Reader
Reader | Odyssey, Book 22
Odyssey
Homer
Text
Position
Line 1 of 501
Waypoints
| Line Ref | A. T. Murray | Ancient Greek |
|---|---|
| 1 | Primary αὐτὰρ ὁ γυμνώθη ῥακέων πολύμητις Ὀδυσσεύς, |
| 2 | Primary ἆλτο δʼ ἐπὶ μέγαν οὐδόν, ἔχων βιὸν ἠδὲ φαρέτρην |
| 3 | Primary ἰῶν ἐμπλείην, ταχέας δʼ ἐκχεύατʼ ὀϊστοὺς |
| 4 | Primary αὐτοῦ πρόσθε ποδῶν, μετὰ δὲ μνηστῆρσιν ἔειπεν· |
| 5 | Primary οὗτος μὲν δὴ ἄεθλος ἀάατος ἐκτετέλεσται· |
| 6 | Primary νῦν αὖτε σκοπὸν ἄλλον, ὃν οὔ πώ τις βάλεν ἀνήρ, |
| 7 | Primary εἴσομαι, αἴ κε τύχωμι, πόρῃ δέ μοι εὖχος Ἀπόλλων. |
| 8 | Primary ἦ καὶ ἐπʼ Ἀντινόῳ ἰθύνετο πικρὸν ὀϊστόν. |
| 9 | Primary ἦ τοι ὁ καλὸν ἄλεισον ἀναιρήσεσθαι ἔμελλε, |
| 10 | Primary χρύσεον ἄμφωτον, καὶ δὴ μετὰ χερσὶν ἐνώμα, |
| 11 | Primary ὄφρα πίοι οἴνοιο· φόνος δέ οἱ οὐκ ἐνὶ θυμῷ |
| 12 | Primary μέμβλετο· τίς κʼ οἴοιτο μετʼ ἀνδράσι δαιτυμόνεσσι |
| 13 | Primary μοῦνον ἐνὶ πλεόνεσσι, καὶ εἰ μάλα καρτερὸς εἴη, |
| 14 | Primary οἷ τεύξειν θάνατόν τε κακὸν καὶ κῆρα μέλαιναν; |
| 15 | Primary τὸν δʼ Ὀδυσεὺς κατὰ λαιμὸν ἐπισχόμενος βάλεν ἰῷ, |
| 16 | Primary ἀντικρὺ δʼ ἁπαλοῖο διʼ αὐχένος ἤλυθʼ ἀκωκή. |
| 17 | Primary ἐκλίνθη δʼ ἑτέρωσε, δέπας δέ οἱ ἔκπεσε χειρὸς |
| 18 | Primary βλημένου, αὐτίκα δʼ αὐλὸς ἀνὰ ῥῖνας παχὺς ἦλθεν |
| 19 | Primary αἵματος ἀνδρομέοιο· θοῶς δʼ ἀπὸ εἷο τράπεζαν |
| 20 | Primary ὦσε ποδὶ πλήξας, ἀπὸ δʼ εἴδατα χεῦεν ἔραζε· |
| 21 | Primary σῖτός τε κρέα τʼ ὀπτὰ φορύνετο. τοὶ δʼ ὁμάδησαν |
| 22 | Primary μνηστῆρες κατὰ δώμαθʼ, ὅπως ἴδον ἄνδρα πεσόντα, |
| 23 | Primary ἐκ δὲ θρόνων ἀνόρουσαν ὀρινθέντες κατὰ δῶμα, |
| 24 | Primary πάντοσε παπταίνοντες ἐϋδμήτους ποτὶ τοίχους· |
| 25 | Primary οὐδέ πη ἀσπὶς ἔην οὐδʼ ἄλκιμον ἔγχος ἑλέσθαι. |
| 26 | Primary νείκειον δʼ Ὀδυσῆα χολωτοῖσιν ἐπέεσσι· |
| 27 | Primary ξεῖνε, κακῶς ἀνδρῶν τοξάζεαι· οὐκέτʼ ἀέθλων |
| 28 | Primary ἄλλων ἀντιάσεις· νῦν τοι σῶς αἰπὺς ὄλεθρος. |
| 29 | Primary καὶ γὰρ δὴ νῦν φῶτα κατέκτανες ὃς μέγʼ ἄριστος |
| 30 | Primary κούρων εἰν Ἰθάκῃ· τῷ σʼ ἐνθάδε γῦπες ἔδονται. |
| 31 | Primary ἴσκεν ἕκαστος ἀνήρ, ἐπεὶ ἦ φάσαν οὐκ ἐθέλοντα |
| 32 | Primary ἄνδρα κατακτεῖναι· τὸ δὲ νήπιοι οὐκ ἐνόησαν, |
| 33 | Primary ὡς δή σφιν καὶ πᾶσιν ὀλέθρου πείρατʼ ἐφῆπτο. |
| 34 | Primary τοὺς δʼ ἄρʼ ὑπόδρα ἰδὼν προσέφη πολύμητις Ὀδυσσεύς· |
| 35 | Primary ὦ κύνες, οὔ μʼ ἔτʼ ἐφάσκεθʼ ὑπότροπον οἴκαδʼ ἱκέσθαι |
| 36 | Primary δήμου ἄπο Τρώων, ὅτι μοι κατεκείρετε οἶκον, |
| 37 | Primary δμῳῇσιν δὲ γυναιξὶ παρευνάζεσθε βιαίως, |
| 38 | Primary αὐτοῦ τε ζώοντος ὑπεμνάασθε γυναῖκα, |
| 39 | Primary οὔτε θεοὺς δείσαντες, οἳ οὐρανὸν εὐρὺν ἔχουσιν, |
| 40 | Primary οὔτε τινʼ ἀνθρώπων νέμεσιν κατόπισθεν ἔσεσθαι· |
| 41 | Primary νῦν ὑμῖν καὶ πᾶσιν ὀλέθρου πείρατʼ ἐφῆπται. |
| 42 | Primary ὣς φάτο, τοὺς δʼ ἄρα πάντας ὑπὸ χλωρὸν δέος εἷλεν· |
| 43 | Primary πάπτηνεν δὲ ἕκαστος ὅπη φύγοι αἰπὺν ὄλεθρον. |
| 44 | Primary Εὐρύμαχος δέ μιν οἶος ἀμειβόμενος προσέειπεν· |
| 45 | Primary εἰ μὲν δὴ Ὀδυσεὺς Ἰθακήσιος εἰλήλουθας, |
| 46 | Primary ταῦτα μὲν αἴσιμα εἶπας, ὅσα ῥέζεσκον Ἀχαιοί, |
| 47 | Primary πολλὰ μὲν ἐν μεγάροισιν ἀτάσθαλα, πολλὰ δʼ ἐπʼ ἀγροῦ. |
| 48 | Primary ἀλλʼ ὁ μὲν ἤδη κεῖται ὃς αἴτιος ἔπλετο πάντων, |
| 49 | Primary Ἀντίνοος· οὗτος γὰρ ἐπίηλεν τάδε ἔργα, |
| 50 | Primary οὔ τι γάμου τόσσον κεχρημένος οὐδὲ χατίζων, |
| 51 | Primary ἀλλʼ ἄλλα φρονέων, τά οἱ οὐκ ἐτέλεσσε Κρονίων, |
| 52 | Primary ὄφρʼ Ἰθάκης κατὰ δῆμον ἐϋκτιμένης βασιλεύοι |
| 53 | Primary αὐτός, ἀτὰρ σὸν παῖδα κατακτείνειε λοχήσας. |
| 54 | Primary νῦν δʼ ὁ μὲν ἐν μοίρῃ πέφαται, σὺ δὲ φείδεο λαῶν |
| 55 | Primary σῶν· ἀτὰρ ἄμμες ὄπισθεν ἀρεσσάμενοι κατὰ δῆμον, |
| 56 | Primary ὅσσα τοι ἐκπέποται καὶ ἐδήδοται ἐν μεγάροισι, |
| 57 | Primary τιμὴν ἀμφὶς ἄγοντες ἐεικοσάβοιον ἕκαστος, |
| 58 | Primary χαλκόν τε χρυσόν τʼ ἀποδώσομεν, εἰς ὅ κε σὸν κῆρ |
| 59 | Primary ἰανθῇ· πρὶν δʼ οὔ τι νεμεσσητὸν κεχολῶσθαι. |
| 60 | Primary τὸν δʼ ἄρʼ ὑπόδρα ἰδὼν προσέφη πολύμητις Ὀδυσσεύς· |
| 61 | Primary Εὐρύμαχʼ, οὐδʼ εἴ μοι πατρώϊα πάντʼ ἀποδοῖτε, |
