Reader
Reader | Aeneid, Book 9
Aeneid
Virgil
Text
Position
Line 1 of 818
Waypoints
| Line Ref | J. B. Greenough | Latin |
|---|---|
| 1 | Primary Atque ea diversa penitus dum parte geruntur, |
| 2 | Primary Irim de caelo misit Saturnia Iuno |
| 3 | Primary audacem ad Turnum. Luco tum forte parentis |
| 4 | Primary Pilumni Turnus sacrata valle sedebat. |
| 5 | Primary Ad quem sic roseo Thaumantias ore locuta est: |
| 6 | Primary Turne, quod optanti divom promittere nemo |
| 7 | Primary auderet, volvenda dies en attulit ultro. |
| 8 | Primary Aeneas urbe et sociis et classe relicta |
| 9 | Primary sceptra Palatini sedemque petit Euandri. |
| 10 | Primary Nec satis: extremas Corythi penetravit ad urbes |
| 11 | Primary Lydorumque manum collectos armat agrestis. |
| 12 | Primary Quid dubitas? Nunc tempus equos, nunc poscere currus. |
| 13 | Primary Rumpe moras omnis et turbata arripe castra. |
| 14 | Primary Dixit et in caelum paribus se sustulit alis |
| 15 | Primary ingentemque fuga secuit sub nubibus arcum. |
| 16 | Primary Adgnovit iuvenis duplicisque ad sidera palmas |
| 17 | Primary sustulit ac tali fugientem est voce secutus: |
| 18 | Primary Iri, decus caeli, quis te mihi nubibus actam |
| 19 | Primary detulit in terras? Unde haec tam clara repente |
| 20 | Primary tempestas? Medium video discedere caelum |
| 21 | Primary palantisque polo stellas. Sequor omina tanta, |
| 22 | Primary quisquis in arma vocas. Et sic effatus ad undam |
| 23 | Primary processit summoque hausit de gurgite lymphas, |
| 24 | Primary multa deos orans, oneravitque aethera votis. |
| 25 | Primary Iamque omnis campis exercitus ibat apertis, |
| 26 | Primary dives equum, dives pictaï vestis et auri; |
| 27 | Primary Messapus primas acies, postrema coercent |
| 28 | Primary Tyrrhidae iuvenes, medio dux agmine Turnus, |
| 29 | Primary vertitur arma tenens et toto vertice supra est. |
| 30 | Primary Ceu septem surgens sedatis amnibus altus |
| 31 | Primary per tacitum Ganges aut pingui flumine Nilus |
| 32 | Primary cum refluit campis et iam se condidit alveo. |
| 33 | Primary Hic subitam nigro glomerari pulvere nubem |
| 34 | Primary prospiciunt Teucri ac tenebras insurgere campis. |
| 35 | Primary Primus ab adversa conclamat mole Caicus: |
| 36 | Primary Quis globus, o cives, caligine volvitur atra? |
| 37 | Primary Ferte citi ferrum, date tela, ascendite muros, |
| 38 | Primary hostis adest, heia! Ingenti clamore per omnis |
| 39 | Primary condunt se Teucri portas et moenia complent. |
| 40 | Primary Namque ita discedens praeceperat optumus armis |
| 41 | Primary Aeneas: siqua interea fortuna fuisset, |
| 42 | Primary neu struere auderent aciem neu credere campo; |
| 43 | Primary castra modo et tutos servarent aggere muros. |
| 44 | Primary Ergo etsi conferre manum pudor iraque monstrat, |
| 45 | Primary obiciunt portas tamen et praecepta facessunt |
| 46 | Primary armatique cavis expectant turribus hostem. |
| 47 | Primary Turnus ut ante volans tardum praecesserat agmen |
| 48 | Primary viginti lectis equitum comitatus, et urbi |
| 49 | Primary improvisus adest; maculis quem Thracius albis |
| 50 | Primary portat equus cristaque tegit galea aurea rubra. |
| 51 | Primary Ecquis erit, mecum, iuvenes, qui primus in hostem? |
| 52 | Primary En, ait et iaculum attorquens emittit in auras, |
| 53 | Primary principium pugnae, et campo sese arduus infert. |
| 54 | Primary Clamore excipiunt socii fremituque sequuntur |
| 55 | Primary horrisono: Teucrum mirantur inertia corda, |
| 56 | Primary non aequo dare se campo, non obvia ferre |
| 57 | Primary arma viros, sed castra fovere. Huc turbidus atque huc |
| 58 | Primary lustrat equo muros aditumque per avia quaerit. |
| 59 | Primary Ac veluti pleno lupus insidiatus ovili |
| 60 | Primary cum fremit ad caulas, ventos perpessus et imbris, |
| 61 | Primary nocte super media; tuti sub matribus agni |
| 62 | Primary balatum exercent, ille asper et improbus ira |
| 63 | Primary saevit in absentis, collecta fatigat edendi |
| 64 | Primary ex longo rabies et siccae sanguine fauces: |
| 65 | Primary haud aliter Rutulo muros et castra tuenti |
| 66 | Primary ignescunt irae, duris dolor ossibus ardet. |
| 67 | Primary Qua temptet ratione aditus et quae via clausos |
| 68 | Primary excutiat Teucros vallo atque effundat in aequum? |
| 69 | Primary Classem, quae lateri castrorum adiuncta latebat, |
| 70 | Primary aggeribus saeptam circum et fluvialibus undis, |
| 71 | Primary invadit sociosque incendia poscit ovantis |
| 72 | Primary atque manum pinu flagranti fervidus implet. |
| 73 | Primary Tum vero incumbunt, urget praesentia Turni, |
| 74 | Primary atque omnis facibus pubes accingitur atris. |
| 75 | Primary Diripuere focos; piceum fert fumida lumen |
| 76 | Primary taeda et commixtam Volcanus ad astra favillam. |
| 77 | Primary Quis deus, o musae, tam saeva incendia Teucris |
| 78 | Primary avertit? Tantos ratibus quis depulit ignes? |
| 79 | Primary Dicite. Prisca fides facto, sed fama perennis. |
| 80 | Primary Tempore quo primum Phrygia formabat in Ida |
| 81 | Primary Aeneas classem et pelagi petere alta parabat, |
| 82 | Primary ipsa deum fertur genetrix Berecyntia magnum |
| 83 | Primary vocibus his adfata Iovem: Da, nate, petenti, |
| 84 | Primary quod tua cara parens domito te poscit Olympo. |
| 85 | Primary Pinea silva mihi, multos dilecta per annos |
| 86 | Primary lucus in arce fuit summa, quo sacra ferebant, |
| 87 | Primary nigranti picea trabibusque obscurus acernis: |
| 88 | Primary has ego Dardanio iuveni, cum classis egeret, |
| 89 | Primary laeta dedi; nunc sollicitam timor anxius angit. |
| 90 | Primary Solve metus atque hoc precibus sine posse parentem: |
| 91 | Primary ne cursu quassatae ullo neu turbine venti |
| 92 | Primary vincantur, prosit nostris in montibus ortas. |
| 93 | Primary Filius huic contra, torquet qui sidera mundi: |
| 94 | Primary O genetrix, quo fata vocas, aut quid petis istis? |
| 95 | Primary Mortaline manu factae immortale carinae |
| 96 | Primary fas habeant certusque incerta pericula lustret |
| 97 | Primary Aeneas? Cui tanta deo permissa potestas? |
| 98 | Primary Immo ubi defunctae finem portusque tenebunt |
| 99 | Primary Ausonios olim, quaecumque evaserit undis |
| 100 | Primary Dardaniumque ducem Laurentia vexerit arva, |
| 101 | Primary mortalem eripiam formam magnique iubebo |
| 102 | Primary aequoris esse deas, qualis Nereia Doto |
