Reader
Reader | Metamorphoses, Book 9
Metamorphoses
Ovid
Text
Position
Line 1 of 797
Waypoints
| Line Ref | Hugo Magnus | Latin |
|---|---|
| 1 | Primary Quae gemitus truncaeque deo Neptunius heros |
| 2 | Primary causa rogat frontis, cum sic Calydonius amnis |
| 3 | Primary coepit inornatos redimitus harundine crines: |
| 4 | Primary “Triste petis munus. Quis enim sua proelia victus |
| 5 | Primary commemorare velit? Referam tamen ordine. Nec tam |
| 6 | Primary turpe fuit vinci, quam contendisse decorum est, |
| 7 | Primary magnaque dat nobis tantus solacia victor. |
| 8 | Primary Nomine siqua suo fando pervenit ad aures |
| 9 | Primary Deianira tuas—quondam pulcherrima virgo |
| 10 | Primary multorumque fuit spes invidiosa procorum. |
| 11 | Primary Cum quibus ut soceri domus est intrata petiti, |
| 12 | Primary “accipe me generum,” dixi “Parthaone nate:” |
| 13 | Primary dixit et Alcides. Alii cessere duobus. |
| 14 | Primary Ille Iovem socerum dare se famamque laborum |
| 15 | Primary et superata suae referebat iussa novercae. |
| 16 | Primary Contra ego “turpe deum mortali cedere” dixi |
| 17 | Primary (nondum erat ille deus), “regem me cernis aquarum |
| 18 | Primary cursibus obliquis inter tua regna fluentum. |
| 19 | Primary Nec gener externis hospes tibi missus ab oris, |
| 20 | Primary sed popularis ero et rerum pars una tuarum. |
| 21 | Primary Tantum ne noceat, quod me nec regia Iuno |
| 22 | Primary odit et omnis abest iussorum poena laborum. |
| 23 | Primary Nam, quo te iactas, Alcmena nate, creatum, |
| 24 | Primary Iuppiter aut falsus pater est, aut crimine verus. |
| 25 | Primary Matris adulterio patrem petis. Elige, fictum |
| 26 | Primary esse Iovem malis, an te per dedecus ortum.” |
| 27 | Primary Talia dicentem iamdudum lumine torvo |
| 28 | Primary spectat et accensae non fortiter imperat irae |
| 29 | Primary verbaque tot reddit: “Melior mihi dextera lingua. |
| 30 | Primary Dummodo pugnando superem, tu vince loquendo,” |
| 31 | Primary congrediturque ferox. Puduit modo magna locutum |
| 32 | Primary cedere: reieci viridem de corpore vestem |
| 33 | Primary bracchiaque opposui tenuique a pectore varas |
| 34 | Primary in statione manus et pugnae membra paravi. |
| 35 | Primary Ille cavis hausto spargit me pulvere palmis |
| 36 | Primary inque vicem fulvae tactu flavescit harenae. |
| 37 | Primary Et modo cervicem, modo crura micantia captat, |
| 38 | Primary aut captare putes, omnique a parte lacessit. |
| 39 | Primary Me mea defendit gravitas frustraque petebar, |
| 40 | Primary haud secus ac moles, quam magno murmure fluctus |
| 41 | Primary oppugnant: manet illa suoque est pondere tuta. |
| 42 | Primary Digredimur paulum rursusque ad bella coimus, |
| 43 | Primary inque gradu stetimus, certi non cedere; eratque |
| 44 | Primary cum pede pes iunctus, totoque ego pectore pronus |
| 45 | Primary et digitos digitis et frontem fronte premebam. |
| 46 | Primary Non aliter vidi fortes concurrere tauros, |
| 47 | Primary cum pretium pugnae toto nitidissima saltu |
| 48 | Primary expetitur coniunx: spectant armenta paventque |
| 49 | Primary nescia, quem maneat tanti victoria regni. |
| 50 | Primary Ter sine profectu voluit nitentia contra |
| 51 | Primary reicere Alcides a se mea pectora; quarto |
| 52 | Primary excutit amplexus adductaque bracchia solvit, |
| 53 | Primary inpulsumque manu (certum est mihi vera fateri) |
| 54 | Primary protinus avertit tergoque onerosus inhaesit. |
| 55 | Primary Siqua fides neque ficta mihi nunc gloria voce |
| 56 | Primary quaeritur, inposito pressus mihi monte videbar. |
| 57 | Primary Vix tamen inserui sudore fluentia multo |
| 58 | Primary bracchia, vix solvi duros a corpore nexus: |
| 59 | Primary instat anhelanti prohibetque resumere vires, |
| 60 | Primary et cervice mea potitur. Tum denique tellus |
| 61 | Primary pressa genu nostro est, et harenas ore momordi. |
| 62 | Primary Inferior virtute meas divertor ad artes, |
| 63 | Primary elaborque viro longum formatus in anguem. |
| 64 | Primary Qui postquam flexos sinuavi corpus in orbes |
| 65 | Primary cumque fero movi linguam stridore bisulcam, |
| 66 | Primary risit et inludens nostras Tirynthius artes |
| 67 | Primary “cunarum labor est angues superare mearum,” |
| 68 | Primary dixit “et ut vincas alios, Acheloe, dracones, |
| 69 | Primary pars quota Lernaeae serpens eris unus echidnae? |
| 70 | Primary Vulneribus fecunda suis erat illa, nec ullum |
| 71 | Primary de centum numero caput est inpune recisum, |
| 72 | Primary quin gemino cervix herede valentior esset. |
| 73 | Primary Hanc ego ramosam natis e caede colubris |
| 74 | Primary crescentemque malo domui domitamque reclusi. |
| 75 | Primary Quid fore te credas, falsum qui versus in anguem |
| 76 | Primary arma aliena moves, quem forma precaria celat?” |
| 77 | Primary Dixerat, et summo digitorum vincula collo |
| 78 | Primary inicit: angebar ceu guttura forcipe pressus, |
| 79 | Primary pollicibusque meas pugnabam evellere fauces. |
| 80 | Primary Sic quoque devicto restabat tertia tauri |
| 81 | Primary forma trucis: tauro mutatus membra rebello. |
| 82 | Primary Induit ille toris a laeva parte lacertos, |
| 83 | Primary admissumque trahens sequitur depressaque dura |
| 84 | Primary cornua figit humo meque alta sternit harena. |
| 85 | Primary Nec satis hoc fuerat: rigidum fera dextera cornu |
| 86 | Primary dum tenet, infregit truncaque a fronte revellit. |
| 87 | Primary Naides hoc, pomis et odoro flore repletum, |
| 88 | Primary sacrarunt, divesque meo Bona Copia cornu est.” |
| 89 | Primary Dixerat, et nymphe ritu succincta Dianae, |
| 90 | Primary una ministrarum, fusis utrimque capillis, |
| 91 | Primary incessit totumque tulit praedivite cornu |
| 92 | Primary autumnum et mensas, felicia poma, secundas. |
| 93 | Primary Lux subit, et primo feriente cacumina sole |
| 94 | Primary discedunt iuvenes: neque enim dum flumina pacem |
| 95 | Primary et placidos habeant lapsus totaeque residant, |
| 96 | Primary opperiuntur, aquae. Vultus Achelous agrestes |
| 97 | Primary et lacerum cornu mediis caput abdidit undis. |
| 98 | Primary Hunc tamen ablati domuit iactura decoris, |
| 99 | Primary cetera sospes habet; capitis quoque fronde saligna |
| 100 | Primary aut super inposita celatur harundine damnum. |
