Reader
Reader | Iliad, Book 20
Iliad
Homer
Text
Position
Line 1 of 503
Waypoints
| Line Ref | Monro and Allen | Ancient Greek |
|---|---|
| 1 | Primary ὣς οἳ μὲν παρὰ νηυσὶ κορωνίσι θωρήσσοντο |
| 2 | Primary ἀμφὶ σὲ Πηλέος υἱὲ μάχης ἀκόρητον Ἀχαιοί, |
| 3 | Primary Τρῶες δʼ αὖθʼ ἑτέρωθεν ἐπὶ θρωσμῷ πεδίοιο· |
| 4 | Primary Ζεὺς δὲ Θέμιστα κέλευσε θεοὺς ἀγορὴν δὲ καλέσσαι |
| 5 | Primary κρατὸς ἀπʼ Οὐλύμποιο πολυπτύχου· ἣ δʼ ἄρα πάντῃ |
| 6 | Primary φοιτήσασα κέλευσε Διὸς πρὸς δῶμα νέεσθαι. |
| 7 | Primary οὔτέ τις οὖν ποταμῶν ἀπέην νόσφʼ Ὠκεανοῖο, |
| 8 | Primary οὔτʼ ἄρα νυμφάων αἵ τʼ ἄλσεα καλὰ νέμονται |
| 9 | Primary καὶ πηγὰς ποταμῶν καὶ πίσεα ποιήεντα. |
| 10 | Primary ἐλθόντες δʼ ἐς δῶμα Διὸς νεφεληγερέταο |
| 11 | Primary ξεστῇς αἰθούσῃσιν ἐνίζανον, ἃς Διὶ πατρὶ |
| 12 | Primary Ἥφαιστος ποίησεν ἰδυίῃσι πραπίδεσσιν. |
| 13 | Primary ὣς οἳ μὲν Διὸς ἔνδον ἀγηγέρατʼ· οὐδʼ ἐνοσίχθων |
| 14 | Primary νηκούστησε θεᾶς, ἀλλʼ ἐξ ἁλὸς ἦλθε μετʼ αὐτούς, |
| 15 | Primary ἷζε δʼ ἄρʼ ἐν μέσσοισι, Διὸς δʼ ἐξείρετο βουλήν· |
| 16 | Primary τίπτʼ αὖτʼ ἀργικέραυνε θεοὺς ἀγορὴν δὲ κάλεσσας; |
| 17 | Primary ἦ τι περὶ Τρώων καὶ Ἀχαιῶν μερμηρίζεις; |
| 18 | Primary τῶν γὰρ νῦν ἄγχιστα μάχη πόλεμός τε δέδηε. |
| 19 | Primary τὸν δʼ ἀπαμειβόμενος προσέφη νεφεληγερέτα Ζεύς· |
| 20 | Primary ἔγνως ἐννοσίγαιε ἐμὴν ἐν στήθεσι βουλὴν |
| 21 | Primary ὧν ἕνεκα ξυνάγειρα· μέλουσί μοι ὀλλύμενοί περ. |
| 22 | Primary ἀλλʼ ἤτοι μὲν ἐγὼ μενέω πτυχὶ Οὐλύμποιο |
| 23 | Primary ἥμενος, ἔνθʼ ὁρόων φρένα τέρψομαι· οἳ δὲ δὴ ἄλλοι |
| 24 | Primary ἔρχεσθʼ ὄφρʼ ἂν ἵκησθε μετὰ Τρῶας καὶ Ἀχαιούς, |
| 25 | Primary ἀμφοτέροισι δʼ ἀρήγεθʼ ὅπῃ νόος ἐστὶν ἑκάστου. |
| 26 | Primary εἰ γὰρ Ἀχιλλεὺς οἶος ἐπὶ Τρώεσσι μαχεῖται |
| 27 | Primary οὐδὲ μίνυνθʼ ἕξουσι ποδώκεα Πηλεΐωνα. |
| 28 | Primary καὶ δέ τί μιν καὶ πρόσθεν ὑποτρομέεσκον ὁρῶντες· |
| 29 | Primary νῦν δʼ ὅτε δὴ καὶ θυμὸν ἑταίρου χώεται αἰνῶς |
| 30 | Primary δείδω μὴ καὶ τεῖχος ὑπέρμορον ἐξαλαπάξῃ. |
| 31 | Primary ὣς ἔφατο Κρονίδης, πόλεμον δʼ ἀλίαστον ἔγειρε. |
| 32 | Primary βὰν δʼ ἴμεναι πόλεμον δὲ θεοὶ δίχα θυμὸν ἔχοντες· |
| 33 | Primary Ἥρη μὲν μετʼ ἀγῶνα νεῶν καὶ Παλλὰς Ἀθήνη |
| 34 | Primary ἠδὲ Ποσειδάων γαιήοχος ἠδʼ ἐριούνης |
| 35 | Primary Ἑρμείας, ὃς ἐπὶ φρεσὶ πευκαλίμῃσι κέκασται· |
| 36 | Primary Ἥφαιστος δʼ ἅμα τοῖσι κίε σθένεϊ βλεμεαίνων |
| 37 | Primary χωλεύων, ὑπὸ δὲ κνῆμαι ῥώοντο ἀραιαί. |
| 38 | Primary ἐς δὲ Τρῶας Ἄρης κορυθαίολος, αὐτὰρ ἅμʼ αὐτῷ |
| 39 | Primary Φοῖβος ἀκερσεκόμης ἠδʼ Ἄρτεμις ἰοχέαιρα |
| 40 | Primary Λητώ τε Ξάνθός τε φιλομειδής τʼ Ἀφροδίτη. |
| 41 | Primary εἷος μέν ῥʼ ἀπάνευθε θεοὶ θνητῶν ἔσαν ἀνδρῶν, |
| 42 | Primary τεῖος Ἀχαιοὶ μὲν μέγα κύδανον, οὕνεκʼ Ἀχιλλεὺς |
| 43 | Primary ἐξεφάνη, δηρὸν δὲ μάχης ἐπέπαυτʼ ἀλεγεινῆς· |
| 44 | Primary Τρῶας δὲ τρόμος αἰνὸς ὑπήλυθε γυῖα ἕκαστον |
| 45 | Primary δειδιότας, ὅθʼ ὁρῶντο ποδώκεα Πηλεΐωνα |
| 46 | Primary τεύχεσι λαμπόμενον βροτολοιγῷ ἶσον Ἄρηϊ. |
| 47 | Primary αὐτὰρ ἐπεὶ μεθʼ ὅμιλον Ὀλύμπιοι ἤλυθον ἀνδρῶν, |
| 48 | Primary ὦρτο δʼ Ἔρις κρατερὴ λαοσσόος, αὖε δʼ Ἀθήνη |
| 49 | Primary στᾶσʼ ὁτὲ μὲν παρὰ τάφρον ὀρυκτὴν τείχεος ἐκτός, |
| 50 | Primary ἄλλοτʼ ἐπʼ ἀκτάων ἐριδούπων μακρὸν ἀΰτει. |
| 51 | Primary αὖε δʼ Ἄρης ἑτέρωθεν ἐρεμνῇ λαίλαπι ἶσος |
| 52 | Primary ὀξὺ κατʼ ἀκροτάτης πόλιος Τρώεσσι κελεύων, |
| 53 | Primary ἄλλοτε πὰρ Σιμόεντι θέων ἐπὶ Καλλικολώνῃ. |
| 54 | Primary ὣς τοὺς ἀμφοτέρους μάκαρες θεοὶ ὀτρύνοντες |
| 55 | Primary σύμβαλον, ἐν δʼ αὐτοῖς ἔριδα ῥήγνυντο βαρεῖαν· |
| 56 | Primary δεινὸν δὲ βρόντησε πατὴρ ἀνδρῶν τε θεῶν τε |
| 57 | Primary ὑψόθεν· αὐτὰρ νέρθε Ποσειδάων ἐτίναξε |
| 58 | Primary γαῖαν ἀπειρεσίην ὀρέων τʼ αἰπεινὰ κάρηνα. |
| 59 | Primary πάντες δʼ ἐσσείοντο πόδες πολυπίδακος Ἴδης |
| 60 | Primary καὶ κορυφαί, Τρώων τε πόλις καὶ νῆες Ἀχαιῶν. |
| 61 | Primary ἔδεισεν δʼ ὑπένερθεν ἄναξ ἐνέρων Ἀϊδωνεύς, |
| 62 | Primary δείσας δʼ ἐκ θρόνου ἆλτο καὶ ἴαχε, μή οἱ ὕπερθε |