| 62 | Primary ὅσσα τε νῦν ὔμμʼ ἐστὶ καὶ εἴ ποθεν ἄλλʼ ἐπιθεῖτε, |
| 63 | Primary οὐδέ κεν ὣς ἔτι χεῖρας ἐμὰς λήξαιμι φόνοιο |
| 64 | Primary πρὶν πᾶσαν μνηστῆρας ὑπερβασίην ἀποτῖσαι. |
| 65 | Primary νῦν ὑμῖν παράκειται ἐναντίον ἠὲ μάχεσθαι |
| 66 | Primary ἢ φεύγειν, ὅς κεν θάνατον καὶ κῆρας ἀλύξῃ· |
| 67 | Primary ἀλλά τινʼ οὐ φεύξεσθαι ὀΐομαι αἰπὺν ὄλεθρον. |
| 68 | Primary ὣς φάτο, τῶν δʼ αὐτοῦ λύτο γούνατα καὶ φίλον ἦτορ. |
| 69 | Primary τοῖσιν δʼ Εὐρύμαχος προσεφώνεε δεύτερον αὖτις· |
| 70 | Primary ὦ φίλοι, οὐ γὰρ σχήσει ἀνὴρ ὅδε χεῖρας ἀάπτους, |
| 71 | Primary ἀλλʼ ἐπεὶ ἔλλαβε τόξον ἐΰξοον ἠδὲ φαρέτρην, |
| 72 | Primary οὐδοῦ ἄπο ξεστοῦ τοξάσσεται, εἰς ὅ κε πάντας |
| 73 | Primary ἄμμε κατακτείνῃ· ἀλλὰ μνησώμεθα χάρμης. |
| 74 | Primary φάσγανά τε σπάσσασθε καὶ ἀντίσχεσθε τραπέζας |
| 75 | Primary ἰῶν ὠκυμόρων· ἐπὶ δʼ αὐτῷ πάντες ἔχωμεν |
| 76 | Primary ἀθρόοι, εἴ κέ μιν οὐδοῦ ἀπώσομεν ἠδὲ θυράων, |
| 77 | Primary ἔλθωμεν δʼ ἀνὰ ἄστυ, βοὴ δʼ ὤκιστα γένοιτο· |
| 78 | Primary τῷ κε τάχʼ οὗτος ἀνὴρ νῦν ὕστατα τοξάσσαιτο. |
| 79 | Primary ὣς ἄρα φωνήσας εἰρύσσατο φάσγανον ὀξὺ |
| 80 | Primary χάλκεον, ἀμφοτέρωθεν ἀκαχμένον, ἆλτο δʼ ἐπʼ αὐτῷ |
| 81 | Primary σμερδαλέα ἰάχων· ὁ δʼ ἁμαρτῆ δῖος Ὀδυσσεὺς |
| 82 | Primary ἰὸν ἀποπροίει, βάλε δὲ στῆθος παρὰ μαζόν, |
| 83 | Primary ἐν δέ οἱ ἥπατι πῆξε θοὸν βέλος· ἐκ δʼ ἄρα χειρὸς |
| 84 | Primary φάσγανον ἧκε χαμᾶζε, περιρρηδὴς δὲ τραπέζῃ |
| 85 | Primary κάππεσεν ἰδνωθείς, ἀπὸ δʼ εἴδατα χεῦεν ἔραζε |
| 86 | Primary καὶ δέπας ἀμφικύπελλον· ὁ δὲ χθόνα τύπτε μετώπῳ |
| 87 | Primary θυμῷ ἀνιάζων, ποσὶ δὲ θρόνον ἀμφοτέροισι |
| 88 | Primary λακτίζων ἐτίνασσε· κατʼ ὀφθαλμῶν δʼ ἔχυτʼ ἀχλύς. |
| 89 | Primary Ἀμφίνομος δʼ Ὀδυσῆος ἐείσατο κυδαλίμοιο |
| 90 | Primary ἀντίος ἀΐξας, εἴρυτο δὲ φάσγανον ὀξύ, |
| 91 | Primary εἴ πώς οἱ εἴξειε θυράων. ἀλλʼ ἄρα μιν φθῆ |
| 92 | Primary Τηλέμαχος κατόπισθε βαλὼν χαλκήρεϊ δουρὶ |
| 93 | Primary ὤμων μεσσηγύς, διὰ δὲ στήθεσφιν ἔλασσεν· |
| 94 | Primary δούπησεν δὲ πεσών, χθόνα δʼ ἤλασε παντὶ μετώπῳ. |
| 95 | Primary Τηλέμαχος δʼ ἀπόρουσε, λιπὼν δολιχόσκιον ἔγχος |
| 96 | Primary αὐτοῦ ἐν Ἀμφινόμῳ· περὶ γὰρ δίε μή τις Ἀχαιῶν |
| 97 | Primary ἔγχος ἀνελκόμενον δολιχόσκιον ἢ ἐλάσειε |
| 98 | Primary φασγάνῳ ἀΐξας ἠὲ προπρηνέα τύψας. |
| 99 | Primary βῆ δὲ θέειν, μάλα δʼ ὦκα φίλον πατέρʼ εἰσαφίκανεν, |
| 100 | Primary ἀγχοῦ δʼ ἱστάμενος ἔπεα πτερόεντα προσηύδα· |
| 101 | Primary ὦ πάτερ, ἤδη τοι σάκος οἴσω καὶ δύο δοῦρε |
| 102 | Primary καὶ κυνέην πάγχαλκον, ἐπὶ κροτάφοις ἀραρυῖαν |
| 103 | Primary αὐτός τʼ ἀμφιβαλεῦμαι ἰών, δώσω δὲ συβώτῃ |
| 104 | Primary καὶ τῷ βουκόλῳ ἄλλα· τετευχῆσθαι γὰρ ἄμεινον. |
| 105 | Primary τὸν δʼ ἀπαμειβόμενος προσέφη πολύμητις Ὀδυσσεύς· |
| 106 | Primary οἶσε θέων, ἧός μοι ἀμύνεσθαι πάρʼ ὀϊστοί, |
| 107 | Primary μή μʼ ἀποκινήσωσι θυράων μοῦνον ἐόντα. |
| 108 | Primary ὣς φάτο, Τηλέμαχος δὲ φίλῳ ἐπεπείθετο πατρί, |
| 109 | Primary βῆ δʼ ἴμεναι θάλαμόνδʼ, ὅθι οἱ κλυτὰ τεύχεα κεῖτο. |
| 110 | Primary ἔνθεν τέσσαρα μὲν σάκεʼ ἔξελε, δούρατα δʼ ὀκτὼ |
| 111 | Primary καὶ πίσυρας κυνέας χαλκήρεας ἱπποδασείας· |
| 112 | Primary βῆ δὲ φέρων, μάλα δʼ ὦκα φίλον πατέρʼ εἰσαφίκανεν, |
| 113 | Primary αὐτὸς δὲ πρώτιστα περὶ χροῒ δύσετο χαλκόν· |
| 114 | Primary ὣς δʼ αὔτως τὼ δμῶε δυέσθην τεύχεα καλά, |
| 115 | Primary ἔσταν δʼ ἀμφʼ Ὀδυσῆα δαΐφρονα ποικιλομήτην. |
| 116 | Primary αὐτὰρ ὅ γʼ, ὄφρα μὲν αὐτῷ ἀμύνεσθαι ἔσαν ἰοί. |
| 117 | Primary τόφρα μνηστήρων ἕνα γʼ αἰεὶ ᾧ ἐνὶ οἴκῳ |
| 118 | Primary βάλλε τιτυσκόμενος· τοὶ δʼ ἀγχιστῖνοι ἔπιπτον. |
| 119 | Primary αὐτὰρ ἐπεὶ λίπον ἰοὶ ὀϊστεύοντα ἄνακτα, |
| 120 | Primary τόξον μὲν πρὸς σταθμὸν ἐϋσταθέος μεγάροιο |
| 121 | Primary ἔκλινʼ ἑστάμεναι, πρὸς ἐνώπια παμφανόωντα, |
| 122 | Primary αὐτὸς δʼ ἀμφʼ ὤμοισι σάκος θέτο τετραθέλυμνον, |
| 123 | Primary κρατὶ δʼ ἐπʼ ἰφθίμῳ κυνέην εὔτυκτον ἔθηκεν, |
| 124 | Primary ἵππουριν, δεινὸν δὲ λόφος καθύπερθεν ἔνευεν· |
| 125 | Primary εἵλετο δʼ ἄλκιμα δοῦρε δύω κεκορυθμένα χαλκῷ. |
