Reader
Reader | Iliad, Book 12
Iliad
Homer
Text
Position
Line 1 of 471
Waypoints
| Line Ref | Monro and Allen | Ancient Greek |
|---|---|
| 1 | Primary ὣς ὃ μὲν ἐν κλισίῃσι Μενοιτίου ἄλκιμος υἱὸς |
| 2 | Primary ἰᾶτʼ Εὐρύπυλον βεβλημένον· οἳ δὲ μάχοντο |
| 3 | Primary Ἀργεῖοι καὶ Τρῶες ὁμιλαδόν· οὐδʼ ἄρʼ ἔμελλε |
| 4 | Primary τάφρος ἔτι σχήσειν Δαναῶν καὶ τεῖχος ὕπερθεν |
| 5 | Primary εὐρύ, τὸ ποιήσαντο νεῶν ὕπερ, ἀμφὶ δὲ τάφρον |
| 6 | Primary ἤλασαν· οὐδὲ θεοῖσι δόσαν κλειτὰς ἑκατόμβας· |
| 7 | Primary ὄφρά σφιν νῆάς τε θοὰς καὶ ληΐδα πολλὴν |
| 8 | Primary ἐντὸς ἔχον ῥύοιτο· θεῶν δʼ ἀέκητι τέτυκτο |
| 9 | Primary ἀθανάτων· τὸ καὶ οὔ τι πολὺν χρόνον ἔμπεδον ἦεν. |
| 10 | Primary ὄφρα μὲν Ἕκτωρ ζωὸς ἔην καὶ μήνιʼ Ἀχιλλεὺς |
| 11 | Primary καὶ Πριάμοιο ἄνακτος ἀπόρθητος πόλις ἔπλεν, |
| 12 | Primary τόφρα δὲ καὶ μέγα τεῖχος Ἀχαιῶν ἔμπεδον ἦεν. |
| 13 | Primary αὐτὰρ ἐπεὶ κατὰ μὲν Τρώων θάνον ὅσσοι ἄριστοι, |
| 14 | Primary πολλοὶ δʼ Ἀργείων οἳ μὲν δάμεν, οἳ δὲ λίποντο, |
| 15 | Primary πέρθετο δὲ Πριάμοιο πόλις δεκάτῳ ἐνιαυτῷ, |
| 16 | Primary Ἀργεῖοι δʼ ἐν νηυσὶ φίλην ἐς πατρίδʼ ἔβησαν, |
| 17 | Primary δὴ τότε μητιόωντο Ποσειδάων καὶ Ἀπόλλων |
| 18 | Primary τεῖχος ἀμαλδῦναι ποταμῶν μένος εἰσαγαγόντες. |
| 19 | Primary ὅσσοι ἀπʼ Ἰδαίων ὀρέων ἅλα δὲ προρέουσι, |
| 20 | Primary Ῥῆσός θʼ Ἑπτάπορός τε Κάρησός τε Ῥοδίος τε |
| 21 | Primary Γρήνικός τε καὶ Αἴσηπος δῖός τε Σκάμανδρος |
| 22 | Primary καὶ Σιμόεις, ὅθι πολλὰ βοάγρια καὶ τρυφάλειαι |
| 23 | Primary κάππεσον ἐν κονίῃσι καὶ ἡμιθέων γένος ἀνδρῶν· |
| 24 | Primary τῶν πάντων ὁμόσε στόματʼ ἔτραπε Φοῖβος Ἀπόλλων, |
| 25 | Primary ἐννῆμαρ δʼ ἐς τεῖχος ἵει ῥόον· ὗε δʼ ἄρα Ζεὺς |
| 26 | Primary συνεχές, ὄφρά κε θᾶσσον ἁλίπλοα τείχεα θείη. |
| 27 | Primary αὐτὸς δʼ ἐννοσίγαιος ἔχων χείρεσσι τρίαιναν |
| 28 | Primary ἡγεῖτʼ, ἐκ δʼ ἄρα πάντα θεμείλια κύμασι πέμπε |
| 29 | Primary φιτρῶν καὶ λάων, τὰ θέσαν μογέοντες Ἀχαιοί, |
| 30 | Primary λεῖα δʼ ἐποίησεν παρʼ ἀγάρροον Ἑλλήσποντον, |
| 31 | Primary αὖτις δʼ ἠϊόνα μεγάλην ψαμάθοισι κάλυψε |
| 32 | Primary τεῖχος ἀμαλδύνας· ποταμοὺς δʼ ἔτρεψε νέεσθαι |
| 33 | Primary κὰρ ῥόον, ᾗ περ πρόσθεν ἵεν καλλίρροον ὕδωρ. |
| 34 | Primary ὣς ἄρʼ ἔμελλον ὄπισθε Ποσειδάων καὶ Ἀπόλλων |
| 35 | Primary θησέμεναι· τότε δʼ ἀμφὶ μάχη ἐνοπή τε δεδήει |
| 36 | Primary τεῖχος ἐΰδμητον, κανάχιζε δὲ δούρατα πύργων |
| 37 | Primary βαλλόμενʼ· Ἀργεῖοι δὲ Διὸς μάστιγι δαμέντες |
| 38 | Primary νηυσὶν ἔπι γλαφυρῇσιν ἐελμένοι ἰσχανόωντο |
| 39 | Primary Ἕκτορα δειδιότες, κρατερὸν μήστωρα φόβοιο· |
| 40 | Primary αὐτὰρ ὅ γʼ ὡς τὸ πρόσθεν ἐμάρνατο ἶσος ἀέλλῃ· |
| 41 | Primary ὡς δʼ ὅτʼ ἂν ἔν τε κύνεσσι καὶ ἀνδράσι θηρευτῇσι |
| 42 | Primary κάπριος ἠὲ λέων στρέφεται σθένεϊ βλεμεαίνων· |
| 43 | Primary οἳ δέ τε πυργηδὸν σφέας αὐτοὺς ἀρτύναντες |
| 44 | Primary ἀντίον ἵστανται καὶ ἀκοντίζουσι θαμειὰς |
| 45 | Primary αἰχμὰς ἐκ χειρῶν· τοῦ δʼ οὔ ποτε κυδάλιμον κῆρ |
| 46 | Primary ταρβεῖ οὐδὲ φοβεῖται, ἀγηνορίη δέ μιν ἔκτα· |
| 47 | Primary ταρφέα τε στρέφεται στίχας ἀνδρῶν πειρητίζων· |
| 48 | Primary ὅππῃ τʼ ἰθύσῃ τῇ εἴκουσι στίχες ἀνδρῶν· |
| 49 | Primary ὣς Ἕκτωρ ἀνʼ ὅμιλον ἰὼν ἐλλίσσεθʼ ἑταίρους |
| 50 | Primary τάφρον ἐποτρύνων διαβαινέμεν· οὐδέ οἱ ἵπποι |
| 51 | Primary τόλμων ὠκύποδες, μάλα δὲ χρεμέτιζον ἐπʼ ἄκρῳ |
| 52 | Primary χείλει ἐφεσταότες· ἀπὸ γὰρ δειδίσσετο τάφρος |
| 53 | Primary εὐρεῖʼ, οὔτʼ ἄρʼ ὑπερθορέειν σχεδὸν οὔτε περῆσαι |
| 54 | Primary ῥηϊδίη· κρημνοὶ γὰρ ἐπηρεφέες περὶ πᾶσαν |
| 55 | Primary ἕστασαν ἀμφοτέρωθεν, ὕπερθεν δὲ σκολόπεσσιν |
| 56 | Primary ὀξέσιν ἠρήρει, τοὺς ἵστασαν υἷες Ἀχαιῶν |
| 57 | Primary πυκνοὺς καὶ μεγάλους δηΐων ἀνδρῶν ἀλεωρήν. |
| 58 | Primary ἔνθʼ οὔ κεν ῥέα ἵππος ἐΰτροχον ἅρμα τιταίνων |