| 63 | Primary γαῖαν ἀναρρήξειε Ποσειδάων ἐνοσίχθων, |
| 64 | Primary οἰκία δὲ θνητοῖσι καὶ ἀθανάτοισι φανείη |
| 65 | Primary σμερδαλέʼ εὐρώεντα, τά τε στυγέουσι θεοί περ· |
| 66 | Primary τόσσος ἄρα κτύπος ὦρτο θεῶν ἔριδι ξυνιόντων. |
| 67 | Primary ἤτοι μὲν γὰρ ἔναντα Ποσειδάωνος ἄνακτος |
| 68 | Primary ἵστατʼ Ἀπόλλων Φοῖβος ἔχων ἰὰ πτερόεντα, |
| 69 | Primary ἄντα δʼ Ἐνυαλίοιο θεὰ γλαυκῶπις Ἀθήνη· |
| 70 | Primary Ἥρῃ δʼ ἀντέστη χρυσηλάκατος κελαδεινὴ |
| 71 | Primary Ἄρτεμις ἰοχέαιρα κασιγνήτη ἑκάτοιο· |
| 72 | Primary Λητοῖ δʼ ἀντέστη σῶκος ἐριούνιος Ἑρμῆς, |
| 73 | Primary ἄντα δʼ ἄρʼ Ἡφαίστοιο μέγας ποταμὸς βαθυδίνης, |
| 74 | Primary ὃν Ξάνθον καλέουσι θεοί, ἄνδρες δὲ Σκάμανδρον. |
| 75 | Primary ὣς οἳ μὲν θεοὶ ἄντα θεῶν ἴσαν· αὐτὰρ Ἀχιλλεὺς |
| 76 | Primary Ἕκτορος ἄντα μάλιστα λιλαίετο δῦναι ὅμιλον |
| 77 | Primary Πριαμίδεω· τοῦ γάρ ῥα μάλιστά ἑ θυμὸς ἀνώγει |
| 78 | Primary αἵματος ἆσαι Ἄρηα ταλαύρινον πολεμιστήν. |
| 79 | Primary Αἰνείαν δʼ ἰθὺς λαοσσόος ὦρσεν Ἀπόλλων |
| 80 | Primary ἀντία Πηλεΐωνος, ἐνῆκε δέ οἱ μένος ἠΰ· |
| 81 | Primary υἱέϊ δὲ Πριάμοιο Λυκάονι εἴσατο φωνήν· |
| 82 | Primary τῷ μιν ἐεισάμενος προσέφη Διὸς υἱὸς Ἀπόλλων· |
| 83 | Primary Αἰνεία Τρώων βουληφόρε ποῦ τοι ἀπειλαὶ |
| 84 | Primary ἃς Τρώων βασιλεῦσιν ὑπίσχεο οἰνοποτάζων |
| 85 | Primary Πηλεΐδεω Ἀχιλῆος ἐναντίβιον πολεμίξειν; |
| 86 | Primary τὸν δʼ αὖτʼ Αἰνείας ἀπαμειβόμενος προσέειπε· |
| 87 | Primary Πριαμίδη τί με ταῦτα καὶ οὐκ ἐθέλοντα κελεύεις |
| 88 | Primary ἀντία Πηλεΐωνος ὑπερθύμοιο μάχεσθαι; |
| 89 | Primary οὐ μὲν γὰρ νῦν πρῶτα ποδώκεος ἄντʼ Ἀχιλῆος |
| 90 | Primary στήσομαι, ἀλλʼ ἤδη με καὶ ἄλλοτε δουρὶ φόβησεν |
| 91 | Primary ἐξ Ἴδης, ὅτε βουσὶν ἐπήλυθεν ἡμετέρῃσι, |
| 92 | Primary πέρσε δὲ Λυρνησσὸν καὶ Πήδασον· αὐτὰρ ἐμὲ Ζεὺς |
| 93 | Primary εἰρύσαθʼ, ὅς μοι ἐπῶρσε μένος λαιψηρά τε γοῦνα. |
| 94 | Primary ἦ κʼ ἐδάμην ὑπὸ χερσὶν Ἀχιλλῆος καὶ Ἀθήνης, |
| 95 | Primary ἥ οἱ πρόσθεν ἰοῦσα τίθει φάος ἠδʼ ἐκέλευεν |
| 96 | Primary ἔγχεϊ χαλκείῳ Λέλεγας καὶ Τρῶας ἐναίρειν. |
| 97 | Primary τὼ οὐκ ἔστʼ Ἀχιλῆος ἐναντίον ἄνδρα μάχεσθαι· |
| 98 | Primary αἰεὶ γὰρ πάρα εἷς γε θεῶν ὃς λοιγὸν ἀμύνει. |
| 99 | Primary καὶ δʼ ἄλλως τοῦ γʼ ἰθὺ βέλος πέτετʼ, οὐδʼ ἀπολήγει |
| 100 | Primary πρὶν χροὸς ἀνδρομέοιο διελθέμεν. εἰ δὲ θεός περ |
| 101 | Primary ἶσον τείνειεν πολέμου τέλος, οὔ κε μάλα ῥέα |
| 102 | Primary νικήσειʼ, οὐδʼ εἰ παγχάλκεος εὔχεται εἶναι. |
| 103 | Primary τὸν δʼ αὖτε προσέειπεν ἄναξ Διὸς υἱὸς Ἀπόλλων· |
| 104 | Primary ἥρως ἀλλʼ ἄγε καὶ σὺ θεοῖς αἰειγενέτῃσιν |
| 105 | Primary εὔχεο· καὶ δὲ σέ φασι Διὸς κούρης Ἀφροδίτης |
| 106 | Primary ἐκγεγάμεν, κεῖνος δὲ χερείονος ἐκ θεοῦ ἐστίν· |
| 107 | Primary ἣ μὲν γὰρ Διός ἐσθʼ, ἣ δʼ ἐξ ἁλίοιο γέροντος. |
| 108 | Primary ἀλλʼ ἰθὺς φέρε χαλκὸν ἀτειρέα, μηδέ σε πάμπαν |
| 109 | Primary λευγαλέοις ἐπέεσσιν ἀποτρεπέτω καὶ ἀρειῇ. |
| 110 | Primary ὣς εἰπὼν ἔμπνευσε μένος μέγα ποιμένι λαῶν, |
| 111 | Primary βῆ δὲ διὰ προμάχων κεκορυθμένος αἴθοπι χαλκῷ. |
| 112 | Primary οὐδʼ ἔλαθʼ Ἀγχίσαο πάϊς λευκώλενον Ἥρην |
| 113 | Primary ἀντία Πηλεΐωνος ἰὼν ἀνὰ οὐλαμὸν ἀνδρῶν· |
| 114 | Primary ἣ δʼ ἄμυδις στήσασα θεοὺς μετὰ μῦθον ἔειπε· |
| 115 | Primary φράζεσθον δὴ σφῶϊ Ποσείδαον καὶ Ἀθήνη |
| 116 | Primary ἐν φρεσὶν ὑμετέρῃσιν, ὅπως ἔσται τάδε ἔργα. |
| 117 | Primary Αἰνείας ὅδʼ ἔβη κεκορυθμένος αἴθοπι χαλκῷ |
| 118 | Primary ἀντία Πηλεΐωνος, ἀνῆκε δὲ Φοῖβος Ἀπόλλων. |
| 119 | Primary ἀλλʼ ἄγεθʼ, ἡμεῖς πέρ μιν ἀποτρωπῶμεν ὀπίσσω |
| 120 | Primary αὐτόθεν· ἤ τις ἔπειτα καὶ ἡμείων Ἀχιλῆϊ |
| 121 | Primary παρσταίη, δοίη δὲ κράτος μέγα, μηδέ τι θυμῷ |
| 122 | Primary δευέσθω, ἵνα εἰδῇ ὅ μιν φιλέουσιν ἄριστοι |
| 123 | Primary ἀθανάτων, οἳ δʼ αὖτʼ ἀνεμώλιοι οἳ τὸ πάρος περ |
| 124 | Primary Τρωσὶν ἀμύνουσιν πόλεμον καὶ δηϊοτῆτα. |
| 125 | Primary πάντες δʼ Οὐλύμποιο κατήλθομεν ἀντιόωντες |
| 126 | Primary τῆσδε μάχης, ἵνα μή τι μετὰ Τρώεσσι πάθῃσι |
| 127 | Primary σήμερον· ὕστερον αὖτε τὰ πείσεται ἅσσά οἱ αἶσα |