| 101 | Primary At te, Nesse ferox, eiusdem virginis ardor |
| 102 | Primary perdiderat volucri traiectum terga sagitta. |
| 103 | Primary Namque nova repetens patrios cum coniuge muros |
| 104 | Primary venerat Eueni rapidas Iove natus ad undas. |
| 105 | Primary Uberior solito, nimbis hiemalibus auctus |
| 106 | Primary verticibusque frequens erat atque inpervius amnis. |
| 107 | Primary Intrepidum pro se, curam de coniuge agentem |
| 108 | Primary Nessus adit, membrisque valens scitusque vadorum, |
| 109 | Primary “officio” que “meo ripa sistetur in illa |
| 110 | Primary haec,” ait “Alcide. Tu viribus utere nando!” |
| 111 | Primary pallentemque metu fluviumque ipsumque timentem |
| 112 | Primary tradidit Aonius pavidam Calydonida Nesso. |
| 113 | Primary Mox, ut erat, pharetraque gravis spolioque leonis |
| 114 | Primary (nam clavam et curvos trans ripam miserat arcus), |
| 115 | Primary “quandoquidem coepi, superentur flumina!” dixit, |
| 116 | Primary nec dubitat nec, qua sit clementissimus amnis, |
| 117 | Primary quaerit et obsequio deferri spernit aquarum. |
| 118 | Primary Iamque tenens ripam, missos cum tolleret arcus, |
| 119 | Primary coniugis agnovit vocem: Nessoque paranti |
| 120 | Primary fallere depositum “quo te fiducia” clamat |
| 121 | Primary “vana pedum, violente, rapit? Tibi, Nesse biformis, |
| 122 | Primary dicimus. Exaudi nec res intercipe nostras! |
| 123 | Primary Si te nulla mei reverentia movit, at orbes |
| 124 | Primary concubitus vetitos poterant inhibere paterni. |
| 125 | Primary Haud tamen effugies, quamvis ope fidis equina: |
| 126 | Primary vulnere, non pedibus te consequar.” Ultima dicta |
| 127 | Primary res probat, et missa fugientia terga sagitta |
| 128 | Primary traicit: exstabat ferrum de pectore aduncum. |
| 129 | Primary Quod simul evulsum est, sanguis per utrumque foramen |
| 130 | Primary emicuit mixtus Lernaei tabe veneni. |
| 131 | Primary Excipit hunc Nessus “neque enim moriemur inulti” |
| 132 | Primary secum ait et calido velamina tincta cruore |
| 133 | Primary dat munus raptae velut inritamen amoris. |
| 134 | Primary Longa fuit medii mora temporis, actaque magni |
| 135 | Primary Herculis inplerant terras odiumque novercae. |
| 136 | Primary Victor ab Oechalia Cenaeo sacra parabat |
| 137 | Primary vota Iovi, cum Fama loquax praecessit ad aures, |
| 138 | Primary Deianira, tuas, quae veris addere falsa |
| 139 | Primary gaudet et e minimo sua per mendacia crescit, |
| 140 | Primary Amphitryoniaden Ioles ardore teneri. |
| 141 | Primary Credit amans, venerisque novae perterrita fama |
| 142 | Primary indulsit primo lacrimis flendoque dolorem |
| 143 | Primary diffudit miseranda suum; mox deinde “quid autem |
| 144 | Primary flemus?” ait “paelex lacrimis laetabitur istis. |
| 145 | Primary Quae quoniam adveniet, properandum aliquidque novandum est, |
| 146 | Primary dum licet et nondum thalamos tenet altera nostros. |
| 147 | Primary Conquerar an sileam? Repetam Calydona morerne? |
| 148 | Primary Excedam tectis an, si nihil amplius, obstem? |
| 149 | Primary Quid si me, Meleagre, tuam memor esse sororem |
| 150 | Primary forte paro facinus, quantumque iniuria possit |
| 151 | Primary femineusque dolor, iugulata paelice testor?” |
| 152 | Primary In cursus animus varios abit: omnibus illis |
| 153 | Primary praetulit inbutam Nesseo sanguine vestem |
| 154 | Primary mittere, quae vires defecto reddat amori. |
| 155 | Primary Ignaroque Lichae, quid tradat, nescia, luctus |
| 156 | Primary ipsa suos tradit blandisque (miserrima!) verbis, |
| 157 | Primary dona det illa viro, mandat. Capit inscius heros |
| 158 | Primary induiturque umeris Lernaeae virus echidnae. |
| 159 | Primary Tura dabat primis et verba precantia flammis |
| 160 | Primary vinaque marmoreas patera fundebat in aras: |
| 161 | Primary incaluit vis illa mali resolutaque flammis |
| 162 | Primary Herculeos abiit late dilapsa per artus. |
| 163 | Primary Dum potuit, solita gemitum virtute repressit; |
| 164 | Primary victa malis postquam est patientia, reppulit aras |
| 165 | Primary inplevitque suis nemorosam vocibus Oeten. |
| 166 | Primary Nec mora, letiferam conatur scindere vestem: |
| 167 | Primary qua trahitur, trahit illa cutem, foedumque relatu, |
| 168 | Primary aut haeret membris frustra temptata revelli, |
| 169 | Primary aut laceros artus et grandia detegit ossa. |
| 170 | Primary Ipse cruor, gelido ceu quondam lamina candens |
| 171 | Primary tincta lacu, stridit coquiturque ardente veneno. |
| 172 | Primary Nec modus est: sorbent avidae praecordia flammae, |
| 173 | Primary caeruleusque fluit toto de corpore sudor, |
| 174 | Primary ambustique sonant nervi: caecaque medullis |
| 175 | Primary tabe liquefactis tollens ad sidera palmas |
| 176 | Primary “cladibus,” exclamat “Saturnia, pascere nostris, |
| 177 | Primary pascere et hanc pestem specta, crudelis, ab alto |
| 178 | Primary corque ferum satia. Vel si miserandus et hosti, |
| 179 | Primary hoc est, si tibi sum, diris cruciatibus aegram |
| 180 | Primary invisamque animam natamque laboribus aufer: |
| 181 | Primary hoc mihi munus erit; decet haec dare dona novercam. |
| 182 | Primary Ergo ego foedantem peregrino templa cruore |
| 183 | Primary Busirin domui saevoque alimenta parentis |
| 184 | Primary Antaeo eripui? Nec me pastoris Hiberi |
| 185 | Primary forma triplex, nec forma triplex tua, Cerbere, movit? |
| 186 | Primary Vosne, manus, validi pressistis cornua tauri? |
| 187 | Primary Vestrum opus Elis habet, vestrum Stymphalides undae |
| 188 | Primary Partheniumque nemus? Vestra virtute relatus |
| 189 | Primary Thermodontiaco caelatus balteus auro |
| 190 | Primary pomaque ab insomni concustodita dracone? |
| 191 | Primary Nec mihi Centauri potuere resistere, nec mi |
| 192 | Primary Arcadiae vastator aper? Nec profuit hydrae |
| 193 | Primary crescere per damnum geminasque resumere vires? |
| 194 | Primary Quid tum? Thracis equos humano sanguine pingues |
| 195 | Primary plenaque corporibus laceris praesepia vidi |
| 196 | Primary visaque deieci dominumque ipsosque peremi. |
| 197 | Primary His elisa iacet moles Nemeaea lacertis, |
| 198 | Primary hac caelum cervice tuli. Defessa iubendo est |
| 199 | Primary saeva Iovis coniunx: ego sum indefessus agendo. |
| 200 | Primary Sed nova pestis adest, cui nec virtute resisti |