| 59 | Primary ἐσβαίη, πεζοὶ δὲ μενοίνεον εἰ τελέουσι. |
| 60 | Primary δὴ τότε Πουλυδάμας θρασὺν Ἕκτορα εἶπε παραστάς· |
| 61 | Primary Ἕκτορ τʼ ἠδʼ ἄλλοι Τρώων ἀγοὶ ἠδʼ ἐπικούρων |
| 62 | Primary ἀφραδέως διὰ τάφρον ἐλαύνομεν ὠκέας ἵππους· |
| 63 | Primary ἣ δὲ μάλʼ ἀργαλέη περάαν· σκόλοπες γὰρ ἐν αὐτῇ |
| 64 | Primary ὀξέες ἑστᾶσιν, ποτὶ δʼ αὐτοὺς τεῖχος Ἀχαιῶν, |
| 65 | Primary ἔνθʼ οὔ πως ἔστιν καταβήμεναι οὐδὲ μάχεσθαι |
| 66 | Primary ἱππεῦσι· στεῖνος γάρ, ὅθι τρώσεσθαι ὀΐω. |
| 67 | Primary εἰ μὲν γὰρ τοὺς πάγχυ κακὰ φρονέων ἀλαπάζει |
| 68 | Primary Ζεὺς ὑψιβρεμέτης, Τρώεσσι δὲ ἵετʼ ἀρήγειν, |
| 69 | Primary ἦ τʼ ἂν ἔγωγʼ ἐθέλοιμι καὶ αὐτίκα τοῦτο γενέσθαι, |
| 70 | Primary νωνύμνους ἀπολέσθαι ἀπʼ Ἄργεος ἐνθάδʼ Ἀχαιούς· |
| 71 | Primary εἰ δέ χʼ ὑποστρέψωσι, παλίωξις δὲ γένηται |
| 72 | Primary ἐκ νηῶν καὶ τάφρῳ ἐνιπλήξωμεν ὀρυκτῇ, |
| 73 | Primary οὐκέτʼ ἔπειτʼ ὀΐω οὐδʼ ἄγγελον ἀπονέεσθαι |
| 74 | Primary ἄψορρον προτὶ ἄστυ ἑλιχθέντων ὑπʼ Ἀχαιῶν. |
| 75 | Primary ἀλλʼ ἄγεθʼ ὡς ἂν ἐγὼ εἴπω πειθώμεθα πάντες· |
| 76 | Primary ἵππους μὲν θεράποντες ἐρυκόντων ἐπὶ τάφρῳ, |
| 77 | Primary αὐτοὶ δὲ πρυλέες σὺν τεύχεσι θωρηχθέντες |
| 78 | Primary Ἕκτορι πάντες ἑπώμεθʼ ἀολλέες· αὐτὰρ Ἀχαιοὶ |
| 79 | Primary οὐ μενέουσʼ εἰ δή σφιν ὀλέθρου πείρατʼ ἐφῆπται. |
| 80 | Primary ὣς φάτο Πουλυδάμας, ἅδε δʼ Ἕκτορι μῦθος ἀπήμων, |
| 81 | Primary αὐτίκα δʼ ἐξ ὀχέων σὺν τεύχεσιν ἆλτο χαμᾶζε. |
| 82 | Primary οὐδὲ μὲν ἄλλοι Τρῶες ἐφʼ ἵππων ἠγερέθοντο, |
| 83 | Primary ἀλλʼ ἀπὸ πάντες ὄρουσαν, ἐπεὶ ἴδον Ἕκτορα δῖον. |
| 84 | Primary ἡνιόχῳ μὲν ἔπειτα ἑῷ ἐπέτελλεν ἕκαστος |
| 85 | Primary ἵππους εὖ κατὰ κόσμον ἐρυκέμεν αὖθʼ ἐπὶ τάφρῳ· |
| 86 | Primary οἳ δὲ διαστάντες σφέας αὐτοὺς ἀρτύναντες |
| 87 | Primary πένταχα κοσμηθέντες ἅμʼ ἡγεμόνεσσιν ἕποντο. |
| 88 | Primary οἳ μὲν ἅμʼ Ἕκτορʼ ἴσαν καὶ ἀμύμονι Πουλυδάμαντι, |
| 89 | Primary οἳ πλεῖστοι καὶ ἄριστοι ἔσαν, μέμασαν δὲ μάλιστα |
| 90 | Primary τεῖχος ῥηξάμενοι κοίλῃς ἐπὶ νηυσὶ μάχεσθαι. |
| 91 | Primary καί σφιν Κεβριόνης τρίτος εἵπετο· πὰρ δʼ ἄρʼ ὄχεσφιν |
| 92 | Primary ἄλλον Κεβριόναο χερείονα κάλλιπεν Ἕκτωρ. |
| 93 | Primary τῶν δʼ ἑτέρων Πάρις ἦρχε καὶ Ἀλκάθοος καὶ Ἀγήνωρ, |
| 94 | Primary τῶν δὲ τρίτων Ἕλενος καὶ Δηΐφοβος θεοειδὴς |
| 95 | Primary υἷε δύω Πριάμοιο· τρίτος δʼ ἦν Ἄσιος ἥρως |
| 96 | Primary Ἄσιος Ὑρτακίδης, ὃν Ἀρίσβηθεν φέρον ἵπποι |
| 97 | Primary αἴθωνες μεγάλοι ποταμοῦ ἄπο Σελλήεντος. |
| 98 | Primary τῶν δὲ τετάρτων ἦρχεν ἐῢς πάϊς Ἀγχίσαο |
| 99 | Primary Αἰνείας, ἅμα τῷ γε δύω Ἀντήνορος υἷε |
| 100 | Primary Ἀρχέλοχός τʼ Ἀκάμας τε μάχης εὖ εἰδότε πάσης. |
| 101 | Primary Σαρπηδὼν δʼ ἡγήσατʼ ἀγακλειτῶν ἐπικούρων, |
| 102 | Primary πρὸς δʼ ἕλετο Γλαῦκον καὶ ἀρήϊον Ἀστεροπαῖον· |
| 103 | Primary οἳ γάρ οἱ εἴσαντο διακριδὸν εἶναι ἄριστοι |
| 104 | Primary τῶν ἄλλων μετά γʼ αὐτόν· ὃ δʼ ἔπρεπε καὶ διὰ πάντων. |
| 105 | Primary οἳ δʼ ἐπεὶ ἀλλήλους ἄραρον τυκτῇσι βόεσσι |
| 106 | Primary βάν ῥʼ ἰθὺς Δαναῶν λελιημένοι, οὐδʼ ἔτʼ ἔφαντο |
| 107 | Primary σχήσεσθʼ, ἀλλʼ ἐν νηυσὶ μελαίνῃσιν πεσέεσθαι. |
| 108 | Primary ἔνθʼ ἄλλοι Τρῶες τηλεκλειτοί τʼ ἐπίκουροι |
| 109 | Primary βουλῇ Πουλυδάμαντος ἀμωμήτοιο πίθοντο· |
| 110 | Primary ἀλλʼ οὐχ Ὑρτακίδης ἔθελʼ Ἄσιος ὄρχαμος ἀνδρῶν |
| 111 | Primary αὖθι λιπεῖν ἵππους τε καὶ ἡνίοχον θεράποντα, |
| 112 | Primary ἀλλὰ σὺν αὐτοῖσιν πέλασεν νήεσσι θοῇσι |
| 113 | Primary νήπιος, οὐδʼ ἄρʼ ἔμελλε κακὰς ὑπὸ κῆρας ἀλύξας |
| 114 | Primary ἵπποισιν καὶ ὄχεσφιν ἀγαλλόμενος παρὰ νηῶν |
| 115 | Primary ἂψ ἀπονοστήσειν προτὶ Ἴλιον ἠνεμόεσσαν· |
| 116 | Primary πρόσθεν γάρ μιν μοῖρα δυσώνυμος ἀμφεκάλυψεν |
| 117 | Primary ἔγχεϊ Ἰδομενῆος ἀγαυοῦ Δευκαλίδαο. |