| 128 | Primary γιγνομένῳ ἐπένησε λίνῳ ὅτε μιν τέκε μήτηρ. |
| 129 | Primary εἰ δʼ Ἀχιλεὺς οὐ ταῦτα θεῶν ἐκ πεύσεται ὀμφῆς |
| 130 | Primary δείσετʼ ἔπειθʼ, ὅτε κέν τις ἐναντίβιον θεὸς ἔλθῃ |
| 131 | Primary ἐν πολέμῳ· χαλεποὶ δὲ θεοὶ φαίνεσθαι ἐναργεῖς. |
| 132 | Primary τὴν δʼ ἠμείβετʼ ἔπειτα Ποσειδάων ἐνοσίχθων· |
| 133 | Primary Ἥρη μὴ χαλέπαινε παρʼ ἐκ νόον· οὐδέ τί σε χρή. |
| 134 | Primary οὐκ ἂν ἔγωγʼ ἐθέλοιμι θεοὺς ἔριδι ξυνελάσσαι |
| 135 | Primary ἡμέας τοὺς ἄλλους, ἐπεὶ ἦ πολὺ φέρτεροί εἰμεν· |
| 136 | Primary ἀλλʼ ἡμεῖς μὲν ἔπειτα καθεζώμεσθα κιόντες |
| 137 | Primary ἐκ πάτου ἐς σκοπιήν, πόλεμος δʼ ἄνδρεσσι μελήσει. |
| 138 | Primary εἰ δέ κʼ Ἄρης ἄρχωσι μάχης ἢ Φοῖβος Ἀπόλλων, |
| 139 | Primary ἢ Ἀχιλῆʼ ἴσχωσι καὶ οὐκ εἰῶσι μάχεσθαι, |
| 140 | Primary αὐτίκʼ ἔπειτα καὶ ἄμμι παρʼ αὐτόθι νεῖκος ὀρεῖται |
| 141 | Primary φυλόπιδος· μάλα δʼ ὦκα διακρινθέντας ὀΐω |
| 142 | Primary ἂψ ἴμεν Οὔλυμπον δὲ θεῶν μεθʼ ὁμήγυριν ἄλλων |
| 143 | Primary ἡμετέρῃς ὑπὸ χερσὶν ἀναγκαίηφι δαμέντας. |
| 144 | Primary ὣς ἄρα φωνήσας ἡγήσατο κυανοχαίτης |
| 145 | Primary τεῖχος ἐς ἀμφίχυτον Ἡρακλῆος θείοιο |
| 146 | Primary ὑψηλόν, τό ῥά οἱ Τρῶες καὶ Παλλὰς Ἀθήνη |
| 147 | Primary ποίεον, ὄφρα τὸ κῆτος ὑπεκπροφυγὼν ἀλέαιτο, |
| 148 | Primary ὁππότε μιν σεύαιτο ἀπʼ ἠϊόνος πεδίον δέ. |
| 149 | Primary ἔνθα Ποσειδάων κατʼ ἄρʼ ἕζετο καὶ θεοὶ ἄλλοι, |
| 150 | Primary ἀμφὶ δʼ ἄρʼ ἄρρηκτον νεφέλην ὤμοισιν ἕσαντο· |
| 151 | Primary οἳ δʼ ἑτέρωσε καθῖζον ἐπʼ ὀφρύσι Καλλικολώνης |
| 152 | Primary ἀμφὶ σὲ ἤϊε Φοῖβε καὶ Ἄρηα πτολίπορθον. |
| 153 | Primary ὣς οἳ μέν ῥʼ ἑκάτερθε καθήατο μητιόωντες |
| 154 | Primary βουλάς· ἀρχέμεναι δὲ δυσηλεγέος πολέμοιο |
| 155 | Primary ὄκνεον ἀμφότεροι, Ζεὺς δʼ ἥμενος ὕψι κέλευε. |
| 156 | Primary τῶν δʼ ἅπαν ἐπλήσθη πεδίον καὶ λάμπετο χαλκῷ |
| 157 | Primary ἀνδρῶν ἠδʼ ἵππων· κάρκαιρε δὲ γαῖα πόδεσσιν |
| 158 | Primary ὀρνυμένων ἄμυδις. δύο δʼ ἀνέρες ἔξοχʼ ἄριστοι |
| 159 | Primary ἐς μέσον ἀμφοτέρων συνίτην μεμαῶτε μάχεσθαι |
| 160 | Primary Αἰνείας τʼ Ἀγχισιάδης καὶ δῖος Ἀχιλλεύς. |
| 161 | Primary Αἰνείας δὲ πρῶτος ἀπειλήσας ἐβεβήκει |
| 162 | Primary νευστάζων κόρυθι βριαρῇ· ἀτὰρ ἀσπίδα θοῦριν |
| 163 | Primary πρόσθεν ἔχε στέρνοιο, τίνασσε δὲ χάλκεον ἔγχος. |
| 164 | Primary Πηλεΐδης δʼ ἑτέρωθεν ἐναντίον ὦρτο λέων ὣς |
| 165 | Primary σίντης, ὅν τε καὶ ἄνδρες ἀποκτάμεναι μεμάασιν |
| 166 | Primary ἀγρόμενοι πᾶς δῆμος· ὃ δὲ πρῶτον μὲν ἀτίζων |
| 167 | Primary ἔρχεται, ἀλλʼ ὅτε κέν τις ἀρηϊθόων αἰζηῶν |
| 168 | Primary δουρὶ βάλῃ ἐάλη τε χανών, περί τʼ ἀφρὸς ὀδόντας |
| 169 | Primary γίγνεται, ἐν δέ τέ οἱ κραδίῃ στένει ἄλκιμον ἦτορ, |
| 170 | Primary οὐρῇ δὲ πλευράς τε καὶ ἰσχία ἀμφοτέρωθεν |
| 171 | Primary μαστίεται, ἑὲ δʼ αὐτὸν ἐποτρύνει μαχέσασθαι, |
| 172 | Primary γλαυκιόων δʼ ἰθὺς φέρεται μένει, ἤν τινα πέφνῃ |
| 173 | Primary ἀνδρῶν, ἢ αὐτὸς φθίεται πρώτῳ ἐν ὁμίλῳ· |
| 174 | Primary ὣς Ἀχιλῆʼ ὄτρυνε μένος καὶ θυμὸς ἀγήνωρ |
| 175 | Primary ἀντίον ἐλθέμεναι μεγαλήτορος Αἰνείαο. |
| 176 | Primary οἳ δʼ ὅτε δὴ σχεδὸν ἦσαν ἐπʼ ἀλλήλοισιν ἰόντες, |
| 177 | Primary τὸν πρότερος προσέειπε ποδάρκης δῖος Ἀχιλλεύς· |
| 178 | Primary Αἰνεία τί σὺ τόσσον ὁμίλου πολλὸν ἐπελθὼν |
| 179 | Primary ἔστης; ἦ σέ γε θυμὸς ἐμοὶ μαχέσασθαι ἀνώγει |
| 180 | Primary ἐλπόμενον Τρώεσσιν ἀνάξειν ἱπποδάμοισι |
| 181 | Primary τιμῆς τῆς Πριάμου; ἀτὰρ εἴ κεν ἔμʼ ἐξεναρίξῃς, |
| 182 | Primary οὔ τοι τοὔνεκά γε Πρίαμος γέρας ἐν χερὶ θήσει· |
| 183 | Primary εἰσὶν γάρ οἱ παῖδες, ὃ δʼ ἔμπεδος οὐδʼ ἀεσίφρων. |
| 184 | Primary ἦ νύ τί τοι Τρῶες τέμενος τάμον ἔξοχον ἄλλων |
| 185 | Primary καλὸν φυταλιῆς καὶ ἀρούρης, ὄφρα νέμηαι |
| 186 | Primary αἴ κεν ἐμὲ κτείνῃς; χαλεπῶς δέ σʼ ἔολπα τὸ ῥέξειν. |
| 187 | Primary ἤδη μὲν σέ γέ φημι καὶ ἄλλοτε δουρὶ φοβῆσαι. |
| 188 | Primary ἦ οὐ μέμνῃ ὅτε πέρ σε βοῶν ἄπο μοῦνον ἐόντα |
| 189 | Primary σεῦα κατʼ Ἰδαίων ὀρέων ταχέεσσι πόδεσσι |
| 190 | Primary καρπαλίμως; τότε δʼ οὔ τι μετατροπαλίζεο φεύγων. |
