Reader
Reader | Iliad, Book 6
Iliad
Homer
Text
Position
Line 1 of 529
Waypoints
| Line Ref | Monro and Allen | Ancient Greek |
|---|---|
| 1 | Primary Τρώων δʼ οἰώθη καὶ Ἀχαιῶν φύλοπις αἰνή· |
| 2 | Primary πολλὰ δʼ ἄρʼ ἔνθα καὶ ἔνθʼ ἴθυσε μάχη πεδίοιο |
| 3 | Primary ἀλλήλων ἰθυνομένων χαλκήρεα δοῦρα |
| 4 | Primary μεσσηγὺς Σιμόεντος ἰδὲ Ξάνθοιο ῥοάων. |
| 5 | Primary Αἴας δὲ πρῶτος Τελαμώνιος ἕρκος Ἀχαιῶν |
| 6 | Primary Τρώων ῥῆξε φάλαγγα, φόως δʼ ἑτάροισιν ἔθηκεν, |
| 7 | Primary ἄνδρα βαλὼν ὃς ἄριστος ἐνὶ Θρῄκεσσι τέτυκτο |
| 8 | Primary υἱὸν Ἐϋσσώρου Ἀκάμαντʼ ἠΰν τε μέγαν τε. |
| 9 | Primary τόν ῥʼ ἔβαλε πρῶτος κόρυθος φάλον ἱπποδασείης, |
| 10 | Primary ἐν δὲ μετώπῳ πῆξε, πέρησε δʼ ἄρʼ ὀστέον εἴσω |
| 11 | Primary αἰχμὴ χαλκείη· τὸν δὲ σκότος ὄσσε κάλυψεν. |
| 12 | Primary Ἄξυλον δʼ ἄρʼ ἔπεφνε βοὴν ἀγαθὸς Διομήδης |
| 13 | Primary Τευθρανίδην, ὃς ἔναιεν ἐϋκτιμένῃ ἐν Ἀρίσβῃ |
| 14 | Primary ἀφνειὸς βιότοιο, φίλος δʼ ἦν ἀνθρώποισι. |
| 15 | Primary πάντας γὰρ φιλέεσκεν ὁδῷ ἔπι οἰκία ναίων. |
| 16 | Primary ἀλλά οἱ οὔ τις τῶν γε τότʼ ἤρκεσε λυγρὸν ὄλεθρον |
| 17 | Primary πρόσθεν ὑπαντιάσας, ἀλλʼ ἄμφω θυμὸν ἀπηύρα |
| 18 | Primary αὐτὸν καὶ θεράποντα Καλήσιον, ὅς ῥα τόθʼ ἵππων |
| 19 | Primary ἔσκεν ὑφηνίοχος· τὼ δʼ ἄμφω γαῖαν ἐδύτην. |
| 20 | Primary Δρῆσον δʼ Εὐρύαλος καὶ Ὀφέλτιον ἐξενάριξε· |
| 21 | Primary βῆ δὲ μετʼ Αἴσηπον καὶ Πήδασον, οὕς ποτε νύμφη |
| 22 | Primary νηῒς Ἀβαρβαρέη τέκʼ ἀμύμονι Βουκολίωνι. |
| 23 | Primary Βουκολίων δʼ ἦν υἱὸς ἀγαυοῦ Λαομέδοντος |
| 24 | Primary πρεσβύτατος γενεῇ, σκότιον δέ ἑ γείνατο μήτηρ· |
| 25 | Primary ποιμαίνων δʼ ἐπʼ ὄεσσι μίγη φιλότητι καὶ εὐνῇ, |
| 26 | Primary ἣ δʼ ὑποκυσαμένη διδυμάονε γείνατο παῖδε. |
| 27 | Primary καὶ μὲν τῶν ὑπέλυσε μένος καὶ φαίδιμα γυῖα |
| 28 | Primary Μηκιστηϊάδης καὶ ἀπʼ ὤμων τεύχεʼ ἐσύλα. |
| 29 | Primary Ἀστύαλον δʼ ἄρʼ ἔπεφνε μενεπτόλεμος Πολυποίτης· |
| 30 | Primary Πιδύτην δʼ Ὀδυσεὺς Περκώσιον ἐξενάριξεν |
| 31 | Primary ἔγχεϊ χαλκείῳ, Τεῦκρος δʼ Ἀρετάονα δῖον. |
| 32 | Primary Ἀντίλοχος δʼ Ἄβληρον ἐνήρατο δουρὶ φαεινῷ |
| 33 | Primary Νεστορίδης, Ἔλατον δὲ ἄναξ ἀνδρῶν Ἀγαμέμνων· |
| 34 | Primary ναῖε δὲ Σατνιόεντος ἐϋρρείταο παρʼ ὄχθας |
| 35 | Primary Πήδασον αἰπεινήν. Φύλακον δʼ ἕλε Λήϊτος ἥρως |
| 36 | Primary φεύγοντʼ· Εὐρύπυλος δὲ Μελάνθιον ἐξενάριξεν. |
| 37 | Primary Ἄδρηστον δʼ ἄρʼ ἔπειτα βοὴν ἀγαθὸς Μενέλαος |
| 38 | Primary ζωὸν ἕλʼ· ἵππω γάρ οἱ ἀτυζομένω πεδίοιο |
| 39 | Primary ὄζῳ ἔνι βλαφθέντε μυρικίνῳ ἀγκύλον ἅρμα |
| 40 | Primary ἄξαντʼ ἐν πρώτῳ ῥυμῷ αὐτὼ μὲν ἐβήτην |
| 41 | Primary πρὸς πόλιν, ᾗ περ οἱ ἄλλοι ἀτυζόμενοι φοβέοντο, |
| 42 | Primary αὐτὸς δʼ ἐκ δίφροιο παρὰ τροχὸν ἐξεκυλίσθη |
| 43 | Primary πρηνὴς ἐν κονίῃσιν ἐπὶ στόμα· πὰρ δέ οἱ ἔστη |
| 44 | Primary Ἀτρεΐδης Μενέλαος ἔχων δολιχόσκιον ἔγχος. |
| 45 | Primary Ἄδρηστος δʼ ἄρʼ ἔπειτα λαβὼν ἐλίσσετο γούνων· |
| 46 | Primary ζώγρει Ἀτρέος υἱέ, σὺ δʼ ἄξια δέξαι ἄποινα· |
| 47 | Primary πολλὰ δʼ ἐν ἀφνειοῦ πατρὸς κειμήλια κεῖται |
| 48 | Primary χαλκός τε χρυσός τε πολύκμητός τε σίδηρος, |
| 49 | Primary τῶν κέν τοι χαρίσαιτο πατὴρ ἀπερείσιʼ ἄποινα |
| 50 | Primary εἴ κεν ἐμὲ ζωὸν πεπύθοιτʼ ἐπὶ νηυσὶν Ἀχαιῶν. |
| 51 | Primary ὣς φάτο, τῷ δʼ ἄρα θυμὸν ἐνὶ στήθεσσιν ἔπειθε· |
| 52 | Primary καὶ δή μιν τάχʼ ἔμελλε θοὰς ἐπὶ νῆας Ἀχαιῶν |
| 53 | Primary δώσειν ᾧ θεράποντι καταξέμεν· ἀλλʼ Ἀγαμέμνων |
| 54 | Primary ἀντίος ἦλθε θέων, καὶ ὁμοκλήσας ἔπος ηὔδα· |
| 55 | Primary ὦ πέπον ὦ Μενέλαε, τί ἢ δὲ σὺ κήδεαι οὕτως |
| 56 | Primary ἀνδρῶν; ἦ σοὶ ἄριστα πεποίηται κατὰ οἶκον |
| 57 | Primary πρὸς Τρώων; τῶν μή τις ὑπεκφύγοι αἰπὺν ὄλεθρον |
| 58 | Primary χεῖράς θʼ ἡμετέρας, μηδʼ ὅν τινα γαστέρι μήτηρ |
| 59 | Primary κοῦρον ἐόντα φέροι, μηδʼ ὃς φύγοι, ἀλλʼ ἅμα πάντες |
| 60 | Primary Ἰλίου ἐξαπολοίατʼ ἀκήδεστοι καὶ ἄφαντοι. |
| 61 | Primary ὣς εἰπὼν ἔτρεψεν ἀδελφειοῦ φρένας ἥρως |
| 62 | Primary αἴσιμα παρειπών· ὃ δʼ ἀπὸ ἕθεν ὤσατο χειρὶ |
| 63 | Primary ἥρωʼ Ἄδρηστον· τὸν δὲ κρείων Ἀγαμέμνων |
| 64 | Primary οὖτα κατὰ λαπάρην· ὃ δʼ ἀνετράπετʼ, Ἀτρεΐδης δὲ |
| 65 | Primary λὰξ ἐν στήθεσι βὰς ἐξέσπασε μείλινον ἔγχος. |
| 66 | Primary Νέστωρ δʼ Ἀργείοισιν ἐκέκλετο μακρὸν ἀΰσας· |
