Reader
Reader | Odyssey, Book 5
Odyssey
Homer
Text
Position
Line 1 of 493
Waypoints
| Line Ref | A. T. Murray | Ancient Greek |
|---|---|
| 1 | Primary Ἠὼς δʼ ἐκ λεχέων παρʼ ἀγαυοῦ Τιθωνοῖο |
| 2 | Primary ὤρνυθʼ, ἵνʼ ἀθανάτοισι φόως φέροι ἠδὲ βροτοῖσιν· |
| 3 | Primary οἱ δὲ θεοὶ θῶκόνδε καθίζανον, ἐν δʼ ἄρα τοῖσι |
| 4 | Primary Ζεὺς ὑψιβρεμέτης, οὗ τε κράτος ἐστὶ μέγιστον. |
| 5 | Primary τοῖσι δʼ Ἀθηναίη λέγε κήδεα πόλλʼ Ὀδυσῆος |
| 6 | Primary μνησαμένη· μέλε γάρ οἱ ἐὼν ἐν δώμασι νύμφης· |
| 7 | Primary Ζεῦ πάτερ ἠδʼ ἄλλοι μάκαρες θεοὶ αἰὲν ἐόντες, |
| 8 | Primary μή τις ἔτι πρόφρων ἀγανὸς καὶ ἤπιος ἔστω |
| 9 | Primary σκηπτοῦχος βασιλεύς, μηδὲ φρεσὶν αἴσιμα εἰδώς, |
| 10 | Primary ἀλλʼ αἰεὶ χαλεπός τʼ εἴη καὶ αἴσυλα ῥέζοι· |
| 11 | Primary ὡς οὔ τις μέμνηται Ὀδυσσῆος θείοιο |
| 12 | Primary λαῶν οἷσιν ἄνασσε, πατὴρ δʼ ὣς ἤπιος ἦεν. |
| 13 | Primary ἀλλʼ ὁ μὲν ἐν νήσῳ κεῖται κρατέρʼ ἄλγεα πάσχων |
| 14 | Primary νύμφης ἐν μεγάροισι Καλυψοῦς, ἥ μιν ἀνάγκῃ |
| 15 | Primary ἴσχει· ὁ δʼ οὐ δύναται ἣν πατρίδα γαῖαν ἱκέσθαι· |
| 16 | Primary οὐ γάρ οἱ πάρα νῆες ἐπήρετμοι καὶ ἑταῖροι, |
| 17 | Primary οἵ κέν μιν πέμποιεν ἐπʼ εὐρέα νῶτα θαλάσσης. |
| 18 | Primary νῦν αὖ παῖδʼ ἀγαπητὸν ἀποκτεῖναι μεμάασιν |
| 19 | Primary οἴκαδε νισόμενον· ὁ δʼ ἔβη μετὰ πατρὸς ἀκουὴν |
| 20 | Primary ἐς Πύλον ἠγαθέην ἠδʼ ἐς Λακεδαίμονα δῖαν. |
| 21 | Primary τὴν δʼ ἀπαμειβόμενος προσέφη νεφεληγερέτα Ζεύς· |
| 22 | Primary τέκνον ἐμόν, ποῖόν σε ἔπος φύγεν ἕρκος ὀδόντων. |
| 23 | Primary οὐ γὰρ δὴ τοῦτον μὲν ἐβούλευσας νόον αὐτή, |
| 24 | Primary ὡς ἦ τοι κείνους Ὀδυσεὺς ἀποτίσεται ἐλθών; |
| 25 | Primary Τηλέμαχον δὲ σὺ πέμψον ἐπισταμένως, δύνασαι γάρ, |
| 26 | Primary ὥς κε μάλʼ ἀσκηθὴς ἣν πατρίδα γαῖαν ἵκηται, |
| 27 | Primary μνηστῆρες δʼ ἐν νηὶ· παλιμπετὲς ἀπονέωνται. |
| 28 | Primary ἦ ῥα καὶ Ἑρμείαν, υἱὸν φίλον, ἀντίον ηὔδα· |
| 29 | Primary Ἑρμεία, σὺ γὰρ αὖτε τά τʼ ἄλλα περ ἄγγελός ἐσσι, |
| 30 | Primary νύμφῃ ἐυπλοκάμῳ εἰπεῖν νημερτέα βουλήν, |
| 31 | Primary νόστον Ὀδυσσῆος ταλασίφρονος, ὥς κε νέηται |
| 32 | Primary οὔτε θεῶν πομπῇ οὔτε θνητῶν ἀνθρώπων· |
| 33 | Primary ἀλλʼ ὅ γʼ ἐπὶ σχεδίης πολυδέσμου πήματα πάσχων |
| 34 | Primary ἤματί κʼ εἰκοστῷ Σχερίην ἐρίβωλον ἵκοιτο, |
| 35 | Primary Φαιήκων ἐς γαῖαν, οἳ ἀγχίθεοι γεγάασιν, |
| 36 | Primary οἵ κέν μιν περὶ κῆρι θεὸν ὣς τιμήσουσιν, |
| 37 | Primary πέμψουσιν δʼ ἐν νηὶ φίλην ἐς πατρίδα γαῖαν, |
| 38 | Primary χαλκόν τε χρυσόν τε ἅλις ἐσθῆτά τε δόντες, |
| 39 | Primary πόλλʼ, ὅσʼ ἂν οὐδέ ποτε Τροίης ἐξήρατʼ Ὀδυσσεύς, |
| 40 | Primary εἴ περ ἀπήμων ἦλθε, λαχὼν ἀπὸ ληίδος αἶσαν. |
| 41 | Primary ὣς γάρ οἱ μοῖρʼ ἐστὶ φίλους τʼ ἰδέειν καὶ ἱκέσθαι |
| 42 | Primary οἶκον ἐς ὑψόροφον καὶ ἑὴν ἐς πατρίδα γαῖαν. |
| 43 | Primary ὣς ἔφατʼ, οὐδʼ ἀπίθησε διάκτορος ἀργεϊφόντης. |
| 44 | Primary αὐτίκʼ ἔπειθʼ ὑπὸ ποσσὶν ἐδήσατο καλὰ πέδιλα, |
| 45 | Primary ἀμβρόσια χρύσεια, τά μιν φέρον ἠμὲν ἐφʼ ὑγρὴν |
| 46 | Primary ἠδʼ ἐπʼ ἀπείρονα γαῖαν ἅμα πνοιῇς ἀνέμοιο. |
| 47 | Primary εἵλετο δὲ ῥάβδον, τῇ τʼ ἀνδρῶν ὄμματα θέλγει, |
| 48 | Primary ὧν ἐθέλει, τοὺς δʼ αὖτε καὶ ὑπνώοντας ἐγείρει. |
| 49 | Primary τὴν μετὰ χερσὶν ἔχων πέτετο κρατὺς ἀργεϊφόντης. |
| 50 | Primary Πιερίην δʼ ἐπιβὰς ἐξ αἰθέρος ἔμπεσε πόντῳ· |
| 51 | Primary σεύατʼ ἔπειτʼ ἐπὶ κῦμα λάρῳ ὄρνιθι ἐοικώς, |
| 52 | Primary ὅς τε κατὰ δεινοὺς κόλπους ἁλὸς ἀτρυγέτοιο |
| 53 | Primary ἰχθῦς ἀγρώσσων πυκινὰ πτερὰ δεύεται ἅλμῃ· |
| 54 | Primary τῷ ἴκελος πολέεσσιν ὀχήσατο κύμασιν Ἑρμῆς. |
| 55 | Primary ἀλλʼ ὅτε δὴ τὴν νῆσον ἀφίκετο τηλόθʼ ἐοῦσαν, |
| 56 | Primary ἔνθʼ ἐκ πόντου βὰς ἰοειδέος ἤπειρόνδε |
| 57 | Primary ἤιεν, ὄφρα μέγα σπέος ἵκετο, τῷ ἔνι νύμφη |
| 58 | Primary ναῖεν ἐυπλόκαμος· τὴν δʼ ἔνδοθι τέτμεν ἐοῦσαν. |
| 59 | Primary πῦρ μὲν ἐπʼ ἐσχαρόφιν μέγα καίετο, τηλόσε δʼ ὀδμὴ |
| 60 | Primary κέδρου τʼ εὐκεάτοιο θύου τʼ ἀνὰ νῆσον ὀδώδει |
| 61 | Primary δαιομένων· ἡ δʼ ἔνδον ἀοιδιάουσʼ ὀπὶ καλῇ |