| 191 | Primary ἔνθεν δʼ ἐς Λυρνησσὸν ὑπέκφυγες· αὐτὰρ ἐγὼ τὴν |
| 192 | Primary πέρσα μεθορμηθεὶς σὺν Ἀθήνῃ καὶ Διὶ πατρί, |
| 193 | Primary ληϊάδας δὲ γυναῖκας ἐλεύθερον ἦμαρ ἀπούρας |
| 194 | Primary ἦγον· ἀτὰρ σὲ Ζεὺς ἐρρύσατο καὶ θεοὶ ἄλλοι. |
| 195 | Primary ἀλλʼ οὐ νῦν ἐρύεσθαι ὀΐομαι, ὡς ἐνὶ θυμῷ |
| 196 | Primary βάλλεαι· ἀλλά σʼ ἔγωγʼ ἀναχωρήσαντα κελεύω |
| 197 | Primary ἐς πληθὺν ἰέναι, μηδʼ ἀντίος ἵστασʼ ἐμεῖο, |
| 198 | Primary πρίν τι κακὸν παθέειν· ῥεχθὲν δέ τε νήπιος ἔγνω. |
| 199 | Primary τὸν δʼ αὖτʼ Αἰνείας ἀπαμείβετο φώνησέν τε· |
| 200 | Primary Πηλεΐδη μὴ δὴ ἐπέεσσί με νηπύτιον ὣς |
| 201 | Primary ἔλπεο δειδίξεσθαι, ἐπεὶ σάφα οἶδα καὶ αὐτὸς |
| 202 | Primary ἠμὲν κερτομίας ἠδʼ αἴσυλα μυθήσασθαι. |
| 203 | Primary ἴδμεν δʼ ἀλλήλων γενεήν, ἴδμεν δὲ τοκῆας |
| 204 | Primary πρόκλυτʼ ἀκούοντες ἔπεα θνητῶν ἀνθρώπων· |
| 205 | Primary ὄψει δʼ οὔτʼ ἄρ πω σὺ ἐμοὺς ἴδες οὔτʼ ἄρʼ ἐγὼ σούς. |
| 206 | Primary φασὶ σὲ μὲν Πηλῆος ἀμύμονος ἔκγονον εἶναι, |
| 207 | Primary μητρὸς δʼ ἐκ Θέτιδος καλλιπλοκάμου ἁλοσύδνης· |
| 208 | Primary αὐτὰρ ἐγὼν υἱὸς μεγαλήτορος Ἀγχίσαο |
| 209 | Primary εὔχομαι ἐκγεγάμεν, μήτηρ δέ μοί ἐστʼ Ἀφροδίτη· |
| 210 | Primary τῶν δὴ νῦν ἕτεροί γε φίλον παῖδα κλαύσονται |
| 211 | Primary σήμερον· οὐ γάρ φημʼ ἐπέεσσί γε νηπυτίοισιν |
| 212 | Primary ὧδε διακρινθέντε μάχης ἐξαπονέεσθαι. |
| 213 | Primary εἰ δʼ ἐθέλεις καὶ ταῦτα δαήμεναι, ὄφρʼ ἐῢ εἰδῇς |
| 214 | Primary ἡμετέρην γενεήν, πολλοὶ δέ μιν ἄνδρες ἴσασι· |
| 215 | Primary Δάρδανον αὖ πρῶτον τέκετο νεφεληγερέτα Ζεύς, |
| 216 | Primary κτίσσε δὲ Δαρδανίην, ἐπεὶ οὔ πω Ἴλιος ἱρὴ |
| 217 | Primary ἐν πεδίῳ πεπόλιστο πόλις μερόπων ἀνθρώπων, |
| 218 | Primary ἀλλʼ ἔθʼ ὑπωρείας ᾤκεον πολυπίδακος Ἴδης. |
| 219 | Primary Δάρδανος αὖ τέκεθʼ υἱὸν Ἐριχθόνιον βασιλῆα, |
| 220 | Primary ὃς δὴ ἀφνειότατος γένετο θνητῶν ἀνθρώπων· |
| 221 | Primary τοῦ τρισχίλιαι ἵπποι ἕλος κάτα βουκολέοντο |
| 222 | Primary θήλειαι, πώλοισιν ἀγαλλόμεναι ἀταλῇσι. |
| 223 | Primary τάων καὶ Βορέης ἠράσσατο βοσκομενάων, |
| 224 | Primary ἵππῳ δʼ εἰσάμενος παρελέξατο κυανοχαίτῃ· |
| 225 | Primary αἳ δʼ ὑποκυσάμεναι ἔτεκον δυοκαίδεκα πώλους. |
| 226 | Primary αἳ δʼ ὅτε μὲν σκιρτῷεν ἐπὶ ζείδωρον ἄρουραν, |
| 227 | Primary ἄκρον ἐπʼ ἀνθερίκων καρπὸν θέον οὐδὲ κατέκλων· |
| 228 | Primary ἀλλʼ ὅτε δὴ σκιρτῷεν ἐπʼ εὐρέα νῶτα θαλάσσης, |
| 229 | Primary ἄκρον ἐπὶ ῥηγμῖνος ἁλὸς πολιοῖο θέεσκον. |
| 230 | Primary Τρῶα δʼ Ἐριχθόνιος τέκετο Τρώεσσιν ἄνακτα· |
| 231 | Primary Τρωὸς δʼ αὖ τρεῖς παῖδες ἀμύμονες ἐξεγένοντο |
| 232 | Primary Ἶλός τʼ Ἀσσάρακός τε καὶ ἀντίθεος Γανυμήδης, |
| 233 | Primary ὃς δὴ κάλλιστος γένετο θνητῶν ἀνθρώπων· |
| 234 | Primary τὸν καὶ ἀνηρείψαντο θεοὶ Διὶ οἰνοχοεύειν |
| 235 | Primary κάλλεος εἵνεκα οἷο ἵνʼ ἀθανάτοισι μετείη. |
| 236 | Primary Ἶλος δʼ αὖ τέκεθʼ υἱὸν ἀμύμονα Λαομέδοντα· |
| 237 | Primary Λαομέδων δʼ ἄρα Τιθωνὸν τέκετο Πρίαμόν τε |
| 238 | Primary Λάμπόν τε Κλυτίον θʼ Ἱκετάονά τʼ ὄζον Ἄρηος· |
| 239 | Primary Ἀσσάρακος δὲ Κάπυν, ὃ δʼ ἄρʼ Ἀγχίσην τέκε παῖδα· |
| 240 | Primary αὐτὰρ ἔμʼ Ἀγχίσης, Πρίαμος δʼ ἔτεχʼ Ἕκτορα δῖον. |
| 241 | Primary ταύτης τοι γενεῆς τε καὶ αἵματος εὔχομαι εἶναι. |
| 242 | Primary Ζεὺς δʼ ἀρετὴν ἄνδρεσσιν ὀφέλλει τε μινύθει τε |
| 243 | Primary ὅππως κεν ἐθέλῃσιν· ὃ γὰρ κάρτιστος ἁπάντων. |
| 244 | Primary ἀλλʼ ἄγε μηκέτι ταῦτα λεγώμεθα νηπύτιοι ὣς |
| 245 | Primary ἑσταότʼ ἐν μέσσῃ ὑσμίνῃ δηϊοτῆτος. |
| 246 | Primary ἔστι γὰρ ἀμφοτέροισιν ὀνείδεα μυθήσασθαι |
| 247 | Primary πολλὰ μάλʼ, οὐδʼ ἂν νηῦς ἑκατόζυγος ἄχθος ἄροιτο. |
| 248 | Primary στρεπτὴ δὲ γλῶσσʼ ἐστὶ βροτῶν, πολέες δʼ ἔνι μῦθοι |
| 249 | Primary παντοῖοι, ἐπέων δὲ πολὺς νομὸς ἔνθα καὶ ἔνθα. |
| 250 | Primary ὁπποῖόν κʼ εἴπῃσθα ἔπος, τοῖόν κʼ ἐπακούσαις. |
| 251 | Primary ἀλλὰ τί ἢ ἔριδας καὶ νείκεα νῶϊν ἀνάγκη |
| 252 | Primary νεικεῖν ἀλλήλοισιν ἐναντίον ὥς τε γυναῖκας, |
| 253 | Primary αἵ τε χολωσάμεναι ἔριδος πέρι θυμοβόροιο |