| 67 | Primary ὦ φίλοι ἥρωες Δαναοὶ θεράποντες Ἄρηος |
| 68 | Primary μή τις νῦν ἐνάρων ἐπιβαλλόμενος μετόπισθε |
| 69 | Primary μιμνέτω ὥς κε πλεῖστα φέρων ἐπὶ νῆας ἵκηται, |
| 70 | Primary ἀλλʼ ἄνδρας κτείνωμεν· ἔπειτα δὲ καὶ τὰ ἕκηλοι |
| 71 | Primary νεκροὺς ἂμ πεδίον συλήσετε τεθνηῶτας. |
| 72 | Primary ὣς εἰπὼν ὄτρυνε μένος καὶ θυμὸν ἑκάστου. |
| 73 | Primary ἔνθά κεν αὖτε Τρῶες ἀρηϊφίλων ὑπʼ Ἀχαιῶν |
| 74 | Primary Ἴλιον εἰσανέβησαν ἀναλκείῃσι δαμέντες, |
| 75 | Primary εἰ μὴ ἄρʼ Αἰνείᾳ τε καὶ Ἕκτορι εἶπε παραστὰς |
| 76 | Primary Πριαμίδης Ἕλενος οἰωνοπόλων ὄχʼ ἄριστος· |
| 77 | Primary Αἰνεία τε καὶ Ἕκτορ, ἐπεὶ πόνος ὔμμι μάλιστα |
| 78 | Primary Τρώων καὶ Λυκίων ἐγκέκλιται, οὕνεκʼ ἄριστοι |
| 79 | Primary πᾶσαν ἐπʼ ἰθύν ἐστε μάχεσθαί τε φρονέειν τε, |
| 80 | Primary στῆτʼ αὐτοῦ, καὶ λαὸν ἐρυκάκετε πρὸ πυλάων |
| 81 | Primary πάντῃ ἐποιχόμενοι πρὶν αὖτʼ ἐν χερσὶ γυναικῶν |
| 82 | Primary φεύγοντας πεσέειν, δηΐοισι δὲ χάρμα γενέσθαι. |
| 83 | Primary αὐτὰρ ἐπεί κε φάλαγγας ἐποτρύνητον ἁπάσας, |
| 84 | Primary ἡμεῖς μὲν Δαναοῖσι μαχησόμεθʼ αὖθι μένοντες, |
| 85 | Primary καὶ μάλα τειρόμενοί περ· ἀναγκαίη γὰρ ἐπείγει· |
| 86 | Primary Ἕκτορ ἀτὰρ σὺ πόλιν δὲ μετέρχεο, εἰπὲ δʼ ἔπειτα |
| 87 | Primary μητέρι σῇ καὶ ἐμῇ· ἣ δὲ ξυνάγουσα γεραιὰς |
| 88 | Primary νηὸν Ἀθηναίης γλαυκώπιδος ἐν πόλει ἄκρῃ |
| 89 | Primary οἴξασα κληῗδι θύρας ἱεροῖο δόμοιο |
| 90 | Primary πέπλον, ὅς οἱ δοκέει χαριέστατος ἠδὲ μέγιστος |
| 91 | Primary εἶναι ἐνὶ μεγάρῳ καί οἱ πολὺ φίλτατος αὐτῇ, |
| 92 | Primary θεῖναι Ἀθηναίης ἐπὶ γούνασιν ἠϋκόμοιο, |
| 93 | Primary καί οἱ ὑποσχέσθαι δυοκαίδεκα βοῦς ἐνὶ νηῷ |
| 94 | Primary ἤνις ἠκέστας ἱερευσέμεν, αἴ κʼ ἐλεήσῃ |
| 95 | Primary ἄστύ τε καὶ Τρώων ἀλόχους καὶ νήπια τέκνα, |
| 96 | Primary ὥς κεν Τυδέος υἱὸν ἀπόσχῃ Ἰλίου ἱρῆς |
| 97 | Primary ἄγριον αἰχμητὴν κρατερὸν μήστωρα φόβοιο, |
| 98 | Primary ὃν δὴ ἐγὼ κάρτιστον Ἀχαιῶν φημι γενέσθαι. |
| 99 | Primary οὐδʼ Ἀχιλῆά ποθʼ ὧδέ γʼ ἐδείδιμεν ὄρχαμον ἀνδρῶν, |
| 100 | Primary ὅν πέρ φασι θεᾶς ἐξέμμεναι· ἀλλʼ ὅδε λίην |
| 101 | Primary μαίνεται, οὐδέ τίς οἱ δύναται μένος ἰσοφαρίζειν. |
| 102 | Primary ὣς ἔφαθʼ, Ἕκτωρ δʼ οὔ τι κασιγνήτῳ ἀπίθησεν. |
| 103 | Primary αὐτίκα δʼ ἐξ ὀχέων σὺν τεύχεσιν ἆλτο χαμᾶζε, |
| 104 | Primary πάλλων δʼ ὀξέα δοῦρα κατὰ στρατὸν ᾤχετο πάντῃ |
| 105 | Primary ὀτρύνων μαχέσασθαι, ἔγειρε δὲ φύλοπιν αἰνήν. |
| 106 | Primary οἳ δʼ ἐλελίχθησαν καὶ ἐναντίοι ἔσταν Ἀχαιῶν· |
| 107 | Primary Ἀργεῖοι δʼ ὑπεχώρησαν, λῆξαν δὲ φόνοιο, |
| 108 | Primary φὰν δέ τινʼ ἀθανάτων ἐξ οὐρανοῦ ἀστερόεντος |
| 109 | Primary Τρωσὶν ἀλεξήσοντα κατελθέμεν, ὡς ἐλέλιχθεν. |
| 110 | Primary Ἕκτωρ δὲ Τρώεσσιν ἐκέκλετο μακρὸν ἀΰσας· |
| 111 | Primary Τρῶες ὑπέρθυμοι τηλεκλειτοί τʼ ἐπίκουροι |
| 112 | Primary ἀνέρες ἔστε φίλοι, μνήσασθε δὲ θούριδος ἀλκῆς, |
| 113 | Primary ὄφρʼ ἂν ἐγὼ βείω προτὶ Ἴλιον, ἠδὲ γέρουσιν |
| 114 | Primary εἴπω βουλευτῇσι καὶ ἡμετέρῃς ἀλόχοισι |
| 115 | Primary δαίμοσιν ἀρήσασθαι, ὑποσχέσθαι δʼ ἑκατόμβας. |
| 116 | Primary ὣς ἄρα φωνήσας ἀπέβη κορυθαίολος Ἕκτωρ· |
| 117 | Primary ἀμφὶ δέ μιν σφυρὰ τύπτε καὶ αὐχένα δέρμα κελαινὸν |
| 118 | Primary ἄντυξ ἣ πυμάτη θέεν ἀσπίδος ὀμφαλοέσσης. |
| 119 | Primary Γλαῦκος δʼ Ἱππολόχοιο πάϊς καὶ Τυδέος υἱὸς |
| 120 | Primary ἐς μέσον ἀμφοτέρων συνίτην μεμαῶτε μάχεσθαι. |
| 121 | Primary οἳ δʼ ὅτε δὴ σχεδὸν ἦσαν ἐπʼ ἀλλήλοισιν ἰόντε, |
| 122 | Primary τὸν πρότερος προσέειπε βοὴν ἀγαθὸς Διομήδης· |
| 123 | Primary τίς δὲ σύ ἐσσι φέριστε καταθνητῶν ἀνθρώπων; |
| 124 | Primary οὐ μὲν γάρ ποτʼ ὄπωπα μάχῃ ἔνι κυδιανείρῃ |
| 125 | Primary τὸ πρίν· ἀτὰρ μὲν νῦν γε πολὺ προβέβηκας ἁπάντων |
| 126 | Primary σῷ θάρσει, ὅ τʼ ἐμὸν δολιχόσκιον ἔγχος ἔμεινας· |
| 127 | Primary δυστήνων δέ τε παῖδες ἐμῷ μένει ἀντιόωσιν. |
| 128 | Primary εἰ δέ τις ἀθανάτων γε κατʼ οὐρανοῦ εἰλήλουθας, |
| 129 | Primary οὐκ ἂν ἔγωγε θεοῖσιν ἐπουρανίοισι μαχοίμην. |
| 130 | Primary οὐδὲ γὰρ οὐδὲ Δρύαντος υἱὸς κρατερὸς Λυκόοργος |
| 131 | Primary δὴν ἦν, ὅς ῥα θεοῖσιν ἐπουρανίοισιν ἔριζεν· |
| 132 | Primary ὅς ποτε μαινομένοιο Διωνύσοιο τιθήνας |
| 133 | Primary σεῦε κατʼ ἠγάθεον Νυσήϊον· αἳ δʼ ἅμα πᾶσαι |