| 201 | Primary nec telis armisque potest. Pulmonibus errat |
| 202 | Primary ignis edax imis perque omnes pascitur artus. |
| 203 | Primary At valet Eurystheus!—et sunt qui credere possint |
| 204 | Primary esse deos!” Dixit, perque altam saucius Oeten |
| 205 | Primary haud aliter graditur, quam si venabula taurus |
| 206 | Primary corpore fixa gerat, factique refugerit auctor. |
| 207 | Primary Saepe illum gemitus edentem, saepe frementem, |
| 208 | Primary saepe retemptantem totas infringere vestes |
| 209 | Primary sternentemque trabes irascentemque videres |
| 210 | Primary montibus aut patrio tendentem bracchia caelo. |
| 211 | Primary Ecce Lichan trepidum latitantem rupe cavata |
| 212 | Primary adspicit, utque dolor rabiem conlegerat omnem, |
| 213 | Primary “tune, Licha,” dixit “feralia dona dedisti? |
| 214 | Primary Tune meae necis auctor eris?” Tremit ille pavetque |
| 215 | Primary pallidus et timide verba excusantia dicit. |
| 216 | Primary Dicentem genibusque manus adhibere parantem |
| 217 | Primary corripit Alcides et terque quaterque rotatum |
| 218 | Primary mittit in Euboicas tormento fortius undas. |
| 219 | Primary Ille per aerias pendens induruit auras, |
| 220 | Primary utque ferunt imbres gelidis concrescere ventis, |
| 221 | Primary inde nives fieri, nivibus quoque molle rotatis |
| 222 | Primary adstringi et spissa glomerari grandine corpus: |
| 223 | Primary sic illum validis iactum per inane lacertis |
| 224 | Primary exsanguemque metu nec quicquam umoris habentem |
| 225 | Primary in rigidos versum silices prior edidit aetas. |
| 226 | Primary Nunc quoque in Euboico scopulus brevis eminet alto |
| 227 | Primary gurgite et humanae servat vestigia formae; |
| 228 | Primary quem, quasi sensurum, nautae calcare verentur |
| 229 | Primary appellantque Lichan.—At tu, Iovis inclita proles, |
| 230 | Primary arboribus caesis, quas ardua gesserat Oete, |
| 231 | Primary inque pyram structis, arcum pharetramque capacem |
| 232 | Primary regnaque visuras iterum Troiana sagittas |
| 233 | Primary ferre iubes Poeante satum. Quo flamma ministro est |
| 234 | Primary subdita; dumque avidis comprenditur ignibus agger, |
| 235 | Primary congeriem silvae Nemeaeo vellere summam |
| 236 | Primary sternis et inposita clavae cervice recumbis, |
| 237 | Primary haud alio vultu, quam si conviva iaceres |
| 238 | Primary inter plena meri redimitus pocula sertis. |
| 239 | Primary Iamque valens et in omne latus diffusa sonabat |
| 240 | Primary securosque artus contemptoremque petebat |
| 241 | Primary flamma suum; timuere dei pro vindice terrae. |
| 242 | Primary Quos ita (sensit enim) laeto Saturnius ore |
| 243 | Primary Iuppiter adloquitur: “Nostra est timor iste voluptas, |
| 244 | Primary o superi, totoque libens mihi pectore grator, |
| 245 | Primary quod memoris populi dicor rectorque paterque, |
| 246 | Primary et mea progenies vestro quoque tuta favore est. |
| 247 | Primary Nam quamquam ipsius datis hoc inmanibus actis, |
| 248 | Primary obligor ipse tamen. Sed enim ne pectora vano |
| 249 | Primary fida metu paveant: Oetaeas spernite flammas! |
| 250 | Primary Omnia qui vicit, vincet, quos cernitis, ignes |
| 251 | Primary nec nisi materna Vulcanum parte potentem |
| 252 | Primary sentiet: aeternum est a me quod traxit et expers |
| 253 | Primary atque inmune necis nullaque domabile flamma. |
| 254 | Primary Idque ego defunctum terra caelestibus oris |
| 255 | Primary accipiam, cunctisque meum laetabile factum |
| 256 | Primary dis fore confido. Siquis tamen Hercule, siquis |
| 257 | Primary forte deo doliturus erit, data praemia nolet, |
| 258 | Primary sed meruisse dari sciet invitusque probabit.” |
| 259 | Primary Adsensere dei: coniunx quoque regia visa est |
| 260 | Primary cetera non duro, duro tamen ultima vultu |
| 261 | Primary dicta tulisse Iovis seque indoluisse notatam. |
| 262 | Primary Interea quodcumque fuit populabile flammae |
| 263 | Primary Mulciber abstulerat, nec cognoscenda remansit |
| 264 | Primary Herculis effigies; nec quicquam ab imagine ductum |
| 265 | Primary matris habet, tantumque Iovis vestigia servat. |
| 266 | Primary Utque novus serpens posita cum pelle senecta |
| 267 | Primary luxuriare solet squamaque nitere recenti, |
| 268 | Primary sic, ubi mortales Tirynthius exuit artus, |
| 269 | Primary parte sui meliore viget maiorque videri |
| 270 | Primary coepit et augusta fieri gravitate verendus. |
| 271 | Primary Quem pater omnipotens inter cava nubila raptum |
| 272 | Primary quadriiugo curru radiantibus intulit astris. |
| 273 | Primary Sensit Atlas pondus.—Neque adhuc Stheneleius iras |
| 274 | Primary solverat Eurystheus odiumque in prole paternum |
| 275 | Primary exercebat atrox. At longis anxia curis |
| 276 | Primary Argolis Alcmene, questus ubi ponat aniles, |
| 277 | Primary cui referat nati testatos orbe labores, |
| 278 | Primary cuive suos casus, Iolen habet. Herculis illam |
| 279 | Primary imperiis thalamoque animoque receperat Hyllus |
| 280 | Primary inpleratque uterum generoso semine, cum sic |
| 281 | Primary incipit Alcmene: “Faveant tibi numina saltem |
| 282 | Primary conripiantque moras, tum cum matura vocabis |
| 283 | Primary praepositam timidis parientibus Ilithyiam, |
| 284 | Primary quam mihi difficilem Iunonis gratia fecit. |
| 285 | Primary Namque laboriferi cum iam natalis adesset |
| 286 | Primary Herculis et decimum premeretur sidere signum, |
| 287 | Primary tendebat gravitas uterum mihi, quodque ferebam, |
| 288 | Primary tantum erat, ut posses auctorem dicere tecti |
| 289 | Primary ponderis esse Iovem. Nec iam tolerare labores |
| 290 | Primary ulterius poteram: quin nunc quoque frigidus artus, |
| 291 | Primary dum loquor, horror habet, parsque est meminisse doloris. |
| 292 | Primary Septem ego per noctes, totidem cruciata diebus, |
| 293 | Primary fessa malis tendensque ad caelum bracchia magno |
| 294 | Primary Lucinam Nixosque pares clamore vocabam. |
| 295 | Primary Illa quidem venit, sed praecorrupta meumque |
| 296 | Primary quae donare caput Iunoni vellet iniquae. |
| 297 | Primary Utque meos audit gemitus, subsedit in illa |
| 298 | Primary ante fores ara dextroque a poplite laevum |
| 299 | Primary pressa genu digitis inter se pectine iunctis |
| 300 | Primary sustinuit partus. Tacita quoque carmina voce |