| 254 | Primary νεικεῦσʼ ἀλλήλῃσι μέσην ἐς ἄγυιαν ἰοῦσαι |
| 255 | Primary πόλλʼ ἐτεά τε καὶ οὐκί· χόλος δέ τε καὶ τὰ κελεύει. |
| 256 | Primary ἀλκῆς δʼ οὔ μʼ ἐπέεσσιν ἀποτρέψεις μεμαῶτα |
| 257 | Primary πρὶν χαλκῷ μαχέσασθαι ἐναντίον· ἀλλʼ ἄγε θᾶσσον |
| 258 | Primary γευσόμεθʼ ἀλλήλων χαλκήρεσιν ἐγχείῃσιν. |
| 259 | Primary ἦ ῥα καὶ ἐν δεινῷ σάκει ἤλασεν ὄβριμον ἔγχος |
| 260 | Primary σμερδαλέῳ· μέγα δʼ ἀμφὶ σάκος μύκε δουρὸς ἀκωκῇ. |
| 261 | Primary Πηλεΐδης δὲ σάκος μὲν ἀπὸ ἕο χειρὶ παχείῃ |
| 262 | Primary ἔσχετο ταρβήσας· φάτο γὰρ δολιχόσκιον ἔγχος |
| 263 | Primary ῥέα διελεύσεσθαι μεγαλήτορος Αἰνείαο |
| 264 | Primary νήπιος, οὐδʼ ἐνόησε κατὰ φρένα καὶ κατὰ θυμὸν |
| 265 | Primary ὡς οὐ ῥηΐδιʼ ἐστὶ θεῶν ἐρικυδέα δῶρα |
| 266 | Primary ἀνδράσι γε θνητοῖσι δαμήμεναι οὐδʼ ὑποείκειν. |
| 267 | Primary οὐδὲ τότʼ Αἰνείαο δαΐφρονος ὄβριμον ἔγχος |
| 268 | Primary ῥῆξε σάκος· χρυσὸς γὰρ ἐρύκακε, δῶρα θεοῖο· |
| 269 | Primary ἀλλὰ δύω μὲν ἔλασσε διὰ πτύχας, αἳ δʼ ἄρʼ ἔτι τρεῖς |
| 270 | Primary ἦσαν, ἐπεὶ πέντε πτύχας ἤλασε κυλλοποδίων, |
| 271 | Primary τὰς δύο χαλκείας, δύο δʼ ἔνδοθι κασσιτέροιο, |
| 272 | Primary τὴν δὲ μίαν χρυσῆν, τῇ ῥʼ ἔσχετο μείλινον ἔγχος. |
| 273 | Primary δεύτερος αὖτʼ Ἀχιλεὺς προΐει δολιχόσκιον ἔγχος, |
| 274 | Primary καὶ βάλεν Αἰνείαο κατʼ ἀσπίδα πάντοσʼ ἐΐσην |
| 275 | Primary ἄντυγʼ ὕπο πρώτην, ᾗ λεπτότατος θέε χαλκός, |
| 276 | Primary λεπτοτάτη δʼ ἐπέην ῥινὸς βοός· ἣ δὲ διὰ πρὸ |
| 277 | Primary Πηλιὰς ἤϊξεν μελίη, λάκε δʼ ἀσπὶς ὑπʼ αὐτῆς. |
| 278 | Primary Αἰνείας δʼ ἐάλη καὶ ἀπὸ ἕθεν ἀσπίδʼ ἀνέσχε |
| 279 | Primary δείσας· ἐγχείη δʼ ἄρʼ ὑπὲρ νώτου ἐνὶ γαίῃ |
| 280 | Primary ἔστη ἱεμένη, διὰ δʼ ἀμφοτέρους ἕλε κύκλους |
| 281 | Primary ἀσπίδος ἀμφιβρότης· ὃ δʼ ἀλευάμενος δόρυ μακρὸν |
| 282 | Primary ἔστη, κὰδ δʼ ἄχος οἱ χύτο μυρίον ὀφθαλμοῖσι, |
| 283 | Primary ταρβήσας ὅ οἱ ἄγχι πάγη βέλος. αὐτὰρ Ἀχιλλεὺς |
| 284 | Primary ἐμμεμαὼς ἐπόρουσεν ἐρυσσάμενος ξίφος ὀξὺ |
| 285 | Primary σμερδαλέα ἰάχων· ὃ δὲ χερμάδιον λάβε χειρὶ |
| 286 | Primary Αἰνείας, μέγα ἔργον, ὃ οὐ δύο γʼ ἄνδρε φέροιεν, |
| 287 | Primary οἷοι νῦν βροτοί εἰσʼ· ὃ δέ μιν ῥέα πάλλε καὶ οἶος. |
| 288 | Primary ἔνθά κεν Αἰνείας μὲν ἐπεσσύμενον βάλε πέτρῳ |
| 289 | Primary ἢ κόρυθʼ ἠὲ σάκος, τό οἱ ἤρκεσε λυγρὸν ὄλεθρον, |
| 290 | Primary τὸν δέ κε Πηλεΐδης σχεδὸν ἄορι θυμὸν ἀπηύρα, |
| 291 | Primary εἰ μὴ ἄρʼ ὀξὺ νόησε Ποσειδάων ἐνοσίχθων· |
| 292 | Primary αὐτίκα δʼ ἀθανάτοισι θεοῖς μετὰ μῦθον ἔειπεν· |
| 293 | Primary ὢ πόποι ἦ μοι ἄχος μεγαλήτορος Αἰνείαο, |
| 294 | Primary ὃς τάχα Πηλεΐωνι δαμεὶς Ἄϊδος δὲ κάτεισι |
| 295 | Primary πειθόμενος μύθοισιν Ἀπόλλωνος ἑκάτοιο |
| 296 | Primary νήπιος, οὐδέ τί οἱ χραισμήσει λυγρὸν ὄλεθρον. |
| 297 | Primary ἀλλὰ τί ἢ νῦν οὗτος ἀναίτιος ἄλγεα πάσχει |
| 298 | Primary μὰψ ἕνεκʼ ἀλλοτρίων ἀχέων, κεχαρισμένα δʼ αἰεὶ |
| 299 | Primary δῶρα θεοῖσι δίδωσι τοὶ οὐρανὸν εὐρὺν ἔχουσιν; |
| 300 | Primary ἀλλʼ ἄγεθʼ ἡμεῖς πέρ μιν ὑπὲκ θανάτου ἀγάγωμεν, |
| 301 | Primary μή πως καὶ Κρονίδης κεχολώσεται, αἴ κεν Ἀχιλλεὺς |
| 302 | Primary τόνδε κατακτείνῃ· μόριμον δέ οἵ ἐστʼ ἀλέασθαι, |
| 303 | Primary ὄφρα μὴ ἄσπερμος γενεὴ καὶ ἄφαντος ὄληται |
| 304 | Primary Δαρδάνου, ὃν Κρονίδης περὶ πάντων φίλατο παίδων |
| 305 | Primary οἳ ἕθεν ἐξεγένοντο γυναικῶν τε θνητάων. |
| 306 | Primary ἤδη γὰρ Πριάμου γενεὴν ἔχθηρε Κρονίων· |
| 307 | Primary νῦν δὲ δὴ Αἰνείαο βίη Τρώεσσιν ἀνάξει |
| 308 | Primary καὶ παίδων παῖδες, τοί κεν μετόπισθε γένωνται. |
| 309 | Primary τὸν δʼ ἠμείβετʼ ἔπειτα βοῶπις πότνια Ἥρη· |
| 310 | Primary ἐννοσίγαιʼ, αὐτὸς σὺ μετὰ φρεσὶ σῇσι νόησον |
| 311 | Primary Αἰνείαν ἤ κέν μιν ἐρύσσεαι ἦ κεν ἐάσῃς |
| 312 | Primary Πηλεΐδῃ Ἀχιλῆϊ δαμήμεναι, ἐσθλὸν ἐόντα. |
| 313 | Primary ἤτοι μὲν γὰρ νῶϊ πολέας ὠμόσσαμεν ὅρκους |
| 314 | Primary πᾶσι μετʼ ἀθανάτοισιν ἐγὼ καὶ Παλλὰς Ἀθήνη |
| 315 | Primary μή ποτʼ ἐπὶ Τρώεσσιν ἀλεξήσειν κακὸν ἦμαρ, |
| 316 | Primary μηδʼ ὁπότʼ ἂν Τροίη μαλερῷ πυρὶ πᾶσα δάηται |