| 134 | Primary θύσθλα χαμαὶ κατέχευαν ὑπʼ ἀνδροφόνοιο Λυκούργου |
| 135 | Primary θεινόμεναι βουπλῆγι· Διώνυσος δὲ φοβηθεὶς |
| 136 | Primary δύσεθʼ ἁλὸς κατὰ κῦμα, Θέτις δʼ ὑπεδέξατο κόλπῳ |
| 137 | Primary δειδιότα· κρατερὸς γὰρ ἔχε τρόμος ἀνδρὸς ὁμοκλῇ. |
| 138 | Primary τῷ μὲν ἔπειτʼ ὀδύσαντο θεοὶ ῥεῖα ζώοντες, |
| 139 | Primary καί μιν τυφλὸν ἔθηκε Κρόνου πάϊς· οὐδʼ ἄρʼ ἔτι δὴν |
| 140 | Primary ἦν, ἐπεὶ ἀθανάτοισιν ἀπήχθετο πᾶσι θεοῖσιν· |
| 141 | Primary οὐδʼ ἂν ἐγὼ μακάρεσσι θεοῖς ἐθέλοιμι μάχεσθαι. |
| 142 | Primary εἰ δέ τίς ἐσσι βροτῶν οἳ ἀρούρης καρπὸν ἔδουσιν, |
| 143 | Primary ἆσσον ἴθʼ ὥς κεν θᾶσσον ὀλέθρου πείραθʼ ἵκηαι. |
| 144 | Primary τὸν δʼ αὖθʼ Ἱππολόχοιο προσηύδα φαίδιμος υἱός· |
| 145 | Primary Τυδεΐδη μεγάθυμε τί ἢ γενεὴν ἐρεείνεις; |
| 146 | Primary οἵη περ φύλλων γενεὴ τοίη δὲ καὶ ἀνδρῶν. |
| 147 | Primary φύλλα τὰ μέν τʼ ἄνεμος χαμάδις χέει, ἄλλα δέ θʼ ὕλη |
| 148 | Primary τηλεθόωσα φύει, ἔαρος δʼ ἐπιγίγνεται ὥρη· |
| 149 | Primary ὣς ἀνδρῶν γενεὴ ἣ μὲν φύει ἣ δʼ ἀπολήγει. |
| 150 | Primary εἰ δʼ ἐθέλεις καὶ ταῦτα δαήμεναι ὄφρʼ ἐῢ εἰδῇς |
| 151 | Primary ἡμετέρην γενεήν, πολλοὶ δέ μιν ἄνδρες ἴσασιν· |
| 152 | Primary ἔστι πόλις Ἐφύρη μυχῷ Ἄργεος ἱπποβότοιο, |
| 153 | Primary ἔνθα δὲ Σίσυφος ἔσκεν, ὃ κέρδιστος γένετʼ ἀνδρῶν, |
| 154 | Primary Σίσυφος Αἰολίδης· ὃ δʼ ἄρα Γλαῦκον τέκεθʼ υἱόν, |
| 155 | Primary αὐτὰρ Γλαῦκος τίκτεν ἀμύμονα Βελλεροφόντην· |
| 156 | Primary τῷ δὲ θεοὶ κάλλός τε καὶ ἠνορέην ἐρατεινὴν |
| 157 | Primary ὤπασαν· αὐτάρ οἱ Προῖτος κακὰ μήσατο θυμῷ, |
| 158 | Primary ὅς ῥʼ ἐκ δήμου ἔλασσεν, ἐπεὶ πολὺ φέρτερος ἦεν, |
| 159 | Primary Ἀργείων· Ζεὺς γάρ οἱ ὑπὸ σκήπτρῳ ἐδάμασσε. |
| 160 | Primary τῷ δὲ γυνὴ Προίτου ἐπεμήνατο δῖʼ Ἄντεια |
| 161 | Primary κρυπταδίῃ φιλότητι μιγήμεναι· ἀλλὰ τὸν οὔ τι |
| 162 | Primary πεῖθʼ ἀγαθὰ φρονέοντα δαΐφρονα Βελλεροφόντην. |
| 163 | Primary ἣ δὲ ψευσαμένη Προῖτον βασιλῆα προσηύδα· |
| 164 | Primary τεθναίης ὦ Προῖτʼ, ἢ κάκτανε Βελλεροφόντην, |
| 165 | Primary ὅς μʼ ἔθελεν φιλότητι μιγήμεναι οὐκ ἐθελούσῃ. |
| 166 | Primary ὣς φάτο, τὸν δὲ ἄνακτα χόλος λάβεν οἷον ἄκουσε· |
| 167 | Primary κτεῖναι μέν ῥʼ ἀλέεινε, σεβάσσατο γὰρ τό γε θυμῷ, |
| 168 | Primary πέμπε δέ μιν Λυκίην δέ, πόρεν δʼ ὅ γε σήματα λυγρὰ |
| 169 | Primary γράψας ἐν πίνακι πτυκτῷ θυμοφθόρα πολλά, |
| 170 | Primary δεῖξαι δʼ ἠνώγειν ᾧ πενθερῷ ὄφρʼ ἀπόλοιτο. |
| 171 | Primary αὐτὰρ ὁ βῆ Λυκίην δὲ θεῶν ὑπʼ ἀμύμονι πομπῇ. |
| 172 | Primary ἀλλʼ ὅτε δὴ Λυκίην ἷξε Ξάνθόν τε ῥέοντα, |
| 173 | Primary προφρονέως μιν τῖεν ἄναξ Λυκίης εὐρείης· |
| 174 | Primary ἐννῆμαρ ξείνισσε καὶ ἐννέα βοῦς ἱέρευσεν. |
| 175 | Primary ἀλλʼ ὅτε δὴ δεκάτη ἐφάνη ῥοδοδάκτυλος Ἠὼς |
| 176 | Primary καὶ τότε μιν ἐρέεινε καὶ ᾔτεε σῆμα ἰδέσθαι |
| 177 | Primary ὅττί ῥά οἱ γαμβροῖο πάρα Προίτοιο φέροιτο. |
| 178 | Primary αὐτὰρ ἐπεὶ δὴ σῆμα κακὸν παρεδέξατο γαμβροῦ, |
| 179 | Primary πρῶτον μέν ῥα Χίμαιραν ἀμαιμακέτην ἐκέλευσε |
| 180 | Primary πεφνέμεν· ἣ δʼ ἄρʼ ἔην θεῖον γένος οὐδʼ ἀνθρώπων, |
| 181 | Primary πρόσθε λέων, ὄπιθεν δὲ δράκων, μέσση δὲ χίμαιρα, |
| 182 | Primary δεινὸν ἀποπνείουσα πυρὸς μένος αἰθομένοιο, |
| 183 | Primary καὶ τὴν μὲν κατέπεφνε θεῶν τεράεσσι πιθήσας. |
| 184 | Primary δεύτερον αὖ Σολύμοισι μαχέσσατο κυδαλίμοισι· |
| 185 | Primary καρτίστην δὴ τήν γε μάχην φάτο δύμεναι ἀνδρῶν. |
| 186 | Primary τὸ τρίτον αὖ κατέπεφνεν Ἀμαζόνας ἀντιανείρας. |
| 187 | Primary τῷ δʼ ἄρʼ ἀνερχομένῳ πυκινὸν δόλον ἄλλον ὕφαινε· |
| 188 | Primary κρίνας ἐκ Λυκίης εὐρείης φῶτας ἀρίστους |
| 189 | Primary εἷσε λόχον· τοὶ δʼ οὔ τι πάλιν οἶκον δὲ νέοντο· |
| 190 | Primary πάντας γὰρ κατέπεφνεν ἀμύμων Βελλεροφόντης. |
| 191 | Primary ἀλλʼ ὅτε δὴ γίγνωσκε θεοῦ γόνον ἠῢν ἐόντα |
| 192 | Primary αὐτοῦ μιν κατέρυκε, δίδου δʼ ὅ γε θυγατέρα ἥν, |
| 193 | Primary δῶκε δέ οἱ τιμῆς βασιληΐδος ἥμισυ πάσης· |
| 194 | Primary καὶ μέν οἱ Λύκιοι τέμενος τάμον ἔξοχον ἄλλων |
| 195 | Primary καλὸν φυταλιῆς καὶ ἀρούρης, ὄφρα νέμοιτο. |
| 196 | Primary ἣ δʼ ἔτεκε τρία τέκνα δαΐφρονι Βελλεροφόντῃ |
| 197 | Primary Ἴσανδρόν τε καὶ Ἱππόλοχον καὶ Λαοδάμειαν. |
| 198 | Primary Λαοδαμείῃ μὲν παρελέξατο μητίετα Ζεύς, |