| 301 | Primary dixit, et inceptos tenuerunt carmina partus. |
| 302 | Primary Nitor et ingrato facio convicia demens |
| 303 | Primary vana Iovi cupioque mori moturaque duros |
| 304 | Primary verba queror silices. Matres Cadmeides adsunt |
| 305 | Primary votaque suscipiunt exhortanturque dolentem. |
| 306 | Primary Una ministrarum, media de plebe, Galanthis, |
| 307 | Primary flava comas, aderat, faciendis strenua iussis, |
| 308 | Primary officiis dilecta suis. Ea sensit iniqua |
| 309 | Primary nescio quid Iunone geri, dumque exit et intrat |
| 310 | Primary saepe fores, divam residentem vidit in ara |
| 311 | Primary bracchiaque in genibus digitis conexa tenentem, |
| 312 | Primary et “quaecumque es,” ait “dominae gratare: levata est |
| 313 | Primary Argolis Alcmene potiturque puerpera voto.” |
| 314 | Primary Exsiluit iunctasque manus pavefacta remisit |
| 315 | Primary diva potens uteri: vinclis levor ipsa remissis. |
| 316 | Primary Numine decepto risisse Galanthida fama est: |
| 317 | Primary ridentem prensamque ipsis dea saeva capillis |
| 318 | Primary traxit, et e terra corpus relevare volentem |
| 319 | Primary arcuit inque pedes mutavit bracchia primos. |
| 320 | Primary Strenuitas antiqua manet, nec terga colorem |
| 321 | Primary amisere suum: forma est diversa priori. |
| 322 | Primary Quae quia mendaci parientem iuverat ore, |
| 323 | Primary ore parit nostrasque domos, ut et ante, frequentat.” |
| 324 | Primary Dixit, et admonitu veteris commota ministrae |
| 325 | Primary ingemuit. Quam sic nurus est adfata dolentem: |
| 326 | Primary “Te tamen, o genetrix, alienae sanguine vestro |
| 327 | Primary rapta movet facies. Quid si tibi mira sororis |
| 328 | Primary fata meae referam? quamquam lacrimaeque dolorque |
| 329 | Primary impediunt prohibentque loqui. Fuit unica matri |
| 330 | Primary (me pater ex alia genuit) notissima forma |
| 331 | Primary Oechalidum Dryope. Quam virginitate carentem |
| 332 | Primary vimque dei passam Delphos Delumque tenentis |
| 333 | Primary excipit Andraemon, et habetur coniuge felix. |
| 334 | Primary Est lacus adclivis devexo margine formam |
| 335 | Primary litoris efficiens: summum myrteta coronant. |
| 336 | Primary Venerat huc Dryope fatorum nescia, quoque |
| 337 | Primary indignere magis, nymphis latura coronas; |
| 338 | Primary inque sinu puerum, qui nondum impleverat annum, |
| 339 | Primary dulce ferebat onus tepidique ope lactis alebat. |
| 340 | Primary Haud procul a stagno Tyrios imitata colores |
| 341 | Primary in spem bacarum florebat aquatica lotos. |
| 342 | Primary Carpserat hinc Dryope, quos oblectamina nato |
| 343 | Primary porrigeret, flores, et idem factura videbar |
| 344 | Primary (namque aderam): vidi guttas e flore cruentas |
| 345 | Primary decidere et tremulo ramos horrore moveri. |
| 346 | Primary Scilicet, ut referunt tardi nunc denique agrestes, |
| 347 | Primary Lotis in hanc nymphe, fugiens obscena Priapi, |
| 348 | Primary contulerat versos servato nomine, vultus. |
| 349 | Primary Nescierat soror hoc. Quae cum perterrita retro |
| 350 | Primary ire et adoratis vellet discedere nymphis, |
| 351 | Primary haeserunt radice pedes. Convellere pugnat, |
| 352 | Primary nec quicquam nisi summa movet. Subcrescit ab imo |
| 353 | Primary totaque paulatim lentus premit inguina cortex. |
| 354 | Primary Ut vidit, conata manu laniare capillos, |
| 355 | Primary fronde manum implevit: frondes caput omne tenebant. |
| 356 | Primary At puer Amphissos (namque hoc avus Eurytus illi |
| 357 | Primary addiderat nomen) materna rigescere sentit |
| 358 | Primary ubera, nec sequitur ducentem lacteus umor. |
| 359 | Primary Spectatrix aderam facti crudelis opemque |
| 360 | Primary non poteram tibi ferre, soror; quantumque valebam, |
| 361 | Primary crescentem truncum ramosque amplexa morabar |
| 362 | Primary et, fateor, volui sub eodem cortice condi. |
| 363 | Primary Ecce vir Andraemon genitorque miserrimus adsunt |
| 364 | Primary et quaerunt Dryopen: Dryopen quaerentibus illis |
| 365 | Primary ostendi loton. Tepido dant oscula ligno |
| 366 | Primary adfusique suae radicibus arboris haerent. |
| 367 | Primary Nil nisi iam faciem, quod non foret arbor, habebat |
| 368 | Primary cara soror: lacrimae misero de corpore factis |
| 369 | Primary inrorant foliis, et, dum licet oraque praestant |
| 370 | Primary vocis iter, tales effundit in aera questus: |
| 371 | Primary “Siqua fides miseris, hoc me per numina iuro |
| 372 | Primary non meruisse nefas: patior sine crimine poenam. |
| 373 | Primary Viximus innocuae: si mentior, arida perdam |
| 374 | Primary quas habeo, frondes et caesa securibus urar. |
| 375 | Primary Hunc tamen infantem maternis demite ramis |
| 376 | Primary et date nutrici; nostraque sub arbore saepe |
| 377 | Primary lac facitote bibat nostraque sub arbore ludat! |
| 378 | Primary Cumque loqui poterit, matrem facitote salutet, |
| 379 | Primary et tristis dicat “latet hoc in stipite mater.” |
| 380 | Primary Stagna tamen timeat nec carpat ab arbore flores, |
| 381 | Primary et frutices omnes corpus putet esse deorum! |
| 382 | Primary Care vale coniunx, et tu, germana, paterque! |
| 383 | Primary Qui, siqua est pietas, ab acutae vulnere falcis, |
| 384 | Primary a pecoris morsu frondes defendite nostras. |
| 385 | Primary Et quoniam mihi fas ad vos incumbere non est, |
| 386 | Primary erigite huc artus et ad oscula nostra venite, |
| 387 | Primary dum tangi possunt, parvumque attollite natum. |
| 388 | Primary Plura loqui nequeo. Nam iam per candida mollis |
| 389 | Primary colla liber serpit, summoque cacumine condor. |
| 390 | Primary Ex oculis removete manus: sine munere vestro |
| 391 | Primary contegat inductus morientia lumina cortex!” |
| 392 | Primary Desierant simul ora loqui, simul esse, diuque |
| 393 | Primary corpore mutato rami caluere recentes.” |
| 394 | Primary Dumque refert Iole factum mirabile, dumque |
| 395 | Primary Eurytidos lacrimas admoto pollice siccat |
| 396 | Primary Alcmene (flet et ipsa tamen), conpescuit omnem |
| 397 | Primary res nova tristitiam. Nam limine constitit alto |
| 398 | Primary paene puer dubiaque tegens lanugine malas |
| 399 | Primary ora reformatus primos Iolaus in annos. |
| 400 | Primary Hoc illi dederat Iunonia muneris Hebe, |
