Reader
Reader | Aeneid, Book 7
Aeneid
Virgil
Text
Position
Line 1 of 817
Waypoints
| Line Ref | J. B. Greenough | Latin |
|---|---|
| 1 | Primary Tu quoque litoribus nostris, Aeneia nutrix, |
| 2 | Primary aeternam moriens famam, Caieta, dedisti; |
| 3 | Primary et nunc servat honos sedem tuus ossaque nomen |
| 4 | Primary Hesperia in magna, siqua est ea gloria, signat. |
| 5 | Primary At pius exsequiis Aeneas rite solutis, |
| 6 | Primary aggere composito tumuli, postquam alta quierunt |
| 7 | Primary aequora, tendit iter velis portumque relinquit. |
| 8 | Primary Adspirant aurae in noctem nec candida cursus |
| 9 | Primary Luna negat, splendet tremulo sub lumine pontus. |
| 10 | Primary Proxima Circaeae raduntur litora terrae, |
| 11 | Primary dives inaccessos ubi Solis filia lucos |
| 12 | Primary adsiduo resonat cantu tectisque superbis |
| 13 | Primary urit odoratam nocturna in lumina cedrum, |
| 14 | Primary arguto tenuis percurrens pectine telas. |
| 15 | Primary Hinc exaudiri gemitus iraeque leonum |
| 16 | Primary vincla recusantum et sera sub nocte rudentum, |
| 17 | Primary saetigerique sues atque in praesaepibus ursi |
| 18 | Primary saevire ac formae magnorum ululare luporum, |
| 19 | Primary quos hominum ex facie dea saeva potentibus herbis |
| 20 | Primary induerat Circe in voltus ac terga ferarum. |
| 21 | Primary Quae ne monstra pii paterentur talia Troes |
| 22 | Primary delati in portus neu litora dira subirent, |
| 23 | Primary Neptunus ventis implevit vela secundis |
| 24 | Primary atque fugam dedit et praeter vada fervida vexit. |
| 25 | Primary Iamque rubescebat radiis mare et aethere ab alto |
| 26 | Primary Aurora in roseis fulgebat lutea bigis: |
| 27 | Primary cum venti posuere omnisque repente resedit |
| 28 | Primary flatus et in lento luctantur marmore tonsae. |
| 29 | Primary Atque hic Aeneas ingentem ex aequore lucum |
| 30 | Primary prospicit. Hunc inter fluvio Tiberinus amoeno |
| 31 | Primary verticibus rapidis et multa flavus arena |
| 32 | Primary in mare prorumpit. Variae circumque supraque |
| 33 | Primary adsuetae ripis volucres et fluminis alveo |
| 34 | Primary aethera mulcebant cantu lucoque volabant. |
| 35 | Primary flectere iter sociis terraeque advertere proras |
| 36 | Primary imperat et laetus fluvio succedit opaco. |
| 37 | Primary Nunc age, qui reges, Erato, quae tempora rerum, |
| 38 | Primary quis Latio antiquo fuerit status, advena classem |
| 39 | Primary cum primum Ausoniis exercitus appulit oris, |
| 40 | Primary expediam et primae revocabo exordia pugnae. |
| 41 | Primary tu vatem, tu, diva, mone. Dicam horrida bella, |
| 42 | Primary dicam acies actosque animis in funera reges |
| 43 | Primary Tyrrhenamque manum totamque sub arma coactam |
| 44 | Primary Hesperiam. Maior rerum mihi nascitur ordo, |
| 45 | Primary maius opus moveo. Rex arva Latinus et urbes |
| 46 | Primary iam senior longa placidas in pace regebat. |
| 47 | Primary Hunc Fauno et nympha genitum Laurente Marica |
| 48 | Primary accipimus, Fauno Picus pater isque parentem |
| 49 | Primary te, Saturne, refert, tu sanguinis ultimus auctor. |
| 50 | Primary filius huic fato divom prolesque virilis |
| 51 | Primary nulla fuit primaque oriens erepta iuventa est. |
| 52 | Primary Sola domum et tantas servabat filia sedes, |
| 53 | Primary iam matura viro, iam plenis nubilis annis. |
| 54 | Primary Multi illam magno e Latio totaque petebant |
| 55 | Primary Ausonia. Petit ante alios pulcherrimus omnis |
| 56 | Primary Turnus, avis atavisque potens, quem regia coniunx |
| 57 | Primary adiungi generum miro properabat amore; |
| 58 | Primary sed variis portenta deum terroribus obstant. |
| 59 | Primary Laurus erat tecti medio in penetralibus altis, |
| 60 | Primary sacra comam multosque metu servata per annos, |
| 61 | Primary quam pater inventam, primas cum conderet arces, |
| 62 | Primary ipse ferebatur Phoebo sacrasse Latinus |
| 63 | Primary Laurentisque ab ea nomen posuisse colonis. |
| 64 | Primary Huius apes summum densae (mirabile dictu), |
| 65 | Primary stridore ingenti liquidum trans aethera vectae, |
| 66 | Primary obsedere apicem, ex pedibus per mutua nexis |
| 67 | Primary examen subitum ramo frondente pependit. |
| 68 | Primary Continuo vates: Externum cernimus, inquit, |
| 69 | Primary adventare virum et partis petere agmen easdem |
| 70 | Primary partibus ex isdem et summa dominarier arce. |
| 71 | Primary Praeterea, castis adolet dum altaria taedis |
| 72 | Primary et iuxta genitorem adstat Lavinia virgo, |
| 73 | Primary visa (nefas) longis comprendere crinibus ignem, |
| 74 | Primary atque omnem ornatum flamma crepitante cremari |
| 75 | Primary regalisque accensa comas, accensa coronam |
| 76 | Primary insignem gemmis, tum fumida lumine fulvo |
| 77 | Primary involvi ac totis Volcanum spargere tectis. |
| 78 | Primary Id vero horrendum ac visu mirabile ferri: |
| 79 | Primary namque fore inlustrem fama fatisque canebant |
| 80 | Primary ipsam, sed populo magnum portendere bellum. |
| 81 | Primary At rex sollicitus monstris oracula Fauni, |
| 82 | Primary fatidici genitoris, adit lucosque sub alta |
| 83 | Primary consulit Albunea, nemorum quae maxima sacro |
| 84 | Primary fonte sonat saevamque exhalat opaca mephitim. |
| 85 | Primary Hinc Italae gentes omnisque Oenotria tellus |
| 86 | Primary in dubiis responsa petunt; huc dona sacerdos |
| 87 | Primary cum tulit et caesarum ovium sub nocte silenti |
| 88 | Primary pellibus incubuit stratis somnosque petivit, |
| 89 | Primary multa modis simulacra videt volitantia miris |
| 90 | Primary et varias audit voces fruiturque deorum |
| 91 | Primary conloquio atque imis Acheronta adfatur Avernis. |
| 92 | Primary Hic et tum pater ipse petens responsa Latinus |
| 93 | Primary centum lanigeras mactabat rite bidentis |
| 94 | Primary atque harum effultus tergo stratisque iacebat |
| 95 | Primary velleribus: subita ex alto vox reddita luco est: |
| 96 | Primary Ne pete conubiis natam sociare Latinis, |
| 97 | Primary O mea progenies, thalamis neu crede paratis: |
| 98 | Primary externi venient generi, qui sanguine nostrum |
| 99 | Primary nomen in astra ferant quorumque a stirpe nepotes |
| 100 | Primary omnia sub pedibus, qua Sol utrumque recurrens |
| 101 | Primary aspicit Oceanum, vertique regique videbunt. |
| 102 | Primary Haec responsa patris Fauni monitusque silenti |
