Reader
Reader | Iliad, Book 5
Iliad
Homer
Text
Position
Line 1 of 909
Waypoints
| Line Ref | Monro and Allen | Ancient Greek |
|---|---|
| 1 | Primary ἔνθʼ αὖ Τυδεΐδῃ Διομήδεϊ Παλλὰς Ἀθήνη |
| 2 | Primary δῶκε μένος καὶ θάρσος, ἵνʼ ἔκδηλος μετὰ πᾶσιν |
| 3 | Primary Ἀργείοισι γένοιτο ἰδὲ κλέος ἐσθλὸν ἄροιτο· |
| 4 | Primary δαῖέ οἱ ἐκ κόρυθός τε καὶ ἀσπίδος ἀκάματον πῦρ |
| 5 | Primary ἀστέρʼ ὀπωρινῷ ἐναλίγκιον, ὅς τε μάλιστα |
| 6 | Primary λαμπρὸν παμφαίνῃσι λελουμένος ὠκεανοῖο· |
| 7 | Primary τοῖόν οἱ πῦρ δαῖεν ἀπὸ κρατός τε καὶ ὤμων, |
| 8 | Primary ὦρσε δέ μιν κατὰ μέσσον ὅθι πλεῖστοι κλονέοντο. |
| 9 | Primary ἦν δέ τις ἐν Τρώεσσι Δάρης ἀφνειὸς ἀμύμων |
| 10 | Primary ἱρεὺς Ἡφαίστοιο· δύω δέ οἱ υἱέες ἤστην |
| 11 | Primary Φηγεὺς Ἰδαῖός τε μάχης εὖ εἰδότε πάσης. |
| 12 | Primary τώ οἱ ἀποκρινθέντε ἐναντίω ὁρμηθήτην· |
| 13 | Primary τὼ μὲν ἀφʼ ἵπποιιν, ὃ δʼ ἀπὸ χθονὸς ὄρνυτο πεζός. |
| 14 | Primary οἳ δʼ ὅτε δὴ σχεδὸν ἦσαν ἐπʼ ἀλλήλοισιν ἰόντες |
| 15 | Primary Φηγεύς ῥα πρότερος προΐει δολιχόσκιον ἔγχος· |
| 16 | Primary Τυδεΐδεω δʼ ὑπὲρ ὦμον ἀριστερὸν ἤλυθʼ ἀκωκὴ |
| 17 | Primary ἔγχεος, οὐδʼ ἔβαλʼ αὐτόν· ὃ δʼ ὕστερος ὄρνυτο χαλκῷ |
| 18 | Primary Τυδεΐδης· τοῦ δʼ οὐχ ἅλιον βέλος ἔκφυγε χειρός, |
| 19 | Primary ἀλλʼ ἔβαλε στῆθος μεταμάζιον, ὦσε δʼ ἀφʼ ἵππων. |
| 20 | Primary Ἰδαῖος δʼ ἀπόρουσε λιπὼν περικαλλέα δίφρον, |
| 21 | Primary οὐδʼ ἔτλη περιβῆναι ἀδελφειοῦ κταμένοιο· |
| 22 | Primary οὐδὲ γὰρ οὐδέ κεν αὐτὸς ὑπέκφυγε κῆρα μέλαιναν, |
| 23 | Primary ἀλλʼ Ἥφαιστος ἔρυτο, σάωσε δὲ νυκτὶ καλύψας, |
| 24 | Primary ὡς δή οἱ μὴ πάγχυ γέρων ἀκαχήμενος εἴη. |
| 25 | Primary ἵππους δʼ ἐξελάσας μεγαθύμου Τυδέος υἱὸς |
| 26 | Primary δῶκεν ἑταίροισιν κατάγειν κοίλας ἐπὶ νῆας. |
| 27 | Primary Τρῶες δὲ μεγάθυμοι ἐπεὶ ἴδον υἷε Δάρητος |
| 28 | Primary τὸν μὲν ἀλευάμενον, τὸν δὲ κτάμενον παρʼ ὄχεσφι, |
| 29 | Primary πᾶσιν ὀρίνθη θυμός· ἀτὰρ γλαυκῶπις Ἀθήνη |
| 30 | Primary χειρὸς ἑλοῦσʼ ἐπέεσσι προσηύδα θοῦρον Ἄρηα· |
| 31 | Primary Ἆρες Ἄρες βροτολοιγὲ μιαιφόνε τειχεσιπλῆτα |
| 32 | Primary οὐκ ἂν δὴ Τρῶας μὲν ἐάσαιμεν καὶ Ἀχαιοὺς |
| 33 | Primary μάρνασθʼ, ὁπποτέροισι πατὴρ Ζεὺς κῦδος ὀρέξῃ, |
| 34 | Primary νῶϊ δὲ χαζώμεσθα, Διὸς δʼ ἀλεώμεθα μῆνιν; |
| 35 | Primary ὣς εἰποῦσα μάχης ἐξήγαγε θοῦρον Ἄρηα· |
| 36 | Primary τὸν μὲν ἔπειτα καθεῖσεν ἐπʼ ἠϊόεντι Σκαμάνδρῳ, |
| 37 | Primary Τρῶας δʼ ἔκλιναν Δαναοί· ἕλε δʼ ἄνδρα ἕκαστος |
| 38 | Primary ἡγεμόνων· πρῶτος δὲ ἄναξ ἀνδρῶν Ἀγαμέμνων |
| 39 | Primary ἀρχὸν Ἁλιζώνων Ὀδίον μέγαν ἔκβαλε δίφρου· |
| 40 | Primary πρώτῳ γὰρ στρεφθέντι μεταφρένῳ ἐν δόρυ πῆξεν |
| 41 | Primary ὤμων μεσσηγύς, διὰ δὲ στήθεσφιν ἔλασσε, |
| 42 | Primary δούπησεν δὲ πεσών, ἀράβησε δὲ τεύχεʼ ἐπʼ αὐτῷ. |
| 43 | Primary Ἰδομενεὺς δʼ ἄρα Φαῖστον ἐνήρατο Μῄονος υἱὸν |
| 44 | Primary Βώρου, ὃς ἐκ Τάρνης ἐριβώλακος εἰληλούθει. |
| 45 | Primary τὸν μὲν ἄρʼ Ἰδομενεὺς δουρικλυτὸς ἔγχεϊ μακρῷ |
| 46 | Primary νύξʼ ἵππων ἐπιβησόμενον κατὰ δεξιὸν ὦμον· |
| 47 | Primary ἤριπε δʼ ἐξ ὀχέων, στυγερὸς δʼ ἄρα μιν σκότος εἷλε. |
| 48 | Primary τὸν μὲν ἄρʼ Ἰδομενῆος ἐσύλευον θεράποντες· |
| 49 | Primary υἱὸν δὲ Στροφίοιο Σκαμάνδριον αἵμονα θήρης |
| 50 | Primary Ἀτρεΐδης Μενέλαος ἕλʼ ἔγχεϊ ὀξυόεντι |
| 51 | Primary ἐσθλὸν θηρητῆρα· δίδαξε γὰρ Ἄρτεμις αὐτὴ |
| 52 | Primary βάλλειν ἄγρια πάντα, τά τε τρέφει οὔρεσιν ὕλη· |
| 53 | Primary ἀλλʼ οὔ οἱ τότε γε χραῖσμʼ Ἄρτεμις ἰοχέαιρα, |
| 54 | Primary οὐδὲ ἑκηβολίαι ᾗσιν τὸ πρίν γε κέκαστο· |
| 55 | Primary ἀλλά μιν Ἀτρεΐδης δουρικλειτὸς Μενέλαος |
| 56 | Primary πρόσθεν ἕθεν φεύγοντα μετάφρενον οὔτασε δουρὶ |
| 57 | Primary ὤμων μεσσηγύς, διὰ δὲ στήθεσφιν ἔλασσεν, |
| 58 | Primary ἤριπε δὲ πρηνής, ἀράβησε δὲ τεύχεʼ ἐπʼ αὐτῷ. |
| 59 | Primary Μηριόνης δὲ Φέρεκλον ἐνήρατο, τέκτονος υἱὸν |
| 60 | Primary Ἁρμονίδεω, ὃς χερσὶν ἐπίστατο δαίδαλα πάντα |
| 61 | Primary τεύχειν· ἔξοχα γάρ μιν ἐφίλατο Παλλὰς Ἀθήνη· |
| 62 | Primary ὃς καὶ Ἀλεξάνδρῳ τεκτήνατο νῆας ἐΐσας |
| 63 | Primary ἀρχεκάκους, αἳ πᾶσι κακὸν Τρώεσσι γένοντο |
| 64 | Primary οἷ τʼ αὐτῷ, ἐπεὶ οὔ τι θεῶν ἐκ θέσφατα ᾔδη. |
| 65 | Primary τὸν μὲν Μηριόνης ὅτε δὴ κατέμαρπτε διώκων |
| 66 | Primary βεβλήκει γλουτὸν κατὰ δεξιόν· ἣ δὲ διαπρὸ |
| 67 | Primary ἀντικρὺ κατὰ κύστιν ὑπʼ ὀστέον ἤλυθʼ ἀκωκή· |
| 68 | Primary γνὺξ δʼ ἔριπʼ οἰμώξας, θάνατος δέ μιν ἀμφεκάλυψε. |
| 69 | Primary Πήδαιον δʼ ἄρʼ ἔπεφνε Μέγης Ἀντήνορος υἱὸν |
| 70 | Primary ὅς ῥα νόθος μὲν ἔην, πύκα δʼ ἔτρεφε δῖα Θεανὼ |
| 71 | Primary ἶσα φίλοισι τέκεσσι χαριζομένη πόσεϊ ᾧ. |
| 72 | Primary τὸν μὲν Φυλεΐδης δουρὶ κλυτὸς ἐγγύθεν ἐλθὼν |
| 73 | Primary βεβλήκει κεφαλῆς κατὰ ἰνίον ὀξέϊ δουρί· |
| 74 | Primary ἀντικρὺ δʼ ἀνʼ ὀδόντας ὑπὸ γλῶσσαν τάμε χαλκός· |
| 75 | Primary ἤριπε δʼ ἐν κονίῃ, ψυχρὸν δʼ ἕλε χαλκὸν ὀδοῦσιν. |
| 76 | Primary Εὐρύπυλος δʼ Εὐαιμονίδης Ὑψήνορα δῖον |
| 77 | Primary υἱὸν ὑπερθύμου Δολοπίονος, ὅς ῥα Σκαμάνδρου |
| 78 | Primary ἀρητὴρ ἐτέτυκτο, θεὸς δʼ ὣς τίετο δήμῳ, |
| 79 | Primary τὸν μὲν ἄρʼ Εὐρύπυλος, Εὐαίμονος ἀγλαὸς υἱός, |
| 80 | Primary πρόσθεν ἕθεν φεύγοντα μεταδρομάδην ἔλασʼ ὦμον |
| 81 | Primary φασγάνῳ ἀΐξας, ἀπὸ δʼ ἔξεσε χεῖρα βαρεῖαν· |
| 82 | Primary αἱματόεσσα δὲ χεὶρ πεδίῳ πέσε· τὸν δὲ κατʼ ὄσσε |
| 83 | Primary ἔλλαβε πορφύρεος θάνατος καὶ μοῖρα κραταιή. |
| 84 | Primary ὣς οἳ μὲν πονέοντο κατὰ κρατερὴν ὑσμίνην· |
| 85 | Primary Τυδεΐδην δʼ οὐκ ἂν γνοίης ποτέροισι μετείη |
| 86 | Primary ἠὲ μετὰ Τρώεσσιν ὁμιλέοι ἦ μετʼ Ἀχαιοῖς. |
| 87 | Primary θῦνε γὰρ ἂμ πεδίον ποταμῷ πλήθοντι ἐοικὼς |
| 88 | Primary χειμάρρῳ, ὅς τʼ ὦκα ῥέων ἐκέδασσε γεφύρας· |
| 89 | Primary τὸν δʼ οὔτʼ ἄρ τε γέφυραι ἐεργμέναι ἰσχανόωσιν, |
| 90 | Primary οὔτʼ ἄρα ἕρκεα ἴσχει ἀλωάων ἐριθηλέων |
| 91 | Primary ἐλθόντʼ ἐξαπίνης ὅτʼ ἐπιβρίσῃ Διὸς ὄμβρος· |
| 92 | Primary πολλὰ δʼ ὑπʼ αὐτοῦ ἔργα κατήριπε κάλʼ αἰζηῶν· |
| 93 | Primary ὣς ὑπὸ Τυδεΐδῃ πυκιναὶ κλονέοντο φάλαγγες |
| 94 | Primary Τρώων, οὐδʼ ἄρα μιν μίμνον πολέες περ ἐόντες. |
| 95 | Primary τὸν δʼ ὡς οὖν ἐνόησε Λυκάονος ἀγλαὸς υἱὸς |
| 96 | Primary θύνοντʼ ἂμ πεδίον πρὸ ἕθεν κλονέοντα φάλαγγας, |
| 97 | Primary αἶψʼ ἐπὶ Τυδεΐδῃ ἐτιταίνετο καμπύλα τόξα, |
| 98 | Primary καὶ βάλʼ ἐπαΐσσοντα τυχὼν κατὰ δεξιὸν ὦμον |
| 99 | Primary θώρηκος γύαλον· διὰ δʼ ἔπτατο πικρὸς ὀϊστός, |
| 100 | Primary ἀντικρὺ δὲ διέσχε, παλάσσετο δʼ αἵματι θώρηξ. |
| 101 | Primary τῷ δʼ ἐπὶ μακρὸν ἄϋσε Λυκάονος ἀγλαὸς υἱός· |
| 102 | Primary ὄρνυσθε Τρῶες μεγάθυμοι κέντορες ἵππων· |
| 103 | Primary βέβληται γὰρ ἄριστος Ἀχαιῶν, οὐδέ ἕ φημι |
| 104 | Primary δήθʼ ἀνσχήσεσθαι κρατερὸν βέλος, εἰ ἐτεόν με |
| 105 | Primary ὦρσεν ἄναξ Διὸς υἱὸς ἀπορνύμενον Λυκίηθεν. |
| 106 | Primary ὣς ἔφατʼ εὐχόμενος· τὸν δʼ οὐ βέλος ὠκὺ δάμασσεν, |
| 107 | Primary ἀλλʼ ἀναχωρήσας πρόσθʼ ἵπποιιν καὶ ὄχεσφιν |
| 108 | Primary ἔστη, καὶ Σθένελον προσέφη Καπανήϊον υἱόν· |
| 109 | Primary ὄρσο πέπον Καπανηϊάδη, καταβήσεο δίφρου, |
| 110 | Primary ὄφρά μοι ἐξ ὤμοιο ἐρύσσῃς πικρὸν ὀϊστόν. |
| 111 | Primary ὣς ἄρʼ ἔφη, Σθένελος δὲ καθʼ ἵππων ἆλτο χαμᾶζε, |
| 112 | Primary πὰρ δὲ στὰς βέλος ὠκὺ διαμπερὲς ἐξέρυσʼ ὤμου· |
| 113 | Primary αἷμα δʼ ἀνηκόντιζε διὰ στρεπτοῖο χιτῶνος. |