| 401 | Primary victa viri precibus. Quae cum iurare pararet |
| 402 | Primary dona tributuram post hunc se talia nulli, |
| 403 | Primary non est passa Themis: “Nam iam discordia Thebae |
| 404 | Primary bella movent” dixit “Capaneusque nisi ab Iove vinci |
| 405 | Primary haud poterit, fientque pares in vulnere fratres, |
| 406 | Primary subductaque suos manes tellure videbit |
| 407 | Primary vivus adhuc vates; ultusque parente parentem |
| 408 | Primary natus erit facto pius et sceleratus eodem; |
| 409 | Primary attonitusque malis exsul mentisque domusque, |
| 410 | Primary vultibus Eumenidum matrisque agitabitur umbris, |
| 411 | Primary donec eum coniunx fatale poposcerit aurum, |
| 412 | Primary cognatumque latus Phegeius hauserit ensis. |
| 413 | Primary Tum demum magno petet hos Acheloia supplex |
| 414 | Primary ab Iove Callirhoe natis infantibus annos |
| 415 | Primary neve necem sinat esse diu victoris inultam, |
| 416 | Primary Iuppiter his motus privignae dona nurusque |
| 417 | Primary praecipiet facietque viros inpubibus annis.” |
| 418 | Primary Haec ubi faticano venturi praescia dixit |
| 419 | Primary ore Themis, vario superi sermone fremebant, |
| 420 | Primary et “cur non aliis eadem dare dona liceret” |
| 421 | Primary murmur erat: queritur veteres Pallantias annos |
| 422 | Primary coniugis esse sui, queritur canescere mitis |
| 423 | Primary Iasiona Ceres, repetitum Mulciber aevum |
| 424 | Primary poscit Erichthonio. Venerem quoque cura futuri |
| 425 | Primary tangit et Anchisae renovare paciscitur annos. |
| 426 | Primary Cui studeat, deus omnis habet, crescitque favore |
| 427 | Primary turbida seditio, donec sua Iuppiter ora |
| 428 | Primary solvit et “o nostri siqua est reverentia,” dixit |
| 429 | Primary “quo ruitis? Tantumne aliquis sibi posse videtur, |
| 430 | Primary fata quoque ut superet? Fatis Iolaus in annos, |
| 431 | Primary quos egit, rediit, fatis iuvenescere debent |
| 432 | Primary Callirhoe geniti, non ambitione nec armis. |
| 433 | Primary Vos etiam, quoque hoc animo meliore feratis, |
| 434 | Primary me quoque fata regunt. Quae si mutare valerem, |
| 435 | Primary nec nostrum seri curvarent Aeacon anni, |
| 436 | Primary perpetuumque aevi florem Rhadamanthus haberet |
| 437 | Primary cum Minoe meo, qui propter amara senectae |
| 438 | Primary pondera despicitur nec quo prius ordine regnat.” |
| 439 | Primary Dicta Iovis movere deos, nec sustinet ullus, |
| 440 | Primary cum videat fessos Rhadamanthon et Aeacon annis |
| 441 | Primary et Minoa, queri. Qui, dum fuit integer aevi, |
| 442 | Primary terruerat magnas ipso quoque nomine gentes. |
| 443 | Primary Tunc erat invalidus Deionidenque iuventae |
| 444 | Primary robore Miletum Phoeboque parente superbum |
| 445 | Primary pertimuit credensque suis insurgere regnis, |
| 446 | Primary haud tamen est patriis arcere penatibus ausus. |
| 447 | Primary Sponte fugis, Milete, tua, celerique carina |
| 448 | Primary Aegaeas metiris aquas et in Aside terra |
| 449 | Primary moenia constituis positoris habentia nomen. |
| 450 | Primary Hic tibi, dum sequitur patriae curvamina ripae, |
| 451 | Primary filia Maeandri totiens redeuntis eodem |
| 452 | Primary cognita Cyanee, praestantia corpora forma, |
| 453 | Primary Byblida cum Cauno, prolem est enixa gemellam. |
| 454 | Primary Byblis in exemplo est, ut ament concessa puellae: |
| 455 | Primary Byblis Apollinei correpta cupidine fratris: |
| 456 | Primary non soror ut fratrem, nec qua debebat, amabat. |
| 457 | Primary Illa quidem primo nullos intellegit ignes |
| 458 | Primary nec peccare putat, quod saepius oscula iungat, |
| 459 | Primary quod sua fraterno circumdet bracchia collo, |
| 460 | Primary mendacique diu pietatis fallitur umbra. |
| 461 | Primary Paulatim declinat amor, visuraque fratrem |
| 462 | Primary culta venit nimiumque cupit formosa videri |
| 463 | Primary et siqua est illic formosior, invidet illi. |
| 464 | Primary Sed nondum manifesta sibi est nullumque sub illo |
| 465 | Primary igne facit votum: verumtamen aestuat intus. |
| 466 | Primary Iam dominum appellat, iam nomina sanguinis odit: |
| 467 | Primary Byblida iam mavult, quam se vocet ille sororem. |
| 468 | Primary Spes tamen obscenas animo demittere non est |
| 469 | Primary ausa suo vigilans: placida resoluta quiete |
| 470 | Primary saepe videt, quod amat; visa est quoque iungere fratri |
| 471 | Primary corpus et erubuit, quamvis sopita iacebat. |
| 472 | Primary Somnus abit: silet illa diu repetitque quietis |
| 473 | Primary ipsa suae speciem dubiaque ita mente profatur: |
| 474 | Primary “Me miseram! tacitae quid vult sibi noctis imago? |
| 475 | Primary Quam nolim rata sit! cur haec ego somnia vidi? |
| 476 | Primary Ille quidem est oculis quamvis formosus iniquis |
| 477 | Primary et placet, et possim, si non sit frater, amare, |
| 478 | Primary et me dignus erat. Verum nocet esse sororem.— |
| 479 | Primary Dummodo tale nihil vigilans committere temptem, |
| 480 | Primary saepe licet simili redeat sub imagine somnus! |
| 481 | Primary testis abest somno, nec abest imitata voluptas. |
| 482 | Primary Pro! Venus et tenera volucer cum matre Cupido, |
| 483 | Primary gaudia quanta tuli! quam me manifesta libido |
| 484 | Primary contigit! ut iacui totis resoluta medullis! |
| 485 | Primary ut meminisse iuvat! quamvis brevis illa voluptas |
| 486 | Primary noxque fuit praeceps et coeptis invida nostris. |
| 487 | Primary O ego, si liceat mutato nomine iungi, |
| 488 | Primary quam bene, Caune, tuo poteram nurus esse parenti! |
| 489 | Primary quam bene, Caune, meo poteras gener esse parenti! |
| 490 | Primary Omnia, di facerent, essent communia nobis, |
| 491 | Primary praeter avos: tu me vellem generosior esses! |
| 492 | Primary Nescioquam facies igitur, pulcherrime, matrem: |
| 493 | Primary at mihi, quae male sum quos tu sortita parentes, |
| 494 | Primary nil nisi frater eris. Quod obest, id habebimus unum. |
| 495 | Primary Quid mihi significant ergo mea visa?—quod autem |
| 496 | Primary somnia pondus habent?—an habent et somnia pondus? |
| 497 | Primary Di melius!—di nempe suas habuere sorores: |
| 498 | Primary Sic Saturnus Opem iunctam sibi sanguine duxit, |
| 499 | Primary Oceanus Tethyn, Iunonem rector Olympi. |
| 500 | Primary Sunt superis sua iura! Quid ad caelestia ritus |