| 103 | Primary et Galatea secant spumantem pectore pontum. |
| 104 | Primary Dixerat idque ratum Stygii per flumina fratris, |
| 105 | Primary per pice torrentis atraque voragine ripas |
| 106 | Primary adnuit et totum nutu tremefecit Olympum. |
| 107 | Primary Ergo aderat promissa dies et tempora Parcae |
| 108 | Primary debita complerant, cum Turni iniuria Matrem |
| 109 | Primary admonuit ratibus sacris depellere taedas. |
| 110 | Primary Hic primum nova lux oculis offulsit et ingens |
| 111 | Primary visus ab Aurora caelum transcurrere nimbus |
| 112 | Primary Idaeique chori; tum vox horrenda per auras |
| 113 | Primary excidit et Troum Rutulorumque agmina complet: |
| 114 | Primary Ne trepidate meas, Teucri, defendere navis |
| 115 | Primary neve armate manus: maria ante exurere Turno |
| 116 | Primary quam sacras dabitur pinus. Vos ite solutae, |
| 117 | Primary ite deae pelagi: genetrix iubet. Et sua quaeque |
| 118 | Primary continuo puppes abrumpunt vincula ripis |
| 119 | Primary delphinumque modo demersis aequora rostris |
| 120 | Primary ima petunt. Hinc virgineae (mirabile monstrum) |
| 121 | Primary quot prius aeratae steterant ad litora prorae |
| 122 | Primary reddunt se totidem facies pontoque feruntur. |
| 123 | Primary Obstipuere animis Rutuli, conterritus ipse |
| 124 | Primary turbatis Messapus equis, cunctatur et amnis |
| 125 | Primary rauca sonans revocatque pedem Tiberinus ab alto. |
| 126 | Primary At non audaci Turno fiducia cessit; |
| 127 | Primary ultro animos tollit dictis atque increpat ultro: |
| 128 | Primary Troianos haec monstra petunt, his Iuppiter ipse |
| 129 | Primary auxilium solitum eripuit, non tela neque ignes |
| 130 | Primary exspectans Rutulos. Ergo maria invia Teucris |
| 131 | Primary nec spes ulla fugae: rerum pars altera adempta est. |
| 132 | Primary Terra autem in nostris manibus, tot milia gentes |
| 133 | Primary arma ferunt Italae. Nil me fatalia terrent, |
| 134 | Primary siqua Phryges prae se iactant, responsa deorum: |
| 135 | Primary sat fatis Venerique datum, tetigere quod arva |
| 136 | Primary fertilis Ausoniae Troes. Sunt et mea contra |
| 137 | Primary fata mihi, ferro sceleratam exscindere gentem, |
| 138 | Primary coniuge praerepta: nec solos tangit Atridas |
| 139 | Primary iste dolor solisque licet capere arma Mycenis. |
| 140 | Primary Sed periisse semel satis est: peccare fuisset |
| 141 | Primary ante satis penitus modo non genus omne perosos |
| 142 | Primary femineum. Quibus haec medii fiducia valli |
| 143 | Primary fossarumque morae, leti discrimina parva, |
| 144 | Primary dant animos. At non viderunt moenia Troiae |
| 145 | Primary Neptuni fabricata manu considere in ignis? |
| 146 | Primary Sed vos, o lecti, ferro qui scindere vallum |
| 147 | Primary apparat et mecum invadit trepidantia castra. |
| 148 | Primary Non armis mihi Volcani, non mille carinis |
| 149 | Primary est opus in Teucros; addant se protinus omnes |
| 150 | Primary Etrusci socios, tenebras et inertia furta |
| 151 | Primary Palladii caesis summae custodibus arcis |
| 152 | Primary ne timeant, nec equi caeca condemur in alvo: |
| 153 | Primary luce palam certum est igni circumdare muros. |
| 154 | Primary Haud sibi cum Danais rem faxo et pube Pelasga |
| 155 | Primary esse ferant, decumum quos distulit Hector in annum. |
| 156 | Primary Nunc adeo, melior quoniam pars acta diei, |
| 157 | Primary quod superest, laeti bene gestis corpora rebus |
| 158 | Primary procurate, viri, et pugnam sperate parari. |
| 159 | Primary Interea vigilum excubiis obsidere portas |
| 160 | Primary cura datur Messapo et moenia cingere flammis. |
| 161 | Primary Bis septem Rutuli, muros qui milite servent, |
| 162 | Primary delecti; ast illos centeni quemque sequuntur |
| 163 | Primary purpurei cristis iuvenes auroque corusci. |
| 164 | Primary Discurrunt variantque vices fusique per herbam |
| 165 | Primary indulgent vino et vertunt crateras aenos. |
| 166 | Primary Conlucent ignes, noctem custodia ducit |
| 167 | Primary insomnem ludo. |
| 168 | Primary Haec super e vallo prospectant Troes et armis |
| 169 | Primary alta tenent, nec non trepidi formidine portas |
| 170 | Primary explorant pontisque et propugnacula iungunt, |
| 171 | Primary tela gerunt. Instat Mnestheus acerque Serestus, |
| 172 | Primary quos pater Aeneas, siquando adversa vocarent, |
| 173 | Primary rectores iuvenum et rerum dedit esse magistros. |
| 174 | Primary Omnis per muros legio, sortita periclum, |
| 175 | Primary excubat exercetque vices, quod cuique tuendum est. |
| 176 | Primary Nisus erat portae custos, acerrimus armis, |
| 177 | Primary Hyrtacides, comitem Aeneae quem miserat Ida |
| 178 | Primary venatrix iaculo celerem levibusque sagittis; |
| 179 | Primary it iuxta comes Euryalus, quo pulchrior alter |
| 180 | Primary non fuit Aeneadum Troiana neque induit arma, |
| 181 | Primary ora puer prima signans intonsa iuventa. |
| 182 | Primary His amor unus erat, pariterque in bella ruebant: |
| 183 | Primary tum quoque communi portam statione tenebant. |
| 184 | Primary Nisus ait: Dine hunc ardorem mentibus addunt, |
| 185 | Primary Euryale, an sua cuique deus fit dira cupido? |
| 186 | Primary Aut pugnam aut aliquid iamdudum invadere magnum |
| 187 | Primary mens agitat mihi nec placida contenta quietest. |
| 188 | Primary Cernis, quae Rutulos habeat fiducia rerum. |
| 189 | Primary Lumina rara micant; somno vinoque soluti |
| 190 | Primary procubuere; silent late loca: percipe porro, |
| 191 | Primary quid dubitem et quae nunc animo sententia surgat. |
| 192 | Primary Aenean acciri omnes, populusque patresque, |
| 193 | Primary exposcunt mittique viros, qui certa reportent. |
| 194 | Primary Si tibi quae posco promittunt (nam mihi facti |
| 195 | Primary fama sat est), tumulo videor reperire sub illo |
| 196 | Primary posse viam ad muros et moenia Pallantea. |
| 197 | Primary Obstipuit magno laudum percussus amore |
| 198 | Primary Euryalus; simul his ardentem adfatur amicum: |
| 199 | Primary Mene igitur socium summis adiungere rebus, |
| 200 | Primary Nise, fugis? Solum te in tanta pericula mittam? |
| 201 | Primary Non ita me genitor, bellis adsuetus Opheltes, |
| 202 | Primary Argolicum terrorem inter Troiaeque labores |
| 203 | Primary sublatum erudiit, nec tecum talia gessi, |
| 204 | Primary magnanimum Aenean et fata extrema secutus: |
