Reader
Reader | Aeneid, Book 5
Aeneid
Virgil
Text
Position
Line 1 of 871
Waypoints
| Line Ref | J. B. Greenough | Latin |
|---|---|
| 1 | Primary Interea medium Aeneas iam classe tenebat |
| 2 | Primary certus iter, fluctusque atros Aquilone secabat, |
| 3 | Primary moenia respiciens, quae iam infelicis Elissae |
| 4 | Primary conlucent flammis. Quae tantum accenderit ignem, |
| 5 | Primary causa latet; duri magno sed amore dolores |
| 6 | Primary polluto, notumque, furens quid femina possit, |
| 7 | Primary triste per augurium Teucrorum pectora ducunt. |
| 8 | Primary Ut pelagus tenuere rates, nec iam amplius ulla |
| 9 | Primary occurrit tellus, maria undique et undique caelum, |
| 10 | Primary olli caeruleus supra caput adstitit imber, |
| 11 | Primary noctem hiememque ferens, et inhorruit unda tenebris. |
| 12 | Primary Ipse gubernator puppi Palinurus ab alta: |
| 13 | Primary Heu! quianam tanti cinxerunt aethera nimbi? |
| 14 | Primary Quidve, pater Neptune, paras? Sic deinde locutus |
| 15 | Primary colligere arma iubet validisque incumbere remis, |
| 16 | Primary obliquatque sinus in ventum, ac talia fatur: |
| 17 | Primary Magnanime Aenea, non, si mihi Iuppiter auctor |
| 18 | Primary spondeat, hoc sperem Italiam contingere caelo. |
| 19 | Primary Mutati transversa fremunt et vespere ab atro |
| 20 | Primary consurgunt venti, atque in nubem cogitur aër. |
| 21 | Primary Nec nos obniti contra, nec tendere tantum |
| 22 | Primary sufficimus. Superat quoniam Fortuna, sequamur, |
| 23 | Primary quoque vocat, vertamus iter. Nec litora longe |
| 24 | Primary fida reor fraterna Erycis portusque Sicanos, |
| 25 | Primary si modo rite memor servata remetior astra. |
| 26 | Primary Tum pius Aeneas: Equidem sic poscere ventos |
| 27 | Primary iamdudum et frustra cerno te tendere contra: |
| 28 | Primary Flecte viam velis. An sit mihi gratior ulla, |
| 29 | Primary quove magis fessas optem demittere naves, |
| 30 | Primary quam quae Dardanium tellus mihi servat Acesten, |
| 31 | Primary et patris Anchisae gremio complectitur ossa? |
| 32 | Primary Haec ubi dicta, petunt portus, et vela secundi |
| 33 | Primary intendunt Zephyri; fertur cita gurgite classis, |
| 34 | Primary et tandem laeti notae advertuntur harenae. |
| 35 | Primary At procul ex celso miratus vertice montis |
| 36 | Primary adventum sociasque rates occurrit Acestes, |
| 37 | Primary horridus in iaculis et pelle Libystidis ursae, |
| 38 | Primary Troïa Criniso conceptum flumine mater |
| 39 | Primary quem genuit: veterum non immemor ille parentum |
| 40 | Primary gratatur reduces, et gaza laetus agresti |
| 41 | Primary excipit, ac fessos opibus solatur amicis. |
| 42 | Primary Postera cum primo stellas Oriente fugarat |
| 43 | Primary clara dies, socios in coetum litore ab omni |
| 44 | Primary advocat Aeneas, tumulique ex aggere fatur: |
| 45 | Primary Dardanidae magni, genus alto a sanguine divom, |
| 46 | Primary annuus exactis completur mensibus orbis, |
| 47 | Primary ex quo reliquias divinique ossa parentis |
| 48 | Primary Condidimus terra maestasque sacravimus aras. |
| 49 | Primary Iamque dies, nisi fallor, adest, quem semper acerbum, |
| 50 | Primary semper honoratum—sic di voluistis—habebo. |
| 51 | Primary Hunc ego Gaetulis agerem si Syrtibus exsul, |
| 52 | Primary Argolicove mari deprensus et urbe Mycenae; |
| 53 | Primary annua vota tamen sollemnisque ordine pompas |
| 54 | Primary exsequerer, strueremque suis altaria donis. |
| 55 | Primary Nunc ultro ad cineres ipsius et ossa parentis, |
| 56 | Primary haud equidem sine mente, reor, sine numine divom, |
| 57 | Primary adsumus et portus delati intramus amicos. |
| 58 | Primary Ergo agite, et laetum cuncti celebremus honorem; |
| 59 | Primary poscamus ventos; atque haec me sacra quotannis |
| 60 | Primary urbe velit posita templis sibi ferre dicatis. |
| 61 | Primary Bina boum vobis Troia generatus Acestes |
| 62 | Primary dat numero capita in naves; adhibete Penates |
| 63 | Primary et patrios epulis et quos colit hospes Acestes. |
| 64 | Primary Praeterea, si nona diem mortalibus almum |
| 65 | Primary Aurora extulerit radiisque retexerit orbem, |
| 66 | Primary prima citae Teucris ponam certamina classis; |
| 67 | Primary quique pedum cursu valet, et qui viribus audax |
| 68 | Primary aut iaculo incedit melior levibusque sagittis, |
| 69 | Primary seu crudo fidit pugnam committere caestu, |
| 70 | Primary cuncti adsint, meritaeque exspectent praemia palmae. |
| 71 | Primary Ore favete omnes, et cingite tempora ramis. |
| 72 | Primary Sic fatus, velat materna tempora myrto; |
| 73 | Primary hoc Elymus facit, hoc aevi maturus Acestes, |
| 74 | Primary hoc puer Ascanius, sequitur quos cetera pubes. |
| 75 | Primary Ille e concilio multis cum milibus ibat |
| 76 | Primary ad tumulum, magna medius comitante caterva. |
| 77 | Primary Hic duo rite mero libans carchesia Baccho |
| 78 | Primary fundit humi, duo lacte novo, duo sanguine sacro, |
| 79 | Primary purpureosque iacit flores, ac talia fatur: |
| 80 | Primary Salve, sancte parens: iterum salvete, recepti |
| 81 | Primary nequiquam cineres, animaeque umbraeque paternae. |
| 82 | Primary Non licuit fines Italos fataliaque arva, |
| 83 | Primary nec tecum Ausonium (quicumque est) quaerere Thybrim. |
| 84 | Primary Dixerat haec, adytis cum lubricus anguis ab imis |
| 85 | Primary septem ingens gyros, septena volumina traxit, |
| 86 | Primary amplexus placide tumulum lapsusque per aras, |
| 87 | Primary caeruleae cui terga notae, maculosus et auro |
| 88 | Primary squamam incendebat fulgor, ceu nubibus arcus |
| 89 | Primary mille iacit varios adverso sole colores. |
| 90 | Primary Obstipuit visu Aeneas. Ille agmine longo |
| 91 | Primary tandem inter pateras et levia pocula serpens |
| 92 | Primary libavitque dapes, rursusque innoxius imo |
| 93 | Primary successit tumulo, et depasta altaria liquit. |
| 94 | Primary Hoc magis inceptos genitori instaurat honores, |
| 95 | Primary incertus, geniumne loci famulumne parentis |
| 96 | Primary esse putet: caedit binas de more bidentes, |
| 97 | Primary totque sues, totidem nigrantis terga iuvencos; |
| 98 | Primary vinaque fundebat pateris, animamque vocabat |
| 99 | Primary Anchisae magni Manisque Acheronte remissos. |
| 100 | Primary Nec non et socii, quae cuique est copia, laeti |
| 101 | Primary dona ferunt, onerant aras, mactantque iuvencos; |
| 102 | Primary ordine aena locant alii, fusique per herbam |
| 103 | Primary subiciunt veribus prunas et viscera torrent. |
| 104 | Primary Exspectata dies aderat, nonamque serena |
| 105 | Primary Auroram Phaethontis equi iam luce vehebant, |
| 106 | Primary famaque finitimos et clari nomen Acestae |
| 107 | Primary excierat; laeto complerant litora coetu, |
| 108 | Primary visuri Aeneadas, pars et certare parati. |
| 109 | Primary Munera principio ante oculos circoque locantur |
