Reader
Reader | Odyssey, Book 10
Odyssey
Homer
Text
Position
Line 1 of 574
Waypoints
| Line Ref | A. T. Murray | Ancient Greek |
|---|---|
| 1 | Primary Αἰολίην δʼ ἐς νῆσον ἀφικόμεθʼ· ἔνθα δʼ ἔναιεν |
| 2 | Primary Αἴολος Ἱπποτάδης, φίλος ἀθανάτοισι θεοῖσιν, |
| 3 | Primary πλωτῇ ἐνὶ νήσῳ· πᾶσαν δέ τέ μιν πέρι τεῖχος |
| 4 | Primary χάλκεον ἄρρηκτον, λισσὴ δʼ ἀναδέδρομε πέτρη. |
| 5 | Primary τοῦ καὶ δώδεκα παῖδες ἐνὶ μεγάροις γεγάασιν, |
| 6 | Primary ἓξ μὲν θυγατέρες, ἓξ δʼ υἱέες ἡβώοντες· |
| 7 | Primary ἔνθʼ ὅ γε θυγατέρας πόρεν υἱάσιν εἶναι ἀκοίτις. |
| 8 | Primary οἱ δʼ αἰεὶ παρὰ πατρὶ φίλῳ καὶ μητέρι κεδνῇ |
| 9 | Primary δαίνυνται, παρὰ δέ σφιν ὀνείατα μυρία κεῖται, |
| 10 | Primary κνισῆεν δέ τε δῶμα περιστεναχίζεται αὐλῇ |
| 11 | Primary ἤματα· νύκτας δʼ αὖτε παρʼ αἰδοίῃς ἀλόχοισιν |
| 12 | Primary εὕδουσʼ ἔν τε τάπησι καὶ ἐν τρητοῖσι λέχεσσι. |
| 13 | Primary καὶ μὲν τῶν ἱκόμεσθα πόλιν καὶ δώματα καλά. |
| 14 | Primary μῆνα δὲ πάντα φίλει με καὶ ἐξερέεινεν ἕκαστα, |
| 15 | Primary Ἴλιον Ἀργείων τε νέας καὶ νόστον Ἀχαιῶν· |
| 16 | Primary καὶ μὲν ἐγὼ τῷ πάντα κατὰ μοῖραν κατέλεξα. |
| 17 | Primary ἀλλʼ ὅτε δὴ καὶ ἐγὼν ὁδὸν ᾔτεον ἠδʼ ἐκέλευον |
| 18 | Primary πεμπέμεν, οὐδέ τι κεῖνος ἀνήνατο, τεῦχε δὲ πομπήν. |
| 19 | Primary δῶκε δέ μʼ ἐκδείρας ἀσκὸν βοὸς ἐννεώροιο, |
| 20 | Primary ἔνθα δὲ βυκτάων ἀνέμων κατέδησε κέλευθα· |
| 21 | Primary κεῖνον γὰρ ταμίην ἀνέμων ποίησε Κρονίων, |
| 22 | Primary ἠμὲν παυέμεναι ἠδʼ ὀρνύμεν, ὅν κʼ ἐθέλῃσι. |
| 23 | Primary νηὶ δʼ ἐνὶ γλαφυρῇ κατέδει μέρμιθι φαεινῇ |
| 24 | Primary ἀργυρέῃ, ἵνα μή τι παραπνεύσῃ ὀλίγον περ· |
| 25 | Primary αὐτὰρ ἐμοὶ πνοιὴν Ζεφύρου προέηκεν ἀῆναι, |
| 26 | Primary ὄφρα φέροι νῆάς τε καὶ αὐτούς· οὐδʼ ἄρʼ ἔμελλεν |
| 27 | Primary ἐκτελέειν· αὐτῶν γὰρ ἀπωλόμεθʼ ἀφραδίῃσιν. |
| 28 | Primary ἐννῆμαρ μὲν ὁμῶς πλέομεν νύκτας τε καὶ ἦμαρ, |
| 29 | Primary τῇ δεκάτῃ δʼ ἤδη ἀνεφαίνετο πατρὶς ἄρουρα, |
| 30 | Primary καὶ δὴ πυρπολέοντας ἐλεύσσομεν ἐγγὺς ἐόντες· |
| 31 | Primary ἔνθʼ ἐμὲ μὲν γλυκὺς ὕπνος ἐπήλυθε κεκμηῶτα, |
| 32 | Primary αἰεὶ γὰρ πόδα νηὸς ἐνώμων, οὐδέ τῳ ἄλλῳ |
| 33 | Primary δῶχʼ ἑτάρων, ἵνα θᾶσσον ἱκοίμεθα πατρίδα γαῖαν· |
| 34 | Primary οἱ δʼ ἕταροι ἐπέεσσι πρὸς ἀλλήλους ἀγόρευον, |
| 35 | Primary καί μʼ ἔφασαν χρυσόν τε καὶ ἄργυρον οἴκαδʼ ἄγεσθαι |
| 36 | Primary δῶρα παρʼ Αἰόλου μεγαλήτορος Ἱπποτάδαο. |
| 37 | Primary ὧδε δέ τις εἴπεσκεν ἰδὼν ἐς πλησίον ἄλλον· |
| 38 | Primary ὦ πόποι, ὡς ὅδε πᾶσι φίλος καὶ τίμιός ἐστιν |
| 39 | Primary ἀνθρώποις, ὅτεών τε πόλιν καὶ γαῖαν ἵκηται. |
| 40 | Primary πολλὰ μὲν ἐκ Τροίης ἄγεται κειμήλια καλὰ |
| 41 | Primary ληίδος, ἡμεῖς δʼ αὖτε ὁμὴν ὁδὸν ἐκτελέσαντες |
| 42 | Primary οἴκαδε νισσόμεθα κενεὰς σὺν χεῖρας ἔχοντες· |
| 43 | Primary καὶ νῦν οἱ τάδʼ ἔδωκε χαριζόμενος φιλότητι |
| 44 | Primary Αἴολος. ἀλλʼ ἄγε θᾶσσον ἰδώμεθα ὅττι τάδʼ ἐστίν, |
| 45 | Primary ὅσσος τις χρυσός τε καὶ ἄργυρος ἀσκῷ ἔνεστιν. |
| 46 | Primary ὣς ἔφασαν, βουλὴ δὲ κακὴ νίκησεν ἑταίρων· |
| 47 | Primary ἀσκὸν μὲν λῦσαν, ἄνεμοι δʼ ἐκ πάντες ὄρουσαν. |
| 48 | Primary τοὺς δʼ αἶψʼ ἁρπάξασα φέρεν πόντονδε θύελλα |
| 49 | Primary κλαίοντας, γαίης ἄπο πατρίδος. αὐτὰρ ἐγώ γε |
| 50 | Primary ἐγρόμενος κατὰ θυμὸν ἀμύμονα μερμήριξα, |
| 51 | Primary ἠὲ πεσὼν ἐκ νηὸς ἀποφθίμην ἐνὶ πόντῳ, |
| 52 | Primary ἦ ἀκέων τλαίην καὶ ἔτι ζωοῖσι μετείην. |
| 53 | Primary ἀλλʼ ἔτλην καὶ ἔμεινα, καλυψάμενος δʼ ἐνὶ νηὶ |
| 54 | Primary κείμην. αἱ δʼ ἐφέροντο κακῇ ἀνέμοιο θυέλλῃ |
| 55 | Primary αὖτις ἐπʼ Αἰολίην νῆσον, στενάχοντο δʼ ἑταῖροι. |
| 56 | Primary ἔνθα δʼ ἐπʼ ἠπείρου βῆμεν καὶ ἀφυσσάμεθʼ ὕδωρ, |
| 57 | Primary αἶψα δὲ δεῖπνον ἕλοντο θοῇς παρὰ νηυσὶν ἑταῖροι. |
| 58 | Primary αὐτὰρ ἐπεὶ σίτοιό τʼ ἐπασσάμεθʼ ἠδὲ ποτῆτος, |
| 59 | Primary δὴ τότʼ ἐγὼ κήρυκά τʼ ὀπασσάμενος καὶ ἑταῖρον |
| 60 | Primary βῆν εἰς Αἰόλου κλυτὰ δώματα· τὸν δʼ ἐκίχανον |
| 61 | Primary δαινύμενον παρὰ ᾗ τʼ ἀλόχῳ καὶ οἷσι τέκεσσιν. |
| 62 | Primary ἐλθόντες δʼ ἐς δῶμα παρὰ σταθμοῖσιν ἐπʼ οὐδοῦ |
| 63 | Primary ἑζόμεθʼ· οἱ δʼ ἀνὰ θυμὸν ἐθάμβεον ἔκ τʼ ἐρέοντο· |
| 64 | Primary πῶς ἦλθες, Ὀδυσεῦ; τίς τοι κακὸς ἔχραε δαίμων; |
| 65 | Primary ἦ μέν σʼ ἐνδυκέως ἀπεπέμπομεν, ὄφρʼ ἀφίκοιο |
| 66 | Primary πατρίδα σὴν καὶ δῶμα καὶ εἴ πού τοι φίλον ἐστίν. |
| 67 | Primary ὣς φάσαν, αὐτὰρ ἐγὼ μετεφώνεον ἀχνύμενος κῆρ· |
| 68 | Primary ἄασάν μʼ ἕταροί τε κακοὶ πρὸς τοῖσί τε ὕπνος |
| 69 | Primary σχέτλιος. ἀλλʼ ἀκέσασθε, φίλοι· δύναμις γὰρ ἐν ὑμῖν. |
| 70 | Primary ὣς ἐφάμην μαλακοῖσι καθαπτόμενος ἐπέεσσιν, |
| 71 | Primary οἱ δʼ ἄνεῳ ἐγένοντο· πατὴρ δʼ ἠμείβετο μύθῳ· |