| 199 | Primary ἣ δʼ ἔτεκʼ ἀντίθεον Σαρπηδόνα χαλκοκορυστήν. |
| 200 | Primary ἀλλʼ ὅτε δὴ καὶ κεῖνος ἀπήχθετο πᾶσι θεοῖσιν, |
| 201 | Primary ἤτοι ὃ κὰπ πεδίον τὸ Ἀλήϊον οἶος ἀλᾶτο |
| 202 | Primary ὃν θυμὸν κατέδων, πάτον ἀνθρώπων ἀλεείνων· |
| 203 | Primary Ἴσανδρον δέ οἱ υἱὸν Ἄρης ἆτος πολέμοιο |
| 204 | Primary μαρνάμενον Σολύμοισι κατέκτανε κυδαλίμοισι· |
| 205 | Primary τὴν δὲ χολωσαμένη χρυσήνιος Ἄρτεμις ἔκτα. |
| 206 | Primary Ἱππόλοχος δέ μʼ ἔτικτε, καὶ ἐκ τοῦ φημι γενέσθαι· |
| 207 | Primary πέμπε δέ μʼ ἐς Τροίην, καί μοι μάλα πόλλʼ ἐπέτελλεν |
| 208 | Primary αἰὲν ἀριστεύειν καὶ ὑπείροχον ἔμμεναι ἄλλων, |
| 209 | Primary μηδὲ γένος πατέρων αἰσχυνέμεν, οἳ μέγʼ ἄριστοι |
| 210 | Primary ἔν τʼ Ἐφύρῃ ἐγένοντο καὶ ἐν Λυκίῃ εὐρείῃ. |
| 211 | Primary ταύτης τοι γενεῆς τε καὶ αἵματος εὔχομαι εἶναι. |
| 212 | Primary ὣς φάτο, γήθησεν δὲ βοὴν ἀγαθὸς Διομήδης· |
| 213 | Primary ἔγχος μὲν κατέπηξεν ἐπὶ χθονὶ πουλυβοτείρῃ, |
| 214 | Primary αὐτὰρ ὃ μειλιχίοισι προσηύδα ποιμένα λαῶν· |
| 215 | Primary ἦ ῥά νύ μοι ξεῖνος πατρώϊός ἐσσι παλαιός· |
| 216 | Primary Οἰνεὺς γάρ ποτε δῖος ἀμύμονα Βελλεροφόντην |
| 217 | Primary ξείνισʼ ἐνὶ μεγάροισιν ἐείκοσιν ἤματʼ ἐρύξας· |
| 218 | Primary οἳ δὲ καὶ ἀλλήλοισι πόρον ξεινήϊα καλά· |
| 219 | Primary Οἰνεὺς μὲν ζωστῆρα δίδου φοίνικι φαεινόν, |
| 220 | Primary Βελλεροφόντης δὲ χρύσεον δέπας ἀμφικύπελλον |
| 221 | Primary καί μιν ἐγὼ κατέλειπον ἰὼν ἐν δώμασʼ ἐμοῖσι. |
| 222 | Primary Τυδέα δʼ οὐ μέμνημαι, ἐπεί μʼ ἔτι τυτθὸν ἐόντα |
| 223 | Primary κάλλιφʼ, ὅτʼ ἐν Θήβῃσιν ἀπώλετο λαὸς Ἀχαιῶν. |
| 224 | Primary τὼ νῦν σοὶ μὲν ἐγὼ ξεῖνος φίλος Ἄργεϊ μέσσῳ |
| 225 | Primary εἰμί, σὺ δʼ ἐν Λυκίῃ ὅτε κεν τῶν δῆμον ἵκωμαι. |
| 226 | Primary ἔγχεα δʼ ἀλλήλων ἀλεώμεθα καὶ διʼ ὁμίλου· |
| 227 | Primary πολλοὶ μὲν γὰρ ἐμοὶ Τρῶες κλειτοί τʼ ἐπίκουροι |
| 228 | Primary κτείνειν ὅν κε θεός γε πόρῃ καὶ ποσσὶ κιχείω, |
| 229 | Primary πολλοὶ δʼ αὖ σοὶ Ἀχαιοὶ ἐναιρέμεν ὅν κε δύνηαι. |
| 230 | Primary τεύχεα δʼ ἀλλήλοις ἐπαμείψομεν, ὄφρα καὶ οἵδε |
| 231 | Primary γνῶσιν ὅτι ξεῖνοι πατρώϊοι εὐχόμεθʼ εἶναι. |
| 232 | Primary ὣς ἄρα φωνήσαντε καθʼ ἵππων ἀΐξαντε |
| 233 | Primary χεῖράς τʼ ἀλλήλων λαβέτην καὶ πιστώσαντο· |
| 234 | Primary ἔνθʼ αὖτε Γλαύκῳ Κρονίδης φρένας ἐξέλετο Ζεύς, |
| 235 | Primary ὃς πρὸς Τυδεΐδην Διομήδεα τεύχεʼ ἄμειβε |
| 236 | Primary χρύσεα χαλκείων, ἑκατόμβοιʼ ἐννεαβοίων. |
| 237 | Primary Ἕκτωρ δʼ ὡς Σκαιάς τε πύλας καὶ φηγὸν ἵκανεν, |
| 238 | Primary ἀμφʼ ἄρα μιν Τρώων ἄλοχοι θέον ἠδὲ θύγατρες |
| 239 | Primary εἰρόμεναι παῖδάς τε κασιγνήτους τε ἔτας τε |
| 240 | Primary καὶ πόσιας· ὃ δʼ ἔπειτα θεοῖς εὔχεσθαι ἀνώγει |
| 241 | Primary πάσας ἑξείης· πολλῇσι δὲ κήδεʼ ἐφῆπτο. |
| 242 | Primary ἀλλʼ ὅτε δὴ Πριάμοιο δόμον περικαλλέʼ ἵκανε |
| 243 | Primary ξεστῇς αἰθούσῃσι τετυγμένον· αὐτὰρ ἐν αὐτῷ |
| 244 | Primary πεντήκοντʼ ἔνεσαν θάλαμοι ξεστοῖο λίθοιο |
| 245 | Primary πλησίον ἀλλήλων δεδμημένοι, ἔνθα δὲ παῖδες |
| 246 | Primary κοιμῶντο Πριάμοιο παρὰ μνηστῇς ἀλόχοισι, |
| 247 | Primary κουράων δʼ ἑτέρωθεν ἐναντίοι ἔνδοθεν αὐλῆς |
| 248 | Primary δώδεκʼ ἔσαν τέγεοι θάλαμοι ξεστοῖο λίθοιο |
| 249 | Primary πλησίον ἀλλήλων δεδμημένοι, ἔνθα δὲ γαμβροὶ |
| 250 | Primary κοιμῶντο Πριάμοιο παρʼ αἰδοίῃς ἀλόχοισιν· |
| 251 | Primary ἔνθά οἱ ἠπιόδωρος ἐναντίη ἤλυθε μήτηρ |
| 252 | Primary Λαοδίκην ἐσάγουσα θυγατρῶν εἶδος ἀρίστην· |
| 253 | Primary ἔν τʼ ἄρα οἱ φῦ χειρὶ ἔπος τʼ ἔφατʼ ἔκ τʼ ὀνόμαζε· |
| 254 | Primary τέκνον τίπτε λιπὼν πόλεμον θρασὺν εἰλήλουθας; |
| 255 | Primary ἦ μάλα δὴ τείρουσι δυσώνυμοι υἷες Ἀχαιῶν |
| 256 | Primary μαρνάμενοι περὶ ἄστυ· σὲ δʼ ἐνθάδε θυμὸς ἀνῆκεν |
| 257 | Primary ἐλθόντʼ ἐξ ἄκρης πόλιος Διὶ χεῖρας ἀνασχεῖν. |
| 258 | Primary ἀλλὰ μένʼ ὄφρά κέ τοι μελιηδέα οἶνον ἐνείκω, |
| 259 | Primary ὡς σπείσῃς Διὶ πατρὶ καὶ ἄλλοις ἀθανάτοισι |
| 260 | Primary πρῶτον, ἔπειτα δὲ καὐτὸς ὀνήσεαι αἴ κε πίῃσθα. |
| 261 | Primary ἀνδρὶ δὲ κεκμηῶτι μένος μέγα οἶνος ἀέξει, |
| 262 | Primary ὡς τύνη κέκμηκας ἀμύνων σοῖσιν ἔτῃσι. |
| 263 | Primary τὴν δʼ ἠμείβετʼ ἔπειτα μέγας κορυθαίολος Ἕκτωρ· |
| 264 | Primary μή μοι οἶνον ἄειρε μελίφρονα πότνια μῆτερ, |
| 265 | Primary μή μʼ ἀπογυιώσῃς μένεος, ἀλκῆς τε λάθωμαι· |
