibunda supervolat hasta, |
| 523 | Primary et genua amplectens effatur talia supplex: |
| 524 | Primary Per patrios manis et spes surgentis Iuli |
| 525 | Primary te precor, hanc animam serves natoque patrique. |
| 526 | Primary Est domus alta, iacent penitus defossa talenta |
| 527 | Primary caelati argenti, sunt auri pondera facti |
| 528 | Primary infectique mihi. Non hic victoria Teucrum |
| 529 | Primary vertitur aut anima una dabit discrimina tanta. |
| 530 | Primary Dixerat. Aeneas contra cui talia reddit: |
| 531 | Primary Argenti atque auri memoras quae multa talenta, |
| 532 | Primary natis parce tuis. Belli commercia Turnus |
| 533 | Primary sustulit ista prior iam tum Pallante perempto. |
| 534 | Primary Hoc patris Anchisae manes, hoc sentit Iulus. |
| 535 | Primary Sic fatus galeam laeva tenet atque reflexa |
| 536 | Primary cervice orantis capulo tenus applicat ensem. |
| 537 | Primary Nec procul Haemonides, Phoebi Triviaeque sacerdos, |
| 538 | Primary infula cui sacra redimibat tempora vitta, |
| 539 | Primary totus conlucens veste atque insignibus armis. |
| 540 | Primary Quem congressus agit campo lapsumque superstans |
| 541 | Primary immolat ingentique umbra tegit; arma Serestus |
| 542 | Primary lecta refert umeris, tibi, rex Gradive, tropaeum. |
| 543 | Primary Instaurant acies Volcani stirpe creatus |
| 544 | Primary Caeculus et veniens Marsorum montibus Umbro: |
| 545 | Primary Dardanides contra furit. Anxuris ense sinistram |
| 546 | Primary et totum clipei ferro deiecerat orbem; |
| 547 | Primary dixerat ille aliquid magnum vimque adfore verbo |
| 548 | Primary crediderat caeloque animum fortasse ferebat |
| 549 | Primary canitiemque sibi et longos promiserat annos: |
| 550 | Primary Tarquitus exultans contra fulgentibus armis, |
| 551 | Primary silvicolae Fauno Dryope quem nympha crearat, |
| 552 | Primary obvius ardenti sese obtulit. Ille reducta |
| 553 | Primary loricam clipeique ingens onus impedit hasta; |
| 554 | Primary tum caput orantis nequiquam et multa parantis |
| 555 | Primary dicere deturbat terrae truncumque tepentem |
| 556 | Primary provolvens super haec inimico pectore fatur: |
| 557 | Primary Istic nunc, metuende, iace. Non te optima mater |
| 558 | Primary condet humi patrioque onerabit membra sepulchro: |
| 559 | Primary alitibus linquere feris aut gurgite mersum |
| 560 | Primary unda feret piscesque impasti volnera lambent. |
| 561 | Primary Protinus Antaeum et Lucam, prima agmina Turni, |
| 562 | Primary persequitur fortemque Numam fulvumque Camertem, |
| 563 | Primary magnanimo Volcente satum, ditissimus agri |
| 564 | Primary qui fuit Ausonidum et tacitis regnavit Amyclis. |
| 565 | Primary Aegaeon qualis, centum cui bracchia dicunt |
| 566 | Primary centenasque manus, quinquaginta oribus ignem |
| 567 | Primary pectoribusque arsisse, Iovis cum fulmina contra |
| 568 | Primary tot paribus streperet clipeis, tot stringeret enses: |
| 569 | Primary sic toto Aeneas desaevit in aequore victor, |
| 570 | Primary ut semel intepuit mucro. Quin ecce Niphaei |
| 571 | Primary quadriiugis in equos adversaque pectora tendit. |
| 572 | Primary Atque illi longe gradientem et dira frementem |
| 573 | Primary ut videre, metu versi retroque ruentes |
| 574 | Primary effunduntque ducem rapiuntque ad litora currus. |
| 575 | Primary Interea biiugis infert se Lucagus albis |
| 576 | Primary in medios fraterque Liger; sed frater habenis |
| 577 | Primary flectit equos, strictum rotat acer Lucagus ensem. |