| 72 | Primary ἔρρʼ ἐκ νήσου θᾶσσον, ἐλέγχιστε ζωόντων· |
| 73 | Primary οὐ γάρ μοι θέμις ἐστὶ κομιζέμεν οὐδʼ ἀποπέμπειν |
| 74 | Primary ἄνδρα τόν, ὅς κε θεοῖσιν ἀπέχθηται μακάρεσσιν· |
| 75 | Primary ἔρρε, ἐπεὶ ἄρα θεοῖσιν ἀπεχθόμενος τόδʼ ἱκάνεις. |
| 76 | Primary ὣς εἰπὼν ἀπέπεμπε δόμων βαρέα στενάχοντα. |
| 77 | Primary ἔνθεν δὲ προτέρω πλέομεν ἀκαχήμενοι ἦτορ. |
| 78 | Primary τείρετο δʼ ἀνδρῶν θυμὸς ὑπʼ εἰρεσίης ἀλεγεινῆς |
| 79 | Primary ἡμετέρῃ ματίῃ, ἐπεὶ οὐκέτι φαίνετο πομπή. |
| 80 | Primary ἑξῆμαρ μὲν ὁμῶς πλέομεν νύκτας τε καὶ ἦμαρ, |
| 81 | Primary ἑβδομάτῃ δʼ ἱκόμεσθα Λάμου αἰπὺ πτολίεθρον, |
| 82 | Primary Τηλέπυλον Λαιστρυγονίην, ὅθι ποιμένα ποιμὴν |
| 83 | Primary ἠπύει εἰσελάων, ὁ δέ τʼ ἐξελάων ὑπακούει. |
| 84 | Primary ἔνθα κʼ ἄυπνος ἀνὴρ δοιοὺς ἐξήρατο μισθούς, |
| 85 | Primary τὸν μὲν βουκολέων, τὸν δʼ ἄργυφα μῆλα νομεύων· |
| 86 | Primary ἐγγὺς γὰρ νυκτός τε καὶ ἤματός εἰσι κέλευθοι. |
| 87 | Primary ἔνθʼ ἐπεὶ ἐς λιμένα κλυτὸν ἤλθομεν, ὃν πέρι πέτρη |
| 88 | Primary ἠλίβατος τετύχηκε διαμπερὲς ἀμφοτέρωθεν, |
| 89 | Primary ἀκταὶ δὲ προβλῆτες ἐναντίαι ἀλλήλῃσιν |
| 90 | Primary ἐν στόματι προύχουσιν, ἀραιὴ δʼ εἴσοδός ἐστιν, |
| 91 | Primary ἔνθʼ οἵ γʼ εἴσω πάντες ἔχον νέας ἀμφιελίσσας. |
| 92 | Primary αἱ μὲν ἄρʼ ἔντοσθεν λιμένος κοίλοιο δέδεντο |
| 93 | Primary πλησίαι· οὐ μὲν γάρ ποτʼ ἀέξετο κῦμά γʼ ἐν αὐτῷ, |
| 94 | Primary οὔτε μέγʼ οὔτʼ ὀλίγον, λευκὴ δʼ ἦν ἀμφὶ γαλήνη· |
| 95 | Primary αὐτὰρ ἐγὼν οἶος σχέθον ἔξω νῆα μέλαιναν, |
| 96 | Primary αὐτοῦ ἐπʼ ἐσχατιῇ, πέτρης ἐκ πείσματα δήσας· |
| 97 | Primary ἔστην δὲ σκοπιὴν ἐς παιπαλόεσσαν ἀνελθών. |
| 98 | Primary ἔνθα μὲν οὔτε βοῶν οὔτʼ ἀνδρῶν φαίνετο ἔργα, |
| 99 | Primary καπνὸν δʼ οἶον ὁρῶμεν ἀπὸ χθονὸς ἀίσσοντα. |
| 100 | Primary δὴ τότʼ ἐγὼν ἑτάρους προΐειν πεύθεσθαι ἰόντας, |
| 101 | Primary οἵ τινες ἀνέρες εἶεν ἐπὶ χθονὶ σῖτον ἔδοντες, |
| 102 | Primary ἄνδρε δύω κρίνας, τρίτατον κήρυχʼ ἅμʼ ὀπάσσας. |
| 103 | Primary οἱ δʼ ἴσαν ἐκβάντες λείην ὁδόν, ᾗ περ ἄμαξαι |
| 104 | Primary ἄστυδʼ ἀφʼ ὑψηλῶν ὀρέων καταγίνεον ὕλην, |
| 105 | Primary κούρῃ δὲ ξύμβληντο πρὸ ἄστεος ὑδρευούσῃ, |
| 106 | Primary θυγατέρʼ ἰφθίμῃ Λαιστρυγόνος Ἀντιφάταο. |
| 107 | Primary ἡ μὲν ἄρʼ ἐς κρήνην κατεβήσετο καλλιρέεθρον |
| 108 | Primary Ἀρτακίην· ἔνθεν γὰρ ὕδωρ προτὶ ἄστυ φέρεσκον· |
| 109 | Primary οἱ δὲ παριστάμενοι προσεφώνεον ἔκ τʼ ἐρέοντο |
| 110 | Primary ὅς τις τῶνδʼ εἴη βασιλεὺς καὶ οἷσιν ἀνάσσοι· |
| 111 | Primary ἡ δὲ μάλʼ αὐτίκα πατρὸς ἐπέφραδεν ὑψερεφὲς δῶ. |
| 112 | Primary οἱ δʼ ἐπεὶ εἰσῆλθον κλυτὰ δώματα, τὴν δὲ γυναῖκα |
| 113 | Primary εὗρον, ὅσην τʼ ὄρεος κορυφήν, κατὰ δʼ ἔστυγον αὐτήν. |
| 114 | Primary ἡ δʼ αἶψʼ ἐξ ἀγορῆς ἐκάλει κλυτὸν Ἀντιφατῆα, |
| 115 | Primary ὃν πόσιν, ὃς δὴ τοῖσιν ἐμήσατο λυγρὸν ὄλεθρον. |
| 116 | Primary αὐτίχʼ ἕνα μάρψας ἑτάρων ὡπλίσσατο δεῖπνον· |
| 117 | Primary τὼ δὲ δύʼ ἀίξαντε φυγῇ ἐπὶ νῆας ἱκέσθην. |
| 118 | Primary αὐτὰρ ὁ τεῦχε βοὴν διὰ ἄστεος· οἱ δʼ ἀίοντες |
| 119 | Primary φοίτων ἴφθιμοι Λαιστρυγόνες ἄλλοθεν ἄλλος, |
| 120 | Primary μυρίοι, οὐκ ἄνδρεσσιν ἐοικότες, ἀλλὰ Γίγασιν. |
| 121 | Primary οἵ ῥʼ ἀπὸ πετράων ἀνδραχθέσι χερμαδίοισιν |
| 122 | Primary βάλλον· ἄφαρ δὲ κακὸς κόναβος κατὰ νῆας ὀρώρει |
| 123 | Primary ἀνδρῶν τʼ ὀλλυμένων νηῶν θʼ ἅμα ἀγνυμενάων· |
| 124 | Primary ἰχθῦς δʼ ὣς πείροντες ἀτερπέα δαῖτα φέροντο. |
| 125 | Primary ὄφρʼ οἱ τοὺς ὄλεκον λιμένος πολυβενθέος ἐντός, |
| 126 | Primary τόφρα δʼ ἐγὼ ξίφος ὀξὺ ἐρυσσάμενος παρὰ μηροῦ |
| 127 | Primary τῷ ἀπὸ πείσματʼ ἔκοψα νεὸς κυανοπρῴροιο. |
| 128 | Primary αἶψα δʼ ἐμοῖς ἑτάροισιν ἐποτρύνας ἐκέλευσα |
| 129 | Primary ἐμβαλέειν κώπῃς, ἵνʼ ὑπὲκ κακότητα φύγοιμεν· |
| 130 | Primary οἱ δʼ ἅλα πάντες ἀνέρριψαν, δείσαντες ὄλεθρον. |
| 131 | Primary ἀσπασίως δʼ ἐς πόντον ἐπηρεφέας φύγε πέτρας |
| 132 | Primary νηῦς ἐμή· αὐτὰρ αἱ ἄλλαι ἀολλέες αὐτόθʼ ὄλοντο. |
| 133 | Primary ἔνθεν δὲ προτέρω πλέομεν ἀκαχήμενοι ἦτορ, |
| 134 | Primary ἄσμενοι ἐκ θανάτοιο, φίλους ὀλέσαντες ἑταίρους. |
| 135 | Primary Αἰαίην δʼ ἐς νῆσον ἀφικόμεθʼ· ἔνθα δʼ ἔναιε |
| 136 | Primary Κίρκη ἐυπλόκαμος, δεινὴ θεὸς αὐδήεσσα, |
| 137 | Primary αὐτοκασιγνήτη ὀλοόφρονος Αἰήταο· |
| 138 | Primary ἄμφω δʼ ἐκγεγάτην φαεσιμβρότου Ἠελίοιο |
| 139 | Primary μητρός τʼ ἐκ Πέρσης, τὴν Ὠκεανὸς τέκε παῖδα. |
| 140 | Primary ἔνθα δʼ ἐπʼ ἀκτῆς νηὶ κατηγαγόμεσθα σιωπῇ |
| 141 | Primary ναύλοχον ἐς λιμένα, καί τις θεὸς ἡγεμόνευεν. |
| 142 | Primary ἔνθα τότʼ ἐκβάντες δύο τʼ ἤματα καὶ δύο νύκτας |
| 143 | Primary κείμεθʼ ὁμοῦ καμάτῳ τε καὶ ἄλγεσι θυμὸν ἔδοντες. |