| 126 | Primary ὀρσοθύρη δέ τις ἔσκεν ἐϋδμήτῳ ἐνὶ τοίχῳ, |
| 127 | Primary ἀκρότατον δὲ παρʼ οὐδὸν ἐϋσταθέος μεγάροιο |
| 128 | Primary ἦν ὁδὸς ἐς λαύρην, σανίδες δʼ ἔχον εὖ ἀραρυῖαι. |
| 129 | Primary τὴν δʼ Ὀδυσεὺς φράζεσθαι ἀνώγει δῖον ὑφορβὸν |
| 130 | Primary ἑσταότʼ ἄγχʼ αὐτῆς· μία δʼ οἴη γίγνετʼ ἐφορμή. |
| 131 | Primary τοῖς δʼ Ἀγέλεως μετέειπεν, ἔπος πάντεσσι πιφαύσκων· |
| 132 | Primary ὦ φίλοι, οὐκ ἂν δή τις ἀνʼ ὀρσοθύρην ἀναβαίη |
| 133 | Primary καὶ εἴποι λαοῖσι, βοὴ δʼ ὤκιστα γένοιτο; |
| 134 | Primary τῷ κε τάχʼ οὗτος ἀνὴρ νῦν ὕστατα τοξάσσαιτο. |
| 135 | Primary τὸν δʼ αὖτε προσέειπε Μελάνθιος, αἰπόλος αἰγῶν· |
| 136 | Primary οὔ πως ἔστʼ, Ἀγέλαε διοτρεφές· ἄγχι γὰρ αἰνῶς |
| 137 | Primary αὐλῆς καλὰ θύρετρα καὶ ἀργαλέον στόμα λαύρης· |
| 138 | Primary καί χʼ εἷς πάντας ἐρύκοι ἀνήρ, ὅς τʼ ἄλκιμος εἴη. |
| 139 | Primary ἀλλʼ ἄγεθʼ, ὑμῖν τεύχεʼ ἐνείκω θωρηχθῆναι |
| 140 | Primary ἐκ θαλάμου· ἔνδον γάρ, ὀΐομαι, οὐδέ πη ἄλλῃ |
| 141 | Primary τεύχεα κατθέσθην Ὀδυσεὺς καὶ φαίδιμος υἱός. |
| 142 | Primary ὣς εἰπὼν ἀνέβαινε Μελάνθιος, αἰπόλος αἰγῶν, |
| 143 | Primary εἰς θαλάμους Ὀδυσῆος ἀνὰ ῥῶγας μεγάροιο. |
| 144 | Primary ἔνθεν δώδεκα μὲν σάκεʼ ἔξελε, τόσσα δὲ δοῦρα |
| 145 | Primary καὶ τόσσας κυνέας χαλκήρεας ἱπποδασείας· |
| 146 | Primary βῆ δʼ ἴμεναι, μάλα δʼ ὦκα φέρων μνηστῆρσιν ἔδωκεν. |
| 147 | Primary καὶ τότʼ Ὀδυσσῆος λύτο γούνατα καὶ φίλον ἦτορ, |
| 148 | Primary ὡς περιβαλλομένους ἴδε τεύχεα χερσί τε δοῦρα |
| 149 | Primary μακρὰ τινάσσοντας· μέγα δʼ αὐτῷ φαίνετο ἔργον. |
| 150 | Primary αἶψα δὲ Τηλέμαχον ἔπεα πτερόεντα προσηύδα· |
| 151 | Primary Τηλέμαχʼ, ἦ μάλα δή τις ἐνὶ μεγάροισι γυναικῶν |
| 152 | Primary νῶϊν ἐποτρύνει πόλεμον κακὸν ἠὲ Μελανθεύς. |
| 153 | Primary τὸν δʼ αὖ Τηλέμαχος πεπνυμένος ἀντίον ηὔδα· |
| 154 | Primary ὦ πάτερ, αὐτὸς ἐγὼ τόδε γʼ ἤμβροτον—οὐδέ τις ἄλλος |
| 155 | Primary αἴτιος—ὃς θαλάμοιο θύρην πυκινῶς ἀραρυῖαν |
| 156 | Primary κάλλιπον ἀγκλίνας· τῶν δὲ σκοπὸς ἦεν ἀμείνων. |
| 157 | Primary ἀλλʼ ἴθι, δῖʼ Εὔμαιε, θύρην ἐπίθες θαλάμοιο |
| 158 | Primary καὶ φράσαι ἤ τις ἄρʼ ἐστὶ γυναικῶν ἣ τάδε ῥέζει, |
| 159 | Primary ἢ υἱὸς Δολίοιο, Μελανθεύς, τόν περ ὀΐω. |
| 160 | Primary ὣς οἱ μὲν τοιαῦτα πρὸς ἀλλήλους ἀγόρευον, |
| 161 | Primary βῆ δʼ αὖτις θάλαμόνδε Μελάνθιος, αἰπόλος αἰγῶν, |
| 162 | Primary οἴσων τεύχεα καλά. νόησε δὲ δῖος ὑφορβός, |
| 163 | Primary αἶψα δʼ Ὀδυσσῆα προσεφώνεεν ἐγγὺς ἐόντα· |
| 164 | Primary διογενὲς Λαερτιάδη, πολυμήχανʼ Ὀδυσσεῦ, |
| 165 | Primary κεῖνος δʼ αὖτʼ ἀΐδηλος ἀνήρ, ὃν ὀϊόμεθʼ αὐτοί, |
| 166 | Primary ἔρχεται ἐς θάλαμον· σὺ δέ μοι νημερτὲς ἐνίσπες, |
| 167 | Primary ἤ μιν ἀποκτείνω, αἴ κε κρείσσων γε γένωμαι, |
| 168 | Primary ἦε σοὶ ἐνθάδʼ ἄγω, ἵνʼ ὑπερβασίας ἀποτίσῃ |
| 169 | Primary πολλάς, ὅσσας οὗτος ἐμήσατο σῷ ἐνὶ οἴκῳ. |
| 170 | Primary τὸν δʼ ἀπαμειβόμενος προσέφη πολύμητις Ὀδυσσεύς· |
| 171 | Primary ἦ τοι ἐγὼ καὶ Τηλέμαχος μνηστῆρας ἀγαυοὺς |
| 172 | Primary σχήσομεν ἔντοσθεν μεγάρων, μάλα περ μεμαῶτας. |
| 173 | Primary σφῶϊ δʼ ἀποστρέψαντε πόδας καὶ χεῖρας ὕπερθεν |
| 174 | Primary ἐς θάλαμον βαλέειν, σανίδας δʼ ἐκδῆσαι ὄπισθε, |
| 175 | Primary σειρὴν δὲ πλεκτὴν ἐξ αὐτοῦ πειρήναντε |
| 176 | Primary κίονʼ ἀνʼ ὑψηλὴν ἐρύσαι πελάσαι τε δοκοῖσιν, |
| 177 | Primary ὥς κεν δηθὰ ζωὸς ἐὼν χαλέπʼ ἄλγεα πάσχῃ· |
| 178 | Primary ὣς ἔφαθʼ, οἱ δʼ ἄρα τοῦ μάλα μὲν κλύον ἠδʼ ἐπίθοντο, |
| 179 | Primary βὰν δʼ ἴμεν ἐς θάλαμον, λαθέτην δέ μιν ἔνδον ἐόντα. |
| 180 | Primary ἦ τοι ὁ μὲν θαλάμοιο μυχὸν κάτα τεύχεʼ ἐρεύνα, |
| 181 | Primary τὼ δʼ ἔσταν ἑκάτερθε παρὰ σταθμοῖσι μένοντε. |
| 182 | Primary εὖθʼ ὑπὲρ οὐδὸν ἔβαινε Μελάνθιος, αἰπόλος αἰγῶν, |
| 183 | Primary τῇ ἑτέρῃ μὲν χειρὶ φέρων καλὴν τρυφάλειαν, |
| 184 | Primary τῇ δʼ ἑτέρῃ σάκος εὐρὺ γέρον, πεπαλαγμένον ἄζῃ, |
| 185 | Primary Λαέρτεω ἥρωος, ὃ κουρίζων φορέεσκε· |
| 186 | Primary δὴ τότε γʼ ἤδη κεῖτο, ῥαφαὶ δὲ λέλυντο ἱμάντων· |
| 187 | Primary τὼ δʼ ἄρʼ ἐπαΐξανθʼ ἑλέτην ἔρυσάν τέ μιν εἴσω |