| 118 | Primary εἴσατο γὰρ νηῶν ἐπʼ ἀριστερά, τῇ περ Ἀχαιοὶ |
| 119 | Primary ἐκ πεδίου νίσοντο σὺν ἵπποισιν καὶ ὄχεσφι· |
| 120 | Primary τῇ ῥʼ ἵππους τε καὶ ἅρμα διήλασεν, οὐδὲ πύλῃσιν |
| 121 | Primary εὗρʼ ἐπικεκλιμένας σανίδας καὶ μακρὸν ὀχῆα, |
| 122 | Primary ἀλλʼ ἀναπεπταμένας ἔχον ἀνέρες, εἴ τινʼ ἑταίρων |
| 123 | Primary ἐκ πολέμου φεύγοντα σαώσειαν μετὰ νῆας. |
| 124 | Primary τῇ ῥʼ ἰθὺς φρονέων ἵππους ἔχε, τοὶ δʼ ἅμʼ ἕποντο |
| 125 | Primary ὀξέα κεκλήγοντες· ἔφαντο γὰρ οὐκ ἔτʼ Ἀχαιοὺς |
| 126 | Primary σχήσεσθʼ, ἀλλʼ ἐν νηυσὶ μελαίνῃσιν πεσέεσθαι |
| 127 | Primary νήπιοι, ἐν δὲ πύλῃσι δύʼ ἀνέρας εὗρον ἀρίστους |
| 128 | Primary υἷας ὑπερθύμους Λαπιθάων αἰχμητάων, |
| 129 | Primary τὸν μὲν Πειριθόου υἷα κρατερὸν Πολυποίτην, |
| 130 | Primary τὸν δὲ Λεοντῆα βροτολοιγῷ ἶσον Ἄρηϊ. |
| 131 | Primary τὼ μὲν ἄρα προπάροιθε πυλάων ὑψηλάων |
| 132 | Primary ἕστασαν ὡς ὅτε τε δρύες οὔρεσιν ὑψικάρηνοι, |
| 133 | Primary αἵ τʼ ἄνεμον μίμνουσι καὶ ὑετὸν ἤματα πάντα |
| 134 | Primary ῥίζῃσιν μεγάλῃσι διηνεκέεσσʼ ἀραρυῖαι· |
| 135 | Primary ὣς ἄρα τὼ χείρεσσι πεποιθότες ἠδὲ βίηφι |
| 136 | Primary μίμνον ἐπερχόμενον μέγαν Ἄσιον οὐδὲ φέβοντο. |
| 137 | Primary οἳ δʼ ἰθὺς πρὸς τεῖχος ἐΰδμητον βόας αὔας |
| 138 | Primary ὑψόσʼ ἀνασχόμενοι ἔκιον μεγάλῳ ἀλαλητῷ |
| 139 | Primary Ἄσιον ἀμφὶ ἄνακτα καὶ Ἰαμενὸν καὶ Ὀρέστην |
| 140 | Primary Ἀσιάδην τʼ Ἀδάμαντα Θόωνά τε Οἰνόμαόν τε. |
| 141 | Primary οἳ δʼ ἤτοι εἷος μὲν ἐϋκνήμιδας Ἀχαιοὺς |
| 142 | Primary ὄρνυον ἔνδον ἐόντες ἀμύνεσθαι περὶ νηῶν· |
| 143 | Primary αὐτὰρ ἐπεὶ δὴ τεῖχος ἐπεσσυμένους ἐνόησαν |
| 144 | Primary Τρῶας, ἀτὰρ Δαναῶν γένετο ἰαχή τε φόβος τε, |
| 145 | Primary ἐκ δὲ τὼ ἀΐξαντε πυλάων πρόσθε μαχέσθην |
| 146 | Primary ἀγροτέροισι σύεσσιν ἐοικότε, τώ τʼ ἐν ὄρεσσιν |
| 147 | Primary ἀνδρῶν ἠδὲ κυνῶν δέχαται κολοσυρτὸν ἰόντα, |
| 148 | Primary δοχμώ τʼ ἀΐσσοντε περὶ σφίσιν ἄγνυτον ὕλην |
| 149 | Primary πρυμνὴν ἐκτάμνοντες, ὑπαὶ δέ τε κόμπος ὀδόντων |
| 150 | Primary γίγνεται εἰς ὅ κέ τίς τε βαλὼν ἐκ θυμὸν ἕληται· |
| 151 | Primary ὣς τῶν κόμπει χαλκὸς ἐπὶ στήθεσσι φαεινὸς |
| 152 | Primary ἄντην βαλλομένων· μάλα γὰρ κρατερῶς ἐμάχοντο |
| 153 | Primary λαοῖσιν καθύπερθε πεποιθότες ἠδὲ βίηφιν. |
| 154 | Primary οἳ δʼ ἄρα χερμαδίοισιν ἐϋδμήτων ἀπὸ πύργων |
| 155 | Primary βάλλον ἀμυνόμενοι σφῶν τʼ αὐτῶν καὶ κλισιάων |
| 156 | Primary νηῶν τʼ ὠκυπόρων· νιφάδες δʼ ὡς πῖπτον ἔραζε, |
| 157 | Primary ἅς τʼ ἄνεμος ζαὴς νέφεα σκιόεντα δονήσας |
| 158 | Primary ταρφειὰς κατέχευεν ἐπὶ χθονὶ πουλυβοτείρῃ· |
| 159 | Primary ὣς τῶν ἐκ χειρῶν βέλεα ῥέον ἠμὲν Ἀχαιῶν |
| 160 | Primary ἠδὲ καὶ ἐκ Τρώων· κόρυθες δʼ ἀμφʼ αὖον ἀΰτευν |
| 161 | Primary βαλλομένων μυλάκεσσι καὶ ἀσπίδες ὀμφαλόεσσαι. |
| 162 | Primary δή ῥα τότʼ ᾤμωξεν καὶ ὣ πεπλήγετο μηρὼ |
| 163 | Primary Ἄσιος Ὑρτακίδης, καὶ ἀλαστήσας ἔπος ηὔδα· |
| 164 | Primary Ζεῦ πάτερ ἦ ῥά νυ καὶ σὺ φιλοψευδὴς ἐτέτυξο |
| 165 | Primary πάγχυ μάλʼ· οὐ γὰρ ἔγωγʼ ἐφάμην ἥρωας Ἀχαιοὺς |
| 166 | Primary σχήσειν ἡμέτερόν γε μένος καὶ χεῖρας ἀάπτους. |
| 167 | Primary οἳ δʼ, ὥς τε σφῆκες μέσον αἰόλοι ἠὲ μέλισσαι |
| 168 | Primary οἰκία ποιήσωνται ὁδῷ ἔπι παιπαλοέσσῃ, |
| 169 | Primary οὐδʼ ἀπολείπουσιν κοῖλον δόμον, ἀλλὰ μένοντες |
| 170 | Primary ἄνδρας θηρητῆρας ἀμύνονται περὶ τέκνων, |
| 171 | Primary ὣς οἵ γʼ οὐκ ἐθέλουσι πυλάων καὶ δύʼ ἐόντε |
| 172 | Primary χάσσασθαι πρίν γʼ ἠὲ κατακτάμεν ἠὲ ἁλῶναι. |
| 173 | Primary ὣς ἔφατʼ, οὐδὲ Διὸς πεῖθε φρένα ταῦτʼ ἀγορεύων· |
| 174 | Primary Ἕκτορι γάρ οἱ θυμὸς ἐβούλετο κῦδος ὀρέξαι. |
| 175 | Primary ἄλλοι δʼ ἀμφʼ ἄλλῃσι μάχην ἐμάχοντο πύλῃσιν· |
| 176 | Primary ἀργαλέον δέ με ταῦτα θεὸν ὣς πάντʼ ἀγορεῦσαι· |
| 177 | Primary πάντῃ γὰρ περὶ τεῖχος ὀρώρει θεσπιδαὲς πῦρ |