| 578 | Primary Haud tulit Aeneas tanto fervore furentis: |
| 579 | Primary inruit adversaque ingens apparuit hasta. |
| 580 | Primary Cui Liger: |
| 581 | Primary Non Diomedis equos nec currum cernis Achillis |
| 582 | Primary aut Phrygiae campos: nunc belli finis et aevi |
| 583 | Primary his dabitur terris. Vesano talia late |
| 584 | Primary dicta volant Ligeri. Sed non et Troïus heros |
| 585 | Primary dicta parat contra: iaculum nam torquet in hostem. |
| 586 | Primary Lucagus ut pronus pendens in verbera telo |
| 587 | Primary admonuit biiugos, proiecto dum pede laevo |
| 588 | Primary aptet se pugnae, subit oras hasta per imas |
| 589 | Primary fulgentis clipei, tum laevum perforat inguen: |
| 590 | Primary excussus curru moribundus volvitur arvis. |
| 591 | Primary Quem pius Aeneas dictis adfatur amaris: |
| 592 | Primary Lucage, nulla tuos currus fuga segnis equorum |
| 593 | Primary prodidit aut vanae vertere ex hostibus umbrae: |
| 594 | Primary ipse rotis saliens iuga deseris. Haec ita fatus |
| 595 | Primary arripuit biiugos; frater tendebat inertis |
| 596 | Primary infelix palmas, curru delapsus eodem: |
| 597 | Primary Per te, per qui te talem genuere parentes, |
| 598 | Primary vir Troiane, sine hanc animam et miserere precantis. |
| 599 | Primary Pluribus oranti Aeneas: Haud talia dudum |
| 600 | Primary dicta dabas. Morere et fratrem ne desere frater. |
| 601 | Primary Tum latebras animae pectus mucrone recludit. |
| 602 | Primary Talia per campos edebat funera ductor |
| 603 | Primary Dardanius, torrentis aquae vel turbinis atri |
| 604 | Primary more furens. Tandem erumpunt et castra relinquunt |
| 605 | Primary Ascanius puer et nequiquam obsessa iuventus. |
| 606 | Primary Iunonem interea compellat Iuppiter ultro: |
| 607 | Primary O germana mihi atque eadem gratissima coniunx , |
| 608 | Primary ut rebare, Venus, nec te sententia fallit, |
| 609 | Primary Troianas sustentat opes, non vivida bello |
| 610 | Primary dextra viris animusque ferox patiensque pericli. |
| 611 | Primary Cui Iuno summissa Quid, o pulcherrime coniunx, |
| 612 | Primary sollicitas aegram et tua tristia dicta timentem? |
| 613 | Primary Si mihi, quae quondam fuerat quamque esse decebat, |
| 614 | Primary vis in amore foret, non hoc mihi namque negares, |
| 615 | Primary omnipotens, quin et pugnae subducere Turnum |
| 616 | Primary et Dauno possem incolumem servare parenti. |
| 617 | Primary Nunc pereat Teucrisque pio det sanguine poenas. |
| 618 | Primary Ille tamen nostra deducit origine nomen |
| 619 | Primary Pilumnusque illi quartus pater et tua larga |
| 620 | Primary saepe manu multisque oneravit limina donis. |
| 621 | Primary Cui rex aetherii breviter sic fatur Olympi: |
| 622 | Primary Si mora praesentis leti tempusque caduco |
| 623 | Primary oratur iuveni meque hoc ita ponere sentis, |
| 624 | Primary tolle fuga Turnum atque instantibus eripe fatis |
| 625 | Primary hactenus indulsisse vacat. Sin altior istis |
| 626 | Primary sub precibus venia ulla latet totumque moveri |
| 627 | Primary mutarive putas bellum, spes pascis inanis. |
| 628 | Primary Et Iuno adlacrimans: Quid si, quae voce gravaris, |
| 629 | Primary mente dares atque haec Turno rata vita maneret? |
| 630 | Primary Nunc manet insontem gravis exitus, aut ego veri |
| 631 | Primary vana feror. Quod ut O potius formidine falsa |
| 632 | Primary ludar et in melius tua, qui potes, orsa reflectas! |