| 114 | Primary δὴ τότʼ ἔπειτʼ ἠρᾶτο βοὴν ἀγαθὸς Διομήδης· |
| 115 | Primary κλῦθί μευ αἰγιόχοιο Διὸς τέκος Ἀτρυτώνη, |
| 116 | Primary εἴ ποτέ μοι καὶ πατρὶ φίλα φρονέουσα παρέστης |
| 117 | Primary δηΐῳ ἐν πολέμῳ, νῦν αὖτʼ ἐμὲ φῖλαι Ἀθήνη· |
| 118 | Primary δὸς δέ τέ μʼ ἄνδρα ἑλεῖν καὶ ἐς ὁρμὴν ἔγχεος ἐλθεῖν |
| 119 | Primary ὅς μʼ ἔβαλε φθάμενος καὶ ἐπεύχεται, οὐδέ μέ φησι |
| 120 | Primary δηρὸν ἔτʼ ὄψεσθαι λαμπρὸν φάος ἠελίοιο. |
| 121 | Primary ὣς ἔφατʼ εὐχόμενος· τοῦ δʼ ἔκλυε Παλλὰς Ἀθήνη, |
| 122 | Primary γυῖα δʼ ἔθηκεν ἐλαφρά, πόδας καὶ χεῖρας ὕπερθεν· |
| 123 | Primary ἀγχοῦ δʼ ἱσταμένη ἔπεα πτερόεντα προσηύδα· |
| 124 | Primary θαρσῶν νῦν Διόμηδες ἐπὶ Τρώεσσι μάχεσθαι· |
| 125 | Primary ἐν γάρ τοι στήθεσσι μένος πατρώϊον ἧκα |
| 126 | Primary ἄτρομον, οἷον ἔχεσκε σακέσπαλος ἱππότα Τυδεύς· |
| 127 | Primary ἀχλὺν δʼ αὖ τοι ἀπʼ ὀφθαλμῶν ἕλον ἣ πρὶν ἐπῆεν, |
| 128 | Primary ὄφρʼ εὖ γιγνώσκῃς ἠμὲν θεὸν ἠδὲ καὶ ἄνδρα. |
| 129 | Primary τὼ νῦν αἴ κε θεὸς πειρώμενος ἐνθάδʼ ἵκηται |
| 130 | Primary μή τι σύ γʼ ἀθανάτοισι θεοῖς ἀντικρὺ μάχεσθαι |
| 131 | Primary τοῖς ἄλλοις· ἀτὰρ εἴ κε Διὸς θυγάτηρ Ἀφροδίτη |
| 132 | Primary ἔλθῃσʼ ἐς πόλεμον, τήν γʼ οὐτάμεν ὀξέϊ χαλκῷ. |
| 133 | Primary ἣ μὲν ἄρʼ ὣς εἰποῦσʼ ἀπέβη γλαυκῶπις Ἀθήνη, |
| 134 | Primary Τυδεΐδης δʼ ἐξαῦτις ἰὼν προμάχοισιν ἐμίχθη |
| 135 | Primary καὶ πρίν περ θυμῷ μεμαὼς Τρώεσσι μάχεσθαι· |
| 136 | Primary δὴ τότε μιν τρὶς τόσσον ἕλεν μένος ὥς τε λέοντα |
| 137 | Primary ὅν ῥά τε ποιμὴν ἀγρῷ ἐπʼ εἰροπόκοις ὀΐεσσι |
| 138 | Primary χραύσῃ μέν τʼ αὐλῆς ὑπεράλμενον οὐδὲ δαμάσσῃ· |
| 139 | Primary τοῦ μέν τε σθένος ὦρσεν, ἔπειτα δέ τʼ οὐ προσαμύνει, |
| 140 | Primary ἀλλὰ κατὰ σταθμοὺς δύεται, τὰ δʼ ἐρῆμα φοβεῖται· |
| 141 | Primary αἳ μέν τʼ ἀγχιστῖναι ἐπʼ ἀλλήλῃσι κέχυνται, |
| 142 | Primary αὐτὰρ ὃ ἐμμεμαὼς βαθέης ἐξάλλεται αὐλῆς· |
| 143 | Primary ὣς μεμαὼς Τρώεσσι μίγη κρατερὸς Διομήδης. |
| 144 | Primary ἔνθʼ ἕλεν Ἀστύνοον καὶ Ὑπείρονα ποιμένα λαῶν, |
| 145 | Primary τὸν μὲν ὑπὲρ μαζοῖο βαλὼν χαλκήρεϊ δουρί, |
| 146 | Primary τὸν δʼ ἕτερον ξίφεϊ μεγάλῳ κληῗδα παρʼ ὦμον |
| 147 | Primary πλῆξʼ, ἀπὸ δʼ αὐχένος ὦμον ἐέργαθεν ἠδʼ ἀπὸ νώτου. |
| 148 | Primary τοὺς μὲν ἔασʼ, ὃ δʼ Ἄβαντα μετῴχετο καὶ Πολύειδον |
| 149 | Primary υἱέας Εὐρυδάμαντος ὀνειροπόλοιο γέροντος· |
| 150 | Primary τοῖς οὐκ ἐρχομένοις ὃ γέρων ἐκρίνατʼ ὀνείρους, |
| 151 | Primary ἀλλά σφεας κρατερὸς Διομήδης ἐξενάριξε· |
| 152 | Primary βῆ δὲ μετὰ Ξάνθόν τε Θόωνά τε Φαίνοπος υἷε |
| 153 | Primary ἄμφω τηλυγέτω· ὃ δὲ τείρετο γήραϊ λυγρῷ, |
| 154 | Primary υἱὸν δʼ οὐ τέκετʼ ἄλλον ἐπὶ κτεάτεσσι λιπέσθαι. |
| 155 | Primary ἔνθʼ ὅ γε τοὺς ἐνάριζε, φίλον δʼ ἐξαίνυτο θυμὸν |
| 156 | Primary ἀμφοτέρω, πατέρι δὲ γόον καὶ κήδεα λυγρὰ |
| 157 | Primary λεῖπʼ, ἐπεὶ οὐ ζώοντε μάχης ἐκνοστήσαντε |
| 158 | Primary δέξατο· χηρωσταὶ δὲ διὰ κτῆσιν δατέοντο. |
| 159 | Primary ἔνθʼ υἷας Πριάμοιο δύω λάβε Δαρδανίδαο |
| 160 | Primary εἰν ἑνὶ δίφρῳ ἐόντας Ἐχέμμονά τε Χρομίον τε. |
| 161 | Primary ὡς δὲ λέων ἐν βουσὶ θορὼν ἐξ αὐχένα ἄξῃ |
| 162 | Primary πόρτιος ἠὲ βοὸς ξύλοχον κάτα βοσκομενάων, |
| 163 | Primary ὣς τοὺς ἀμφοτέρους ἐξ ἵππων Τυδέος υἱὸς |
| 164 | Primary βῆσε κακῶς ἀέκοντας, ἔπειτα δὲ τεύχεʼ ἐσύλα· |
| 165 | Primary ἵππους δʼ οἷς ἑτάροισι δίδου μετὰ νῆας ἐλαύνειν. |
| 166 | Primary τὸν δʼ ἴδεν Αἰνείας ἀλαπάζοντα στίχας ἀνδρῶν, |
| 167 | Primary βῆ δʼ ἴμεν ἄν τε μάχην καὶ ἀνὰ κλόνον ἐγχειάων |
| 168 | Primary Πάνδαρον ἀντίθεον διζήμενος εἴ που ἐφεύροι· |
| 169 | Primary εὗρε Λυκάονος υἱὸν ἀμύμονά τε κρατερόν τε, |
| 170 | Primary στῆ δὲ πρόσθʼ αὐτοῖο ἔπος τέ μιν ἀντίον ηὔδα· |
| 171 | Primary Πάνδαρε ποῦ τοι τόξον ἰδὲ πτερόεντες ὀϊστοὶ |
| 172 | Primary καὶ κλέος; ᾧ οὔ τίς τοι ἐρίζεται ἐνθάδε γʼ ἀνήρ, |
| 173 | Primary οὐδέ τις ἐν Λυκίῃ σέο γʼ εὔχεται εἶναι ἀμείνων. |
| 174 | Primary ἀλλʼ ἄγε τῷδʼ ἔφες ἀνδρὶ βέλος Διὶ χεῖρας ἀνασχὼν |
| 175 | Primary ὅς τις ὅδε κρατέει καὶ δὴ κακὰ πολλὰ ἔοργε |
| 176 | Primary Τρῶας, ἐπεὶ πολλῶν τε καὶ ἐσθλῶν γούνατʼ ἔλυσεν· |
| 177 | Primary εἰ μή τις θεός ἐστι κοτεσσάμενος Τρώεσσιν |
| 178 | Primary ἱρῶν μηνίσας· χαλεπὴ δὲ θεοῦ ἔπι μῆνις. |
| 179 | Primary τὸν δʼ αὖτε προσέειπε Λυκάονος ἀγλαὸς υἱός· |
| 180 | Primary Αἰνεία Τρώων βουληφόρε χαλκοχιτώνων |
| 181 | Primary Τυδεΐδῃ μιν ἔγωγε δαΐφρονι πάντα ἐΐσκω, |
| 182 | Primary ἀσπίδι γιγνώσκων αὐλώπιδί τε τρυφαλείῃ, |
| 183 | Primary ἵππους τʼ εἰσορόων· σάφα δʼ οὐκ οἶδʼ εἰ θεός ἐστιν. |
| 184 | Primary εἰ δʼ ὅ γʼ ἀνὴρ ὅν φημι δαΐφρων Τυδέος υἱὸς |
| 185 | Primary οὐχ ὅ γʼ ἄνευθε θεοῦ τάδε μαίνεται, ἀλλά τις ἄγχι |
| 186 | Primary ἕστηκʼ ἀθανάτων νεφέλῃ εἰλυμένος ὤμους, |
| 187 | Primary ὃς τούτου βέλος ὠκὺ κιχήμενον ἔτραπεν ἄλλῃ. |
| 188 | Primary ἤδη γάρ οἱ ἐφῆκα βέλος, καί μιν βάλον ὦμον |
| 189 | Primary δεξιὸν ἀντικρὺ διὰ θώρηκος γυάλοιο· |
| 190 | Primary καί μιν ἔγωγʼ ἐφάμην Ἀϊδωνῆϊ προϊάψειν, |
| 191 | Primary ἔμπης δʼ οὐκ ἐδάμασσα· θεός νύ τίς ἐστι κοτήεις. |
| 192 | Primary ἵπποι δʼ οὐ παρέασι καὶ ἅρματα τῶν κʼ ἐπιβαίην· |
| 193 | Primary ἀλλά που ἐν μεγάροισι Λυκάονος ἕνδεκα δίφροι |
| 194 | Primary καλοὶ πρωτοπαγεῖς νεοτευχέες· ἀμφὶ δὲ πέπλοι |
| 195 | Primary πέπτανται· παρὰ δέ σφιν ἑκάστῳ δίζυγες ἵπποι |
| 196 | Primary ἑστᾶσι κρῖ λευκὸν ἐρεπτόμενοι καὶ ὀλύρας. |
| 197 | Primary ἦ μέν μοι μάλα πολλὰ γέρων αἰχμητὰ Λυκάων |
| 198 | Primary ἐρχομένῳ ἐπέτελλε δόμοις ἔνι ποιητοῖσιν· |
| 199 | Primary ἵπποισίν μʼ ἐκέλευε καὶ ἅρμασιν ἐμβεβαῶτα |
| 200 | Primary ἀρχεύειν Τρώεσσι κατὰ κρατερὰς ὑσμίνας· |
| 201 | Primary ἀλλʼ ἐγὼ οὐ πιθόμην· ἦ τʼ ἂν πολὺ κέρδιον ἦεν· |
| 202 | Primary ἵππων φειδόμενος, μή μοι δευοίατο φορβῆς |
| 203 | Primary ἀνδρῶν εἰλομένων εἰωθότες ἔδμεναι ἄδην. |
| 204 | Primary ὣς λίπον, αὐτὰρ πεζὸς ἐς Ἴλιον εἰλήλουθα |
| 205 | Primary τόξοισιν πίσυνος· τὰ δέ μʼ οὐκ ἄρʼ ἔμελλον ὀνήσειν. |
| 206 | Primary ἤδη γὰρ δοιοῖσιν ἀριστήεσσιν ἐφῆκα |
| 207 | Primary Τυδεΐδῃ τε καὶ Ἀτρεΐδῃ, ἐκ δʼ ἀμφοτέροιιν |
| 208 | Primary ἀτρεκὲς αἷμʼ ἔσσευα βαλών, ἤγειρα δὲ μᾶλλον. |
| 209 | Primary τώ ῥα κακῇ αἴσῃ ἀπὸ πασσάλου ἀγκύλα τόξα |
| 210 | Primary ἤματι τῷ ἑλόμην ὅτε Ἴλιον εἰς ἐρατεινὴν |
| 211 | Primary ἡγεόμην Τρώεσσι φέρων χάριν Ἕκτορι δίῳ. |
| 212 | Primary εἰ δέ κε νοστήσω καὶ ἐσόψομαι ὀφθαλμοῖσι |
| 213 | Primary πατρίδʼ ἐμὴν ἄλοχόν τε καὶ ὑψερεφὲς μέγα δῶμα, |
| 214 | Primary αὐτίκʼ ἔπειτʼ ἀπʼ ἐμεῖο κάρη τάμοι ἀλλότριος φὼς |
| 215 | Primary εἰ μὴ ἐγὼ τάδε τόξα φαεινῷ ἐν πυρὶ θείην |
| 216 | Primary χερσὶ διακλάσσας· ἀνεμώλια γάρ μοι ὀπηδεῖ. |
| 217 | Primary τὸν δʼ αὖτʼ Αἰνείας Τρώων ἀγὸς ἀντίον ηὔδα· |
| 218 | Primary μὴ δʼ οὕτως ἀγόρευε· πάρος δʼ οὐκ ἔσσεται ἄλλως, |
| 219 | Primary πρίν γʼ ἐπὶ νὼ τῷδʼ ἀνδρὶ σὺν ἵπποισιν καὶ ὄχεσφιν |
| 220 | Primary ἀντιβίην ἐλθόντε σὺν ἔντεσι πειρηθῆναι. |
| 221 | Primary ἀλλʼ ἄγʼ ἐμῶν ὀχέων ἐπιβήσεο, ὄφρα ἴδηαι |
| 222 | Primary οἷοι Τρώϊοι ἵπποι ἐπιστάμενοι πεδίοιο |
| 223 | Primary κραιπνὰ μάλʼ ἔνθα καὶ ἔνθα διωκέμεν ἠδὲ φέβεσθαι· |
| 224 | Primary τὼ καὶ νῶϊ πόλιν δὲ σαώσετον, εἴ περ ἂν αὖτε |
| 225 | Primary Ζεὺς ἐπὶ Τυδεΐδῃ Διομήδεϊ κῦδος ὀρέξῃ. |
| 226 | Primary ἀλλʼ ἄγε νῦν μάστιγα καὶ ἡνία σιγαλόεντα |