| 205 | Primary est hic, est animus lucis contemptor et istum |
| 206 | Primary qui vita bene credat emi, quo tendis, honorem. |
| 207 | Primary Nisus ad haec: Equidem de te nil tale verebar |
| 208 | Primary nec fas, non, ita me referat tibi magnus ovantem |
| 209 | Primary Iuppiter aut quicumque oculis haec aspicit aequis. |
| 210 | Primary Sed siquis, quae multa vides discrimine tali, |
| 211 | Primary siquis in adversum rapiat casusve deusve, |
| 212 | Primary te superesse velim; tua vita dignior aetas. |
| 213 | Primary Sit qui me raptum pugna pretiove redemptum |
| 214 | Primary mandet humo solita aut siqua id Fortuna vetabit, |
| 215 | Primary absenti ferat inferias decoretque sepulchro. |
| 216 | Primary Neu matri miserae tanti sim causa doloris, |
| 217 | Primary quae te sola, puer, multis e matribus ausa |
| 218 | Primary persequitur magni nec moenia curat Acestae, |
| 219 | Primary Ille autem: Causas nequiquam nectis inanis, |
| 220 | Primary nec mea iam mutata loco sententia cedit: |
| 221 | Primary adceleremus, ait. Vigiles simul excitat, illi |
| 222 | Primary succedunt servantque vices: statione relicta |
| 223 | Primary ipse comes Niso graditur, regemque requirunt. |
| 224 | Primary Cetera per terras omnis animalia somno |
| 225 | Primary laxabant curas et corda oblita laborum: |
| 226 | Primary ductores Teucrum primi et delecta iuventus |
| 227 | Primary consilium summis regni de rebus habebant, |
| 228 | Primary quid facerent quisve Aeneae iam nuntius esset. |
| 229 | Primary Stant longis adnixi hastis, et scuta tenentes, |
| 230 | Primary castrorum et campi medio. Tum Nisus et una |
| 231 | Primary Euryalus confestim alacres admittier orant: |
| 232 | Primary rem magnam, pretiumque morae fore. Primus Iulus |
| 233 | Primary accepit trepidos ac Nisum dicere iussit. |
| 234 | Primary Tum sic Hyrtacides: Audite O mentibus aequis, |
| 235 | Primary Aeneadae, neve haec nostris spectentur ab annis, |
| 236 | Primary quae ferimus. Rutuli somno vinoque soluti |
| 237 | Primary conticuere; locum insidiis conspeximus ipsi, |
| 238 | Primary qui patet in bivio portae, quae proxuma ponto; |
| 239 | Primary interrupti ignes, aterque ad sidera fumus |
| 240 | Primary erigitur: si fortuna permittitis uti |
| 241 | Primary quaesitum Aenean et moenia Pallantea, |
| 242 | Primary mox hic cum spoliis ingenti caede peracta |
| 243 | Primary adfore cernetis. Nec nos via fallit euntis: |
| 244 | Primary vidimus obscuris primam sub vallibus urbem |
| 245 | Primary venatu adsiduo et totum cognovimus amnem. |
| 246 | Primary Hic annis gravis atque animi maturus Aletes: |
| 247 | Primary Di patrii, quorum semper sub numine Troia est, |
| 248 | Primary non tamen omnino Teucros delere paratis, |
| 249 | Primary cum talis animos iuvenum et tam certa tulistis |
| 250 | Primary pectora. Sic memorans umeros dextrasque tenebat |
| 251 | Primary amborum et voltum lacrimis atque ora rigabat. |
| 252 | Primary Quae vobis, quae digna, viri, pro laudibus istis |
| 253 | Primary praemia posse rear solvi? Pulcherrima primum |
| 254 | Primary di moresque dabunt vestri; tum cetera reddet |
| 255 | Primary actutum pius Aeneas atque integer aevi |
| 256 | Primary Ascanius, meriti tanti non immemor umquam. |
| 257 | Primary Immo ego vos, cui sola salus genitore reducto, |
| 258 | Primary excipit Ascanius, per magnos, Nise, penatis |
| 259 | Primary Assaracique larem et canae penetralia Vestae |
| 260 | Primary obtestor; quaecumque mihi fortuna fidesque est, |
| 261 | Primary in vestris pono gremiis: revocate parentem, |
| 262 | Primary reddite conspectum; nihil illo triste recepto. |
| 263 | Primary Bina dabo argento perfecta atque aspera signis |
| 264 | Primary pocula, devicta genitor quae cepit Arisba, |
| 265 | Primary et tripodas geminos, auri duo magna talenta, |
| 266 | Primary cratera antiquum, quem dat Sidonia Dido. |
| 267 | Primary Si vero capere Italiam sceptrisque potiri |
| 268 | Primary contigerit victori et praedae dicere sortem, |
| 269 | Primary vidisti quo Turnus equo, quibus ibat in armis |
| 270 | Primary aureus: ipsum illum, clipeum cristasque rubentis |
| 271 | Primary excipiam sorti, iam nunc tua praemia, Nise. |
| 272 | Primary Praeterea bis sex genitor lectissima matrum |
| 273 | Primary corpora captivosque dabit suaque omnibus arma, |
| 274 | Primary insuper his campi quod rex habet ipse Latinus. |
| 275 | Primary Te vero, mea quem spatiis propioribus aetas |
| 276 | Primary insequitur, venerande puer, iam pectore toto |
| 277 | Primary accipio et comitem casus complector in omnis. |
| 278 | Primary Nulla meis sine te quaeretur gloria rebus; |
| 279 | Primary seu pacem seu bella geram, tibi maxima rerum |
| 280 | Primary verborumque fides. Contra quem talia fatur |
| 281 | Primary Euryalus: Me nulla dies tam fortibus ausis |
| 282 | Primary dissimilem arguerit; tantum, fortuna secunda |
| 283 | Primary aut adversa cadat. Sed te super omnia dona |
| 284 | Primary unum oro, genetrix Priami de gente vetusta |
| 285 | Primary est mihi, quam miseram tenuit non Ilia tellus |
| 286 | Primary mecum excedentem, non moenia regis Acestae. |
| 287 | Primary Hanc ego nunc ignaram huius quodcumque pericli est |
| 288 | Primary inque salutatam linquo: nox et tua testis |
| 289 | Primary dextera, quod nequeam lacrumas perferre parentis |
| 290 | Primary at tu, oro, solare inopem et succurre relictae. |
| 291 | Primary Hanc sine me spem ferre tui: audentior ibo |
| 292 | Primary in casus omnis. Percussa mente dedere |
| 293 | Primary Dardanidae lacrimas; ante omnis pulcher Iulus, |
| 294 | Primary atque animum patriae strinxit pietatis imago. |
| 295 | Primary Tum sic effatur: |
| 296 | Primary Sponde digna tuis ingentibus omnia coeptis. |
| 297 | Primary Namque erit ista mihi genetrix nomenque Creusae |
| 298 | Primary solum defuerit, nec partum gratia talem |
| 299 | Primary parva manet. Casus factum quicumque sequentur, |
| 300 | Primary per caput hoc iuro, per quod pater ante solebat: |
| 301 | Primary quae tibi polliceor reduci rebusque secundis, |
| 302 | Primary haec eadem matrique tuae generique manebunt. |
| 303 | Primary Sic ait inlacrimans; umero simul exuit ensem |
| 304 | Primary auratum, mira quem fecerat arte Lycaon |
| 305 | Primary Gnosius atque habilem vagina aptarat eburna. |
| 306 | Primary Dat Niso Mnestheus pellem horrentisque leonis |
| 307 | Primary exuvias; galeam fidus permutat Aletes. |