| 266 | Primary χερσὶ δʼ ἀνίπτοισιν Διὶ λείβειν αἴθοπα οἶνον |
| 267 | Primary ἅζομαι· οὐδέ πῃ ἔστι κελαινεφέϊ Κρονίωνι |
| 268 | Primary αἵματι καὶ λύθρῳ πεπαλαγμένον εὐχετάασθαι. |
| 269 | Primary ἀλλὰ σὺ μὲν πρὸς νηὸν Ἀθηναίης ἀγελείης |
| 270 | Primary ἔρχεο σὺν θυέεσσιν ἀολλίσσασα γεραιάς· |
| 271 | Primary πέπλον δʼ, ὅς τίς τοι χαριέστατος ἠδὲ μέγιστος |
| 272 | Primary ἔστιν ἐνὶ μεγάρῳ καί τοι πολὺ φίλτατος αὐτῇ, |
| 273 | Primary τὸν θὲς Ἀθηναίης ἐπὶ γούνασιν ἠϋκόμοιο, |
| 274 | Primary καί οἱ ὑποσχέσθαι δυοκαίδεκα βοῦς ἐνὶ νηῷ |
| 275 | Primary ἤνις ἠκέστας ἱερευσέμεν, αἴ κʼ ἐλεήσῃ |
| 276 | Primary ἄστύ τε καὶ Τρώων ἀλόχους καὶ νήπια τέκνα, |
| 277 | Primary αἴ κεν Τυδέος υἱὸν ἀπόσχῃ Ἰλίου ἱρῆς |
| 278 | Primary ἄγριον αἰχμητὴν κρατερὸν μήστωρα φόβοιο. |
| 279 | Primary ἀλλὰ σὺ μὲν πρὸς νηὸν Ἀθηναίης ἀγελείης |
| 280 | Primary ἔρχευ, ἐγὼ δὲ Πάριν μετελεύσομαι ὄφρα καλέσσω |
| 281 | Primary αἴ κʼ ἐθέλῃσʼ εἰπόντος ἀκουέμεν· ὥς κέ οἱ αὖθι |
| 282 | Primary γαῖα χάνοι· μέγα γάρ μιν Ὀλύμπιος ἔτρεφε πῆμα |
| 283 | Primary Τρωσί τε καὶ Πριάμῳ μεγαλήτορι τοῖό τε παισίν. |
| 284 | Primary εἰ κεῖνόν γε ἴδοιμι κατελθόντʼ Ἄϊδος εἴσω |
| 285 | Primary φαίην κε φρένʼ ἀτέρπου ὀϊζύος ἐκλελαθέσθαι. |
| 286 | Primary ὣς ἔφαθʼ, ἣ δὲ μολοῦσα ποτὶ μέγαρʼ ἀμφιπόλοισι |
| 287 | Primary κέκλετο· ταὶ δʼ ἄρʼ ἀόλλισσαν κατὰ ἄστυ γεραιάς. |
| 288 | Primary αὐτὴ δʼ ἐς θάλαμον κατεβήσετο κηώεντα, |
| 289 | Primary ἔνθʼ ἔσάν οἱ πέπλοι παμποίκιλα ἔργα γυναικῶν |
| 290 | Primary Σιδονίων, τὰς αὐτὸς Ἀλέξανδρος θεοειδὴς |
| 291 | Primary ἤγαγε Σιδονίηθεν ἐπιπλὼς εὐρέα πόντον, |
| 292 | Primary τὴν ὁδὸν ἣν Ἑλένην περ ἀνήγαγεν εὐπατέρειαν· |
| 293 | Primary τῶν ἕνʼ ἀειραμένη Ἑκάβη φέρε δῶρον Ἀθήνῃ, |
| 294 | Primary ὃς κάλλιστος ἔην ποικίλμασιν ἠδὲ μέγιστος, |
| 295 | Primary ἀστὴρ δʼ ὣς ἀπέλαμπεν· ἔκειτο δὲ νείατος ἄλλων. |
| 296 | Primary βῆ δʼ ἰέναι, πολλαὶ δὲ μετεσσεύοντο γεραιαί. |
| 297 | Primary αἱ δʼ ὅτε νηὸν ἵκανον Ἀθήνης ἐν πόλει ἄκρῃ, |
| 298 | Primary τῇσι θύρας ὤϊξε Θεανὼ καλλιπάρῃος |
| 299 | Primary Κισσηῒς ἄλοχος Ἀντήνορος ἱπποδάμοιο· |
| 300 | Primary τὴν γὰρ Τρῶες ἔθηκαν Ἀθηναίης ἱέρειαν. |
| 301 | Primary αἳ δʼ ὀλολυγῇ πᾶσαι Ἀθήνῃ χεῖρας ἀνέσχον· |
| 302 | Primary ἣ δʼ ἄρα πέπλον ἑλοῦσα Θεανὼ καλλιπάρῃος |
| 303 | Primary θῆκεν Ἀθηναίης ἐπὶ γούνασιν ἠϋκόμοιο, |
| 304 | Primary εὐχομένη δʼ ἠρᾶτο Διὸς κούρῃ μεγάλοιο· |
| 305 | Primary πότνιʼ Ἀθηναίη ἐρυσίπτολι δῖα θεάων |
| 306 | Primary ἆξον δὴ ἔγχος Διομήδεος, ἠδὲ καὶ αὐτὸν |
| 307 | Primary πρηνέα δὸς πεσέειν Σκαιῶν προπάροιθε πυλάων, |
| 308 | Primary ὄφρά τοι αὐτίκα νῦν δυοκαίδεκα βοῦς ἐνὶ νηῷ |
| 309 | Primary ἤνις ἠκέστας ἱερεύσομεν, αἴ κʼ ἐλεήσῃς |
| 310 | Primary ἄστύ τε καὶ Τρώων ἀλόχους καὶ νήπια τέκνα. |
| 311 | Primary ὣς ἔφατʼ εὐχομένη, ἀνένευε δὲ Παλλὰς Ἀθήνη. |
| 312 | Primary ὣς αἳ μέν ῥʼ εὔχοντο Διὸς κούρῃ μεγάλοιο, |
| 313 | Primary Ἕκτωρ δὲ πρὸς δώματʼ Ἀλεξάνδροιο βεβήκει |
| 314 | Primary καλά, τά ῥʼ αὐτὸς ἔτευξε σὺν ἀνδράσιν οἳ τότʼ ἄριστοι |
| 315 | Primary ἦσαν ἐνὶ Τροίῃ ἐριβώλακι τέκτονες ἄνδρες, |
| 316 | Primary οἵ οἱ ἐποίησαν θάλαμον καὶ δῶμα καὶ αὐλὴν |
| 317 | Primary ἐγγύθι τε Πριάμοιο καὶ Ἕκτορος ἐν πόλει ἄκρῃ. |
| 318 | Primary ἔνθʼ Ἕκτωρ εἰσῆλθε Διῒ φίλος, ἐν δʼ ἄρα χειρὶ |
| 319 | Primary ἔγχος ἔχʼ ἑνδεκάπηχυ· πάροιθε δὲ λάμπετο δουρὸς |
| 320 | Primary αἰχμὴ χαλκείη, περὶ δὲ χρύσεος θέε πόρκης. |
| 321 | Primary τὸν δʼ εὗρʼ ἐν θαλάμῳ περικαλλέα τεύχεʼ ἕποντα |
| 322 | Primary ἀσπίδα καὶ θώρηκα, καὶ ἀγκύλα τόξʼ ἁφόωντα· |
| 323 | Primary Ἀργείη δʼ Ἑλένη μετʼ ἄρα δμῳῇσι γυναιξὶν |
| 324 | Primary ἧστο καὶ ἀμφιπόλοισι περικλυτὰ ἔργα κέλευε. |
| 325 | Primary τὸν δʼ Ἕκτωρ νείκεσσεν ἰδὼν αἰσχροῖς ἐπέεσσι· |
| 326 | Primary δαιμόνιʼ οὐ μὲν καλὰ χόλον τόνδʼ ἔνθεο θυμῷ, |
| 327 | Primary λαοὶ μὲν φθινύθουσι περὶ πτόλιν αἰπύ τε τεῖχος |
| 328 | Primary μαρνάμενοι· σέο δʼ εἵνεκʼ ἀϋτή τε πτόλεμός τε |
| 329 | Primary ἄστυ τόδʼ ἀμφιδέδηε· σὺ δʼ ἂν μαχέσαιο καὶ ἄλλῳ, |
| 330 | Primary ὅν τινά που μεθιέντα ἴδοις στυγεροῦ πολέμοιο. |
| 331 | Primary ἀλλʼ ἄνα μὴ τάχα ἄστυ πυρὸς δηΐοιο θέρηται. |
| 332 | Primary τὸν δʼ αὖτε προσέειπεν Ἀλέξανδρος θεοειδής· |