| 227 | Primary δέξαι, ἐγὼ δʼ ἵππων ἀποβήσομαι ὄφρα μάχωμαι· |
| 228 | Primary ἠὲ σὺ τόνδε δέδεξο, μελήσουσιν δʼ ἐμοὶ ἵπποι. |
| 229 | Primary τὸν δʼ αὖτε προσέειπε Λυκάονος ἀγλαὸς υἱός· |
| 230 | Primary Αἰνεία σὺ μὲν αὐτὸς ἔχʼ ἡνία καὶ τεὼ ἵππω· |
| 231 | Primary μᾶλλον ὑφʼ ἡνιόχῳ εἰωθότι καμπύλον ἅρμα |
| 232 | Primary οἴσετον, εἴ περ ἂν αὖτε φεβώμεθα Τυδέος υἱόν· |
| 233 | Primary μὴ τὼ μὲν δείσαντε ματήσετον, οὐδʼ ἐθέλητον |
| 234 | Primary ἐκφερέμεν πολέμοιο τεὸν φθόγγον ποθέοντε, |
| 235 | Primary νῶϊ δʼ ἐπαΐξας μεγαθύμου Τυδέος υἱὸς |
| 236 | Primary αὐτώ τε κτείνῃ καὶ ἐλάσσῃ μώνυχας ἵππους. |
| 237 | Primary ἀλλὰ σύ γʼ αὐτὸς ἔλαυνε τέʼ ἅρματα καὶ τεὼ ἵππω, |
| 238 | Primary τὸν δὲ δʼ ἐγὼν ἐπιόντα δεδέξομαι ὀξέϊ δουρί. |
| 239 | Primary ὣς ἄρα φωνήσαντες ἐς ἅρματα ποικίλα βάντες |
| 240 | Primary ἐμμεμαῶτʼ ἐπὶ Τυδεΐδῃ ἔχον ὠκέας ἵππους. |
| 241 | Primary τοὺς δὲ ἴδε Σθένελος Καπανήϊος ἀγλαὸς υἱός, |
| 242 | Primary αἶψα δὲ Τυδεΐδην ἔπεα πτερόεντα προσηύδα· |
| 243 | Primary Τυδεΐδη Διόμηδες ἐμῷ κεχαρισμένε θυμῷ, |
| 244 | Primary ἄνδρʼ ὁρόω κρατερὼ ἐπὶ σοὶ μεμαῶτε μάχεσθαι |
| 245 | Primary ἶνʼ ἀπέλεθρον ἔχοντας· ὃ μὲν τόξων ἐῢ εἰδὼς |
| 246 | Primary Πάνδαρος, υἱὸς δʼ αὖτε Λυκάονος εὔχεται εἶναι· |
| 247 | Primary Αἰνείας δʼ υἱὸς μὲν ἀμύμονος Ἀγχίσαο |
| 248 | Primary εὔχεται ἐκγεγάμεν, μήτηρ δέ οἵ ἐστʼ Ἀφροδίτη. |
| 249 | Primary ἀλλʼ ἄγε δὴ χαζώμεθʼ ἐφʼ ἵππων, μηδέ μοι οὕτω |
| 250 | Primary θῦνε διὰ προμάχων, μή πως φίλον ἦτορ ὀλέσσῃς. |
| 251 | Primary τὸν δʼ ἄρʼ ὑπόδρα ἰδὼν προσέφη κρατερὸς Διομήδης· |
| 252 | Primary μή τι φόβον δʼ ἀγόρευʼ, ἐπεὶ οὐδὲ σὲ πεισέμεν οἴω. |
| 253 | Primary οὐ γάρ μοι γενναῖον ἀλυσκάζοντι μάχεσθαι |
| 254 | Primary οὐδὲ καταπτώσσειν· ἔτι μοι μένος ἔμπεδόν ἐστιν· |
| 255 | Primary ὀκνείω δʼ ἵππων ἐπιβαινέμεν, ἀλλὰ καὶ αὔτως |
| 256 | Primary ἀντίον εἶμʼ αὐτῶν· τρεῖν μʼ οὐκ ἐᾷ Παλλὰς Ἀθήνη. |
| 257 | Primary τούτω δʼ οὐ πάλιν αὖτις ἀποίσετον ὠκέες ἵπποι |
| 258 | Primary ἄμφω ἀφʼ ἡμείων, εἴ γʼ οὖν ἕτερός γε φύγῃσιν. |
| 259 | Primary ἄλλο δέ τοι ἐρέω, σὺ δʼ ἐνὶ φρεσὶ βάλλεο σῇσιν· |
| 260 | Primary αἴ κέν μοι πολύβουλος Ἀθήνη κῦδος ὀρέξῃ |
| 261 | Primary ἀμφοτέρω κτεῖναι, σὺ δὲ τούσδε μὲν ὠκέας ἵππους |
| 262 | Primary αὐτοῦ ἐρυκακέειν ἐξ ἄντυγος ἡνία τείνας, |
| 263 | Primary Αἰνείαο δʼ ἐπαΐξαι μεμνημένος ἵππων, |
| 264 | Primary ἐκ δʼ ἐλάσαι Τρώων μετʼ ἐϋκνήμιδας Ἀχαιούς. |
| 265 | Primary τῆς γάρ τοι γενεῆς ἧς Τρωΐ περ εὐρύοπα Ζεὺς |
| 266 | Primary δῶχʼ υἷος ποινὴν Γανυμήδεος, οὕνεκʼ ἄριστοι |
| 267 | Primary ἵππων ὅσσοι ἔασιν ὑπʼ ἠῶ τʼ ἠέλιόν τε, |
| 268 | Primary τῆς γενεῆς ἔκλεψεν ἄναξ ἀνδρῶν Ἀγχίσης |
| 269 | Primary λάθρῃ Λαομέδοντος ὑποσχὼν θήλεας ἵππους· |
| 270 | Primary τῶν οἱ ἓξ ἐγένοντο ἐνὶ μεγάροισι γενέθλη. |
| 271 | Primary τοὺς μὲν τέσσαρας αὐτὸς ἔχων ἀτίταλλʼ ἐπὶ φάτνῃ, |
| 272 | Primary τὼ δὲ δύʼ Αἰνείᾳ δῶκεν μήστωρε φόβοιο. |
| 273 | Primary εἰ τούτω κε λάβοιμεν, ἀροίμεθά κε κλέος ἐσθλόν. |
| 274 | Primary ὣς οἳ μὲν τοιαῦτα πρὸς ἀλλήλους ἀγόρευον, |
| 275 | Primary τὼ δὲ τάχʼ ἐγγύθεν ἦλθον ἐλαύνοντʼ ὠκέας ἵππους. |
| 276 | Primary τὸν πρότερος προσέειπε Λυκάονος ἀγλαὸς υἱός· |
| 277 | Primary καρτερόθυμε δαΐφρον ἀγαυοῦ Τυδέος υἱὲ |
| 278 | Primary ἦ μάλα σʼ οὐ βέλος ὠκὺ δαμάσσατο πικρὸς ὀϊστός· |
| 279 | Primary νῦν αὖτʼ ἐγχείῃ πειρήσομαι αἴ κε τύχωμι. |
| 280 | Primary ἦ ῥα καὶ ἀμπεπαλὼν προΐει δολιχόσκιον ἔγχος |
| 281 | Primary καὶ βάλε Τυδεΐδαο κατʼ ἀσπίδα· τῆς δὲ διὰ πρὸ |
| 282 | Primary αἰχμὴ χαλκείη πταμένη θώρηκι πελάσθη· |
| 283 | Primary τῷ δʼ ἐπὶ μακρὸν ἄϋσε Λυκάονος ἀγλαὸς υἱός· |
| 284 | Primary βέβληαι κενεῶνα διαμπερές, οὐδέ σʼ ὀΐω |
| 285 | Primary δηρὸν ἔτʼ ἀνσχήσεσθαι· ἐμοὶ δὲ μέγʼ εὖχος ἔδωκας. |
| 286 | Primary τὸν δʼ οὐ ταρβήσας προσέφη κρατερὸς Διομήδης· |
| 287 | Primary ἤμβροτες οὐδʼ ἔτυχες· ἀτὰρ οὐ μὲν σφῶΐ γʼ ὀΐω |
| 288 | Primary πρίν γʼ ἀποπαύσεσθαι πρίν γʼ ἢ ἕτερόν γε πεσόντα |
| 289 | Primary αἵματος ἆσαι Ἄρηα, ταλαύρινον πολεμιστήν. |
| 290 | Primary ὣς φάμενος προέηκε· βέλος δʼ ἴθυνεν Ἀθήνη |
| 291 | Primary ῥῖνα παρʼ ὀφθαλμόν, λευκοὺς δʼ ἐπέρησεν ὀδόντας. |
| 292 | Primary τοῦ δʼ ἀπὸ μὲν γλῶσσαν πρυμνὴν τάμε χαλκὸς ἀτειρής, |
| 293 | Primary αἰχμὴ δʼ ἐξελύθη παρὰ νείατον ἀνθερεῶνα· |
| 294 | Primary ἤριπε δʼ ἐξ ὀχέων, ἀράβησε δὲ τεύχεʼ ἐπʼ αὐτῷ |
| 295 | Primary αἰόλα παμφανόωντα, παρέτρεσσαν δέ οἱ ἵπποι |
| 296 | Primary ὠκύποδες· τοῦ δʼ αὖθι λύθη ψυχή τε μένος τε. |
| 297 | Primary Αἰνείας δʼ ἀπόρουσε σὺν ἀσπίδι δουρί τε μακρῷ |
| 298 | Primary δείσας μή πώς οἱ ἐρυσαίατο νεκρὸν Ἀχαιοί. |
| 299 | Primary ἀμφὶ δʼ ἄρʼ αὐτῷ βαῖνε λέων ὣς ἀλκὶ πεποιθώς, |
| 300 | Primary πρόσθε δέ οἱ δόρυ τʼ ἔσχε καὶ ἀσπίδα πάντοσʼ ἐΐσην, |
| 301 | Primary τὸν κτάμεναι μεμαὼς ὅς τις τοῦ γʼ ἀντίος ἔλθοι |
| 302 | Primary σμερδαλέα ἰάχων· ὃ δὲ χερμάδιον λάβε χειρὶ |
| 303 | Primary Τυδεΐδης μέγα ἔργον ὃ οὐ δύο γʼ ἄνδρε φέροιεν, |
| 304 | Primary οἷοι νῦν βροτοί εἰσʼ· ὃ δέ μιν ῥέα πάλλε καὶ οἶος. |
| 305 | Primary τῷ βάλεν Αἰνείαο κατʼ ἰσχίον ἔνθά τε μηρὸς |
| 306 | Primary ἰσχίῳ ἐνστρέφεται, κοτύλην δέ τέ μιν καλέουσι· |
| 307 | Primary θλάσσε δέ οἱ κοτύλην, πρὸς δʼ ἄμφω ῥῆξε τένοντε· |
| 308 | Primary ὦσε δʼ ἀπὸ ῥινὸν τρηχὺς λίθος· αὐτὰρ ὅ γʼ ἥρως |
| 309 | Primary ἔστη γνὺξ ἐριπὼν καὶ ἐρείσατο χειρὶ παχείῃ |
| 310 | Primary γαίης· ἀμφὶ δὲ ὄσσε κελαινὴ νὺξ ἐκάλυψε. |
| 311 | Primary καί νύ κεν ἔνθʼ ἀπόλοιτο ἄναξ ἀνδρῶν Αἰνείας, |
| 312 | Primary εἰ μὴ ἄρʼ ὀξὺ νόησε Διὸς θυγάτηρ Ἀφροδίτη |
| 313 | Primary μήτηρ, ἥ μιν ὑπʼ Ἀγχίσῃ τέκε βουκολέοντι· |
| 314 | Primary ἀμφὶ δʼ ἑὸν φίλον υἱὸν ἐχεύατο πήχεε λευκώ, |
| 315 | Primary πρόσθε δέ οἱ πέπλοιο φαεινοῦ πτύγμα κάλυψεν |
| 316 | Primary ἕρκος ἔμεν βελέων, μή τις Δαναῶν ταχυπώλων |
| 317 | Primary χαλκὸν ἐνὶ στήθεσσι βαλὼν ἐκ θυμὸν ἕλοιτο. |
| 318 | Primary ἣ μὲν ἑὸν φίλον υἱὸν ὑπεξέφερεν πολέμοιο· |
| 319 | Primary οὐδʼ υἱὸς Καπανῆος ἐλήθετο συνθεσιάων |
| 320 | Primary τάων ἃς ἐπέτελλε βοὴν ἀγαθὸς Διομήδης, |
| 321 | Primary ἀλλʼ ὅ γε τοὺς μὲν ἑοὺς ἠρύκακε μώνυχας ἵππους |
| 322 | Primary νόσφιν ἀπὸ φλοίσβου ἐξ ἄντυγος ἡνία τείνας, |
| 323 | Primary Αἰνείαο δʼ ἐπαΐξας καλλίτριχας ἵππους |
| 324 | Primary ἐξέλασε Τρώων μετʼ ἐϋκνήμιδας Ἀχαιούς. |
| 325 | Primary δῶκε δὲ Δηϊπύλῳ ἑτάρῳ φίλῳ, ὃν περὶ πάσης |
| 326 | Primary τῖεν ὁμηλικίης ὅτι οἱ φρεσὶν ἄρτια ᾔδη, |
| 327 | Primary νηυσὶν ἔπι γλαφυρῇσιν ἐλαυνέμεν· αὐτὰρ ὅ γʼ ἥρως |
| 328 | Primary ὧν ἵππων ἐπιβὰς ἔλαβʼ ἡνία σιγαλόεντα, |
| 329 | Primary αἶψα δὲ Τυδεΐδην μέθεπε κρατερώνυχας ἵππους |
| 330 | Primary ἐμμεμαώς· ὃ δὲ Κύπριν ἐπῴχετο νηλέϊ χαλκῷ |
| 331 | Primary γιγνώσκων ὅ τʼ ἄναλκις ἔην θεός, οὐδὲ θεάων |
| 332 | Primary τάων αἵ τʼ ἀνδρῶν πόλεμον κάτα κοιρανέουσιν, |
| 333 | Primary οὔτʼ ἄρʼ Ἀθηναίη οὔτε πτολίπορθος Ἐνυώ. |
| 334 | Primary ἀλλʼ ὅτε δή ῥʼ ἐκίχανε πολὺν καθʼ ὅμιλον ὀπάζων, |
| 335 | Primary ἔνθʼ ἐπορεξάμενος μεγαθύμου Τυδέος υἱὸς |
| 336 | Primary ἄκρην οὔτασε χεῖρα μετάλμενος ὀξέϊ δουρὶ |
| 337 | Primary ἀβληχρήν· εἶθαρ δὲ δόρυ χροὸς ἀντετόρησεν |
| 338 | Primary ἀμβροσίου διὰ πέπλου, ὅν οἱ Χάριτες κάμον αὐταί, |
| 339 | Primary πρυμνὸν ὕπερ θέναρος· ῥέε δʼ ἄμβροτον αἷμα θεοῖο |