| 308 | Primary Protinus armati incedunt; quos omnis euntis |
| 309 | Primary primorum manus ad portas iuvenumque senumque |
| 310 | Primary prosequitur votis. Nec non et pulcher Iulus, |
| 311 | Primary ante annos animumque gerens curamque virilem, |
| 312 | Primary multa patri mandata dabat portanda: sed aurae |
| 313 | Primary omnia discerpunt et nubibus inrita donant. |
| 314 | Primary Egressi superant fossas noctisque per umbram |
| 315 | Primary castra inimica petunt, multis tamen ante futuri |
| 316 | Primary exitio. Passim somno vinoque per herbam |
| 317 | Primary corpora fusa vident, arrectos litore currus, |
| 318 | Primary inter lora rotasque viros, simul arma iacere, |
| 319 | Primary vina simul. Prior Hyrtacides sic ore locutus: |
| 320 | Primary Euryale, audendum dextra; nunc ipsa vocat res. |
| 321 | Primary Hac iter est. Tu, ne qua manus se attollere nobis |
| 322 | Primary a tergo possit, custodi et consule longe; |
| 323 | Primary haec ego vasta dabo et lato te limite ducam. |
| 324 | Primary Sic memorat vocemque premit; simul ense superbum |
| 325 | Primary Rhamnetem adgreditur, qui forte tapetibus altis |
| 326 | Primary exstructus toto proflabat pectore somnum. |
| 327 | Primary Rex idem et regi Turno gratissimus augur, |
| 328 | Primary sed non augurio potuit depellere pestem. |
| 329 | Primary Tris iuxta famulos temere inter tela iacentis |
| 330 | Primary armigerumque Remi premit aurigamque sub ipsis |
| 331 | Primary nanctus equis ferroque secat pendentia colla; |
| 332 | Primary tum caput ipsi aufert domino truncumque relinquit |
| 333 | Primary sanguine singultantem; atro tepefacta cruore |
| 334 | Primary terra torique madent. Nec non Lamyrumque Lamumque |
| 335 | Primary et iuvenem Serranum, illa qui plurima nocte |
| 336 | Primary luserat, insignis facie, multoque iacebat |
| 337 | Primary membra deo victus: felix, si protinus illum |
| 338 | Primary aequasset nocti ludum in lucemque tulisset. |
| 339 | Primary Impastus ceu plena leo per ovilia turbans |
| 340 | Primary (suadet enim vesana fames) manditque trahitque |
| 341 | Primary molle pecus mutumque metu, fremit ore cruento: |
| 342 | Primary nec minor Euryali caedes; incensus et ipse |
| 343 | Primary perfurit ac multam in medio sine nomine plebem, |
| 344 | Primary Fadumque Herbesumque subit Rhoetumque Abarimque, |
| 345 | Primary ignaros, Rhoetum vigilantem et cuncta videntem, |
| 346 | Primary sed magnum metuens se post cratera tegebat; |
| 347 | Primary pectore in adverso totum cui comminus ensem |
| 348 | Primary condidit adsurgenti et multa morte recepit. |
| 349 | Primary Purpuream vomit ille animam et cum sanguine mixta |
| 350 | Primary vina refert moriens; hic furto fervidus instat. |
| 351 | Primary Iamque ad Messapi socios tendebat; ibi ignem |
| 352 | Primary deficere extremum et religatos rite videbat |
| 353 | Primary carpere gramen equos: breviter cum talia Nisus. |
| 354 | Primary sensit enim nimia caede atque cupidine ferri: |
| 355 | Primary Absistamus, ait, nam lux inimica propinquat. |
| 356 | Primary Poenarum exhaustum satis est, via facta per hostis. |
| 357 | Primary Multa virum solido argento perfecta relinquunt |
| 358 | Primary armaque craterasque simul pulchrosque tapetas. |
| 359 | Primary Euryalus phaleras Rhamnetis et aurea bullis |
| 360 | Primary cingula, Tiburti Remulo ditissimus olim |
| 361 | Primary quae mittit dona hospitio cum iungeret absens |
| 362 | Primary Caedicus, ille suo moriens dat habere nepoti, |
| 363 | Primary post mortem bello Rutuli pugnaque potiti |
| 364 | Primary haec rapit atque umeris nequiquam fortibus aptat. |
| 365 | Primary Tum galeam Messapi habilem cristisque decoram |
| 366 | Primary induit. Excedunt castris et tuta capessunt. |
| 367 | Primary Interea praemissi equites ex urbe Latina, |
| 368 | Primary cetera dum legio campis instructa moratur, |
| 369 | Primary ibant et Turno regi responsa ferebant, |
| 370 | Primary tercentum, scutati omnes, Volcente magistro. |
| 371 | Primary Iamque propinquabant castris murosque subibant, |
| 372 | Primary cum procul hos laevo flectentis limite cernunt |
| 373 | Primary et galea Euryalum sublustri noctis in umbra |
| 374 | Primary prodidit immemorem radiisque adversa refulsit. |
| 375 | Primary Haud temere est visum. Conclamat ab agmine Volcens |
| 376 | Primary State, viri. Quae causa viae? Quive estis in armis? |
| 377 | Primary Quove tenetis iter? Nihil illi tendere contra, |
| 378 | Primary sed celerare fugam in silvas et fidere nocti. |
| 379 | Primary Obiciunt equites sese ad divortia nota |
| 380 | Primary hinc atque hinc omnemque abitum custode coronant. |
| 381 | Primary Silva fuit late dumis atque ilice nigra |
| 382 | Primary horrida, quam densi complerant undique sentes; |
| 383 | Primary rara per occultos lucebat semita calles. |
| 384 | Primary Euryalum tenebrae ramorum onerosaque praeda |
| 385 | Primary impediunt fallitque timor regione viarum; |
| 386 | Primary Nisus abit, iamque imprudens evaserat hostis |
| 387 | Primary atque locos, qui post Albae de nomine dicti |
| 388 | Primary Albani, tum rex stabula alta Latinus habebat, |
| 389 | Primary ut stetit et frustra absentem respexit amicum. |
| 390 | Primary Euryale infelix, qua te regione reliqui? |
| 391 | Primary Quave sequar, rursus perplexum iter omne revolvens |
| 392 | Primary fallacis silvae? Simul et vestigia retro |
| 393 | Primary observata legit dumisque silentibus errat. |
| 394 | Primary Audit equos, audit strepitus et signa sequentum. |
| 395 | Primary Nec longum in medio tempus, cum clamor ad auris |
| 396 | Primary pervenit ac videt Euryalum, quem iam manus omnis |
| 397 | Primary fraude loci et noctis, subito turbante tumultu, |
| 398 | Primary oppressum rapit et conantem plurima frustra. |
| 399 | Primary Quid faciat? Qua vi iuvenem, quibus audeat armis |
| 400 | Primary eripere? An sese medios moriturus in enses |
| 401 | Primary inferat et pulchram properet per volnera mortem? |
| 402 | Primary Ocius adducto torquens hastile lacerto, |
| 403 | Primary suspiciens altam Lunam sic voce precatur: |
| 404 | Primary Tu, dea, tu praesens nostro succurre labori, |
| 405 | Primary astrorum decus et nemorum Latonia custos. |
| 406 | Primary Siqua tuis umquam pro me pater Hyrtacus aris |
| 407 | Primary dona tulit, siqua ipse meis venatibus auxi |
| 408 | Primary suspendive tholo aut sacra ad fastigia fixi: |