| 110 | Primary in medio, sacri tripodes viridesque coronae, |
| 111 | Primary et palmae pretium victoribus, armaque et ostro |
| 112 | Primary perfusae vestes, argenti aurique talenta; |
| 113 | Primary et tuba commissos medio canit aggere ludos. |
| 114 | Primary Prima pares ineunt gravibus certamina remis |
| 115 | Primary quattuor ex omni delectae classe carinae. |
| 116 | Primary Velocem Mnestheus agit acri remige Pristim, |
| 117 | Primary mox Italus Mnestheus, genus a quo nomine Memmi; |
| 118 | Primary ingentemque Gyas ingenti mole Chimaeram, |
| 119 | Primary urbis opus, triplici pubes quam Dardana versu |
| 120 | Primary impellunt, terno consurgunt ordine remi; |
| 121 | Primary Sergestusque, domus tenet a quo Sergia nomen, |
| 122 | Primary Centauro invehitur magna, Scyllaque Cloanthus |
| 123 | Primary caerulea, genus unde tibi, Romane Cluenti. |
| 124 | Primary Est procul in pelago saxum spumantia contra |
| 125 | Primary litora, quod tumidis submersum tunditur olim |
| 126 | Primary fluctibus, hiberni condunt ubi sidera cori; |
| 127 | Primary tranquillo silet, immotaque attollitur unda |
| 128 | Primary campus, et apricis statio gratissima mergis. |
| 129 | Primary Hic viridem Aeneas frondenti ex ilice metam |
| 130 | Primary constituit signum nautis pater, unde reverti |
| 131 | Primary scirent, et longos ubi circumflectere cursus. |
| 132 | Primary Tum loca sorte legunt, ipsique in puppibus auro |
| 133 | Primary ductores longe effulgent ostroque decori; |
| 134 | Primary cetera populea velatur fronde iuventus, |
| 135 | Primary nudatosque umeros oleo perfilsa nitescit. |
| 136 | Primary Considunt transtris, intentaque brachia remis; |
| 137 | Primary intenti exspectant signum, exsultantiaque haurit |
| 138 | Primary corda pavor pulsans, laudumque arrecta cupido. |
| 139 | Primary Inde, ubi clara dedit sonitum tuba, finibus omnes, |
| 140 | Primary haud mora, prosiluere suis; ferit aethera clamor |
| 141 | Primary nauticus, adductis spumant freta versa lacertis. |
| 142 | Primary Infindunt pariter sulcos, totumque dehiscit |
| 143 | Primary convulsum remis rostrisque tridentibus aequor. |
| 144 | Primary Non tam praecipites biiugo certamine campum |
| 145 | Primary corripuere, ruuntque effusi carcere currus, |
| 146 | Primary nec sic immissis aurigae undantia lora |
| 147 | Primary concussere iugis pronique in verbera pendent. |
| 148 | Primary Tum plausu fremituque virum studiisque faventum |
| 149 | Primary consonat omne nemus, vocemque inclusa volutant |
| 150 | Primary litora, pulsati colles clamore resultant. |
| 151 | Primary Effugit ante alios primisque elabitur undis |
| 152 | Primary turbam inter fremitumque Gyas; quem deinde Cloanthus |
| 153 | Primary consequitur, melior remis, sed pondere pinus |
| 154 | Primary tarda tenet. Post hos aequo discrimine Pristis |
| 155 | Primary Centaurusque locum tendunt superare priorem; |
| 156 | Primary et nunc Pristis habet, nunc victam praeterit ingens |
| 157 | Primary Centaurus, nunc una ambae iunctisque feruntur |
| 158 | Primary frontibus, et longa sulcant vada salsa carina. |
| 159 | Primary Iamque propinquabant scopulo metamque tenebant, |
| 160 | Primary cum princeps medioque Gyas in gurgite victor |
| 161 | Primary rectorem navis compellat voce Menoeten: |
| 162 | Primary Quo tantum mihi dexter abis? Huc dirige gressum; |
| 163 | Primary litus ama, et laevas stringat sine palmula cautes; |
| 164 | Primary altum alii teneant. Dixit; sed caeca Menoetes |
| 165 | Primary saxa timens proram pelagi detorquet ad undas. |
| 166 | Primary Quo diversus abis? iterum Pete saxa, Menoete! |
| 167 | Primary cum clamore Gyas revocabat; et ecce Cloanthum |
| 168 | Primary respicit instantem tergo, et propiora tenentem. |
| 169 | Primary Ille inter navemque Gyae scopulosque sonantes |
| 170 | Primary radit iter laevum interior, subitoque priorem |
| 171 | Primary praeterit, et metis tenet aequora tuta relictis. |
| 172 | Primary Tum vero exarsit iuveni dolor ossibus ingens, |
| 173 | Primary nec lacrimis caruere genae, segnemque Menoeten, |
| 174 | Primary oblitus decorisque sui sociumque salutis, |
| 175 | Primary in mare praecipitem puppi deturbat ab alta; |
| 176 | Primary ipse gubernaclo rector subit, ipse magister, |
| 177 | Primary hortaturque viros, clavumque ad litora torquet. |
| 178 | Primary At gravis, ut fundo vix tandem redditus imo est, |
| 179 | Primary iam senior madidaque fluens in veste Menoetes |
| 180 | Primary summa petit scopuli siccaque in rupe resedit. |
| 181 | Primary Ilium et labentem Teucri et risere natantem, |
| 182 | Primary et salsos rident revomentem pectore fluctus. |
| 183 | Primary Hic laeta extremis spes est accensa duobus, |
| 184 | Primary Sergesto Mnestheique, Gyan superare morantem. |
| 185 | Primary Sergestus capit ante locum scopuloque propinquat, |
| 186 | Primary nec tota tamen ille prior praeeunte carina; |
| 187 | Primary parte prior, partem rostro premit aemula Pristis. |
| 188 | Primary At media socios incedens nave per ipsos |
| 189 | Primary hortatur Mnestheus: Nunc, nunc insurgite remis, |
| 190 | Primary Hectorei socii, Troiae quos sorte suprema |
| 191 | Primary delegi comites; nunc illas promite vires, |
| 192 | Primary nunc animos, quibus in Gaetulis Syrtibus usi, |
| 193 | Primary Ionioque mari Maleaeque sequacibus undis. |
| 194 | Primary Non iam prima peto Mnestheus, neque vincere certo; |
| 195 | Primary quamquam O!—sed superent, quibus hoc, Neptune, dedisti; |
| 196 | Primary extremos pudeat rediisse; hoc vincite, cives, |
| 197 | Primary et prohibete nefas. Olli certamine summo |
| 198 | Primary procumbunt; vastis tremit ictibus aerea puppis, |
| 199 | Primary subtrahiturque solum; tum creber anhelitus artus |
| 200 | Primary aridaque ora quatit, sudor fluit undique rivis. |
| 201 | Primary Attulit ipse viris optatum casus honorem. |
| 202 | Primary Namque furens animi dum proram ad saxa suburguet |
| 203 | Primary interior, spatioque subit Sergestus iniquo, |
| 204 | Primary infelix saxis in procurrentibus haesit. |
| 205 | Primary Concussae cautes, et acuto in murice remi |
| 206 | Primary obnixi crepuere, inlisaque prora pependit. |
| 207 | Primary Consurgunt nautae et magno clamore morantur, |
| 208 | Primary ferratasque trudes et acuta cuspide contos |
| 209 | Primary expediunt, fractosque legunt in gurgite remos. |
| 210 | Primary At laetus Mnestheus successuque acrior ipso |
| 211 | Primary agmine remorum celeri ventisque vocatis |
| 212 | Primary prona petit maria et pelago decurrit aperto. |
| 213 | Primary Qualis spelunca subito commota columba, |
| 214 | Primary cui domus et dulces latebroso in pumice nidi, |
| 215 | Primary fertur in ana volans, plausumque exterrita pennis |
| 216 | Primary dat tecto ingentem, mox aere lapsa quieto |