| 340 | Primary ἰχώρ, οἷός πέρ τε ῥέει μακάρεσσι θεοῖσιν· |
| 341 | Primary οὐ γὰρ σῖτον ἔδουσʼ, οὐ πίνουσʼ αἴθοπα οἶνον, |
| 342 | Primary τοὔνεκʼ ἀναίμονές εἰσι καὶ ἀθάνατοι καλέονται. |
| 343 | Primary ἣ δὲ μέγα ἰάχουσα ἀπὸ ἕο κάββαλεν υἱόν· |
| 344 | Primary καὶ τὸν μὲν μετὰ χερσὶν ἐρύσατο Φοῖβος Ἀπόλλων |
| 345 | Primary κυανέῃ νεφέλῃ, μή τις Δαναῶν ταχυπώλων |
| 346 | Primary χαλκὸν ἐνὶ στήθεσσι βαλὼν ἐκ θυμὸν ἕλοιτο· |
| 347 | Primary τῇ δʼ ἐπὶ μακρὸν ἄϋσε βοὴν ἀγαθὸς Διομήδης· |
| 348 | Primary εἶκε Διὸς θύγατερ πολέμου καὶ δηϊοτῆτος· |
| 349 | Primary ἦ οὐχ ἅλις ὅττι γυναῖκας ἀνάλκιδας ἠπεροπεύεις; |
| 350 | Primary εἰ δὲ σύ γʼ ἐς πόλεμον πωλήσεαι, ἦ τέ σʼ ὀΐω |
| 351 | Primary ῥιγήσειν πόλεμόν γε καὶ εἴ χʼ ἑτέρωθι πύθηαι. |
| 352 | Primary ὣς ἔφαθʼ, ἣ δʼ ἀλύουσʼ ἀπεβήσετο, τείρετο δʼ αἰνῶς· |
| 353 | Primary τὴν μὲν ἄρʼ Ἶρις ἑλοῦσα ποδήνεμος ἔξαγʼ ὁμίλου |
| 354 | Primary ἀχθομένην ὀδύνῃσι, μελαίνετο δὲ χρόα καλόν. |
| 355 | Primary εὗρεν ἔπειτα μάχης ἐπʼ ἀριστερὰ θοῦρον Ἄρηα |
| 356 | Primary ἥμενον· ἠέρι δʼ ἔγχος ἐκέκλιτο καὶ ταχέʼ ἵππω· |
| 357 | Primary ἣ δὲ γνὺξ ἐριποῦσα κασιγνήτοιο φίλοιο |
| 358 | Primary πολλὰ λισσομένη χρυσάμπυκας ᾔτεεν ἵππους· |
| 359 | Primary φίλε κασίγνητε κόμισαί τέ με δός τέ μοι ἵππους, |
| 360 | Primary ὄφρʼ ἐς Ὄλυμπον ἵκωμαι ἵνʼ ἀθανάτων ἕδος ἐστί. |
| 361 | Primary λίην ἄχθομαι ἕλκος ὅ με βροτὸς οὔτασεν ἀνὴρ |
| 362 | Primary Τυδεΐδης, ὃς νῦν γε καὶ ἂν Διὶ πατρὶ μάχοιτο. |
| 363 | Primary ὣς φάτο, τῇ δʼ ἄρʼ Ἄρης δῶκε χρυσάμπυκας ἵππους· |
| 364 | Primary ἣ δʼ ἐς δίφρον ἔβαινεν ἀκηχεμένη φίλον ἦτορ, |
| 365 | Primary πὰρ δέ οἱ Ἶρις ἔβαινε καὶ ἡνία λάζετο χερσί, |
| 366 | Primary μάστιξεν δʼ ἐλάαν, τὼ δʼ οὐκ ἀέκοντε πετέσθην. |
| 367 | Primary αἶψα δʼ ἔπειθʼ ἵκοντο θεῶν ἕδος αἰπὺν Ὄλυμπον· |
| 368 | Primary ἔνθʼ ἵππους ἔστησε ποδήνεμος ὠκέα Ἶρις |
| 369 | Primary λύσασʼ ἐξ ὀχέων, παρὰ δʼ ἀμβρόσιον βάλεν εἶδαρ· |
| 370 | Primary ἣ δʼ ἐν γούνασι πῖπτε Διώνης δῖʼ Ἀφροδίτη |
| 371 | Primary μητρὸς ἑῆς· ἣ δʼ ἀγκὰς ἐλάζετο θυγατέρα ἥν, |
| 372 | Primary χειρί τέ μιν κατέρεξεν ἔπος τʼ ἔφατʼ ἐκ τʼ ὀνόμαζε· |
| 373 | Primary τίς νύ σε τοιάδʼ ἔρεξε φίλον τέκος Οὐρανιώνων |
| 374 | Primary μαψιδίως, ὡς εἴ τι κακὸν ῥέζουσαν ἐνωπῇ; |
| 375 | Primary τὴν δʼ ἠμείβετʼ ἔπειτα φιλομμειδὴς Ἀφροδίτη· |
| 376 | Primary οὖτά με Τυδέος υἱὸς ὑπέρθυμος Διομήδης, |
| 377 | Primary οὕνεκʼ ἐγὼ φίλον υἱὸν ὑπεξέφερον πολέμοιο |
| 378 | Primary Αἰνείαν, ὃς ἐμοὶ πάντων πολὺ φίλτατός ἐστιν. |
| 379 | Primary οὐ γὰρ ἔτι Τρώων καὶ Ἀχαιῶν φύλοπις αἰνή, |
| 380 | Primary ἀλλʼ ἤδη Δαναοί γε καὶ ἀθανάτοισι μάχονται. |
| 381 | Primary τὴν δʼ ἠμείβετʼ ἔπειτα Διώνη, δῖα θεάων· |
| 382 | Primary τέτλαθι τέκνον ἐμόν, καὶ ἀνάσχεο κηδομένη περ· |
| 383 | Primary πολλοὶ γὰρ δὴ τλῆμεν Ὀλύμπια δώματʼ ἔχοντες |
| 384 | Primary ἐξ ἀνδρῶν χαλέπʼ ἄλγεʼ ἐπʼ ἀλλήλοισι τιθέντες. |
| 385 | Primary τλῆ μὲν Ἄρης ὅτε μιν Ὦτος κρατερός τʼ Ἐφιάλτης |
| 386 | Primary παῖδες Ἀλωῆος, δῆσαν κρατερῷ ἐνὶ δεσμῷ· |
| 387 | Primary χαλκέῳ δʼ ἐν κεράμῳ δέδετο τρισκαίδεκα μῆνας· |
| 388 | Primary καί νύ κεν ἔνθʼ ἀπόλοιτο Ἄρης ἆτος πολέμοιο, |
| 389 | Primary εἰ μὴ μητρυιὴ περικαλλὴς Ἠερίβοια |
| 390 | Primary Ἑρμέᾳ ἐξήγγειλεν· ὃ δʼ ἐξέκλεψεν Ἄρηα |
| 391 | Primary ἤδη τειρόμενον, χαλεπὸς δέ ἑ δεσμὸς ἐδάμνα. |
| 392 | Primary τλῆ δʼ Ἥρη, ὅτε μιν κρατερὸς πάϊς Ἀμφιτρύωνος |
| 393 | Primary δεξιτερὸν κατὰ μαζὸν ὀϊστῷ τριγλώχινι |
| 394 | Primary βεβλήκει· τότε καί μιν ἀνήκεστον λάβεν ἄλγος. |
| 395 | Primary τλῆ δʼ Ἀΐδης ἐν τοῖσι πελώριος ὠκὺν ὀϊστόν, |
| 396 | Primary εὖτέ μιν ωὐτὸς ἀνὴρ υἱὸς Διὸς αἰγιόχοιο |
| 397 | Primary ἐν Πύλῳ ἐν νεκύεσσι βαλὼν ὀδύνῃσιν ἔδωκεν· |
| 398 | Primary αὐτὰρ ὃ βῆ πρὸς δῶμα Διὸς καὶ μακρὸν Ὄλυμπον |
| 399 | Primary κῆρ ἀχέων ὀδύνῃσι πεπαρμένος· αὐτὰρ ὀϊστὸς |
| 400 | Primary ὤμῳ ἔνι στιβαρῷ ἠλήλατο, κῆδε δὲ θυμόν. |
| 401 | Primary τῷ δʼ ἐπὶ Παιήων ὀδυνήφατα φάρμακα πάσσων |
| 402 | Primary ἠκέσατʼ· οὐ μὲν γάρ τι καταθνητός γε τέτυκτο. |
| 403 | Primary σχέτλιος ὀβριμοεργὸς ὃς οὐκ ὄθετʼ αἴσυλα ῥέζων, |
| 404 | Primary ὃς τόξοισιν ἔκηδε θεοὺς οἳ Ὄλυμπον ἔχουσι. |
| 405 | Primary σοὶ δʼ ἐπὶ τοῦτον ἀνῆκε θεὰ γλαυκῶπις Ἀθήνη· |
| 406 | Primary νήπιος, οὐδὲ τὸ οἶδε κατὰ φρένα Τυδέος υἱὸς |
| 407 | Primary ὅττι μάλʼ οὐ δηναιὸς ὃς ἀθανάτοισι μάχηται, |
| 408 | Primary οὐδέ τί μιν παῖδες ποτὶ γούνασι παππάζουσιν |
| 409 | Primary ἐλθόντʼ ἐκ πολέμοιο καὶ αἰνῆς δηϊοτῆτος. |
| 410 | Primary τὼ νῦν Τυδεΐδης, εἰ καὶ μάλα καρτερός ἐστι, |
| 411 | Primary φραζέσθω μή τίς οἱ ἀμείνων σεῖο μάχηται, |
| 412 | Primary μὴ δὴν Αἰγιάλεια περίφρων Ἀδρηστίνη |
| 413 | Primary ἐξ ὕπνου γοόωσα φίλους οἰκῆας ἐγείρῃ |
| 414 | Primary κουρίδιον ποθέουσα πόσιν τὸν ἄριστον Ἀχαιῶν |
| 415 | Primary ἰφθίμη ἄλοχος Διομήδεος ἱπποδάμοιο. |
| 416 | Primary ἦ ῥα καὶ ἀμφοτέρῃσιν ἀπʼ ἰχῶ χειρὸς ὀμόργνυ· |
| 417 | Primary ἄλθετο χείρ, ὀδύναι δὲ κατηπιόωντο βαρεῖαι. |
| 418 | Primary αἳ δʼ αὖτʼ εἰσορόωσαι Ἀθηναίη τε καὶ Ἥρη |
| 419 | Primary κερτομίοις ἐπέεσσι Δία Κρονίδην ἐρέθιζον. |
| 420 | Primary τοῖσι δὲ μύθων ἦρχε θεὰ γλαυκῶπις Ἀθήνη· |
| 421 | Primary Ζεῦ πάτερ ἦ ῥά τί μοι κεχολώσεαι ὅττι κεν εἴπω; |
| 422 | Primary ἦ μάλα δή τινα Κύπρις Ἀχαιϊάδων ἀνιεῖσα |
| 423 | Primary Τρωσὶν ἅμα σπέσθαι, τοὺς νῦν ἔκπαγλα φίλησε, |
| 424 | Primary τῶν τινα καρρέζουσα Ἀχαιϊάδων ἐϋπέπλων |
| 425 | Primary πρὸς χρυσῇ περόνῃ καταμύξατο χεῖρα ἀραιήν. |
| 426 | Primary ὣς φάτο, μείδησεν δὲ πατὴρ ἀνδρῶν τε θεῶν τε, |
| 427 | Primary καί ῥα καλεσσάμενος προσέφη χρυσῆν Ἀφροδίτην· |
| 428 | Primary οὔ τοι τέκνον ἐμὸν δέδοται πολεμήϊα ἔργα, |
| 429 | Primary ἀλλὰ σύ γʼ ἱμερόεντα μετέρχεο ἔργα γάμοιο, |
| 430 | Primary ταῦτα δʼ Ἄρηϊ θοῷ καὶ Ἀθήνῃ πάντα μελήσει. |
| 431 | Primary ὣς οἳ μὲν τοιαῦτα πρὸς ἀλλήλους ἀγόρευον, |
| 432 | Primary Αἰνείᾳ δʼ ἐπόρουσε βοὴν ἀγαθὸς Διομήδης, |
| 433 | Primary γιγνώσκων ὅ οἱ αὐτὸς ὑπείρεχε χεῖρας Ἀπόλλων· |
| 434 | Primary ἀλλʼ ὅ γʼ ἄρʼ οὐδὲ θεὸν μέγαν ἅζετο, ἵετο δʼ αἰεὶ |
| 435 | Primary Αἰνείαν κτεῖναι καὶ ἀπὸ κλυτὰ τεύχεα δῦσαι. |
| 436 | Primary τρὶς μὲν ἔπειτʼ ἐπόρουσε κατακτάμεναι μενεαίνων, |
| 437 | Primary τρὶς δέ οἱ ἐστυφέλιξε φαεινὴν ἀσπίδʼ Ἀπόλλων· |
| 438 | Primary ἀλλʼ ὅτε δὴ τὸ τέταρτον ἐπέσσυτο δαίμονι ἶσος, |
| 439 | Primary δεινὰ δʼ ὁμοκλήσας προσέφη ἑκάεργος Ἀπόλλων· |
| 440 | Primary φράζεο Τυδεΐδη καὶ χάζεο, μηδὲ θεοῖσιν |
| 441 | Primary ἶσʼ ἔθελε φρονέειν, ἐπεὶ οὔ ποτε φῦλον ὁμοῖον |
| 442 | Primary ἀθανάτων τε θεῶν χαμαὶ ἐρχομένων τʼ ἀνθρώπων. |
| 443 | Primary ὣς φάτο, Τυδεΐδης δʼ ἀνεχάζετο τυτθὸν ὀπίσσω |
| 444 | Primary μῆνιν ἀλευάμενος ἑκατηβόλου Ἀπόλλωνος. |
| 445 | Primary Αἰνείαν δʼ ἀπάτερθεν ὁμίλου θῆκεν Ἀπόλλων |
| 446 | Primary Περγάμῳ εἰν ἱερῇ, ὅθι οἱ νηός γε τέτυκτο. |
| 447 | Primary ἤτοι τὸν Λητώ τε καὶ Ἄρτεμις ἰοχέαιρα |
| 448 | Primary ἐν μεγάλῳ ἀδύτῳ ἀκέοντό τε κύδαινόν τε· |
| 449 | Primary αὐτὰρ ὃ εἴδωλον τεῦξʼ ἀργυρότοξος Ἀπόλλων |
| 450 | Primary αὐτῷ τʼ Αἰνείᾳ ἴκελον καὶ τεύχεσι τοῖον, |
| 451 | Primary ἀμφὶ δʼ ἄρʼ εἰδώλῳ Τρῶες καὶ δῖοι Ἀχαιοὶ |
| 452 | Primary δῄουν ἀλλήλων ἀμφὶ στήθεσσι βοείας |
| 453 | Primary ἀσπίδας εὐκύκλους λαισήϊά τε πτερόεντα. |