| 144 | Primary ἀλλʼ ὅτε δὴ τρίτον ἦμαρ ἐυπλόκαμος τέλεσʼ Ἠώς, |
| 145 | Primary καὶ τότʼ ἐγὼν ἐμὸν ἔγχος ἑλὼν καὶ φάσγανον ὀξὺ |
| 146 | Primary καρπαλίμως παρὰ νηὸς ἀνήιον ἐς περιωπήν, |
| 147 | Primary εἴ πως ἔργα ἴδοιμι βροτῶν ἐνοπήν τε πυθοίμην. |
| 148 | Primary ἔστην δὲ σκοπιὴν ἐς παιπαλόεσσαν ἀνελθών, |
| 149 | Primary καί μοι ἐείσατο καπνὸς ἀπὸ χθονὸς εὐρυοδείης, |
| 150 | Primary Κίρκης ἐν μεγάροισι, διὰ δρυμὰ πυκνὰ καὶ ὕλην. |
| 151 | Primary μερμήριξα δʼ ἔπειτα κατὰ φρένα καὶ κατὰ θυμὸν |
| 152 | Primary ἐλθεῖν ἠδὲ πυθέσθαι, ἐπεὶ ἴδον αἴθοπα καπνόν. |
| 153 | Primary ὧδε δέ μοι φρονέοντι δοάσσατο κέρδιον εἶναι, |
| 154 | Primary πρῶτʼ ἐλθόντʼ ἐπὶ νῆα θοὴν καὶ θῖνα θαλάσσης |
| 155 | Primary δεῖπνον ἑταίροισιν δόμεναι προέμεν τε πυθέσθαι. |
| 156 | Primary ἀλλʼ ὅτε δὴ σχεδὸν ἦα κιὼν νεὸς ἀμφιελίσσης, |
| 157 | Primary καὶ τότε τίς με θεῶν ὀλοφύρατο μοῦνον ἐόντα, |
| 158 | Primary ὅς ῥά μοι ὑψίκερων ἔλαφον μέγαν εἰς ὁδὸν αὐτὴν |
| 159 | Primary ἧκεν. ὁ μὲν ποταμόνδε κατήιεν ἐκ νομοῦ ὕλης |
| 160 | Primary πιόμενος· δὴ γάρ μιν ἔχεν μένος ἠελίοιο. |
| 161 | Primary τὸν δʼ ἐγὼ ἐκβαίνοντα κατʼ ἄκνηστιν μέσα νῶτα |
| 162 | Primary πλῆξα· τὸ δʼ ἀντικρὺ δόρυ χάλκεον ἐξεπέρησε, |
| 163 | Primary κὰδ δʼ ἔπεσʼ ἐν κονίῃσι μακών, ἀπὸ δʼ ἔπτατο θυμός. |
| 164 | Primary τῷ δʼ ἐγὼ ἐμβαίνων δόρυ χάλκεον ἐξ ὠτειλῆς |
| 165 | Primary εἰρυσάμην· τὸ μὲν αὖθι κατακλίνας ἐπὶ γαίῃ |
| 166 | Primary εἴασʼ· αὐτὰρ ἐγὼ σπασάμην ῥῶπάς τε λύγους τε, |
| 167 | Primary πεῖσμα δʼ, ὅσον τʼ ὄργυιαν, ἐυστρεφὲς ἀμφοτέρωθεν |
| 168 | Primary πλεξάμενος συνέδησα πόδας δεινοῖο πελώρου, |
| 169 | Primary βῆν δὲ καταλοφάδεια φέρων ἐπὶ νῆα μέλαιναν |
| 170 | Primary ἔγχει ἐρειδόμενος, ἐπεὶ οὔ πως ἦεν ἐπʼ ὤμου |
| 171 | Primary χειρὶ φέρειν ἑτέρῃ· μάλα γὰρ μέγα θηρίον ἦεν. |
| 172 | Primary κὰδʼ δʼ ἔβαλον προπάροιθε νεός, ἀνέγειρα δʼ ἑταίρους |
| 173 | Primary μειλιχίοις ἐπέεσσι παρασταδὸν ἄνδρα ἕκαστον· |
| 174 | Primary ὦ φίλοι, οὐ γάρ πω καταδυσόμεθʼ ἀχνύμενοί περ |
| 175 | Primary εἰς Ἀίδαο δόμους, πρὶν μόρσιμον ἦμαρ ἐπέλθῃ· |
| 176 | Primary ἀλλʼ ἄγετʼ, ὄφρʼ ἐν νηὶ θοῇ βρῶσίς τε πόσις τε, |
| 177 | Primary μνησόμεθα βρώμης, μηδὲ τρυχώμεθα λιμῷ. |
| 178 | Primary ὣς ἐφάμην, οἱ δʼ ὦκα ἐμοῖς ἐπέεσσι πίθοντο, |
| 179 | Primary ἐκ δὲ καλυψάμενοι παρὰ θῖνʼ ἁλὸς ἀτρυγέτοιο |
| 180 | Primary θηήσαντʼ ἔλαφον· μάλα γὰρ μέγα θηρίον ἦεν. |
| 181 | Primary αὐτὰρ ἐπεὶ τάρπησαν ὁρώμενοι ὀφθαλμοῖσιν, |
| 182 | Primary χεῖρας νιψάμενοι τεύχοντʼ ἐρικυδέα δαῖτα. |
| 183 | Primary ὣς τότε μὲν πρόπαν ἦμαρ ἐς ἠέλιον καταδύντα |
| 184 | Primary ἥμεθα δαινύμενοι κρέα τʼ ἄσπετα καὶ μέθυ ἡδύ· |
| 185 | Primary ἦμος δʼ ἠέλιος κατέδυ καὶ ἐπὶ κνέφας ἦλθε, |
| 186 | Primary δὴ τότε κοιμήθημεν ἐπὶ ῥηγμῖνι θαλάσσης. |
| 187 | Primary ἦμος δʼ ἠριγένεια φάνη ῥοδοδάκτυλος Ἠώς, |
| 188 | Primary καὶ τότʼ ἐγὼν ἀγορὴν θέμενος μετὰ πᾶσιν ἔειπον· |
| 189 | Primary κέκλυτέ μευ μύθων, κακά περ πάσχοντες ἑταῖροι· |
| 190 | Primary ὦ φίλοι, οὐ γάρ τʼ ἴδμεν, ὅπῃ ζόφος οὐδʼ ὅπῃ ἠώς, |
| 191 | Primary οὐδʼ ὅπῃ ἠέλιος φαεσίμβροτος εἶσʼ ὑπὸ γαῖαν, |
| 192 | Primary οὐδʼ ὅπῃ ἀννεῖται· ἀλλὰ φραζώμεθα θᾶσσον |
| 193 | Primary εἴ τις ἔτʼ ἔσται μῆτις. ἐγὼ δʼ οὔκ οἴομαι εἶναι. |
| 194 | Primary εἶδον γὰρ σκοπιὴν ἐς παιπαλόεσσαν ἀνελθὼν |
| 195 | Primary νῆσον, τὴν πέρι πόντος ἀπείριτος ἐστεφάνωται· |
| 196 | Primary αὐτὴ δὲ χθαμαλὴ κεῖται· καπνὸν δʼ ἐνὶ μέσσῃ |
| 197 | Primary ἔδρακον ὀφθαλμοῖσι διὰ δρυμὰ πυκνὰ καὶ ὕλην. |
| 198 | Primary ὣς ἐφάμην, τοῖσιν δὲ κατεκλάσθη φίλον ἦτορ |
| 199 | Primary μνησαμένοις ἔργων Λαιστρυγόνος Ἀντιφάταο |
| 200 | Primary Κύκλωπός τε βίης μεγαλήτορος, ἀνδροφάγοιο. |
| 201 | Primary κλαῖον δὲ λιγέως θαλερὸν κατὰ δάκρυ χέοντες· |
| 202 | Primary ἀλλʼ οὐ γάρ τις πρῆξις ἐγίγνετο μυρομένοισιν. |
| 203 | Primary αὐτὰρ ἐγὼ δίχα πάντας ἐυκνήμιδας ἑταίρους |
| 204 | Primary ἠρίθμεον, ἀρχὸν δὲ μετʼ ἀμφοτέροισιν ὄπασσα· |
| 205 | Primary τῶν μὲν ἐγὼν ἦρχον, τῶν δʼ Εὐρύλοχος θεοειδής. |
| 206 | Primary κλήρους δʼ ἐν κυνέῃ χαλκήρεϊ πάλλομεν ὦκα· |
| 207 | Primary ἐκ δʼ ἔθορε κλῆρος μεγαλήτορος Εὐρυλόχοιο. |
| 208 | Primary βῆ δʼ ἰέναι, ἅμα τῷ γε δύω καὶ εἴκοσʼ ἑταῖροι |
| 209 | Primary κλαίοντες· κατὰ δʼ ἄμμε λίπον γοόωντας ὄπισθεν. |
| 210 | Primary εὗρον δʼ ἐν βήσσῃσι τετυγμένα δώματα Κίρκης |
| 211 | Primary ξεστοῖσιν λάεσσι, περισκέπτῳ ἐνὶ χώρῳ· |
| 212 | Primary ἀμφὶ δέ μιν λύκοι ἦσαν ὀρέστεροι ἠδὲ λέοντες, |
| 213 | Primary τοὺς αὐτὴ κατέθελξεν, ἐπεὶ κακὰ φάρμακʼ ἔδωκεν. |
| 214 | Primary οὐδʼ οἵ γʼ ὡρμήθησαν ἐπʼ ἀνδράσιν, ἀλλʼ ἄρα τοί γε |