| 217 | Primary radit iter liquidum, celeres neque commovet alas: |
| 218 | Primary sic Mnestheus, sic ipsa fuga secat ultima Pristis |
| 219 | Primary aequora, sic illam fert impetus ipse volantem. |
| 220 | Primary Et primum in scopulo luctantem deserit alto |
| 221 | Primary Sergestum, brevibusque vadis frustraque vocantem |
| 222 | Primary auxilia, et fractis discentem currere remis |
| 223 | Primary Inde Gyan ipsamque ingenti mole Chimaeram |
| 224 | Primary consequitur; cedit, quoniam spoliata magistro est. |
| 225 | Primary Solus iamque ipso superest in fine Cloanthus: |
| 226 | Primary quem petit, et summis adnixus viribus urguet. |
| 227 | Primary Tum vero ingeminat clamor, cunctique sequentem |
| 228 | Primary instigant studiis, resonatque fragoribus aether. |
| 229 | Primary Hi proprium decus et partum indignantur honorem |
| 230 | Primary ni teneant, vitamque volunt pro laude pacisci; |
| 231 | Primary hos successus alit: possunt, quia posse videntur. |
| 232 | Primary Et fors aequatis cepissent praemia rostris, |
| 233 | Primary ni palmas ponto tendens utrasque Cloanthus |
| 234 | Primary fudissetque preces, divosque in vota vocasset: |
| 235 | Primary Di, quibus imperium est pelagi, quorum aequora curro, |
| 236 | Primary vobis laetus ego hoc candentem in litore taurum |
| 237 | Primary constituam ante aras, voti reus, extaque salsos |
| 238 | Primary porriciam in fluctus et vina liquentia fundam. |
| 239 | Primary Dixit, eumque imis sub fluctibus audiit omnis |
| 240 | Primary Nereidum Phorcique chorus Panopeaque virgo, |
| 241 | Primary et pater ipse manu magna Portunus euntem |
| 242 | Primary impulit; illa Noto citius volucrique sagitta |
| 243 | Primary ad terram fugit, et portu se condidit alto. |
| 244 | Primary Tum satus Anchisa, cunctis ex more vocatis, |
| 245 | Primary victorem magna praeconis voce Cloanthum |
| 246 | Primary declarat viridique advelat tempora lauro, |
| 247 | Primary muneraque in naves ternos optare iuvencos, |
| 248 | Primary vinaque et argenti magnum dat ferre talentum. |
| 249 | Primary Ipsis praecipuos ductoribus addit honores: |
| 250 | Primary victori chlamydem auratam, quam plurima circum |
| 251 | Primary purpura maeandro duplici Meliboea cucurrit, |
| 252 | Primary intextusque puer frondosa regius Ida |
| 253 | Primary veloces iaculo cervos cursuque fatigat, |
| 254 | Primary acer, anhelanti similis, quem praepes ab Ida |
| 255 | Primary sublimem pedibus rapuit Iovis armiger uncis; |
| 256 | Primary longaevi palmas nequiquam ad sidera tendunt |
| 257 | Primary custodes, saevitque canum latratus in auras. |
| 258 | Primary At qui deinde locum tenuit virtute secundum, |
| 259 | Primary levibus huic hamis consertam auroque trilicem |
| 260 | Primary loricam, quam Demoleo detraxerat ipse |
| 261 | Primary victor apud rapidum Simoënta sub Ilio alto, |
| 262 | Primary donat habere viro, decus et tutamen in armis. |
| 263 | Primary Vix illam famuli Phegeus Sagarisque ferebant |
| 264 | Primary multiplicem, conixi umeris; indutus at olim |
| 265 | Primary Demoleos cursu palantes Troas agebat. |
| 266 | Primary Tertia dona facit geminos ex aere lebetas, |
| 267 | Primary cymbiaque argento perfecta atque aspera signis. |
| 268 | Primary Iamque adeo donati omnes opibusque superbi |
| 269 | Primary puniceis ibant evincti tempora taenis, |
| 270 | Primary cum saevo e scopulo multa vix arte revolsus, |
| 271 | Primary amissis remis atque ordine debilis uno, |
| 272 | Primary inrisam sine honore ratem Sergestus agebat. |
| 273 | Primary Qualis saepe viae deprensus in aggere serpens, |
| 274 | Primary aerea quem obliquum rota transiit, aut gravis ictu |
| 275 | Primary seminecem liquit saxo lacerumque viator; |
| 276 | Primary nequiquam longos fugiens dat corpore tortus, |
| 277 | Primary parte ferox, ardensque oculis, et sibila colla |
| 278 | Primary arduus attollens, pars volnere clauda retentat |
| 279 | Primary nexantem nodis seque in sua membra plicantem: |
| 280 | Primary tali remigio navis se tarda movebat; |
| 281 | Primary vela facit tamen, et velis subit ostia plenis. |
| 282 | Primary Sergestum Aeneas promisso munere donat, |
| 283 | Primary servatam ob navem laetus sociosque reductos. |
| 284 | Primary Olli serva datur, operum haud ignara Minervae, |
| 285 | Primary Cressa genus, Pholoë, geminique sub ubere nati. |
| 286 | Primary Hoc pius Aeneas misso certamine tendit |
| 287 | Primary gramineum in campum, quem collibus undique curvis |
| 288 | Primary cingebant silvae, mediaque in valle theatri |
| 289 | Primary circus erat; quo se multis cum milibus heros |
| 290 | Primary consessu medium tulit exstructoque resedit. |
| 291 | Primary Hic, qui forte velint rapido contendere cursu, |
| 292 | Primary invitat pretiis animos, et praemia ponit. |
| 293 | Primary Undique conveniunt Teucri mixtique Sicani, |
| 294 | Primary Nisus et Euryalus primi, |
| 295 | Primary Euryalus forma insignis viridique iuventa, |
| 296 | Primary Nisus amore pio pueri; quos deinde secutus |
| 297 | Primary regius egregia Priami de stirpe Diores; |
| 298 | Primary hunc Salius simul et Patron, quorum alter Acarnan, |
| 299 | Primary alter ab Arcadio Tegeaeae sanguine gentis; |
| 300 | Primary tum duo Trinacrii iuvenes, Helymus Panopesque, |
| 301 | Primary adsueti silvis, comites senioris Acestae; |
| 302 | Primary multi praeterea, quos fama obscura recondit. |
| 303 | Primary Aeneas quibus in mediis sic deinde locutus: |
| 304 | Primary Accipite haec animis, laetasque advertite mentes: |
| 305 | Primary nemo ex hoc numero mihi non donatus abibit. |
| 306 | Primary Gnosia bina dabo levato lucida ferro |
| 307 | Primary spicula caelatamque argento ferre bipennem; |
| 308 | Primary omnibus hic erit unus honos. Tres praemia primi |
| 309 | Primary accipient flavaque caput nectentur oliva. |
| 310 | Primary Primus equum phaleris insignem victor habeto; |
| 311 | Primary alter Amazoniam pharetram plenamque sagittis |
| 312 | Primary Threïciis, lato quam circum amplectitur auro |
| 313 | Primary balteus et tereti subnectit fibula gemma; |
| 314 | Primary tertius Argolica hac galea contentus abito. |
| 315 | Primary Haec ubi dicta, locum capiunt, signoque repente |
| 316 | Primary corripiunt spatia audito, limenque relinquunt, |
| 317 | Primary effusi nimbo similes, simul ultima signant. |
| 318 | Primary Primus abit longeque ante omnia corpora Nisus |
| 319 | Primary emicat, et ventis et fulminis ocior alis; |
| 320 | Primary proximus huic, longo sed proxumus intervallo, |
| 321 | Primary insequitur Salius; spatio post deinde relicto |
| 322 | Primary tertius Euryalus: |
| 323 | Primary Euryalumque Helymus sequitur; quo deinde sub ipso |
| 324 | Primary ecce volat calcemque terit iam calce Diores, |
| 325 | Primary incumbens umero, spatia et si plura supersint, |
| 326 | Primary transeat elapsus prior, ambiguumque relinquat. |