| 178 | Primary λάϊνον· Ἀργεῖοι δὲ καὶ ἀχνύμενοί περ ἀνάγκῃ |
| 179 | Primary νηῶν ἠμύνοντο· θεοὶ δʼ ἀκαχήατο θυμὸν |
| 180 | Primary πάντες ὅσοι Δαναοῖσι μάχης ἐπιτάρροθοι ἦσαν. |
| 181 | Primary σὺν δʼ ἔβαλον Λαπίθαι πόλεμον καὶ δηϊοτῆτα. |
| 182 | Primary ἔνθʼ αὖ Πειριθόου υἱὸς κρατερὸς Πολυποίτης |
| 183 | Primary δουρὶ βάλεν Δάμασον κυνέης διὰ χαλκοπαρῄου· |
| 184 | Primary οὐδʼ ἄρα χαλκείη κόρυς ἔσχεθεν, ἀλλὰ διὰ πρὸ |
| 185 | Primary αἰχμὴ χαλκείη ῥῆξʼ ὀστέον, ἐγκέφαλος δὲ |
| 186 | Primary ἔνδον ἅπας πεπάλακτο· δάμασσε δέ μιν μεμαῶτα· |
| 187 | Primary αὐτὰρ ἔπειτα Πύλωνα καὶ Ὄρμενον ἐξενάριξεν. |
| 188 | Primary υἱὸν δʼ Ἀντιμάχοιο Λεοντεὺς ὄζος Ἄρηος |
| 189 | Primary Ἱππόμαχον βάλε δουρὶ κατὰ ζωστῆρα τυχήσας. |
| 190 | Primary αὖτις δʼ ἐκ κολεοῖο ἐρυσσάμενος ξίφος ὀξὺ |
| 191 | Primary Ἀντιφάτην μὲν πρῶτον ἐπαΐξας διʼ ὁμίλου |
| 192 | Primary πλῆξʼ αὐτοσχεδίην· ὃ δʼ ἄρʼ ὕπτιος οὔδει ἐρείσθη· |
| 193 | Primary αὐτὰρ ἔπειτα Μένωνα καὶ Ἰαμενὸν καὶ Ὀρέστην |
| 194 | Primary πάντας ἐπασσυτέρους πέλασε χθονὶ πουλυβοτείρῃ. |
| 195 | Primary ὄφρʼ οἳ τοὺς ἐνάριζον ἀπʼ ἔντεα μαρμαίροντα, |
| 196 | Primary τόφρʼ οἳ Πουλυδάμαντι καὶ Ἕκτορι κοῦροι ἕποντο, |
| 197 | Primary οἳ πλεῖστοι καὶ ἄριστοι ἔσαν, μέμασαν δὲ μάλιστα |
| 198 | Primary τεῖχός τε ῥήξειν καὶ ἐνιπρήσειν πυρὶ νῆας, |
| 199 | Primary οἵ ῥʼ ἔτι μερμήριζον ἐφεσταότες παρὰ τάφρῳ. |
| 200 | Primary ὄρνις γάρ σφιν ἐπῆλθε περησέμεναι μεμαῶσιν |
| 201 | Primary αἰετὸς ὑψιπέτης ἐπʼ ἀριστερὰ λαὸν ἐέργων |
| 202 | Primary φοινήεντα δράκοντα φέρων ὀνύχεσσι πέλωρον |
| 203 | Primary ζωὸν ἔτʼ ἀσπαίροντα, καὶ οὔ πω λήθετο χάρμης, |
| 204 | Primary κόψε γὰρ αὐτὸν ἔχοντα κατὰ στῆθος παρὰ δειρὴν |
| 205 | Primary ἰδνωθεὶς ὀπίσω· ὃ δʼ ἀπὸ ἕθεν ἧκε χαμᾶζε |
| 206 | Primary ἀλγήσας ὀδύνῃσι, μέσῳ δʼ ἐνὶ κάββαλʼ ὁμίλῳ, |
| 207 | Primary αὐτὸς δὲ κλάγξας πέτετο πνοιῇς ἀνέμοιο. |
| 208 | Primary Τρῶες δʼ ἐρρίγησαν ὅπως ἴδον αἰόλον ὄφιν |
| 209 | Primary κείμενον ἐν μέσσοισι Διὸς τέρας αἰγιόχοιο. |
| 210 | Primary δὴ τότε Πουλυδάμας θρασὺν Ἕκτορα εἶπε παραστάς· |
| 211 | Primary Ἕκτορ ἀεὶ μέν πώς μοι ἐπιπλήσσεις ἀγορῇσιν |
| 212 | Primary ἐσθλὰ φραζομένῳ, ἐπεὶ οὐδὲ μὲν οὐδὲ ἔοικε |
| 213 | Primary δῆμον ἐόντα παρὲξ ἀγορευέμεν, οὔτʼ ἐνὶ βουλῇ |
| 214 | Primary οὔτέ ποτʼ ἐν πολέμῳ, σὸν δὲ κράτος αἰὲν ἀέξειν· |
| 215 | Primary νῦν αὖτʼ ἐξερέω ὥς μοι δοκεῖ εἶναι ἄριστα. |
| 216 | Primary μὴ ἴομεν Δαναοῖσι μαχησόμενοι περὶ νηῶν. |
| 217 | Primary ὧδε γὰρ ἐκτελέεσθαι ὀΐομαι, εἰ ἐτεόν γε |
| 218 | Primary Τρωσὶν ὅδʼ ὄρνις ἦλθε περησέμεναι μεμαῶσιν |
| 219 | Primary αἰετὸς ὑψιπέτης ἐπʼ ἀριστερὰ λαὸν ἐέργων |
| 220 | Primary φοινήεντα δράκοντα φέρων ὀνύχεσσι πέλωρον |
| 221 | Primary ζωόν· ἄφαρ δʼ ἀφέηκε πάρος φίλα οἰκίʼ ἱκέσθαι, |
| 222 | Primary οὐδʼ ἐτέλεσσε φέρων δόμεναι τεκέεσσιν ἑοῖσιν. |
| 223 | Primary ὣς ἡμεῖς, εἴ πέρ τε πύλας καὶ τεῖχος Ἀχαιῶν |
| 224 | Primary ῥηξόμεθα σθένεϊ μεγάλῳ, εἴξωσι δʼ Ἀχαιοί, |
| 225 | Primary οὐ κόσμῳ παρὰ ναῦφιν ἐλευσόμεθʼ αὐτὰ κέλευθα· |
| 226 | Primary πολλοὺς γὰρ Τρώων καταλείψομεν, οὕς κεν Ἀχαιοὶ |
| 227 | Primary χαλκῷ δῃώσωσιν ἀμυνόμενοι περὶ νηῶν. |
| 228 | Primary ὧδέ χʼ ὑποκρίναιτο θεοπρόπος, ὃς σάφα θυμῷ |
| 229 | Primary εἰδείη τεράων καί οἱ πειθοίατο λαοί. |
| 230 | Primary τὸν δʼ ἄρʼ ὑπόδρα ἰδὼν προσέφη κορυθαίολος Ἕκτωρ· |
| 231 | Primary Πουλυδάμα, σὺ μὲν οὐκ ἔτʼ ἐμοὶ φίλα ταῦτʼ ἀγορεύεις· |
| 232 | Primary οἶσθα καὶ ἄλλον μῦθον ἀμείνονα τοῦδε νοῆσαι. |
| 233 | Primary εἰ δʼ ἐτεὸν δὴ τοῦτον ἀπὸ σπουδῆς ἀγορεύεις, |
| 234 | Primary ἐξ ἄρα δή τοι ἔπειτα θεοὶ φρένας ὤλεσαν αὐτοί, |
| 235 | Primary ὃς κέλεαι Ζηνὸς μὲν ἐριγδούποιο λαθέσθαι |
| 236 | Primary βουλέων, ἅς τέ μοι αὐτὸς ὑπέσχετο καὶ κατένευσε· |