| 454 | Primary δὴ τότε θοῦρον Ἄρηα προσηύδα Φοῖβος Ἀπόλλων· |
| 455 | Primary Ἆρες Ἄρες βροτολοιγὲ μιαιφόνε τειχεσιπλῆτα, |
| 456 | Primary οὐκ ἂν δὴ τόνδʼ ἄνδρα μάχης ἐρύσαιο μετελθὼν |
| 457 | Primary Τυδεΐδην, ὃς νῦν γε καὶ ἂν Διὶ πατρὶ μάχοιτο; |
| 458 | Primary Κύπριδα μὲν πρῶτα σχεδὸν οὔτασε χεῖρʼ ἐπὶ καρπῷ, |
| 459 | Primary αὐτὰρ ἔπειτʼ αὐτῷ μοι ἐπέσσυτο δαίμονι ἶσος. |
| 460 | Primary ὣς εἰπὼν αὐτὸς μὲν ἐφέζετο Περγάμῳ ἄκρῃ, |
| 461 | Primary Τρῳὰς δὲ στίχας οὖλος Ἄρης ὄτρυνε μετελθὼν |
| 462 | Primary εἰδόμενος Ἀκάμαντι θοῷ ἡγήτορι Θρῃκῶν· |
| 463 | Primary υἱάσι δὲ Πριάμοιο διοτρεφέεσσι κέλευεν· |
| 464 | Primary ὦ υἱεῖς Πριάμοιο διοτρεφέος βασιλῆος |
| 465 | Primary ἐς τί ἔτι κτείνεσθαι ἐάσετε λαὸν Ἀχαιοῖς; |
| 466 | Primary ἦ εἰς ὅ κεν ἀμφὶ πύλῃς εὖ ποιητῇσι μάχωνται; |
| 467 | Primary κεῖται ἀνὴρ ὃν ἶσον ἐτίομεν Ἕκτορι δίῳ |
| 468 | Primary Αἰνείας υἱὸς μεγαλήτορος Ἀγχίσαο· |
| 469 | Primary ἀλλʼ ἄγετʼ ἐκ φλοίσβοιο σαώσομεν ἐσθλὸν ἑταῖρον. |
| 470 | Primary ὣς εἰπὼν ὄτρυνε μένος καὶ θυμὸν ἑκάστου. |
| 471 | Primary ἔνθʼ αὖ Σαρπηδὼν μάλα νείκεσεν Ἕκτορα δῖον· |
| 472 | Primary Ἕκτορ πῇ δή τοι μένος οἴχεται ὃ πρὶν ἔχεσκες; |
| 473 | Primary φῆς που ἄτερ λαῶν πόλιν ἑξέμεν ἠδʼ ἐπικούρων |
| 474 | Primary οἶος σὺν γαμβροῖσι κασιγνήτοισί τε σοῖσι. |
| 475 | Primary τῶν νῦν οὔ τινʼ ἐγὼ ἰδέειν δύναμʼ οὐδὲ νοῆσαι, |
| 476 | Primary ἀλλὰ καταπτώσσουσι κύνες ὣς ἀμφὶ λέοντα· |
| 477 | Primary ἡμεῖς δὲ μαχόμεσθʼ οἵ πέρ τʼ ἐπίκουροι ἔνειμεν. |
| 478 | Primary καὶ γὰρ ἐγὼν ἐπίκουρος ἐὼν μάλα τηλόθεν ἥκω· |
| 479 | Primary τηλοῦ γὰρ Λυκίη Ξάνθῳ ἔπι δινήεντι, |
| 480 | Primary ἔνθʼ ἄλοχόν τε φίλην ἔλιπον καὶ νήπιον υἱόν, |
| 481 | Primary κὰδ δὲ κτήματα πολλά, τὰ ἔλδεται ὅς κʼ ἐπιδευής. |
| 482 | Primary ἀλλὰ καὶ ὧς Λυκίους ὀτρύνω καὶ μέμονʼ αὐτὸς |
| 483 | Primary ἀνδρὶ μαχήσασθαι· ἀτὰρ οὔ τί μοι ἐνθάδε τοῖον |
| 484 | Primary οἷόν κʼ ἠὲ φέροιεν Ἀχαιοὶ ἤ κεν ἄγοιεν· |
| 485 | Primary τύνη δʼ ἕστηκας, ἀτὰρ οὐδʼ ἄλλοισι κελεύεις |
| 486 | Primary λαοῖσιν μενέμεν καὶ ἀμυνέμεναι ὤρεσσι. |
| 487 | Primary μή πως ὡς ἀψῖσι λίνου ἁλόντε πανάγρου |
| 488 | Primary ἀνδράσι δυσμενέεσσιν ἕλωρ καὶ κύρμα γένησθε· |
| 489 | Primary οἳ δὲ τάχʼ ἐκπέρσουσʼ εὖ ναιομένην πόλιν ὑμήν. |
| 490 | Primary σοὶ δὲ χρὴ τάδε πάντα μέλειν νύκτάς τε καὶ ἦμαρ |
| 491 | Primary ἀρχοὺς λισσομένῳ τηλεκλειτῶν ἐπικούρων |
| 492 | Primary νωλεμέως ἐχέμεν, κρατερὴν δʼ ἀποθέσθαι ἐνιπήν. |
| 493 | Primary ὣς φάτο Σαρπηδών, δάκε δὲ φρένας Ἕκτορι μῦθος· |
| 494 | Primary αὐτίκα δʼ ἐξ ὀχέων σὺν τεύχεσιν ἆλτο χαμᾶζε, |
| 495 | Primary πάλλων δʼ ὀξέα δοῦρα κατὰ στρατὸν ᾤχετο πάντῃ |
| 496 | Primary ὀτρύνων μαχέσασθαι, ἔγειρε δὲ φύλοπιν αἰνήν. |
| 497 | Primary οἳ δʼ ἐλελίχθησαν καὶ ἐναντίοι ἔσταν Ἀχαιῶν· |
| 498 | Primary Ἀργεῖοι δʼ ὑπέμειναν ἀολλέες οὐδὲ φόβηθεν. |
| 499 | Primary ὡς δʼ ἄνεμος ἄχνας φορέει ἱερὰς κατʼ ἀλωὰς |
| 500 | Primary ἀνδρῶν λικμώντων, ὅτε τε ξανθὴ Δημήτηρ |
| 501 | Primary κρίνῃ ἐπειγομένων ἀνέμων καρπόν τε καὶ ἄχνας, |
| 502 | Primary αἳ δʼ ὑπολευκαίνονται ἀχυρμιαί· ὣς τότʼ Ἀχαιοὶ |
| 503 | Primary λευκοὶ ὕπερθε γένοντο κονισάλῳ, ὅν ῥα διʼ αὐτῶν |
| 504 | Primary οὐρανὸν ἐς πολύχαλκον ἐπέπληγον πόδες ἵππων |
| 505 | Primary ἂψ ἐπιμισγομένων· ὑπὸ δʼ ἔστρεφον ἡνιοχῆες. |
| 506 | Primary οἳ δὲ μένος χειρῶν ἰθὺς φέρον· ἀμφὶ δὲ νύκτα |
| 507 | Primary θοῦρος Ἄρης ἐκάλυψε μάχῃ Τρώεσσιν ἀρήγων |
| 508 | Primary πάντοσʼ ἐποιχόμενος· τοῦ δʼ ἐκραίαινεν ἐφετμὰς |
| 509 | Primary Φοίβου Ἀπόλλωνος χρυσαόρου, ὅς μιν ἀνώγει |
| 510 | Primary Τρωσὶν θυμὸν ἐγεῖραι, ἐπεὶ ἴδε Παλλάδʼ Ἀθήνην |
| 511 | Primary οἰχομένην· ἣ γάρ ῥα πέλεν Δαναοῖσιν ἀρηγών. |
| 512 | Primary αὐτὸς δʼ Αἰνείαν μάλα πίονος ἐξ ἀδύτοιο |
| 513 | Primary ἧκε, καὶ ἐν στήθεσσι μένος βάλε ποιμένι λαῶν. |
| 514 | Primary Αἰνείας δʼ ἑτάροισι μεθίστατο· τοὶ δὲ χάρησαν, |
| 515 | Primary ὡς εἶδον ζωόν τε καὶ ἀρτεμέα προσιόντα |
| 516 | Primary καὶ μένος ἐσθλὸν ἔχοντα· μετάλλησάν γε μὲν οὔ τι. |
| 517 | Primary οὐ γὰρ ἔα πόνος ἄλλος, ὃν ἀργυρότοξος ἔγειρεν |
| 518 | Primary Ἄρης τε βροτολοιγὸς Ἔρις τʼ ἄμοτον μεμαυῖα. |
| 519 | Primary τοὺς δʼ Αἴαντε δύω καὶ Ὀδυσσεὺς καὶ Διομήδης |
| 520 | Primary ὄτρυνον Δαναοὺς πολεμιζέμεν· οἳ δὲ καὶ αὐτοὶ |
| 521 | Primary οὔτε βίας Τρώων ὑπεδείδισαν οὔτε ἰωκάς, |
| 522 | Primary ἀλλʼ ἔμενον νεφέλῃσιν ἐοικότες ἅς τε Κρονίων |
| 523 | Primary νηνεμίης ἔστησεν ἐπʼ ἀκροπόλοισιν ὄρεσσιν |
| 524 | Primary ἀτρέμας, ὄφρʼ εὕδῃσι μένος Βορέαο καὶ ἄλλων |
| 525 | Primary ζαχρειῶν ἀνέμων, οἵ τε νέφεα σκιόεντα |
| 526 | Primary πνοιῇσιν λιγυρῇσι διασκιδνᾶσιν ἀέντες· |
| 527 | Primary ὣς Δαναοὶ Τρῶας μένον ἔμπεδον οὐδὲ φέβοντο. |
| 528 | Primary Ἀτρεΐδης δʼ ἀνʼ ὅμιλον ἐφοίτα πολλὰ κελεύων· |
| 529 | Primary ὦ φίλοι ἀνέρες ἔστε καὶ ἄλκιμον ἦτορ ἕλεσθε, |
| 530 | Primary ἀλλήλους τʼ αἰδεῖσθε κατὰ κρατερὰς ὑσμίνας· |
| 531 | Primary αἰδομένων ἀνδρῶν πλέονες σόοι ἠὲ πέφανται· |
| 532 | Primary φευγόντων δʼ οὔτʼ ἂρ κλέος ὄρνυται οὔτε τις ἀλκή. |
| 533 | Primary ἦ καὶ ἀκόντισε δουρὶ θοῶς, βάλε δὲ πρόμον ἄνδρα |
| 534 | Primary Αἰνείω ἕταρον μεγαθύμου Δηϊκόωντα |
| 535 | Primary Περγασίδην, ὃν Τρῶες ὁμῶς Πριάμοιο τέκεσσι |
| 536 | Primary τῖον, ἐπεὶ θοὸς ἔσκε μετὰ πρώτοισι μάχεσθαι. |
| 537 | Primary τόν ῥα κατʼ ἀσπίδα δουρὶ βάλε κρείων Ἀγαμέμνων· |
| 538 | Primary ἣ δʼ οὐκ ἔγχος ἔρυτο, διὰ πρὸ δὲ εἴσατο χαλκός, |
| 539 | Primary νειαίρῃ δʼ ἐν γαστρὶ διὰ ζωστῆρος ἔλασσε· |
| 540 | Primary δούπησεν δὲ πεσών, ἀράβησε δὲ τεύχεʼ ἐπʼ αὐτῷ. |
| 541 | Primary ἔνθʼ αὖτʼ Αἰνείας Δαναῶν ἕλεν ἄνδρας ἀρίστους |
| 542 | Primary υἷε Διοκλῆος Κρήθωνά τε Ὀρσίλοχόν τε, |
| 543 | Primary τῶν ῥα πατὴρ μὲν ἔναιεν ἐϋκτιμένῃ ἐνὶ Φηρῇ |
| 544 | Primary ἀφνειὸς βιότοιο, γένος δʼ ἦν ἐκ ποταμοῖο |
| 545 | Primary Ἀλφειοῦ, ὅς τʼ εὐρὺ ῥέει Πυλίων διὰ γαίης, |
| 546 | Primary ὃς τέκετʼ Ὀρτίλοχον πολέεσσʼ ἄνδρεσσιν ἄνακτα· |
| 547 | Primary Ὀρτίλοχος δʼ ἄρʼ ἔτικτε Διοκλῆα μεγάθυμον, |
| 548 | Primary ἐκ δὲ Διοκλῆος διδυμάονε παῖδε γενέσθην, |
| 549 | Primary Κρήθων Ὀρσίλοχός τε μάχης εὖ εἰδότε πάσης. |
| 550 | Primary τὼ μὲν ἄρʼ ἡβήσαντε μελαινάων ἐπὶ νηῶν |
| 551 | Primary Ἴλιον εἰς εὔπωλον ἅμʼ Ἀργείοισιν ἑπέσθην, |
| 552 | Primary τιμὴν Ἀτρεΐδῃς Ἀγαμέμνονι καὶ Μενελάῳ |
| 553 | Primary ἀρνυμένω· τὼ δʼ αὖθι τέλος θανάτοιο κάλυψεν. |
| 554 | Primary οἵω τώ γε λέοντε δύω ὄρεος κορυφῇσιν |
| 555 | Primary ἐτραφέτην ὑπὸ μητρὶ βαθείης τάρφεσιν ὕλης· |
| 556 | Primary τὼ μὲν ἄρʼ ἁρπάζοντε βόας καὶ ἴφια μῆλα |
| 557 | Primary σταθμοὺς ἀνθρώπων κεραΐζετον, ὄφρα καὶ αὐτὼ |
| 558 | Primary ἀνδρῶν ἐν παλάμῃσι κατέκταθεν ὀξέϊ χαλκῷ· |
| 559 | Primary τοίω τὼ χείρεσσιν ὑπʼ Αἰνείαο δαμέντε |
| 560 | Primary καππεσέτην, ἐλάτῃσιν ἐοικότες ὑψηλῇσι. |
| 561 | Primary τὼ δὲ πεσόντʼ ἐλέησεν ἀρηΐφιλος Μενέλαος, |
| 562 | Primary βῆ δὲ διὰ προμάχων κεκορυθμένος αἴθοπι χαλκῷ |
| 563 | Primary σείων ἐγχείην· τοῦ δʼ ὄτρυνεν μένος Ἄρης, |
| 564 | Primary τὰ φρονέων ἵνα χερσὶν ὑπʼ Αἰνείαο δαμείη. |
| 565 | Primary τὸν δʼ ἴδεν Ἀντίλοχος μεγαθύμου Νέστορος υἱός, |
| 566 | Primary βῆ δὲ διὰ προμάχων· περὶ γὰρ δίε ποιμένι λαῶν |
| 567 | Primary μή τι πάθοι, μέγα δέ σφας ἀποσφήλειε πόνοιο. |
| 568 | Primary τὼ μὲν δὴ χεῖράς τε καὶ ἔγχεα ὀξυόεντα |