| 333 | Primary Ἕκτορ ἐπεί με κατʼ αἶσαν ἐνείκεσας οὐδʼ ὑπὲρ αἶσαν, |
| 334 | Primary τοὔνεκά τοι ἐρέω· σὺ δὲ σύνθεο καί μευ ἄκουσον· |
| 335 | Primary οὔ τοι ἐγὼ Τρώων τόσσον χόλῳ οὐδὲ νεμέσσι |
| 336 | Primary ἥμην ἐν θαλάμῳ, ἔθελον δʼ ἄχεϊ προτραπέσθαι. |
| 337 | Primary νῦν δέ με παρειποῦσʼ ἄλοχος μαλακοῖς ἐπέεσσιν |
| 338 | Primary ὅρμησʼ ἐς πόλεμον· δοκέει δέ μοι ὧδε καὶ αὐτῷ |
| 339 | Primary λώϊον ἔσσεσθαι· νίκη δʼ ἐπαμείβεται ἄνδρας. |
| 340 | Primary ἀλλʼ ἄγε νῦν ἐπίμεινον, Ἀρήϊα τεύχεα δύω· |
| 341 | Primary ἢ ἴθʼ, ἐγὼ δὲ μέτειμι· κιχήσεσθαι δέ σʼ ὀΐω. |
| 342 | Primary ὣς φάτο, τὸν δʼ οὔ τι προσέφη κορυθαίολος Ἕκτωρ· |
| 343 | Primary τὸν δʼ Ἑλένη μύθοισι προσηύδα μειλιχίοισι· |
| 344 | Primary δᾶερ ἐμεῖο κυνὸς κακομηχάνου ὀκρυοέσσης, |
| 345 | Primary ὥς μʼ ὄφελʼ ἤματι τῷ ὅτε με πρῶτον τέκε μήτηρ |
| 346 | Primary οἴχεσθαι προφέρουσα κακὴ ἀνέμοιο θύελλα |
| 347 | Primary εἰς ὄρος ἢ εἰς κῦμα πολυφλοίσβοιο θαλάσσης, |
| 348 | Primary ἔνθά με κῦμʼ ἀπόερσε πάρος τάδε ἔργα γενέσθαι. |
| 349 | Primary αὐτὰρ ἐπεὶ τάδε γʼ ὧδε θεοὶ κακὰ τεκμήραντο, |
| 350 | Primary ἀνδρὸς ἔπειτʼ ὤφελλον ἀμείνονος εἶναι ἄκοιτις, |
| 351 | Primary ὃς ᾔδη νέμεσίν τε καὶ αἴσχεα πόλλʼ ἀνθρώπων. |
| 352 | Primary τούτῳ δʼ οὔτʼ ἂρ νῦν φρένες ἔμπεδοι οὔτʼ ἄρʼ ὀπίσσω |
| 353 | Primary ἔσσονται· τὼ καί μιν ἐπαυρήσεσθαι ὀΐω. |
| 354 | Primary ἀλλʼ ἄγε νῦν εἴσελθε καὶ ἕζεο τῷδʼ ἐπὶ δίφρῳ |
| 355 | Primary δᾶερ, ἐπεί σε μάλιστα πόνος φρένας ἀμφιβέβηκεν |
| 356 | Primary εἵνεκʼ ἐμεῖο κυνὸς καὶ Ἀλεξάνδρου ἕνεκʼ ἄτης, |
| 357 | Primary οἷσιν ἐπὶ Ζεὺς θῆκε κακὸν μόρον, ὡς καὶ ὀπίσσω |
| 358 | Primary ἀνθρώποισι πελώμεθʼ ἀοίδιμοι ἐσσομένοισι. |
| 359 | Primary τὴν δʼ ἠμείβετʼ ἔπειτα μέγας κορυθαίολος Ἕκτωρ |
| 360 | Primary μή με κάθιζʼ Ἑλένη φιλέουσά περ· οὐδέ με πείσεις· |
| 361 | Primary ἤδη γάρ μοι θυμὸς ἐπέσσυται ὄφρʼ ἐπαμύνω |
| 362 | Primary Τρώεσσʼ, οἳ μέγʼ ἐμεῖο ποθὴν ἀπεόντος ἔχουσιν. |
| 363 | Primary ἀλλὰ σύ γʼ ὄρνυθι τοῦτον, ἐπειγέσθω δὲ καὶ αὐτός, |
| 364 | Primary ὥς κεν ἔμʼ ἔντοσθεν πόλιος καταμάρψῃ ἐόντα. |
| 365 | Primary καὶ γὰρ ἐγὼν οἶκον δὲ ἐλεύσομαι ὄφρα ἴδωμαι |
| 366 | Primary οἰκῆας ἄλοχόν τε φίλην καὶ νήπιον υἱόν. |
| 367 | Primary οὐ γὰρ οἶδʼ εἰ ἔτι σφιν ὑπότροπος ἵξομαι αὖτις, |
| 368 | Primary ἦ ἤδη μʼ ὑπὸ χερσὶ θεοὶ δαμόωσιν Ἀχαιῶν. |
| 369 | Primary ὣς ἄρα φωνήσας ἀπέβη κορυθαίολος Ἕκτωρ· |
| 370 | Primary αἶψα δʼ ἔπειθʼ ἵκανε δόμους εὖ ναιετάοντας, |
| 371 | Primary οὐδʼ εὗρʼ Ἀνδρομάχην λευκώλενον ἐν μεγάροισιν, |
| 372 | Primary ἀλλʼ ἥ γε ξὺν παιδὶ καὶ ἀμφιπόλῳ ἐϋπέπλῳ |
| 373 | Primary πύργῳ ἐφεστήκει γοόωσά τε μυρομένη τε. |
| 374 | Primary Ἕκτωρ δʼ ὡς οὐκ ἔνδον ἀμύμονα τέτμεν ἄκοιτιν |
| 375 | Primary ἔστη ἐπʼ οὐδὸν ἰών, μετὰ δὲ δμῳῇσιν ἔειπεν· |
| 376 | Primary εἰ δʼ ἄγε μοι δμῳαὶ νημερτέα μυθήσασθε· |
| 377 | Primary πῇ ἔβη Ἀνδρομάχη λευκώλενος ἐκ μεγάροιο; |
| 378 | Primary ἠέ πῃ ἐς γαλόων ἢ εἰνατέρων ἐϋπέπλων |
| 379 | Primary ἢ ἐς Ἀθηναίης ἐξοίχεται, ἔνθά περ ἄλλαι |
| 380 | Primary Τρῳαὶ ἐϋπλόκαμοι δεινὴν θεὸν ἱλάσκονται; |
| 381 | Primary τὸν δʼ αὖτʼ ὀτρηρὴ ταμίη πρὸς μῦθον ἔειπεν· |
| 382 | Primary Ἕκτορ ἐπεὶ μάλʼ ἄνωγας ἀληθέα μυθήσασθαι, |
| 383 | Primary οὔτέ πῃ ἐς γαλόων οὔτʼ εἰνατέρων ἐϋπέπλων |
| 384 | Primary οὔτʼ ἐς Ἀθηναίης ἐξοίχεται, ἔνθά περ ἄλλαι |
| 385 | Primary Τρῳαὶ ἐϋπλόκαμοι δεινὴν θεὸν ἱλάσκονται, |
| 386 | Primary ἀλλʼ ἐπὶ πύργον ἔβη μέγαν Ἰλίου, οὕνεκʼ ἄκουσε |
| 387 | Primary τείρεσθαι Τρῶας, μέγα δὲ κράτος εἶναι Ἀχαιῶν. |
| 388 | Primary ἣ μὲν δὴ πρὸς τεῖχος ἐπειγομένη ἀφικάνει |
| 389 | Primary μαινομένῃ ἐϊκυῖα· φέρει δʼ ἅμα παῖδα τιθήνη. |
| 390 | Primary ἦ ῥα γυνὴ ταμίη, ὃ δʼ ἀπέσσυτο δώματος Ἕκτωρ |
| 391 | Primary τὴν αὐτὴν ὁδὸν αὖτις ἐϋκτιμένας κατʼ ἀγυιάς. |
| 392 | Primary εὖτε πύλας ἵκανε διερχόμενος μέγα ἄστυ |
| 393 | Primary Σκαιάς, τῇ ἄρʼ ἔμελλε διεξίμεναι πεδίον δέ, |
| 394 | Primary ἔνθʼ ἄλοχος πολύδωρος ἐναντίη ἦλθε θέουσα |
| 395 | Primary Ἀνδρομάχη θυγάτηρ μεγαλήτορος Ἠετίωνος |
| 396 | Primary Ἠετίων ὃς ἔναιεν ὑπὸ Πλάκῳ ὑληέσσῃ |
| 397 | Primary Θήβῃ Ὑποπλακίῃ Κιλίκεσσʼ ἄνδρεσσιν ἀνάσσων· |
| 398 | Primary τοῦ περ δὴ θυγάτηρ ἔχεθʼ Ἕκτορι χαλκοκορυστῇ. |