| 237 | Primary τύνη δʼ οἰωνοῖσι τανυπτερύγεσσι κελεύεις |
| 238 | Primary πείθεσθαι, τῶν οὔ τι μετατρέπομʼ οὐδʼ ἀλεγίζω |
| 239 | Primary εἴτʼ ἐπὶ δεξίʼ ἴωσι πρὸς ἠῶ τʼ ἠέλιόν τε, |
| 240 | Primary εἴτʼ ἐπʼ ἀριστερὰ τοί γε ποτὶ ζόφον ἠερόεντα. |
| 241 | Primary ἡμεῖς δὲ μεγάλοιο Διὸς πειθώμεθα βουλῇ, |
| 242 | Primary ὃς πᾶσι θνητοῖσι καὶ ἀθανάτοισιν ἀνάσσει. |
| 243 | Primary εἷς οἰωνὸς ἄριστος ἀμύνεσθαι περὶ πάτρης. |
| 244 | Primary τίπτε σὺ δείδοικας πόλεμον καὶ δηϊοτῆτα; |
| 245 | Primary εἴ περ γάρ τʼ ἄλλοι γε περὶ κτεινώμεθα πάντες |
| 246 | Primary νηυσὶν ἐπʼ Ἀργείων, σοὶ δʼ οὐ δέος ἔστʼ ἀπολέσθαι· |
| 247 | Primary οὐ γάρ τοι κραδίη μενεδήϊος οὐδὲ μαχήμων. |
| 248 | Primary εἰ δὲ σὺ δηϊοτῆτος ἀφέξεαι, ἠέ τινʼ ἄλλον |
| 249 | Primary παρφάμενος ἐπέεσσιν ἀποτρέψεις πολέμοιο, |
| 250 | Primary αὐτίκʼ ἐμῷ ὑπὸ δουρὶ τυπεὶς ἀπὸ θυμὸν ὀλέσσεις. |
| 251 | Primary ὣς ἄρα φωνήσας ἡγήσατο, τοὶ δʼ ἅμʼ ἕποντο |
| 252 | Primary ἠχῇ θεσπεσίῃ· ἐπὶ δὲ Ζεὺς τερπικέραυνος |
| 253 | Primary ὦρσεν ἀπʼ Ἰδαίων ὀρέων ἀνέμοιο θύελλαν, |
| 254 | Primary ἥ ῥʼ ἰθὺς νηῶν κονίην φέρεν· αὐτὰρ Ἀχαιῶν |
| 255 | Primary θέλγε νόον, Τρωσὶν δὲ καὶ Ἕκτορι κῦδος ὄπαζε. |
| 256 | Primary τοῦ περ δὴ τεράεσσι πεποιθότες ἠδὲ βίηφι |
| 257 | Primary ῥήγνυσθαι μέγα τεῖχος Ἀχαιῶν πειρήτιζον. |
| 258 | Primary κρόσσας μὲν πύργων ἔρυον, καὶ ἔρειπον ἐπάλξεις, |
| 259 | Primary στήλας τε προβλῆτας ἐμόχλεον, ἃς ἄρʼ Ἀχαιοὶ |
| 260 | Primary πρώτας ἐν γαίῃ θέσαν ἔμμεναι ἔχματα πύργων. |
| 261 | Primary τὰς οἵ γʼ αὐέρυον, ἔλποντο δὲ τεῖχος Ἀχαιῶν |
| 262 | Primary ῥήξειν· οὐδέ νύ πω Δαναοὶ χάζοντο κελεύθου, |
| 263 | Primary ἀλλʼ οἵ γε ῥινοῖσι βοῶν φράξαντες ἐπάλξεις |
| 264 | Primary βάλλον ἀπʼ αὐτάων δηΐους ὑπὸ τεῖχος ἰόντας. |
| 265 | Primary ἀμφοτέρω δʼ Αἴαντε κελευτιόωντʼ ἐπὶ πύργων |
| 266 | Primary πάντοσε φοιτήτην μένος ὀτρύνοντες Ἀχαιῶν. |
| 267 | Primary ἄλλον μειλιχίοις, ἄλλον στερεοῖς ἐπέεσσι |
| 268 | Primary νείκεον, ὅν τινα πάγχυ μάχης μεθιέντα ἴδοιεν· |
| 269 | Primary ὦ φίλοι Ἀργείων ὅς τʼ ἔξοχος ὅς τε μεσήεις |
| 270 | Primary ὅς τε χερειότερος, ἐπεὶ οὔ πω πάντες ὁμοῖοι |
| 271 | Primary ἀνέρες ἐν πολέμῳ, νῦν ἔπλετο ἔργον ἅπασι· |
| 272 | Primary καὶ δʼ αὐτοὶ τόδε που γιγνώσκετε. μή τις ὀπίσσω |
| 273 | Primary τετράφθω ποτὶ νῆας ὁμοκλητῆρος ἀκούσας, |
| 274 | Primary ἀλλὰ πρόσω ἵεσθε καὶ ἀλλήλοισι κέλεσθε, |
| 275 | Primary αἴ κε Ζεὺς δώῃσιν Ὀλύμπιος ἀστεροπητὴς |
| 276 | Primary νεῖκος ἀπωσαμένους δηΐους προτὶ ἄστυ δίεσθαι. |
| 277 | Primary ὣς τώ γε προβοῶντε μάχην ὄτρυνον Ἀχαιῶν. |
| 278 | Primary τῶν δʼ, ὥς τε νιφάδες χιόνος πίπτωσι θαμειαὶ |
| 279 | Primary ἤματι χειμερίῳ, ὅτε τʼ ὤρετο μητίετα Ζεὺς |
| 280 | Primary νιφέμεν ἀνθρώποισι πιφαυσκόμενος τὰ ἃ κῆλα· |
| 281 | Primary κοιμήσας δʼ ἀνέμους χέει ἔμπεδον, ὄφρα καλύψῃ |
| 282 | Primary ὑψηλῶν ὀρέων κορυφὰς καὶ πρώονας ἄκρους |
| 283 | Primary καὶ πεδία λωτοῦντα καὶ ἀνδρῶν πίονα ἔργα, |
| 284 | Primary καί τʼ ἐφʼ ἁλὸς πολιῆς κέχυται λιμέσιν τε καὶ ἀκταῖς, |
| 285 | Primary κῦμα δέ μιν προσπλάζον ἐρύκεται· ἄλλά τε πάντα |
| 286 | Primary εἴλυται καθύπερθʼ, ὅτʼ ἐπιβρίσῃ Διὸς ὄμβρος· |
| 287 | Primary ὣς τῶν ἀμφοτέρωσε λίθοι πωτῶντο θαμειαί, |
| 288 | Primary αἱ μὲν ἄρʼ ἐς Τρῶας, αἱ δʼ ἐκ Τρώων ἐς Ἀχαιούς, |
| 289 | Primary βαλλομένων· τὸ δὲ τεῖχος ὕπερ πᾶν δοῦπος ὀρώρει. |
| 290 | Primary οὐδʼ ἄν πω τότε γε Τρῶες καὶ φαίδιμος Ἕκτωρ |
| 291 | Primary τείχεος ἐρρήξαντο πύλας καὶ μακρὸν ὀχῆα, |
| 292 | Primary εἰ μὴ ἄρʼ υἱὸν ἑὸν Σαρπηδόνα μητίετα Ζεὺς |
| 293 | Primary ὦρσεν ἐπʼ Ἀργείοισι λέονθʼ ὣς βουσὶν ἕλιξιν. |
| 294 | Primary αὐτίκα δʼ ἀσπίδα μὲν πρόσθʼ ἔσχετο πάντοσʼ ἐΐσην |
| 295 | Primary καλὴν χαλκείην ἐξήλατον, ἣν ἄρα χαλκεὺς |