| 103 | Primary nocte datos non ipse suo premit ore Latinus, |
| 104 | Primary sed circum late volitans iam Fama per urbes |
| 105 | Primary Ausonias tulerat, cum Laomedontia pubes |
| 106 | Primary gramineo ripae religavit ab aggere classem. |
| 107 | Primary Aeneas primique duces et pulcher Iulus |
| 108 | Primary corpora sub ramis deponunt arboris altae |
| 109 | Primary instituuntque dapes et adorea liba per herbam |
| 110 | Primary subiciunt epulis (sic Iuppiter ipse monebat) |
| 111 | Primary et Cereale solum pomis agrestibus augent. |
| 112 | Primary Consumptis hic forte aliis ut vertere morsus |
| 113 | Primary exiguam in Cererem penuria adegit edendi |
| 114 | Primary et violare manu malisque audacibus orbem |
| 115 | Primary fatalis crusti patulis nec parcere quadris: |
| 116 | Primary Heus ! etiam mensas consumimus, inquit Iulus, |
| 117 | Primary nec plura adludens. Ea vox audita laborum |
| 118 | Primary prima tulit finem, primamque loquentis ab ore |
| 119 | Primary eripuit pater ac stupefactus numine pressit. |
| 120 | Primary Continuo: Salve fatis mihi debita tellus |
| 121 | Primary vosque, ait, O fidi Troiae salvete penates: |
| 122 | Primary hic domus, haec patria est. Genitor mihi talia namque |
| 123 | Primary (nunc repeto) Anchises fatorum arcana reliquit: |
| 124 | Primary cum te, nate, fames ignota ad litora vectum |
| 125 | Primary accisis coget dapibus consumere mensas, |
| 126 | Primary tum sperare domos defessus ibique memento |
| 127 | Primary prima locare manu molirique aggere tecta. |
| 128 | Primary Haec erat illa fames; haec nos suprema manebat, |
| 129 | Primary exiliis positura modum. |
| 130 | Primary Quare agite et primo laeti cum lumine solis |
| 131 | Primary quae loca, quive habeant homines, ubi moenia gentis, |
| 132 | Primary vestigemus et a portu diversa petamus. |
| 133 | Primary Nunc pateras libate Iovi precibusque vocate |
| 134 | Primary Anchisen genitorem, et vina reponite mensis. |
| 135 | Primary Sic deinde effatus frondenti tempora ramo |
| 136 | Primary implicat et geniumque loci primamque deorum |
| 137 | Primary Tellurem nymphasque et adhuc ignota precatur |
| 138 | Primary flumina, tum Noctem Noctisque orientia signa |
| 139 | Primary Idaeumque Iovem Phrygiamque ex ordine matrem |
| 140 | Primary invocat et duplicis caeloque ereboque parentis. |
| 141 | Primary Hic pater omnipotens ter caelo clarus ab alto |
| 142 | Primary intonuit radiisque ardentem lucis et auro |
| 143 | Primary ipse manu quatiens ostendit ab aethere nubem. |
| 144 | Primary Diditur hic subito Troiana per agmina rumor |
| 145 | Primary advenisse diem, quo debita moenia condant. |
| 146 | Primary Certatim instaurant epulas atque omine magno |
| 147 | Primary crateras laeti statuunt et vina coronant. |
| 148 | Primary Postera cum prima lustrabat lampade terras |
| 149 | Primary orta dies, urbem et finis et litora gentis |
| 150 | Primary diversi explorant: haec fontis stagna Numici, |
| 151 | Primary hunc Thybrim fluvium, hic fortis habitare Latinos. |
| 152 | Primary Tum satus Anchisa delectos ordine ab omni |
| 153 | Primary centum oratores augusta ad moenia regis |
| 154 | Primary ire iubet, ramis velatos Palladis omnis, |
| 155 | Primary donaque ferre viro pacemque exposcere Teucris. |
| 156 | Primary Haud mora, festinant iussi rapidisque feruntur |
| 157 | Primary passibus. Ipse humili designat moenia fossa |
| 158 | Primary moliturque locum primasque in litore sedes |
| 159 | Primary castrorum in morem pinnis atque aggere cingit. |
| 160 | Primary Iamque iter emensi turris ac tecta Latinorum |
| 161 | Primary ardua cernebant iuvenes muroque subibant. |
| 162 | Primary Ante urbem pueri et primaevo flore iuventus |
| 163 | Primary exercentur equis domitantque in pulvere currus |
| 164 | Primary aut acris tendunt arcus aut lenta lacertis |
| 165 | Primary spicula contorquent cursuque ictuque lacessunt: |
| 166 | Primary cum praevectus equo longaevi regis ad auris |
| 167 | Primary nuntius ingentis ignota in veste reportat |
| 168 | Primary advenisse viros. Ille intra tecta vocari |
| 169 | Primary imperat et solio medius consedit avito. |
| 170 | Primary Tectum augustum ingens. centum sublime columnis, |
| 171 | Primary urbe fuit summa, Laurentis regia Pici, |
| 172 | Primary horrendum silvis et religione parentum. |
| 173 | Primary Hic sceptra accipere et primos attollere fasces |
| 174 | Primary regibus omen erat, hoc illis curia templum, |
| 175 | Primary hae sacris sedes epulis, hic ariete caeso |
| 176 | Primary perpetuis soliti patres considere mensis. |
| 177 | Primary Quin etiam veterum effigies ex ordine avorum |
| 178 | Primary antiqua e cedro, Italusque paterque Sabinus |
| 179 | Primary vitisator, curvam servans sub imagine falcem, |
| 180 | Primary Saturnusque senex Ianique bifrontis imago |
| 181 | Primary vestibulo astabant, aliique ab origine reges |
| 182 | Primary Martiaque ob patriam pugnando volnera passi. |
| 183 | Primary Multaque praeterea sacris in postibus arma, |
| 184 | Primary captivi pendent currus curvaeque secures |
| 185 | Primary et cristae capitum et portarum ingentia claustra |
| 186 | Primary spiculaque clipeique ereptaque rostra carinis. |
| 187 | Primary Ipse Quirinali lituo parvaque sedebat |
| 188 | Primary succinctus trabea laevaque ancile gerebat |
| 189 | Primary Picus, equum domitor; quem capta cupidine coniunx |
| 190 | Primary aurea percussum virga versumque venenis |
| 191 | Primary fecit avem Circe sparsitque coloribus alas. |
| 192 | Primary Tali intus templo divom patriaque Latinus |
| 193 | Primary sede sedens Teucros ad sese in tecta vocavit, |
| 194 | Primary atque haec ingressis placido prior edidit ore: |
| 195 | Primary Dicite, Dardanidae (neque enim nescimus et urbem |
| 196 | Primary et genus, auditique advertitis aequore cursum), |
| 197 | Primary quid petitis ? Quae causa rates aut cuius egentis |
| 198 | Primary litus ad Ausonium tot per vada caerula vexit? |
| 199 | Primary Sive errore viae seu tempestatibus acti, |
| 200 | Primary qualia multa mari nautae patiuntur in alto, |
| 201 | Primary fluminis intrastis ripas portuque sedetis, |
| 202 | Primary ne fugite hospitium neve ignorate Latinos |
| 203 | Primary Saturni gentem, haud vinclo nec legibus aequam, |
| 204 | Primary sponte sua veterisque dei se more tenentem. |
| 205 | Primary Atque equidem memini (fama est obscurior annis) |