| 215 | Primary οὐρῇσιν μακρῇσι περισσαίνοντες ἀνέσταν. |
| 216 | Primary ὡς δʼ ὅτʼ ἂν ἀμφὶ ἄνακτα κύνες δαίτηθεν ἰόντα |
| 217 | Primary σαίνωσʼ, αἰεὶ γάρ τε φέρει μειλίγματα θυμοῦ, |
| 218 | Primary ὣς τοὺς ἀμφὶ λύκοι κρατερώνυχες ἠδὲ λέοντες |
| 219 | Primary σαῖνον· τοὶ δʼ ἔδεισαν, ἐπεὶ ἴδον αἰνὰ πέλωρα. |
| 220 | Primary ἔσταν δʼ ἐν προθύροισι θεᾶς καλλιπλοκάμοιο, |
| 221 | Primary Κίρκης δʼ ἔνδον ἄκουον ἀειδούσης ὀπὶ καλῇ, |
| 222 | Primary ἱστὸν ἐποιχομένης μέγαν ἄμβροτον, οἷα θεάων |
| 223 | Primary λεπτά τε καὶ χαρίεντα καὶ ἀγλαὰ ἔργα πέλονται. |
| 224 | Primary τοῖσι δὲ μύθων ἦρχε Πολίτης ὄρχαμος ἀνδρῶν, |
| 225 | Primary ὅς μοι κήδιστος ἑτάρων ἦν κεδνότατός τε· |
| 226 | Primary ὦ φίλοι, ἔνδον γάρ τις ἐποιχομένη μέγαν ἱστὸν |
| 227 | Primary καλὸν ἀοιδιάει, δάπεδον δʼ ἅπαν ἀμφιμέμυκεν, |
| 228 | Primary ἢ θεὸς ἠὲ γυνή· ἀλλὰ φθεγγώμεθα θᾶσσον. |
| 229 | Primary ὣς ἄρʼ ἐφώνησεν, τοὶ δὲ φθέγγοντο καλεῦντες. |
| 230 | Primary ἡ δʼ αἶψʼ ἐξελθοῦσα θύρας ὤιξε φαεινὰς |
| 231 | Primary καὶ κάλει· οἱ δʼ ἅμα πάντες ἀιδρείῃσιν ἕποντο· |
| 232 | Primary Εὐρύλοχος δʼ ὑπέμεινεν, ὀισάμενος δόλον εἶναι. |
| 233 | Primary εἷσεν δʼ εἰσαγαγοῦσα κατὰ κλισμούς τε θρόνους τε, |
| 234 | Primary ἐν δέ σφιν τυρόν τε καὶ ἄλφιτα καὶ μέλι χλωρὸν |
| 235 | Primary οἴνῳ Πραμνείῳ ἐκύκα· ἀνέμισγε δὲ σίτῳ |
| 236 | Primary φάρμακα λύγρʼ, ἵνα πάγχυ λαθοίατο πατρίδος αἴης. |
| 237 | Primary αὐτὰρ ἐπεὶ δῶκέν τε καὶ ἔκπιον, αὐτίκʼ ἔπειτα |
| 238 | Primary ῥάβδῳ πεπληγυῖα κατὰ συφεοῖσιν ἐέργνυ. |
| 239 | Primary οἱ δὲ συῶν μὲν ἔχον κεφαλὰς φωνήν τε τρίχας τε |
| 240 | Primary καὶ δέμας, αὐτὰρ νοῦς ἦν ἔμπεδος, ὡς τὸ πάρος περ. |
| 241 | Primary ὣς οἱ μὲν κλαίοντες ἐέρχατο, τοῖσι δὲ Κίρκη |
| 242 | Primary πάρ ῥʼ ἄκυλον βάλανόν τε βάλεν καρπόν τε κρανείης |
| 243 | Primary ἔδμεναι, οἷα σύες χαμαιευνάδες αἰὲν ἔδουσιν. |
| 244 | Primary Εὐρύλοχος δʼ αἶψʼ ἦλθε θοὴν ἐπὶ νῆα μέλαιναν |
| 245 | Primary ἀγγελίην ἑτάρων ἐρέων καὶ ἀδευκέα πότμον. |
| 246 | Primary οὐδέ τι ἐκφάσθαι δύνατο ἔπος ἱέμενός περ, |
| 247 | Primary κῆρ ἄχεϊ μεγάλῳ βεβολημένος· ἐν δέ οἱ ὄσσε |
| 248 | Primary δακρυόφιν πίμπλαντο, γόον δʼ ὠίετο θυμός. |
| 249 | Primary ἀλλʼ ὅτε δή μιν πάντες ἀγασσάμεθʼ ἐξερέοντες, |
| 250 | Primary καὶ τότε τῶν ἄλλων ἑτάρων κατέλεξεν ὄλεθρον· |
| 251 | Primary ἤιομεν, ὡς ἐκέλευες, ἀνὰ δρυμά, φαίδιμʼ Ὀδυσσεῦ· |
| 252 | Primary εὕρομεν ἐν βήσσῃσι τετυγμένα δώματα καλὰ |
| 253 | Primary ξεστοῖσιν λάεσσι, περισκέπτῳ ἐνὶ χώρῳ. |
| 254 | Primary ἔνθα δέ τις μέγαν ἱστὸν ἐποιχομένη λίγʼ ἄειδεν, |
| 255 | Primary ἢ θεὸς ἠὲ γυνή· τοὶ δὲ φθέγγοντο καλεῦντες. |
| 256 | Primary ἡ δʼ αἶψʼ ἐξελθοῦσα θύρας ὤιξε φαεινὰς |
| 257 | Primary καὶ κάλει· οἱ δʼ ἅμα πάντες ἀιδρείῃσιν ἕποντο· |
| 258 | Primary αὐτὰρ ἐγὼν ὑπέμεινα, ὀισάμενος δόλον εἶναι. |
| 259 | Primary οἱ δʼ ἅμʼ ἀιστώθησαν ἀολλέες, οὐδέ τις αὐτῶν |
| 260 | Primary ἐξεφάνη· δηρὸν δὲ καθήμενος ἐσκοπίαζον. |
| 261 | Primary ὣς ἔφατʼ, αὐτὰρ ἐγὼ περὶ μὲν ξίφος ἀργυρόηλον |
| 262 | Primary ὤμοιιν βαλόμην, μέγα χάλκεον, ἀμφὶ δὲ τόξα· |
| 263 | Primary τὸν δʼ ἂψ ἠνώγεα αὐτὴν ὁδὸν ἡγήσασθαι. |
| 264 | Primary αὐτὰρ ὅ γʼ ἀμφοτέρῃσι λαβὼν ἐλλίσσετο γούνων |
| 265 | Primary καί μʼ ὀλοφυρόμενος ἔπεα πτερόεντα προσηύδα· |
| 266 | Primary μή μʼ ἄγε κεῖσʼ ἀέκοντα, διοτρεφές, ἀλλὰ λίπʼ αὐτοῦ. |
| 267 | Primary οἶδα γάρ, ὡς οὔτʼ αὐτὸς ἐλεύσεαι οὔτε τινʼ ἄλλον |
| 268 | Primary ἄξεις σῶν ἑτάρων. ἀλλὰ ξὺν τοίσδεσι θᾶσσον |
| 269 | Primary φεύγωμεν· ἔτι γάρ κεν ἀλύξαιμεν κακὸν ἦμαρ. |
| 270 | Primary ὣς ἔφατʼ, αὐτὰρ ἐγώ μιν ἀμειβόμενος προσέειπον· |
| 271 | Primary Εὐρύλοχʼ, ἦ τοι μὲν σὺ μένʼ αὐτοῦ τῷδʼ ἐνὶ χώρῳ |
| 272 | Primary ἔσθων καὶ πίνων κοίλῃ παρὰ νηὶ μελαίνῃ· |
| 273 | Primary αὐτὰρ ἐγὼν εἶμι, κρατερὴ δέ μοι ἔπλετʼ ἀνάγκη. |
| 274 | Primary ὣς εἰπὼν παρὰ νηὸς ἀνήιον ἠδὲ θαλάσσης. |
| 275 | Primary ἀλλʼ ὅτε δὴ ἄρʼ ἔμελλον ἰὼν ἱερὰς ἀνὰ βήσσας |
| 276 | Primary Κίρκης ἵξεσθαι πολυφαρμάκου ἐς μέγα δῶμα, |
| 277 | Primary ἔνθα μοι Ἑρμείας χρυσόρραπις ἀντεβόλησεν |
| 278 | Primary ἐρχομένῳ πρὸς δῶμα, νεηνίῃ ἀνδρὶ ἐοικώς, |
| 279 | Primary πρῶτον ὑπηνήτῃ, τοῦ περ χαριεστάτη ἥβη· |
| 280 | Primary ἔν τʼ ἄρα μοι φῦ χειρί, ἔπος τʼ ἔφατʼ ἔκ τʼ ὀνόμαζε· |
| 281 | Primary πῇ δὴ αὖτʼ, ὦ δύστηνε, διʼ ἄκριας ἔρχεαι οἶος, |
| 282 | Primary χώρου ἄιδρις ἐών; ἕταροι δέ τοι οἵδʼ ἐνὶ Κίρκης |
| 283 | Primary ἔρχαται ὥς τε σύες πυκινοὺς κευθμῶνας ἔχοντες. |
| 284 | Primary ἦ τοὺς λυσόμενος δεῦρʼ ἔρχεαι; οὐδέ σέ φημι |
| 285 | Primary αὐτὸν νοστήσειν, μενέεις δὲ σύ γʼ, ἔνθα περ ἄλλοι. |
| 286 | Primary ἀλλʼ ἄγε δή σε κακῶν ἐκλύσομαι ἠδὲ σαώσω. |