| 409 | Primary hunc sine me turbare globum et rege tela per auras. |
| 410 | Primary Dixerat, et toto conixus corpore ferrum |
| 411 | Primary conicit: hasta volans noctis diverberat umbras |
| 412 | Primary et venit aversi in tergum Sulmonis ibique |
| 413 | Primary frangitur ac fisso transit praecordia ligno. |
| 414 | Primary Volvitur ille vomens calidum de pectore flumen |
| 415 | Primary frigidus et longis singultibus ilia pulsat. |
| 416 | Primary Diversi circumspiciunt. Hoc acrior idem |
| 417 | Primary ecce aliud summa telum librabat ab aure. |
| 418 | Primary Dum trepidant, it hasta Tago per tempus utrumque |
| 419 | Primary stridens traiectoque haesit tepefacta cerebro. |
| 420 | Primary Saevit atrox Volcens nec teli conspicit usquam |
| 421 | Primary auctorem nec quo se ardens inmittere possit. |
| 422 | Primary Tu tamen interea calido mihi sanguine poenas |
| 423 | Primary persolves amborum, inquit; simul ense recluso |
| 424 | Primary ibat in Euryalum. Tum vero exterritus, amens |
| 425 | Primary conclamat Nisus, nec se celare tenebris |
| 426 | Primary amplius aut tantum potuit perferre dolorem. |
| 427 | Primary Me me, adsum qui feci, in me convertite ferrum, |
| 428 | Primary O Rutuli, mea fraus omnis; nihil iste nec ausus |
| 429 | Primary nec potuit, caelum hoc et conscia sidera testor, |
| 430 | Primary tantum infelicem nimium dilexit amicum. |
| 431 | Primary Talia dicta dabat; sed viribus ensis adactus |
| 432 | Primary transabiit costas et candida pectora rumpit. |
| 433 | Primary Volvitur Euryalus leto, pulchrosque per artus |
| 434 | Primary it cruor, inque umeros cervix conlapsa recumbit: |
| 435 | Primary purpureus veluti cum flos succisus aratro |
| 436 | Primary languescit moriens lassove papavera collo |
| 437 | Primary demisere caput, pluvia cum forte gravantur. |
| 438 | Primary At Nisus ruit in medios solumque per omnis |
| 439 | Primary Volcentem petit in solo Volcente moratur. |
| 440 | Primary Quem circum glomerati hostes hinc comminus atque hinc |
| 441 | Primary proturbant. Instat non setius ac rotat ensem |
| 442 | Primary fulmineum, donec Rutuli clamantis in ore |
| 443 | Primary condidit adverso et moriens animam abstulit hosti. |
| 444 | Primary Tum super exanimum sese proiecit amicum |
| 445 | Primary confossus placidaque ibi demum morte quievit. |
| 446 | Primary Fortunati ambo! Siquid mea carmina possunt, |
| 447 | Primary nulla dies umquam memori vos eximet aevo, |
| 448 | Primary dum domus Aeneae Capitoli immobile saxum |
| 449 | Primary accolet imperiumque pater Romanus habebit. |
| 450 | Primary Victores praeda Rutuli spoliisque potiti |
| 451 | Primary Volcentem exanimum flentes in castra ferebant. |
| 452 | Primary Nec minor in castris luctus Rhamnete reperto |
| 453 | Primary exsangui et primis una tot caede peremptis, |
| 454 | Primary Serranoque Numaque. Ingens concursus ad ipsa |
| 455 | Primary corpora seminecisque viros tepidaque recentem |
| 456 | Primary caede locum et plenos spumanti sanguine rivos. |
| 457 | Primary Agnoscunt spolia inter se galeamque nitentem |
| 458 | Primary Messapi et multo phaleras sudore receptas. |
| 459 | Primary Et iam prima novo spargebat lumine terras |
| 460 | Primary Tithoni croceum linquens Aurora cubile: |
| 461 | Primary iam sole infuso, iam rebus luce retectis |
| 462 | Primary Turnus in arma viros, armis circumdatus ipse, |
| 463 | Primary suscitat, aeratasque acies in proelia cogit |
| 464 | Primary quisque suas variisque acuunt rumoribus iras. |
| 465 | Primary Quin ipsa arrectis (visu miserabile) in hastis |
| 466 | Primary praefigunt capita et multo clamore sequuntur |
| 467 | Primary Euryali et Nisi. |
| 468 | Primary Aeneadae duri murorum in parte sinistra |
| 469 | Primary opposuere aciem, nam dextera cingitur amni, |
| 470 | Primary ingentisque tenent fossas et turribus altis |
| 471 | Primary stant maesti; simul ora virum praefixa movebant, |
| 472 | Primary nota nimis miseris atroque fluentia tabo. |
| 473 | Primary Interea pavidam volitans pennata per urbem |
| 474 | Primary nuntia Fama ruit matrisque adlabitur auris |
| 475 | Primary Euryali. At subitus miserae calor ossa reliquit, |
| 476 | Primary excussi manibus radii revolutaque pensa. |
| 477 | Primary Evolat infelix et femineo ululatu, |
| 478 | Primary scissa comam, muros amens atque agmina cursu |
| 479 | Primary prima petit, non illa virum, non illa pericli |
| 480 | Primary telorumque memor; caelum dehinc questibus implet: |
| 481 | Primary Hunc ego te, Euryale, aspicio? Tune illa senectae |
| 482 | Primary sera meae requies, potuisti linquere solam, |
| 483 | Primary crudelis? Nec te, sub tanta pericula missum, |
| 484 | Primary adfari extremum miserae data copia matri? |
| 485 | Primary Heu, terra ignota canibus data praeda Latinis |
| 486 | Primary alitibusque iaces, nec te, tua funera mater |
| 487 | Primary produxi pressive oculos aut volnera lavi, |
| 488 | Primary veste tegens, tibi quam noctes festina diesque |
| 489 | Primary urgebam et tela curas solabar anilis. |
| 490 | Primary Quo sequar, aut quae nunc artus avolsaque membra |
| 491 | Primary et funus lacerum tellus habet? Hoc mihi de te, |
| 492 | Primary nate, refers? Hoc sum terraque marique secuta? |
| 493 | Primary Figite me, siqua est pietas, in me omnia tela |
| 494 | Primary conicite, o Rutuli, me primam absumite ferro: |
| 495 | Primary aut tu, magne pater divom, miserere tuoque |
| 496 | Primary invisum hoc detrude caput sub Tartara telo, |
| 497 | Primary quando aliter nequeo crudelem abrumpere vitam. |
| 498 | Primary Hoc fletu concussi animi, maestusque per omnis |
| 499 | Primary it gemitus: torpent infractae ad proelia vires. |
| 500 | Primary Illam incendentem luctus Idaeus et Actor |
| 501 | Primary Illionei monitu et multum lacrimantis Iuli |
| 502 | Primary corripiunt interque manus sub tecta reponunt. |
| 503 | Primary At tuba terribilem sonitum procul aere canoro |
| 504 | Primary increpuit; sequitur clamor caelumque remugit. |
| 505 | Primary Adcelerant acta pariter testudine Volsci |
| 506 | Primary et fossas implere parant ac vellere vallum. |
| 507 | Primary Quaerunt pars aditum et scalis ascendere muros, |
| 508 | Primary qua rara est acies interlucetque corona |
| 509 | Primary non tam spissa viris. Telorum effundere contra |
| 510 | Primary omne genus Teucri ac duris detrudere contis, |