| 501 | Primary exigere humanos diversaque foedera tempto? |
| 502 | Primary Aut nostro vetitus de corde fugabitur ardor, |
| 503 | Primary aut hoc si nequeo, peream, precor, ante toroque |
| 504 | Primary mortua conponar, positaeque det oscula frater.— |
| 505 | Primary Et tamen arbitrium quaerit res ista duorum. |
| 506 | Primary Finge placere mihi: scelus esse videbitur illi! |
| 507 | Primary At non Aeolidae thalamos timuere sororum! |
| 508 | Primary Unde sed hos novi? Cur haec exempla paravi? |
| 509 | Primary Quo feror? Obscenae procul hinc discedite flammae, |
| 510 | Primary nec, nisi qua fas est germanae, frater ametur!— |
| 511 | Primary Si tamen ipse mei captus prior esset amore, |
| 512 | Primary forsitan illius possem indulgere furori. |
| 513 | Primary Ergo ego, quae fueram non reiectura petentem, |
| 514 | Primary ipsa petam! Poterisne loqui? poterisne fateri? |
| 515 | Primary Coget amor: potero! vel, si pudor ora tenebit, |
| 516 | Primary littera celatos arcana fatebitur ignis: |
| 517 | Primary hoc placet, haec dubiam vicit sententia mentem.” |
| 518 | Primary In latus erigitur cubitoque innixa sinistro |
| 519 | Primary “viderit: insanos” inquit “fateamur amores. |
| 520 | Primary Ei mihi! quo labor? quem mens mea concipit ignem?” |
| 521 | Primary et meditata manu componit verba trementi: |
| 522 | Primary dextra tenet ferrum, vacuam tenet altera ceram. |
| 523 | Primary Incipit et dubitat, scribit damnatque tabellas |
| 524 | Primary et notat et delet, mutat culpatque probatque, |
| 525 | Primary inque vicem sumptas ponit positasque resumit. |
| 526 | Primary Quid velit ignorat; quidquid factura videtur, |
| 527 | Primary displicet. In vultu est audacia mixta pudori. |
| 528 | Primary Scripta “soror” fuerat, visum est delere sororem |
| 529 | Primary verbaque correctis incidere talia ceris: |
| 530 | Primary “Quam, nisi tu dederis, non est habitura salutem, |
| 531 | Primary hanc tibi mittit amans: pudet, a! pudet edere nomen. |
| 532 | Primary Et si, quid cupiam, quaeris, sine nomine vellem |
| 533 | Primary posset agi mea causa meo, nec cognita Byblis |
| 534 | Primary ante forem, quam spes votorum certa fuisset. |
| 535 | Primary Esse quidem laesi poterat tibi pectoris index |
| 536 | Primary et color et macies et vultus et umida saepe |
| 537 | Primary lumina nec causa suspiria mota patenti |
| 538 | Primary et crebri amplexus, et quae, si forte notasti, |
| 539 | Primary oscula sentiri non esse sororia possent: |
| 540 | Primary ipsa tamen, quamvis animo grave vulnus habebam, |
| 541 | Primary quamvis intus erat furor igneus, omnia feci |
| 542 | Primary (sunt mihi di testes), ut tandem sanior essem, |
| 543 | Primary pugnavique diu violenta Cupidinis arma |
| 544 | Primary effugere infelix et plus, quam ferre puellam |
| 545 | Primary posse putes, ego dura tuli. Superata fateri |
| 546 | Primary cogor opemque tuam timidis exposcere votis. |
| 547 | Primary Tu servare potes, tu perdere solus amantem: |
| 548 | Primary elige, utrum facias! Non hoc inimica precatur, |
| 549 | Primary sed quae, cum tibi sit iunctissima, iunctior esse |
| 550 | Primary expetit et vinclo tecum propiore ligari. |
| 551 | Primary Iura senes norint et, quid liceatque nefasque |
| 552 | Primary fasque sit, inquirant legumque examina servent: |
| 553 | Primary conveniens Venus est annis temeraria nostris! |
| 554 | Primary Quid liceat, nescimus adhuc et cuncta licere |
| 555 | Primary credimus et sequimur magnorum exempla deorum. |
| 556 | Primary Nec nos aut durus pater aut reverentia famae |
| 557 | Primary aut timor impediet (tantum sit causa timendi!). |
| 558 | Primary Dulcia fraterno sub nomine furta tegemus: |
| 559 | Primary est mihi libertas tecum secreta loquendi, |
| 560 | Primary et damus amplexus et iungimus oscula coram, |
| 561 | Primary quantum est, quod desit? Miserere fatentis amores |
| 562 | Primary et non fassurae, nisi cogeret ultimus ardor, |
| 563 | Primary neve merere meo subscribi causa sepulcro!” |
| 564 | Primary Talia nequiquam perarantem plena reliquit |
| 565 | Primary cera manum, summusque in margine versus adhaesit. |
| 566 | Primary Protinus inpressa signat sua crimina gemma, |
| 567 | Primary quam tinxit lacrimis (linguam defecerat umor), |
| 568 | Primary deque suis unum famulis pudibunda vocavit |
| 569 | Primary et pavidum blandita “fer has, fidissime, nostro”— |
| 570 | Primary dixit, et adiecit longo post tempore “fratri.” |
| 571 | Primary Cum daret, elapsae manibus cecidere tabellae. |
| 572 | Primary Omine turbata est: misit tamen. Apta minister |
| 573 | Primary tempora nactus adit traditque latentia verba. |
| 574 | Primary Attonitus subita iuvenis Maeandrius ira |
| 575 | Primary proicit acceptas lecta sibi parte tabellas |
| 576 | Primary vixque manus retinens trepidantis ab ore ministri |
| 577 | Primary “dum licet, o vetitae scelerate libidinis auctor, |
| 578 | Primary effuge!” ait: “qui, si nostrum tua fata pudorem |
| 579 | Primary non traherent secum, poenas mihi morte dedisses.” |
| 580 | Primary Ille fugit pavidus dominaeque ferocia Cauni |
| 581 | Primary dicta refert. Palles audita, Bybli, repulsa, |
| 582 | Primary et pavet obsessum glaciali frigore corpus. |
| 583 | Primary Mens tamen ut rediit, pariter rediere furores, |
| 584 | Primary linguaque vix tales icto dedit aere voces: |
| 585 | Primary “Et merito! quid enim temeraria vulneris huius |
| 586 | Primary indicium feci? Quid, quae celanda fuerunt, |
| 587 | Primary tam cito commisi properatis verba tabellis? |
| 588 | Primary Ante erat ambiguis animi sententia dictis |
| 589 | Primary praetemptanda mihi. Ne non sequeretur euntem, |
| 590 | Primary parte aliqua veli, qualis foret aura, notare |
| 591 | Primary debueram tutoque mari decurrere, quae nunc |
| 592 | Primary non exploratis inplevi lintea ventis. |
| 593 | Primary Auferor in scopulos igitur subversaque toto |
| 594 | Primary obruor oceano, neque habent mea vela recursus. |
| 595 | Primary Quid quod et ominibus certis prohibebar amori |
| 596 | Primary indulgere meo, tum cum mihi ferre iubenti |
| 597 | Primary excidit et fecit spes nostras cera caducas? |
| 598 | Primary Nonne vel illa dies fuerat vel tota voluntas, |
| 599 | Primary sed potius mutanda dies? Deus ipse monebat |