| 62 | Primary ἱστὸν ἐποιχομένη χρυσείῃ κερκίδʼ ὕφαινεν. |
| 63 | Primary ὕλη δὲ σπέος ἀμφὶ πεφύκει τηλεθόωσα, |
| 64 | Primary κλήθρη τʼ αἴγειρός τε καὶ εὐώδης κυπάρισσος. |
| 65 | Primary ἔνθα δέ τʼ ὄρνιθες τανυσίπτεροι εὐνάζοντο, |
| 66 | Primary σκῶπές τʼ ἴρηκές τε τανύγλωσσοί τε κορῶναι |
| 67 | Primary εἰνάλιαι, τῇσίν τε θαλάσσια ἔργα μέμηλεν. |
| 68 | Primary ἡ δʼ αὐτοῦ τετάνυστο περὶ σπείους γλαφυροῖο |
| 69 | Primary ἡμερὶς ἡβώωσα, τεθήλει δὲ σταφυλῇσι. |
| 70 | Primary κρῆναι δʼ ἑξείης πίσυρες ῥέον ὕδατι λευκῷ, |
| 71 | Primary πλησίαι ἀλλήλων τετραμμέναι ἄλλυδις ἄλλη. |
| 72 | Primary ἀμφὶ δὲ λειμῶνες μαλακοὶ ἴου ἠδὲ σελίνου |
| 73 | Primary θήλεον. ἔνθα κʼ ἔπειτα καὶ ἀθάνατός περ ἐπελθὼν |
| 74 | Primary θηήσαιτο ἰδὼν καὶ τερφθείη φρεσὶν ᾗσιν. |
| 75 | Primary ἔνθα στὰς θηεῖτο διάκτορος ἀργεϊφόντης. |
| 76 | Primary αὐτὰρ ἐπεὶ δὴ πάντα ἑῷ θηήσατο θυμῷ, |
| 77 | Primary αὐτίκʼ ἄρʼ εἰς εὐρὺ σπέος ἤλυθεν. οὐδέ μιν ἄντην |
| 78 | Primary ἠγνοίησεν ἰδοῦσα Καλυψώ, δῖα θεάων· |
| 79 | Primary οὐ γάρ τʼ ἀγνῶτες θεοὶ ἀλλήλοισι πέλονται |
| 80 | Primary ἀθάνατοι, οὐδʼ εἴ τις ἀπόπροθι δώματα ναίει. |
| 81 | Primary οὐδʼ ἄρʼ Ὀδυσσῆα μεγαλήτορα ἔνδον ἔτετμεν, |
| 82 | Primary ἀλλʼ ὅ γʼ ἐπʼ ἀκτῆς κλαῖε καθήμενος, ἔνθα πάρος περ, |
| 83 | Primary δάκρυσι καὶ στοναχῇσι καὶ ἄλγεσι θυμὸν ἐρέχθων. |
| 84 | Primary πόντον ἐπʼ ἀτρύγετον δερκέσκετο δάκρυα λείβων. |
| 85 | Primary Ἑρμείαν δʼ ἐρέεινε Καλυψώ, δῖα θεάων, |
| 86 | Primary ἐν θρόνῳ ἱδρύσασα φαεινῷ σιγαλόεντι· |
| 87 | Primary τίπτε μοι, Ἑρμεία χρυσόρραπι, εἰλήλουθας |
| 88 | Primary αἰδοῖός τε φίλος τε; πάρος γε μὲν οὔ τι θαμίζεις. |
| 89 | Primary αὔδα ὅ τι φρονέεις· τελέσαι δέ με θυμὸς ἄνωγεν, |
| 90 | Primary εἰ δύναμαι τελέσαι γε καὶ εἰ τετελεσμένον ἐστίν. |
| 91 | Primary ἀλλʼ ἕπεο προτέρω, ἵνα τοι πὰρ ξείνια θείω. |
| 92 | Primary ὥς ἄρα φωνήσασα θεὰ παρέθηκε τράπεζαν |
| 93 | Primary ἀμβροσίης πλήσασα, κέρασσε δὲ νέκταρ ἐρυθρόν. |
| 94 | Primary αὐτὰρ ὁ πῖνε καὶ ἦσθε διάκτορος ἀργεϊφόντης. |
| 95 | Primary αὐτὰρ ἐπεὶ δείπνησε καὶ ἤραρε θυμὸν ἐδωδῇ, |
| 96 | Primary καὶ τότε δή μιν ἔπεσσιν ἀμειβόμενος προσέειπεν· |
| 97 | Primary εἰρωτᾷς μʼ ἐλθόντα θεὰ θεόν· αὐτὰρ ἐγώ τοι |
| 98 | Primary νημερτέως τὸν μῦθον ἐνισπήσω· κέλεαι γάρ. |
| 99 | Primary Ζεὺς ἐμέ γʼ ἠνώγει δεῦρʼ ἐλθέμεν οὐκ ἐθέλοντα· |
| 100 | Primary τίς δʼ ἂν ἑκὼν τοσσόνδε διαδράμοι ἁλμυρὸν ὕδωρ |
| 101 | Primary ἄσπετον; οὐδέ τις ἄγχι βροτῶν πόλις, οἵ τε θεοῖσιν |
| 102 | Primary ἱερά τε ῥέζουσι καὶ ἐξαίτους ἑκατόμβας. |
| 103 | Primary ἀλλὰ μάλʼ οὔ πως ἔστι Διὸς νόον αἰγιόχοιο |
| 104 | Primary οὔτε παρεξελθεῖν ἄλλον θεὸν οὔθʼ ἁλιῶσαι. |
| 105 | Primary φησί τοι ἄνδρα παρεῖναι ὀιζυρώτατον ἄλλων, |
| 106 | Primary τῶν ἀνδρῶν, οἳ ἄστυ πέρι Πριάμοιο μάχοντο |
| 107 | Primary εἰνάετες, δεκάτῳ δὲ πόλιν πέρσαντες ἔβησαν |
| 108 | Primary οἴκαδʼ· ἀτὰρ ἐν νόστῳ Ἀθηναίην ἀλίτοντο, |
| 109 | Primary ἥ σφιν ἐπῶρσʼ ἄνεμόν τε κακὸν καὶ κύματα μακρά. |
| 110 | Primary ἔνθʼ ἄλλοι μὲν πάντες ἀπέφθιθεν ἐσθλοὶ ἑταῖροι, |
| 111 | Primary τὸν δʼ ἄρα δεῦρʼ ἄνεμός τε φέρων καὶ κῦμα πέλασσε. |
| 112 | Primary τὸν νῦν σʼ ἠνώγειν ἀποπεμπέμεν ὅττι τάχιστα· |
| 113 | Primary οὐ γάρ οἱ τῇδʼ αἶσα φίλων ἀπονόσφιν ὀλέσθαι, |
| 114 | Primary ἀλλʼ ἔτι οἱ μοῖρʼ ἐστὶ φίλους τʼ ἰδέειν καὶ ἱκέσθαι |
| 115 | Primary οἶκον ἐς ὑψόροφον καὶ ἑὴν ἐς πατρίδα γαῖαν. |
| 116 | Primary ὣς φάτο, ῥίγησεν δὲ Καλυψώ, δῖα θεάων, |
| 117 | Primary καί μιν φωνήσασʼ ἔπεα πτερόεντα προσηύδα· |
| 118 | Primary σχέτλιοί ἐστε, θεοί, ζηλήμονες ἔξοχον ἄλλων, |
| 119 | Primary οἵ τε θεαῖς ἀγάασθε παρʼ ἀνδράσιν εὐνάζεσθαι |
| 120 | Primary ἀμφαδίην, ἤν τίς τε φίλον ποιήσετʼ ἀκοίτην. |
| 121 | Primary ὣς μὲν ὅτʼ Ὠρίωνʼ ἕλετο ῥοδοδάκτυλος Ἠώς, |
| 122 | Primary τόφρα οἱ ἠγάασθε θεοὶ ῥεῖα ζώοντες, |
| 123 | Primary ἧος ἐν Ὀρτυγίῃ χρυσόθρονος Ἄρτεμις ἁγνὴ |
| 124 | Primary οἷς ἀγανοῖς βελέεσσιν ἐποιχομένη κατέπεφνεν. |