| 633 | Primary Haec ubi dicta dedit, caelo se protinus alto |
| 634 | Primary misit, agens hiemem nimbo succincta per auras, |
| 635 | Primary Iliacamque aciem et Laurentia castra petivit. |
| 636 | Primary Tum dea nube cava tenuem sine viribus umbram |
| 637 | Primary in faciem Aeneae, visu mirabile monstrum, |
| 638 | Primary Dardaniis ornat telis clipeumque iubasque |
| 639 | Primary divini adsimulat capitis, dat inania verba, |
| 640 | Primary dat sine mente sonum gressusque effingit euntis, |
| 641 | Primary morte obita qualis fama est volitare figuras |
| 642 | Primary aut quae sopitos deludunt somnia sensus. |
| 643 | Primary At primas laeta ante acies exsultat imago |
| 644 | Primary inritatque virum telis et voce lacessit. |
| 645 | Primary Instat cui Turnus stridentemque eminus hastam |
| 646 | Primary conicit: illa dato vertit vestigia tergo. |
| 647 | Primary Tum vero Aenean aversum ut cedere Turnus |
| 648 | Primary credidit atque animo spem turbidus hausit inanem, |
| 649 | Primary Quo fugis, Aenea? Thalamos ne desere pactos; |
| 650 | Primary hac dabitur dextra tellus quaesita per undas. |
| 651 | Primary Talia vociferans sequitur strictumque coruscat |
| 652 | Primary mucronem nec ferre videt sua gaudia ventos. |
| 653 | Primary Forte ratis celsi coniuncta crepidine saxi |
| 654 | Primary expositis stabat scalis et ponte parato, |
| 655 | Primary qua rex Clusinis advectus Osinius oris. |
| 656 | Primary Huc sese trepida Aeneae fugientis imago |
| 657 | Primary conicit in latebras; nec Turnus segnior instat |
| 658 | Primary exsuperatque moras et pontis transilit altos. |
| 659 | Primary Vix proram attigerat: rumpit Saturnia funem |
| 660 | Primary avolsamque rapit revoluta per aequora navem. |
| 661 | Primary Illum autem Aeneas absentem in praelia poscit; |
| 662 | Primary obvia multa virum demittit corpora morti: |
| 663 | Primary tum levis haud ultra latebras iam quaerit imago, |
| 664 | Primary sed sublime volans nubi se immiscuit atrae. |
| 665 | Primary Cum Turnum medio interea fert aequore turbo. |
| 666 | Primary Respicit ignarus rerum ingratusque salutis |
| 667 | Primary et duplicis cum voce manus ad sidera tendit: |
| 668 | Primary Omnipotens genitor, tanton me crimine dignum |
| 669 | Primary duxisti et talis voluisti expendere poenas? |
| 670 | Primary Quo feror? Unde abii? Quae me fuga quemve reducit? |
| 671 | Primary Laurentisne iterum muros aut castra videbo? |
| 672 | Primary Quid manus illa virum, qui me meaque arma secuti? |
| 673 | Primary Quosne (nefas) omnis infanda in morte reliqui |
| 674 | Primary et nunc palantis video gemitumque cadentum |
| 675 | Primary accipio! Quid ago? Aut quae iam satis ima dehiscat |
| 676 | Primary terra mihi? Vos O potius miserescite venti: |
| 677 | Primary in rupes, in saxa, volens vos Turnus adoro |
| 678 | Primary ferte ratem saevisque vadis immittite Syrtis, |
| 679 | Primary quo neque me Rutuli nec conscia fama sequatur. |
| 680 | Primary Haec memorans animo nunc huc, nunc fluctuat illuc, |
| 681 | Primary an sese mucrone ob tantum dedecus amens |
| 682 | Primary induat et crudum per costas exigat ensem, |
| 683 | Primary fluctibus an iaciat mediis et litora nando |
| 684 | Primary curva petat Teucrumque iterum se reddat in arma. |
| 685 | Primary Ter conatus utramque viam, ter maxima Iuno |
| 686 | Primary continuit iuvenemque animi miserata repressit. |
| 687 | Primary Labitur alta secans fluctuque aestuque secundo |
| 688 | Primary et patris antiquam Dauni defertur ad urbem. |