| 399 | Primary ἥ οἱ ἔπειτʼ ἤντησʼ, ἅμα δʼ ἀμφίπολος κίεν αὐτῇ |
| 400 | Primary παῖδʼ ἐπὶ κόλπῳ ἔχουσʼ ἀταλάφρονα νήπιον αὔτως |
| 401 | Primary Ἑκτορίδην ἀγαπητὸν ἀλίγκιον ἀστέρι καλῷ, |
| 402 | Primary τόν ῥʼ Ἕκτωρ καλέεσκε Σκαμάνδριον, αὐτὰρ οἱ ἄλλοι |
| 403 | Primary Ἀστυάνακτʼ· οἶος γὰρ ἐρύετο Ἴλιον Ἕκτωρ. |
| 404 | Primary ἤτοι ὃ μὲν μείδησεν ἰδὼν ἐς παῖδα σιωπῇ· |
| 405 | Primary Ἀνδρομάχη δέ οἱ ἄγχι παρίστατο δάκρυ χέουσα, |
| 406 | Primary ἔν τʼ ἄρα οἱ φῦ χειρὶ ἔπος τʼ ἔφατʼ ἔκ τʼ ὀνόμαζε· |
| 407 | Primary δαιμόνιε φθίσει σε τὸ σὸν μένος, οὐδʼ ἐλεαίρεις |
| 408 | Primary παῖδά τε νηπίαχον καὶ ἔμʼ ἄμμορον, ἣ τάχα χήρη |
| 409 | Primary σεῦ ἔσομαι· τάχα γάρ σε κατακτανέουσιν Ἀχαιοὶ |
| 410 | Primary πάντες ἐφορμηθέντες· ἐμοὶ δέ κε κέρδιον εἴη |
| 411 | Primary σεῦ ἀφαμαρτούσῃ χθόνα δύμεναι· οὐ γὰρ ἔτʼ ἄλλη |
| 412 | Primary ἔσται θαλπωρὴ ἐπεὶ ἂν σύ γε πότμον ἐπίσπῃς |
| 413 | Primary ἀλλʼ ἄχεʼ· οὐδέ μοι ἔστι πατὴρ καὶ πότνια μήτηρ. |
| 414 | Primary ἤτοι γὰρ πατέρʼ ἁμὸν ἀπέκτανε δῖος Ἀχιλλεύς, |
| 415 | Primary ἐκ δὲ πόλιν πέρσεν Κιλίκων εὖ ναιετάουσαν |
| 416 | Primary Θήβην ὑψίπυλον· κατὰ δʼ ἔκτανεν Ἠετίωνα, |
| 417 | Primary οὐδέ μιν ἐξενάριξε, σεβάσσατο γὰρ τό γε θυμῷ, |
| 418 | Primary ἀλλʼ ἄρα μιν κατέκηε σὺν ἔντεσι δαιδαλέοισιν |
| 419 | Primary ἠδʼ ἐπὶ σῆμʼ ἔχεεν· περὶ δὲ πτελέας ἐφύτευσαν |
| 420 | Primary νύμφαι ὀρεστιάδες κοῦραι Διὸς αἰγιόχοιο. |
| 421 | Primary οἳ δέ μοι ἑπτὰ κασίγνητοι ἔσαν ἐν μεγάροισιν |
| 422 | Primary οἳ μὲν πάντες ἰῷ κίον ἤματι Ἄϊδος εἴσω· |
| 423 | Primary πάντας γὰρ κατέπεφνε ποδάρκης δῖος Ἀχιλλεὺς |
| 424 | Primary βουσὶν ἐπʼ εἰλιπόδεσσι καὶ ἀργεννῇς ὀΐεσσι. |
| 425 | Primary μητέρα δʼ, ἣ βασίλευεν ὑπὸ Πλάκῳ ὑληέσσῃ, |
| 426 | Primary τὴν ἐπεὶ ἂρ δεῦρʼ ἤγαγʼ ἅμʼ ἄλλοισι κτεάτεσσιν, |
| 427 | Primary ἂψ ὅ γε τὴν ἀπέλυσε λαβὼν ἀπερείσιʼ ἄποινα, |
| 428 | Primary πατρὸς δʼ ἐν μεγάροισι βάλʼ Ἄρτεμις ἰοχέαιρα. |
| 429 | Primary Ἕκτορ ἀτὰρ σύ μοί ἐσσι πατὴρ καὶ πότνια μήτηρ |
| 430 | Primary ἠδὲ κασίγνητος, σὺ δέ μοι θαλερὸς παρακοίτης· |
| 431 | Primary ἀλλʼ ἄγε νῦν ἐλέαιρε καὶ αὐτοῦ μίμνʼ ἐπὶ πύργῳ, |
| 432 | Primary μὴ παῖδʼ ὀρφανικὸν θήῃς χήρην τε γυναῖκα· |
| 433 | Primary λαὸν δὲ στῆσον παρʼ ἐρινεόν, ἔνθα μάλιστα |
| 434 | Primary ἀμβατός ἐστι πόλις καὶ ἐπίδρομον ἔπλετο τεῖχος. |
| 435 | Primary τρὶς γὰρ τῇ γʼ ἐλθόντες ἐπειρήσανθʼ οἱ ἄριστοι |
| 436 | Primary ἀμφʼ Αἴαντε δύω καὶ ἀγακλυτὸν Ἰδομενῆα |
| 437 | Primary ἠδʼ ἀμφʼ Ἀτρεΐδας καὶ Τυδέος ἄλκιμον υἱόν· |
| 438 | Primary ἤ πού τίς σφιν ἔνισπε θεοπροπίων ἐῢ εἰδώς, |
| 439 | Primary ἤ νυ καὶ αὐτῶν θυμὸς ἐποτρύνει καὶ ἀνώγει. |
| 440 | Primary τὴν δʼ αὖτε προσέειπε μέγας κορυθαίολος Ἕκτωρ· |
| 441 | Primary ἦ καὶ ἐμοὶ τάδε πάντα μέλει γύναι· ἀλλὰ μάλʼ αἰνῶς |
| 442 | Primary αἰδέομαι Τρῶας καὶ Τρῳάδας ἑλκεσιπέπλους, |
| 443 | Primary αἴ κε κακὸς ὣς νόσφιν ἀλυσκάζω πολέμοιο· |
| 444 | Primary οὐδέ με θυμὸς ἄνωγεν, ἐπεὶ μάθον ἔμμεναι ἐσθλὸς |
| 445 | Primary αἰεὶ καὶ πρώτοισι μετὰ Τρώεσσι μάχεσθαι |
| 446 | Primary ἀρνύμενος πατρός τε μέγα κλέος ἠδʼ ἐμὸν αὐτοῦ. |
| 447 | Primary εὖ γὰρ ἐγὼ τόδε οἶδα κατὰ φρένα καὶ κατὰ θυμόν· |
| 448 | Primary ἔσσεται ἦμαρ ὅτʼ ἄν ποτʼ ὀλώλῃ Ἴλιος ἱρὴ |
| 449 | Primary καὶ Πρίαμος καὶ λαὸς ἐϋμμελίω Πριάμοιο. |
| 450 | Primary ἀλλʼ οὔ μοι Τρώων τόσσον μέλει ἄλγος ὀπίσσω, |
| 451 | Primary οὔτʼ αὐτῆς Ἑκάβης οὔτε Πριάμοιο ἄνακτος |
| 452 | Primary οὔτε κασιγνήτων, οἵ κεν πολέες τε καὶ ἐσθλοὶ |
| 453 | Primary ἐν κονίῃσι πέσοιεν ὑπʼ ἀνδράσι δυσμενέεσσιν, |
| 454 | Primary ὅσσον σεῦ, ὅτε κέν τις Ἀχαιῶν χαλκοχιτώνων |
| 455 | Primary δακρυόεσσαν ἄγηται ἐλεύθερον ἦμαρ ἀπούρας· |
| 456 | Primary καί κεν ἐν Ἄργει ἐοῦσα πρὸς ἄλλης ἱστὸν ὑφαίνοις, |
| 457 | Primary καί κεν ὕδωρ φορέοις Μεσσηΐδος ἢ Ὑπερείης |
| 458 | Primary πόλλʼ ἀεκαζομένη, κρατερὴ δʼ ἐπικείσετʼ ἀνάγκη· |
| 459 | Primary καί ποτέ τις εἴπῃσιν ἰδὼν κατὰ δάκρυ χέουσαν· |
| 460 | Primary Ἕκτορος ἥδε γυνὴ ὃς ἀριστεύεσκε μάχεσθαι |
| 461 | Primary Τρώων ἱπποδάμων ὅτε Ἴλιον ἀμφεμάχοντο. |
| 462 | Primary ὥς ποτέ τις ἐρέει· σοὶ δʼ αὖ νέον ἔσσεται ἄλγος |
| 463 | Primary χήτεϊ τοιοῦδʼ ἀνδρὸς ἀμύνειν δούλιον ἦμαρ. |
| 464 | Primary ἀλλά με τεθνηῶτα χυτὴ κατὰ γαῖα καλύπτοι |