| 125 | Primary ὣς δʼ ὁπότʼ Ἰασίωνι ἐυπλόκαμος Δημήτηρ, |
| 126 | Primary ᾧ θυμῷ εἴξασα, μίγη φιλότητι καὶ εὐνῇ |
| 127 | Primary νειῷ ἔνι τριπόλῳ· οὐδὲ δὴν ἦεν ἄπυστος |
| 128 | Primary Ζεύς, ὅς μιν κατέπεφνε βαλὼν ἀργῆτι κεραυνῷ. |
| 129 | Primary ὥς δʼ αὖ νῦν μοι ἄγασθε, θεοί, βροτὸν ἄνδρα παρεῖναι. |
| 130 | Primary τὸν μὲν ἐγὼν ἐσάωσα περὶ τρόπιος βεβαῶτα |
| 131 | Primary οἶον, ἐπεί οἱ νῆα θοὴν ἀργῆτι κεραυνῷ |
| 132 | Primary Ζεὺς ἔλσας ἐκέασσε μέσῳ ἐνὶ οἴνοπι πόντῳ. |
| 133 | Primary ἔνθʼ ἄλλοι μὲν πάντες ἀπέφθιθεν ἐσθλοὶ ἑταῖροι, |
| 134 | Primary τὸν δʼ ἄρα δεῦρʼ ἄνεμός τε φέρων καὶ κῦμα πέλασσε. |
| 135 | Primary τὸν μὲν ἐγὼ φίλεόν τε καὶ ἔτρεφον, ἠδὲ ἔφασκον |
| 136 | Primary θήσειν ἀθάνατον καὶ ἀγήραον ἤματα πάντα. |
| 137 | Primary ἀλλʼ ἐπεὶ οὔ πως ἔστι Διὸς νόον αἰγιόχοιο |
| 138 | Primary οὔτε παρεξελθεῖν ἄλλον θεὸν οὔθʼ ἁλιῶσαι, |
| 139 | Primary ἐρρέτω, εἴ μιν κεῖνος ἐποτρύνει καὶ ἀνώγει, |
| 140 | Primary πόντον ἐπʼ ἀτρύγετον· πέμψω δέ μιν οὔ πῃ ἐγώ γε· |
| 141 | Primary οὐ γάρ μοι πάρα νῆες ἐπήρετμοι καὶ ἑταῖροι, |
| 142 | Primary οἵ κέν μιν πέμποιεν ἐπʼ εὐρέα νῶτα θαλάσσης. |
| 143 | Primary αὐτάρ οἱ πρόφρων ὑποθήσομαι, οὐδʼ ἐπικεύσω, |
| 144 | Primary ὥς κε μάλʼ ἀσκηθὴς ἣν πατρίδα γαῖαν ἵκηται. |
| 145 | Primary τὴν δʼ αὖτε προσέειπε διάκτορος ἀργεϊφόντης· |
| 146 | Primary οὕτω νῦν ἀπόπεμπε, Διὸς δʼ ἐποπίζεο μῆνιν, |
| 147 | Primary μή πώς τοι μετόπισθε κοτεσσάμενος χαλεπήνῃ. |
| 148 | Primary ὣς ἄρα φωνήσας ἀπέβη κρατὺς ἀργεϊφόντης· |
| 149 | Primary ἡ δʼ ἐπʼ Ὀδυσσῆα μεγαλήτορα πότνια νύμφη |
| 150 | Primary ἤιʼ, ἐπεὶ δὴ Ζηνὸς ἐπέκλυεν ἀγγελιάων. |
| 151 | Primary τὸν δʼ ἄρʼ ἐπʼ ἀκτῆς εὗρε καθήμενον· οὐδέ ποτʼ ὄσσε |
| 152 | Primary δακρυόφιν τέρσοντο, κατείβετο δὲ γλυκὺς αἰὼν |
| 153 | Primary νόστον ὀδυρομένῳ, ἐπεὶ οὐκέτι ἥνδανε νύμφη. |
| 154 | Primary ἀλλʼ ἦ τοι νύκτας μὲν ἰαύεσκεν καὶ ἀνάγκῃ |
| 155 | Primary ἐν σπέσσι γλαφυροῖσι παρʼ οὐκ ἐθέλων ἐθελούσῃ· |
| 156 | Primary ἤματα δʼ ἂμ πέτρῃσι καὶ ἠιόνεσσι καθίζων |
| 157 | Primary δάκρυσι καὶ στοναχῇσι καὶ ἄλγεσι θυμὸν ἐρέχθων |
| 158 | Primary πόντον ἐπʼ ἀτρύγετον δερκέσκετο δάκρυα λείβων. |
| 159 | Primary ἀγχοῦ δʼ ἱσταμένη προσεφώνεε δῖα θεάων· |
| 160 | Primary κάμμορε, μή μοι ἔτʼ ἐνθάδʼ ὀδύρεο, μηδέ τοι αἰὼν |
| 161 | Primary φθινέτω· ἤδη γάρ σε μάλα πρόφρασσʼ ἀποπέμψω. |
| 162 | Primary ἀλλʼ ἄγε δούρατα μακρὰ ταμὼν ἁρμόζεο χαλκῷ |
| 163 | Primary εὐρεῖαν σχεδίην· ἀτὰρ ἴκρια πῆξαι ἐπʼ αὐτῆς |
| 164 | Primary ὑψοῦ, ὥς σε φέρῃσιν ἐπʼ ἠεροειδέα πόντον. |
| 165 | Primary αὐτὰρ ἐγὼ σῖτον καὶ ὕδωρ καὶ οἶνον ἐρυθρὸν |
| 166 | Primary ἐνθήσω μενοεικέʼ, ἅ κέν τοι λιμὸν ἐρύκοι, |
| 167 | Primary εἵματά τʼ ἀμφιέσω· πέμψω δέ τοι οὖρον ὄπισθεν, |
| 168 | Primary ὥς κε μάλʼ ἀσκηθὴς σὴν πατρίδα γαῖαν ἵκηαι, |
| 169 | Primary αἴ κε θεοί γʼ ἐθέλωσι, τοὶ οὐρανὸν εὐρὺν ἔχουσιν, |
| 170 | Primary οἵ μευ φέρτεροί εἰσι νοῆσαί τε κρῆναί τε. |
| 171 | Primary ὣς φάτο, ῥίγησεν δὲ πολύτλας δῖος Ὀδυσσεύς, |
| 172 | Primary καί μιν φωνήσας ἔπεα πτερόεντα προσηύδα· |
| 173 | Primary ἄλλο τι δὴ σύ, θεά, τόδε μήδεαι, οὐδέ τι πομπήν, |
| 174 | Primary ἥ με κέλεαι σχεδίῃ περάαν μέγα λαῖτμα θαλάσσης, |
| 175 | Primary δεινόν τʼ ἀργαλέον τε· τὸ δʼ οὐδʼ ἐπὶ νῆες ἐῖσαι |
| 176 | Primary ὠκύποροι περόωσιν, ἀγαλλόμεναι Διὸς οὔρῳ. |
| 177 | Primary οὐδʼ ἂν ἐγὼν ἀέκητι σέθεν σχεδίης ἐπιβαίην, |
| 178 | Primary εἰ μή μοι τλαίης γε, θεά, μέγαν ὅρκον ὀμόσσαι |
| 179 | Primary μή τί μοι αὐτῷ πῆμα κακὸν βουλευσέμεν ἄλλο. |
| 180 | Primary ὣς φάτο, μείδησεν δὲ Καλυψὼ δῖα θεάων, |
| 181 | Primary χειρί τέ μιν κατέρεξεν ἔπος τʼ ἔφατʼ ἔκ τʼ ὀνόμαζεν· |
| 182 | Primary ἦ δὴ ἀλιτρός γʼ ἐσσὶ καὶ οὐκ ἀποφώλια εἰδώς, |
| 183 | Primary οἷον δὴ τὸν μῦθον ἐπεφράσθης ἀγορεῦσαι. |
| 184 | Primary ἴστω νῦν τόδε γαῖα καὶ οὐρανὸς εὐρὺς ὕπερθε |
| 185 | Primary καὶ τὸ κατειβόμενον Στυγὸς ὕδωρ, ὅς τε μέγιστος |
| 186 | Primary ὅρκος δεινότατός τε πέλει μακάρεσσι θεοῖσι, |