| 188 | Primary κουρίξ, ἐν δαπέδῳ δὲ χαμαὶ βάλον ἀχνύμενον κῆρ, |
| 189 | Primary σὺν δὲ πόδας χεῖράς τε δέον θυμαλγέϊ δεσμῷ |
| 190 | Primary εὖ μάλʼ ἀποστρέψαντε διαμπερές, ὡς ἐκέλευσεν |
| 191 | Primary υἱὸς Λαέρταο, πολύτλας δῖος Ὀδυσσεύς· |
| 192 | Primary σειρὴν δὲ πλεκτὴν ἐξ αὐτοῦ πειρήναντε |
| 193 | Primary κίονʼ ἀνʼ ὑψηλὴν ἔρυσαν πέλασάν τε δοκοῖσι. |
| 194 | Primary τὸν δʼ ἐπικερτομέων προσέφης, Εὔμαιε συβῶτα· |
| 195 | Primary νῦν μὲν δὴ μάλα πάγχυ, Μελάνθιε, νύκτα φυλάξεις, |
| 196 | Primary εὐνῇ ἔνι μαλακῇ καταλέγμενος, ὥς σε ἔοικεν· |
| 197 | Primary οὐδέ σέ γʼ ἠριγένεια παρʼ Ὠκεανοῖο ῥοάων |
| 198 | Primary λήσει ἐπερχομένη χρυσόθρονος, ἡνίκʼ ἀγινεῖς |
| 199 | Primary αἶγας μνηστήρεσσι δόμον κάτα δαῖτα πένεσθαι. |
| 200 | Primary ὣς ὁ μὲν αὖθι λέλειπτο, ταθεὶς ὀλοῷ ἐνὶ δεσμῷ· |
| 201 | Primary τὼ δʼ ἐς τεύχεα δύντε, θύρην ἐπιθέντε φαεινήν, |
| 202 | Primary βήτην εἰς Ὀδυσῆα δαΐφρονα, ποικιλομήτην. |
| 203 | Primary ἔνθα μένος πνείοντες ἐφέστασαν, οἱ μὲν ἐπʼ οὐδοῦ |
| 204 | Primary τέσσαρες, οἱ δʼ ἔντοσθε δόμων πολέες τε καὶ ἐσθλοί. |
| 205 | Primary τοῖσι δʼ ἐπʼ ἀγχίμολον θυγάτηρ Διὸς ἦλθεν Ἀθήνη, |
| 206 | Primary Μέντορι εἰδομένη ἠμὲν δέμας ἠδὲ καὶ αὐδήν. |
| 207 | Primary τὴν δʼ Ὀδυσεὺς γήθησεν ἰδὼν καὶ μῦθον ἔειπε· |
| 208 | Primary Μέντορ, ἄμυνον ἀρήν, μνῆσαι δʼ ἑτάροιο φίλοιο, |
| 209 | Primary ὅς σʼ ἀγαθὰ ῥέζεσκον· ὁμηλικίην δέ μοί ἐσσι. |
| 210 | Primary ὣς φάτʼ, ὀϊόμενος λαοσσόον ἔμμεν Ἀθήνην. |
| 211 | Primary μνηστῆρες δʼ ἑτέρωθεν ὁμόκλεον ἐν μεγάροισι· |
| 212 | Primary πρῶτος τήν γʼ ἐνένιπε Δαμαστορίδης Ἀγέλαος· |
| 213 | Primary Μέντορ, μή σʼ ἐπέεσσι παραιπεπίθῃσιν Ὀδυσσεὺς |
| 214 | Primary μνηστήρεσσι μάχεσθαι, ἀμυνέμεναι δέ οἱ αὐτῷ. |
| 215 | Primary ὧδε γὰρ ἡμέτερόν γε νόον τελέεσθαι ὀΐω· |
| 216 | Primary ὁππότε κεν τούτους κτέωμεν, πατέρʼ ἠδὲ καὶ υἱόν, |
| 217 | Primary ἐν δὲ σὺ τοῖσιν ἔπειτα πεφήσεαι, οἷα μενοινᾷς |
| 218 | Primary ἔρδειν ἐν μεγάροις· σῷ δʼ αὐτοῦ κράατι τίσεις. |
| 219 | Primary αὐτὰρ ἐπὴν ὑμέων γε βίας ἀφελώμεθα χαλκῷ, |
| 220 | Primary κτήμαθʼ ὁπόσσα τοί ἐστι, τά τʼ ἔνδοθι καὶ τὰ θύρηφι, |
| 221 | Primary τοῖσιν Ὀδυσσῆος μεταμίξομεν· οὐδέ τοι υἷας |
| 222 | Primary ζώειν ἐν μεγάροισιν ἐάσομεν, οὐδέ θύγατρας |
| 223 | Primary οὐδʼ ἄλοχον κεδνὴν Ἰθάκης κατὰ ἄστυ πολεύειν. |
| 224 | Primary ὣς φάτʼ, Ἀθηναίη δὲ χολώσατο κηρόθι μᾶλλον, |
| 225 | Primary νείκεσσεν δʼ Ὀδυσῆα χολωτοῖσιν ἐπέεσσιν· |
| 226 | Primary οὐκέτι σοί γʼ, Ὀδυσεῦ, μένος ἔμπεδον οὐδέ τις ἀλκή |
| 227 | Primary οἵη ὅτʼ ἀμφʼ Ἑλένῃ λευκωλένῳ εὐπατερείῃ, |
| 228 | Primary εἰνάετες Τρώεσσιν ἐμάρναο νωλεμὲς αἰεί, |
| 229 | Primary πολλοὺς δʼ ἄνδρας ἔπεφνες ἐν αἰνῇ δηϊοτῆτι, |
| 230 | Primary σῇ δʼ ἥλω βουλῇ Πριάμου πόλις εὐρυάγυια. |
| 231 | Primary πῶς δὴ νῦν, ὅτε σόν τε δόμον καὶ κτήμαθʼ ἱκάνεις, |
| 232 | Primary ἄντα μνηστήρων ὀλοφύρεαι ἄλκιμος εἶναι; |
| 233 | Primary ἀλλʼ ἄγε δεῦρο, πέπον, παρʼ ἔμʼ ἵστασο καὶ ἴδε ἔργον, |
| 234 | Primary ὄφρʼ εἰδῇς οἷός τοι ἐν ἀνδράσι δυσμενέεσσιν |
| 235 | Primary Μέντωρ Ἀλκιμίδης εὐεργεσίας ἀποτίνειν. |
| 236 | Primary ἦ ῥα, καὶ οὔ πω πάγχυ δίδου ἑτεραλκέα νίκην, |
| 237 | Primary ἀλλʼ ἔτʼ ἄρα σθένεός τε καὶ ἀλκῆς πειρήτιζεν |
| 238 | Primary ἠμὲν Ὀδυσσῆος ἠδʼ υἱοῦ κυδαλίμοιο. |
| 239 | Primary αὐτὴ δʼ αἰθαλόεντος ἀνὰ μεγάροιο μέλαθρον |
| 240 | Primary ἕζετʼ ἀναΐξασα, χελιδόνι εἰκέλη ἄντην. |
| 241 | Primary μνηστῆρας δʼ ὤτρυνε Δαμαστορίδης Ἀγέλαος, |
| 242 | Primary Εὐρύνομός τε καὶ Ἀμφιμέδων Δημοπτόλεμός τε, |
| 243 | Primary Πείσανδρός τε Πολυκτορίδης Πόλυβός τε δαΐφρων· |
| 244 | Primary οἱ γὰρ μνηστήρων ἀρετῇ ἔσαν ἔξοχʼ ἄριστοι, |
| 245 | Primary ὅσσοι ἔτʼ ἔζωον περί τε ψυχέων ἐμάχοντο· |
| 246 | Primary τοὺς δʼ ἤδη ἐδάμασσε βιὸς καὶ ταρφέες ἰοί. |
| 247 | Primary τοῖς δʼ Ἀγέλεως μετέειπεν, ἔπος πάντεσσι πιφαύσκων· |
| 248 | Primary ὦ φίλοι, ἤδη σχήσει ἀνὴρ ὅδε χεῖρας ἀάπτους· |
| 249 | Primary καὶ δή οἱ Μέντωρ μὲν ἔβη κενὰ εὔγματα εἰπών, |
| 250 | Primary οἱ δʼ οἶοι λείπονται ἐπὶ πρώτῃσι θύρῃσι. |