| 206 | Primary Auruncos ita ferre senes, his ortus ut agris |
| 207 | Primary Dardanus Idaeas Phrygiae penetravit ad urbes |
| 208 | Primary Threiciamque Samum, quae nunc Samothracia fertur. |
| 209 | Primary Hinc illum, Corythi Tyrrhena ab sede profectum, |
| 210 | Primary aurea nunc solio stellantis regia caeli |
| 211 | Primary accipit et numerum divorum altaribus auget. |
| 212 | Primary Dixerat, et dicta Ilioneus sic voce secutus: |
| 213 | Primary Rex, genus egregium Fauni, nec fluctibus actos, |
| 214 | Primary atra subegit hiemps vestris succedere terris |
| 215 | Primary nec sidus regione viae litusve fefellit: |
| 216 | Primary consilio hanc omnes animisque volentibus urbem, |
| 217 | Primary adferimur, pulsi regnis, quae maxima quondam |
| 218 | Primary extremo veniens Sol aspiciebat Olympo. |
| 219 | Primary Ab Iove principium generis, Iove Dardana pubes |
| 220 | Primary gaudet avo, rex ipse Iovis de gente suprema, |
| 221 | Primary Troius Aeneas, tua nos ad limina misit. |
| 222 | Primary Quanta per Idaeos saevis effusa Mycenis |
| 223 | Primary tempestas ierit campos, quibus actus uterque |
| 224 | Primary Europae atque Asiae fatis concurrerit orbis, |
| 225 | Primary audiit et siquem tellus extrema refuso |
| 226 | Primary summovet oceano et siquem extenta plagarum |
| 227 | Primary quattuor in medio dirimit plaga solis iniqui. |
| 228 | Primary Diluvio ex illo tot vasta per aequora vecti |
| 229 | Primary dis sedem exiguam patriis litusque rogamus |
| 230 | Primary innocuum et cunctis undamque auramque patentem. |
| 231 | Primary Non erimus regno indecores, nec vestra feretur |
| 232 | Primary fama levis tantique abolescet gratia facti, |
| 233 | Primary nec Troiam Ausonios gremio excepisse pigebit. |
| 234 | Primary Fata per Aeneae iuro dextramque potentem |
| 235 | Primary sive fide seu quis bello est expertus et armis: |
| 236 | Primary multi nos populi, multae (ne temne, quod ultro |
| 237 | Primary praeferimus manibus vittas ac verba precantia) |
| 238 | Primary et petiere sibi et voluere adiungere gentes; |
| 239 | Primary sed nos fata deum vestras exquirere terras |
| 240 | Primary imperiis egere suis. Hinc Dardanus ortus; |
| 241 | Primary huc repetit iussisque ingentibus urguet Apollo |
| 242 | Primary Tyrrhenum ad Thybrim et fontis vada sacra Numici. |
| 243 | Primary Dat tibi praeterea fortunae parva prioris |
| 244 | Primary munera, reliquias Troia ex ardente receptas. |
| 245 | Primary Hoc pater Anchises auro libabat ad aras; |
| 246 | Primary hoc Priami gestamen erat, cum iura vocatis |
| 247 | Primary more daret populis, sceptrumque sacerque tiaras |
| 248 | Primary Iliadumque labor vestes. |
| 249 | Primary Talibus Ilionei dictis defixa Latinus |
| 250 | Primary obtutu tenet ora soloque immobilis haeret |
| 251 | Primary intentos volvens oculos. Nec purpura regem |
| 252 | Primary picta movet nec sceptra movent Priameia tantum, |
| 253 | Primary quantum in conubio natae thalamoque moratur, |
| 254 | Primary et veteris Fauni voluit sub pectore sortem, |
| 255 | Primary hunc illum fatis externa ab sede profectum |
| 256 | Primary portendi generum paribusque in regna vocari |
| 257 | Primary auspiciis, huic progeniem virtute futuram |
| 258 | Primary egregiam et totum quae viribus occupet orbem. |
| 259 | Primary tandem laetus ait: Di nostra incepta secundent |
| 260 | Primary auguriumque suum; dabitur, Troiane, quod optas, |
| 261 | Primary munera nec sperno. Non vobis rege Latino |
| 262 | Primary divitis uber agri Troiaeve opulentia deerit. |
| 263 | Primary Ipse modo Aeneas, nostri si tanta cupido est, |
| 264 | Primary si iungi hospitio properat sociusque vocari, |
| 265 | Primary adveniat voltus neve exhorrescat amicos: |
| 266 | Primary illi pacis erit dextram tetigisse tyranni. |
| 267 | Primary vos contra regi mea nunc mandata referte. |
| 268 | Primary Est mihi nata, viro gentis quam iungere nostrae |
| 269 | Primary non patrio ex adyto sortes, non plurima caelo |
| 270 | Primary monstra sinunt: generos externis adfore ab oris, |
| 271 | Primary hoc Latio restare canunt, qui sanguine nostrum |
| 272 | Primary nomen in astra ferant. Hunc illum poscere fata |
| 273 | Primary et reor et, siquid veri mens augurat, opto. |
| 274 | Primary haec effatus equos numero pater eligit omni |
| 275 | Primary (stabant ter centum nitidi in praesaepibus altis): |
| 276 | Primary omnibus extemplo Teucris iubet ordine duci |
| 277 | Primary instratos ostro alipedes pictisque tapetis; |
| 278 | Primary aurea pectoribus demissa monilia pendent, |
| 279 | Primary tecti auro fulvum mandunt sub dentibus aurum; |
| 280 | Primary absenti Aeneae currum geminosque iugalis |
| 281 | Primary semine ab aetherio, spirantis naribus ignem, |
| 282 | Primary illorum de gente, patri quos daedala Circe |
| 283 | Primary supposita de matre nothos furata creavit. |
| 284 | Primary Talibus Aeneadae donis dictisque Latini |
| 285 | Primary sublimes in equis redeunt pacemque reportant. |
| 286 | Primary Ecce autem Inachiis sese referebat ab Argis |
| 287 | Primary saeva Iovis coniunx aurasque invecta tenebat, |
| 288 | Primary et laetum Aenean classemque ex aethere longe |
| 289 | Primary Dardaniam Siculo prospexit ab usque Pachyno. |
| 290 | Primary moliri iam tecta videt, iam fidere terrae, |
| 291 | Primary deseruisse rates: stetit acri fixa dolore. |
| 292 | Primary Tum quassans caput haec effundit pectore dicta: |
| 293 | Primary Heu stirpem invisam et fatis contraria nostris |
| 294 | Primary fata Phrygum ! Num Sigeis occumbere campis, |
| 295 | Primary num capti potuere capi, num incensa cremavit |
| 296 | Primary Troia viros ? Medias acies mediosque per ignis |
| 297 | Primary invenere viam. At, credo, mea numina tandem |
| 298 | Primary fessa iacent odiis aut exsaturata quievi. |
| 299 | Primary Quin etiam patria excussos infesta per undas |
| 300 | Primary ausa sequi et profugis toto me opponere ponto ! |
| 301 | Primary Absumptae in Teucros vires caelique marisque. |
| 302 | Primary Quid Syrtes aut Scylla mihi, quid vasta Charybdis |
| 303 | Primary profuit? Optato conduntur Thybridis alveo, |
| 304 | Primary securi pelagi atque mei. Mars perdere gentem |
| 305 | Primary immanem Lapithum valuit, concessit in iras |
| 306 | Primary ipse deum antiquam genitor Calydona Dianae, |
| 307 | Primary quod scelus aut Lapithis tantum aut Calydona merentem? |