| 187 | Primary μή τί τοι αὐτῷ πῆμα κακὸν βουλευσέμεν ἄλλο. |
| 188 | Primary ἀλλὰ τὰ μὲν νοέω καὶ φράσσομαι, ἅσσʼ ἂν ἐμοί περ |
| 189 | Primary αὐτῇ μηδοίμην, ὅτε με χρειὼ τόσον ἵκοι· |
| 190 | Primary καὶ γὰρ ἐμοὶ νόος ἐστὶν ἐναίσιμος, οὐδέ μοι αὐτῇ |
| 191 | Primary θυμὸς ἐνὶ στήθεσσι σιδήρεος, ἀλλʼ ἐλεήμων. |
| 192 | Primary ὣς ἄρα φωνήσασʼ ἡγήσατο δῖα θεάων |
| 193 | Primary καρπαλίμως· ὁ δʼ ἔπειτα μετʼ ἴχνια βαῖνε θεοῖο. |
| 194 | Primary ἷξον δὲ σπεῖος γλαφυρὸν θεὸς ἠδὲ καὶ ἀνήρ, |
| 195 | Primary καί ῥʼ ὁ μὲν ἔνθα καθέζετʼ ἐπὶ θρόνου ἔνθεν ἀνέστη |
| 196 | Primary Ἑρμείας, νύμφη δʼ ἐτίθει πάρα πᾶσαν ἐδωδήν, |
| 197 | Primary ἔσθειν καὶ πίνειν, οἷα βροτοὶ ἄνδρες ἔδουσιν· |
| 198 | Primary αὐτὴ δʼ ἀντίον ἷζεν Ὀδυσσῆος θείοιο, |
| 199 | Primary τῇ δὲ παρʼ ἀμβροσίην δμῳαὶ καὶ νέκταρ ἔθηκαν. |
| 200 | Primary οἱ δʼ ἐπʼ ὀνείαθʼ ἑτοῖμα προκείμενα χεῖρας ἴαλλον. |
| 201 | Primary αὐτὰρ ἐπεὶ τάρπησαν ἐδητύος ἠδὲ ποτῆτος, |
| 202 | Primary τοῖς ἄρα μύθων ἦρχε Καλυψώ, δῖα θεάων· |
| 203 | Primary διογενὲς Λαερτιάδη, πολυμήχανʼ Ὀδυσσεῦ, |
| 204 | Primary οὕτω δὴ οἶκόνδε φίλην ἐς πατρίδα γαῖαν |
| 205 | Primary αὐτίκα νῦν ἐθέλεις ἰέναι; σὺ δὲ χαῖρε καὶ ἔμπης. |
| 206 | Primary εἴ γε μὲν εἰδείης σῇσι φρεσὶν ὅσσα τοι αἶσα |
| 207 | Primary κήδεʼ ἀναπλῆσαι, πρὶν πατρίδα γαῖαν ἱκέσθαι, |
| 208 | Primary ἐνθάδε κʼ αὖθι μένων σὺν ἐμοὶ τόδε δῶμα φυλάσσοις |
| 209 | Primary ἀθάνατός τʼ εἴης, ἱμειρόμενός περ ἰδέσθαι |
| 210 | Primary σὴν ἄλοχον, τῆς τʼ αἰὲν ἐέλδεαι ἤματα πάντα. |
| 211 | Primary οὐ μέν θην κείνης γε χερείων εὔχομαι εἶναι, |
| 212 | Primary οὐ δέμας οὐδὲ φυήν, ἐπεὶ οὔ πως οὐδὲ ἔοικεν |
| 213 | Primary θνητὰς ἀθανάτῃσι δέμας καὶ εἶδος ἐρίζειν. |
| 214 | Primary τὴν δʼ ἀπαμειβόμενος προσέφη πολύμητις Ὀδυσσεύς· |
| 215 | Primary πότνα θεά, μή μοι τόδε χώεο· οἶδα καὶ αὐτὸς |
| 216 | Primary πάντα μάλʼ, οὕνεκα σεῖο περίφρων Πηνελόπεια |
| 217 | Primary εἶδος ἀκιδνοτέρη μέγεθός τʼ εἰσάντα ἰδέσθαι· |
| 218 | Primary ἡ μὲν γὰρ βροτός ἐστι, σὺ δʼ ἀθάνατος καὶ ἀγήρως. |
| 219 | Primary ἀλλὰ καὶ ὣς ἐθέλω καὶ ἐέλδομαι ἤματα πάντα |
| 220 | Primary οἴκαδέ τʼ ἐλθέμεναι καὶ νόστιμον ἦμαρ ἰδέσθαι. |
| 221 | Primary εἰ δʼ αὖ τις ῥαίῃσι θεῶν ἐνὶ οἴνοπι πόντῳ, |
| 222 | Primary τλήσομαι ἐν στήθεσσιν ἔχων ταλαπενθέα θυμόν· |
| 223 | Primary ἤδη γὰρ μάλα πολλὰ πάθον καὶ πολλὰ μόγησα |
| 224 | Primary κύμασι καὶ πολέμῳ· μετὰ καὶ τόδε τοῖσι γενέσθω. |
| 225 | Primary ὣς ἔφατʼ, ἠέλιος δʼ ἄρʼ ἔδυ καὶ ἐπὶ κνέφας ἦλθεν· |
| 226 | Primary ἐλθόντες δʼ ἄρα τώ γε μυχῷ σπείους γλαφυροῖο |
| 227 | Primary τερπέσθην φιλότητι, παρʼ ἀλλήλοισι μένοντες. |
| 228 | Primary ἦμος δʼ ἠριγένεια φάνη ῥοδοδάκτυλος Ἠώς, |
| 229 | Primary αὐτίχʼ ὁ μὲν χλαῖνάν τε χιτῶνά τε ἕννυτʼ Ὀδυσσεύς, |
| 230 | Primary αὐτὴ δʼ ἀργύφεον φᾶρος μέγα ἕννυτο νύμφη, |
| 231 | Primary λεπτὸν καὶ χαρίεν, περὶ δὲ ζώνην βάλετʼ ἰξυῖ |
| 232 | Primary καλὴν χρυσείην, κεφαλῇ δʼ ἐφύπερθε καλύπτρην. |
| 233 | Primary καὶ τότʼ Ὀδυσσῆι μεγαλήτορι μήδετο πομπήν· |
| 234 | Primary δῶκέν οἱ πέλεκυν μέγαν, ἄρμενον ἐν παλάμῃσι, |
| 235 | Primary χάλκεον, ἀμφοτέρωθεν ἀκαχμένον· αὐτὰρ ἐν αὐτῷ |
| 236 | Primary στειλειὸν περικαλλὲς ἐλάινον, εὖ ἐναρηρός· |
| 237 | Primary δῶκε δʼ ἔπειτα σκέπαρνον ἐύξοον· ἦρχε δʼ ὁδοῖο |
| 238 | Primary νήσου ἐπʼ ἐσχατιῆς, ὅθι δένδρεα μακρὰ πεφύκει, |
| 239 | Primary κλήθρη τʼ αἴγειρός τʼ, ἐλάτη τʼ ἦν οὐρανομήκης, |
| 240 | Primary αὖα πάλαι, περίκηλα, τά οἱ πλώοιεν ἐλαφρῶς. |
| 241 | Primary αὐτὰρ ἐπεὶ δὴ δεῖξʼ, ὅθι δένδρεα μακρὰ πεφύκει, |
| 242 | Primary ἡ μὲν ἔβη πρὸς δῶμα Καλυψώ, δῖα θεάων, |
| 243 | Primary αὐτὰρ ὁ τάμνετο δοῦρα· θοῶς δέ οἱ ἤνυτο ἔργον. |
| 244 | Primary εἴκοσι δʼ ἔκβαλε πάντα, πελέκκησεν δʼ ἄρα χαλκῷ, |
| 245 | Primary ξέσσε δʼ ἐπισταμένως καὶ ἐπὶ στάθμην ἴθυνεν. |
| 246 | Primary τόφρα δʼ ἔνεικε τέρετρα Καλυψώ, δῖα θεάων· |
| 247 | Primary τέτρηνεν δʼ ἄρα πάντα καὶ ἥρμοσεν ἀλλήλοισιν, |