| 511 | Primary adsueti longo muros defendere bello. |
| 512 | Primary Saxa quoque infesto volvebant pondere, siqua |
| 513 | Primary possent tectam aciem perrumpere: cum tamen omnis |
| 514 | Primary ferre iuvat subter densa testudine casus; |
| 515 | Primary nec iam sufficiunt. Nam qua globus imminet ingens, |
| 516 | Primary immanem Teucri molem volvuntque ruuntque, |
| 517 | Primary quae stravit Rutulos late armorumque resolvit |
| 518 | Primary tegmina. Nec curant caeco contendere Marte |
| 519 | Primary amplius audaces Rutuli, sed pellere vallo |
| 520 | Primary missilibus certant. |
| 521 | Primary Parte alia horrendus visu quassabat Etruscam |
| 522 | Primary pinum et fumiferos infert Mezentius ignis; |
| 523 | Primary at Messapus equum domitor, Neptunia proles, |
| 524 | Primary rescindit vallum et scalas in moenia poscit. |
| 525 | Primary Vos, o Calliope, precor, adspirate canenti, |
| 526 | Primary quas ibi tum ferro strages, quae funera Turnus |
| 527 | Primary ediderit, quem quisque virum demiserit Orco; |
| 528 | Primary et mecum ingentis oras evolvite belli, |
| 529 | Primary et meministis enim, divae, et memorare potestis. |
| 530 | Primary Turris erat vasto suspectu et pontibus altis, |
| 531 | Primary opportuna loco, summis quam viribus omnes |
| 532 | Primary expugnare Itali summaque evertere opum vi |
| 533 | Primary certabant, Troes contra defendere saxis |
| 534 | Primary perque cavas densi tela intorquere fenestras. |
| 535 | Primary Princeps ardentem coniecit lampada Turnus |
| 536 | Primary et flammam adfixit lateri, quae plurima vento |
| 537 | Primary corripuit tabulas et postibus haesit adesis. |
| 538 | Primary Turbati trepidare intus frustraque malorum |
| 539 | Primary velle fugam. Dum se glomerant retroque residunt |
| 540 | Primary in partem, quae peste caret, tum pondere turris |
| 541 | Primary procubuit subito et caelum tonat omne fragore. |
| 542 | Primary Semineces ad terram, immani mole secuta, |
| 543 | Primary confixique suis telis et pectora duro |
| 544 | Primary transfossi ligno veniunt. Vix unus Helenor |
| 545 | Primary et Lycus elapsi. Quorum primaevus Helenor, |
| 546 | Primary Maeonio regi quem serva Licymnia furtim |
| 547 | Primary sustulerat vetitisque ad Troiam miserat armis, |
| 548 | Primary ense levis nudo parmaque inglorius alba; |
| 549 | Primary isque ubi se Turni media inter milia vidit, |
| 550 | Primary hinc acies atque hinc acies adstare Latinas: |
| 551 | Primary ut fera, quae densa venantum saepta corona |
| 552 | Primary contra tela furit seseque haud nescia morti |
| 553 | Primary inicit et saltu supra venabula fertur, |
| 554 | Primary haud aliter iuvenis medios moriturus in hostis |
| 555 | Primary inruit et, qua tela videt densissima, tendit. |
| 556 | Primary At pedibus longe melior Lycus inter et hostis |
| 557 | Primary inter et arma fuga muros tenet altaque certat |
| 558 | Primary prendere tecta manu sociumque attingere dextras. |
| 559 | Primary Quem Turnus, pariter cursu teloque secutus, |
| 560 | Primary increpat his victor: Nostrasne evadere, demens, |
| 561 | Primary sperasti te posse manus? Simul adripit ipsum |
| 562 | Primary pendentem et magna muri cum parte revellit. |
| 563 | Primary Qualis ubi aut leporem aut candenti corpore cycnum |
| 564 | Primary sustulit alta petens pedibus Iovis armiger uncis |
| 565 | Primary quaesitum aut matri multis balatibus agnum |
| 566 | Primary Martius a stabulis rapuit lupus. Undique clamor |
| 567 | Primary tollitur: invadunt et fossas agere complent; |
| 568 | Primary ardentis taedas alii ad fastigia iactant. |
| 569 | Primary Ilioneus saxo atque ingenti fragmine montis |
| 570 | Primary Lucetium portae subeuntem ignisque ferentem, |
| 571 | Primary Emathiona Liger, Corynaeum sternit Asilas, |
| 572 | Primary hic iaculo bonus, hic longe fallente sagitta, |
| 573 | Primary Ortygium Caeneus, victorem Caenea Turnus, |
| 574 | Primary Turnus Ityn Cloniumque, Dioxippum Promolumque |
| 575 | Primary et Sagarim et summis stantem pro turribus Idan, |
| 576 | Primary Privernum Capys. Hunc primo levis hasta Themillae |
| 577 | Primary strinxerat: ille manum proiecto tegmine demens |
| 578 | Primary ad volnus tulit; ergo alis adlapsa sagitta |
| 579 | Primary et laevo infixa est lateri manus abditaque intus |
| 580 | Primary spiramenta animae letali volnere rupit. |
| 581 | Primary Stabat in egregiis Arcentis filius armis, |
| 582 | Primary pictus acu chlamydem et ferrugine clarus Hibera, |
| 583 | Primary insignis facie, genitor quem miserat Arcens, |
| 584 | Primary eductum Matris luco Symaethia circum |
| 585 | Primary flumina, pinguis ubi et placabilis ara Palici: |
| 586 | Primary stridentem fundam positis Mezentius hastis |
| 587 | Primary ipse ter adducta circum caput egit habena |
| 588 | Primary et media adversi liquefacto tempora plumbo |
| 589 | Primary diffidit ac multa porrectum extendit harena. |
| 590 | Primary Tum primum bello celerem intendisse sagittam |
| 591 | Primary dicitur ante feras solitus terrere fugaces |
| 592 | Primary Ascanius fortemque manu fudisse Numanum, |
| 593 | Primary cui Remulo cognomen erat, Turnique minorem |
| 594 | Primary germanam nuper thalamo sociatus habebat. |
| 595 | Primary Is primam ante aciem digna atque indigna relatu |
| 596 | Primary vociferans tumidusque novo praecordia regno |
| 597 | Primary ibat et ingentem sese clamore ferebat: |
| 598 | Primary Non pudet obsidione iterum valloque teneri, |
| 599 | Primary bis capti Phryges, et morti praetendere muros? |
| 600 | Primary En qui nostra sibi bello conubia poscunt! |
| 601 | Primary Quis deus Italiam, quae vos dementia adegit |
| 602 | Primary Non hic Atridae nec fandi fictor Ulixes: |
| 603 | Primary durum a stirpe genus natos ad flumina primum |
| 604 | Primary deferimus saevoque gelu duramus et undis, |
| 605 | Primary venatu invigilant pueri silvasque fatigant, |
| 606 | Primary flectere ludus equos et spicula tendere cornu. |
| 607 | Primary At patiens operum parvoque adsueta iuventus |
| 608 | Primary aut rastris terram domat aut quatit oppida bello. |
| 609 | Primary Omne aevum ferro teritur, versaque iuvencum |
| 610 | Primary terga fatigamus hasta; nec tarda senectus |
| 611 | Primary debilitat vires animi mutatque vigorem: |
| 612 | Primary canitiem galea premimus, semperque recentis |
| 613 | Primary comportare iuvat praedas et vivere rapto. |