| 251 | Primary τῷ νῦν μὴ ἅμα πάντες ἐφίετε δούρατα μακρά, |
| 252 | Primary ἀλλʼ ἄγεθʼ οἱ ἓξ πρῶτον ἀκοντίσατʼ, αἴ κέ ποθι Ζεὺς |
| 253 | Primary δώῃ Ὀδυσσῆα βλῆσθαι καὶ κῦδος ἀρέσθαι. |
| 254 | Primary τῶν δʼ ἄλλων οὐ κῆδος, ἐπὴν οὗτός γε πέσῃσιν. |
| 255 | Primary ὣς ἔφαθʼ, οἱ δʼ ἄρα πάντες ἀκόντισαν ὡς ἐκέλευεν, |
| 256 | Primary ἱέμενοι· τὰ δὲ πάντα ἐτώσια θῆκεν Ἀθήνη, |
| 257 | Primary τῶν ἄλλος μὲν σταθμὸν ἐϋσταθέος μεγάροιο |
| 258 | Primary βεβλήκει, ἄλλος δὲ θύρην πυκινῶς ἀραρυῖαν· |
| 259 | Primary ἄλλου δʼ ἐν τοίχῳ μελίη πέσε χαλκοβάρεια. |
| 260 | Primary αὐτὰρ ἐπεὶ δὴ δούρατʼ ἀλεύαντο μνηστήρων, |
| 261 | Primary τοῖς δʼ ἄρα μύθων ἦρχε πολύτλας δῖος Ὀδυσσεύς· |
| 262 | Primary ὦ φίλοι, ἤδη μέν κεν ἐγὼν εἴποιμι καὶ ἄμμι |
| 263 | Primary μνηστήρων ἐς ὅμιλον ἀκοντίσαι, οἳ μεμάασιν |
| 264 | Primary ἡμέας ἐξεναρίξαι ἐπὶ προτέροισι κακοῖσιν. |
| 265 | Primary ὣς ἔφαθʼ, οἱ δʼ ἄρα πάντες ἀκόντισαν ὀξέα δοῦρα |
| 266 | Primary ἄντα τιτυσκόμενοι· Δημοπτόλεμον μὲν Ὀδυσσεύς, |
| 267 | Primary Εὐρυάδην δʼ ἄρα Τηλέμαχος, Ἔλατον δὲ συβώτης, |
| 268 | Primary Πείσανδρον δʼ ἄρʼ ἔπεφνε βοῶν ἐπιβουκόλος ἀνήρ. |
| 269 | Primary οἱ μὲν ἔπειθʼ ἅμα πάντες ὀδὰξ ἕλον ἄσπετον οὖδας, |
| 270 | Primary μνηστῆρες δʼ ἀνεχώρησαν μεγάροιο μυχόνδε· |
| 271 | Primary τοὶ δʼ ἄρʼ ἐπήϊξαν, νεκύων δʼ ἐξ ἔγχεʼ ἕλοντο. |
| 272 | Primary αὖτις δὲ μνηστῆρες ἀκόντισαν ὀξέα δοῦρα |
| 273 | Primary ἱέμενοι· τὰ δὲ πολλὰ ἐτώσια θῆκεν Ἀθήνη. |
| 274 | Primary τῶν ἄλλος μὲν σταθμὸν ἐϋσταθέος μεγάροιο |
| 275 | Primary βεβλήκειν, ἄλλος δὲ θύρην πυκινῶς ἀραρυῖαν· |
| 276 | Primary ἄλλου δʼ ἐν τοίχῳ μελίη πέσε χαλκοβάρεια. |
| 277 | Primary Ἀμφιμέδων δʼ ἄρα Τηλέμαχον βάλε χεῖρʼ ἐπὶ καρπῷ |
| 278 | Primary λίγδην, ἄκρον δὲ ῥινὸν δηλήσατο χαλκός. |
| 279 | Primary Κτήσιππος δʼ Εὔμαιον ὑπὲρ σάκος ἔγχεϊ μακρῷ |
| 280 | Primary ὦμον ἐπέγραψεν· τὸ δʼ ὑπέρπτατο, πῖπτε δʼ ἔραζε. |
| 281 | Primary τοὶ δʼ αὖτʼ ἀμφʼ Ὀδυσῆα δαΐφρονα ποικιλομήτην, |
| 282 | Primary μνηστήρων ἐς ὅμιλον ἀκόντισαν ὀξέα δοῦρα. |
| 283 | Primary ἔνθʼ αὖτʼ Εὐρυδάμαντα βάλε πτολίπορθος Ὀδυσσεύς, |
| 284 | Primary Ἀμφιμέδοντα δὲ Τηλέμαχος, Πόλυβον δὲ συβώτης· |
| 285 | Primary Κτήσιππον δʼ ἄρʼ ἔπειτα βοῶν ἐπιβουκόλος ἀνὴρ |
| 286 | Primary βεβλήκει πρὸς στῆθος, ἐπευχόμενος δὲ προσηύδα· |
| 287 | Primary ὦ Πολυθερσεΐδη φιλοκέρτομε, μή ποτε πάμπαν |
| 288 | Primary εἴκων ἀφραδίῃς μέγα εἰπεῖν, ἀλλὰ θεοῖσιν |
| 289 | Primary μῦθον ἐπιτρέψαι, ἐπεὶ ἦ πολὺ φέρτεροί εἰσι. |
| 290 | Primary τοῦτό τοι ἀντὶ ποδὸς ξεινήϊον, ὅν ποτʼ ἔδωκας |
| 291 | Primary ἀντιθέῳ Ὀδυσῆϊ δόμον κάτʼ ἀλητεύοντι. |
| 292 | Primary ἦ ῥα βοῶν ἑλίκων ἐπιβουκόλος· αὐτὰρ Ὀδυσσεὺς |
| 293 | Primary οὖτα Δαμαστορίδην αὐτοσχεδὸν ἔγχεϊ μακρῷ. |
| 294 | Primary Τηλέμαχος δʼ Εὐηνορίδην Λειώκριτον οὖτα |
| 295 | Primary δουρὶ μέσον κενεῶνα, διαπρὸ δὲ χαλκὸν ἔλασσεν· |
| 296 | Primary ἤριπε δὲ πρηνής, χθόνα δʼ ἤλασε παντὶ μετώπῳ. |
| 297 | Primary δὴ τότʼ Ἀθηναίη φθισίμβροτον αἰγίδʼ ἀνέσχεν |
| 298 | Primary ὑψόθεν ἐξ ὀροφῆς· τῶν δὲ φρένες ἐπτοίηθεν. |
| 299 | Primary οἱ δʼ ἐφέβοντο κατὰ μέγαρον βόες ὣς ἀγελαῖαι· |
| 300 | Primary τὰς μέν τʼ αἰόλος οἶστρος ἐφορμηθεὶς ἐδόνησεν |
| 301 | Primary ὥρῃ ἐν εἰαρινῇ, ὅτε τʼ ἤματα μακρὰ πέλονται. |
| 302 | Primary οἱ δʼ ὥς τʼ αἰγυπιοὶ γαμψώνυχες ἀγκυλοχεῖλαι, |
| 303 | Primary ἐξ ὀρέων ἐλθόντες ἐπʼ ὀρνίθεσσι θόρωσι· |
| 304 | Primary ταὶ μέν τʼ ἐν πεδίῳ νέφεα πτώσσουσαι ἵενται, |
| 305 | Primary οἱ δέ τε τὰς ὀλέκουσιν ἐπάλμενοι, οὐδέ τις ἀλκὴ |
| 306 | Primary γίγνεται οὐδὲ φυγή· χαίρουσι δέ τʼ ἀνέρες ἄγρῃ· |
| 307 | Primary ὣς ἄρα τοὶ μνηστῆρας ἐπεσσύμενοι κατὰ δῶμα |
| 308 | Primary τύπτον ἐπιστροφάδην· τῶν δὲ στόνος ὤρνυτʼ ἀεικὴς |
| 309 | Primary κράτων τυπτομένων, δάπεδον δʼ ἅπαν αἵματι θῦε. |
| 310 | Primary Λειώδης δʼ Ὀδυσῆος ἐπεσσύμενος λάβε γούνων, |
| 311 | Primary καί μιν λισσόμενος ἔπεα πτερόεντα προσηύδα· |
| 312 | Primary γουνοῦμαί σʼ, Ὀδυσεῦ· σὺ δέ μʼ αἴδεο καί μʼ ἐλέησον· |
| 313 | Primary οὐ γάρ πώ τινά φημι γυναικῶν ἐν μεγάροισιν |