| 689 | Primary At Iovis interea monitis Mezentius ardens |
| 690 | Primary succedit pugnae Teucrosque invadit ovantis. |
| 691 | Primary Concurrunt Tyrrhenae acies atque omnibus uni, |
| 692 | Primary uni odiisque viro telisque frequentibus instant. |
| 693 | Primary Ille velut rupes, vastum quae prodit in aequor, |
| 694 | Primary obvia ventorum furiis expostaque ponto, |
| 695 | Primary vim cunctam atque minas perfert caelique marisque, |
| 696 | Primary ipsa immota manens, prolem Dolichaonis Hebrum |
| 697 | Primary sternit humi, cum quo Latagum Palmumque fugacem, |
| 698 | Primary sed Latagum saxo atque ingenti fragmine montis |
| 699 | Primary occupat os faciemque adversam, poplite Palmum |
| 700 | Primary succiso volvi segnem sinit, armaque Lauso |
| 701 | Primary donat habere umeris et vertice figere cristas. |
| 702 | Primary Nec non Euanthen Phrygium Paridisque Mimanta |
| 703 | Primary aequalem comitemque, una quem nocte Theano |
| 704 | Primary in lucem genitori Amyco dedit et face praegnans |
| 705 | Primary Cisseis regina Parin creat: urbe paterna |
| 706 | Primary occubat, ignarum Laurens habet ora Mimanta. |
| 707 | Primary Ac velut ille canum morsu de montibus altis |
| 708 | Primary actus aper, multos Vesulus quem pinifer annos |
| 709 | Primary defendit multosve palus Laurentia, silva |
| 710 | Primary pastus harundinea, postquam inter retia ventum est, |
| 711 | Primary substitit infremuitque ferox et inhorruit armos, |
| 712 | Primary nec cuiquam irasci propiusque accedere virtus, |
| 713 | Primary sed iaculis tutisque procul clamoribus instant; |
| 717 | Primary ille autem impavidus partis cunctatur in omnis, |
| 718 | Primary dentibus infrendens, et tergo decutit hastas. |
| 714 | Primary haud aliter, iustae quibus est Mezentius irae, |
| 715 | Primary non ulli est animus stricto concurrere ferro; |
| 716 | Primary missilibus longe et vasto clamore lacessunt: |
| 719 | Primary Venerat antiquis Corythi de finibus Acron, |
| 720 | Primary Graius homo, infectos linquens profugus hymenaeos. |
| 721 | Primary Hunc ubi miscentem longe media agmina vidit, |
| 722 | Primary purpureum pennis et pactae coniugis ostro: |
| 723 | Primary impastus stabula alta leo ceu saepe peragrans, |
| 724 | Primary suadet enim vesana fames, si forte fugacem |
| 725 | Primary conspexit capream aut surgentem in cornua cervum, |
| 726 | Primary gaudet, hians immane, comasque arrexit et haeret |
| 727 | Primary visceribus super accumbens, lavit inproba taeter |
| 728 | Primary ora cruor, |
| 729 | Primary sic ruit in densos alacer Mezentius hostis. |
| 730 | Primary Sternitur infelix Acron et calcibus atram |
| 731 | Primary tundit humum expirans infractaque tela cruentat. |
| 732 | Primary Atque idem fugientem haud est dignatus Oroden |
| 733 | Primary sternere nec iacta caecum dare cuspide volnus: |
| 734 | Primary obvius adversoque occurrit seque viro vir |
| 735 | Primary contulit, haud furto melior, sed fortibus armis. |
| 736 | Primary Tum super abiectum posito pede nixus et hasta: |
| 737 | Primary Pars belli haud temnenda, viri, iacet altus Orodes. |
| 738 | Primary Conclamant socii laetum paeana secuti. |
| 739 | Primary Ille autem exspirans: Non me, quicumque es, inulto, |
| 740 | Primary victor, nec longum laetabere: te quoque fata |
| 741 | Primary prospectant paria atque eadem mox arva tenebis. |
| 742 | Primary Ad quae subridens mixta Mezentius ira: |