| 327 | Primary Iamque fere spatio extremo fessique sub ipsam |
| 328 | Primary finem adventabant, levi cum sanguine Nisus |
| 329 | Primary labitur infelix, caesis ut forte iuvencis |
| 330 | Primary fusus humum viridisque super madefecerat herbas. |
| 331 | Primary Hic iuvenis iam victor ovans vestigia presso |
| 332 | Primary haud tenuit titubata solo, sed pronus in ipso |
| 333 | Primary concidit immundoque fimo sacroque cruore. |
| 334 | Primary Non tamen Euryali, non ille oblitus amorum; |
| 335 | Primary nam sese opposuit Salio per lubrica surgens; |
| 336 | Primary ille autem spissa iacuit revolutus harena. |
| 337 | Primary Emicat Euryalus, et munere victor amici |
| 338 | Primary prima tenet, plausuque volat fremituque secundo. |
| 339 | Primary Post Helymus subit, et nunc tertia palma Diores. |
| 340 | Primary Hic totum caveae consessum ingentis et ora |
| 341 | Primary prima patrum magnis Salius clamoribus implet, |
| 342 | Primary ereptumque dolo reddi sibi poscit honorem. |
| 343 | Primary Tutatur favor Euryalum, lacrimaeque decorae, |
| 344 | Primary gratior et pulchro veniens in corpore virtus. |
| 345 | Primary Adiuvat et magna proclamat voce Diores, |
| 346 | Primary qui subiit palmae, frustraque ad praemia venit |
| 347 | Primary ultima, si primi Salio reddentur honores. |
| 348 | Primary Tum pater Aeneas Vestra inquit munera vobis |
| 349 | Primary certa manent, pueri, et palmam movet ordine nemo; |
| 350 | Primary me liceat casus misereri insontis amici. |
| 351 | Primary Sic fatus, tergum Gaetuli immane leonis |
| 352 | Primary dat Salio, villis onerosum atque unguibus aureis. |
| 353 | Primary Hic Nisus, Si tanta inquit sunt praemia victis, |
| 354 | Primary et te lapsorum miseret, quae munera Niso |
| 355 | Primary digna dabis, primam merui qui laude coronam, |
| 356 | Primary ni me, quae Salium, fortuna inimica tulisset? |
| 357 | Primary Et simul his dictis faciem ostentabat et udo |
| 358 | Primary turpia membra fimo. Risit pater optimus olli |
| 359 | Primary et clipeum efferri iussit, Didymaonis artem, |
| 360 | Primary Neptuni sacro Danais de poste refixum. |
| 361 | Primary Hoc iuvenem egregium praestanti munere donat; |
| 362 | Primary Post, ubi confecti cursus, et dona peregit: |
| 363 | Primary Nunc, si cui virtus animusque in pectore praesens, |
| 364 | Primary adsit, et evinctis attollat brachia palmis. |
| 365 | Primary Sic ait, et geminum pugnae proponit honorem, |
| 366 | Primary victori velatum auro vittisque iuvencum, |
| 367 | Primary ensem atque insignem galeam solacia victo. |
| 368 | Primary Nec mora: continuo vastis cum viribus effert |
| 369 | Primary ora Dares, magnoque virum se murmure tollit; |
| 370 | Primary solus qui Paridem solitus contendere contra, |
| 371 | Primary idemque ad tumulum, quo maximus occubat Hector, |
| 372 | Primary victorem Buten immani corpore, qui se |
| 373 | Primary Bebrycia veniens Amyci de gente ferebat, |
| 374 | Primary perculit, et fulva moribundum extendit harena. |
| 375 | Primary Talis prima Dares caput altum in proelia tollit, |
| 376 | Primary ostenditque umeros latos, alternaque iactat |
| 377 | Primary brachia protendens, et verberat ictibus auras. |
| 378 | Primary Quaeritur huic alius; nec quisquam ex agmine tanto |
| 379 | Primary audet adire virum manibusque inducere caestus. |
| 380 | Primary Ergo alacris, cunctosque putans excedere palma, |
| 381 | Primary Aeneae stetit ante pedes, nec plura moratus |
| 382 | Primary tum laeva taurum cornu tenet, atque ita fatur: |
| 383 | Primary Nate dea, si nemo audet se credere pugnae, |
| 384 | Primary quae finis standi? Quo me decet usque teneri? |
| 385 | Primary Ducere dona iube. Cuncti simul ore fremebant |
| 386 | Primary Dardanidae, reddique viro promissa iubebant. |
| 387 | Primary Hic gravis Entellum dictis castigat Acestes, |
| 388 | Primary proximus ut viridante toro consederat herbae: |
| 389 | Primary Entelle, heroum quondam fortissime frustra, |
| 390 | Primary tantane tam patiens nullo certamine tolli |
| 391 | Primary dona sines? Ubi nunc nobis deus ille magister |
| 392 | Primary nequiquam memoratus Eryx? Ubi fama per omnem |
| 393 | Primary Trinacriam, et spolia illa tuis pendentia tectis? |
| 394 | Primary Ille sub haec: Non laudis amor, nec gloria cessit |
| 395 | Primary pulsa metu; sed enim gelidus tardante senecta |
| 396 | Primary sanguis hebet, frigentque effetae in corpore vires. |
| 397 | Primary Si mihi, quae quondam fuerat, quaque improbus iste |
| 398 | Primary exsultat fidens, si nunc foret illa iuventas, |
| 399 | Primary haud equidem pretio inductus pulchroque iuvenco |
| 400 | Primary venissem, nec dona moror. Sic deinde locutus |
| 401 | Primary in medium geminos immani pondere caestus |
| 402 | Primary proiecit, quibus acer Eryx in proelia suetus |
| 403 | Primary ferre manum, duroque intendere brachia tergo. |
| 404 | Primary Obstipuere animi: tantorum ingentia septem |
| 405 | Primary terga boum plumbo insuto ferroque rigebant. |
| 406 | Primary Ante omnes stupet ipse Dares, longeque recusat; |
| 407 | Primary magnanimusque Anchisiades et pondus et ipsa |
| 408 | Primary huc illuc vinclorum immensa volumina versat. |
| 409 | Primary Tum senior talis referebat pectore voces: |
| 410 | Primary Quid, si quis caestus ipsius et Herculis arma |
| 411 | Primary vidisset, tristemque hoc ipso in litore pugnam? |
| 412 | Primary Haec germanus Eryx quondam tuus arma gerebat;— |
| 413 | Primary sanguine cernis adhuc sparsoque infecta cerebro;— |
| 414 | Primary his magnum Alciden contra stetit; his ego suetus, |
| 415 | Primary dum melior vires sanguis dabat, aemula necdum |
| 416 | Primary temporibus geminis canebat sparsa senectus. |
| 417 | Primary Sed si nostra Dares haec Troius arma recusat, |
| 418 | Primary idque pio sedet Aeneae, probat auctor Acestes, |
| 419 | Primary aequemus pugnas. Erycis tibi terga remitto; |
| 420 | Primary solve metus; et tu Troianos exue caestus. |
| 421 | Primary Haec fatus, duplicem ex umeris reiecit amictum |
| 422 | Primary et magnos membrorum artus, magna ossa lacertosque |
| 423 | Primary exuit, atque ingens media consistit harena. |
| 424 | Primary Tum satus Anchisa caestus pater extulit aequos, |
| 425 | Primary et paribus palmas amborum innexuit armis. |
| 426 | Primary Constitit in digitos extemplo arrectus uterque, |
| 427 | Primary brachiaque ad superas interritus extulit auras. |
| 428 | Primary Abduxere retro longe capita ardua ab ictu, |
| 429 | Primary immiscentque manus manibus, pugnamque lacessunt. |
| 430 | Primary Ille pedum melior motu, fretusque iuventa; |
| 431 | Primary hic membris et mole valens, sed tarda trementi |
| 432 | Primary genua labant, vastos quatit aeger anhelitus artus. |
| 433 | Primary Multa viri nequiquam inter se volnera iactant, |
| 434 | Primary multa cavo lateri ingeminant, et pectore vastos |