| 317 | Primary καιομένη, καίωσι δʼ ἀρήϊοι υἷες Ἀχαιῶν. |
| 318 | Primary αὐτὰρ ἐπεὶ τό γʼ ἄκουσε Ποσειδάων ἐνοσίχθων, |
| 319 | Primary βῆ ῥʼ ἴμεν ἄν τε μάχην καὶ ἀνὰ κλόνον ἐγχειάων, |
| 320 | Primary ἷξε δʼ ὅθʼ Αἰνείας ἠδʼ ὃ κλυτὸς ἦεν Ἀχιλλεύς. |
| 321 | Primary αὐτίκα τῷ μὲν ἔπειτα κατʼ ὀφθαλμῶν χέεν ἀχλὺν |
| 322 | Primary Πηλεΐδῃ Ἀχιλῆϊ· ὃ δὲ μελίην εὔχαλκον |
| 323 | Primary ἀσπίδος ἐξέρυσεν μεγαλήτορος Αἰνείαο· |
| 324 | Primary καὶ τὴν μὲν προπάροιθε ποδῶν Ἀχιλῆος ἔθηκεν, |
| 325 | Primary Αἰνείαν δʼ ἔσσευεν ἀπὸ χθονὸς ὑψόσʼ ἀείρας. |
| 326 | Primary πολλὰς δὲ στίχας ἡρώων, πολλὰς δὲ καὶ ἵππων |
| 327 | Primary Αἰνείας ὑπερᾶλτο θεοῦ ἀπὸ χειρὸς ὀρούσας, |
| 328 | Primary ἷξε δʼ ἐπʼ ἐσχατιὴν πολυάϊκος πολέμοιο, |
| 329 | Primary ἔνθά τε Καύκωνες πόλεμον μέτα θωρήσσοντο. |
| 330 | Primary τῷ δὲ μάλʼ ἐγγύθεν ἦλθε Ποσειδάων ἐνοσίχθων, |
| 331 | Primary καί μιν φωνήσας ἔπεα πτερόεντα προσηύδα· |
| 332 | Primary Αἰνεία, τίς σʼ ὧδε θεῶν ἀτέοντα κελεύει |
| 333 | Primary ἀντία Πηλεΐωνος ὑπερθύμοιο μάχεσθαι, |
| 334 | Primary ὃς σεῦ ἅμα κρείσσων καὶ φίλτερος ἀθανάτοισιν; |
| 335 | Primary ἀλλʼ ἀναχωρῆσαι ὅτε κεν συμβλήσεαι αὐτῷ, |
| 336 | Primary μὴ καὶ ὑπὲρ μοῖραν δόμον Ἄϊδος εἰσαφίκηαι. |
| 337 | Primary αὐτὰρ ἐπεί κʼ Ἀχιλεὺς θάνατον καὶ πότμον ἐπίσπῃ, |
| 338 | Primary θαρσήσας δὴ ἔπειτα μετὰ πρώτοισι μάχεσθαι· |
| 339 | Primary οὐ μὲν γάρ τίς σʼ ἄλλος Ἀχαιῶν ἐξεναρίξει. |
| 340 | Primary ὣς εἰπὼν λίπεν αὐτόθʼ, ἐπεὶ διεπέφραδε πάντα. |
| 341 | Primary αἶψα δʼ ἔπειτʼ Ἀχιλῆος ἀπʼ ὀφθαλμῶν σκέδασʼ ἀχλὺν |
| 342 | Primary θεσπεσίην· ὃ δʼ ἔπειτα μέγʼ ἔξιδεν ὀφθαλμοῖσιν, |
| 343 | Primary ὀχθήσας δʼ ἄρα εἶπε πρὸς ὃν μεγαλήτορα θυμόν· |
| 344 | Primary ὢ πόποι ἦ μέγα θαῦμα τόδʼ ὀφθαλμοῖσιν ὁρῶμαι· |
| 345 | Primary ἔγχος μὲν τόδε κεῖται ἐπὶ χθονός, οὐδέ τι φῶτα |
| 346 | Primary λεύσσω, τῷ ἐφέηκα κατακτάμεναι μενεαίνων. |
| 347 | Primary ἦ ῥα καὶ Αἰνείας φίλος ἀθανάτοισι θεοῖσιν |
| 348 | Primary ἦεν· ἀτάρ μιν ἔφην μὰψ αὔτως εὐχετάασθαι. |
| 349 | Primary ἐρρέτω· οὔ οἱ θυμὸς ἐμεῦ ἔτι πειρηθῆναι |
| 350 | Primary ἔσσεται, ὃς καὶ νῦν φύγεν ἄσμενος ἐκ θανάτοιο. |
| 351 | Primary ἀλλʼ ἄγε δὴ Δαναοῖσι φιλοπτολέμοισι κελεύσας |
| 352 | Primary τῶν ἄλλων Τρώων πειρήσομαι ἀντίος ἐλθών. |
| 353 | Primary ἦ, καὶ ἐπὶ στίχας ἆλτο, κέλευε δὲ φωτὶ ἑκάστῳ· |
| 354 | Primary μηκέτι νῦν Τρώων ἑκὰς ἕστατε δῖοι Ἀχαιοί, |
| 355 | Primary ἀλλʼ ἄγʼ ἀνὴρ ἄντʼ ἀνδρὸς ἴτω, μεμάτω δὲ μάχεσθαι. |
| 356 | Primary ἀργαλέον δέ μοί ἐστι καὶ ἰφθίμῳ περ ἐόντι |
| 357 | Primary τοσσούσδʼ ἀνθρώπους ἐφέπειν καὶ πᾶσι μάχεσθαι· |
| 358 | Primary οὐδέ κʼ Ἄρης, ὅς περ θεὸς ἄμβροτος, οὐδέ κʼ Ἀθήνη |
| 359 | Primary τοσσῆσδʼ ὑσμίνης ἐφέποι στόμα καὶ πονέοιτο· |
| 360 | Primary ἀλλʼ ὅσσον μὲν ἐγὼ δύναμαι χερσίν τε ποσίν τε |
| 361 | Primary καὶ σθένει, οὔ μʼ ἔτι φημὶ μεθησέμεν οὐδʼ ἠβαιόν, |
| 362 | Primary ἀλλὰ μάλα στιχὸς εἶμι διαμπερές, οὐδέ τινʼ οἴω |
| 363 | Primary Τρώων χαιρήσειν, ὅς τις σχεδὸν ἔγχεος ἔλθῃ. |
| 364 | Primary ὣς φάτʼ ἐποτρύνων· Τρώεσσι δὲ φαίδιμος Ἕκτωρ |
| 365 | Primary κέκλεθʼ ὁμοκλήσας, φάτο δʼ ἴμεναι ἄντʼ Ἀχιλῆος· |
| 366 | Primary Τρῶες ὑπέρθυμοι μὴ δείδιτε Πηλεΐωνα. |
| 367 | Primary καί κεν ἐγὼ ἐπέεσσι καὶ ἀθανάτοισι μαχοίμην, |
| 368 | Primary ἔγχεϊ δʼ ἀργαλέον, ἐπεὶ ἦ πολὺ φέρτεροί εἰσιν. |
| 369 | Primary οὐδʼ Ἀχιλεὺς πάντεσσι τέλος μύθοις ἐπιθήσει, |
| 370 | Primary ἀλλὰ τὸ μὲν τελέει, τὸ δὲ καὶ μεσσηγὺ κολούει. |
| 371 | Primary τοῦ δʼ ἐγὼ ἀντίος εἶμι καὶ εἰ πυρὶ χεῖρας ἔοικεν, |
| 372 | Primary εἰ πυρὶ χεῖρας ἔοικε, μένος δʼ αἴθωνι σιδήρῳ. |
| 373 | Primary ὣς φάτʼ ἐποτρύνων, οἳ δʼ ἀντίοι ἔγχεʼ ἄειραν |
| 374 | Primary Τρῶες· τῶν δʼ ἄμυδις μίχθη μένος, ὦρτο δʼ ἀϋτή. |
| 375 | Primary καὶ τότʼ ἄρʼ Ἕκτορα εἶπε παραστὰς Φοῖβος Ἀπόλλων· |
| 376 | Primary Ἕκτορ μηκέτι πάμπαν Ἀχιλλῆϊ προμάχιζε, |
| 377 | Primary ἀλλὰ κατὰ πληθύν τε καὶ ἐκ φλοίσβοιο δέδεξο, |
| 378 | Primary μή πώς σʼ ἠὲ βάλῃ ἠὲ σχεδὸν ἄορι τύψῃ. |