| 296 | Primary ἤλασεν, ἔντοσθεν δὲ βοείας ῥάψε θαμειὰς |
| 297 | Primary χρυσείῃς ῥάβδοισι διηνεκέσιν περὶ κύκλον. |
| 298 | Primary τὴν ἄρʼ ὅ γε πρόσθε σχόμενος δύο δοῦρε τινάσσων |
| 299 | Primary βῆ ῥʼ ἴμεν ὥς τε λέων ὀρεσίτροφος, ὅς τʼ ἐπιδευὴς |
| 300 | Primary δηρὸν ἔῃ κρειῶν, κέλεται δέ ἑ θυμὸς ἀγήνωρ |
| 301 | Primary μήλων πειρήσοντα καὶ ἐς πυκινὸν δόμον ἐλθεῖν· |
| 302 | Primary εἴ περ γάρ χʼ εὕρῃσι παρʼ αὐτόφι βώτορας ἄνδρας |
| 303 | Primary σὺν κυσὶ καὶ δούρεσσι φυλάσσοντας περὶ μῆλα, |
| 304 | Primary οὔ ῥά τʼ ἀπείρητος μέμονε σταθμοῖο δίεσθαι, |
| 305 | Primary ἀλλʼ ὅ γʼ ἄρʼ ἢ ἥρπαξε μετάλμενος, ἠὲ καὶ αὐτὸς |
| 306 | Primary ἔβλητʼ ἐν πρώτοισι θοῆς ἀπὸ χειρὸς ἄκοντι· |
| 307 | Primary ὥς ῥα τότʼ ἀντίθεον Σαρπηδόνα θυμὸς ἀνῆκε |
| 308 | Primary τεῖχος ἐπαΐξαι διά τε ῥήξασθαι ἐπάλξεις. |
| 309 | Primary αὐτίκα δὲ Γλαῦκον προσέφη παῖδʼ Ἱππολόχοιο· |
| 310 | Primary Γλαῦκε τί ἢ δὴ νῶϊ τετιμήμεσθα μάλιστα |
| 311 | Primary ἕδρῃ τε κρέασίν τε ἰδὲ πλείοις δεπάεσσιν |
| 312 | Primary ἐν Λυκίῃ, πάντες δὲ θεοὺς ὣς εἰσορόωσι, |
| 313 | Primary καὶ τέμενος νεμόμεσθα μέγα Ξάνθοιο παρʼ ὄχθας |
| 314 | Primary καλὸν φυταλιῆς καὶ ἀρούρης πυροφόροιο; |
| 315 | Primary τὼ νῦν χρὴ Λυκίοισι μέτα πρώτοισιν ἐόντας |
| 316 | Primary ἑστάμεν ἠδὲ μάχης καυστείρης ἀντιβολῆσαι, |
| 317 | Primary ὄφρά τις ὧδʼ εἴπῃ Λυκίων πύκα θωρηκτάων· |
| 318 | Primary οὐ μὰν ἀκλεέες Λυκίην κάτα κοιρανέουσιν |
| 319 | Primary ἡμέτεροι βασιλῆες, ἔδουσί τε πίονα μῆλα |
| 320 | Primary οἶνόν τʼ ἔξαιτον μελιηδέα· ἀλλʼ ἄρα καὶ ἲς |
| 321 | Primary ἐσθλή, ἐπεὶ Λυκίοισι μέτα πρώτοισι μάχονται. |
| 322 | Primary ὦ πέπον εἰ μὲν γὰρ πόλεμον περὶ τόνδε φυγόντε |
| 323 | Primary αἰεὶ δὴ μέλλοιμεν ἀγήρω τʼ ἀθανάτω τε |
| 324 | Primary ἔσσεσθʼ, οὔτέ κεν αὐτὸς ἐνὶ πρώτοισι μαχοίμην |
| 325 | Primary οὔτέ κε σὲ στέλλοιμι μάχην ἐς κυδιάνειραν· |
| 326 | Primary νῦν δʼ ἔμπης γὰρ κῆρες ἐφεστᾶσιν θανάτοιο |
| 327 | Primary μυρίαι, ἃς οὐκ ἔστι φυγεῖν βροτὸν οὐδʼ ὑπαλύξαι, |
| 328 | Primary ἴομεν ἠέ τῳ εὖχος ὀρέξομεν ἠέ τις ἡμῖν. |
| 329 | Primary ὣς ἔφατʼ, οὐδὲ Γλαῦκος ἀπετράπετʼ οὐδʼ ἀπίθησε· |
| 330 | Primary τὼ δʼ ἰθὺς βήτην Λυκίων μέγα ἔθνος ἄγοντε. |
| 331 | Primary τοὺς δὲ ἰδὼν ῥίγησʼ υἱὸς Πετεῶο Μενεσθεύς· |
| 332 | Primary τοῦ γὰρ δὴ πρὸς πύργον ἴσαν κακότητα φέροντες. |
| 333 | Primary πάπτηνεν δʼ ἀνὰ πύργον Ἀχαιῶν εἴ τινʼ ἴδοιτο |
| 334 | Primary ἡγεμόνων, ὅς τίς οἱ ἀρὴν ἑτάροισιν ἀμύναι· |
| 335 | Primary ἐς δʼ ἐνόησʼ Αἴαντε δύω πολέμου ἀκορήτω |
| 336 | Primary ἑσταότας, Τεῦκρόν τε νέον κλισίηθεν ἰόντα |
| 337 | Primary ἐγγύθεν· ἀλλʼ οὔ πώς οἱ ἔην βώσαντι γεγωνεῖν· |
| 338 | Primary τόσσος γὰρ κτύπος ἦεν, ἀϋτὴ δʼ οὐρανὸν ἷκε, |
| 339 | Primary βαλλομένων σακέων τε καὶ ἱπποκόμων τρυφαλειῶν |
| 340 | Primary καὶ πυλέων· πᾶσαι γὰρ ἐπώχατο, τοὶ δὲ κατʼ αὐτὰς |
| 341 | Primary ἱστάμενοι πειρῶντο βίῃ ῥήξαντες ἐσελθεῖν. |
| 342 | Primary αἶψα δʼ ἐπʼ Αἴαντα προΐει κήρυκα Θοώτην· |
| 343 | Primary ἔρχεο δῖε Θοῶτα, θέων Αἴαντα κάλεσσον, |
| 344 | Primary ἀμφοτέρω μὲν μᾶλλον· ὃ γάρ κʼ ὄχʼ ἄριστον ἁπάντων |
| 345 | Primary εἴη, ἐπεὶ τάχα τῇδε τετεύξεται αἰπὺς ὄλεθρος. |
| 346 | Primary ὧδε γὰρ ἔβρισαν Λυκίων ἀγοί, οἳ τὸ πάρος περ |
| 347 | Primary ζαχρηεῖς τελέθουσι κατὰ κρατερὰς ὑσμίνας. |
| 348 | Primary εἰ δέ σφιν καὶ κεῖθι πόνος καὶ νεῖκος ὄρωρεν, |
| 349 | Primary ἀλλά περ οἶος ἴτω Τελαμώνιος ἄλκιμος Αἴας, |
| 350 | Primary καί οἱ Τεῦκρος ἅμα σπέσθω τόξων ἐῢ εἰδώς. |
| 351 | Primary ὣς ἔφατʼ, οὐδʼ ἄρα οἱ κῆρυξ ἀπίθησεν ἀκούσας, |
| 352 | Primary βῆ δὲ θέειν παρὰ τεῖχος Ἀχαιῶν χαλκοχιτώνων, |
| 353 | Primary στῆ δὲ παρʼ Αἰάντεσσι κιών, εἶθαρ δὲ προσηύδα· |
| 354 | Primary Αἴαντʼ Ἀργείων ἡγήτορε χαλκοχιτώνων |