| 248 | Primary γόμφοισιν δʼ ἄρα τήν γε καὶ ἁρμονίῃσιν ἄρασσεν. |
| 249 | Primary ὅσσον τίς τʼ ἔδαφος νηὸς τορνώσεται ἀνὴρ |
| 250 | Primary φορτίδος εὐρείης, ἐὺ εἰδὼς τεκτοσυνάων, |
| 251 | Primary τόσσον ἔπʼ εὐρεῖαν σχεδίην ποιήσατʼ Ὀδυσσεύς. |
| 252 | Primary ἴκρια δὲ στήσας, ἀραρὼν θαμέσι σταμίνεσσι, |
| 253 | Primary ποίει· ἀτὰρ μακρῇσιν ἐπηγκενίδεσσι τελεύτα. |
| 254 | Primary ἐν δʼ ἱστὸν ποίει καὶ ἐπίκριον ἄρμενον αὐτῷ· |
| 255 | Primary πρὸς δʼ ἄρα πηδάλιον ποιήσατο, ὄφρʼ ἰθύνοι. |
| 256 | Primary φράξε δέ μιν ῥίπεσσι διαμπερὲς οἰσυΐνῃσι |
| 257 | Primary κύματος εἶλαρ ἔμεν· πολλὴν δʼ ἐπεχεύατο ὕλην. |
| 258 | Primary τόφρα δὲ φάρεʼ ἔνεικε Καλυψώ, δῖα θεάων, |
| 259 | Primary ἱστία ποιήσασθαι· ὁ δʼ εὖ τεχνήσατο καὶ τά. |
| 260 | Primary ἐν δʼ ὑπέρας τε κάλους τε πόδας τʼ ἐνέδησεν ἐν αὐτῇ, |
| 261 | Primary μοχλοῖσιν δʼ ἄρα τήν γε κατείρυσεν εἰς ἅλα δῖαν. |
| 262 | Primary τέτρατον ἦμαρ ἔην, καὶ τῷ τετέλεστο ἅπαντα· |
| 263 | Primary τῷ δʼ ἄρα πέμπτῳ πέμπʼ ἀπὸ νήσου δῖα Καλυψώ, |
| 264 | Primary εἵματά τʼ ἀμφιέσασα θυώδεα καὶ λούσασα. |
| 265 | Primary ἐν δέ οἱ ἀσκὸν ἔθηκε θεὰ μέλανος οἴνοιο |
| 266 | Primary τὸν ἕτερον, ἕτερον δʼ ὕδατος μέγαν, ἐν δὲ καὶ ᾖα |
| 267 | Primary κωρύκῳ· ἐν δέ οἱ ὄψα τίθει μενοεικέα πολλά· |
| 268 | Primary οὖρον δὲ προέηκεν ἀπήμονά τε λιαρόν τε. |
| 269 | Primary γηθόσυνος δʼ οὔρῳ πέτασʼ ἱστία δῖος Ὀδυσσεύς. |
| 270 | Primary αὐτὰρ ὁ πηδαλίῳ ἰθύνετο τεχνηέντως |
| 271 | Primary ἥμενος, οὐδέ οἱ ὕπνος ἐπὶ βλεφάροισιν ἔπιπτεν |
| 272 | Primary Πληιάδας τʼ ἐσορῶντι καὶ ὀψὲ δύοντα Βοώτην |
| 273 | Primary Ἄρκτον θʼ, ἣν καὶ ἄμαξαν ἐπίκλησιν καλέουσιν, |
| 274 | Primary ἥ τʼ αὐτοῦ στρέφεται καί τʼ Ὠρίωνα δοκεύει, |
| 275 | Primary οἴη δʼ ἄμμορός ἐστι λοετρῶν Ὠκεανοῖο· |
| 276 | Primary τὴν γὰρ δή μιν ἄνωγε Καλυψώ, δῖα θεάων, |
| 277 | Primary ποντοπορευέμεναι ἐπʼ ἀριστερὰ χειρὸς ἔχοντα. |
| 278 | Primary ἑπτὰ δὲ καὶ δέκα μὲν πλέεν ἤματα ποντοπορεύων, |
| 279 | Primary ὀκτωκαιδεκάτῃ δʼ ἐφάνη ὄρεα σκιόεντα |
| 280 | Primary γαίης Φαιήκων, ὅθι τʼ ἄγχιστον πέλεν αὐτῷ· |
| 281 | Primary εἴσατο δʼ ὡς ὅτε ῥινὸν ἐν ἠεροειδέι πόντῳ. |
| 282 | Primary τὸν δʼ ἐξ Αἰθιόπων ἀνιὼν κρείων ἐνοσίχθων |
| 283 | Primary τηλόθεν ἐκ Σολύμων ὀρέων ἴδεν· εἴσατο γάρ οἱ |
| 284 | Primary πόντον ἐπιπλώων. ὁ δʼ ἐχώσατο κηρόθι μᾶλλον, |
| 285 | Primary κινήσας δὲ κάρη προτὶ ὃν μυθήσατο θυμόν· |
| 286 | Primary ὢ πόποι, ἦ μάλα δὴ μετεβούλευσαν θεοὶ ἄλλως |
| 287 | Primary ἀμφʼ Ὀδυσῆι ἐμεῖο μετʼ Αἰθιόπεσσιν ἐόντος, |
| 288 | Primary καὶ δὴ Φαιήκων γαίης σχεδόν, ἔνθα οἱ αἶσα |
| 289 | Primary ἐκφυγέειν μέγα πεῖραρ ὀιζύος, ἥ μιν ἱκάνει. |
| 290 | Primary ἀλλʼ ἔτι μέν μίν φημι ἅδην ἐλάαν κακότητος. |
| 291 | Primary ὣς εἰπὼν σύναγεν νεφέλας, ἐτάραξε δὲ πόντον |
| 292 | Primary χερσὶ τρίαιναν ἑλών· πάσας δʼ ὀρόθυνεν ἀέλλας |
| 293 | Primary παντοίων ἀνέμων, σὺν δὲ νεφέεσσι κάλυψε |
| 294 | Primary γαῖαν ὁμοῦ καὶ πόντον· ὀρώρει δʼ οὐρανόθεν νύξ. |
| 295 | Primary σὺν δʼ Εὖρός τε Νότος τʼ ἔπεσον Ζέφυρός τε δυσαὴς |
| 296 | Primary καὶ Βορέης αἰθρηγενέτης, μέγα κῦμα κυλίνδων. |
| 297 | Primary καὶ τότʼ Ὀδυσσῆος λύτο γούνατα καὶ φίλον ἦτορ, |
| 298 | Primary ὀχθήσας δʼ ἄρα εἶπε πρὸς ὃν μεγαλήτορα θυμόν· |
| 299 | Primary ὤ μοι ἐγὼ δειλός, τί νύ μοι μήκιστα γένηται; |
| 300 | Primary δείδω μὴ δὴ πάντα θεὰ νημερτέα εἶπεν, |
| 301 | Primary ἥ μʼ ἔφατʼ ἐν πόντῳ, πρὶν πατρίδα γαῖαν ἱκέσθαι, |
| 302 | Primary ἄλγεʼ ἀναπλήσειν· τὰ δὲ δὴ νῦν πάντα τελεῖται. |
| 303 | Primary οἵοισιν νεφέεσσι περιστέφει οὐρανὸν εὐρὺν |
| 304 | Primary Ζεύς, ἐτάραξε δὲ πόντον, ἐπισπέρχουσι δʼ ἄελλαι |
| 305 | Primary παντοίων ἀνέμων. νῦν μοι σῶς αἰπὺς ὄλεθρος. |
| 306 | Primary τρὶς μάκαρες Δαναοὶ καὶ τετράκις, οἳ τότʼ ὄλοντο |
| 307 | Primary Τροίῃ ἐν εὐρείῃ χάριν Ἀτρεΐδῃσι φέροντες. |
| 308 | Primary ὡς δὴ ἐγώ γʼ ὄφελον θανέειν καὶ πότμον ἐπισπεῖν |
| 309 | Primary ἤματι τῷ ὅτε μοι πλεῖστοι χαλκήρεα δοῦρα |