| 435 | Primary dant sonitus, erratque auris et tempora circum |
| 436 | Primary crebra manus, duro crepitant sub volnere malae. |
| 437 | Primary Stat gravis Entellus nisuque immotus eodem, |
| 438 | Primary corpore tela modo atque oculis vigilantibus exit. |
| 439 | Primary Ille, velut celsam oppugnat qui molibus urbem, |
| 440 | Primary aut montana sedet circum castella sub armis, |
| 441 | Primary nunc hos, nunc illos aditus, omnemque pererrat |
| 442 | Primary arte locum, et variis adsultibus inritus urguet. |
| 443 | Primary Ostendit dextram insurgens Entellus, et alte |
| 444 | Primary extulit: ille ictum venientem a vertice velox |
| 445 | Primary praevidit, celerique elapsus corpore cessit. |
| 446 | Primary Entellus vires in ventum effudit, et ultro |
| 447 | Primary ipse gravis graviterque ad terram pondere vasto |
| 448 | Primary concidit, ut quondam cava concidit aut Erymantho, |
| 449 | Primary aut Ida in magna, radicibus eruta pinus. |
| 450 | Primary Consurgunt studiis Teucri et Trinacria pubes; |
| 451 | Primary it clamor caelo, primusque accurrit Acestes, |
| 452 | Primary aequaevumque ab humo miserans attollit amicum. |
| 453 | Primary At non tardatus casu neque territus heros |
| 454 | Primary acrior ad pugnam redit ac vim suscitat ira. |
| 455 | Primary Tum pudor incendit vires et conscia virtus, |
| 456 | Primary praecipitemque Daren ardens agit aequore toto, |
| 457 | Primary nunc dextra ingeminans ictus, nunc ille sinistra; |
| 458 | Primary nec mora, nec requies: quam multa grandine nimbi |
| 459 | Primary culminibus crepitant, sic densis ictibus heros |
| 460 | Primary creber utraque manu pulsat versatque Dareta. |
| 461 | Primary Tum pater Aeneas procedere longius iras |
| 462 | Primary et saevire animis Entellum haud passus acerbis; |
| 463 | Primary sed finem imposuit pugnae, fessumque Dareta |
| 464 | Primary eripuit mulcens dictis, ac talia fatur: |
| 465 | Primary Infelix, quae tanta animum dementia cepit? |
| 466 | Primary Non vires alias conversaque numina sentis? |
| 467 | Primary Cede deo. Dixitque et proelia voce diremit. |
| 468 | Primary Ast illum fidi aequales, genua aegra trahentem, |
| 469 | Primary iactantemque utroque caput, crassumque cruorem |
| 470 | Primary ore eiectantem mixtosque in sanguine dentes, |
| 471 | Primary ducunt ad naves; galeamque ensemque vocati |
| 472 | Primary accipiunt; palmam Entello taurumque relinquunt. |
| 473 | Primary Hic victor, superans animis tauroque superbus: |
| 474 | Primary Nate dea, vosque haec inquit cognoscite, Teucri, |
| 475 | Primary et mihi quae fuerint iuvenali in corpore vires, |
| 476 | Primary et qua servetis revocatum a morte Dareta. |
| 477 | Primary Dixit, et adversi contra stetit ora iuvenci, |
| 478 | Primary qui donum adstabat pugnae, durosque reducta |
| 479 | Primary libravit dextra media inter cornua caestus, |
| 480 | Primary arduus, effractoque inlisit in ossa cerebro. |
| 481 | Primary sternitur exanimisque tremens procumbit humi bos. |
| 482 | Primary Ille super tales effundit pectore voces: |
| 483 | Primary Hanc tibi, Eryx, meliorem animam pro morte Daretis |
| 484 | Primary persolvo; hic victor caestus artemque repono. |
| 485 | Primary Protinus Aeneas celeri certare sagitta |
| 486 | Primary invitat qui forte velint, et praemia ponit, |
| 487 | Primary ingentique manu malum de nave Seresti |
| 488 | Primary erigit, et volucrem traiecto in fune columbam, |
| 489 | Primary quo tendant ferrum, malo suspendit ab alto. |
| 490 | Primary Convenere viri, deiectamque aerea sortem |
| 491 | Primary accepit galea; et primus clamore secundo |
| 492 | Primary Hyrtacidae ante omnes exit locus Hippocoöntis; |
| 493 | Primary quem modo navali Mnestheus certamine victor |
| 494 | Primary consequitur, viridi Mnestheus evinctus oliva. |
| 495 | Primary Tertius Eurytion, tuus, o clarissime, frater, |
| 496 | Primary Pandare, qui quondam, iussus confundere foedus, |
| 497 | Primary in medios telum torsisti primus Achivos. |
| 498 | Primary Extremus galeaque ima subsedit Acestes, |
| 499 | Primary ausus et ipse manu iuvenum temptare laborem. |
| 500 | Primary Tum validis flexos incurvant viribus arcus |
| 501 | Primary pro se quisque viri, et depromunt tela pharetris. |
| 502 | Primary Primaque per caelum, nervo stridente, sagitta |
| 503 | Primary Hyrtacidae iuvenis volucres diverberat auras; |
| 504 | Primary et venit, adversique infigitur arbore mali. |
| 505 | Primary Intremuit malus, timuitque exterrita pennis |
| 506 | Primary ales, et ingenti sonuerunt omnia plausu. |
| 507 | Primary Post acer Mnestheus adducto constitit arcu, |
| 508 | Primary alta petens, pariterque oculos telumque tetendit. |
| 509 | Primary Ast ipsam miserandus avem contingere ferro |
| 510 | Primary non valuit: nodos et vincula linea rupit, |
| 511 | Primary quis innexa pedem malo pendebat ab alto: |
| 512 | Primary illa notos atque alta volans in nubila fugit. |
| 513 | Primary Tum rapidus, iamdudum arcu contenta parato |
| 514 | Primary tela tenens, fratrem Eurytion in Pota vocavit, |
| 515 | Primary iam vacuo laetam caelo speculatus, et alis |
| 516 | Primary plaudentem nigra figit sub nube columbam. |
| 517 | Primary Decidit exanimis, vitamque reliquit in astris |
| 518 | Primary aetheriis, fixamque refert delapsa sagittam. |
| 519 | Primary Amissa solus palma superabat Acestes; |
| 520 | Primary qui tamen aerias telum contendit in auras, |
| 521 | Primary ostentans artemque pater arcumque sonantem. |
| 522 | Primary Hic oculis subito obicitur magnoque futurum |
| 523 | Primary augurio monstrum; docuit post exitus ingens, |
| 524 | Primary seraque terrifici cecinerunt omina vates. |
| 525 | Primary Namque volans liquidis in nubibus arsit harundo, |
| 526 | Primary signavitque viam flammis, tenuisque recessit |
| 527 | Primary consumpta in ventos, caelo ceu saepe refixa |
| 528 | Primary transcurrunt crinemque volantia sidera ducunt. |
| 529 | Primary Attonitis haesere animis, superosque precati |
| 530 | Primary Trinacrii Teucrique viri; nec maximus omen |
| 531 | Primary abnuit Aeneas; sed laetum amplexus Acesten |
| 532 | Primary muneribus cumulat magnis, ac talia fatur: |
| 533 | Primary Sume, pater; nam te voluit rex magnus Olympi |
| 534 | Primary talibus auspiciis exsortem ducere honores. |
| 535 | Primary Ipsius Anchisae longaevi hoc munus habebis, |
| 536 | Primary cratera impressum signis, quem Thracius olim |
| 537 | Primary Anchisae genitori in magno munere Cisseus |
| 538 | Primary ferre sui dederat monumentum et pignus amoris. |
| 539 | Primary Sic fatus cingit viridanti tempora lauro, |
| 540 | Primary et primum ante omnes victorem appellat Acesten. |
| 541 | Primary Nec bonus Eurytion praelato invidit honori, |
| 542 | Primary quamvis solus avem caelo deiecit ab alto. |
| 543 | Primary Proximus ingreditur donis, qui vincula rupit; |