| 569 | Primary ἀντίον ἀλλήλων ἐχέτην μεμαῶτε μάχεσθαι· |
| 570 | Primary Ἀντίλοχος δὲ μάλʼ ἄγχι παρίστατο ποιμένι λαῶν. |
| 571 | Primary Αἰνείας δʼ οὐ μεῖνε θοός περ ἐὼν πολεμιστὴς |
| 572 | Primary ὡς εἶδεν δύο φῶτε παρʼ ἀλλήλοισι μένοντε. |
| 573 | Primary οἳ δʼ ἐπεὶ οὖν νεκροὺς ἔρυσαν μετὰ λαὸν Ἀχαιῶν, |
| 574 | Primary τὼ μὲν ἄρα δειλὼ βαλέτην ἐν χερσὶν ἑταίρων, |
| 575 | Primary αὐτὼ δὲ στρεφθέντε μετὰ πρώτοισι μαχέσθην. |
| 576 | Primary ἔνθα Πυλαιμένεα ἑλέτην ἀτάλαντον Ἄρηϊ |
| 577 | Primary ἀρχὸν Παφλαγόνων μεγαθύμων ἀσπιστάων. |
| 578 | Primary τὸν μὲν ἄρʼ Ἀτρεΐδης δουρικλειτὸς Μενέλαος |
| 579 | Primary ἑσταότʼ ἔγχεϊ νύξε κατὰ κληῗδα τυχήσας· |
| 580 | Primary Ἀντίλοχος δὲ Μύδωνα βάλʼ ἡνίοχον θεράποντα |
| 581 | Primary ἐσθλὸν Ἀτυμνιάδην· ὃ δʼ ὑπέστρεφε μώνυχας ἵππους· |
| 582 | Primary χερμαδίῳ ἀγκῶνα τυχὼν μέσον· ἐκ δʼ ἄρα χειρῶν |
| 583 | Primary ἡνία λεύκʼ ἐλέφαντι χαμαὶ πέσον ἐν κονίῃσιν. |
| 584 | Primary Ἀντίλοχος δʼ ἄρʼ ἐπαΐξας ξίφει ἤλασε κόρσην· |
| 585 | Primary αὐτὰρ ὅ γʼ ἀσθμαίνων εὐεργέος ἔκπεσε δίφρου |
| 586 | Primary κύμβαχος ἐν κονίῃσιν ἐπὶ βρεχμόν τε καὶ ὤμους. |
| 587 | Primary δηθὰ μάλʼ ἑστήκει· τύχε γάρ ῥʼ ἀμάθοιο βαθείης· |
| 588 | Primary ὄφρʼ ἵππω πλήξαντε χαμαὶ βάλον ἐν κονίῃσι· |
| 589 | Primary τοὺς ἵμασʼ Ἀντίλοχος, μετὰ δὲ στρατὸν ἤλασʼ Ἀχαιῶν. |
| 590 | Primary τοὺς δʼ Ἕκτωρ ἐνόησε κατὰ στίχας, ὦρτο δʼ ἐπʼ αὐτοὺς |
| 591 | Primary κεκλήγων· ἅμα δὲ Τρώων εἵποντο φάλαγγες |
| 592 | Primary καρτεραί· ἦρχε δʼ ἄρα σφιν Ἄρης καὶ πότνιʼ Ἐνυώ, |
| 593 | Primary ἣ μὲν ἔχουσα Κυδοιμὸν ἀναιδέα δηϊοτῆτος, |
| 594 | Primary Ἄρης δʼ ἐν παλάμῃσι πελώριον ἔγχος ἐνώμα, |
| 595 | Primary φοίτα δʼ ἄλλοτε μὲν πρόσθʼ Ἕκτορος, ἄλλοτʼ ὄπισθε. |
| 596 | Primary τὸν δὲ ἰδὼν ῥίγησε βοὴν ἀγαθὸς Διομήδης· |
| 597 | Primary ὡς δʼ ὅτʼ ἀνὴρ ἀπάλαμνος ἰὼν πολέος πεδίοιο |
| 598 | Primary στήῃ ἐπʼ ὠκυρόῳ ποταμῷ ἅλα δὲ προρέοντι |
| 599 | Primary ἀφρῷ μορμύροντα ἰδών, ἀνά τʼ ἔδραμʼ ὀπίσσω, |
| 600 | Primary ὣς τότε Τυδεΐδης ἀνεχάζετο, εἶπέ τε λαῷ· |
| 601 | Primary ὦ φίλοι οἷον δὴ θαυμάζομεν Ἕκτορα δῖον |
| 602 | Primary αἰχμητήν τʼ ἔμεναι καὶ θαρσαλέον πολεμιστήν· |
| 603 | Primary τῷ δʼ αἰεὶ πάρα εἷς γε θεῶν, ὃς λοιγὸν ἀμύνει· |
| 604 | Primary καὶ νῦν οἱ πάρα κεῖνος Ἄρης βροτῷ ἀνδρὶ ἐοικώς. |
| 605 | Primary ἀλλὰ πρὸς Τρῶας τετραμμένοι αἰὲν ὀπίσσω |
| 606 | Primary εἴκετε, μηδὲ θεοῖς μενεαινέμεν ἶφι μάχεσθαι. |
| 607 | Primary ὣς ἄρʼ ἔφη, Τρῶες δὲ μάλα σχεδὸν ἤλυθον αὐτῶν. |
| 608 | Primary ἔνθʼ Ἕκτωρ δύο φῶτε κατέκτανεν εἰδότε χάρμης |
| 609 | Primary εἰν ἑνὶ δίφρῳ ἐόντε, Μενέσθην Ἀγχίαλόν τε. |
| 610 | Primary τὼ δὲ πεσόντʼ ἐλέησε μέγας Τελαμώνιος Αἴας· |
| 611 | Primary στῆ δὲ μάλʼ ἐγγὺς ἰών, καὶ ἀκόντισε δουρὶ φαεινῷ, |
| 612 | Primary καὶ βάλεν Ἄμφιον Σελάγου υἱόν, ὅς ῥʼ ἐνὶ Παισῷ |
| 613 | Primary ναῖε πολυκτήμων πολυλήϊος· ἀλλά ἑ μοῖρα |
| 614 | Primary ἦγʼ ἐπικουρήσοντα μετὰ Πρίαμόν τε καὶ υἷας. |
| 615 | Primary τόν ῥα κατὰ ζωστῆρα βάλεν Τελαμώνιος Αἴας, |
| 616 | Primary νειαίρῃ δʼ ἐν γαστρὶ πάγη δολιχόσκιον ἔγχος, |
| 617 | Primary δούπησεν δὲ πεσών· ὃ δʼ ἐπέδραμε φαίδιμος Αἴας |
| 618 | Primary τεύχεα συλήσων· Τρῶες δʼ ἐπὶ δούρατʼ ἔχευαν |
| 619 | Primary ὀξέα παμφανόωντα· σάκος δʼ ἀνεδέξατο πολλά. |
| 620 | Primary αὐτὰρ ὃ λὰξ προσβὰς ἐκ νεκροῦ χάλκεον ἔγχος |
| 621 | Primary ἐσπάσατʼ· οὐδʼ ἄρʼ ἔτʼ ἄλλα δυνήσατο τεύχεα καλὰ |
| 622 | Primary ὤμοιιν ἀφελέσθαι· ἐπείγετο γὰρ βελέεσσι. |
| 623 | Primary δεῖσε δʼ ὅ γʼ ἀμφίβασιν κρατερὴν Τρώων ἀγερώχων, |
| 624 | Primary οἳ πολλοί τε καὶ ἐσθλοὶ ἐφέστασαν ἔγχεʼ ἔχοντες, |
| 625 | Primary οἵ ἑ μέγαν περ ἐόντα καὶ ἴφθιμον καὶ ἀγαυὸν |
| 626 | Primary ὦσαν ἀπὸ σφείων· ὃ δὲ χασσάμενος πελεμίχθη. |
| 627 | Primary ὣς οἳ μὲν πονέοντο κατὰ κρατερὴν ὑσμίνην· |
| 628 | Primary Τληπόλεμον δʼ Ἡρακλεΐδην ἠΰν τε μέγαν τε |
| 629 | Primary ὦρσεν ἐπʼ ἀντιθέῳ Σαρπηδόνι μοῖρα κραταιή. |
| 630 | Primary οἳ δʼ ὅτε δὴ σχεδὸν ἦσαν ἐπʼ ἀλλήλοισιν ἰόντες |
| 631 | Primary υἱός θʼ υἱωνός τε Διὸς νεφεληγερέταο, |
| 632 | Primary τὸν καὶ Τληπόλεμος πρότερος πρὸς μῦθον ἔειπε· |
| 633 | Primary Σαρπῆδον Λυκίων βουληφόρε, τίς τοι ἀνάγκη |
| 634 | Primary πτώσσειν ἐνθάδʼ ἐόντι μάχης ἀδαήμονι φωτί; |
| 635 | Primary ψευδόμενοι δέ σέ φασι Διὸς γόνον αἰγιόχοιο |
| 636 | Primary εἶναι, ἐπεὶ πολλὸν κείνων ἐπιδεύεαι ἀνδρῶν |
| 637 | Primary οἳ Διὸς ἐξεγένοντο ἐπὶ προτέρων ἀνθρώπων· |
| 638 | Primary ἀλλʼ οἷόν τινά φασι βίην Ἡρακληείην |
| 639 | Primary εἶναι, ἐμὸν πατέρα θρασυμέμνονα θυμολέοντα· |
| 640 | Primary ὅς ποτε δεῦρʼ ἐλθὼν ἕνεχʼ ἵππων Λαομέδοντος |
| 641 | Primary ἓξ οἴῃς σὺν νηυσὶ καὶ ἀνδράσι παυροτέροισιν |
| 642 | Primary Ἰλίου ἐξαλάπαξε πόλιν, χήρωσε δʼ ἀγυιάς· |
| 643 | Primary σοὶ δὲ κακὸς μὲν θυμός, ἀποφθινύθουσι δὲ λαοί. |
| 644 | Primary οὐδέ τί σε Τρώεσσιν ὀΐομαι ἄλκαρ ἔσεσθαι |
| 645 | Primary ἐλθόντʼ ἐκ Λυκίης, οὐδʼ εἰ μάλα καρτερός ἐσσι, |
| 646 | Primary ἀλλʼ ὑπʼ ἐμοὶ δμηθέντα πύλας Ἀΐδαο περήσειν. |
| 647 | Primary τὸν δʼ αὖ Σαρπηδὼν Λυκίων ἀγὸς ἀντίον ηὔδα· |
| 648 | Primary Τληπόλεμʼ ἤτοι κεῖνος ἀπώλεσεν Ἴλιον ἱρὴν |
| 649 | Primary ἀνέρος ἀφραδίῃσιν ἀγαυοῦ Λαομέδοντος, |
| 650 | Primary ὅς ῥά μιν εὖ ἕρξαντα κακῷ ἠνίπαπε μύθῳ, |
| 651 | Primary οὐδʼ ἀπέδωχʼ ἵππους, ὧν εἵνεκα τηλόθεν ἦλθε. |
| 652 | Primary σοὶ δʼ ἐγὼ ἐνθάδε φημὶ φόνον καὶ κῆρα μέλαιναν |
| 653 | Primary ἐξ ἐμέθεν τεύξεσθαι, ἐμῷ δʼ ὑπὸ δουρὶ δαμέντα |
| 654 | Primary εὖχος ἐμοὶ δώσειν, ψυχὴν δʼ Ἄϊδι κλυτοπώλῳ. |
| 655 | Primary ὣς φάτο Σαρπηδών, ὃ δʼ ἀνέσχετο μείλινον ἔγχος |
| 656 | Primary Τληπόλεμος· καὶ τῶν μὲν ἁμαρτῇ δούρατα μακρὰ |
| 657 | Primary ἐκ χειρῶν ἤϊξαν· ὃ μὲν βάλεν αὐχένα μέσσον |
| 658 | Primary Σαρπηδών, αἰχμὴ δὲ διαμπερὲς ἦλθʼ ἀλεγεινή· |
| 659 | Primary τὸν δὲ κατʼ ὀφθαλμῶν ἐρεβεννὴ νὺξ ἐκάλυψε. |
| 660 | Primary Τληπόλεμος δʼ ἄρα μηρὸν ἀριστερὸν ἔγχεϊ μακρῷ |
| 661 | Primary βεβλήκειν, αἰχμὴ δὲ διέσσυτο μαιμώωσα |
| 662 | Primary ὀστέω ἐγχριμφθεῖσα, πατὴρ δʼ ἔτι λοιγὸν ἄμυνεν. |
| 663 | Primary οἳ μὲν ἄρʼ ἀντίθεον Σαρπηδόνα δῖοι ἑταῖροι |
| 664 | Primary ἐξέφερον πολέμοιο· βάρυνε δέ μιν δόρυ μακρὸν |
| 665 | Primary ἑλκόμενον· τὸ μὲν οὔ τις ἐπεφράσατʼ οὐδὲ νόησε |
| 666 | Primary μηροῦ ἐξερύσαι δόρυ μείλινον ὄφρʼ ἐπιβαίη |
| 667 | Primary σπευδόντων· τοῖον γὰρ ἔχον πόνον ἀμφιέποντες. |
| 668 | Primary Τληπόλεμον δʼ ἑτέρωθεν ἐϋκνήμιδες Ἀχαιοὶ |
| 669 | Primary ἐξέφερον πολέμοιο· νόησε δὲ δῖος Ὀδυσσεὺς |
| 670 | Primary τλήμονα θυμὸν ἔχων, μαίμησε δέ οἱ φίλον ἦτορ· |
| 671 | Primary μερμήριξε δʼ ἔπειτα κατὰ φρένα καὶ κατὰ θυμὸν |
| 672 | Primary ἢ προτέρω Διὸς υἱὸν ἐριγδούποιο διώκοι, |
| 673 | Primary ἦ ὅ γε τῶν πλεόνων Λυκίων ἀπὸ θυμὸν ἕλοιτο. |
| 674 | Primary οὐδʼ ἄρʼ Ὀδυσσῆϊ μεγαλήτορι μόρσιμον ἦεν |
| 675 | Primary ἴφθιμον Διὸς υἱὸν ἀποκτάμεν ὀξέϊ χαλκῷ· |
| 676 | Primary τώ ῥα κατὰ πληθὺν Λυκίων τράπε θυμὸν Ἀθήνη. |
| 677 | Primary ἔνθʼ ὅ γε Κοίρανον εἷλεν Ἀλάστορά τε Χρομίον τε |
| 678 | Primary Ἄλκανδρόν θʼ Ἅλιόν τε Νοήμονά τε Πρύτανίν τε. |
| 679 | Primary καί νύ κʼ ἔτι πλέονας Λυκίων κτάνε δῖος Ὀδυσσεὺς |
| 680 | Primary εἰ μὴ ἄρʼ ὀξὺ νόησε μέγας κορυθαίολος Ἕκτωρ· |
| 681 | Primary βῆ δὲ διὰ προμάχων κεκορυθμένος αἴθοπι χαλκῷ |