| 355 | Primary ἠνώγει Πετεῶο διοτρεφέος φίλος υἱὸς |
| 356 | Primary κεῖσʼ ἴμεν, ὄφρα πόνοιο μίνυνθά περ ἀντιάσητον |
| 357 | Primary ἀμφοτέρω μὲν μᾶλλον· ὃ γάρ κʼ ὄχʼ ἄριστον ἁπάντων |
| 358 | Primary εἴη, ἐπεὶ τάχα κεῖθι τετεύξεται αἰπὺς ὄλεθρος· |
| 359 | Primary ὧδε γὰρ ἔβρισαν Λυκίων ἀγοί, οἳ τὸ πάρος περ |
| 360 | Primary ζαχρηεῖς τελέθουσι κατὰ κρατερὰς ὑσμίνας. |
| 361 | Primary εἰ δὲ καὶ ἐνθάδε περ πόλεμος καὶ νεῖκος ὄρωρεν, |
| 362 | Primary ἀλλά περ οἶος ἴτω Τελαμώνιος ἄλκιμος Αἴας, |
| 363 | Primary καί οἱ Τεῦκρος ἅμα σπέσθω τόξων ἐῢ εἰδώς. |
| 364 | Primary ὣς ἔφατʼ, οὐδʼ ἀπίθησε μέγας Τελαμώνιος Αἴας. |
| 365 | Primary αὐτίκʼ Ὀϊλιάδην ἔπεα πτερόεντα προσηύδα· |
| 366 | Primary Αἶαν σφῶϊ μὲν αὖθι, σὺ καὶ κρατερὸς Λυκομήδης, |
| 367 | Primary ἑσταότες Δαναοὺς ὀτρύνετον ἶφι μάχεσθαι· |
| 368 | Primary αὐτὰρ ἐγὼ κεῖσʼ εἶμι καὶ ἀντιόω πολέμοιο· |
| 369 | Primary αἶψα δʼ ἐλεύσομαι αὖτις, ἐπὴν εὖ τοῖς ἐπαμύνω. |
| 370 | Primary ὣς ἄρα φωνήσας ἀπέβη Τελαμώνιος Αἴας, |
| 371 | Primary καί οἱ Τεῦκρος ἅμʼ ᾖε κασίγνητος καὶ ὄπατρος· |
| 372 | Primary τοῖς δʼ ἅμα Πανδίων Τεύκρου φέρε καμπύλα τόξα. |
| 373 | Primary εὖτε Μενεσθῆος μεγαθύμου πύργον ἵκοντο |
| 374 | Primary τείχεος ἐντὸς ἰόντες, ἐπειγομένοισι δʼ ἵκοντο, |
| 375 | Primary οἳ δʼ ἐπʼ ἐπάλξεις βαῖνον ἐρεμνῇ λαίλαπι ἶσοι |
| 376 | Primary ἴφθιμοι Λυκίων ἡγήτορες ἠδὲ μέδοντες· |
| 377 | Primary σὺν δʼ ἐβάλοντο μάχεσθαι ἐναντίον, ὦρτο δʼ ἀϋτή. |
| 378 | Primary Αἴας δὲ πρῶτος Τελαμώνιος ἄνδρα κατέκτα |
| 379 | Primary Σαρπήδοντος ἑταῖρον Ἐπικλῆα μεγάθυμον |
| 380 | Primary μαρμάρῳ ὀκριόεντι βαλών, ὅ ῥα τείχεος ἐντὸς |
| 381 | Primary κεῖτο μέγας παρʼ ἔπαλξιν ὑπέρτατος· οὐδέ κέ μιν ῥέα |
| 382 | Primary χείρεσσʼ ἀμφοτέρῃς ἔχοι ἀνὴρ οὐδὲ μάλʼ ἡβῶν, |
| 383 | Primary οἷοι νῦν βροτοί εἰσʼ· ὃ δʼ ἄρʼ ὑψόθεν ἔμβαλʼ ἀείρας, |
| 384 | Primary θλάσσε δὲ τετράφαλον κυνέην, σὺν δʼ ὀστέʼ ἄραξε |
| 385 | Primary πάντʼ ἄμυδις κεφαλῆς· ὃ δʼ ἄρʼ ἀρνευτῆρι ἐοικὼς |
| 386 | Primary κάππεσʼ ἀφʼ ὑψηλοῦ πύργου, λίπε δʼ ὀστέα θυμός. |
| 387 | Primary Τεῦκρος δὲ Γλαῦκον κρατερὸν παῖδʼ Ἱππολόχοιο |
| 388 | Primary ἰῷ ἐπεσσύμενον βάλε τείχεος ὑψηλοῖο, |
| 389 | Primary ᾗ ῥʼ ἴδε γυμνωθέντα βραχίονα, παῦσε δὲ χάρμης. |
| 390 | Primary ἂψ δʼ ἀπὸ τείχεος ἆλτο λαθών, ἵνα μή τις Ἀχαιῶν |
| 391 | Primary βλήμενον ἀθρήσειε καὶ εὐχετόῳτʼ ἐπέεσσι. |
| 392 | Primary Σαρπήδοντι δʼ ἄχος γένετο Γλαύκου ἀπιόντος |
| 393 | Primary αὐτίκʼ ἐπεί τʼ ἐνόησεν· ὅμως δʼ οὐ λήθετο χάρμης, |
| 394 | Primary ἀλλʼ ὅ γε Θεστορίδην Ἀλκμάονα δουρὶ τυχήσας |
| 395 | Primary νύξʼ, ἐκ δʼ ἔσπασεν ἔγχος· ὃ δʼ ἑσπόμενος πέσε δουρὶ |
| 396 | Primary πρηνής, ἀμφὶ δέ οἱ βράχε τεύχεα ποικίλα χαλκῷ, |
| 397 | Primary Σαρπηδὼν δʼ ἄρʼ ἔπαλξιν ἑλὼν χερσὶ στιβαρῇσιν |
| 398 | Primary ἕλχʼ, ἣ δʼ ἕσπετο πᾶσα διαμπερές, αὐτὰρ ὕπερθε |
| 399 | Primary τεῖχος ἐγυμνώθη, πολέεσσι δὲ θῆκε κέλευθον. |
| 400 | Primary τὸν δʼ Αἴας καὶ Τεῦκρος ὁμαρτήσανθʼ ὃ μὲν ἰῷ |
| 401 | Primary βεβλήκει τελαμῶνα περὶ στήθεσσι φαεινὸν |
| 402 | Primary ἀσπίδος ἀμφιβρότης· ἀλλὰ Ζεὺς κῆρας ἄμυνε |
| 403 | Primary παιδὸς ἑοῦ, μὴ νηυσὶν ἔπι πρύμνῃσι δαμείη· |
| 404 | Primary Αἴας δʼ ἀσπίδα νύξεν ἐπάλμενος, οὐδὲ διὰ πρὸ |
| 405 | Primary ἤλυθεν ἐγχείη, στυφέλιξε δέ μιν μεμαῶτα. |
| 406 | Primary χώρησεν δʼ ἄρα τυτθὸν ἐπάλξιος· οὐδʼ ὅ γε πάμπαν |
| 407 | Primary χάζετʼ, ἐπεί οἱ θυμὸς ἐέλπετο κῦδος ἀρέσθαι. |
| 408 | Primary κέκλετο δʼ ἀντιθέοισιν ἑλιξάμενος Λυκίοισιν· |
| 409 | Primary ὦ Λύκιοι τί τʼ ἄρʼ ὧδε μεθίετε θούριδος ἀλκῆς; |
| 410 | Primary ἀργαλέον δέ μοί ἐστι καὶ ἰφθίμῳ περ ἐόντι |
| 411 | Primary μούνῳ ῥηξαμένῳ θέσθαι παρὰ νηυσὶ κέλευθον· |
| 412 | Primary ἀλλʼ ἐφομαρτεῖτε· πλεόνων δέ τι ἔργον ἄμεινον. |
| 413 | Primary ὣς ἔφαθʼ, οἳ δὲ ἄνακτος ὑποδείσαντες ὁμοκλὴν |