| 287 | Primary τῆ, τόδε φάρμακον ἐσθλὸν ἔχων ἐς δώματα Κίρκης |
| 288 | Primary ἔρχευ, ὅ κέν τοι κρατὸς ἀλάλκῃσιν κακὸν ἦμαρ. |
| 289 | Primary πάντα δέ τοι ἐρέω ὀλοφώια δήνεα Κίρκης. |
| 290 | Primary τεύξει τοι κυκεῶ, βαλέει δʼ ἐν φάρμακα σίτῳ. |
| 291 | Primary ἀλλʼ οὐδʼ ὣς θέλξαι σε δυνήσεται· οὐ γὰρ ἐάσει |
| 292 | Primary φάρμακον ἐσθλόν, ὅ τοι δώσω, ἐρέω δὲ ἕκαστα. |
| 293 | Primary ὁππότε κεν Κίρκη σʼ ἐλάσῃ περιμήκεϊ ῥάβδῳ, |
| 294 | Primary δὴ τότε σὺ ξίφος ὀξὺ ἐρυσσάμενος παρὰ μηροῦ |
| 295 | Primary Κίρκῃ ἐπαῖξαι, ὥς τε κτάμεναι μενεαίνων. |
| 296 | Primary ἡ δέ σʼ ὑποδείσασα κελήσεται εὐνηθῆναι· |
| 297 | Primary ἔνθα σὺ μηκέτʼ ἔπειτʼ ἀπανήνασθαι θεοῦ εὐνήν, |
| 298 | Primary ὄφρα κέ τοι λύσῃ θʼ ἑτάρους αὐτόν τε κομίσσῃ· |
| 299 | Primary ἀλλὰ κέλεσθαί μιν μακάρων μέγαν ὅρκον ὀμόσσαι, |
| 300 | Primary μή τί τοι αὐτῷ πῆμα κακὸν βουλευσέμεν ἄλλο, |
| 301 | Primary μή σʼ ἀπογυμνωθέντα κακὸν καὶ ἀνήνορα θήῃ. |
| 302 | Primary ὣς ἄρα φωνήσας πόρε φάρμακον ἀργεϊφόντης |
| 303 | Primary ἐκ γαίης ἐρύσας, καί μοι φύσιν αὐτοῦ ἔδειξε. |
| 304 | Primary ῥίζῃ μὲν μέλαν ἔσκε, γάλακτι δὲ εἴκελον ἄνθος· |
| 305 | Primary μῶλυ δέ μιν καλέουσι θεοί· χαλεπὸν δέ τʼ ὀρύσσειν |
| 306 | Primary ἀνδράσι γε θνητοῖσι, θεοὶ δέ τε πάντα δύνανται. |
| 307 | Primary Ἑρμείας μὲν ἔπειτʼ ἀπέβη πρὸς μακρὸν Ὄλυμπον |
| 308 | Primary νῆσον ἀνʼ ὑλήεσσαν, ἐγὼ δʼ ἐς δώματα Κίρκης |
| 309 | Primary ἤια, πολλὰ δέ μοι κραδίη πόρφυρε κιόντι. |
| 310 | Primary ἔστην δʼ εἰνὶ θύρῃσι θεᾶς καλλιπλοκάμοιο· |
| 311 | Primary ἔνθα στὰς ἐβόησα, θεὰ δέ μευ ἔκλυεν αὐδῆς. |
| 312 | Primary ἡ δʼ αἶψʼ ἐξελθοῦσα θύρας ὤιξε φαεινὰς |
| 313 | Primary καὶ κάλει· αὐτὰρ ἐγὼν ἑπόμην ἀκαχήμενος ἦτορ. |
| 314 | Primary εἷσε δέ μʼ εἰσαγαγοῦσα ἐπὶ θρόνου ἀργυροήλου |
| 315 | Primary καλοῦ δαιδαλέου· ὑπὸ δὲ θρῆνυς ποσὶν ἦεν· |
| 316 | Primary τεῦχε δέ μοι κυκεῶ χρυσέῳ δέπαι, ὄφρα πίοιμι, |
| 317 | Primary ἐν δέ τε φάρμακον ἧκε, κακὰ φρονέουσʼ ἐνὶ θυμῷ. |
| 318 | Primary αὐτὰρ ἐπεὶ δῶκέν τε καὶ ἔκπιον, οὐδέ μʼ ἔθελξε, |
| 319 | Primary ῥάβδῳ πεπληγυῖα ἔπος τʼ ἔφατʼ ἔκ τʼ ὀνόμαζεν· |
| 320 | Primary ἔρχεο νῦν συφεόνδε, μετʼ ἄλλων λέξο ἑταίρων. |
| 321 | Primary ὣς φάτʼ, ἐγὼ δʼ ἄορ ὀξὺ ἐρυσσάμενος παρὰ μηροῦ |
| 322 | Primary Κίρκῃ ἐπήιξα ὥς τε κτάμεναι μενεαίνων. |
| 323 | Primary ἡ δὲ μέγα ἰάχουσα ὑπέδραμε καὶ λάβε γούνων, |
| 324 | Primary καί μʼ ὀλοφυρομένη ἔπεα πτερόεντα προσηύδα· |
| 325 | Primary τίς πόθεν εἰς ἀνδρῶν; πόθι τοι πόλις ἠδὲ τοκῆες; |
| 326 | Primary θαῦμά μʼ ἔχει ὡς οὔ τι πιὼν τάδε φάρμακʼ ἐθέλχθης· |
| 327 | Primary οὐδὲ γὰρ οὐδέ τις ἄλλος ἀνὴρ τάδε φάρμακʼ ἀνέτλη, |
| 328 | Primary ὅς κε πίῃ καὶ πρῶτον ἀμείψεται ἕρκος ὀδόντων. |
| 329 | Primary σοὶ δέ τις ἐν στήθεσσιν ἀκήλητος νόος ἐστίν. |
| 330 | Primary ἦ σύ γʼ Ὀδυσσεύς ἐσσι πολύτροπος, ὅν τέ μοι αἰεὶ |
| 331 | Primary φάσκεν ἐλεύσεσθαι χρυσόρραπις ἀργεϊφόντης, |
| 332 | Primary ἐκ Τροίης ἀνιόντα θοῇ σὺν νηὶ μελαίνῃ. |
| 333 | Primary ἀλλʼ ἄγε δὴ κολεῷ μὲν ἄορ θέο, νῶι δʼ ἔπειτα |
| 334 | Primary εὐνῆς ἡμετέρης ἐπιβείομεν, ὄφρα μιγέντε |
| 335 | Primary εὐνῇ καὶ φιλότητι πεποίθομεν ἀλλήλοισιν. |
| 336 | Primary ὣς ἔφατʼ, αὐτὰρ ἐγώ μιν ἀμειβόμενος προσέειπον· |
| 337 | Primary ὦ Κίρκη, πῶς γάρ με κέλεαι σοὶ ἤπιον εἶναι, |
| 338 | Primary ἥ μοι σῦς μὲν ἔθηκας ἐνὶ μεγάροισιν ἑταίρους, |
| 339 | Primary αὐτὸν δʼ ἐνθάδʼ ἔχουσα δολοφρονέουσα κελεύεις |
| 340 | Primary ἐς θάλαμόν τʼ ἰέναι καὶ σῆς ἐπιβήμεναι εὐνῆς, |
| 341 | Primary ὄφρα με γυμνωθέντα κακὸν καὶ ἀνήνορα θήῃς. |
| 342 | Primary οὐδʼ ἂν ἐγώ γʼ ἐθέλοιμι τεῆς ἐπιβήμεναι εὐνῆς, |
| 343 | Primary εἰ μή μοι τλαίης γε, θεά, μέγαν ὅρκον ὀμόσσαι |
| 344 | Primary μή τί μοι αὐτῷ πῆμα κακὸν βουλευσέμεν ἄλλο. |
| 345 | Primary ὣς ἐφάμην, ἡ δʼ αὐτίκʼ ἀπώμνυεν, ὡς ἐκέλευον. |
| 346 | Primary αὐτὰρ ἐπεί ῥʼ ὄμοσέν τε τελεύτησέν τε τὸν ὅρκον, |
| 347 | Primary καὶ τότʼ ἐγὼ Κίρκης ἐπέβην περικαλλέος εὐνῆς. |
| 348 | Primary ἀμφίπολοι δʼ ἄρα τέως μὲν ἐνὶ μεγάροισι πένοντο |
| 349 | Primary τέσσαρες, αἵ οἱ δῶμα κάτα δρήστειραι ἔασι· |
| 350 | Primary γίγνονται δʼ ἄρα ταί γʼ ἔκ τε κρηνέων ἀπό τʼ ἀλσέων |
| 351 | Primary ἔκ θʼ ἱερῶν ποταμῶν, οἵ τʼ εἰς ἅλαδε προρέουσι. |
| 352 | Primary τάων ἡ μὲν ἔβαλλε θρόνοις ἔνι ῥήγεα καλὰ |
| 353 | Primary πορφύρεα καθύπερθʼ, ὑπένερθε δὲ λῖθʼ ὑπέβαλλεν· |
| 354 | Primary ἡ δʼ ἑτέρη προπάροιθε θρόνων ἐτίταινε τραπέζας |
| 355 | Primary ἀργυρέας, ἐπὶ δέ σφι τίθει χρύσεια κάνεια· |
| 356 | Primary ἡ δὲ τρίτη κρητῆρι μελίφρονα οἶνον ἐκίρνα |
| 357 | Primary ἡδὺν ἐν ἀργυρέῳ, νέμε δὲ χρύσεια κύπελλα· |