| 314 | Primary εἰπεῖν οὐδέ τι ῥέξαι ἀτάσθαλον· ἀλλὰ καὶ ἄλλους |
| 315 | Primary παύεσκον μνηστῆρας, ὅτις τοιαῦτά γε ῥέζοι. |
| 316 | Primary ἀλλά μοι οὐ πείθοντο κακῶν ἄπο χεῖρας ἔχεσθαι· |
| 317 | Primary τῷ καὶ ἀτασθαλίῃσιν ἀεικέα πότμον ἐπέσπον. |
| 318 | Primary αὐτὰρ ἐγὼ μετὰ τοῖσι θυοσκόος οὐδὲν ἐοργὼς |
| 319 | Primary κείσομαι, ὡς οὐκ ἔστι χάρις μετόπισθʼ εὐεργέων· |
| 320 | Primary τὸν δʼ ἄρʼ ὑπόδρα ἰδὼν προσέφη πολύμητις Ὀδυσσεύς· |
| 321 | Primary εἰ μὲν δὴ μετὰ τοῖσι θυοσκόος εὔχεαι εἶναι, |
| 322 | Primary πολλάκι που μέλλεις ἀρήμεναι ἐν μεγάροισι |
| 323 | Primary τηλοῦ ἐμοὶ νόστοιο τέλος γλυκεροῖο γενέσθαι, |
| 324 | Primary σοὶ δʼ ἄλοχόν τε φίλην σπέσθαι καὶ τέκνα τεκέσθαι· |
| 325 | Primary τῷ οὐκ ἂν θάνατόν γε δυσηλεγέα προφύγοισθα. |
| 326 | Primary ὣς ἄρα φωνήσας ξίφος εἵλετο χειρὶ παχείῃ |
| 327 | Primary κείμενον, ὅ ῥʼ Ἀγέλαος ἀποπροέηκε χαμᾶζε |
| 328 | Primary κτεινόμενος· τῷ τόν γε κατʼ αὐχένα μέσσον ἔλασσε. |
| 329 | Primary φθεγγομένου δʼ ἄρα τοῦ γε κάρη κονίῃσιν ἐμίχθη. |
| 330 | Primary Τερπιάδης δʼ ἔτʼ ἀοιδὸς ἀλύσκανε κῆρα μέλαιναν, |
| 331 | Primary Φήμιος, ὅς ῥʼ ἤειδε μετὰ μνηστῆρσιν ἀνάγκῃ. |
| 332 | Primary ἔστη δʼ ἐν χείρεσσίν ἔχων φόρμιγγα λίγειαν |
| 333 | Primary ἄγχι παρʼ ὀρσοθύρην· δίχα δὲ φρεσὶ μερμήριζεν, |
| 334 | Primary ἢ ἐκδὺς μεγάροιο Διὸς μεγάλου ποτὶ βωμὸν |
| 335 | Primary ἑρκείου ἵζοιτο τετυγμένον, ἔνθʼ ἄρα πολλὰ |
| 336 | Primary Λαέρτης Ὀδυσεύς τε βοῶν ἐπὶ μηρίʼ ἔκηαν, |
| 337 | Primary ἦ γούνων λίσσοιτο προσαΐξας Ὀδυσῆα. |
| 338 | Primary ὧδε δέ οἱ φρονέοντι δοάσσατο κέρδιον εἶναι, |
| 339 | Primary γούνων ἅψασθαι Λαερτιάδεω Ὀδυσῆος. |
| 340 | Primary ἦ τοι ὁ φόρμιγγα γλαφυρὴν κατέθηκε χαμᾶζε |
| 341 | Primary μεσσηγὺς κρητῆρος ἰδὲ θρόνου ἀργυροήλου, |
| 342 | Primary αὐτὸς δʼ αὖτʼ Ὀδυσῆα προσαΐξας λάβε γούνων, |
| 343 | Primary καί μιν λισσόμενος ἔπεα πτερόεντα προσηύδα· |
| 344 | Primary γουνοῦμαί σʼ, Ὀδυσεῦ· σὺ δέ μʼ αἴδεο καί μʼ ἐλέησον· |
| 345 | Primary αὐτῷ τοι μετόπισθʼ ἄχος ἔσσεται, εἴ κεν ἀοιδὸν |
| 346 | Primary πέφνῃς, ὅς τε θεοῖσι καὶ ἀνθρώποισιν ἀείδω. |
| 347 | Primary αὐτοδίδακτος δʼ εἰμί, θεὸς δέ μοι ἐν φρεσὶν οἴμας |
| 348 | Primary παντοίας ἐνέφυσεν· ἔοικα δέ τοι παραείδειν |
| 349 | Primary ὥς τε θεῷ· τῷ μή με λιλαίεο δειροτομῆσαι. |
| 350 | Primary καί κεν Τηλέμαχος τάδε γʼ εἴποι, σὸς φίλος υἱός, |
| 351 | Primary ὡς ἐγὼ οὔ τι ἑκὼν ἐς σὸν δόμον οὐδὲ χατίζων |
| 352 | Primary πωλεύμην μνηστῆρσιν ἀεισόμενος μετὰ δαῖτας, |
| 353 | Primary ἀλλὰ πολὺ πλέονες καὶ κρείσσονες ἦγον ἀνάγκῃ. |
| 354 | Primary ὣς φάτο, τοῦ δʼ ἤκουσʼ ἱερὴ ἲς Τηλεμάχοιο, |
| 355 | Primary αἶψα δʼ ἑὸν πατέρα προσεφώνεεν ἐγγὺς ἐόντα· |
| 356 | Primary ἴσχεο μηδέ τι τοῦτον ἀναίτιον οὔταε χαλκῷ· |
| 357 | Primary καὶ κήρυκα Μέδοντα σαώσομεν, ὅς τέ μευ αἰεὶ |
| 358 | Primary οἴκῳ ἐν ἡμετέρῳ κηδέσκετο παιδὸς ἐόντος, |
| 359 | Primary εἰ δὴ μή μιν ἔπεφνε Φιλοίτιος ἠὲ συβώτης, |
| 360 | Primary ἠὲ σοὶ ἀντεβόλησεν ὀρινομένῳ κατὰ δῶμα. |
| 361 | Primary ὣς φάτο, τοῦ δʼ ἤκουσε Μέδων πεπνυμένα εἰδώς· |
| 362 | Primary πεπτηὼς γὰρ ἔκειτο ὑπὸ θρόνον, ἀμφὶ δὲ δέρμα |
| 363 | Primary ἕστο βοὸς νεόδαρτον, ἀλύσκων κῆρα μέλαιναν. |
| 364 | Primary αἶψα δʼ ἀπὸ θρόνου ὦρτο, θοῶς δʼ ἀπέδυνε βοείην |
| 365 | Primary Τηλέμαχον δʼ ἄρʼ ἔπειτα προσαΐξας λάβε γούνων, |
| 366 | Primary καί μιν λισσόμενος ἔπεα πτερόεντα προσηύδα· |
| 367 | Primary ὦ φίλʼ, ἐγὼ μὲν ὅδʼ εἰμί, σὺ δʼ ἴσχεο εἰπὲ δὲ πατρὶ |
| 368 | Primary μή με περισθενέων δηλήσεται ὀξέϊ χαλκῷ, |
| 369 | Primary ἀνδρῶν μνηστήρων κεχολωμένος, οἵ οἱ ἔκειρον |
| 370 | Primary κτήματʼ ἐνὶ μεγάροις, σὲ δὲ νήπιοι οὐδὲν ἔτιον. |
| 371 | Primary τὸν δʼ ἐπιμειδήσας προσέφη πολύμητις Ὀδυσσεύς· |
| 372 | Primary θάρσει, ἐπεὶ δή σʼ οὗτος ἐρύσσατο καὶ ἐσάωσεν, |
| 373 | Primary ὄφρα γνῷς κατὰ θυμόν, ἀτὰρ εἴπῃσθα καὶ ἄλλῳ, |
| 374 | Primary ὡς κακοεργίης εὐεργεσίη μέγʼ ἀμείνων. |
| 375 | Primary ἀλλʼ ἐξελθόντες μεγάρων ἕζεσθε θύραζε |
| 376 | Primary ἐκ φόνου εἰς αὐλήν, σύ τε καὶ πολύφημος ἀοιδός, |