| 310 | Primary Τρῶες ἐπέρριψαν περὶ Πηλεΐωνι θανόντι. |
| 311 | Primary τῷ κʼ ἔλαχον κτερέων, καί μευ κλέος ἦγον Ἀχαιοί· |
| 312 | Primary νῦν δέ λευγαλέῳ θανάτῳ εἵμαρτο ἁλῶναι. |
| 313 | Primary ὣς ἄρα μιν εἰπόντʼ ἔλασεν μέγα κῦμα κατʼ ἄκρης |
| 314 | Primary δεινὸν ἐπεσσύμενον, περὶ δὲ σχεδίην ἐλέλιξε. |
| 315 | Primary τῆλε δʼ ἀπὸ σχεδίης αὐτὸς πέσε, πηδάλιον δὲ |
| 316 | Primary ἐκ χειρῶν προέηκε· μέσον δέ οἱ ἱστὸν ἔαξεν |
| 317 | Primary δεινὴ μισγομένων ἀνέμων ἐλθοῦσα θύελλα, |
| 318 | Primary τηλοῦ δὲ σπεῖρον καὶ ἐπίκριον ἔμπεσε πόντῳ. |
| 319 | Primary τὸν δʼ ἄρʼ ὑπόβρυχα θῆκε πολὺν χρόνον, οὐδʼ ἐδυνάσθη |
| 320 | Primary αἶψα μάλʼ ἀνσχεθέειν μεγάλου ὑπὸ κύματος ὁρμῆς· |
| 321 | Primary εἵματα γάρ ῥʼ ἐβάρυνε, τά οἱ πόρε δῖα Καλυψώ. |
| 322 | Primary ὀψὲ δὲ δή ῥʼ ἀνέδυ, στόματος δʼ ἐξέπτυσεν ἅλμην |
| 323 | Primary πικρήν, ἥ οἱ πολλὴ ἀπὸ κρατὸς κελάρυζεν. |
| 324 | Primary ἀλλʼ οὐδʼ ὣς σχεδίης ἐπελήθετο, τειρόμενός περ, |
| 325 | Primary ἀλλὰ μεθορμηθεὶς ἐνὶ κύμασιν ἐλλάβετʼ αὐτῆς, |
| 326 | Primary ἐν μέσσῃ δὲ καθῖζε τέλος θανάτου ἀλεείνων. |
| 327 | Primary τὴν δʼ ἐφόρει μέγα κῦμα κατὰ ῥόον ἔνθα καὶ ἔνθα. |
| 328 | Primary ὡς δʼ ὅτʼ ὀπωρινὸς Βορέης φορέῃσιν ἀκάνθας |
| 329 | Primary ἂμ πεδίον, πυκιναὶ δὲ πρὸς ἀλλήλῃσιν ἔχονται, |
| 330 | Primary ὣς τὴν ἂμ πέλαγος ἄνεμοι φέρον ἔνθα καὶ ἔνθα· |
| 331 | Primary ἄλλοτε μέν τε Νότος Βορέῃ προβάλεσκε φέρεσθαι, |
| 332 | Primary ἄλλοτε δʼ αὖτʼ Εὖρος Ζεφύρῳ εἴξασκε διώκειν. |
| 333 | Primary τὸν δὲ ἴδεν Κάδμου θυγάτηρ, καλλίσφυρος Ἰνώ, |
| 334 | Primary Λευκοθέη, ἣ πρὶν μὲν ἔην βροτὸς αὐδήεσσα, |
| 335 | Primary νῦν δʼ ἁλὸς ἐν πελάγεσσι θεῶν ἒξ ἔμμορε τιμῆς. |
| 336 | Primary ἥ ῥʼ Ὀδυσῆʼ ἐλέησεν ἀλώμενον, ἄλγεʼ ἔχοντα, |
| 337 | Primary αἰθυίῃ δʼ ἐικυῖα ποτῇ ἀνεδύσετο λίμνης, |
| 338 | Primary ἷζε δʼ ἐπὶ σχεδίης πολυδέσμου εἶπέ τε μῦθον· |
| 339 | Primary κάμμορε, τίπτε τοι ὧδε Ποσειδάων ἐνοσίχθων |
| 340 | Primary ὠδύσατʼ ἐκπάγλως, ὅτι τοι κακὰ πολλὰ φυτεύει; |
| 341 | Primary οὐ μὲν δή σε καταφθίσει μάλα περ μενεαίνων. |
| 342 | Primary ἀλλὰ μάλʼ ὧδʼ ἔρξαι, δοκέεις δέ μοι οὐκ ἀπινύσσειν· |
| 343 | Primary εἵματα ταῦτʼ ἀποδὺς σχεδίην ἀνέμοισι φέρεσθαι |
| 344 | Primary κάλλιπʼ, ἀτὰρ χείρεσσι νέων ἐπιμαίεο νόστου |
| 345 | Primary γαίης Φαιήκων, ὅθι τοι μοῖρʼ ἐστὶν ἀλύξαι. |
| 346 | Primary τῆ δέ, τόδε κρήδεμνον ὑπὸ στέρνοιο τανύσσαι |
| 347 | Primary ἄμβροτον· οὐδέ τί τοι παθέειν δέος οὐδʼ ἀπολέσθαι. |
| 348 | Primary αὐτὰρ ἐπὴν χείρεσσιν ἐφάψεαι ἠπείροιο, |
| 349 | Primary ἂψ ἀπολυσάμενος βαλέειν εἰς οἴνοπα πόντον |
| 350 | Primary πολλὸν ἀπʼ ἠπείρου, αὐτὸς δʼ ἀπονόσφι τραπέσθαι. |
| 351 | Primary ὣς ἄρα φωνήσασα θεὰ κρήδεμνον ἔδωκεν, |
| 352 | Primary αὐτὴ δʼ ἂψ ἐς πόντον ἐδύσετο κυμαίνοντα |
| 353 | Primary αἰθυίῃ ἐικυῖα· μέλαν δέ ἑ κῦμα κάλυψεν. |
| 354 | Primary αὐτὰρ ὁ μερμήριξε πολύτλας δῖος Ὀδυσσεύς, |
| 355 | Primary ὀχθήσας δʼ ἄρα εἶπε πρὸς ὃν μεγαλήτορα θυμόν· |
| 356 | Primary ὤ μοι ἐγώ, μή τίς μοι ὑφαίνῃσιν δόλον αὖτε |
| 357 | Primary ἀθανάτων, ὅ τέ με σχεδίης ἀποβῆναι ἀνώγει. |
| 358 | Primary ἀλλὰ μάλʼ οὔ πω πείσομʼ, ἐπεὶ ἑκὰς ὀφθαλμοῖσιν |
| 359 | Primary γαῖαν ἐγὼν ἰδόμην, ὅθι μοι φάτο φύξιμον εἶναι. |
| 360 | Primary ἀλλὰ μάλʼ ὧδʼ ἔρξω, δοκέει δέ μοι εἶναι ἄριστον· |
| 361 | Primary ὄφρʼ ἂν μέν κεν δούρατʼ ἐν ἁρμονίῃσιν ἀρήρῃ, |
| 362 | Primary τόφρʼ αὐτοῦ μενέω καὶ τλήσομαι ἄλγεα πάσχων· |
| 363 | Primary αὐτὰρ ἐπὴν δή μοι σχεδίην διὰ κῦμα τινάξῃ, |
| 364 | Primary νήξομʼ, ἐπεὶ οὐ μέν τι πάρα προνοῆσαι ἄμεινον. |
| 365 | Primary ἧος ὁ ταῦθʼ ὥρμαινε κατὰ φρένα καὶ κατὰ θυμόν, |
| 366 | Primary ὦρσε δʼ ἐπὶ μέγα κῦμα Ποσειδάων ἐνοσίχθων, |
| 367 | Primary δεινόν τʼ ἀργαλέον τε, κατηρεφές, ἤλασε δʼ αὐτόν. |
| 368 | Primary ὡς δʼ ἄνεμος ζαὴς ἠΐων θημῶνα τινάξῃ |
| 369 | Primary καρφαλέων· τὰ μὲν ἄρ τε διεσκέδασʼ ἄλλυδις ἄλλῃ· |
| 370 | Primary ὣς τῆς δούρατα μακρὰ διεσκέδασʼ. αὐτὰρ Ὀδυσσεὺς |