| 614 | Primary Vobis picta croco et fulgenti murice vestis, |
| 615 | Primary desidiae cordi, iuvat indulgere choreis, |
| 616 | Primary et tunicae manicas et habent redimicula mitrae. |
| 617 | Primary O vere Phrygiae, neque enim Phryges, ite per alta |
| 618 | Primary Dindyma ubi adsuetis biforem dat tibia cantum! |
| 619 | Primary Tympana vos buxusque vocat Berecyntia Matris |
| 620 | Primary Idaeae sinite arma viris et cedite ferro. |
| 621 | Primary Talia iactantem dictis ac dira canentem |
| 622 | Primary non tulit Ascanius nervoque obversus equino |
| 623 | Primary contendit telum diversaque bracchia ducens |
| 624 | Primary constitit, ante Iovem supplex per vota precatus: |
| 625 | Primary Iuppiter omnipotens, audacibus adnue coeptis. |
| 626 | Primary Ipse tibi ad tua templa feram sollemnia dona |
| 627 | Primary et statuam ante aras aurata fronte iuvencum |
| 628 | Primary candentem pariterque caput cum matre ferentem, |
| 629 | Primary iam cornu petat et pedibus qui spargat harenam. |
| 630 | Primary Audiit et caeli Genitor de parte serena |
| 631 | Primary intonuit laevum, sonat una fatifer arcus: |
| 632 | Primary effugit horrendum stridens adducta sagitta |
| 633 | Primary perque caput Remuli venit et cava tempora ferro |
| 634 | Primary traicit. I, verbis virtutem inlude superbis! |
| 635 | Primary His capti Phryges haec Rutulis responsa remittunt. |
| 636 | Primary Hoc tantum Ascanius. Teucri clamore sequuntur |
| 637 | Primary laetitiaque fremunt animosque ad sidera tollunt. |
| 638 | Primary Aetheria tum forte plaga crinitus Apollo |
| 639 | Primary desuper Ausonias acies urbemque videbat, |
| 640 | Primary nube sedens, atque his victorem adfatur Iulum: |
| 641 | Primary Macte nova virtute, puer: sic itur ad astra, |
| 642 | Primary dis genite et geniture deos. Iure omnia bella |
| 643 | Primary gente sub Assaraci fato ventura resident, |
| 644 | Primary nec te Troia capit. Simul haec effatus ab alto |
| 645 | Primary aethere se misit, spirantis dimovet auras |
| 646 | Primary Ascaniumque petit. Forma tum vertitur oris |
| 647 | Primary antiquum in Buten; hic Dardanio Anchisae |
| 648 | Primary armiger ante fuit fidusque ad limina custos, |
| 649 | Primary tum comitem Ascanio pater addidit. Ibat Apollo |
| 650 | Primary omnia longaevo similis, vocemque coloremque |
| 651 | Primary et crinis albos et saeva sonoribus arma, |
| 652 | Primary atque his ardentem dictis adfatur Iulum: |
| 653 | Primary Sit satis, Aenide, telis impune Numanum |
| 654 | Primary oppetiisse tuis; primam hanc tibi magnus, Apollo |
| 655 | Primary concedit laudem et paribus non invidet armis: |
| 656 | Primary cetera parce, puer, bello. Sic orsus Apollo |
| 657 | Primary mortalis medio aspectus sermone reliquit |
| 658 | Primary et procul in tenuem ex oculis evanuit auram. |
| 659 | Primary Agnovere deum proceres divinaque tela |
| 660 | Primary Dardanidae pharetramque fuga sensere sonantem. |
| 661 | Primary Ergo avidum pugnae dictis ac numine Phoebi |
| 662 | Primary Ascanium prohibent, ipsi in certamina rursus |
| 663 | Primary succedunt animasque in aperta pericula mittunt. |
| 664 | Primary It clamor totis per propugnacula muris, |
| 665 | Primary intendunt acris arcus amentaque torquent. |
| 666 | Primary Sternitur omne solum telis, tum scuta cavaeque |
| 667 | Primary dant sonitum flictu galeae, pugna aspera surgit: |
| 668 | Primary quantus ab occasu veniens pluvialibus Haedis |
| 669 | Primary verberat imber humum, quam multa grandine nimbi |
| 670 | Primary in vada praecipitant, cum Iuppiter horridus austris |
| 671 | Primary torquet aquosam hiemem et caelo cava nubila rumpit. |
| 672 | Primary Pandarus et Bitias, Idaeo Alcanore creti, |
| 673 | Primary quos Iovis eduxit luco silvestris Iaera |
| 674 | Primary abietibus iuvenes patriis et montibus aequos, |
| 675 | Primary portam, quae ducis imperio commissa, recludunt, |
| 676 | Primary freti animis, ultroque invitant moenibus hostem. |
| 677 | Primary Ipsi intus dextra ac laeva pro turribus adstant, |
| 678 | Primary armati ferro et cristis capita alta corusci: |
| 679 | Primary quales aëriae liquentia flumina circum, |
| 680 | Primary sive Padi ripis Athesim seu propter amoenum, |
| 681 | Primary consurgunt geminae quercus intonsaque caelo |
| 682 | Primary attollunt capita et sublimi vertice nutant. |
| 683 | Primary inrumpunt aditus Rutuli ut videre patentis |
| 684 | Primary continuo Quercens et pulcher Aquiculus armis |
| 685 | Primary et praeceps animi Tmarus et Mavortius Haemon |
| 686 | Primary agminibus totis: at versi terga dedere |
| 687 | Primary aut ipso portae posuere in limine vitam. |
| 688 | Primary Tum magis increscunt animis discordibus irae; |
| 689 | Primary et iam collecti Troes glomerantur eodem |
| 690 | Primary et conferre manum et procurrere longius audent. |
| 691 | Primary Ductori Turno diversa in parte furenti |
| 692 | Primary turbantique viros perfertur nuntius, hostem |
| 693 | Primary fervere caede nova et portas praebere patentis. |
| 694 | Primary Deserit inceptum atque immani concitus ira |
| 695 | Primary Dardaniam ruit ad portam fratresque superbos. |
| 696 | Primary Et primum Antiphaten, is enim se primus agebat, |
| 697 | Primary Thebana de matre nothum Sarpedonis alti, |
| 698 | Primary coniecto sternit iaculo; volat Itala cornus |
| 699 | Primary aëra per tenerum stomachoque infixa sub altum |
| 700 | Primary pectus abit: reddit specus atri volneris undam |
| 701 | Primary spumantem, et fixo ferrum in pulmone tepescit. |
| 702 | Primary Tum Meropem atque Erymanta manu, tum sternit Aphidnum, |
| 703 | Primary tum Bitian ardentem oculis animisque frementem |
| 704 | Primary non iaculo, neque enim iaculo vitam ille dedisset, |
| 705 | Primary sed magnum stridens contorta phalarica venit, |
| 706 | Primary fulminis acta modo, quam nec duo taurea terga |
| 707 | Primary nec duplici squama lorica fidelis et auro |
| 708 | Primary sustinuit: conlapsa ruunt immania membra. |
| 709 | Primary Dat tellus gemitum, et clipeum super intonat ingens. |
| 710 | Primary Talis in Euboico Baiarum litore quondam |
| 711 | Primary saxea pila cadit, magnis quam molibus ante |
| 712 | Primary constructam ponto iaciunt; sic illa ruinam |
| 713 | Primary prona trahit penitusque vadis inlisa recumbit: |
| 714 | Primary miscent se maria, et nigrae attolluntur harenae; |
| 715 | Primary tum sonitu Prochyta alta tremit durumque cubile |