| 743 | Primary Nunc morere. Ast de me divom pater atque hominum rex |
| 744 | Primary viderit. Hoc dicens eduxit corpore telum: |
| 745 | Primary olli dura quies oculos et ferreus urget |
| 746 | Primary somnus, in aeternam clauduntur lumina noctem. |
| 747 | Primary Caedicus Alcathoum obtruncat, Sacrator Hydaspen |
| 748 | Primary Partheniumque Rapo et praedurum viribus Orsen, |
| 749 | Primary Messapus Croniumque Lycaoniumque Erichaeten, |
| 750 | Primary illum infrenis equi lapsu tellure iacentem, |
| 751 | Primary hunc peditem. Pedes et Lycius processerat Agis, |
| 752 | Primary quem tamen haud expers Valerus virtutis avitae |
| 753 | Primary deicit; at Thronium Salius Saliumque Nealces |
| 754 | Primary insidiis, iaculo et longe fallente sagitta. |
| 755 | Primary Iam gravis aequabat luctus et mutua Mavors |
| 756 | Primary funera: caedebant pariter pariterque ruebant |
| 757 | Primary victores victique, neque his fuga nota neque illis. |
| 758 | Primary Di Iovis in tectis iram miserantur inanem |
| 759 | Primary amborum et tantos mortalibus esse labores: |
| 760 | Primary hinc Venus, hinc contra spectat Saturnia Iuno, |
| 761 | Primary pallida Tisiphone media inter milia saevit. |
| 762 | Primary At vero ingentem quatiens Mezentius hastam |
| 763 | Primary turbidus ingreditur campo. Quam magnus Orion, |
| 764 | Primary cum pedes incedit medii per maxima Nerei |
| 765 | Primary stagna viam scindens, umero supereminet undas |
| 766 | Primary aut summis referens annosam montibus ornum |
| 767 | Primary ingrediturque solo et caput inter nubila condit: |
| 768 | Primary talis se vastis infert Mezentius armis. |
| 769 | Primary Huic contra Aeneas, speculatus in agmine longo, |
| 770 | Primary obvius ire parat. Manet imperterritus ille, |
| 771 | Primary hostem magnanimum opperiens, et mole sua stat; |
| 772 | Primary atque oculis spatium emensus, quantum satis hastae: |
| 773 | Primary Dextra mihi deus et telum, quod missile libro, |
| 774 | Primary nunc adsint! Voveo praedonis corpore raptis |
| 775 | Primary indutum spoliis ipsum te, Lause, tropaeum |
| 776 | Primary Aeneae. Dixit stridentemque eminus hastam |
| 777 | Primary iecit; at illa volans clipeo est excussa proculque |
| 778 | Primary egregium Antoren latus inter et ilia figit, |
| 779 | Primary Herculis Antoren comitem, qui missus ab Argis |
| 780 | Primary haeserat Euandro atque Itala consederat urbe. |
| 781 | Primary Sternitur infelix alieno volnere caelumque |
| 782 | Primary aspicit et dulcis moriens reminiscitur Argos |
| 783 | Primary tum pius Aeneas hastam iacit: illa per orbem |
| 784 | Primary aere cavum triplici, per linea terga tribusque |
| 785 | Primary transit intextum tauris opus imaque sedit |
| 786 | Primary inguine, sed viris haud pertulit. Ocius ensem |
| 787 | Primary Aeneas, viso Tyrrheni sanguine laetus, |
| 788 | Primary eripit a femine et trepidanti fervidus instat. |
| 789 | Primary Ingemuit cari graviter genitoris amore, |
| 790 | Primary ut vidit, Lausus, lacrimaeque per ora volutae. |
| 791 | Primary Hic mortis durae casum tuaque optima facta, |
| 792 | Primary siqua fidem tanto est operi latura vetustas, |
| 793 | Primary non equidem nec te, iuvenis memorande, silebo. |
| 794 | Primary Ille pedem referens et inutilis inque ligatus |
| 795 | Primary cedebat clipeoque inimicum hastile trahebat: |
| 796 | Primary prorupit iuvenis seseque immiscuit armis |
| 797 | Primary iamque adsurgentis dextra plagamque ferentis |