| 465 | Primary πρίν γέ τι σῆς τε βοῆς σοῦ θʼ ἑλκηθμοῖο πυθέσθαι. |
| 466 | Primary ὣς εἰπὼν οὗ παιδὸς ὀρέξατο φαίδιμος Ἕκτωρ· |
| 467 | Primary ἂψ δʼ ὃ πάϊς πρὸς κόλπον ἐϋζώνοιο τιθήνης |
| 468 | Primary ἐκλίνθη ἰάχων πατρὸς φίλου ὄψιν ἀτυχθεὶς |
| 469 | Primary ταρβήσας χαλκόν τε ἰδὲ λόφον ἱππιοχαίτην, |
| 470 | Primary δεινὸν ἀπʼ ἀκροτάτης κόρυθος νεύοντα νοήσας. |
| 471 | Primary ἐκ δʼ ἐγέλασσε πατήρ τε φίλος καὶ πότνια μήτηρ· |
| 472 | Primary αὐτίκʼ ἀπὸ κρατὸς κόρυθʼ εἵλετο φαίδιμος Ἕκτωρ, |
| 473 | Primary καὶ τὴν μὲν κατέθηκεν ἐπὶ χθονὶ παμφανόωσαν· |
| 474 | Primary αὐτὰρ ὅ γʼ ὃν φίλον υἱὸν ἐπεὶ κύσε πῆλέ τε χερσὶν |
| 475 | Primary εἶπε δʼ ἐπευξάμενος Διί τʼ ἄλλοισίν τε θεοῖσι· |
| 476 | Primary Ζεῦ ἄλλοι τε θεοὶ δότε δὴ καὶ τόνδε γενέσθαι |
| 477 | Primary παῖδʼ ἐμὸν ὡς καὶ ἐγώ περ ἀριπρεπέα Τρώεσσιν, |
| 478 | Primary ὧδε βίην τʼ ἀγαθόν, καὶ Ἰλίου ἶφι ἀνάσσειν· |
| 479 | Primary καί ποτέ τις εἴποι πατρός γʼ ὅδε πολλὸν ἀμείνων |
| 480 | Primary ἐκ πολέμου ἀνιόντα· φέροι δʼ ἔναρα βροτόεντα |
| 481 | Primary κτείνας δήϊον ἄνδρα, χαρείη δὲ φρένα μήτηρ. |
| 482 | Primary ὣς εἰπὼν ἀλόχοιο φίλης ἐν χερσὶν ἔθηκε |
| 483 | Primary παῖδʼ ἑόν· ἣ δʼ ἄρα μιν κηώδεϊ δέξατο κόλπῳ |
| 484 | Primary δακρυόεν γελάσασα· πόσις δʼ ἐλέησε νοήσας, |
| 485 | Primary χειρί τέ μιν κατέρεξεν ἔπος τʼ ἔφατʼ ἔκ τʼ ὀνόμαζε· |
| 486 | Primary δαιμονίη μή μοί τι λίην ἀκαχίζεο θυμῷ· |
| 487 | Primary οὐ γάρ τίς μʼ ὑπὲρ αἶσαν ἀνὴρ Ἄϊδι προϊάψει· |
| 488 | Primary μοῖραν δʼ οὔ τινά φημι πεφυγμένον ἔμμεναι ἀνδρῶν, |
| 489 | Primary οὐ κακὸν οὐδὲ μὲν ἐσθλόν, ἐπὴν τὰ πρῶτα γένηται. |
| 490 | Primary ἀλλʼ εἰς οἶκον ἰοῦσα τὰ σʼ αὐτῆς ἔργα κόμιζε |
| 491 | Primary ἱστόν τʼ ἠλακάτην τε, καὶ ἀμφιπόλοισι κέλευε |
| 492 | Primary ἔργον ἐποίχεσθαι· πόλεμος δʼ ἄνδρεσσι μελήσει |
| 493 | Primary πᾶσι, μάλιστα δʼ ἐμοί, τοὶ Ἰλίῳ ἐγγεγάασιν. |
| 494 | Primary ὣς ἄρα φωνήσας κόρυθʼ εἵλετο φαίδιμος Ἕκτωρ |
| 495 | Primary ἵππουριν· ἄλοχος δὲ φίλη οἶκον δὲ βεβήκει |
| 496 | Primary ἐντροπαλιζομένη, θαλερὸν κατὰ δάκρυ χέουσα. |
| 497 | Primary αἶψα δʼ ἔπειθʼ ἵκανε δόμους εὖ ναιετάοντας |
| 498 | Primary Ἕκτορος ἀνδροφόνοιο, κιχήσατο δʼ ἔνδοθι πολλὰς |
| 499 | Primary ἀμφιπόλους, τῇσιν δὲ γόον πάσῃσιν ἐνῶρσεν. |
| 500 | Primary αἳ μὲν ἔτι ζωὸν γόον Ἕκτορα ᾧ ἐνὶ οἴκῳ· |
| 501 | Primary οὐ γάρ μιν ἔτʼ ἔφαντο ὑπότροπον ἐκ πολέμοιο |
| 502 | Primary ἵξεσθαι προφυγόντα μένος καὶ χεῖρας Ἀχαιῶν. |
| 503 | Primary οὐδὲ Πάρις δήθυνεν ἐν ὑψηλοῖσι δόμοισιν, |
| 504 | Primary ἀλλʼ ὅ γʼ, ἐπεὶ κατέδυ κλυτὰ τεύχεα ποικίλα χαλκῷ, |
| 505 | Primary σεύατʼ ἔπειτʼ ἀνὰ ἄστυ ποσὶ κραιπνοῖσι πεποιθώς. |
| 506 | Primary ὡς δʼ ὅτε τις στατὸς ἵππος ἀκοστήσας ἐπὶ φάτνῃ |
| 507 | Primary δεσμὸν ἀπορρήξας θείῃ πεδίοιο κροαίνων |
| 508 | Primary εἰωθὼς λούεσθαι ἐϋρρεῖος ποταμοῖο |
| 509 | Primary κυδιόων· ὑψοῦ δὲ κάρη ἔχει, ἀμφὶ δὲ χαῖται |
| 510 | Primary ὤμοις ἀΐσσονται· ὃ δʼ ἀγλαΐηφι πεποιθὼς |
| 511 | Primary ῥίμφά ἑ γοῦνα φέρει μετά τʼ ἤθεα καὶ νομὸν ἵππων· |
| 512 | Primary ὣς υἱὸς Πριάμοιο Πάρις κατὰ Περγάμου ἄκρης |
| 513 | Primary τεύχεσι παμφαίνων ὥς τʼ ἠλέκτωρ ἐβεβήκει |
| 514 | Primary καγχαλόων, ταχέες δὲ πόδες φέρον· αἶψα δʼ ἔπειτα |
| 515 | Primary Ἕκτορα δῖον ἔτετμεν ἀδελφεὸν εὖτʼ ἄρʼ ἔμελλε |
| 516 | Primary στρέψεσθʼ ἐκ χώρης ὅθι ᾗ ὀάριζε γυναικί. |
| 517 | Primary τὸν πρότερος προσέειπεν Ἀλέξανδρος θεοειδής· |
| 518 | Primary ἠθεῖʼ ἦ μάλα δή σε καὶ ἐσσύμενον κατερύκω |
| 519 | Primary δηθύνων, οὐδʼ ἦλθον ἐναίσιμον ὡς ἐκέλευες; |
| 520 | Primary τὸν δʼ ἀπαμειβόμενος προσέφη κορυθαίολος Ἕκτωρ· |
| 521 | Primary δαιμόνιʼ οὐκ ἄν τίς τοι ἀνὴρ ὃς ἐναίσιμος εἴη |
| 522 | Primary ἔργον ἀτιμήσειε μάχης, ἐπεὶ ἄλκιμός ἐσσι· |
| 523 | Primary ἀλλὰ ἑκὼν μεθιεῖς τε καὶ οὐκ ἐθέλεις· τὸ δʼ ἐμὸν κῆρ |
| 524 | Primary ἄχνυται ἐν θυμῷ, ὅθʼ ὑπὲρ σέθεν αἴσχεʼ ἀκούω |
| 525 | Primary πρὸς Τρώων, οἳ ἔχουσι πολὺν πόνον εἵνεκα σεῖο. |
| 526 | Primary ἀλλʼ ἴομεν· τὰ δʼ ὄπισθεν ἀρεσσόμεθʼ, αἴ κέ ποθι Ζεὺς |
| 527 | Primary δώῃ ἐπουρανίοισι θεοῖς αἰειγενέτῃσι |
| 528 | Primary κρητῆρα στήσασθαι ἐλεύθερον ἐν μεγάροισιν |
| 529 | Primary ἐκ Τροίης ἐλάσαντας ἐϋκνήμιδας Ἀχαιούς. |