| 716 | Primary Inarime Iovis imperiis imposta Typhoeo. |
| 717 | Primary Hic Mars armipotens animum viresque Latinis |
| 718 | Primary addidit et stimulos acris sub pectore vertit |
| 719 | Primary immisitque Fugam Teucris atrumque Timorem. |
| 720 | Primary Undique conveniunt, quoniam data copia pugnae |
| 721 | Primary bellatorque animo deus incidit. |
| 722 | Primary Pandarus ut fuso germanum corpore cernit |
| 723 | Primary et quo sit fortuna loco, qui casus agat res, |
| 724 | Primary portam vi magna converso cardine torquet, |
| 725 | Primary obnixus latis umeris, multosque suorum |
| 726 | Primary moenibus exclusos duro in certamine linquit; |
| 727 | Primary ast alios secum includit recipitque ruentis, |
| 728 | Primary demens, qui Rutulum in medio non agmine regem |
| 729 | Primary viderit inrumpentem ultroque incluserit urbi, |
| 730 | Primary immanem veluti pecora inter inertia tigrim. |
| 731 | Primary Continuo nova lux oculis effulsit, et arma |
| 732 | Primary horrendum sonuere; tremunt in vertice cristae |
| 733 | Primary sanguineae, clipeoque micantia fulmina mittit: |
| 734 | Primary agnoscunt faciem invisam atque immania membra |
| 735 | Primary turbati subito Aeneadae. Tum Pandarus ingens |
| 736 | Primary emicat et mortis fraternae fervidus ira |
| 737 | Primary effatur: Non haec dotalis regia Amatae, |
| 738 | Primary nec muris cohibet patriis media Ardea Turnum. |
| 739 | Primary Castra inimica vides; nulla hinc exire potestas. |
| 740 | Primary Olli subridens sedato pectore Turnus: |
| 741 | Primary Incipe, siqua animo virtus, et consere dextram: |
| 742 | Primary hic etiam inventum Priamo narrabis Achillem. |
| 743 | Primary Dixerat. Ille rudem nodis et cortice crudo |
| 744 | Primary intorquet summis adnixus viribus hastam: |
| 745 | Primary excepere aurae volnus; Saturnia Iuno |
| 746 | Primary detorsit veniens, portaeque infigitur hasta. |
| 747 | Primary At non hoc telum, mea quod vi dextera versat, |
| 748 | Primary effugies; neque enim is teli nec volneris auctor. |
| 749 | Primary Sic ait et sublatum alte consurgit in ensem |
| 750 | Primary et mediam ferro gemina inter tempora frontem |
| 751 | Primary dividit inpubesque immani volnere malas. |
| 752 | Primary Fit sonus, ingenti concussa est pondere tellus: |
| 753 | Primary conlapsos artus atque arma cruenta cerebro |
| 754 | Primary sternit humi moriens, atque illi partibus aequis |
| 755 | Primary huc caput atque illuc umero ex utroque pependit. |
| 756 | Primary Diffugiunt versi trepida formidine Troes: |
| 757 | Primary et si continuo victorem ea cura subisset, |
| 758 | Primary rumpere claustra manu sociosque immittere portis, |
| 759 | Primary ultimus ille dies bello gentique fuisset; |
| 760 | Primary sed furor ardentem caedisque insana cupido |
| 761 | Primary egit in adversos. |
| 762 | Primary Principio Phalerim et succiso poplite Gygen |
| 763 | Primary excipit; hinc raptas fugientibus ingerit hastas |
| 764 | Primary in tergum, Iuno vires animumque ministrat; |
| 765 | Primary addit Halym comitem et confixa Phegea parma, |
| 766 | Primary ignaros deinde in muris Martemque cientis |
| 767 | Primary Alcandrumque Haliumque Noemonaque Prytanimque. |
| 768 | Primary Lyncea tendentem contra sociosque vocantem |
| 769 | Primary vibranti gladio conixus ab aggere dexter |
| 770 | Primary occupat; huic uno desectum comminus ictu |
| 771 | Primary cum galea longe iacuit caput. Inde ferarum |
| 772 | Primary vastatorem Amycum, quo non felicior alter |
| 773 | Primary ungere tela manu ferrumque armare veneno, |
| 774 | Primary et Clytium Aeoliden et amicum Crethea Musis, |
| 775 | Primary Crethea Musarum comitem, cui carmina semper |
| 776 | Primary et citharae cordi numerosque intendere nervis. |
| 777 | Primary Semper equos atque arma virum pugnasque canebat. |
| 778 | Primary Tandem ductores audita caede suorum |
| 779 | Primary conveniunt Teucri, Mnestheus acerque Serestus, |
| 780 | Primary palantisque vident socios hostemque receptum. |
| 781 | Primary Et Mnestheus: Quo deinde fugam, quo tenditis? inquit. |
| 782 | Primary Quos alios muros, quae iam ultra moenia habetis? |
| 783 | Primary Unus homo et vestris, o cives, undique saeptus |
| 784 | Primary aggeribus tantas strages inpune per urbem |
| 785 | Primary ediderit, iuvenum primos tot miserit Orco? |
| 786 | Primary Non infelicis patriae veterumque deorum |
| 787 | Primary et magni Aeneae, segnes, miseretque pudetque? |
| 788 | Primary Talibus accensi firmantur et agmine denso |
| 789 | Primary consistunt. Turnus paulatim excedere pugna |
| 790 | Primary et fluvium petere ac partem, quae cingitur unda; |
| 791 | Primary acrius hoc Teucri clamore incumbere magno |
| 792 | Primary et glomerare manum. Ceu saevum turba leonem |
| 793 | Primary cum telis premit infensis, at territus ille, |
| 794 | Primary asper, acerba tuens, retro redit, et neque terga |
| 795 | Primary ira dare aut virtus patitur, nec tendere contra |
| 796 | Primary ille quidem hoc cupiens potis est per tela virosque: |
| 797 | Primary haud aliter retro dubius vestigia Turnus |
| 798 | Primary improperata refert, et mens exaestuat ira. |
| 799 | Primary Quin etiam bis tum medios invaserat hostis, |
| 800 | Primary bis confusa fuga per muros agmina vertit; |
| 801 | Primary sed manus e castris propere coit omnis in unum, |
| 802 | Primary nec contra vires audet Saturnia Iuno |
| 803 | Primary sufficere, aëriam caelo nam Iuppiter Irim |
| 804 | Primary demisit germanae haud mollia iussa ferentem, |
| 805 | Primary ni Turnus cedat Teucrorum moenibus altis. |
| 806 | Primary Ergo nec clipeo iuvenis subsistere tantum |
| 807 | Primary nec dextra valet: iniectis sic undique telis |
| 808 | Primary obruitur. Strepit adsiduo cava tempora circum |
| 809 | Primary tinnitu galea, et saxis solida aera fatiscunt, |
| 810 | Primary discussaeque iubae capiti, nec sufficit umbo |
| 811 | Primary ictibus: ingeminant hastis et Troes et ipse |
| 812 | Primary fulmineus Mnestheus. Tum toto corpore sudor |
| 813 | Primary liquitur et piceum, nec respirare potestas, |
| 814 | Primary flumen agit; fessos quatit aeger anhelitus artus. |
| 815 | Primary Tum demum praeceps saltu sese omnibus armis |
| 816 | Primary in fluvium dedit: ille suo cum gurgite flavo |
| 817 | Primary accepit venientem ac mollibus extulit undis |
| 818 | Primary et laetum sociis abluta caede remisit. |