| 414 | Primary μᾶλλον ἐπέβρισαν βουληφόρον ἀμφὶ ἄνακτα. |
| 415 | Primary Ἀργεῖοι δʼ ἑτέρωθεν ἐκαρτύναντο φάλαγγας |
| 416 | Primary τείχεος ἔντοσθεν, μέγα δέ σφισι φαίνετο ἔργον· |
| 417 | Primary οὔτε γὰρ ἴφθιμοι Λύκιοι Δαναῶν ἐδύναντο |
| 418 | Primary τεῖχος ῥηξάμενοι θέσθαι παρὰ νηυσὶ κέλευθον, |
| 419 | Primary οὔτέ ποτʼ αἰχμηταὶ Δαναοὶ Λυκίους ἐδύναντο |
| 420 | Primary τείχεος ἂψ ὤσασθαι, ἐπεὶ τὰ πρῶτα πέλασθεν. |
| 421 | Primary ἀλλʼ ὥς τʼ ἀμφʼ οὔροισι δύʼ ἀνέρε δηριάασθον |
| 422 | Primary μέτρʼ ἐν χερσὶν ἔχοντες ἐπιξύνῳ ἐν ἀρούρῃ, |
| 423 | Primary ὥ τʼ ὀλίγῳ ἐνὶ χώρῳ ἐρίζητον περὶ ἴσης, |
| 424 | Primary ὣς ἄρα τοὺς διέεργον ἐπάλξιες· οἳ δʼ ὑπὲρ αὐτέων |
| 425 | Primary δῄουν ἀλλήλων ἀμφὶ στήθεσσι βοείας |
| 426 | Primary ἀσπίδας εὐκύκλους λαισήϊά τε πτερόεντα. |
| 427 | Primary πολλοὶ δʼ οὐτάζοντο κατὰ χρόα νηλέϊ χαλκῷ, |
| 428 | Primary ἠμὲν ὅτεῳ στρεφθέντι μετάφρενα γυμνωθείη |
| 429 | Primary μαρναμένων, πολλοὶ δὲ διαμπερὲς ἀσπίδος αὐτῆς. |
| 430 | Primary πάντῃ δὴ πύργοι καὶ ἐπάλξιες αἵματι φωτῶν |
| 431 | Primary ἐρράδατʼ ἀμφοτέρωθεν ἀπὸ Τρώων καὶ Ἀχαιῶν. |
| 432 | Primary ἀλλʼ οὐδʼ ὧς ἐδύναντο φόβον ποιῆσαι Ἀχαιῶν, |
| 433 | Primary ἀλλʼ ἔχον ὥς τε τάλαντα γυνὴ χερνῆτις ἀληθής, |
| 434 | Primary ἥ τε σταθμὸν ἔχουσα καὶ εἴριον ἀμφὶς ἀνέλκει |
| 435 | Primary ἰσάζουσʼ, ἵνα παισὶν ἀεικέα μισθὸν ἄρηται· |
| 436 | Primary ὣς μὲν τῶν ἐπὶ ἶσα μάχη τέτατο πτόλεμός τε, |
| 437 | Primary πρίν γʼ ὅτε δὴ Ζεὺς κῦδος ὑπέρτερον Ἕκτορι δῶκε |
| 438 | Primary Πριαμίδῃ, ὃς πρῶτος ἐσήλατο τεῖχος Ἀχαιῶν. |
| 439 | Primary ἤϋσεν δὲ διαπρύσιον Τρώεσσι γεγωνώς· |
| 440 | Primary ὄρνυσθʼ ἱππόδαμοι Τρῶες, ῥήγνυσθε δὲ τεῖχος |
| 441 | Primary Ἀργείων καὶ νηυσὶν ἐνίετε θεσπιδαὲς πῦρ. |
| 442 | Primary ὣς φάτʼ ἐποτρύνων, οἳ δʼ οὔασι πάντες ἄκουον, |
| 443 | Primary ἴθυσαν δʼ ἐπὶ τεῖχος ἀολλέες· οἳ μὲν ἔπειτα |
| 444 | Primary κροσσάων ἐπέβαινον ἀκαχμένα δούρατʼ ἔχοντες, |
| 445 | Primary Ἕκτωρ δʼ ἁρπάξας λᾶαν φέρεν, ὅς ῥα πυλάων |
| 446 | Primary ἑστήκει πρόσθε πρυμνὸς παχύς, αὐτὰρ ὕπερθεν |
| 447 | Primary ὀξὺς ἔην· τὸν δʼ οὔ κε δύʼ ἀνέρε δήμου ἀρίστω |
| 448 | Primary ῥηϊδίως ἐπʼ ἄμαξαν ἀπʼ οὔδεος ὀχλίσσειαν, |
| 449 | Primary οἷοι νῦν βροτοί εἰσʼ· ὃ δέ μιν ῥέα πάλλε καὶ οἶος. |
| 450 | Primary τόν οἱ ἐλαφρὸν ἔθηκε Κρόνου πάϊς ἀγκυλομήτεω. |
| 451 | Primary ὡς δʼ ὅτε ποιμὴν ῥεῖα φέρει πόκον ἄρσενος οἰὸς |
| 452 | Primary χειρὶ λαβὼν ἑτέρῃ, ὀλίγον τέ μιν ἄχθος ἐπείγει, |
| 453 | Primary ὣς Ἕκτωρ ἰθὺς σανίδων φέρε λᾶαν ἀείρας, |
| 454 | Primary αἵ ῥα πύλας εἴρυντο πύκα στιβαρῶς ἀραρυίας |
| 455 | Primary δικλίδας ὑψηλάς· δοιοὶ δʼ ἔντοσθεν ὀχῆες |
| 456 | Primary εἶχον ἐπημοιβοί, μία δὲ κληῒς ἐπαρήρει. |
| 457 | Primary στῆ δὲ μάλʼ ἐγγὺς ἰών, καὶ ἐρεισάμενος βάλε μέσσας |
| 458 | Primary εὖ διαβάς, ἵνα μή οἱ ἀφαυρότερον βέλος εἴη, |
| 459 | Primary ῥῆξε δʼ ἀπʼ ἀμφοτέρους θαιρούς· πέσε δὲ λίθος εἴσω |
| 460 | Primary βριθοσύνῃ, μέγα δʼ ἀμφὶ πύλαι μύκον, οὐδʼ ἄρʼ ὀχῆες |
| 461 | Primary ἐσχεθέτην, σανίδες δὲ διέτμαγεν ἄλλυδις ἄλλη |
| 462 | Primary λᾶος ὑπὸ ῥιπῆς· ὃ δʼ ἄρʼ ἔσθορε φαίδιμος Ἕκτωρ |
| 463 | Primary νυκτὶ θοῇ ἀτάλαντος ὑπώπια· λάμπε δὲ χαλκῷ |
| 464 | Primary σμερδαλέῳ, τὸν ἕεστο περὶ χροΐ, δοιὰ δὲ χερσὶ |
| 465 | Primary δοῦρʼ ἔχεν· οὔ κέν τίς μιν ἐρύκακεν ἀντιβολήσας |
| 466 | Primary νόσφι θεῶν ὅτʼ ἐσᾶλτο πύλας· πυρὶ δʼ ὄσσε δεδήει. |
| 467 | Primary κέκλετο δὲ Τρώεσσιν ἑλιξάμενος καθʼ ὅμιλον |
| 468 | Primary τεῖχος ὑπερβαίνειν· τοὶ δʼ ὀτρύνοντι πίθοντο. |
| 469 | Primary αὐτίκα δʼ οἳ μὲν τεῖχος ὑπέρβασαν, οἳ δὲ κατʼ αὐτὰς |
| 470 | Primary ποιητὰς ἐσέχυντο πύλας· Δαναοὶ δὲ φόβηθεν |
| 471 | Primary νῆας ἀνὰ γλαφυράς, ὅμαδος δʼ ἀλίαστος ἐτύχθη. |