| 371 | Primary ἀμφʼ ἑνὶ δούρατι βαῖνε, κέληθʼ ὡς ἵππον ἐλαύνων, |
| 372 | Primary εἵματα δʼ ἐξαπέδυνε, τά οἱ πόρε δῖα Καλυψώ. |
| 373 | Primary αὐτίκα δὲ κρήδεμνον ὑπὸ στέρνοιο τάνυσσεν, |
| 374 | Primary αὐτὸς δὲ πρηνὴς ἁλὶ κάππεσε, χεῖρε πετάσσας, |
| 375 | Primary νηχέμεναι μεμαώς. ἴδε δὲ κρείων ἐνοσίχθων, |
| 376 | Primary κινήσας δὲ κάρη προτὶ ὃν μυθήσατο θυμόν· |
| 377 | Primary οὕτω νῦν κακὰ πολλὰ παθὼν ἀλόω κατὰ πόντον, |
| 378 | Primary εἰς ὅ κεν ἀνθρώποισι διοτρεφέεσσι μιγήῃς. |
| 379 | Primary ἀλλʼ οὐδʼ ὥς σε ἔολπα ὀνόσσεσθαι κακότητος. |
| 380 | Primary ὣς ἄρα φωνήσας ἵμασεν καλλίτριχας ἵππους, |
| 381 | Primary ἵκετο δʼ εἰς Αἰγάς, ὅθι οἱ κλυτὰ δώματʼ ἔασιν. |
| 382 | Primary αὐτὰρ Ἀθηναίη κούρη Διὸς ἄλλʼ ἐνόησεν. |
| 383 | Primary ἦ τοι τῶν ἄλλων ἀνέμων κατέδησε κελεύθους, |
| 384 | Primary παύσασθαι δʼ ἐκέλευσε καὶ εὐνηθῆναι ἅπαντας· |
| 385 | Primary ὦρσε δʼ ἐπὶ κραιπνὸν Βορέην, πρὸ δὲ κύματʼ ἔαξεν, |
| 386 | Primary ἧος ὃ Φαιήκεσσι φιληρέτμοισι μιγείη |
| 387 | Primary διογενὴς Ὀδυσεὺς θάνατον καὶ κῆρας ἀλύξας. |
| 388 | Primary ἔνθα δύω νύκτας δύο τʼ ἤματα κύματι πηγῷ |
| 389 | Primary πλάζετο, πολλὰ δέ οἱ κραδίη προτιόσσετʼ ὄλεθρον. |
| 390 | Primary ἀλλʼ ὅτε δὴ τρίτον ἦμαρ ἐυπλόκαμος τέλεσʼ Ἠώς, |
| 391 | Primary καὶ τότʼ ἔπειτʼ ἄνεμος μὲν ἐπαύσατο ἠδὲ γαλήνη |
| 392 | Primary ἔπλετο νηνεμίη· ὁ δʼ ἄρα σχεδὸν εἴσιδε γαῖαν |
| 393 | Primary ὀξὺ μάλα προϊδών, μεγάλου ὑπὸ κύματος ἀρθείς. |
| 394 | Primary ὡς δʼ ὅτʼ ἂν ἀσπάσιος βίοτος παίδεσσι φανήῃ |
| 395 | Primary πατρός, ὃς ἐν νούσῳ κεῖται κρατέρʼ ἄλγεα πάσχων, |
| 396 | Primary δηρὸν τηκόμενος, στυγερὸς δέ οἱ ἔχραε δαίμων, |
| 397 | Primary ἀσπάσιον δʼ ἄρα τόν γε θεοὶ κακότητος ἔλυσαν, |
| 398 | Primary ὣς Ὀδυσεῖ ἀσπαστὸν ἐείσατο γαῖα καὶ ὕλη, |
| 399 | Primary νῆχε δʼ ἐπειγόμενος ποσὶν ἠπείρου ἐπιβῆναι. |
| 400 | Primary ἀλλʼ ὅτε τόσσον ἀπῆν ὅσσον τε γέγωνε βοήσας, |
| 401 | Primary καὶ δὴ δοῦπον ἄκουσε ποτὶ σπιλάδεσσι θαλάσσης· |
| 402 | Primary ῥόχθει γὰρ μέγα κῦμα ποτὶ ξερὸν ἠπείροιο |
| 403 | Primary δεινὸν ἐρευγόμενον, εἴλυτο δὲ πάνθʼ ἁλὸς ἄχνῃ· |
| 404 | Primary οὐ γὰρ ἔσαν λιμένες νηῶν ὄχοι, οὐδʼ ἐπιωγαί. |
| 405 | Primary ἀλλʼ ἀκταὶ προβλῆτες ἔσαν σπιλάδες τε πάγοι τε· |
| 406 | Primary καὶ τότʼ Ὀδυσσῆος λύτο γούνατα καὶ φίλον ἦτορ, |
| 407 | Primary ὀχθήσας δʼ ἄρα εἶπε πρὸς ὃν μεγαλήτορα θυμόν· |
| 408 | Primary ὤ μοι, ἐπεὶ δὴ γαῖαν ἀελπέα δῶκεν ἰδέσθαι |
| 409 | Primary Ζεύς, καὶ δὴ τόδε λαῖτμα διατμήξας ἐπέρησα, |
| 410 | Primary ἔκβασις οὔ πῃ φαίνεθʼ ἁλὸς πολιοῖο θύραζε· |
| 411 | Primary ἔκτοσθεν μὲν γὰρ πάγοι ὀξέες, ἀμφὶ δὲ κῦμα |
| 412 | Primary βέβρυχεν ῥόθιον, λισσὴ δʼ ἀναδέδρομε πέτρη, |
| 413 | Primary ἀγχιβαθὴς δὲ θάλασσα, καὶ οὔ πως ἔστι πόδεσσι |
| 414 | Primary στήμεναι ἀμφοτέροισι καὶ ἐκφυγέειν κακότητα· |
| 415 | Primary μή πώς μʼ ἐκβαίνοντα βάλῃ λίθακι ποτὶ πέτρῃ |
| 416 | Primary κῦμα μέγʼ ἁρπάξαν· μελέη δέ μοι ἔσσεται ὁρμή. |
| 417 | Primary εἰ δέ κʼ ἔτι προτέρω παρανήξομαι, ἤν που ἐφεύρω |
| 418 | Primary ἠιόνας τε παραπλῆγας λιμένας τε θαλάσσης, |
| 419 | Primary δείδω μή μʼ ἐξαῦτις ἀναρπάξασα θύελλα |
| 420 | Primary πόντον ἐπʼ ἰχθυόεντα φέρῃ βαρέα στενάχοντα, |
| 421 | Primary ἠέ τί μοι καὶ κῆτος ἐπισσεύῃ μέγα δαίμων |
| 422 | Primary ἐξ ἁλός, οἷά τε πολλὰ τρέφει κλυτὸς Ἀμφιτρίτη· |
| 423 | Primary οἶδα γάρ, ὥς μοι ὀδώδυσται κλυτὸς ἐννοσίγαιος. |
| 424 | Primary ἧος ὁ ταῦθʼ ὥρμαινε κατὰ φρένα καὶ κατὰ θυμόν, |
| 425 | Primary τόφρα δέ μιν μέγα κῦμα φέρε τρηχεῖαν ἐπʼ ἀκτήν. |
| 426 | Primary ἔνθα κʼ ἀπὸ ῥινοὺς δρύφθη, σὺν δʼ ὀστέʼ ἀράχθη, |
| 427 | Primary εἰ μὴ ἐπὶ φρεσὶ θῆκε θεά, γλαυκῶπις Ἀθήνη· |
| 428 | Primary ἀμφοτέρῃσι δὲ χερσὶν ἐπεσσύμενος λάβε πέτρης, |
| 429 | Primary τῆς ἔχετο στενάχων, ἧος μέγα κῦμα παρῆλθε. |
| 430 | Primary καὶ τὸ μὲν ὣς ὑπάλυξε, παλιρρόθιον δέ μιν αὖτις |
| 431 | Primary πλῆξεν ἐπεσσύμενον, τηλοῦ δέ μιν ἔμβαλε πόντῳ. |
| 432 | Primary ὡς δʼ ὅτε πουλύποδος θαλάμης ἐξελκομένοιο |
