Reader
Reader | Sibylline Oracles, Book 5
Sibylline Oracles
Sibylline tradition
Text
Position
Line 0 of 531
Waypoints
| Line Ref | Greek source text | Ancient Greek |
|---|---|
| 0 | Primary Λόγος πέμπτος. |
| 1 | Primary Ἀλλ᾽ ἄγε μοι στονόεντα χρόνον κλύε Λατινιδάων. |
| 2 | Primary ἦ τοι μὲν πρώτιστα μετ᾽ ὀλλυμένους βασιλῆας |
| 3 | Primary Αἰγύπτου, τοὺς πάντας ἴση κατὰ γαῖα φέρεσκεν, |
| 4 | Primary καὶ μετὰ τὸν Πέλλης πολιήτορα, ᾧ ὕπο πᾶσα |
| 5 | Primary ἀντολίη βεβόλητο καὶ ἑσπερίη πολύολβος, |
| 6 | Primary ὃν Βαβυλὼν ἤλεγξε, νέκυν δ᾽ ὤρεξε Φιλίππῳ, |
| 7 | Primary οὐ Διός, οὐκ Ἄμμωνος ἀληθέα φημιχθέντα, |
| 8 | Primary καὶ μετὰ τὸν γενεῆς τε καὶ αἵματος Ἀσσαράκοιο, |
| 9 | Primary ὃς μόλεν ἐκ Τροίης, ὅστις πυρὸς ἔσχισεν ὁρμήν, |
| 10 | Primary πολλούς δ᾽ αὖ μετ᾽ ἄνακτας, ἀρηιφίλους μετὰ φῶτας, |
| 11 | Primary καὶ μετὰ νηπιάχους, θηρὸς τέκνα μηλοφάγοιο, |
| 12 | Primary ἔσσετ᾽ ἄναξ πρώτιστος, ὅς τις δέκα δὶς κορυφώσει |
| 13 | Primary γράμματος ἀρχομένου· πολέμων δ᾽ ἐπὶ πουλὺ κρατήσει· |
| 14 | Primary ἕξει δ᾽ ἐκ δεκάδος πρῶτον τύπον· ὥστε μετ᾽ αὐτόν |
| 15 | Primary ἄρχειν, στοιχείων ὅστις λάχε γράμματος ἀρχήν· |
| 16 | Primary ὃν Θρῄκη πτήξει καὶ Σικελίη, μετὰ Μέμφις, |
| 17 | Primary Μέμφις πρηνιχθεῖσα δι᾽ ἡγεμόνων κακότητα |
| 18 | Primary ἠδὲ γυναικὸς ἀδουλώτου ἐπὶ κῦμα πεσούσης. |
| 19 | Primary καὶ θεσμοὺς θήσει λαοῖς καὶ πάνθ᾽ ὑποτάξει· |
| 20 | Primary ἐν μακρῷ δὲ χρόνῳ ἑτέρῳ παραδώσεται ἀρχήν, |
| 21 | Primary ὅς τε τριηκοσίων ἀριθμῶν κεραίην ἐπὶ πρώτην |
| 22 | Primary ἕξει καὶ ποταμοῦ φίλον οὔνομα, ὅς τ᾽ ἐπὶ Πέρσας |
| 23 | Primary ἄρξει καὶ Βαβυλῶνα· βαλεῖ δορὶ δὴ τότε Μήδους. |
| 24 | Primary εἶτα τριῶν ἀριθμῶν κεραίην ὅστις λάχεν, ἄρξει. |
| 25 | Primary δὶς δέκα δ᾽ ὅσ{τις} ἔπειτ᾽ ἄρξει, κεραίην ἐπὶ πρώτην |
| 26 | Primary ἕξει ἄναξ· κεῖνος δὲ καθ᾽ ὕστατον Ὠκεανοῖο |
| 27 | Primary ἵξεθ᾽ ὕδωρ *ἄμπωτιν ὑπ᾽ αὐσονίσιν* ἀίξας. |
| 28 | Primary πεντήκοντα δ᾽ ὅτις κεραίην λάχε, κοίρανος ἔσται, |
| 29 | Primary δεινὸς ὄφις φυσῶν πόλεμον βαρύν, ὅς ποτε χεῖρας |
| 30 | Primary ἧς γενεῆς τανύσας ὀλέσει καὶ πάντα ταράξει |
| 31 | Primary ἀθλεύων ἐλάων κτείνων καὶ μυρία τολμῶν· |
| 32 | Primary καὶ τμήξει τὸ δίκυμον ὄρος λύθρῳ τε παλάξει· |
| 33 | Primary ἀλλ᾽ ἔσται καὶ ἄιστος ὀλοίιος· εἶτ᾽ ἀνακάμψει |
| 34 | Primary ἰσάζων θεῷ αὐτόν· ἐλέγξει δ᾽ οὔ μιν ἐόντα. |
| 35 | Primary τρεῖς δὲ μετ᾽ αὐτὸν ἄνακτες ὑπ᾽ ἀλλήλων ἀπολοῦνται. |