| 544 | Primary extremus, volucri qui fixit arundine malum. |
| 545 | Primary At pater Aeneas, nondum certamine misso, |
| 546 | Primary custodem ad sese comitemque impubis Iuli |
| 547 | Primary Epytiden vocat, et fidam sic fatur ad aurem: |
| 548 | Primary Vade age, et Ascanio, si iam puerile paratum |
| 549 | Primary agmen habet secum, cursusque instruxit equorum, |
| 550 | Primary ducat avo turmas, et sese ostendat in armis, |
| 551 | Primary dic ait. Ipse omnem longo decedere circo |
| 552 | Primary infusum populum, et campos iubet esse patentes. |
| 553 | Primary Incedunt pueri, pariterque ante ora parentum |
| 554 | Primary frenatis lucent in equis, quos omnis euntes |
| 555 | Primary Trinacriae mirata fremit Troiaeque iuventus. |
| 556 | Primary omnibus in morem tonsa coma pressa corona; |
| 557 | Primary cornea bina ferunt praefixa hastilia ferro; |
| 558 | Primary pars levis umero pharetras; it pectore summo |
| 559 | Primary flexilis obtorti per collum circulus auri. |
| 560 | Primary Tres equitum numero turmae, ternique vagantur |
| 561 | Primary ductores: pueri bis seni quemque secuti |
| 562 | Primary agmine partito fulgent paribusque magistris. |
| 563 | Primary Una acies iuvenum, ducit quam parvus ovantem |
| 564 | Primary nomen avi referens Priamus,—tua clara, Polite, |
| 565 | Primary progenies, auctura Italos,—quem Thracius albis |
| 566 | Primary portat equus bicolor maculis, vestigia primi |
| 567 | Primary alba pedis frontemque ostentans arduus albam. |
| 568 | Primary Alter Atys, genus unde Atii duxere Latini, |
| 569 | Primary parvus Atys, pueroque puer dilectus Iulo. |
| 570 | Primary Extremus, formaque ante omnis pulcher, Iulus |
| 571 | Primary Sidonio est invectus equo, quem candida Dido |
| 572 | Primary esse sui dederat monumentum et pignus amoris. |
| 573 | Primary Cetera Trinacrii pubes senioris Acestae |
| 574 | Primary fertur equis. |
| 575 | Primary Excipiunt plausu pavidos, gaudentque tuentes |
| 576 | Primary Dardanidae, veterumque adgnoscunt ora parentum. |
| 577 | Primary Postquam omnem laeti consessum oculosque suorum |
| 578 | Primary lustravere in equis, signum clamore paratis |
| 579 | Primary Epytides longe dedit insonuitque flagello. |
| 580 | Primary Olli discurrere pares, atque agmina terni |
| 581 | Primary diductis solvere choris, rursusque vocati |
| 582 | Primary convertere vias infestaque tela tulere. |
| 583 | Primary Inde alios ineunt cursus aliosque recursus |
| 584 | Primary adversi spatiis, alternosque orbibus orbes |
| 585 | Primary impediunt, pugnaeque cient simulacra sub armis; |
| 586 | Primary et nunc terga fuga nudant, nunc spicula vertunt |
| 587 | Primary infensi, facta pariter nunc pace feruntur. |
| 588 | Primary Ut quondam Creta fertur Labyrinthus in alta |
| 589 | Primary parietibus textum caecis iter, ancipitemque |
| 590 | Primary mille viis habuisse dolum, qua signa sequendi |
| 591 | Primary falleret indeprensus et inremeabilis error; |
| 592 | Primary haud alio Teucrum nati vestigia cursu |
| 593 | Primary impediunt texuntque fugas et proelia ludo, |
| 594 | Primary delphinum similes, qui per maria umida nando |
| 595 | Primary Carpathium Libycumque secant, luduntque per undas. |
| 596 | Primary Hunc morem cursus atque haec certamina primus |
| 597 | Primary Ascanius, Longam muris cum cingeret Albam, |
| 598 | Primary rettulit, et priscos docuit celebrare Latinos, |
| 599 | Primary quo puer ipse modo, secum quo Troïa pubes; |
| 600 | Primary Albani docuere suos; hinc maxima porro |
| 601 | Primary accepit Roma, et patrium servavit honorem; |
| 602 | Primary Troiaque nunc pueri, Troianum dicitur agmen. |
| 603 | Primary Hac celebrata tenus sancto certamina patri. |
| 604 | Primary Hic primum fortuna fidem mutata novavit. |
| 605 | Primary Dum variis tumulo referunt sollemnia ludis, |
| 606 | Primary Irim de caelo misit Saturnia Iuno |
| 607 | Primary Iliacam ad classem, ventosque adspirat eunti, |
| 608 | Primary multa movens, necdum antiquum saturata dolorem. |
| 609 | Primary Illa, viam celerans per mille coloribus arcum, |
| 610 | Primary nulli visa cito decurrit tramite virgo. |
| 611 | Primary Conspicit ingentem concursum, et litora lustrat, |
| 612 | Primary desertosque videt portus classemque relictam. |
| 613 | Primary At procul in sola secretae Troades acta |
| 614 | Primary amissum Anchisen flebant, cunctaeque profundum |
| 615 | Primary pontum adspectabant flentes. Heu tot vada fessis |
| 616 | Primary et tantum superesse maris! vox omnibus una. |
| 617 | Primary Urbem orant; taedet pelagi perferre laborem. |
| 618 | Primary Ergo inter medias sese haud ignara nocendi |
| 619 | Primary conicit, et faciemque deae vestemque reponit; |
| 620 | Primary fit Beroë, Tmarii coniunx longaeva Dorycli, |
| 621 | Primary cui genus et quondam nomen natique fuissent; |
| 622 | Primary ac sic Dardanidum mediam se matribus infert: |
| 623 | Primary O miserae, quas non manus inquit Achaïca bello |
| 624 | Primary traxerit ad letum patriae sub moenibus! O gens |
| 625 | Primary infelix, cui te exitio Fortuna reservat? |
| 626 | Primary Septuma post Troiae exscidium iam vertitur aestas, |
| 627 | Primary cum freta, cum terras omnes, tot inhospita saxa |
| 628 | Primary sideraque emensae ferimur, dum per mare magnum |
| 629 | Primary Italiam sequimur fugientem, et volvimur undis. |
| 630 | Primary Hic Erycis fines fraterni, atque hospes Acestes: |
| 631 | Primary quis prohibet muros iacere et dare civibus urbem? |
| 632 | Primary O patria et rapti nequiquam ex hoste Penates, |
| 633 | Primary nullane iam Troiae dicentur moenia? Nusquam |
| 634 | Primary Hectoreos amnes, Xanthum et Simoenta, videbo? |
| 635 | Primary Quin agite et mecum infaustas exurite puppes. |
| 636 | Primary Nam mihi Cassandrae per somnum vatis imago |
| 637 | Primary ardentes dare visa faces: Hic quaerite Troiam; |
| 638 | Primary hic domus est inquit vobis. Iam tempus agi res, |
| 639 | Primary nec tantis mora prodigiis. En quattuor arae |
| 640 | Primary Neptuno; deus ipse faces animumque ministrat. |
| 641 | Primary Haec memorans, prima infensum vi corripit ignem, |
| 642 | Primary sublataque procul dextra conixa coruscat, |
| 643 | Primary et iacit: arrectae mentes stupefactaque corda |
| 644 | Primary Iliadum. Hic una e multis, quae maxima natu, |
| 645 | Primary Pyrgo, tot Priami natorum regia nutrix: |
| 646 | Primary Non Beroë vobis, non haec Rhoeteïa, matres, |
| 647 | Primary est Dorycli coniunx; divini signa decoris |
| 648 | Primary ardentesque notate oculos; qui spiritus illi, |
| 649 | Primary qui voltus, vocisque sonus, vel gressus eunti. |
| 650 | Primary Ipsa egomet dudum Beroen digressa reliqui |
| 651 | Primary aegram, indignantem, tali quod sola careret |
| 652 | Primary munere, nec meritos Anchisae inferet honores. |
| 653 | Primary Haec effata. |