| 308 | Primary Ast ego magna Iovis coniunx, nil linquere inausum |
| 309 | Primary quae potui infelix, quae memet in omnia verti, |
| 310 | Primary vincor ab Aenea. Quod si mea numina non sunt |
| 311 | Primary magna satis, dubitem haud equidem implorare quod usquam est: |
| 312 | Primary flectere si nequeo superos, Acheronta movebo. |
| 313 | Primary Non dabitur regnis, esto, prohibere Latinis, |
| 314 | Primary atque immota manet fatis Lavinia coniunx: |
| 315 | Primary at trahere atque moras tantis licet addere rebus, |
| 316 | Primary at licet amborum populos exscindere regum. |
| 317 | Primary Hac gener atque socer coeant mercede suorum: |
| 318 | Primary sanguine Troiano et Rutulo dotabere, virgo, |
| 319 | Primary et Bellona manet te pronuba. Nec face tantum |
| 320 | Primary Cisseis praegnans ignis enixa iugalis |
| 321 | Primary quin idem Veneri partus suus et Paris alter |
| 322 | Primary funestaeque iterum recidiva in Pergama taedae. |
| 323 | Primary Haec ubi dicta dedit, terras Horrenda petivit: |
| 324 | Primary luctificam Allecto dirarum ab sede dearum |
| 325 | Primary infernisque ciet tenebris, cui tristia bella |
| 326 | Primary iraeque insidiaeque et crimina noxia cordi. |
| 327 | Primary Odit et ipse pater Pluton, odere sorores |
| 328 | Primary Tartareae monstrum: tot sese vertit in ora, |
| 329 | Primary tam saevae facies, tot pullulat atra colubris. |
| 330 | Primary Quam Iuno his acuit verbis ac talia fatur: |
| 331 | Primary Hunc mihi da proprium, virgo sata Nocte, laborem, |
| 332 | Primary hanc operam, ne noster honos infractave cedat |
| 333 | Primary fama loco, neu conubiis ambire Latinum |
| 334 | Primary Aeneadae possint Italosve obsidere finis. |
| 335 | Primary Tu potes unanimos armare in proelia fratres |
| 336 | Primary atque odiis versare domos, tu verbera tectis |
| 337 | Primary funereasque inferre faces, tibi nomina mille, |
| 338 | Primary mille nocendi artes. Fecundum concute pectus, |
| 339 | Primary disice compositam pacem, sere crimina belli: |
| 340 | Primary arma velit poscatque simul rapiatque inventus. |
| 341 | Primary Exin Gorgoneis Allecto infecta venenis |
| 342 | Primary principio Latium et Laurentis tecta tyranni |
| 343 | Primary celsa petit tacitumque obsedit limen Amatae, |
| 344 | Primary quam super adventu Teucrum Turnique hymenaeis |
| 345 | Primary femineae ardentem curaeque iraeque coquebant. |
| 346 | Primary Huic dea caeruleis unum de crinibus anguem |
| 347 | Primary conicit inque sinum praecordia ad intuma subdit, |
| 348 | Primary quo furibunda domum monstro permisceat omnem. |
| 349 | Primary Ille inter vestes et levia pectora lapsus |
| 350 | Primary volvitur attactu nullo fallitque furentem, |
| 351 | Primary vipeream inspirans animam: fit tortile collo |
| 352 | Primary aurum ingens coluber, fit longae taenia vittae |
| 353 | Primary innectitque comas, et membris lubricus errat. |
| 354 | Primary Ac dum prima lues udo sublapsa veneno |
| 355 | Primary pertemptat sensus atque ossibus implicat ignem |
| 356 | Primary necdum animus toto percepit pectore flammam, |
| 357 | Primary mollius et solito matrum de more locuta est, |
| 358 | Primary multa super nata lacrimans Phrygiisque hymenaeis: |
| 359 | Primary Exsulibusne datur ducenda Lavinia Teucris, |
| 360 | Primary O genitor, nec te miseret gnataeque tuique ? |
| 361 | Primary Nec matris miseret, quam primo aquilone relinquet |
| 362 | Primary perfidus alta petens abducta virgine praedo? |
| 363 | Primary An non sic Phrygius penetrat Lacedaemona pastor |
| 364 | Primary Ledaeamque Helenam Troianas vexit ad urbes ? |
| 365 | Primary Quid tua sancta fides, quid cura antiqua tuorum |
| 366 | Primary et consanguineo totiens data dextera Turno? |
| 367 | Primary Si gener externa petitur de gente Latinis |
| 368 | Primary idque sedet Faunique premunt te iussa parentis, |
| 369 | Primary omnem equidem sceptris terram quae libera nostris |
| 370 | Primary dissidet, externam reor et sic dicere divos. |
| 371 | Primary Et Turno, si prima domus repetatur origo, |
| 372 | Primary Inachus Acrisiusque patres mediaeque Mycenae. |
| 373 | Primary His ubi nequiquam dictis experta Latinum |
| 374 | Primary contra stare videt penitusque in viscera lapsum |
| 375 | Primary serpentis furiale malum totamque pererrat, |
| 376 | Primary tum vero infelix, ingentibus excita monstris, |
| 377 | Primary immensam sine more furit lymphata per urbem. |
| 378 | Primary Ceu quondam torto volitans sub verbere turbo, |
| 379 | Primary quem pueri magno in gyro vacua atria circum |
| 380 | Primary intenti ludo exercent; ille actus habena |
| 381 | Primary curvatis fertur spatiis; stupet inscia supra |
| 382 | Primary inpubesque manus, mirata volubile buxum; |
| 383 | Primary dant animos plagae: non cursu segnior illo |
| 384 | Primary per medias urbes agitur populosque feroces. |
| 385 | Primary Quin etiam in silvas, simulato numine Bacchi, |
| 386 | Primary maius adorta nefas maioremque orsa furorem |
| 387 | Primary evolat et natam frondosis montibus abdit, |
| 388 | Primary quo thalamum eripiat Teucris taedasque moretur, |
| 389 | Primary Euhoe Bacche, fremens, solum te virgine dignum |
| 390 | Primary vociferans, etenim mollis tibi sumere thyrsos, |
| 391 | Primary te lustrare choro, sacrum tibi pascere crinem. |
| 392 | Primary Fama volat, furiisque accensas pectore matres |
| 393 | Primary idem omnis simul ardor agit nova quaerere tecta: |
| 394 | Primary deseruere domos, ventis dant colla comasque, |
| 395 | Primary ast aliae tremulis ululatibus aethera complent, |
| 396 | Primary pampineasque gerunt incinctae pellibus hastas; |
| 397 | Primary ipsa inter medias flagrantem fervida pinum |
| 398 | Primary sustinet ac natae Turnique canit hymenaeos, |
| 399 | Primary sanguineam torquens aciem, torvumque repente |
| 400 | Primary clamat: Io matres, audite, ubi quaeque, Latinae: |
| 401 | Primary Siqua piis animis manet infelicis Amatae |
| 402 | Primary gratia, si iuris materni cura remordet, |
| 403 | Primary solvite crinalis vittas, capite orgia mecum. |
| 404 | Primary Talem inter silvas, inter deserta ferarum, |
| 405 | Primary reginam Allecto stimulis agit undique Bacchi. |
| 406 | Primary Postquam visa satis primos acuisse furores |
| 407 | Primary consiliumque omnemque domum vertisse Latini, |
| 408 | Primary protinus hinc fuscis tristis dea tollitur alis |