| 682 | Primary δεῖμα φέρων Δαναοῖσι· χάρη δʼ ἄρα οἱ προσιόντι |
| 683 | Primary Σαρπηδὼν Διὸς υἱός, ἔπος δʼ ὀλοφυδνὸν ἔειπε· |
| 684 | Primary Πριαμίδη, μὴ δή με ἕλωρ Δαναοῖσιν ἐάσῃς |
| 685 | Primary κεῖσθαι, ἀλλʼ ἐπάμυνον· ἔπειτά με καὶ λίποι αἰὼν |
| 686 | Primary ἐν πόλει ὑμετέρῃ, ἐπεὶ οὐκ ἄρʼ ἔμελλον ἔγωγε |
| 687 | Primary νοστήσας οἶκον δὲ φίλην ἐς πατρίδα γαῖαν |
| 688 | Primary εὐφρανέειν ἄλοχόν τε φίλην καὶ νήπιον υἱόν. |
| 689 | Primary ὣς φάτο, τὸν δʼ οὔ τι προσέφη κορυθαίολος Ἕκτωρ, |
| 690 | Primary ἀλλὰ παρήϊξεν λελιημένος ὄφρα τάχιστα |
| 691 | Primary ὤσαιτʼ Ἀργείους, πολέων δʼ ἀπὸ θυμὸν ἕλοιτο. |
| 692 | Primary οἳ μὲν ἄρʼ ἀντίθεον Σαρπηδόνα δῖοι ἑταῖροι |
| 693 | Primary εἷσαν ὑπʼ αἰγιόχοιο Διὸς περικαλλέϊ φηγῷ· |
| 694 | Primary ἐκ δʼ ἄρα οἱ μηροῦ δόρυ μείλινον ὦσε θύραζε |
| 695 | Primary ἴφθιμος Πελάγων, ὅς οἱ φίλος ἦεν ἑταῖρος. |
| 696 | Primary τὸν δʼ ἔλιπε ψυχή, κατὰ δʼ ὀφθαλμῶν κέχυτʼ ἀχλύς· |
| 697 | Primary αὖτις δʼ ἐμπνύνθη, περὶ δὲ πνοιὴ Βορέαο |
| 698 | Primary ζώγρει ἐπιπνείουσα κακῶς κεκαφηότα θυμόν. |
| 699 | Primary Ἀργεῖοι δʼ ὑπʼ Ἄρηϊ καὶ Ἕκτορι χαλκοκορυστῇ |
| 700 | Primary οὔτε ποτὲ προτρέποντο μελαινάων ἐπὶ νηῶν |
| 701 | Primary οὔτε ποτʼ ἀντεφέροντο μάχῃ, ἀλλʼ αἰὲν ὀπίσσω |
| 702 | Primary χάζονθʼ, ὡς ἐπύθοντο μετὰ Τρώεσσιν Ἄρηα. |
| 703 | Primary ἔνθα τίνα πρῶτον τίνα δʼ ὕστατον ἐξενάριξαν |
| 704 | Primary Ἕκτωρ τε Πριάμοιο πάϊς καὶ χάλκεος Ἄρης; |
| 705 | Primary ἀντίθεον Τεύθραντʼ, ἐπὶ δὲ πλήξιππον Ὀρέστην, |
| 706 | Primary Τρῆχόν τʼ αἰχμητὴν Αἰτώλιον Οἰνόμαόν τε, |
| 707 | Primary Οἰνοπίδην θʼ Ἕλενον καὶ Ὀρέσβιον αἰολομίτρην, |
| 708 | Primary ὅς ῥʼ ἐν Ὕλῃ ναίεσκε μέγα πλούτοιο μεμηλώς, |
| 709 | Primary λίμνῃ κεκλιμένος Κηφισίδι· πὰρ δέ οἱ ἄλλοι |
| 710 | Primary ναῖον Βοιωτοὶ μάλα πίονα δῆμον ἔχοντες. |
| 711 | Primary τοὺς δʼ ὡς οὖν ἐνόησε θεὰ λευκώλενος Ἥρη |
| 712 | Primary Ἀργείους ὀλέκοντας ἐνὶ κρατερῇ ὑσμίνῃ, |
| 713 | Primary αὐτίκʼ Ἀθηναίην ἔπεα πτερόεντα προσηύδα· |
| 714 | Primary ὢ πόποι αἰγιόχοιο Διὸς τέκος Ἀτρυτώνη, |
| 715 | Primary ἦ ῥʼ ἅλιον τὸν μῦθον ὑπέστημεν Μενελάῳ |
| 716 | Primary Ἴλιον ἐκπέρσαντʼ εὐτείχεον ἀπονέεσθαι, |
| 717 | Primary εἰ οὕτω μαίνεσθαι ἐάσομεν οὖλον Ἄρηα. |
| 718 | Primary ἀλλʼ ἄγε δὴ καὶ νῶϊ μεδώμεθα θούριδος ἀλκῆς. |
| 719 | Primary ὣς ἔφατʼ, οὐδʼ ἀπίθησε θεὰ γλαυκῶπις Ἀθήνη. |
| 720 | Primary ἣ μὲν ἐποιχομένη χρυσάμπυκας ἔντυεν ἵππους |
| 721 | Primary Ἥρη πρέσβα θεὰ θυγάτηρ μεγάλοιο Κρόνοιο· |
| 722 | Primary Ἥβη δʼ ἀμφʼ ὀχέεσσι θοῶς βάλε καμπύλα κύκλα |
| 723 | Primary χάλκεα ὀκτάκνημα σιδηρέῳ ἄξονι ἀμφίς. |
| 724 | Primary τῶν ἤτοι χρυσέη ἴτυς ἄφθιτος, αὐτὰρ ὕπερθε |
| 725 | Primary χάλκεʼ ἐπίσσωτρα προσαρηρότα, θαῦμα ἰδέσθαι· |
| 726 | Primary πλῆμναι δʼ ἀργύρου εἰσὶ περίδρομοι ἀμφοτέρωθεν· |
| 727 | Primary δίφρος δὲ χρυσέοισι καὶ ἀργυρέοισιν ἱμᾶσιν |
| 728 | Primary ἐντέταται, δοιαὶ δὲ περίδρομοι ἄντυγές εἰσι. |
| 729 | Primary τοῦ δʼ ἐξ ἀργύρεος ῥυμὸς πέλεν· αὐτὰρ ἐπʼ ἄκρῳ |
| 730 | Primary δῆσε χρύσειον καλὸν ζυγόν, ἐν δὲ λέπαδνα |
| 731 | Primary κάλʼ ἔβαλε χρύσειʼ· ὑπὸ δὲ ζυγὸν ἤγαγεν Ἥρη |
| 732 | Primary ἵππους ὠκύποδας, μεμαυῖʼ ἔριδος καὶ ἀϋτῆς. |
| 733 | Primary αὐτὰρ Ἀθηναίη κούρη Διὸς αἰγιόχοιο |
| 734 | Primary πέπλον μὲν κατέχευεν ἑανὸν πατρὸς ἐπʼ οὔδει |
| 735 | Primary ποικίλον, ὅν ῥʼ αὐτὴ ποιήσατο καὶ κάμε χερσίν· |
| 736 | Primary ἣ δὲ χιτῶνʼ ἐνδῦσα Διὸς νεφεληγερέταο |
| 737 | Primary τεύχεσιν ἐς πόλεμον θωρήσσετο δακρυόεντα. |
| 738 | Primary ἀμφὶ δʼ ἄρʼ ὤμοισιν βάλετʼ αἰγίδα θυσσανόεσσαν |
| 739 | Primary δεινήν, ἣν περὶ μὲν πάντῃ Φόβος ἐστεφάνωται, |
| 740 | Primary ἐν δʼ Ἔρις, ἐν δʼ Ἀλκή, ἐν δὲ κρυόεσσα Ἰωκή, |
| 741 | Primary ἐν δέ τε Γοργείη κεφαλὴ δεινοῖο πελώρου |
| 742 | Primary δεινή τε σμερδνή τε, Διὸς τέρας αἰγιόχοιο. |
| 743 | Primary κρατὶ δʼ ἐπʼ ἀμφίφαλον κυνέην θέτο τετραφάληρον |
| 744 | Primary χρυσείην, ἑκατὸν πολίων πρυλέεσσʼ ἀραρυῖαν· |
| 745 | Primary ἐς δʼ ὄχεα φλόγεα ποσὶ βήσετο, λάζετο δʼ ἔγχος |
| 746 | Primary βριθὺ μέγα στιβαρόν, τῷ δάμνησι στίχας ἀνδρῶν |
| 747 | Primary ἡρώων, οἷσίν τε κοτέσσεται ὀβριμοπάτρη. |
| 748 | Primary Ἥρη δὲ μάστιγι θοῶς ἐπεμαίετʼ ἄρʼ ἵππους· |
| 749 | Primary αὐτόμαται δὲ πύλαι μύκον οὐρανοῦ ἃς ἔχον Ὧραι, |
| 750 | Primary τῇς ἐπιτέτραπται μέγας οὐρανὸς Οὔλυμπός τε |
| 751 | Primary ἠμὲν ἀνακλῖναι πυκινὸν νέφος ἠδʼ ἐπιθεῖναι. |
| 752 | Primary τῇ ῥα διʼ αὐτάων κεντρηνεκέας ἔχον ἵππους· |
| 753 | Primary εὗρον δὲ Κρονίωνα θεῶν ἄτερ ἥμενον ἄλλων |
| 754 | Primary ἀκροτάτῃ κορυφῇ πολυδειράδος Οὐλύμποιο. |
| 755 | Primary ἔνθʼ ἵππους στήσασα θεὰ λευκώλενος Ἥρη |
| 756 | Primary Ζῆνʼ ὕπατον Κρονίδην ἐξείρετο καὶ προσέειπε· |
| 757 | Primary Ζεῦ πάτερ οὐ νεμεσίζῃ Ἄρῃ τάδε καρτερὰ ἔργα |
| 758 | Primary ὁσσάτιόν τε καὶ οἷον ἀπώλεσε λαὸν Ἀχαιῶν |
| 759 | Primary μὰψ ἀτὰρ οὐ κατὰ κόσμον ἐμοὶ δʼ ἄχος, οἳ δὲ ἕκηλοι |
| 760 | Primary τέρπονται Κύπρίς τε καὶ ἀργυρότοξος Ἀπόλλων |
| 761 | Primary ἄφρονα τοῦτον ἀνέντες, ὃς οὔ τινα οἶδε θέμιστα; |
| 762 | Primary Ζεῦ πάτερ ἦ ῥά τί μοι κεχολώσεαι, αἴ κεν Ἄρηα |
| 763 | Primary λυγρῶς πεπληγυῖα μάχης ἐξαποδίωμαι; |
| 764 | Primary τὴν δʼ ἀπαμειβόμενος προσέφη νεφεληγερέτα Ζεύς· |
| 765 | Primary ἄγρει μάν οἱ ἔπορσον Ἀθηναίην ἀγελείην, |
| 766 | Primary ἥ ἑ μάλιστʼ εἴωθε κακῇς ὀδύνῃσι πελάζειν. |
| 767 | Primary ὣς ἔφατʼ, οὐδʼ ἀπίθησε θεὰ λευκώλενος Ἥρη, |
| 768 | Primary μάστιξεν δʼ ἵππους· τὼ δʼ οὐκ ἀέκοντε πετέσθην |
| 769 | Primary μεσσηγὺς γαίης τε καὶ οὐρανοῦ ἀστερόεντος. |
| 770 | Primary ὅσσον δʼ ἠεροειδὲς ἀνὴρ ἴδεν ὀφθαλμοῖσιν |
| 771 | Primary ἥμενος ἐν σκοπιῇ, λεύσσων ἐπὶ οἴνοπα πόντον, |
| 772 | Primary τόσσον ἐπιθρῴσκουσι θεῶν ὑψηχέες ἵπποι. |
| 773 | Primary ἀλλʼ ὅτε δὴ Τροίην ἷξον ποταμώ τε ῥέοντε, |
| 774 | Primary ἧχι ῥοὰς Σιμόεις συμβάλλετον ἠδὲ Σκάμανδρος, |
| 775 | Primary ἔνθʼ ἵππους ἔστησε θεὰ λευκώλενος Ἥρη |
| 776 | Primary λύσασʼ ἐξ ὀχέων, περὶ δʼ ἠέρα πουλὺν ἔχευε· |
| 777 | Primary τοῖσιν δʼ ἀμβροσίην Σιμόεις ἀνέτειλε νέμεσθαι. |
| 778 | Primary αἳ δὲ βάτην τρήρωσι πελειάσιν ἴθμαθʼ ὁμοῖαι |
| 779 | Primary ἀνδράσιν Ἀργείοισιν ἀλεξέμεναι μεμαυῖαι· |
| 780 | Primary ἀλλʼ ὅτε δή ῥʼ ἵκανον ὅθι πλεῖστοι καὶ ἄριστοι |
| 781 | Primary ἕστασαν ἀμφὶ βίην Διομήδεος ἱπποδάμοιο |
| 782 | Primary εἰλόμενοι λείουσιν ἐοικότες ὠμοφάγοισιν |
| 783 | Primary ἢ συσὶ κάπροισιν, τῶν τε σθένος οὐκ ἀλαπαδνόν, |
| 784 | Primary ἔνθα στᾶσʼ ἤϋσε θεὰ λευκώλενος Ἥρη |
| 785 | Primary Στέντορι εἰσαμένη μεγαλήτορι χαλκεοφώνῳ, |
| 786 | Primary ὃς τόσον αὐδήσασχʼ ὅσον ἄλλοι πεντήκοντα· |
| 787 | Primary αἰδὼς Ἀργεῖοι κάκʼ ἐλέγχεα εἶδος ἀγητοί· |
| 788 | Primary ὄφρα μὲν ἐς πόλεμον πωλέσκετο δῖος Ἀχιλλεύς, |
| 789 | Primary οὐδέ ποτε Τρῶες πρὸ πυλάων Δαρδανιάων |
| 790 | Primary οἴχνεσκον· κείνου γὰρ ἐδείδισαν ὄβριμον ἔγχος· |
| 791 | Primary νῦν δὲ ἑκὰς πόλιος κοίλῃς ἐπὶ νηυσὶ μάχονται. |
| 792 | Primary ὣς εἰποῦσʼ ὄτρυνε μένος καὶ θυμὸν ἑκάστου. |
| 793 | Primary Τυδεΐδῃ δʼ ἐπόρουσε θεὰ γλαυκῶπις Ἀθήνη· |
| 794 | Primary εὗρε δὲ τόν γε ἄνακτα παρʼ ἵπποισιν καὶ ὄχεσφιν |
| 795 | Primary ἕλκος ἀναψύχοντα τό μιν βάλε Πάνδαρος ἰῷ. |
| 796 | Primary ἱδρὼς γάρ μιν ἔτειρεν ὑπὸ πλατέος τελαμῶνος |