| 600 | Primary signaque certa dabat, si non male sana fuissem. |
| 601 | Primary Et tamen ipsa loqui, nec me committere cerae |
| 602 | Primary debueram praesensque meos aperire furores |
| 603 | Primary (vidisset lacrimas, vultum vidisset amantis!), |
| 604 | Primary plura loqui poteram, quam quae cepere tabellae. |
| 605 | Primary Invito potui circumdare bracchia collo |
| 606 | Primary et, si reicerer, potui moritura videri |
| 607 | Primary amplectique pedes adfusaque poscere vitam. |
| 608 | Primary Omnia fecissem, quorum si singula duram |
| 609 | Primary flectere non poterant, potuissent omnia, mentem. |
| 610 | Primary Forsitan et missi sit quaedam culpa ministri: |
| 611 | Primary non adiit apte nec legit idonea, credo, |
| 612 | Primary tempora nec petiit horamque animumque vacantem. |
| 613 | Primary Haec nocuere mihi. Neque enim est de tigride natus |
| 614 | Primary nec rigidas silices solidumve in pectore ferrum |
| 615 | Primary aut adamanta gerit nec lac bibit ille leaenae. |
| 616 | Primary Vincetur! Repetendus erit, nec taedia coepti |
| 617 | Primary ulla mei capiam, dum spiritus iste manebit. |
| 618 | Primary Nam primum, si facta mihi revocare liceret, |
| 619 | Primary non coepisse fuit: coepta expugnare secundum est. |
| 620 | Primary Quippe nec ille potest, ut iam mea vota relinquam, |
| 621 | Primary non tamen ausorum semper memor esse meorum, |
| 622 | Primary et, quia desierim, leviter voluisse videbor |
| 623 | Primary aut etiam temptasse illum insidiisque petisse; |
| 624 | Primary vel certe non hoc, qui plurimus urget et urit |
| 625 | Primary pectora nostra, deo, sed victa libidine credar. |
| 626 | Primary Denique iam nequeo nil commisisse nefandum. |
| 627 | Primary Et scripsi et petii: temerata est nostra voluntas; |
| 628 | Primary ut nihil adiciam, non possum innoxia dici. |
| 629 | Primary Quod superest, multum est in vota, in crimina parvum.” |
| 630 | Primary Dixit, et (incertae tanta est discordia mentis) |
| 631 | Primary cum pigeat temptasse, libet temptare: modumque |
| 632 | Primary exit et infelix committit saepe repelli. |
| 633 | Primary Mox ubi finis abest, patriam fugit ille nefasque |
| 634 | Primary inque peregrina ponit nova moenia terra. |
| 635 | Primary Tum vero maestam tota Miletida mente |
| 636 | Primary defecisse ferunt, tum vero a pectore vestem |
| 637 | Primary diripuit planxitque suos furibunda lacertos. |
| 638 | Primary Iamque palam est demens inconcessamque fatetur |
| 639 | Primary spem veneris, siquidem patriam invisosque penates |
| 640 | Primary deserit et profugi sequitur vestigia fratris. |
| 641 | Primary Utque tuo motae, proles Semeleia, thyrso |
| 642 | Primary Ismariae celebrant repetita triennia bacchae, |
| 643 | Primary Byblida non aliter latos ululasse per agros |
| 644 | Primary Bubasides videre nurus. Quibus illa relictis |
| 645 | Primary Caras et armiferos Lelegas Lyciamque pererrat. |
| 646 | Primary Iam Cragon et Limyren Xanthique reliquerat undas, |
| 647 | Primary quoque Chimaera iugo mediis in partibus ignem, |
| 648 | Primary pectus et ora leae, caudam serpentis habebat; |
| 649 | Primary deficiunt silvae, cum tu lassata sequendo |
| 650 | Primary concidis et dura positis tellure capillis, |
| 651 | Primary Bybli, iaces frondesque tuo premis ore caducas. |
| 652 | Primary Saepe etiam nymphae teneris Lelegeides ulnis |
| 653 | Primary tollere conantur; saepe, ut medeatur amori, |
| 654 | Primary praecipiunt surdaeque adhibent solacia menti: |
| 655 | Primary muta iacet viridesque suis tenet unguibus herbas |
| 656 | Primary Byblis, et umectat lacrimarum gramina rivus. |
| 657 | Primary Naidas his venam, quae numquam arescere posset, |
| 658 | Primary subposuisse ferunt: quid enim dare maius habebant? |
| 659 | Primary Protinus, ut secto piceae de cortice guttae, |
| 660 | Primary utve tenax gravida manat tellure bitumen, |
| 661 | Primary utve sub adventu spirantis lene favoni |
| 662 | Primary sole remollescit, quae frigore constitit, unda, |
| 663 | Primary sic lacrimis consumpta suis Phoebeia Byblis |
| 664 | Primary vertitur in fontem, qui nunc quoque vallibus illis |
| 665 | Primary nomen habet dominae nigraque sub ilice manat. |
| 666 | Primary Fama novi centum Cretaeas forsitan urbes |
| 667 | Primary implesset monstri, si non miracula nuper |
| 668 | Primary Iphide mutata Crete propiora tulisset. |
| 669 | Primary Proxima Cnosiaco nam quondam Phaestia regno |
| 670 | Primary progenuit tellus ignotum nomine Ligdum, |
| 671 | Primary ingenua de plebe virum. Nec census in illo |
| 672 | Primary nobilitate sua maior, sed vita fidesque |
| 673 | Primary inculpata fuit. Gravidae qui coniugis aures |
| 674 | Primary vocibus his monuit, cum iam prope partus adesset: |
| 675 | Primary “Quae voveam, duo sunt; minimo ut relevere dolore, |
| 676 | Primary utque marem parias; onerosior altera sors est, |
| 677 | Primary et vires fortuna negat. Quod abominor, ergo |
| 678 | Primary edita forte tuo fuerit si femina partu, |
| 679 | Primary (invitus mando: pietas, ignosce!) necetur.” |
| 680 | Primary Dixerat, et lacrimis vultus lavere profusis, |
| 681 | Primary tam qui mandabat, quam cui mandata dabantur. |
| 682 | Primary Sed tamen usque suum vanis Telethusa maritum |
| 683 | Primary sollicitat precibus, ne spem sibi ponat in arto. |
| 684 | Primary Certa sua est Ligdo sententia. Iamque ferendo |
| 685 | Primary vix erat illa gravem maturo pondere ventrem, |
| 686 | Primary cum medio noctis spatio sub imagine somni |
| 687 | Primary Inachis ante torum, pompa comitata sacrorum, |
| 688 | Primary aut stetit aut visa est. Inerant lunaria fronti |
| 689 | Primary cornua cum spicis nitido flaventibus auro |
| 690 | Primary et regale decus. Cum qua latrator Anubis |
| 691 | Primary sanctaque Bubastis variusque coloribus Apis, |
| 692 | Primary quique premit vocem digitoque silentia suadet, |
| 693 | Primary sistraque erant numquamque satis quaesitus Osiris |
| 694 | Primary plenaque somniferis serpens peregrina venenis. |
| 695 | Primary Tum velut excussam somno et manifesta videntem |
| 696 | Primary sic adfata dea est: “Pars o Telethusa mearum, |
| 697 | Primary pone graves curas mandataque falle mariti. |
| 698 | Primary Nec dubita, cum te partu Lucina levarit, |
| 699 | Primary tollere quidquid erit. Dea sum auxiliaris opemque |