| 409 | Primary audacis Rutuli ad muros, quam dicitur urbem |
| 410 | Primary Acrisioneis Danae fundasse colonis, |
| 411 | Primary praecipiti delata noto. Locus Ardea quondam |
| 412 | Primary dictus avis, et nunc magnum manet Ardea nomen, |
| 413 | Primary sed fortuna fuit; tectis hic Turnus in altis |
| 414 | Primary iam mediam nigra carpebat nocte quietem. |
| 415 | Primary Allecto torvam faciem et furialia membra |
| 416 | Primary exuit, in vultus sese transformat anilis; |
| 417 | Primary et frontem obscenam rugis arat, induit albos |
| 418 | Primary cum vitta crinis, tum ramum innectit olivae; |
| 419 | Primary fit Calybe Iunonis anus templique sacerdos |
| 420 | Primary et iuveni ante oculos his se cum vocibus offert: |
| 421 | Primary Turne, tot incassum fusos patiere labores |
| 422 | Primary et tua Dardaniis transcribi sceptra colonis? |
| 423 | Primary Rex tibi coniugium et quaesitas sanguine dotes |
| 424 | Primary abnegat, externusque in regnum quaeritur heres. |
| 425 | Primary I nunc, ingratis offer te, inrise, periclis; |
| 426 | Primary Tyrrhenas, i, sterne acies; tege pace Latinos. |
| 427 | Primary Haec adeo tibi me, placida cum nocte iaceres, |
| 428 | Primary ipsa palam fari omnipotens Saturnia iussit. |
| 429 | Primary Quare age et armari pubem portisque moveri |
| 430 | Primary laetus in arma para, et Phrygios qui flumine pulchro |
| 431 | Primary consedere duces pictasque exure carinas. |
| 432 | Primary Caelestum vis magna iubet. Rex ipse Latinus, |
| 433 | Primary ni dare coniugium et dicto parere fatetur, |
| 434 | Primary sentiat et tandem Turnum experiatur in armis. |
| 435 | Primary Hic iuvenis vatem inridens sic orsa vicissim |
| 436 | Primary ore refert: Classis invectas Thybridis undam |
| 437 | Primary non, ut rere, meas effugit nuntius auris. |
| 438 | Primary Ne tantos mihi finge metus; nec regia Iuno |
| 439 | Primary inmemor est nostri. |
| 440 | Primary Sed te victa situ verique effeta senectus, |
| 441 | Primary o mater, curis nequiquam exercet et arma |
| 442 | Primary regum inter falsa vatem formidine ludit. |
| 443 | Primary Cura tibi divom effigies et templa tueri: |
| 444 | Primary bella viri pacemque gerent, quis bella gerenda. |
| 445 | Primary Talibus Allecto dictis exarsit in iras, |
| 446 | Primary at iuveni oranti subitus tremor occupat artus, |
| 447 | Primary deriguere oculi: tot Erinys sibilat hydris |
| 448 | Primary tantaque se facies aperit; tum flammea torquens |
| 449 | Primary lumina cunctantem et quaerentem dicere plura |
| 450 | Primary reppulit et geminos erexit crinibus anguis |
| 451 | Primary verberaque insonuit rabidoque haec addidit ore: |
| 452 | Primary En ego victa situ, quam veri effeta senectus |
| 453 | Primary arma inter regum falsa formidine ludit. |
| 454 | Primary Respice ad haec: adsum dirarum ab sede sororum, |
| 455 | Primary bella manu letumque gero. |
| 456 | Primary Sic effata facem iuveni coniecit et atro |
| 457 | Primary lumine fumantis fixit sub pectore taedas. |
| 458 | Primary Olli somnum ingens rumpit pavor, ossaque et artus |
| 459 | Primary perfundit toto proruptus corpore sudor; |
| 460 | Primary arma amens fremit, arma toro tectisque requirit; |
| 461 | Primary saevit amor ferri et scelerata insania belli, |
| 462 | Primary ira super: magno veluti cum flamma sonore |
| 463 | Primary virgea suggeritur costis undantis aëni |
| 464 | Primary exsultantque aestu latices, furit intus aquaï |
| 465 | Primary fumidus atque alte spumis exuberat amnis, |
| 466 | Primary nec iam se capit unda, volat vapor ater ad auras. |
| 467 | Primary Ergo iter ad regem polluta pace Latinum |
| 468 | Primary indicit primis iuvenum et iubet arma parari, |
| 469 | Primary tutari Italiam, detrudere finibus hostem: |
| 470 | Primary se satis ambobus Teucrisque venire Latinisque. |
| 471 | Primary Haec ubi dicta dedit divosque in vota vocavit, |
| 472 | Primary certatim sese Rutuli exhortantur in arma: |
| 473 | Primary hunc decus egregium formae movet atque iuventae, |
| 474 | Primary hunc atavi reges, hunc claris dextera factis. |
| 475 | Primary Dum Turnus Rutulos animis audacibus implet, |
| 476 | Primary Allecto in Teucros Stygiis se concitat alis, |
| 477 | Primary arte nova speculata locum, quo litore pulcher |
| 478 | Primary insidiis cursuque feras agitabat Iulus. |
| 479 | Primary Hic subitam canibus rabiem Cocytia virgo |
| 480 | Primary obicit et noto naris contingit odore, |
| 481 | Primary ut cervum ardentes agerent; quae prima laborum |
| 482 | Primary causa fuit belloque animos accendit agrestis. |
| 483 | Primary Cervus erat forma praestanti et cornibus ingens, |
| 484 | Primary Tyrrhidae pueri quem matris ab ubere raptum |
| 485 | Primary nutribant Tyrrhusque pater, cui regia parent |
| 486 | Primary armenta et late custodia credita campi. |
| 487 | Primary Adsuetum imperiis soror omni Silvia cura |
| 488 | Primary mollibus intexens ornabat cornua sertis |
| 489 | Primary pectebatque ferum puroque in fonte lavabat. |
| 490 | Primary Ille, manum patiens mensaeque adsuetus erili, |
| 491 | Primary errabat silvis rursusque ad limina nota |
| 492 | Primary ipse domum sera quamvis se nocte ferebat. |
| 493 | Primary Hunc procul errantem rabidae venantis Iuli |
| 494 | Primary commovere canes, fluvio cum forte secundo |
| 495 | Primary deflueret ripaque aestus viridante levaret. |
| 496 | Primary Ipse etiam, eximiae laudis succensus amore, |
| 497 | Primary Ascanius curvo direxit spicula cornu; |
| 498 | Primary nec dextrae erranti deus afuit, actaque multo |
| 499 | Primary perque uterum sonitu perque ilia venit harundo. |
| 500 | Primary Saucius at quadrupes nota intra tecta refugit |
| 501 | Primary successitque gemens stabulis questuque cruentus |
| 502 | Primary atque imploranti similis tectum omne replebat. |
| 503 | Primary Silvia prima soror, palmis percussa lacertos, |
| 504 | Primary auxilium vocat et duros conclamat agrestis. |
| 505 | Primary Olli, pestis enim tacitis latet aspera silvis, |
| 506 | Primary inprovisi adsunt, hic torre armatus obusto, |
| 507 | Primary stipitis hic gravidi nodis: quod cuique repertum |
| 508 | Primary rimanti, telum ira facit. Vocat agmina Tyrrhus, |
| 509 | Primary quadrifidam quercum cuneis ut forte coactis |
| 510 | Primary scindebat, rapta spirans immane securi. |
| 511 | Primary At saeva e speculis tempus dea nacta nocendi |