| 797 | Primary ἀσπίδος εὐκύκλου· τῷ τείρετο, κάμνε δὲ χεῖρα, |
| 798 | Primary ἂν δʼ ἴσχων τελαμῶνα κελαινεφὲς αἷμʼ ἀπομόργνυ. |
| 799 | Primary ἱππείου δὲ θεὰ ζυγοῦ ἥψατο φώνησέν τε· |
| 800 | Primary ἦ ὀλίγον οἷ παῖδα ἐοικότα γείνατο Τυδεύς. |
| 801 | Primary Τυδεύς τοι μικρὸς μὲν ἔην δέμας, ἀλλὰ μαχητής· |
| 802 | Primary καί ῥʼ ὅτε πέρ μιν ἐγὼ πολεμίζειν οὐκ εἴασκον |
| 803 | Primary οὐδʼ ἐκπαιφάσσειν, ὅτε τʼ ἤλυθε νόσφιν Ἀχαιῶν |
| 804 | Primary ἄγγελος ἐς Θήβας πολέας μετὰ Καδμείωνας· |
| 805 | Primary δαίνυσθαί μιν ἄνωγον ἐνὶ μεγάροισιν ἕκηλον· |
| 806 | Primary αὐτὰρ ὃ θυμὸν ἔχων ὃν καρτερὸν ὡς τὸ πάρος περ |
| 807 | Primary κούρους Καδμείων προκαλίζετο, πάντα δʼ ἐνίκα |
| 808 | Primary ῥηϊδίως· τοίη οἱ ἐγὼν ἐπιτάρροθος ἦα. |
| 809 | Primary σοὶ δʼ ἤτοι μὲν ἐγὼ παρά θʼ ἵσταμαι ἠδὲ φυλάσσω, |
| 810 | Primary καί σε προφρονέως κέλομαι Τρώεσσι μάχεσθαι· |
| 811 | Primary ἀλλά σευ ἢ κάματος πολυᾶϊξ γυῖα δέδυκεν |
| 812 | Primary ἤ νύ σέ που δέος ἴσχει ἀκήριον· οὐ σύ γʼ ἔπειτα |
| 813 | Primary Τυδέος ἔκγονός ἐσσι δαΐφρονος Οἰνεΐδαο. |
| 814 | Primary τὴν δʼ ἀπαμειβόμενος προσέφη κρατερὸς Διομήδης· |
| 815 | Primary γιγνώσκω σε θεὰ θύγατερ Διὸς αἰγιόχοιο· |
| 816 | Primary τώ τοι προφρονέως ἐρέω ἔπος οὐδʼ ἐπικεύσω. |
| 817 | Primary οὔτέ τί με δέος ἴσχει ἀκήριον οὔτέ τις ὄκνος, |
| 818 | Primary ἀλλʼ ἔτι σέων μέμνημαι ἐφετμέων ἃς ἐπέτειλας· |
| 819 | Primary οὔ μʼ εἴας μακάρεσσι θεοῖς ἀντικρὺ μάχεσθαι |
| 820 | Primary τοῖς ἄλλοις· ἀτὰρ εἴ κε Διὸς θυγάτηρ Ἀφροδίτη |
| 821 | Primary ἔλθῃσʼ ἐς πόλεμον, τήν γʼ οὐτάμεν ὀξέϊ χαλκῷ. |
| 822 | Primary τοὔνεκα νῦν αὐτός τʼ ἀναχάζομαι ἠδὲ καὶ ἄλλους |
| 823 | Primary Ἀργείους ἐκέλευσα ἀλήμεναι ἐνθάδε πάντας· |
| 824 | Primary γιγνώσκω γὰρ Ἄρηα μάχην ἀνὰ κοιρανέοντα. |
| 825 | Primary τὸν δʼ ἠμείβετʼ ἔπειτα θεὰ γλαυκῶπις Ἀθήνη· |
| 826 | Primary Τυδεΐδη Διόμηδες ἐμῷ κεχαρισμένε θυμῷ |
| 827 | Primary μήτε σύ γʼ Ἄρηα τό γε δείδιθι μήτε τινʼ ἄλλον |
| 828 | Primary ἀθανάτων, τοίη τοι ἐγὼν ἐπιτάρροθός εἰμι· |
| 829 | Primary ἀλλʼ ἄγʼ ἐπʼ Ἄρηϊ πρώτῳ ἔχε μώνυχας ἵππους, |
| 830 | Primary τύψον δὲ σχεδίην μηδʼ ἅζεο θοῦρον Ἄρηα |
| 831 | Primary τοῦτον μαινόμενον, τυκτὸν κακόν, ἀλλοπρόσαλλον, |
| 832 | Primary ὃς πρῴην μὲν ἐμοί τε καὶ Ἥρῃ στεῦτʼ ἀγορεύων |
| 833 | Primary Τρωσὶ μαχήσεσθαι, ἀτὰρ Ἀργείοισιν ἀρήξειν, |
| 834 | Primary νῦν δὲ μετὰ Τρώεσσιν ὁμιλεῖ, τῶν δὲ λέλασται. |
| 835 | Primary ὣς φαμένη Σθένελον μὲν ἀφʼ ἵππων ὦσε χαμᾶζε, |
| 836 | Primary χειρὶ πάλιν ἐρύσασʼ, ὃ δʼ ἄρʼ ἐμμαπέως ἀπόρουσεν· |
| 837 | Primary ἣ δʼ ἐς δίφρον ἔβαινε παραὶ Διομήδεα δῖον |
| 838 | Primary ἐμμεμαυῖα θεά· μέγα δʼ ἔβραχε φήγινος ἄξων |
| 839 | Primary βριθοσύνῃ· δεινὴν γὰρ ἄγεν θεὸν ἄνδρά τʼ ἄριστον. |
| 840 | Primary λάζετο δὲ μάστιγα καὶ ἡνία Παλλὰς Ἀθήνη· |
| 841 | Primary αὐτίκʼ ἐπʼ Ἄρηϊ πρώτῳ ἔχε μώνυχας ἵππους. |
| 842 | Primary ἤτοι ὃ μὲν Περίφαντα πελώριον ἐξενάριζεν |
| 843 | Primary Αἰτωλῶν ὄχʼ ἄριστον Ὀχησίου ἀγλαὸν υἱόν· |
| 844 | Primary τὸν μὲν Ἄρης ἐνάριζε μιαιφόνος· αὐτὰρ Ἀθήνη |
| 845 | Primary δῦνʼ Ἄϊδος κυνέην, μή μιν ἴδοι ὄβριμος Ἄρης. |
| 846 | Primary ὡς δὲ ἴδε βροτολοιγὸς Ἄρης Διομήδεα δῖον, |
| 847 | Primary ἤτοι ὃ μὲν Περίφαντα πελώριον αὐτόθʼ ἔασε |
| 848 | Primary κεῖσθαι ὅθι πρῶτον κτείνων ἐξαίνυτο θυμόν, |
| 849 | Primary αὐτὰρ ὃ βῆ ῥʼ ἰθὺς Διομήδεος ἱπποδάμοιο. |
| 850 | Primary οἳ δʼ ὅτε δὴ σχεδὸν ἦσαν ἐπʼ ἀλλήλοισιν ἰόντες, |
| 851 | Primary πρόσθεν Ἄρης ὠρέξαθʼ ὑπὲρ ζυγὸν ἡνία θʼ ἵππων |
| 852 | Primary ἔγχεϊ χαλκείῳ μεμαὼς ἀπὸ θυμὸν ἑλέσθαι· |
| 853 | Primary καὶ τό γε χειρὶ λαβοῦσα θεὰ γλαυκῶπις Ἀθήνη |
| 854 | Primary ὦσεν ὑπὲκ δίφροιο ἐτώσιον ἀϊχθῆναι. |
| 855 | Primary δεύτερος αὖθʼ ὡρμᾶτο βοὴν ἀγαθὸς Διομήδης |
| 856 | Primary ἔγχεϊ χαλκείῳ· ἐπέρεισε δὲ Παλλὰς Ἀθήνη |
| 857 | Primary νείατον ἐς κενεῶνα ὅθι ζωννύσκετο μίτρῃ· |
| 858 | Primary τῇ ῥά μιν οὖτα τυχών, διὰ δὲ χρόα καλὸν ἔδαψεν, |
| 859 | Primary ἐκ δὲ δόρυ σπάσεν αὖτις· ὃ δʼ ἔβραχε χάλκεος Ἄρης |
| 860 | Primary ὅσσόν τʼ ἐννεάχιλοι ἐπίαχον ἢ δεκάχιλοι |
| 861 | Primary ἀνέρες ἐν πολέμῳ ἔριδα ξυνάγοντες Ἄρηος. |
| 862 | Primary τοὺς δʼ ἄρʼ ὑπὸ τρόμος εἷλεν Ἀχαιούς τε Τρῶάς τε |
| 863 | Primary δείσαντας· τόσον ἔβραχʼ Ἄρης ἆτος πολέμοιο. |
| 864 | Primary οἵη δʼ ἐκ νεφέων ἐρεβεννὴ φαίνεται ἀὴρ |
| 865 | Primary καύματος ἐξ ἀνέμοιο δυσαέος ὀρνυμένοιο, |
| 866 | Primary τοῖος Τυδεΐδῃ Διομήδεϊ χάλκεος Ἄρης |
| 867 | Primary φαίνεθʼ ὁμοῦ νεφέεσσιν ἰὼν εἰς οὐρανὸν εὐρύν. |
| 868 | Primary καρπαλίμως δʼ ἵκανε θεῶν ἕδος αἰπὺν Ὄλυμπον, |
| 869 | Primary πὰρ δὲ Διὶ Κρονίωνι καθέζετο θυμὸν ἀχεύων, |
| 870 | Primary δεῖξεν δʼ ἄμβροτον αἷμα καταρρέον ἐξ ὠτειλῆς, |
| 871 | Primary καί ῥʼ ὀλοφυρόμενος ἔπεα πτερόεντα προσηύδα· |
| 872 | Primary Ζεῦ πάτερ οὐ νεμεσίζῃ ὁρῶν τάδε καρτερὰ ἔργα; |
| 873 | Primary αἰεί τοι ῥίγιστα θεοὶ τετληότες εἰμὲν |
| 874 | Primary ἀλλήλων ἰότητι, χάριν ἄνδρεσσι φέροντες. |
| 875 | Primary σοὶ πάντες μαχόμεσθα· σὺ γὰρ τέκες ἄφρονα κούρην |
| 876 | Primary οὐλομένην, ᾗ τʼ αἰὲν ἀήσυλα ἔργα μέμηλεν. |
| 877 | Primary ἄλλοι μὲν γὰρ πάντες ὅσοι θεοί εἰσʼ ἐν Ὀλύμπῳ |
| 878 | Primary σοί τʼ ἐπιπείθονται καὶ δεδμήμεσθα ἕκαστος· |
| 879 | Primary ταύτην δʼ οὔτʼ ἔπεϊ προτιβάλλεαι οὔτέ τι ἔργῳ, |
| 880 | Primary ἀλλʼ ἀνιεῖς, ἐπεὶ αὐτὸς ἐγείναο παῖδʼ ἀΐδηλον· |
| 881 | Primary ἣ νῦν Τυδέος υἱὸν ὑπερφίαλον Διομήδεα |
| 882 | Primary μαργαίνειν ἀνέηκεν ἐπʼ ἀθανάτοισι θεοῖσι. |
| 883 | Primary Κύπριδα μὲν πρῶτον σχεδὸν οὔτασε χεῖρʼ ἐπὶ καρπῷ, |
| 884 | Primary αὐτὰρ ἔπειτʼ αὐτῷ μοι ἐπέσσυτο δαίμονι ἶσος· |
| 885 | Primary ἀλλά μʼ ὑπήνεικαν ταχέες πόδες· ἦ τέ κε δηρὸν |
| 886 | Primary αὐτοῦ πήματʼ ἔπασχον ἐν αἰνῇσιν νεκάδεσσιν, |
| 887 | Primary ἤ κε ζὼς ἀμενηνὸς ἔα χαλκοῖο τυπῇσι. |
| 888 | Primary τὸν δʼ ἄρʼ ὑπόδρα ἰδὼν προσέφη νεφεληγερέτα Ζεύς. |
| 889 | Primary μή τί μοι ἀλλοπρόσαλλε παρεζόμενος μινύριζε. |
| 890 | Primary ἔχθιστος δέ μοί ἐσσι θεῶν οἳ Ὄλυμπον ἔχουσιν· |
| 891 | Primary αἰεὶ γάρ τοι ἔρις τε φίλη πόλεμοί τε μάχαι τε. |
| 892 | Primary μητρός τοι μένος ἐστὶν ἀάσχετον οὐκ ἐπιεικτὸν |
| 893 | Primary Ἥρης· τὴν μὲν ἐγὼ σπουδῇ δάμνημʼ ἐπέεσσι· |
| 894 | Primary τώ σʼ ὀΐω κείνης τάδε πάσχειν ἐννεσίῃσιν. |
| 895 | Primary ἀλλʼ οὐ μάν σʼ ἔτι δηρὸν ἀνέξομαι ἄλγεʼ ἔχοντα· |
| 896 | Primary ἐκ γὰρ ἐμεῦ γένος ἐσσί, ἐμοὶ δέ σε γείνατο μήτηρ· |
| 897 | Primary εἰ δέ τευ ἐξ ἄλλου γε θεῶν γένευ ὧδʼ ἀΐδηλος |
| 898 | Primary καί κεν δὴ πάλαι ἦσθα ἐνέρτερος Οὐρανιώνων. |
| 899 | Primary ὣς φάτο, καὶ Παιήονʼ ἀνώγειν ἰήσασθαι. |
| 900 | Primary τῷ δʼ ἐπὶ Παιήων ὀδυνήφατα φάρμακα πάσσων |
| 901 | Primary ἠκέσατʼ· οὐ μὲν γάρ τι καταθνητός γʼ ἐτέτυκτο. |
| 902 | Primary ὡς δʼ ὅτʼ ὀπὸς γάλα λευκὸν ἐπειγόμενος συνέπηξεν |
| 903 | Primary ὑγρὸν ἐόν, μάλα δʼ ὦκα περιτρέφεται κυκόωντι, |
| 904 | Primary ὣς ἄρα καρπαλίμως ἰήσατο θοῦρον Ἄρηα. |
| 905 | Primary τὸν δʼ Ἥβη λοῦσεν, χαρίεντα δὲ εἵματα ἕσσε· |
| 906 | Primary πὰρ δὲ Διὶ Κρονίωνι καθέζετο κύδεϊ γαίων. |
| 907 | Primary αἳ δʼ αὖτις πρὸς δῶμα Διὸς μεγάλοιο νέοντο |
| 908 | Primary Ἥρη τʼ Ἀργείη καὶ Ἀλαλκομενηῒς Ἀθήνη |
| 909 | Primary παύσασαι βροτολοιγὸν Ἄρηʼ ἀνδροκτασιάων. |