| 700 | Primary exorata fero, nec te coluisse quereris |
| 701 | Primary ingratum numen.” Monuit thalamoque recessit. |
| 702 | Primary Laeta toro surgit purasque ad sidera supplex |
| 703 | Primary Cressa manus tollens, rata sint sua visa, precatur. |
| 704 | Primary Ut dolor increvit, seque ipsum pondus in auras |
| 705 | Primary expulit et nata est ignaro femina patre, |
| 706 | Primary iussit ali mater puerum mentita: fidemque |
| 707 | Primary res habuit, neque erat ficti nisi conscia nutrix. |
| 708 | Primary Vota pater solvit nomenque inponit avitum: |
| 709 | Primary Iphis avus fuerat. Gavisa est nomine mater, |
| 710 | Primary quod commune foret nec quemquam falleret illo. |
| 711 | Primary Inde incepta pia mendacia fraude latebant: |
| 712 | Primary cultus erat pueri, facies, quam sive puellae, |
| 713 | Primary sive dares puero, fuerat formosus uterque. |
| 714 | Primary Tertius interea decimo successerat annus, |
| 715 | Primary cum pater, Iphi, tibi flavam despondet Ianthen, |
| 716 | Primary inter Phaestiadas quae laudatissima formae |
| 717 | Primary dote fuit virgo, Dictaeo nata Teleste. |
| 718 | Primary Par aetas, par forma fuit, primasque magistris |
| 719 | Primary accepere artes, elementa aetatis, ab isdem. |
| 720 | Primary Hinc amor ambarum tetigit rude pectus et aequum |
| 721 | Primary vulnus utrique dedit. Sed erat fiducia dispar: |
| 722 | Primary coniugium pactaeque exspectat tempora taedae |
| 723 | Primary quamque virum putat esse, virum fore credit Ianthe; |
| 724 | Primary Iphis amat, qua posse frui desperat, et auget |
| 725 | Primary hoc ipsum flammas, ardetque in virgine virgo; |
| 726 | Primary vixque tenens lacrimas “quis me manet exitus” inquit, |
| 727 | Primary “cognita quam nulli, quam prodigiosa novaeque |
| 728 | Primary cura tenet Veneris? Si di mihi parcere vellent, |
| 729 | Primary parcere debuerant; si non, et perdere vellent, |
| 730 | Primary naturale malum saltem et de more dedissent. |
| 731 | Primary Nec vaccam vaccae, nec equas amor urit equarum: |
| 732 | Primary urit oves aries, sequitur sua femina cervum. |
| 733 | Primary Sic et aves coeunt, interque animalia cuncta |
| 734 | Primary femina femineo conrepta cupidine nulla est. |
| 735 | Primary Vellem nulla forem! Ne non tamen omnia Crete |
| 736 | Primary monstra ferat, taurum dilexit filia Solis, |
| 737 | Primary femina nempe marem: meus est furiosior illo, |
| 738 | Primary si verum profitemur, amor! Tamen illa secuta est |
| 739 | Primary spem Veneris, tamen illa dolis et imagine vaccae |
| 740 | Primary passa bovem est, et erat, qui deciperetur adulter! |
| 741 | Primary Huc licet e toto sollertia confluat orbe, |
| 742 | Primary ipse licet revolet ceratis Daedalus alis, |
| 743 | Primary quid faciet? Num me puerum de virgine doctis |
| 744 | Primary artibus efficiet? num te mutabit, Ianthe? |
| 745 | Primary Quin animum firmas, teque ipsa reconligis, Iphi, |
| 746 | Primary consiliique inopes et stultos excutis ignes? |
| 747 | Primary Quid sis nata, vide, nisi te quoque decipis ipsa, |
| 748 | Primary et pete quod fas est, et ama quod femina debes! |
| 749 | Primary Spes est, quae capiat, spes est, quae pascit amorem: |
| 750 | Primary hanc tibi res adimit. Non te custodia caro |
| 751 | Primary arcet ab amplexu nec cauti cura mariti, |
| 752 | Primary non patris asperitas, non se negat ipsa roganti: |
| 753 | Primary nec tamen est potienda tibi, nec, ut omnia fiant, |
| 754 | Primary esse potes felix, ut dique hominesque laborent. |
| 755 | Primary Nunc quoque votorum nulla est pars vana meorum, |
| 756 | Primary dique mihi faciles, quidquid valuere, dederunt; |
| 757 | Primary quodque ego, vult genitor, vult ipsa socerque futurus. |
| 758 | Primary At non vult natura, potentior omnibus istis, |
| 759 | Primary quae mihi sola nocet. Venit ecce optabile tempus, |
| 760 | Primary luxque iugalis adest, et iam mea fiet Ianthe— |
| 761 | Primary nec mihi continget: mediis sitiemus in undis. |
| 762 | Primary Pronuba quid Iuno, quid ad haec, Hymenaee, venitis |
| 763 | Primary sacra, quibus qui ducat abest, ubi nubimus ambae?” |
| 764 | Primary Pressit ab his vocem. Nec lenius altera virgo |
| 765 | Primary aestuat, utque celer venias, Hymenaee, precatur. |
| 766 | Primary Quod petit haec, Telethusa timens modo tempora differt, |
| 767 | Primary nunc ficto languore moram trahit, omina saepe |
| 768 | Primary visaque causatur. Sed iam consumpserat omnem |
| 769 | Primary materiam ficti, dilataque tempora taedae |
| 770 | Primary institerant, unusque dies restabat. At illa |
| 771 | Primary crinalem capiti vittam nataeque sibique |
| 772 | Primary detrahit et passis aram complexa capillis |
| 773 | Primary “Isi, Paraetonium Mareoticaque arva Pharonque |
| 774 | Primary quae colis et septem digestum in cornua Nilum: |
| 775 | Primary fer, precor” inquit “opem nostroque medere timori! |
| 776 | Primary Te, dea, te quondam tuaque haec insignia vidi |
| 777 | Primary cunctaque cognovi, sonitum comitantiaque aera |
| 778 | Primary sistrorum, memorique animo tua iussa notavi. |
| 779 | Primary Quod videt haec lucem, quod non ego punior, ecce |
| 780 | Primary consilium munusque tuum est. Miserere duarum |
| 781 | Primary auxilioque iuva!” Lacrimae sunt verba secutae. |
| 782 | Primary Visa dea est movisse suas (et moverat) aras, |
| 783 | Primary et templi tremuere fores, imitataque lunam |
| 784 | Primary cornua fulserunt, crepuitque sonabile sistrum. |
| 785 | Primary Non secura quidem, fausto tamen omine laeta |
| 786 | Primary mater abit templo: sequitur comes Iphis euntem, |
| 787 | Primary quam solita est, maiore gradu, nec candor in ore |
| 788 | Primary permanet, et vires augentur, et acrior ipse est |
| 789 | Primary vultus, et incomptis brevior mensura capillis, |
| 790 | Primary plusque vigoris adest, habuit quam femina. Nam quae |
| 791 | Primary femina nuper eras, puer es. Date munera templis |
| 792 | Primary nec timida gaudete fide! Dant munera templis, |
| 793 | Primary addunt et titulum; titulus breve carmen habebat: |
| 794 | Primary DONA PUER SOLVIT QUAE FEMINA VOVERAT IPHIS |
| 795 | Primary Postera lux radiis latum patefecerat orbem, |
| 796 | Primary cum Venus et Iuno sociosque Hymenaeus ad ignes |
| 797 | Primary conveniunt, potiturque sua puer Iphis Ianthe. |