| 512 | Primary ardua tecta petit stabuli et de culmine summo |
| 513 | Primary pastorale canit signum cornuque recurvo |
| 514 | Primary Tartaream intendit vocem, qua protinus omne |
| 515 | Primary contremuit nemus et silvae insonuere profundae; |
| 516 | Primary audiit et Triviae longe lacus, audiit amnis |
| 517 | Primary sulfurea Nar albus aqua fontesque Velini, |
| 518 | Primary et trepidae matres pressere ad pectora natos. |
| 519 | Primary Tum vero ad vocem celeres, qua bucina signum |
| 520 | Primary dira dedit, raptis concurrunt undique telis |
| 521 | Primary indomiti agricolae; nec non et Troïa pubes |
| 522 | Primary Ascanio auxilium castris effundit apertis. |
| 523 | Primary Direxere acies. Non iam certamine agresti, |
| 524 | Primary stipitibus duris agitur sudibusve praeustis, |
| 525 | Primary sed ferro ancipiti decernunt atraque late |
| 526 | Primary horrescit strictis seges ensibus aeraque fulgent |
| 527 | Primary sole lacessita et lucem sub nubila iactant: |
| 528 | Primary fluctus uti primo coepit cum albescere vento, |
| 529 | Primary paulatim sese tollit mare et altius undas |
| 530 | Primary erigit, inde imo consurgit ad aethera fundo. |
| 531 | Primary Hic iuvenis primam ante aciem stridente sagitta, |
| 532 | Primary natorum Tyrrhi fuerat qui maximus, Almo, |
| 533 | Primary sternitur; haesit enim sub gutture volnus et udae |
| 534 | Primary vocis iter tenuemque inclusit sanguine vitam. |
| 535 | Primary Corpora multa virum circa seniorque Galaesus, |
| 536 | Primary dum paci medium se offert, iustissimus unus |
| 537 | Primary qui fuit Ausoniisque olim ditissimus arvis: |
| 538 | Primary quinque greges illi balantum, quina redibant |
| 539 | Primary armenta, et terram centum vertebat aratris. |
| 540 | Primary Atque ea per campos aequo dum Marte geruntur, |
| 541 | Primary promissi dea facta potens, ubi sanguine bellum |
| 542 | Primary imbuit et primae commisit funera pugnae, |
| 543 | Primary deserit Hesperiam et caeli convexa per auras |
| 544 | Primary Iunonem victrix adfatur voce superba: |
| 545 | Primary En, perfecta tibi bello discordia tristi: |
| 546 | Primary dic in amicitiam coeant et foedera iungant. |
| 547 | Primary Quando quidem Ausonio respersi sanguine Teucros, |
| 548 | Primary hoc etiam his addam, tua si mihi certa voluntas: |
| 549 | Primary finitimas in bella feram rumoribus urbes |
| 550 | Primary accendamque animos insani Martis amore, |
| 551 | Primary undique ut auxilio veniunt; spargam arma per agros. |
| 552 | Primary Tum contra Iuno; Terrorum et fraudis abunde est; |
| 553 | Primary stant belli causae, pugnatur comminus armis, |
| 554 | Primary quae fors prima dedit sanguis novus imbuit arma. |
| 555 | Primary Talia coniugia et talis celebrent hymenaeos |
| 556 | Primary egregium Veneris genus et rex ipse Latinus. |
| 557 | Primary Te super aetherias errare licentius auras |
| 558 | Primary haud pater ille velit, summi regnator Olympi: |
| 559 | Primary cede locis; ego, siqua super fortuna laborum est, |
| 560 | Primary ipsa regam. Talis dederat Saturnia voces. |
| 561 | Primary Illa autem attollit stridentis anguibus alas |
| 562 | Primary Cocytique petit sedem, supera ardua linquens. |
| 563 | Primary Est locus Italiae medio sub montibus altis, |
| 564 | Primary nobilis et fama multis memoratus in oris, |
| 565 | Primary Amsancti valles: densis hunc frondibus atrum |
| 566 | Primary urguet utrimque latus nemoris, medioque fragosus |
| 567 | Primary dat sonitum saxis et torto vertice torrens. |
| 568 | Primary Hic specus horrendum et saevi spiracula Ditis |
| 569 | Primary monstrantur, ruptoque ingens Acheronte vorago |
| 570 | Primary pestiferas aperit fauces, quis condita Erinys, |
| 571 | Primary invisum numen, terras caelumque levabat. |
| 572 | Primary Nec minus interea extremam Saturnia bello |
| 573 | Primary imponit regina manum. Ruit omnis in urbem |
| 574 | Primary pastorum ex acie numerus caesosque reportant |
| 575 | Primary Almonem puerum foedatique ora Galaesi |
| 576 | Primary implorantque deos obtestanturque Latinum. |
| 577 | Primary Turnus adest medioque in crimine caedis et igni |
| 578 | Primary terrorem ingeminat: Teucros in regna vocari, |
| 579 | Primary stirpem admisceri Phrygiam, se limine pelli. |
| 580 | Primary Tum quorum attonitae Baccho nemora avia matres |
| 581 | Primary insultant thiasis (neque enim leve nomen Amatae), |
| 582 | Primary undique collecti coeunt Martemque fatigant. |
| 583 | Primary Ilicet infandum cuncti contra omina bellum, |
| 584 | Primary contra fata deum perverso numine poscunt, |
| 585 | Primary certatim regis circumstant tecta Latini. |
| 586 | Primary Ille velut pelagi rupes immota resistit, |
| 587 | Primary ut pelagi rupes magno veniente fragore, |
| 588 | Primary quae sese multis circum latrantibus undis |
| 589 | Primary mole tenet; scopuli nequiquam et spumea circum |
| 590 | Primary saxa fremunt laterique inlisa refunditur alga. |
| 591 | Primary Verum ubi nulla datur caecum exsuperare potestas |
| 592 | Primary consilium et saevae nutu Iunonis eunt res, |
| 593 | Primary multa deos aurasque pater testatus inanis: |
| 594 | Primary Frangimur heu fatis, inquit, ferimurque procella! |
| 595 | Primary Ipsi has sacrilego pendetis sanguine poenas, |
| 596 | Primary O miseri. Te, Turne, nefas, te triste manebit |
| 597 | Primary supplicium, votisque deos venerabere seris. |
| 598 | Primary Nam mihi parta quies, omnisque in limine portus; |
| 599 | Primary funere felici spolior. Nec plura locutus |
| 600 | Primary saepsit se tectis rerumque reliquit habenas. |
| 601 | Primary Mos erat Hesperio in Latio, quem protinus urbes |
| 602 | Primary Albanae coluere sacrum nunc maxima rerum |
| 603 | Primary Roma colit, cum prima movent in proelia Martem, |
| 604 | Primary sive Getis inferre manu lacrimabile bellum |
| 605 | Primary Hyrcanisve Arabisve parant seu tendere ad Indos |
| 606 | Primary Auroramque sequi Parthosque reposcere signa. |
| 607 | Primary Sunt geminae belli portae (sic nomine dicunt) |
| 608 | Primary religione sacrae et saevi formidine Martis; |
| 609 | Primary centum aerei claudunt vectes aeternaque ferri |
| 610 | Primary robora, nec custos absistit limine Ianus: |
| 611 | Primary has, ubi certa sedet patribus sententia pugnae, |
| 612 | Primary ipse Quirinali trabea cinctuque Gabino |
| 613 | Primary insignis reserat stridentia limina consul, |