| 654 | Primary At matres primo ancipites oculisque malignis |
| 655 | Primary ambiguae spectare rates miserum inter amorem |
| 656 | Primary praesentis terrae fatisque vocantia regna, |
| 657 | Primary cum dea se paribus per caelum sustulit alis, |
| 658 | Primary ingentemque fuga secuit sub nubibus arcum. |
| 659 | Primary Tum vero attonitae monstris actaeque furore |
| 660 | Primary conclamant, rapiuntque focis penetralibus ignem; |
| 661 | Primary pars spoliant aras, frondem ac virgulta facesque |
| 662 | Primary coniciunt. Furit immissis Volcanus habenis |
| 663 | Primary transtra per et remos et pictas abiete puppes. |
| 664 | Primary Nuntius Anchisae ad tumulum cuneosque theatri |
| 665 | Primary incensas perfert naves Eumelus, et ipsi |
| 666 | Primary respiciunt atram in nimbo volitare favillam. |
| 667 | Primary Primus et Ascanius, cursus ut laetus equestres |
| 668 | Primary ducebat, sic acer equo turbata petivit |
| 669 | Primary castra, nec exanimes possunt retinere magistri. |
| 670 | Primary Quis furor iste novus? Quo nunc, quo tenditis inquit, |
| 671 | Primary heu, miserae cives? Non hostem inimicaque castra |
| 672 | Primary Argivum, vestras spes uritis. En, ego vester |
| 673 | Primary Ascanius! Galeam ante pedes proiecit inanem, |
| 674 | Primary qua ludo indutus belli simulacra ciebat; |
| 675 | Primary accelerat simul Aeneas, simul agmina Teucrum. |
| 676 | Primary Ast illae diversa metu per litora passim |
| 677 | Primary diffugiunt, silvasque et sicubi concava furtim |
| 678 | Primary saxa petunt; piget incepti lucisque, suosque |
| 679 | Primary mutatae adgnoscunt, excussaque pectore Iuno est. |
| 680 | Primary Sed non idcirco flammae atque incendia vires |
| 681 | Primary indomitas posuere; udo sub robore vivit |
| 682 | Primary stuppa vomens tardum fumum, lentusque carinas |
| 683 | Primary est vapor, et toto descendit corpore pestis, |
| 684 | Primary nec vires heroum infusaque flumina prosunt. |
| 685 | Primary Tum pius Aeneas umeris abscindere vestem, |
| 686 | Primary auxilioque vocare deos, et tendere palmas: |
| 687 | Primary Iuppiter omnipotens, si nondum exosus ad unum |
| 688 | Primary Troianos, si quid pietas antiqua labores |
| 689 | Primary respicit humanos, da flammam evadere classi |
| 690 | Primary nunc, Pater, et tenues Teucrum res eripe leto. |
| 691 | Primary Vel tu, quod superest infesto fulmine morti, |
| 692 | Primary si mereor, demitte, tuaque hic obrue dextra. |
| 693 | Primary Vix haec ediderat, cum effusis imbribus atra |
| 694 | Primary tempestas sine more furit, tonitruque tremescunt |
| 695 | Primary ardua terrarum et campi; ruit aethere toto |
| 696 | Primary turbidus imber aqua densisque nigerrimus austris; |
| 697 | Primary implenturque super puppes; semiusta madescunt |
| 698 | Primary robora; restinctus donec vapor omnis, et omnes, |
| 699 | Primary quattuor amissis, servatae a peste carinae. |
| 700 | Primary At pater Aeneas, casu concussus acerbo, |
| 701 | Primary nunc huc ingentes, nunc illuc pectore curas |
| 702 | Primary mutabat versans, Siculisne resideret arvis, |
| 703 | Primary oblitus fatorum, Italasne capesseret oras. |
| 704 | Primary Tum senior Nautes, unum Tritonia Pallas |
| 705 | Primary quem docuit multaque insignem reddidit arte, |
| 706 | Primary haec responsa dabat, vel quae portenderet ira |
| 707 | Primary magna deum, vel quae fatorum posceret ordo; |
| 708 | Primary isque his Aenean solatus vocibus infit: |
| 709 | Primary Nate dea, quo fata trahunt retrahuntque, sequamur; |
| 710 | Primary quidquid erit, superanda omnis fortuna ferendo est. |
| 711 | Primary Est tibi Dardanius divinae stirpis Acestes: |
| 712 | Primary hunc cape consiliis socium et coniunge volentem; |
| 713 | Primary huic trade, amissis superant qui navibus, et quos |
| 714 | Primary pertaesum magni incepti rerumque tuarum est; |
| 715 | Primary longaevosque senes ac fessas aequore matres, |
| 716 | Primary et quidquid tecum invalidum metuensque pericli est, |
| 717 | Primary delige, et his habeant terris sine moenia fessi: |
| 718 | Primary urbem appellabunt permisso nomine Acestam. |
| 719 | Primary Talibus incensus dictis senioris amici, |
| 720 | Primary tum vero in curas animo diducitur omnes. |
| 721 | Primary Et nox atra polum bigis subvecta tenebat: |
| 722 | Primary visa dehinc caelo facies delapsa parentis |
| 723 | Primary Anchisae subito tales effundere voces: |
| 724 | Primary Nate, mihi vita quondam, dum vita manebat, |
| 725 | Primary care magis, nate, Iliacis exercite fatis, |
| 726 | Primary imperio Iovis huc venio, qui classibus ignem |
| 727 | Primary depulit, et caelo tandem miseratus ab alto est. |
| 728 | Primary Consiliis pare, quae nunc pulcherrima Nautes |
| 729 | Primary dat senior; lectos iuvenes, fortissima corda, |
| 730 | Primary defer in Italiam; gens dura atque aspera cultu |
| 731 | Primary debellanda tibi Latio est. Ditis tamen ante |
| 732 | Primary infernas accede domos, et Averna per alta |
| 733 | Primary congressus pete, nate, meos. Non me impia namque |
| 734 | Primary Tartara habent, tristes umbrae, sed amoena piorum |
| 735 | Primary concilia Elysiumque colo. Huc casta Sibylla |
| 736 | Primary nigrarum multo pecudum te sanguine ducet: |
| 737 | Primary tum genus omne tuum, et quae dentur moenia, disces. |
| 738 | Primary Iamque vale: torquet medios Nox humida cursus, |
| 739 | Primary et me saevus equis Oriens adflavit anhelis. |
| 740 | Primary Dixerat, et tenuis fugit, ceu fumus, in auras. |
| 741 | Primary Aeneas, Quo deinde ruis, quo proripis? inquit, |
| 742 | Primary Quem fugis, aut quis te nostris complexibus arcet? |
| 743 | Primary Haec memorans cinerem et sopitos suscitat ignes, |
| 744 | Primary Pergameumque Larem et canae penetralia Vestae |
| 745 | Primary farre pio et plena supplex veneratur acerra. |
| 746 | Primary Extemplo socios primumque arcessit Acesten, |
| 747 | Primary et Iovis imperium et cari praecepta parentis |
| 748 | Primary edocet, et quae nunc animo sententia constet. |
| 749 | Primary Haud mora consiliis, nec iussa recusat Acestes. |
| 750 | Primary Transcribunt urbi matres, populumque volentem |
| 751 | Primary deponunt, animos nil magnae laudis egentes. |
| 752 | Primary Ipsi transtra novant, flammisque ambesa reponunt |
| 753 | Primary robora navigiis, aptant remosque rudentesque, |
| 754 | Primary exigui numero, sed bello vivida virtus. |
| 755 | Primary Interea Aeneas urbem designat aratro |
| 756 | Primary sortiturque domos; hoc Ilium et haec loca Troiam |
| 757 | Primary esse iubet. Gaudet regno Troianus Acestes, |
| 758 | Primary indicitque forum et patribus dat iura vocatis. |
| 759 | Primary Tum vicina astris, Erycino in vertice sedes |
| 760 | Primary fundatur Veneri Idaliae, tumuloque sacerdos |
| 761 | Primary ac lucus late sacer additur Anchiseo. |
| 762 | Primary Iamque dies epulata novem gens omnis, et aris |