| 358 | Primary ἡ δὲ τετάρτη ὕδωρ ἐφόρει καὶ πῦρ ἀνέκαιε |
| 359 | Primary πολλὸν ὑπὸ τρίποδι μεγάλῳ· ἰαίνετο δʼ ὕδωρ. |
| 360 | Primary αὐτὰρ ἐπεὶ δὴ ζέσσεν ὕδωρ ἐνὶ ἤνοπι χαλκῷ, |
| 361 | Primary ἔς ῥʼ ἀσάμινθον ἕσασα λόʼ ἐκ τρίποδος μεγάλοιο, |
| 362 | Primary θυμῆρες κεράσασα, κατὰ κρατός τε καὶ ὤμων, |
| 363 | Primary ὄφρα μοι ἐκ κάματον θυμοφθόρον εἵλετο γυίων. |
| 364 | Primary αὐτὰρ ἐπεὶ λοῦσέν τε καὶ ἔχρισεν λίπʼ ἐλαίῳ, |
| 365 | Primary ἀμφὶ δέ με χλαῖναν καλὴν βάλεν ἠδὲ χιτῶνα, |
| 366 | Primary εἷσε δέ μʼ εἰσαγαγοῦσα ἐπὶ θρόνου ἀργυροήλου |
| 367 | Primary καλοῦ δαιδαλέου, ὑπὸ δὲ θρῆνυς ποσὶν ἦεν· |
| 368 | Primary χέρνιβα δʼ ἀμφίπολος προχόῳ ἐπέχευε φέρουσα |
| 369 | Primary καλῇ χρυσείῃ, ὑπὲρ ἀργυρέοιο λέβητος, |
| 370 | Primary νίψασθαι· παρὰ δὲ ξεστὴν ἐτάνυσσε τράπεζαν. |
| 371 | Primary σῖτον δʼ αἰδοίη ταμίη παρέθηκε φέρουσα, |
| 372 | Primary εἴδατα πόλλʼ ἐπιθεῖσα, χαριζομένη παρεόντων. |
| 373 | Primary ἐσθέμεναι δʼ ἐκέλευεν· ἐμῷ δʼ οὐχ ἥνδανε θυμῷ, |
| 374 | Primary ἀλλʼ ἥμην ἀλλοφρονέων, κακὰ δʼ ὄσσετο θυμός. |
| 375 | Primary Κίρκη δʼ ὡς ἐνόησεν ἔμʼ ἥμενον οὐδʼ ἐπὶ σίτῳ |
| 376 | Primary χεῖρας ἰάλλοντα, κρατερὸν δέ με πένθος ἔχοντα, |
| 377 | Primary ἄγχι παρισταμένη ἔπεα πτερόεντα προσηύδα· |
| 378 | Primary τίφθʼ οὕτως, Ὀδυσεῦ, κατʼ ἄρʼ ἕζεαι ἶσος ἀναύδῳ, |
| 379 | Primary θυμὸν ἔδων, βρώμης δʼ οὐχ ἅπτεαι οὐδὲ ποτῆτος; |
| 380 | Primary ἦ τινά που δόλον ἄλλον ὀίεαι· οὐδέ τί σε χρὴ |
| 381 | Primary δειδίμεν· ἤδη γάρ τοι ἀπώμοσα καρτερὸν ὅρκον. |
| 382 | Primary ὣς ἔφατʼ, αὐτὰρ ἐγώ μιν ἀμειβόμενος προσέειπον· |
| 383 | Primary ὦ Κίρκη, τίς γάρ κεν ἀνήρ, ὃς ἐναίσιμος εἴη, |
| 384 | Primary πρὶν τλαίη πάσσασθαι ἐδητύος ἠδὲ ποτῆτος, |
| 385 | Primary πρὶν λύσασθʼ ἑτάρους καὶ ἐν ὀφθαλμοῖσιν ἰδέσθαι; |
| 386 | Primary ἀλλʼ εἰ δὴ πρόφρασσα πιεῖν φαγέμεν τε κελεύεις, |
| 387 | Primary λῦσον, ἵνʼ ὀφθαλμοῖσιν ἴδω ἐρίηρας ἑταίρους. |
| 388 | Primary ὣς ἐφάμην, Κίρκη δὲ διὲκ μεγάροιο βεβήκει |
| 389 | Primary ῥάβδον ἔχουσʼ ἐν χειρί, θύρας δʼ ἀνέῳξε συφειοῦ, |
| 390 | Primary ἐκ δʼ ἔλασεν σιάλοισιν ἐοικότας ἐννεώροισιν. |
| 391 | Primary οἱ μὲν ἔπειτʼ ἔστησαν ἐναντίοι, ἡ δὲ διʼ αὐτῶν |
| 392 | Primary ἐρχομένη προσάλειφεν ἑκάστῳ φάρμακον ἄλλο. |
| 393 | Primary τῶν δʼ ἐκ μὲν μελέων τρίχες ἔρρεον, ἃς πρὶν ἔφυσε |
| 394 | Primary φάρμακον οὐλόμενον, τό σφιν πόρε πότνια Κίρκη· |
| 395 | Primary ἄνδρες δʼ ἂψ ἐγένοντο νεώτεροι ἢ πάρος ἦσαν, |
| 396 | Primary καὶ πολὺ καλλίονες καὶ μείζονες εἰσοράασθαι. |
| 397 | Primary ἔγνωσαν δέ μʼ ἐκεῖνοι ἔφυν τʼ ἐν χερσὶν ἕκαστος. |
| 398 | Primary πᾶσιν δʼ ἱμερόεις ὑπέδυ γόος, ἀμφὶ δὲ δῶμα |
| 399 | Primary σμερδαλέον κονάβιζε· θεὰ δʼ ἐλέαιρε καὶ αὐτή. |
| 400 | Primary ἡ δέ μευ ἄγχι στᾶσα προσηύδα δῖα θεάων· |
| 401 | Primary διογενὲς Λαερτιάδη, πολυμήχανʼ Ὀδυσσεῦ, |
| 402 | Primary ἔρχεο νῦν ἐπὶ νῆα θοὴν καὶ θῖνα θαλάσσης. |
| 403 | Primary νῆα μὲν ἂρ πάμπρωτον ἐρύσσατε ἤπειρόνδε, |
| 404 | Primary κτήματα δʼ ἐν σπήεσσι πελάσσατε ὅπλα τε πάντα· |
| 405 | Primary αὐτὸς δʼ ἂψ ἰέναι καὶ ἄγειν ἐρίηρας ἑταίρους. |
| 406 | Primary ὣς ἔφατʼ, αὐτὰρ ἐμοί γʼ ἐπεπείθετο θυμὸς ἀγήνωρ, |
| 407 | Primary βῆν δʼ ἰέναι ἐπὶ νῆα θοὴν καὶ θῖνα θαλάσσης. |
| 408 | Primary εὗρον ἔπειτʼ ἐπὶ νηὶ θοῇ ἐρίηρας ἑταίρους |
| 409 | Primary οἴκτρʼ ὀλοφυρομένους, θαλερὸν κατὰ δάκρυ χέοντας. |
| 410 | Primary ὡς δʼ ὅτʼ ἂν ἄγραυλοι πόριες περὶ βοῦς ἀγελαίας, |
| 411 | Primary ἐλθούσας ἐς κόπρον, ἐπὴν βοτάνης κορέσωνται, |
| 412 | Primary πᾶσαι ἅμα σκαίρουσιν ἐναντίαι· οὐδʼ ἔτι σηκοὶ |
| 413 | Primary ἴσχουσʼ, ἀλλʼ ἁδινὸν μυκώμεναι ἀμφιθέουσι· |
| 414 | Primary μητέρας· ὣς ἔμʼ ἐκεῖνοι ἐπεὶ ἴδον ὀφθαλμοῖσι, |
| 415 | Primary δακρυόεντες ἔχυντο· δόκησε δʼ ἄρα σφίσι θυμὸς |
| 416 | Primary ὣς ἔμεν, ὡς εἰ πατρίδʼ ἱκοίατο καὶ πόλιν αὐτὴν |
| 417 | Primary τρηχείης Ἰθάκης, ἵνα τʼ ἔτραφεν ἠδʼ ἐγένοντο. |
| 418 | Primary καί μʼ ὀλοφυρόμενοι ἔπεα πτερόεντα προσηύδων· |
| 419 | Primary σοὶ μὲν νοστήσαντι, διοτρεφές, ὣς ἐχάρημεν, |
| 420 | Primary ὡς εἴ τʼ εἰς Ἰθάκην ἀφικοίμεθα πατρίδα γαῖαν· |
| 421 | Primary ἀλλʼ ἄγε, τῶν ἄλλων ἑτάρων κατάλεξον ὄλεθρον. |
| 422 | Primary ὣς ἔφαν, αὐτὰρ ἐγὼ προσέφην μαλακοῖς ἐπέεσσι· |
| 423 | Primary νῆα μὲν ἂρ πάμπρωτον ἐρύσσομεν ἤπειρόνδε, |
| 424 | Primary κτήματα δʼ ἐν σπήεσσι πελάσσομεν ὅπλα τε πάντα· |
| 425 | Primary αὐτοὶ δʼ ὀτρύνεσθε ἐμοὶ ἅμα πάντες ἕπεσθαι, |
| 426 | Primary ὄφρα ἴδηθʼ ἑτάρους ἱεροῖς ἐν δώμασι Κίρκης |
| 427 | Primary πίνοντας καὶ ἔδοντας· ἐπηετανὸν γὰρ ἔχουσιν. |
| 428 | Primary ὣς ἐφάμην, οἱ δʼ ὦκα ἐμοῖς ἐπέεσσι πίθοντο. |