| 614 | Primary ipse vocat pugnas; sequitur tum cetera pubes, |
| 615 | Primary aereaque adsensu conspirant cornua rauco. |
| 616 | Primary Hoc et tum Aeneadis indicere bella Latinus |
| 617 | Primary more iubebatur tristisque recludere portas. |
| 618 | Primary Abstinuit tactu pater aversusque refugit |
| 619 | Primary foeda ministeria et caecis se condidit umbris. |
| 620 | Primary Tum regina deum caelo delapsa morantis |
| 621 | Primary impulit ipsa manu portas, et cardine verso |
| 622 | Primary belli ferratos rumpit Saturnia postes. |
| 623 | Primary Ardet inexcita Ausonia atque immobilis ante; |
| 624 | Primary Pars pedes ire parat campis, pars arduus altis |
| 625 | Primary pulverulentus equis furit; omnes arma requirunt. |
| 626 | Primary Pars levis clipeos et spicula lucida tergent |
| 627 | Primary arvina pingui subiguntque in cote secures; |
| 628 | Primary signaque ferre iuvat sonitusque audire tubarum. |
| 629 | Primary Quinque adeo magnae positis incudibus urbes |
| 630 | Primary tela novant, Atina potens Tiburque superbum, |
| 631 | Primary Ardea Crustumerique et turrigerae Antemnae. |
| 632 | Primary Tegmina tuta cavant capitum flectuntque salignas |
| 633 | Primary umbonum cratis; alii thoracas aenos |
| 634 | Primary aut levis ocreas lento ducunt argento; |
| 635 | Primary vomeris huc et falcis honos, huc omnis aratri |
| 636 | Primary cessit amor; recoquunt patrios fornacibus enses. |
| 637 | Primary Classica iamque sonant; it bello tessera signum. |
| 638 | Primary Hic galeam tectis trepidus rapit, ille frementis |
| 639 | Primary ad iuga cogit equos clipeumque auroque trilicem |
| 640 | Primary loricam induitur fidoque accingitur ense. |
| 641 | Primary Pandite nunc Helicona, deae, cantusque movete, |
| 642 | Primary qui bello exciti reges, quae quemque secutae |
| 643 | Primary complerint campos acies, quibus Itala iam tum |
| 644 | Primary floruerit terra alma viris, quibus arserit armis. |
| 645 | Primary Et meministis enim, divae, et memorare potestis: |
| 646 | Primary ad nos vix tenuis famae perlabitur aura. |
| 647 | Primary Primus init bellum Tyrrhenis asper ab oris |
| 648 | Primary contemptor divom Mezentius agminaque armat. |
| 649 | Primary Filius huic iuxta Lausus, quo pulchrior alter |
| 650 | Primary non fuit excepto Laurentis corpore Turni, |
| 651 | Primary Lausus, equum domitor debellatorque ferarum, |
| 652 | Primary ducit Agyllina nequiquam ex urbe secutos |
| 653 | Primary mille viros, dignus, patriis qui laetior esset |
| 654 | Primary imperiis et cui pater haud Mezentius esset. |
| 655 | Primary Post hos insignem palma per gramina currum |
| 656 | Primary victoresque ostentat equos satus Hercule pulchro |
| 657 | Primary pulcher Aventinus, clipeoque insigne paternum |
| 658 | Primary centum angues cinctamque gerit serpentibus hydram; |
| 659 | Primary collis Aventini silva quem Rhea sacerdos |
| 660 | Primary furtivum partu sub luminis edidit oras, |
| 661 | Primary mixta deo mulier, postquam Laurentia victor |
| 662 | Primary Geryone extincto Tirynthius attigit arva |
| 663 | Primary Tyrrhenoque boves in flumine lavit Hiberas. |
| 664 | Primary Pila manu saevosque gerunt in bella dolones |
| 665 | Primary et tereti pugnant mucrone veruque Sabello. |
| 666 | Primary Ipse pedes, tegumen torquens immane leonis, |
| 667 | Primary terribili impexum saeta cum dentibus albis |
| 668 | Primary indutus capiti, sic regia tecta subibat, |
| 669 | Primary horridus, Herculeoque umeros innexus amictu. |
| 670 | Primary Tum gemini fratres Tiburtia moenia linquunt, |
| 671 | Primary fratris Tiburti dictam cognomine gentem, |
| 672 | Primary Catillusque acerque Coras, Argiva iuventus, |
| 673 | Primary et primam ante aciem densa inter tela feruntur: |
| 674 | Primary ceu duo nubigenae cum vertice montis ab alto |
| 675 | Primary descendunt centauri, Homolen Othrymque nivalem |
| 676 | Primary linquentes cursu rapido; dat euntibus ingens |
| 677 | Primary silva locum et magno cedunt virgulta fragore. |
| 678 | Primary Nec Praenestinae fundator defuit urbis, |
| 679 | Primary Volcano genitum pecora inter agrestia regem |
| 680 | Primary inventumque focis omnis quem credidit aetas |
| 681 | Primary Caeculus. Hunc late legio comitatur agrestis: |
| 682 | Primary quique altum Praeneste viri quique arva Gabinae |
| 683 | Primary Iunonis gelidumque Anienem et roscida rivis |
| 684 | Primary Hernica saxa colunt, quos dives Anagnia pascit, |
| 685 | Primary quos, Amasene pater. Non illis omnibus arma, |
| 686 | Primary nec clipei currusve sonant: pars maxima glandes |
| 687 | Primary liventis plumbi spargit, pars spicula gestat |
| 688 | Primary bina manu, fulvosque lupi de pelle galeros |
| 689 | Primary tegmen habent capiti, vestigia nuda sinistri |
| 690 | Primary instituere pedis, crudus tegit altera pero. |
| 691 | Primary At Messapus, equum domitor, Neptunia proles, |
| 692 | Primary quem neque fas igni cuiquam nec sternere ferro, |
| 693 | Primary iam pridem resides populos desuetaque bello |
| 694 | Primary agmina in arma vocat subito ferrumque retractat. |
| 695 | Primary Hi Fescenninas acies Aequosque Faliscos. |
| 696 | Primary Hi Soractis habent arces Flaviniaque arva |
| 697 | Primary et Cimini cum monte lacum lucosque Capenos. |
| 698 | Primary Ibant aequati numero regemque canebant, |
| 699 | Primary ceu quondam nivei liquida inter nubila cycni, |
| 700 | Primary cum sese e pastu referunt et longa canoros |
| 701 | Primary dant per colla modos, sonat amnis et Asia longe |
| 702 | Primary pulsa palus. |
| 703 | Primary Nec quisquam aeratas acies ex agmine tanto |
| 704 | Primary misceri putet, aeriam sed gurgite ab alto |
| 705 | Primary urgueri volucrum raucarum ad litora nubem. |
| 706 | Primary Ecce Sabinorum prisco de sanguine magnum |
| 707 | Primary agmen agens Clausus magnique ipse agminis instar, |
| 708 | Primary Claudia nunc a quo diffunditur et tribus et gens |
| 709 | Primary per Latium, postquam in partem data Roma Sabinis. |
| 710 | Primary Una ingens Amiterna cohors priscique Quirites, |
| 711 | Primary Ereti manus omnis oliviferaeque Mutuscae; |
| 712 | Primary qui Nomentum urbem, qui Rosea rura Velini, |
| 713 | Primary qui Tetricae horrentis rupes montemque Severum |
| 714 | Primary Casperiamque colunt Forulosque et flumen Himellae, |
| 715 | Primary qui Tiberim Fabarimque bibunt, quos frigida misit |