| 433 | Primary πρὸς κοτυληδονόφιν πυκιναὶ λάιγγες ἔχονται, |
| 434 | Primary ὣς τοῦ πρὸς πέτρῃσι θρασειάων ἀπὸ χειρῶν |
| 435 | Primary ῥινοὶ ἀπέδρυφθεν· τὸν δὲ μέγα κῦμα κάλυψεν. |
| 436 | Primary ἔνθα κε δὴ δύστηνος ὑπὲρ μόρον ὤλετʼ Ὀδυσσεύς, |
| 437 | Primary εἰ μὴ ἐπιφροσύνην δῶκε γλαυκῶπις Ἀθήνη. |
| 438 | Primary κύματος ἐξαναδύς, τά τʼ ἐρεύγεται ἤπειρόνδε, |
| 439 | Primary νῆχε παρέξ, ἐς γαῖαν ὁρώμενος, εἴ που ἐφεύροι |
| 440 | Primary ἠιόνας τε παραπλῆγας λιμένας τε θαλάσσης. |
| 441 | Primary ἀλλʼ ὅτε δὴ ποταμοῖο κατὰ στόμα καλλιρόοιο |
| 442 | Primary ἷξε νέων, τῇ δή οἱ ἐείσατο χῶρος ἄριστος, |
| 443 | Primary λεῖος πετράων, καὶ ἐπὶ σκέπας ἦν ἀνέμοιο, |
| 444 | Primary ἔγνω δὲ προρέοντα καὶ εὔξατο ὃν κατὰ θυμόν· |
| 445 | Primary κλῦθι, ἄναξ, ὅτις ἐσσί· πολύλλιστον δέ σʼ ἱκάνω, |
| 446 | Primary φεύγων ἐκ πόντοιο Ποσειδάωνος ἐνιπάς. |
| 447 | Primary αἰδοῖος μέν τʼ ἐστὶ καὶ ἀθανάτοισι θεοῖσιν |
| 448 | Primary ἀνδρῶν ὅς τις ἵκηται ἀλώμενος, ὡς καὶ ἐγὼ νῦν |
| 449 | Primary σόν τε ῥόον σά τε γούναθʼ ἱκάνω πολλὰ μογήσας. |
| 450 | Primary ἀλλʼ ἐλέαιρε, ἄναξ· ἱκέτης δέ τοι εὔχομαι εἶναι. |
| 451 | Primary ὣς φάθʼ, ὁ δʼ αὐτίκα παῦσεν ἑὸν ῥόον, ἔσχε δὲ κῦμα, |
| 452 | Primary πρόσθε δέ οἱ ποίησε γαλήνην, τὸν δʼ ἐσάωσεν |
| 453 | Primary ἐς ποταμοῦ προχοάς. ὁ δʼ ἄρʼ ἄμφω γούνατʼ ἔκαμψε |
| 454 | Primary χεῖράς τε στιβαράς. ἁλὶ γὰρ δέδμητο φίλον κῆρ. |
| 455 | Primary ᾤδεε δὲ χρόα πάντα, θάλασσα δὲ κήκιε πολλὴ |
| 456 | Primary ἂν στόμα τε ῥῖνάς θʼ· ὁ δʼ ἄρʼ ἄπνευστος καὶ ἄναυδος |
| 457 | Primary κεῖτʼ ὀλιγηπελέων, κάματος δέ μιν αἰνὸς ἵκανεν. |
| 458 | Primary ἀλλʼ ὅτε δή ῥʼ ἄμπνυτο καὶ ἐς φρένα θυμὸς ἀγέρθη, |
| 459 | Primary καὶ τότε δὴ κρήδεμνον ἀπὸ ἕο λῦσε θεοῖο. |
| 460 | Primary καὶ τὸ μὲν ἐς ποταμὸν ἁλιμυρήεντα μεθῆκεν, |
| 461 | Primary ἂψ δʼ ἔφερεν μέγα κῦμα κατὰ ῥόον, αἶψα δʼ ἄρʼ Ἰνὼ |
| 462 | Primary δέξατο χερσὶ φίλῃσιν· ὁ δʼ ἐκ ποταμοῖο λιασθεὶς |
| 463 | Primary σχοίνῳ ὑπεκλίνθη, κύσε δὲ ζείδωρον ἄρουραν. |
| 464 | Primary ὀχθήσας δʼ ἄρα εἶπε πρὸς ὃν μεγαλήτορα θυμόν· |
| 465 | Primary ὤ μοι ἐγώ, τί πάθω; τί νύ μοι μήκιστα γένηται; |
| 466 | Primary εἰ μέν κʼ ἐν ποταμῷ δυσκηδέα νύκτα φυλάσσω, |
| 467 | Primary μή μʼ ἄμυδις στίβη τε κακὴ καὶ θῆλυς ἐέρση |
| 468 | Primary ἐξ ὀλιγηπελίης δαμάσῃ κεκαφηότα θυμόν· |
| 469 | Primary αὔρη δʼ ἐκ ποταμοῦ ψυχρὴ πνέει ἠῶθι πρό. |
| 470 | Primary εἰ δέ κεν ἐς κλιτὺν ἀναβὰς καὶ δάσκιον ὕλην |
| 471 | Primary θάμνοις ἐν πυκινοῖσι καταδράθω, εἴ με μεθείη |
| 472 | Primary ῥῖγος καὶ κάματος, γλυκερὸς δέ μοι ὕπνος ἐπέλθῃ, |
| 473 | Primary δείδω, μὴ θήρεσσιν ἕλωρ καὶ κύρμα γένωμαι. |
| 474 | Primary ὣς ἄρα οἱ φρονέοντι δοάσσατο κέρδιον εἶναι· |
| 475 | Primary βῆ ῥʼ ἴμεν εἰς ὕλην· τὴν δὲ σχεδὸν ὕδατος εὗρεν |
| 476 | Primary ἐν περιφαινομένῳ· δοιοὺς δʼ ἄρʼ ὑπήλυθε θάμνους, |
| 477 | Primary ἐξ ὁμόθεν πεφυῶτας· ὁ μὲν φυλίης, ὁ δʼ ἐλαίης. |
| 478 | Primary τοὺς μὲν ἄρʼ οὔτʼ ἀνέμων διάη μένος ὑγρὸν ἀέντων, |
| 479 | Primary οὔτε ποτʼ ἠέλιος φαέθων ἀκτῖσιν ἔβαλλεν, |
| 480 | Primary οὔτʼ ὄμβρος περάασκε διαμπερές· ὣς ἄρα πυκνοὶ |
| 481 | Primary ἀλλήλοισιν ἔφυν ἐπαμοιβαδίς· οὓς ὑπʼ Ὀδυσσεὺς |
| 482 | Primary δύσετʼ. ἄφαρ δʼ εὐνὴν ἐπαμήσατο χερσὶ φίλῃσιν |
| 483 | Primary εὐρεῖαν· φύλλων γὰρ ἔην χύσις ἤλιθα πολλή, |
| 484 | Primary ὅσσον τʼ ἠὲ δύω ἠὲ τρεῖς ἄνδρας ἔρυσθαι |
| 485 | Primary ὥρῃ χειμερίῃ, εἰ καὶ μάλα περ χαλεπαίνοι. |
| 486 | Primary τὴν μὲν ἰδὼν γήθησε πολύτλας δῖος Ὀδυσσεύς, |
| 487 | Primary ἐν δʼ ἄρα μέσσῃ λέκτο, χύσιν δʼ ἐπεχεύατο φύλλων. |
| 488 | Primary ὡς δʼ ὅτε τις δαλὸν σποδιῇ ἐνέκρυψε μελαίνῃ |
| 489 | Primary ἀγροῦ ἐπʼ ἐσχατιῆς, ᾧ μὴ πάρα γείτονες ἄλλοι, |
| 490 | Primary σπέρμα πυρὸς σώζων, ἵνα μή ποθεν ἄλλοθεν αὔοι, |
| 491 | Primary ὣς Ὀδυσεὺς φύλλοισι καλύψατο· τῷ δʼ ἄρʼ Ἀθήνη |
| 492 | Primary ὕπνον ἐπʼ ὄμμασι χεῦʼ, ἵνα μιν παύσειε τάχιστα |
| 493 | Primary δυσπονέος καμάτοιο φίλα βλέφαρʼ ἀμφικαλύψας. |