| 798 | Primary Aeneae subiit mucronem ipsumque morando |
| 799 | Primary sustinuit. Socii magno clamore sequuntur, |
| 800 | Primary dum genitor nati parma protectus abiret, |
| 801 | Primary telaque coniciunt proturbantque eminus hostem |
| 802 | Primary missilibus. Furit Aeneas tectusque tenet se. |
| 803 | Primary Ac velut effusa siquando grandine nimbi |
| 804 | Primary praecipitant, omnis campis diffugit arator |
| 805 | Primary omnis et agricola et tuta latet arce viator, |
| 806 | Primary aut amnis ripis aut alti fornice saxi, |
| 807 | Primary dum pluit in terris, ut possint sole reducto |
| 808 | Primary exercere diem: sic obrutus undique telis |
| 809 | Primary Aeneas nubem belli, dum detonet omnis, |
| 810 | Primary sustinet et Lausum increpitat Lausoque minatur: |
| 811 | Primary Quo moriture ruis maioraque viribus audes? |
| 812 | Primary Fallit te incautum pietas tua. Nec minus ille |
| 813 | Primary exsultat demens; saevae iamque altius irae |
| 814 | Primary Dardanio surgunt ductori, extremaque Lauso |
| 815 | Primary Parcae fila legunt: validum namque exigit ensem |
| 816 | Primary per medium Aeneas iuvenem totumque recondit. |
| 817 | Primary Transiit et parmam mucro, levia arma minacis, |
| 818 | Primary et tunicam, molli mater quam neverat auro, |
| 819 | Primary implevitque sinum sanguis; tum vita per auras |
| 820 | Primary concessit maesta ad manis corpusque reliquit. |
| 821 | Primary At vero ut voltum vidit morientis et ora, |
| 822 | Primary ora modis Anchisiades pallentia miris, |
| 823 | Primary ingemuit miserans graviter dextramque tetendit, |
| 824 | Primary et mentem patriae subiit pietatis imago. |
| 825 | Primary Quid tibi nunc, miserande puer, pro laudibus istis, |
| 826 | Primary quid pius Aeneas tanta dabit indole dignum? |
| 827 | Primary Arma, quibus laetatus, habe tua, teque parentum |
| 828 | Primary manibus et cineri, siqua est ea cura, remitto. |
| 829 | Primary Hoc tamen infelix miseram solabere mortem: |
| 830 | Primary Aeneae magni dextra cadis. Increpat ultro |
| 831 | Primary cunctantis socios et terra sublevat ipsum, |
| 832 | Primary sanguine turpantem comptos de more capillos. |
| 833 | Primary Interea genitor Tiberini ad fluminis undam |
| 834 | Primary volnera siccabat lymphis corpusque levabat |
| 835 | Primary arboris adclinis trunco. Procul aerea ramis |
| 836 | Primary dependet galea et prato gravia arma quiescunt. |
| 837 | Primary Stant lecti circum iuvenes: ipse aeger anhelans |
| 838 | Primary colla fovet, fusus propexam in pectore barbam; |
| 839 | Primary multa super Lauso rogitat multumque remittit |
| 840 | Primary qui revocent maestique ferant mandata parentis. |
| 841 | Primary At Lausum socii exanimem super arma ferebant |
| 842 | Primary flentes, ingentem atque ingenti volnere victum. |
| 843 | Primary Agnovit longe gemitum praesaga mali mens: |
| 844 | Primary canitiem multo deformat pulvere et ambas |
| 845 | Primary ad caelum tendit palmas et corpore inhaeret. |
| 846 | Primary Tantane me tenuit vivendi, nate, voluptas, |
| 847 | Primary ut pro me hostili paterer succedere dextrae, |
| 848 | Primary quem genui? Tuane haec genitor per volnera servor, |
| 849 | Primary morte tua vivens? Heu, nunc misero mihi demum |
| 850 | Primary exitium infelix, nunc alte volnus adactum! |
| 851 | Primary Idem ego, nate, tuum maculavi crimine nomen, |
| 852 | Primary pulsus ob invidiam solio sceptrisque paternis. |
| 853 | Primary Debueram patriae poenas odiisque meorum: |