| 429 | Primary Εὐρύλοχος δέ μοι οἶος ἐρύκανε πάντας ἑταίρους· |
| 430 | Primary καί σφεας φωνήσας ἔπεα πτερόεντα προσηύδα· |
| 431 | Primary ἆ δειλοί, πόσʼ ἴμεν; τί κακῶν ἱμείρετε τούτων; |
| 432 | Primary Κίρκης ἐς μέγαρον καταβήμεναι, ἥ κεν ἅπαντας |
| 433 | Primary ἢ σῦς ἠὲ λύκους ποιήσεται ἠὲ λέοντας, |
| 434 | Primary οἵ κέν οἱ μέγα δῶμα φυλάσσοιμεν καὶ ἀνάγκῃ, |
| 435 | Primary ὥς περ Κύκλωψ ἔρξʼ, ὅτε οἱ μέσσαυλον ἵκοντο |
| 436 | Primary ἡμέτεροι ἕταροι, σὺν δʼ ὁ θρασὺς εἵπετʼ Ὀδυσσεύς· |
| 437 | Primary τούτου γὰρ καὶ κεῖνοι ἀτασθαλίῃσιν ὄλοντο. |
| 438 | Primary ὣς ἔφατʼ, αὐτὰρ ἐγώ γε μετὰ φρεσὶ μερμήριξα, |
| 439 | Primary σπασσάμενος τανύηκες ἄορ παχέος παρὰ μηροῦ, |
| 440 | Primary τῷ οἱ ἀποπλήξας κεφαλὴν οὖδάσδε πελάσσαι, |
| 441 | Primary καὶ πηῷ περ ἐόντι μάλα σχεδόν· ἀλλά μʼ ἑταῖροι |
| 442 | Primary μειλιχίοις ἐπέεσσιν ἐρήτυον ἄλλοθεν ἄλλος· |
| 443 | Primary διογενές, τοῦτον μὲν ἐάσομεν, εἰ σὺ κελεύεις, |
| 444 | Primary αὐτοῦ πὰρ νηί τε μένειν καὶ νῆα ἔρυσθαι· |
| 445 | Primary ἡμῖν δʼ ἡγεμόνευʼ ἱερὰ πρὸς δώματα Κίρκης. |
| 446 | Primary ὣς φάμενοι παρὰ νηὸς ἀνήιον ἠδὲ θαλάσσης. |
| 447 | Primary οὐδὲ μὲν Εὐρύλοχος κοίλῃ παρὰ νηὶ λέλειπτο, |
| 448 | Primary ἀλλʼ ἕπετʼ· ἔδεισεν γὰρ ἐμὴν ἔκπαγλον ἐνιπήν. |
| 449 | Primary τόφρα δὲ τοὺς ἄλλους ἑτάρους ἐν δώμασι Κίρκη |
| 450 | Primary ἐνδυκέως λοῦσέν τε καὶ ἔχρισεν λίπʼ ἐλαίῳ, |
| 451 | Primary ἀμφὶ δʼ ἄρα χλαίνας οὔλας βάλεν ἠδὲ χιτῶνας· |
| 452 | Primary δαινυμένους δʼ ἐὺ πάντας ἐφεύρομεν ἐν μεγάροισιν. |
| 453 | Primary οἱ δʼ ἐπεὶ ἀλλήλους εἶδον φράσσαντό τʼ ἐσάντα, |
| 454 | Primary κλαῖον ὀδυρόμενοι, περὶ δὲ στεναχίζετο δῶμα. |
| 455 | Primary ἡ δέ μευ ἄγχι στᾶσα προσηύδα δῖα θεάων· |
| 457 | Primary μηκέτι νῦν θαλερὸν γόον ὄρνυτε· οἶδα καὶ αὐτὴ |
| 458 | Primary ἠμὲν ὅσʼ ἐν πόντῳ πάθετʼ ἄλγεα ἰχθυόεντι, |
| 459 | Primary ἠδʼ ὅσʼ ἀνάρσιοι ἄνδρες ἐδηλήσαντʼ ἐπὶ χέρσου. |
| 460 | Primary ἀλλʼ ἄγετʼ ἐσθίετε βρώμην καὶ πίνετε οἶνον, |
| 461 | Primary εἰς ὅ κεν αὖτις θυμὸν ἐνὶ στήθεσσι λάβητε, |
| 462 | Primary οἷον ὅτε πρώτιστον ἐλείπετε πατρίδα γαῖαν |
| 463 | Primary τρηχείης Ἰθάκης. νῦν δʼ ἀσκελέες καὶ ἄθυμοι, |
| 464 | Primary αἰὲν ἄλης χαλεπῆς μεμνημένοι, οὐδέ ποθʼ ὕμιν |
| 465 | Primary θυμὸς ἐν εὐφροσύνῃ, ἐπεὶ ἦ μάλα πολλὰ πέποσθε. |
| 466 | Primary ὣς ἔφαθʼ, ἡμῖν δʼ αὖτʼ ἐπεπείθετο θυμὸς ἀγήνωρ. |
| 467 | Primary ἔνθα μὲν ἤματα πάντα τελεσφόρον εἰς ἐνιαυτὸν |
| 468 | Primary ἥμεθα δαινύμενοι κρέα τʼ ἄσπετα καὶ μέθυ ἡδύ· |
| 469 | Primary ἀλλʼ ὅτε δή ῥʼ ἐνιαυτὸς ἔην, περὶ δʼ ἔτραπον ὧραι |
| 470 | Primary μηνῶν φθινόντων, περὶ δʼ ἤματα μακρὰ τελέσθη, |
| 471 | Primary καὶ τότε μʼ ἐκκαλέσαντες ἔφαν ἐρίηρες ἑταῖροι· |
| 472 | Primary δαιμόνιʼ, ἤδη νῦν μιμνήσκεο πατρίδος αἴης, |
| 473 | Primary εἴ τοι θέσφατόν ἐστι σαωθῆναι καὶ ἱκέσθαι |
| 474 | Primary οἶκον ἐς ὑψόροφον καὶ σὴν ἐς πατρίδα γαῖαν. |
| 475 | Primary ὣς ἔφαν, αὐτὰρ ἐμοί γʼ ἐπεπείθετο θυμὸς ἀγήνωρ. |
| 476 | Primary ὣς τότε μὲν πρόπαν ἦμαρ ἐς ἠέλιον καταδύντα |
| 477 | Primary ἥμεθα, δαινύμενοι κρέα τʼ ἄσπετα καὶ μέθυ ἡδύ· |
| 478 | Primary ἦμος δʼ ἠέλιος κατέδυ καὶ ἐπὶ κνέφας ἦλθεν, |
| 479 | Primary οἱ μὲν κοιμήσαντο κατὰ μέγαρα σκιόεντα. |
| 480 | Primary αὐτὰρ ἐγὼ Κίρκης ἐπιβὰς περικαλλέος εὐνῆς |
| 481 | Primary γούνων ἐλλιτάνευσα, θεὰ δέ μευ ἔκλυεν αὐδῆς· |
| 482 | Primary καί μιν φωνήσας ἔπεα πτερόεντα προσηύδων· |
| 483 | Primary ὢ Κίρκη, τέλεσόν μοι ὑπόσχεσιν ἥν περ ὑπέστης, |
| 484 | Primary οἴκαδε πεμψέμεναι· θυμὸς δέ μοι ἔσσυται ἤδη, |
| 485 | Primary ἠδʼ ἄλλων ἑτάρων, οἵ μευ φθινύθουσι φίλον κῆρ |
| 486 | Primary ἀμφʼ ἔμʼ ὀδυρόμενοι, ὅτε που σύ γε νόσφι γένηαι. |
| 487 | Primary ὣς ἐφάμην, ἡ δʼ αὐτίκʼ ἀμείβετο δῖα θεάων· |
| 488 | Primary διογενὲς Λαερτιάδη, πολυμήχανʼ Ὀδυσσεῦ, |
| 489 | Primary μηκέτι νῦν ἀέκοντες ἐμῷ ἐνὶ μίμνετε οἴκῳ. |
| 490 | Primary ἀλλʼ ἄλλην χρὴ πρῶτον ὁδὸν τελέσαι καὶ ἱκέσθαι |
| 491 | Primary εἰς Ἀίδαο δόμους καὶ ἐπαινῆς Περσεφονείης, |
| 492 | Primary ψυχῇ χρησομένους Θηβαίου Τειρεσίαο, |
| 493 | Primary μάντηος ἀλαοῦ, τοῦ τε φρένες ἔμπεδοί εἰσι· |
| 494 | Primary τῷ καὶ τεθνηῶτι νόον πόρε Περσεφόνεια, |
| 495 | Primary οἴῳ πεπνῦσθαι, τοὶ δὲ σκιαὶ ἀίσσουσιν. |
| 496 | Primary ὣς ἔφατʼ, αὐτὰρ ἐμοί γε κατεκλάσθη φίλον ἦτορ· |
| 497 | Primary κλαῖον δʼ ἐν λεχέεσσι καθήμενος, οὐδέ νύ μοι κῆρ |
| 498 | Primary ἤθελʼ ἔτι ζώειν καὶ ὁρᾶν φάος ἠελίοιο. |
| 499 | Primary αὐτὰρ ἐπεὶ κλαίων τε κυλινδόμενος τʼ ἐκορέσθην, |
| 500 | Primary καὶ τότε δή μιν ἔπεσσιν ἀμειβόμενος προσέειπον· |
| 501 | Primary ὢ Κίρκη, τίς γὰρ ταύτην ὁδὸν ἡγεμονεύσει; |