| 379 | Primary ὣς ἔφαθʼ, Ἕκτωρ δʼ αὖτις ἐδύσετο οὐλαμὸν ἀνδρῶν |
| 380 | Primary ταρβήσας, ὅτʼ ἄκουσε θεοῦ ὄπα φωνήσαντος. |
| 381 | Primary ἐν δʼ Ἀχιλεὺς Τρώεσσι θόρε φρεσὶν εἱμένος ἀλκὴν |
| 382 | Primary σμερδαλέα ἰάχων, πρῶτον δʼ ἕλεν Ἰφιτίωνα |
| 383 | Primary ἐσθλὸν Ὀτρυντεΐδην πολέων ἡγήτορα λαῶν, |
| 384 | Primary ὃν νύμφη τέκε νηῒς Ὀτρυντῆϊ πτολιπόρθῳ |
| 385 | Primary Τμώλῳ ὕπο νιφόεντι Ὕδης ἐν πίονι δήμῳ· |
| 386 | Primary τὸν δʼ ἰθὺς μεμαῶτα βάλʼ ἔγχεϊ δῖος Ἀχιλλεὺς |
| 387 | Primary μέσσην κὰκ κεφαλήν· ἣ δʼ ἄνδιχα πᾶσα κεάσθη, |
| 388 | Primary δούπησεν δὲ πεσών, ὃ δʼ ἐπεύξατο δῖος Ἀχιλλεύς· |
| 389 | Primary κεῖσαι Ὀτρυντεΐδη πάντων ἐκπαγλότατʼ ἀνδρῶν· |
| 390 | Primary ἐνθάδε τοι θάνατος, γενεὴ δέ τοί ἐστʼ ἐπὶ λίμνῃ |
| 391 | Primary Γυγαίῃ, ὅθι τοι τέμενος πατρώϊόν ἐστιν |
| 392 | Primary Ὕλλῳ ἐπʼ ἰχθυόεντι καὶ Ἕρμῳ δινήεντι. |
| 393 | Primary ὣς ἔφατʼ εὐχόμενος, τὸν δὲ σκότος ὄσσε κάλυψε. |
| 394 | Primary τὸν μὲν Ἀχαιῶν ἵπποι ἐπισσώτροις δατέοντο |
| 395 | Primary πρώτῃ ἐν ὑσμίνῃ· ὃ δʼ ἐπʼ αὐτῷ Δημολέοντα |
| 396 | Primary ἐσθλὸν ἀλεξητῆρα μάχης Ἀντήνορος υἱὸν |
| 397 | Primary νύξε κατὰ κρόταφον, κυνέης διὰ χαλκοπαρῄου. |
| 398 | Primary οὐδʼ ἄρα χαλκείη κόρυς ἔσχεθεν, ἀλλὰ διʼ αὐτῆς |
| 399 | Primary αἰχμὴ ἱεμένη ῥῆξʼ ὀστέον, ἐγκέφαλος δὲ |
| 400 | Primary ἔνδον ἅπας πεπάλακτο· δάμασσε δέ μιν μεμαῶτα. |
| 401 | Primary Ἱπποδάμαντα δʼ ἔπειτα καθʼ ἵππων ἀΐξαντα |
| 402 | Primary πρόσθεν ἕθεν φεύγοντα μετάφρενον οὔτασε δουρί. |
| 403 | Primary αὐτὰρ ὃ θυμὸν ἄϊσθε καὶ ἤρυγεν, ὡς ὅτε ταῦρος |
| 404 | Primary ἤρυγεν ἑλκόμενος Ἑλικώνιον ἀμφὶ ἄνακτα |
| 405 | Primary κούρων ἑλκόντων· γάνυται δέ τε τοῖς ἐνοσίχθων· |
| 406 | Primary ὣς ἄρα τόν γʼ ἐρυγόντα λίπʼ ὀστέα θυμὸς ἀγήνωρ· |
| 407 | Primary αὐτὰρ ὃ βῆ σὺν δουρὶ μετʼ ἀντίθεον Πολύδωρον |
| 408 | Primary Πριαμίδην. τὸν δʼ οὔ τι πατὴρ εἴασκε μάχεσθαι, |
| 409 | Primary οὕνεκά οἱ μετὰ παισὶ νεώτατος ἔσκε γόνοιο, |
| 410 | Primary καί οἱ φίλτατος ἔσκε, πόδεσσι δὲ πάντας ἐνίκα |
| 411 | Primary δὴ τότε νηπιέῃσι ποδῶν ἀρετὴν ἀναφαίνων |
| 412 | Primary θῦνε διὰ προμάχων, εἷος φίλον ὤλεσε θυμόν. |
| 413 | Primary τὸν βάλε μέσσον ἄκοντι ποδάρκης δῖος Ἀχιλλεὺς |
| 414 | Primary νῶτα παραΐσσοντος, ὅθι ζωστῆρος ὀχῆες |
| 415 | Primary χρύσειοι σύνεχον καὶ διπλόος ἤντετο θώρηξ· |
| 416 | Primary ἀντικρὺ δὲ διέσχε παρʼ ὀμφαλὸν ἔγχεος αἰχμή, |
| 417 | Primary γνὺξ δʼ ἔριπʼ οἰμώξας, νεφέλη δέ μιν ἀμφεκάλυψε |
| 418 | Primary κυανέη, προτὶ οἷ δʼ ἔλαβʼ ἔντερα χερσὶ λιασθείς. |
| 419 | Primary Ἕκτωρ δʼ ὡς ἐνόησε κασίγνητον Πολύδωρον |
| 420 | Primary ἔντερα χερσὶν ἔχοντα λιαζόμενον ποτὶ γαίη |
| 421 | Primary κάρ ῥά οἱ ὀφθαλμῶν κέχυτʼ ἀχλύς· οὐδʼ ἄρʼ ἔτʼ ἔτλη |
| 422 | Primary δηρὸν ἑκὰς στρωφᾶσθʼ, ἀλλʼ ἀντίος ἦλθʼ Ἀχιλῆϊ |
| 423 | Primary ὀξὺ δόρυ κραδάων φλογὶ εἴκελος· αὐτὰρ Ἀχιλλεὺς |
| 424 | Primary ὡς εἶδʼ, ὣς ἀνεπᾶλτο, καὶ εὐχόμενος ἔπος ηὔδα· |
| 425 | Primary ἐγγὺς ἀνὴρ ὃς ἐμόν γε μάλιστʼ ἐσεμάσσατο θυμόν, |
| 426 | Primary ὅς μοι ἑταῖρον ἔπεφνε τετιμένον· οὐδʼ ἂν ἔτι δὴν |
| 427 | Primary ἀλλήλους πτώσσοιμεν ἀνὰ πτολέμοιο γεφύρας. |
| 428 | Primary ἦ, καὶ ὑπόδρα ἰδὼν προσεφώνεεν Ἕκτορα δῖον· |
| 429 | Primary ἆσσον ἴθʼ ὥς κεν θᾶσσον ὀλέθρου πείραθʼ ἵκηαι. |
| 430 | Primary τὸν δʼ οὐ ταρβήσας προσέφη κορυθαίολος Ἕκτωρ· |
| 431 | Primary Πηλεΐδη μὴ δὴ ἐπέεσσί με νηπύτιον ὣς |
| 432 | Primary ἔλπεο δειδίξεσθαι, ἐπεὶ σάφα οἶδα καὶ αὐτὸς |
| 433 | Primary ἠμὲν κερτομίας ἠδʼ αἴσυλα μυθήσασθαι. |
| 434 | Primary οἶδα δʼ ὅτι σὺ μὲν ἐσθλός, ἐγὼ δὲ σέθεν πολὺ χείρων. |
| 435 | Primary ἀλλʼ ἤτοι μὲν ταῦτα θεῶν ἐν γούνασι κεῖται, |
| 436 | Primary αἴ κέ σε χειρότερός περ ἐὼν ἀπὸ θυμὸν ἕλωμαι |
| 437 | Primary δουρὶ βαλών, ἐπεὶ ἦ καὶ ἐμὸν βέλος ὀξὺ πάροιθεν. |
| 438 | Primary ἦ ῥα, καὶ ἀμπεπαλὼν προΐει δόρυ, καὶ τό γʼ Ἀθήνη |
| 439 | Primary πνοιῇ Ἀχιλλῆος πάλιν ἔτραπε κυδαλίμοιο |
| 440 | Primary ἦκα μάλα ψύξασα· τὸ δʼ ἂψ ἵκεθʼ Ἕκτορα δῖον, |
| 441 | Primary αὐτοῦ δὲ προπάροιθε ποδῶν πέσεν. αὐτὰρ Ἀχιλλεὺς |