| 854 | Primary omnis per mortis animam sontem ipse dedissem! |
| 855 | Primary Nunc vivo neque adhuc homines lucemque relinquo. |
| 856 | Primary Sed linquam. Simul hoc dicens attollit in aegrum |
| 857 | Primary se femur et, quamvis dolor alto volnere tardet, |
| 858 | Primary haud deiectus equum duci iubet. Hoc decus illi, |
| 859 | Primary hoc solamen erat; bellis hoc victor abibat |
| 860 | Primary omnibus. Adloquitur maerentem et talibus infit: |
| 861 | Primary Rhaebe, diu, res siqua diu mortalibus ulla est, |
| 862 | Primary viximus. Aut hodie victor spolia illa cruenti |
| 863 | Primary et caput Aeneae referes Lausique dolorum |
| 864 | Primary ultor eris mecum aut, aperit si nulla viam vis, |
| 865 | Primary occumbes pariter; neque enim, fortissime, credo, |
| 866 | Primary iussa aliena pati et dominos dignabere Teucros. |
| 867 | Primary Dixit et exceptus tergo consueta locavit |
| 868 | Primary membra manusque ambas iaculis oneravit acutis, |
| 869 | Primary aere caput fulgens cristaque hirsutus equina. |
| 870 | Primary Sic cursum in medios rapidus dedit: aestuat ingens |
| 871 | Primary uno in corde pudor mixtoque insania luctu, |
| 872 | Primary et furiis agitatus amor et conscia virtus. |
| 873 | Primary Atque hic Aenean magna ter voce vocavit. |
| 874 | Primary Aeneas agnovit enim laetusque precatur: |
| 875 | Primary Sic pater ille deum faciat, sic altus Apollo, |
| 876 | Primary incipias conferre manum. |
| 877 | Primary Tantum effatus et infesta subit obvius hasta. |
| 878 | Primary Ille autem: Quid me erepto, saevissime, nato |
| 879 | Primary terres? Haec via sola fuit, qua perdere posses. |
| 880 | Primary Nec mortem horremus nec divom parcimus ulli. |
| 881 | Primary Desine: nam venio moriturus et haec tibi porto |
| 882 | Primary dona prius. Dixit telumque intorsit in hostem; |
| 883 | Primary inde aliud super atque aliud figitque volatque |
| 884 | Primary ingenti gyro, sed sustinet aureus umbo. |
| 885 | Primary Ter circum adstantem laevos equitavit in orbes |
| 886 | Primary tela manu iaciens, ter secum Troïus heros |
| 887 | Primary immanem aerato circumfert tegmine silvam. |
| 888 | Primary Inde ubi tot traxisse moras, tot spicula taedet |
| 889 | Primary vellere et urgetur pugna congressus iniqua, |
| 890 | Primary multa movens animo iam tandem erumpit et inter |
| 891 | Primary bellatoris equi cava tempora conicit hastam. |
| 892 | Primary Tollit se arrectum quadrupes et calcibus auras |
| 893 | Primary verberat effusumque equitem super ipse secutus |
| 894 | Primary implicat eiectoque incumbit cernuus armo. |
| 895 | Primary Clamore incendunt caelum Troesque Latinique. |
| 896 | Primary Advolat Aeneas vaginaque eripit ensem |
| 897 | Primary et super haec: Ubi nunc Mezentius acer et illa |
| 898 | Primary effera vis animi? Contra Tyrrhenus, ut auras |
| 899 | Primary suspiciens hausit caelum mentemque recepit: |
| 900 | Primary Hostis amare, quid increpitas mortemque minaris? |
| 901 | Primary Nullum in caede nefas, nec sic ad proelia veni, |
| 902 | Primary nec tecum meus haec pepigit mihi foedera Lausus. |
| 903 | Primary Unum hoc per siqua est victis venia hostibus oro: |
| 904 | Primary corpus humo patiare tegi. Scio acerba meorum |
| 905 | Primary circumstare odia: hunc, oro, defende furorem |
| 906 | Primary et me consortem nati concede sepulchro. |
| 907 | Primary Haec loquitur iuguloque haud inscius accipit ensem |
| 908 | Primary undantique animam diffundit in arva cruore. |