| 502 | Primary εἰς Ἄϊδος δʼ οὔ πώ τις ἀφίκετο νηὶ μελαίνῃ. |
| 503 | Primary ὣς ἐφάμην, ἡ δʼ αὐτίκʼ ἀμείβετο δῖα θεάων· |
| 504 | Primary διογενὲς Λαερτιάδη, πολυμήχανʼ Ὀδυσσεῦ, |
| 505 | Primary μή τί τοι ἡγεμόνος γε ποθὴ παρὰ νηὶ μελέσθω, |
| 506 | Primary ἱστὸν δὲ στήσας, ἀνά θʼ ἱστία λευκὰ πετάσσας |
| 507 | Primary ἧσθαι· τὴν δέ κέ τοι πνοιὴ Βορέαο φέρῃσιν. |
| 508 | Primary ἀλλʼ ὁπότʼ ἂν δὴ νηὶ διʼ Ὠκεανοῖο περήσῃς, |
| 509 | Primary ἔνθʼ ἀκτή τε λάχεια καὶ ἄλσεα Περσεφονείης, |
| 510 | Primary μακραί τʼ αἴγειροι καὶ ἰτέαι ὠλεσίκαρποι, |
| 511 | Primary νῆα μὲν αὐτοῦ κέλσαι ἐπʼ Ὠκεανῷ βαθυδίνῃ, |
| 512 | Primary αὐτὸς δʼ εἰς Ἀίδεω ἰέναι δόμον εὐρώεντα. |
| 513 | Primary ἔνθα μὲν εἰς Ἀχέροντα Πυριφλεγέθων τε ῥέουσιν |
| 514 | Primary Κώκυτός θʼ, ὃς δὴ Στυγὸς ὕδατός ἐστιν ἀπορρώξ, |
| 515 | Primary πέτρη τε ξύνεσίς τε δύω ποταμῶν ἐριδούπων· |
| 516 | Primary ἔνθα δʼ ἔπειθʼ, ἥρως, χριμφθεὶς πέλας, ὥς σε κελεύω, |
| 517 | Primary βόθρον ὀρύξαι, ὅσον τε πυγούσιον ἔνθα καὶ ἔνθα, |
| 518 | Primary ἀμφʼ αὐτῷ δὲ χοὴν χεῖσθαι πᾶσιν νεκύεσσιν, |
| 519 | Primary πρῶτα μελικρήτῳ, μετέπειτα δὲ ἡδέι οἴνῳ, |
| 520 | Primary τὸ τρίτον αὖθʼ ὕδατι· ἐπὶ δʼ ἄλφιτα λευκὰ παλύνειν. |
| 521 | Primary πολλὰ δὲ γουνοῦσθαι νεκύων ἀμενηνὰ κάρηνα, |
| 522 | Primary ἐλθὼν εἰς Ἰθάκην στεῖραν βοῦν, ἥ τις ἀρίστη, |
| 523 | Primary ῥέξειν ἐν μεγάροισι πυρήν τʼ ἐμπλησέμεν ἐσθλῶν, |
| 524 | Primary Τειρεσίῃ δʼ ἀπάνευθεν ὄιν ἱερευσέμεν οἴῳ |
| 525 | Primary παμμέλανʼ, ὃς μήλοισι μεταπρέπει ὑμετέροισιν. |
| 526 | Primary αὐτὰρ ἐπὴν εὐχῇσι λίσῃ κλυτὰ ἔθνεα νεκρῶν, |
| 527 | Primary ἔνθʼ ὄιν ἀρνειὸν ῥέζειν θῆλύν τε μέλαιναν |
| 528 | Primary εἰς Ἔρεβος στρέψας, αὐτὸς δʼ ἀπονόσφι τραπέσθαι |
| 529 | Primary ἱέμενος ποταμοῖο ῥοάων· ἔνθα δὲ πολλαὶ |
| 530 | Primary ψυχαὶ ἐλεύσονται νεκύων κατατεθνηώτων. |
| 531 | Primary δὴ τότʼ ἔπειθʼ ἑτάροισιν ἐποτρῦναι καὶ ἀνῶξαι |
| 532 | Primary μῆλα, τὰ δὴ κατάκειτʼ ἐσφαγμένα νηλέι χαλκῷ, |
| 533 | Primary δείραντας κατακῆαι, ἐπεύξασθαι δὲ θεοῖσιν, |
| 534 | Primary ἰφθίμῳ τʼ Ἀίδῃ καὶ ἐπαινῇ Περσεφονείῃ· |
| 535 | Primary αὐτὸς δὲ ξίφος ὀξὺ ἐρυσσάμενος παρὰ μηροῦ |
| 536 | Primary ἧσθαι, μηδὲ ἐᾶν νεκύων ἀμενηνὰ κάρηνα |
| 537 | Primary αἵματος ἆσσον ἴμεν, πρὶν Τειρεσίαο πυθέσθαι. |
| 538 | Primary ἔνθα τοι αὐτίκα μάντις ἐλεύσεται, ὄρχαμε λαῶν, |
| 539 | Primary ὅς κέν τοι εἴπῃσιν ὁδὸν καὶ μέτρα κελεύθου |
| 540 | Primary νόστον θʼ, ὡς ἐπὶ πόντον ἐλεύσεαι ἰχθυόεντα. |
| 541 | Primary ὣς ἔφατʼ, αὐτίκα δὲ χρυσόθρονος ἤλυθεν Ἠώς. |
| 542 | Primary ἀμφὶ δέ με χλαῖνάν τε χιτῶνά τε εἵματα ἕσσεν· |
| 543 | Primary αὐτὴ δʼ ἀργύφεον φᾶρος μέγα ἕννυτο νύμφη, |
| 544 | Primary λεπτὸν καὶ χαρίεν, περὶ δὲ ζώνην βάλετʼ ἰξυῖ |
| 545 | Primary καλὴν χρυσείην, κεφαλῇ δʼ ἐπέθηκε καλύπτρην. |
| 546 | Primary αὐτὰρ ἐγὼ διὰ δώματʼ ἰὼν ὤτρυνον ἑταίρους |
| 547 | Primary μειλιχίοις ἐπέεσσι παρασταδὸν ἄνδρα ἕκαστον· |
| 548 | Primary μηκέτι νῦν εὕδοντες ἀωτεῖτε γλυκὺν ὕπνον, |
| 549 | Primary ἀλλʼ ἴομεν· δὴ γάρ μοι ἐπέφραδε πότνια Κίρκη. |
| 550 | Primary ὣς ἐφάμην, τοῖσιν δʼ ἐπεπείθετο θυμὸς ἀγήνωρ. |
| 551 | Primary οὐδὲ μὲν οὐδʼ ἔνθεν περ ἀπήμονας ἦγον ἑταίρους. |
| 552 | Primary Ἐλπήνωρ δέ τις ἔσκε νεώτατος, οὔτε τι λίην |
| 553 | Primary ἄλκιμος ἐν πολέμῳ οὔτε φρεσὶν ᾗσιν ἀρηρώς· |
| 554 | Primary ὅς μοι ἄνευθʼ ἑτάρων ἱεροῖς ἐν δώμασι Κίρκης, |
| 555 | Primary ψύχεος ἱμείρων, κατελέξατο οἰνοβαρείων. |
| 556 | Primary κινυμένων δʼ ἑτάρων ὅμαδον καὶ δοῦπον ἀκούσας |
| 557 | Primary ἐξαπίνης ἀνόρουσε καὶ ἐκλάθετο φρεσὶν ᾗσιν |
| 558 | Primary ἄψορρον καταβῆναι ἰὼν ἐς κλίμακα μακρήν, |
| 559 | Primary ἀλλὰ καταντικρὺ τέγεος πέσεν· ἐκ δέ οἱ αὐχὴν |
| 560 | Primary ἀστραγάλων ἐάγη, ψυχὴ δʼ Ἄϊδόσδε κατῆλθεν. |
| 561 | Primary ἐρχομένοισι δὲ τοῖσιν ἐγὼ μετὰ μῦθον ἔειπον· |
| 562 | Primary φάσθε νύ που οἶκόνδε φίλην ἐς πατρίδα γαῖαν |
| 563 | Primary ἔρχεσθʼ· ἄλλην δʼ ἧμιν ὁδὸν τεκμήρατο Κίρκη, |
| 564 | Primary εἰς Ἀίδαο δόμους καὶ ἐπαινῆς Περσεφονείης |
| 565 | Primary ψυχῇ χρησομένους Θηβαίου Τειρεσίαο. |
| 566 | Primary ὣς ἐφάμην, τοῖσιν δὲ κατεκλάσθη φίλον ἦτορ, |
| 567 | Primary ἑζόμενοι δὲ κατʼ αὖθι γόων τίλλοντό τε χαίτας· |
| 568 | Primary ἀλλʼ οὐ γάρ τις πρῆξις ἐγίγνετο μυρομένοισιν. |
| 569 | Primary ἀλλʼ ὅτε δή ῥʼ ἐπὶ νῆα θοὴν καὶ θῖνα θαλάσσης |
| 570 | Primary ᾔομεν ἀχνύμενοι θαλερὸν κατὰ δάκρυ χέοντες, |
| 571 | Primary τόφρα δʼ ἄρʼ οἰχομένη Κίρκη παρὰ νηὶ μελαίνῃ |
| 572 | Primary ἀρνειὸν κατέδησεν ὄιν θῆλύν τε μέλαιναν, |
| 573 | Primary ῥεῖα παρεξελθοῦσα· τίς ἂν θεὸν οὐκ ἐθέλοντα |
| 574 | Primary ὀφθαλμοῖσιν ἴδοιτʼ ἢ ἔνθʼ ἢ ἔνθα κιόντα; |