| 716 | Primary Nursia, et Hortinae classes populique Latini, |
| 717 | Primary quosque secans infaustum interluit Allia nomen: |
| 718 | Primary quam multi Libyco volvuntur marmore fluctus |
| 719 | Primary saevus ubi Orion hibernis conditur undis; |
| 720 | Primary vel cum sole novo densae torrentur aristae |
| 721 | Primary aut Hermi campo aut Lyciae flaventibus arvis. |
| 722 | Primary Scuta sonant pulsuque pedum conterrita tellus. |
| 723 | Primary Hinc Agamemnonius, Troiani nominis hostis, |
| 724 | Primary curru iungit Halaesus equos Turnoque ferocis |
| 725 | Primary mille rapit populos, vertunt felicia Baccho |
| 726 | Primary Massica qui rastris et quos de collibus altis |
| 727 | Primary Aurunci misere patres, Sidicinaque iuxta |
| 728 | Primary aequora quique Cales linquunt, amnisque vadosi |
| 729 | Primary accola Volturni, pariterque Saticulus asper |
| 730 | Primary Oscorumque manus. Teretes sunt aclydes illis |
| 731 | Primary tela, sed haec lento mos est aptare flagello; |
| 732 | Primary laevas caetra tegit, falcati comminus enses. |
| 733 | Primary Nec tu carminibus nostris indictus abibis, |
| 734 | Primary Oebale, quem generasse Telon Sebethide nympha |
| 735 | Primary fertur, Teleboum Capreas cum regna teneret, |
| 736 | Primary iam senior; patriis sed non et filius arvis |
| 737 | Primary contentus late iam tum dicione premebat |
| 738 | Primary Sarrastis populos et quae rigat aequora Sarnus |
| 739 | Primary quique Rufras Batulumque tenent atque arva Celemnae |
| 740 | Primary et quos maliferae despectant moenia Abellae, |
| 741 | Primary Teutonico ritu soliti torquere cateias, |
| 742 | Primary tegmina quis capitum raptus de subere cortex, |
| 743 | Primary aerataeque micant peltae, micat aereus ensis. |
| 744 | Primary Et te montosae misere in proelia Nersae, |
| 745 | Primary Ufens, insignem fama et felicibus armis; |
| 746 | Primary horrida praecipue cui gens adsuetaque multo |
| 747 | Primary venatu nemorum, duris Aequicula glaebis. |
| 748 | Primary Armati terram exercent, semperque recentis |
| 749 | Primary convectare iuvat praedas et vivere rapto. |
| 750 | Primary Quin et Marruvia venit de gente sacerdos, |
| 751 | Primary fronde super galeam et felici comptus oliva. |
| 752 | Primary Archippi regis missu, fortissimus Umbro, |
| 753 | Primary vipereo generi et graviter spirantibus hydris |
| 754 | Primary spargere qui somnos cantuque manuque solebat |
| 755 | Primary mulcebatque iras et morsus arte levabat. |
| 756 | Primary Sed non Dardaniae medicari cuspidis ictum |
| 757 | Primary evaluit, neque eum iuvere in volnera cantus |
| 758 | Primary somniferi et Marsis quaesitae montibus herbae. |
| 759 | Primary Te nemus Angitiae, vitrea te Fucinus unda, |
| 760 | Primary te liquidi flevere lacus. |
| 761 | Primary Ibat et Hippolyti proles pulcherrima bello, |
| 762 | Primary Virbius, insignem quem mater Aricia misit, |
| 763 | Primary eductum Egeriae lucis umentia circum |
| 764 | Primary litora, pinguis ubi et placabilis ara Dianae. |
| 765 | Primary Namque ferunt fama Hippolytum, postquam arte novercae |
| 766 | Primary occiderit patriasque explerit sanguine poenas |
| 767 | Primary turbatis distractus equis, ad sidera rursus |
| 768 | Primary aetheria et superas caeli venisse sub auras, |
| 769 | Primary Paeoniis revocatum herbis et amore Dianae. |
| 770 | Primary Tum pater omnipotens, aliquem indignatus ab umbris |
| 771 | Primary mortalem infernis ad lumina surgere vitae, |
| 772 | Primary ipse repertorem medicinae talis et artis |
| 773 | Primary fulmine Phoebigenam Stygias detrusit ad undas. |
| 774 | Primary At Trivia Hippolytum secretis alma recondit |
| 775 | Primary sedibus et nymphae Egeriae nemorique relegat, |
| 776 | Primary solus ubi in silvis Italis ignobilis aevom |
| 777 | Primary exigeret versoque ubi nomine Virbius esset. |
| 778 | Primary Unde etiam templo Triviae lucisque sacratis |
| 779 | Primary cornipedes arcentur equi, quod litore currum |
| 780 | Primary et iuvenem monstris pavidi effudere marinis. |
| 781 | Primary Filius ardentis haud setius aequore campi |
| 782 | Primary exercebat equos curruque in bella ruebat. |
| 783 | Primary Ipse inter primos praestanti corpore Turnus |
| 784 | Primary vertitur arma tenens et toto vertice supra est. |
| 785 | Primary Cui triplici crinita iuba galea alta Chimaeram |
| 786 | Primary sustinet, Aetnaeos efflantem faucibus ignis: |
| 787 | Primary tam magis illa fremens et tristibus effera flammis, |
| 788 | Primary quam magis effuso crudescunt sanguine pugnae. |
| 789 | Primary At levem clipeum sublatis cornibus Io |
| 790 | Primary auro insignibat, iam saetis obsita, iam bos |
| 791 | Primary (argumentum ingens), et custos virginis Argus |
| 792 | Primary caelataque amnem fundens pater Inachus urna. |
| 793 | Primary Insequitur nimbus peditum clipeataque totis |
| 794 | Primary agmina densentur campis, Argivaque pubes |
| 795 | Primary Auruncaeque manus, Rutuli veteresque Sicani |
| 796 | Primary et Sacranae acies et picti scuta Labici; |
| 797 | Primary qui saltus, Tiberine, tuos sacrumque Numici |
| 798 | Primary litus arant Rutulosque exercent vomere colles |
| 799 | Primary Circaeumque iugum, quis Iuppiter Anxurus arvis |
| 800 | Primary praesidet et viridi gaudens Feronia luco; |
| 801 | Primary qua Saturae iacet atra palus gelidusque per imas |
| 802 | Primary quaerit iter vallis atque in mare conditur Ufens. |
| 803 | Primary Hos super advenit Volsca de gente Camilla |
| 804 | Primary agmen agens equitum et florentis aere catervas, |
| 805 | Primary bellatrix, non illa colo calathisve Minervae |
| 806 | Primary femineas adsueta manus, sed proelia virgo |
| 807 | Primary dura pati cursuque pedum praevertere ventos. |
| 808 | Primary Illa vel intactae segetis per summa volaret |
| 809 | Primary gramina nec teneras cursu laesisset aristas, |
| 810 | Primary vel mare per medium fluctu suspensa tumenti |
| 811 | Primary ferret iter celeris nec tingueret aequore plantas. |
| 812 | Primary Illam omnis tectis agrisque effusa iuventus |
| 813 | Primary turbaque miratur matrum et prospectat euntem, |
| 814 | Primary attonitis inhians animis, ut regius ostro |
| 815 | Primary velet honos levis umeros, ut fibula crinem |
| 816 | Primary auro internectat, Lyciam ut gerat ipsa pharetram |
| 817 | Primary et pastoralem praefixa cuspide myrtum. |