| 377 | Primary ὄφρʼ ἂν ἐγὼ κατὰ δῶμα πονήσομαι ὅττεό με χρή. |
| 378 | Primary ὣς φάτο, τὼ δʼ ἔξω βήτην μεγάροιο κιόντε, |
| 379 | Primary ἑζέσθην δʼ ἄρα τώ γε Διὸς μεγάλου ποτὶ βωμόν, |
| 380 | Primary πάντοσε παπταίνοντε, φόνον ποτιδεγμένω αἰεί. |
| 381 | Primary πάπτηνεν δʼ Ὀδυσεὺς καθʼ ἑὸν δόμον, εἴ τις ἔτʼ ἀνδρῶν |
| 382 | Primary ζωὸς ὑποκλοπέοιτο, ἀλύσκων κῆρα μέλαιναν. |
| 383 | Primary τοὺς δὲ ἴδεν μάλα πάντας ἐν αἵματι καὶ κονίῃσι |
| 384 | Primary πεπτεῶτας πολλούς, ὥστʼ ἰχθύας, οὕς θʼ ἁλιῆες |
| 385 | Primary κοῖλον ἐς αἰγιαλὸν πολιῆς ἔκτοσθε θαλάσσης |
| 386 | Primary δικτύῳ ἐξέρυσαν πολυωπῷ· οἱ δέ τε πάντες |
| 387 | Primary κύμαθʼ ἁλὸς ποθέοντες ἐπὶ ψαμάθοισι κέχυνται· |
| 388 | Primary τῶν μέν τʼ Ἠέλιος φαέθων ἐξείλετο θυμόν· |
| 389 | Primary ὣς τότʼ ἄρα μνηστῆρες ἐπʼ ἀλλήλοισι κέχυντο. |
| 390 | Primary δὴ τότε Τηλέμαχον προσέφη πολύμητις Ὀδυσσεύς· |
| 391 | Primary Τηλέμαχʼ, εἰ δʼ ἄγε μοι κάλεσον τροφὸν Εὐρύκλειαν, |
| 392 | Primary ὄφρα ἔπος εἴπωμι τό μοι καταθύμιόν ἐστιν. |
| 393 | Primary ὣς φάτο, Τηλέμαχος δὲ φίλῳ ἐπεπείθετο πατρί, |
| 394 | Primary κινήσας δὲ θύρην προσέφη τροφὸν Εὐρύκλειαν· |
| 395 | Primary δεῦρο δὴ ὄρσο, γρηῢ παλαιγενές, ἥ τε γυναικῶν |
| 396 | Primary δμῳάων σκοπός ἐσσι κατὰ μέγαρʼ ἡμετεράων· |
| 397 | Primary ἔρχεο· κικλήσκει σε πατὴρ ἐμός, ὄφρα τι εἴπῃ. |
| 398 | Primary ὣς ἄρʼ ἐφώνησεν, τῇ δʼ ἄπτερος ἔπλετο μῦθος, |
| 399 | Primary ὤϊξεν δὲ θύρας μεγάρων εὖ ναιεταόντων, |
| 400 | Primary βῆ δʼ ἴμεν· αὐτὰρ Τηλέμαχος πρόσθʼ ἡγεμόνευεν. |
| 401 | Primary εὗρεν ἔπειτʼ Ὀδυσῆα μετὰ κταμένοισι νέκυσσιν, |
| 402 | Primary αἵματι καὶ λύθρῳ πεπαλαγμένον ὥστε λέοντα, |
| 403 | Primary ὅς ῥά τε βεβρωκὼς βοὸς ἔρχεται ἀγραύλοιο· |
| 404 | Primary πᾶν δʼ ἄρα οἱ στῆθός τε παρήϊά τʼ ἀμφοτέρωθεν |
| 405 | Primary αἱματόεντα πέλει, δεινὸς δʼ εἰς ὦπα ἰδέσθαι· |
| 406 | Primary ὣς Ὀδυσεὺς πεπάλακτο πόδας καὶ χεῖρας ὕπερθεν. |
| 407 | Primary ἡ δʼ ὡς οὖν νέκυάς τε καὶ ἄσπετον εἴσιδεν αἷμα, |
| 408 | Primary ἴθυσέν ῥʼ ὀλολύξαι, ἐπεὶ μέγα εἴσιδεν ἔργον· |
| 409 | Primary ἀλλʼ Ὀδυσεὺς κατέρυκε καὶ ἔσχεθεν ἱεμένην περ, |
| 410 | Primary καί μιν φωνήσας ἔπεα πτερόεντα προσηύδα· |
| 411 | Primary ἐν θυμῷ, γρηῦ, χαῖρε καὶ ἴσχεο μηδʼ ὀλόλυζε· |
| 412 | Primary οὐχ ὁσίη κταμένοισιν ἐπʼ ἀνδράσιν εὐχετάασθαι. |
| 413 | Primary τούσδε δὲ μοῖρʼ ἐδάμασσε θεῶν καὶ σχέτλια ἔργα· |
| 414 | Primary οὔ τινα γὰρ τίεσκον ἐπιχθονίων ἀνθρώπων, |
| 415 | Primary οὐ κακὸν οὐδὲ μὲν ἐσθλόν, ὅτις σφέας εἰσαφίκοιτο· |
| 416 | Primary τῷ καὶ ἀτασθαλίῃσιν ἀεικέα πότμον ἐπέσπον. |
| 417 | Primary ἀλλʼ ἄγε μοι σὺ γυναῖκας ἐνὶ μεγάροις κατάλεξον, |
| 418 | Primary αἵ τέ μʼ ἀτιμάζουσι καὶ αἳ νηλείτιδές εἰσιν. |
| 419 | Primary τὸν δʼ αὖτε προσέειπε φίλη τροφὸς Εὐρύκλεια· |
| 420 | Primary τοιγὰρ ἐγώ τοι, τέκνον, ἀληθείην καταλέξω. |
| 421 | Primary πεντήκοντά τοί εἰσιν ἐνὶ μεγάροισι γυναῖκες |
| 422 | Primary δμῳαί, τὰς μέν τʼ ἔργα διδάξαμεν ἐργάζεσθαι, |
| 423 | Primary εἴριά τε ξαίνειν καὶ δουλοσύνην ἀνέχεσθαι· |
| 424 | Primary τάων δώδεκα πᾶσαι ἀναιδείης ἐπέβησαν, |
| 425 | Primary οὔτʼ ἐμὲ τίουσαι οὔτʼ αὐτὴν Πηνελόπειαν. |
| 426 | Primary Τηλέμαχος δὲ νέον μὲν ἀέξετο, οὐδέ ἑ μήτηρ |
| 427 | Primary σημαίνειν εἴασκεν ἐπὶ δμῳῇσι γυναιξίν. |
| 428 | Primary ἀλλʼ ἄγʼ ἐγὼν ἀναβᾶσʼ ὑπερώϊα σιγαλόεντα |
| 429 | Primary εἴπω σῇ ἀλόχῳ, τῇ τις θεὸς ὕπνον ἐπῶρσε. |
| 430 | Primary τὴν δʼ ἀπαμειβόμενος προσέφη πολύμητις Ὀδυσσεύς |
| 431 | Primary μή πω τήνδʼ ἐπέγειρε· σὺ δʼ ἐνθάδε εἰπὲ γυναιξὶν |
| 432 | Primary ἐλθέμεν, αἵ περ πρόσθεν ἀεικέα μηχανόωντο. |
| 433 | Primary ὣς ἄρʼ ἔφη, γρηῢς δὲ διὲκ μεγάροιο βεβήκει |
| 434 | Primary ἀγγελέουσα γυναιξὶ καὶ ὀτρυνέουσα νέεσθαι. |
| 435 | Primary αὐτὰρ ὁ Τηλέμαχον καὶ βουκόλον ἠδὲ συβώτην |
| 436 | Primary εἰς ἓ καλεσσάμενος ἔπεα πτερόεντα προσηύδα· |
| 437 | Primary ἄρχετε νῦν νέκυας φορέειν καὶ ἄνωχθε γυναῖκας· |
| 438 | Primary αὐτὰρ ἔπειτα θρόνους περικαλλέας ἠδὲ τραπέζας |