| 763 | Primary factus honos: placidi straverunt aequora venti, |
| 764 | Primary creber et adspirans rursus vocat Auster in altum. |
| 765 | Primary Exoritur procurva ingens per litora fletus; |
| 766 | Primary complexi inter se noctemque diemque morantur. |
| 767 | Primary Ipsae iam matres, ipsi, quibus aspera quondam |
| 768 | Primary visa maris facies et non tolerabile nomen, |
| 769 | Primary ire volunt, omnemque fugae perferre laborem. |
| 770 | Primary Quos bonus Aeneas dictis solatur amicis, |
| 771 | Primary et consanguineo lacrimans commendat Acestae. |
| 772 | Primary Tris Eryci vitulos et Tempestatibus agnam |
| 773 | Primary caedere deinde iubet, solvique ex ordine funem. |
| 774 | Primary Ipse, caput tonsae foliis evinctus olivae, |
| 775 | Primary stans procul in prora pateram tenet, extaque salsos |
| 776 | Primary proiicit in fluctus ac vina liquentia fundit. |
| 777 | Primary Prosequitur surgens a puppi ventus euntes. |
| 778 | Primary Certatim socii feriunt mare et aequora verrunt. |
| 779 | Primary At Venus interea Neptunum exercita curis |
| 780 | Primary adloquitur, talesque effundit pectore questus: |
| 781 | Primary Iunonis gravis ira nec exsaturabile pectus |
| 782 | Primary cogunt me, Neptune, preces descendere in omnes; |
| 783 | Primary quam nec longa dies, pietas nec mitigat ulla, |
| 784 | Primary nec Iovis imperio fatisque infracta quiescit. |
| 785 | Primary Non media de gente Phrygum exedisse nefandis |
| 786 | Primary urbem odiis satis est, nec poenam traxe per omnem: |
| 787 | Primary reliquias Troiae, cineres atque ossa peremptae |
| 788 | Primary insequitur: causas tanti sciat illa furoris. |
| 789 | Primary Ipse mihi nuper Libycis tu testis in undis |
| 790 | Primary quam molem subito excierit: maria omnia caelo |
| 791 | Primary miscuit, Aeoliis nequiquam freta procellis, |
| 792 | Primary in regnis hoc ausa tuis. |
| 793 | Primary Per scelus ecce etiam Troianis matribus actis |
| 794 | Primary exussit foede puppes, et classe subegit |
| 795 | Primary amissa socios ignotae linquere terrae. |
| 796 | Primary Quod superest, oro, liceat dare tuta per undas |
| 797 | Primary vela tibi, liceat Laurentem attingere Thybrim: |
| 798 | Primary si concessa peto, si dant ea moenia Parcae. |
| 799 | Primary Tum Saturnius haec domitor maris edidit alti: |
| 800 | Primary Fas omne est, Cytherea, meis te fidere regnis, |
| 801 | Primary unde genus ducis: merui quoque; saepe furores |
| 802 | Primary compressi, et rabiem tantam caelique marisque. |
| 803 | Primary Nec minor in terris, Xanthum Simoëntaque testor, |
| 804 | Primary Aeneae mihi cura tui. Cum Troia Achilles |
| 805 | Primary exanimata sequens impingeret agmina muris, |
| 806 | Primary milia multa daret leto, gemerentque repleti |
| 807 | Primary amnes, nec reperire viam atque evolvere posset |
| 808 | Primary in mare se Xanthus, Pelidae tunc ego forti |
| 809 | Primary congressum Aenean nec dis nec viribus aequis |
| 810 | Primary nube cava rapui, cuperem cum vertere ab imo |
| 811 | Primary structa meis manibus periurae moenia Troiae. |
| 812 | Primary Nunc quoque mens eadem perstat mihi: pelle timores. |
| 813 | Primary Tutus, quos optas, portus accedet Averni. |
| 814 | Primary Unus erit tantum, amissum quem gurgite quaeres; |
| 815 | Primary unum pro multis dabitur caput. |
| 816 | Primary His ubi laeta deae permulsit pectora dictis, |
| 817 | Primary iungit equos auro genitor, spumantiaque addit |
| 818 | Primary frena feris, manibusque omnes effundit habenas. |
| 819 | Primary Caeruleo per summa levis volat aequora curru; |
| 820 | Primary subsidunt undae, tumidumque sub axe tonanti |
| 821 | Primary sternitur aequor aquis; fugiunt vasto aethere nimbi. |
| 822 | Primary Tum variae comitum facies, immania cete, |
| 823 | Primary et senior Glauci chorus, Inousque Palaemon, |
| 824 | Primary Tritonesque citi, Phorcique exercitus omnis; |
| 825 | Primary laeva tenent Thetis, et Melite, Panopeaque virgo, |
| 826 | Primary Nisaee, Spioque, Thaliaque, Cymodoceque. |
| 827 | Primary Hic patris Aeneae suspensam blanda vicissim |
| 828 | Primary gaudia pertemptant mentem: iubet ocius omnes |
| 829 | Primary attolli malos, intendi brachia velis. |
| 830 | Primary Una omnes fecere pedem pariterque sinistros, |
| 831 | Primary nunc dextros solvere sinus; una ardua torquent |
| 832 | Primary cornua detorquentque; ferunt sua flamina classem. |
| 833 | Primary Princeps ante omnes densum Palinurus agebat |
| 834 | Primary agmen; ad hunc alii cursum contendere iussi. |
| 835 | Primary Iamque fere mediam caeli Nox humida metam |
| 836 | Primary contigerat; placida laxabant membra quiete |
| 837 | Primary sub remis fusi per dura sedilia nautae: |
| 838 | Primary cum levis aetheriis delapsus Somnus ab astris |
| 839 | Primary aëra dimovit tenebrosum et dispulit umbras, |
| 840 | Primary te, Palinure, petens, tibi somnia tristia portans |
| 841 | Primary insonti; puppique deus consedit in alta, |
| 842 | Primary Phorbanti similis, funditque has ore loquelas: |
| 843 | Primary Iaside Palinure, ferunt ipsa aequora classem; |
| 844 | Primary aequatae spirant aurae; datur hora quieti. |
| 845 | Primary Pone caput, fessosque oculos furare labori: |
| 846 | Primary ipse ego paulisper pro te tua munera inibo. |
| 847 | Primary Cui vix attollens Palinurus lumina fatur: |
| 848 | Primary Mene salis placidi voltum fluctusque quietos |
| 849 | Primary ignorare iubes? Mene huic confidere monstro? |
| 850 | Primary Aenean credam quid enim fallacibus auris |
| 851 | Primary et caelo, totiens deceptus fraude sereni? |
| 852 | Primary Talia dicta dabat, clavumque affixus et haerens |
| 853 | Primary nusquam amittebat, oculosque sub astra tenebat. |
| 854 | Primary Ecce deus ramum Lethaeo rore madentem, |
| 855 | Primary vique soporatum Stygia, super utraque quassat |
| 856 | Primary tempora, cunctantique natantia lumina solvit. |
| 857 | Primary Vix primos inopina quies laxaverat artus, |
| 858 | Primary et super incumbens cum puppis parte revolsa, |
| 859 | Primary cumque gubernaclo, liquidas proiecit in undas |
| 860 | Primary praecipitem ac socios nequiquam saepe vocantem; |
| 861 | Primary ipse volans tenues se sustulit ales ad auras. |
| 862 | Primary Currit iter tutum non secius aequore classis, |
| 863 | Primary promissisque patris Neptuni interrita fertur. |
| 864 | Primary Iamque adeo scopulos Sirenum advecta subibat, |
| 865 | Primary difficiles quondam multorumque ossibus albos, |
| 866 | Primary tum rauca adsiduo longe sale saxa sonabant: |
| 867 | Primary cum pater amisso fluitantem errare magistro |
| 868 | Primary sensit, et ipse ratem nocturnis rexit in undis, |
| 869 | Primary multa gemens, casuque animum concussus amici |
| 870 | Primary O nimium caelo et pelago confise sereno, |
| 871 | Primary nudus in ignota, Palinure, iacebis harena! |