| 442 | Primary ἐμμεμαὼς ἐπόρουσε κατακτάμεναι μενεαίνων, |
| 443 | Primary σμερδαλέα ἰάχων· τὸν δʼ ἐξήρπαξεν Ἀπόλλων |
| 444 | Primary ῥεῖα μάλʼ ὥς τε θεός, ἐκάλυψε δʼ ἄρʼ ἠέρι πολλῇ. |
| 445 | Primary τρὶς μὲν ἔπειτʼ ἐπόρουσε ποδάρκης δῖος Ἀχιλλεὺς |
| 446 | Primary ἔγχεϊ χαλκείῳ, τρὶς δʼ ἠέρα τύψε βαθεῖαν. |
| 447 | Primary ἀλλʼ ὅτε δὴ τὸ τέταρτον ἐπέσσυτο δαίμονι ἶσος, |
| 448 | Primary δεινὰ δʼ ὁμοκλήσας ἔπεα πτερόεντα προσηύδα· |
| 449 | Primary ἐξ αὖ νῦν ἔφυγες θάνατον κύον· ἦ τέ τοι ἄγχι |
| 450 | Primary ἦλθε κακόν· νῦν αὖτέ σʼ ἐρύσατο Φοῖβος Ἀπόλλων, |
| 451 | Primary ᾧ μέλλεις εὔχεσθαι ἰὼν ἐς δοῦπον ἀκόντων. |
| 452 | Primary ἦ θήν σʼ ἐξανύω γε καὶ ὕστερον ἀντιβολήσας, |
| 453 | Primary εἴ πού τις καὶ ἔμοιγε θεῶν ἐπιτάρροθός ἐστι. |
| 454 | Primary νῦν αὖ τοὺς ἄλλους ἐπιείσομαι, ὅν κε κιχείω. |
| 455 | Primary ὣς εἰπὼν Δρύοπʼ οὖτα κατʼ αὐχένα μέσσον ἄκοντι· |
| 456 | Primary ἤριπε δὲ προπάροιθε ποδῶν· ὃ δὲ τὸν μὲν ἔασε, |
| 457 | Primary Δημοῦχον δὲ Φιλητορίδην ἠΰν τε μέγαν τε |
| 458 | Primary κὰγ γόνυ δουρὶ βαλὼν ἠρύκακε. τὸν μὲν ἔπειτα |
| 459 | Primary οὐτάζων ξίφεϊ μεγάλῳ ἐξαίνυτο θυμόν· |
| 460 | Primary αὐτὰρ ὃ Λαόγονον καὶ Δάρδανον υἷε Βίαντος |
| 461 | Primary ἄμφω ἐφορμηθεὶς ἐξ ἵππων ὦσε χαμᾶζε, |
| 462 | Primary τὸν μὲν δουρὶ βαλών, τὸν δὲ σχεδὸν ἄορι τύψας. |
| 463 | Primary Τρῶα δʼ Ἀλαστορίδην, ὃ μὲν ἀντίος ἤλυθε γούνων, |
| 464 | Primary εἴ πώς εὑ πεφίδοιτο λαβὼν καὶ ζωὸν ἀφείη |
| 465 | Primary μηδὲ κατακτείνειεν ὁμηλικίην ἐλεήσας, |
| 466 | Primary νήπιος, οὐδὲ τὸ ᾔδη ὃ οὐ πείσεσθαι ἔμελλεν· |
| 467 | Primary οὐ γάρ τι γλυκύθυμος ἀνὴρ ἦν οὐδʼ ἀγανόφρων, |
| 468 | Primary ἀλλὰ μάλʼ ἐμμεμαώς· ὃ μὲν ἥπτετο χείρεσι γούνων |
| 469 | Primary ἱέμενος λίσσεσθʼ, ὃ δὲ φασγάνῳ οὖτα καθʼ ἧπαρ· |
| 470 | Primary ἐκ δέ οἱ ἧπαρ ὄλισθεν, ἀτὰρ μέλαν αἷμα κατʼ αὐτοῦ |
| 471 | Primary κόλπον ἐνέπλησεν· τὸν δὲ σκότος ὄσσε κάλυψε |
| 472 | Primary θυμοῦ δευόμενον· ὃ δὲ Μούλιον οὖτα παραστὰς |
| 473 | Primary δουρὶ κατʼ οὖς· εἶθαρ δὲ διʼ οὔατος ἦλθʼ ἑτέροιο |
| 474 | Primary αἰχμὴ χαλκείη· ὃ δʼ Ἀγήνορος υἱὸν Ἔχεκλον |
| 475 | Primary μέσσην κὰκ κεφαλὴν ξίφει ἤλασε κωπήεντι, |
| 476 | Primary πᾶν δʼ ὑπεθερμάνθη ξίφος αἵματι· τὸν δὲ κατʼ ὄσσε |
| 477 | Primary ἔλλαβε πορφύρεος θάνατος καὶ μοῖρα κραταιή. |
| 478 | Primary Δευκαλίωνα δʼ ἔπειθʼ, ἵνα τε ξυνέχουσι τένοντες |
| 479 | Primary ἀγκῶνος, τῇ τόν γε φίλης διὰ χειρὸς ἔπειρεν |
| 480 | Primary αἰχμῇ χαλκείῃ· ὃ δέ μιν μένε χεῖρα βαρυνθεὶς |
| 481 | Primary πρόσθʼ ὁρόων θάνατον· ὃ δὲ φασγάνῳ αὐχένα θείνας |
| 482 | Primary τῆλʼ αὐτῇ πήληκι κάρη βάλε· μυελὸς αὖτε |
| 483 | Primary σφονδυλίων ἔκπαλθʼ, ὃ δʼ ἐπὶ χθονὶ κεῖτο τανυσθείς. |
| 484 | Primary αὐτὰρ ὃ βῆ ῥʼ ἰέναι μετʼ ἀμύμονα Πείρεω υἱὸν |
| 485 | Primary Ῥίγμον, ὃς ἐκ Θρῄκης ἐριβώλακος εἰληλούθει· |
| 486 | Primary τὸν βάλε μέσσον ἄκοντι, πάγη δʼ ἐν νηδύϊ χαλκός, |
| 487 | Primary ἤριπε δʼ ἐξ ὀχέων· ὃ δʼ Ἀρηΐθοον θεράποντα |
| 488 | Primary ἂψ ἵππους στρέψαντα μετάφρενον ὀξέϊ δουρὶ |
| 489 | Primary νύξʼ, ἀπὸ δʼ ἅρματος ὦσε· κυκήθησαν δέ οἱ ἵπποι. |
| 490 | Primary ὡς δʼ ἀναμαιμάει βαθέʼ ἄγκεα θεσπιδαὲς πῦρ |
| 491 | Primary οὔρεος ἀζαλέοιο, βαθεῖα δὲ καίεται ὕλη, |
| 492 | Primary πάντῃ τε κλονέων ἄνεμος φλόγα εἰλυφάζει, |
| 493 | Primary ὣς ὅ γε πάντῃ θῦνε σὺν ἔγχεϊ δαίμονι ἶσος |
| 494 | Primary κτεινομένους ἐφέπων· ῥέε δʼ αἵματι γαῖα μέλαινα. |
| 495 | Primary ὡς δʼ ὅτε τις ζεύξῃ βόας ἄρσενας εὐρυμετώπους |
| 496 | Primary τριβέμεναι κρῖ λευκὸν ἐϋκτιμένῃ ἐν ἀλωῇ, |
| 497 | Primary ῥίμφά τε λέπτʼ ἐγένοντο βοῶν ὑπὸ πόσσʼ ἐριμύκων, |
| 498 | Primary ὣς ὑπʼ Ἀχιλλῆος μεγαθύμου μώνυχες ἵπποι |
| 499 | Primary στεῖβον ὁμοῦ νέκυάς τε καὶ ἀσπίδας· αἵματι δʼ ἄξων |
| 500 | Primary νέρθεν ἅπας πεπάλακτο καὶ ἄντυγες αἳ περὶ δίφρον, |
| 501 | Primary ἃς ἄρʼ ἀφʼ ἱππείων ὁπλέων ῥαθάμιγγες ἔβαλλον |
| 502 | Primary αἵ τʼ ἀπʼ ἐπισσώτρων· ὃ δὲ ἵετο κῦδος ἀρέσθαι |
| 503 | Primary Πηλεΐδης, λύθρῳ δὲ παλάσσετο χεῖρας ἀάπτους. |