| 439 | Primary ὕδατι καὶ σπόγγοισι πολυτρήτοισι καθαίρειν. |
| 440 | Primary αὐτὰρ ἐπὴν δὴ πάντα δόμον κατακοσμήσησθε, |
| 441 | Primary δμῳὰς ἐξαγαγόντες ἐϋσταθέος μεγάροιο, |
| 442 | Primary μεσσηγύς τε θόλου καὶ ἀμύμονος ἕρκεος αὐλῆς, |
| 443 | Primary θεινέμεναι ξίφεσιν τανυήκεσιν, εἰς ὅ κε πασέων |
| 444 | Primary ψυχὰς ἐξαφέλησθε καὶ ἐκλελάθωντʼ Ἀφροδίτης, |
| 445 | Primary τὴν ἄρʼ ὑπὸ μνηστῆρσιν ἔχον μίσγοντό τε λάθρη. |
| 446 | Primary ὣς ἔφαθʼ, αἱ δὲ γυναῖκες ἀολλέες ἦλθον ἅπασαι, |
| 447 | Primary αἴνʼ ὀλοφυρόμεναι, θαλερὸν κατὰ δάκρυ χέουσαι. |
| 448 | Primary πρῶτα μὲν οὖν νέκυας φόρεον κατατεθνηῶτας, |
| 449 | Primary κὰδ δʼ ἄρʼ ὑπʼ αἰθούσῃ τίθεσαν εὐερκέος αὐλῆς, |
| 450 | Primary ἀλλήλοισιν ἐρείδουσαι· σήμαινε δʼ Ὀδυσσεὺς |
| 451 | Primary αὐτὸς ἐπισπέρχων· ταὶ δʼ ἐκφόρεον καὶ ἀνάγκῃ. |
| 452 | Primary αὐτὰρ ἔπειτα θρόνους περικαλλέας ἠδὲ τραπέζας |
| 453 | Primary ὕδατι καὶ σπόγγοισι πολυτρήτοισι κάθαιρον. |
| 454 | Primary αὐτὰρ Τηλέμαχος καὶ βουκόλος ἠδὲ συβώτῃς |
| 455 | Primary λίστροισιν δάπεδον πύκα ποιητοῖο δόμοιο |
| 456 | Primary ξῦον· ταὶ δʼ ἐφόρεον δμῳαί, τίθεσαν δὲ θύραζε. |
| 457 | Primary αὐτὰρ ἐπειδὴ πᾶν μέγαρον διεκοσμήσαντο, |
| 458 | Primary δμῳὰς δʼ ἐξαγαγόντες ἐϋσταθέος μεγάροιο, |
| 459 | Primary μεσσηγύς τε θόλου καὶ ἀμύμονος ἕρκεος αὐλῆς, |
| 460 | Primary εἴλεον ἐν στείνει, ὅθεν οὔ πως ἦεν ἀλύξαι. |
| 461 | Primary τοῖσι δὲ Τηλέμαχος πεπνυμένος ἦρχʼ ἀγορεύειν· |
| 462 | Primary μὴ μὲν δὴ καθαρῷ θανάτῳ ἀπὸ θυμὸν ἑλοίμην |
| 463 | Primary τάων, αἳ δὴ ἐμῇ κεφαλῇ κατʼ ὀνείδεα χεῦαν |
| 464 | Primary μητέρι θʼ ἡμετέρῃ παρά τε μνηστῆρσιν ἴαυον. |
| 465 | Primary ὣς ἄρʼ ἔφη, καὶ πεῖσμα νεὸς κυανοπρῴροιο |
| 466 | Primary κίονος ἐξάψας μεγάλης περίβαλλε θόλοιο, |
| 467 | Primary ὑψόσʼ ἐπεντανύσας, μή τις ποσὶν οὖδας ἵκοιτο. |
| 468 | Primary ὡς δʼ ὅτʼ ἂν ἢ κίχλαι τανυσίπτεροι ἠὲ πέλειαι |
| 469 | Primary ἕρκει ἐνιπλήξωσι, τό θʼ ἑστήκῃ ἐνὶ θάμνῳ, |
| 470 | Primary αὖλιν ἐσιέμεναι, στυγερὸς δʼ ὑπεδέξατο κοῖτος, |
| 471 | Primary ὣς αἵ γʼ ἑξείης κεφαλὰς ἔχον, ἀμφὶ δὲ πάσαις |
| 472 | Primary δειρῇσι βρόχοι ἦσαν, ὅπως οἴκτιστα θάνοιεν. |
| 473 | Primary ἤσπαιρον δὲ πόδεσσι μίνυνθά περ οὔ τι μάλα δήν. |
| 474 | Primary ἐκ δὲ Μελάνθιον ἦγον ἀνὰ πρόθυρόν τε καὶ αὐλήν· |
| 475 | Primary τοῦ δʼ ἀπὸ μὲν ῥῖνάς τε καὶ οὔατα νηλέϊ χαλκῷ |
| 476 | Primary τάμνον, μήδεά τʼ ἐξέρυσαν, κυσὶν ὠμὰ δάσασθαι, |
| 477 | Primary χεῖράς τʼ ἠδὲ πόδας κόπτον κεκοτηότι θυμῷ. |
| 478 | Primary οἱ μὲν ἔπειτʼ ἀπονιψάμενοι χεῖράς τε πόδας τε |
| 479 | Primary εἰς Ὀδυσῆα δόμονδε κίον, τετέλεστο δὲ ἔργον· |
| 480 | Primary αὐτὰρ ὅ γε προσέειπε φίλην τροφὸν Εὐρύκλειαν· |
| 481 | Primary οἶσε θέειον, γρηΰ, κακῶν ἄκος, οἶσε δέ μοι πῦρ, |
| 482 | Primary ὄφρα θεειώσω μέγαρον· σὺ δὲ Πηνελόπειαν |
| 483 | Primary ἐλθεῖν ἐνθάδʼ ἄνωχθι σὺν ἀμφιπόλοισι γυναιξί· |
| 484 | Primary πάσας δʼ ὄτρυνον δμῳὰς κατὰ δῶμα νέεσθαι. |
| 485 | Primary τὸν δʼ αὖτε προσέειπε φίλη τροφὸς Εὐρύκλεια· |
| 486 | Primary ναὶ δὴ ταῦτά γε, τέκνον ἐμόν, κατὰ μοῖραν ἔειπες. |
| 487 | Primary ἀλλʼ ἄγε τοι χλαῖνάν τε χιτῶνά τε εἵματʼ ἐνείκω, |
| 488 | Primary μηδʼ οὕτω ῥάκεσιν πεπυκασμένος εὐρέας ὤμους |
| 489 | Primary ἕσταθʼ ἐνὶ μεγάροισι· νεμεσσητὸν δέ κεν εἴη. |
| 490 | Primary τὴν δʼ ἀπαμειβόμενος προσέφη πολύμητις Ὀδυσσεύς· |
| 491 | Primary πῦρ νῦν μοι πρώτιστον ἐνὶ μεγάροισι γενέσθω. |
| 492 | Primary ὣς ἔφατʼ, οὐδʼ ἀπίθησε φίλη τροφὸς Εὐρύκλεια, |
| 493 | Primary ἤνεικεν δʼ ἄρα πῦρ καὶ θήϊον· αὐτὰρ Ὀδυσσεὺς |
| 494 | Primary εὖ διεθείωσεν μέγαρον καὶ δῶμα καὶ αὐλήν. |
| 495 | Primary γρηῢς δʼ αὖτʼ ἀπέβη διὰ δώματα κάλʼ Ὀδυσῆος |
| 496 | Primary ἀγγελέουσα γυναιξὶ καὶ ὀτρυνέουσα νέεσθαι· |
| 497 | Primary αἱ δʼ ἴσαν ἐκ μεγάροιο δάος μετὰ χερσὶν ἔχουσαι. |
| 498 | Primary αἱ μὲν ἄρʼ ἀμφεχέοντο καὶ ἠσπάζοντʼ Ὀδυσῆα, |
| 499 | Primary καὶ κύνεον ἀγαπαξόμεναι κεφαλήν τε καὶ ὤμους |
| 500 | Primary χεῖράς τʼ αἰνύμεναι· τὸν δὲ γλυκὺς ἵμερος ᾕρει |
| 501 | Primary κλαυθμοῦ καὶ στοναχῆς, γίγνωσκε δʼ ἄρα φρεσὶ πάσας. |