| 36 | Primary εἶτά τις εὐσεβέων ὀλετὴρ ἥξει μέγας ἀνδρῶν, |
| 37 | Primary ἑπτάκις ὃς δεκάτην κεραίην δείκνυσι πρόδηλον. |
| 38 | Primary τοῦ δέ, τριηκοσίης κεραίης ὅ τι πρῶτον, ἐλέγχων |
| 39 | Primary παῖς κράτος ἐξαφελεῖ, μετὰ δ᾽ αὐτὸν κοίρανος ἔσται |
| 40 | Primary τετράδος ἐκ κεραίης, *τ᾽ ἔφθος μόρος*, αὐτὰρ ἔπειτα |
| 41 | Primary πεντήκοντ᾽ ἀριθμῶν γεραρὸς βροτός. αὐτὰρ ἐπ᾽ αὐτῷ, |
| 42 | Primary ὅστε τριηκοσίης κεραίης λάχεν ἔντυπον ἀρχήν, |
| 43 | Primary Κελτὸς ὀρειοβάτης, σπεύδων δ᾽ ἐπὶ δῆριν ἑῴαν |
| 44 | Primary μοῖραν ἀεικελίην οὐ φεύξεται, ἀλλὰ καμεῖται· |
| 45 | Primary ὃν κόνις ἀλλοτρίη κρύψει νέκυν, ἀλλὰ Νεμείης |
| 46 | Primary ἄνθεος οὔνομ᾽ ἔχουσα· μετ᾽ αὐτὸν δ᾽ ἄλλος ἀνάξει, |
| 47 | Primary ἀργυρόκρανος ἀνήρ· τῷ δ᾽ ἔσσεται οὔνομα πόντου· |
| 48 | Primary ἔσται καὶ πανάριστος ἀνὴρ καὶ πάντα νοήσει. |
| 49 | Primary καὶ ἐπὶ σοί, πανάριστε, πανέξοχε, κυανοχαῖτα, |
| 50 | Primary καὶ ἐπὶ σοῖσι κλάδοισι τάδ᾽ ἔσσεται ἤματα πάντα. |
| 51 | Primary τὸν μέτα τρεῖς ἄρξουσιν, ὁ δὲ τρίτος ὀψὲ κρατήσει. |
| 52 | Primary τείρομαι ἡ τριτάλαινα κακὴν φάτιν ἐν φρεσὶ θέσθαι· |
| 53 | Primary *Ἴσιδος ἡ γνωστή* καὶ χρησμῶν ἔνθεον ὕμνον. |
| 54 | Primary πρῶτον μὲν περὶ σεῖο βάσιν ναοῦ πολυκλαύστου |
| 55 | Primary μαινάδες ἀίξουσι, καὶ ἐν παλάμῃσι κακῇσιν |
| 56 | Primary ἔσσεαι ἤματι τῷδε, ὅταν ποτὲ Νεῖλος ὁδεύσῃ |
| 57 | Primary γαῖαν ὅλην Αἴγυπτον ἕως πηχῶν δέκα καὶ ἕξ, |
| 58 | Primary ὥστε κλύσαι γῆν πᾶσαν ἐπαρδεῦσαί τε ῥόοισιν· |
| 59 | Primary σιγήσει δὲ χάρις γαίης καὶ δόξα προσώπου. |
| 60 | Primary Μέμφι, σὺ μὲν κλαύσῃ ὑπὲρ Αἰγύπτου τὰ μέγιστα· |
| 61 | Primary πρόσθε γὰρ ἡ μεγάλως γαίης κρατέουσα γενήσῃ |
| 62 | Primary λυπρή, ὥστε βοῆσαι καὶ αὐτὸν τερπικέραυνον |
| 63 | Primary οὐρανόθεν φωνῇ μεγάλῃ· "μεγαλόσθενε Μέμφι, |
| 64 | Primary ἡ τὸ πάλαι δειλοῖσι βροτοῖς αὐχοῦσα μέγιστα |
| 65 | Primary κλαύσεαι ἀργαλέη καὶ πάμμορος, ὥστε νοῆσαι |
| 66 | Primary αὐτὴν ἀίδιον θεὸν ἄμβροτον ἐν νεφέεσσιν. |
| 67 | Primary ποῦ σοι λῆμα κραταιὸν ἐν ἀνθρώποισι τέτυκται; |
| 68 | Primary ἀνθ᾽ ὧν ἐξεμάνης ἐς ἐμοὺς παῖδας θεοχρίστους |
| 69 | Primary καί τε κάκην ὤτρυνας ἐπ᾽ ἀνδράσι τοῖς ἀγαθοῖσιν, |
| 70 | Primary ἕξεις ἀντὶ τόσων τοίαν τροφὸν εἵνεκα ποινῆς. |
| 71 | Primary οὐκέτι σοι *φανερῶς* θέμις ἔσται ἐν μακάρεσσιν· |
| 72 | Primary ἐξ ἄστρων πέπτωκας, ἐς οὐρανὸν οὐκ ἀναβήσῃ." |
| 73 | Primary ταῦτα μὲν Αἰγύπτῳ θεὸς ἔννεπεν ἐξαυδῆσαι |
| 74 | Primary ὑστατίῳ καιρῷ, ὅτε πάγκακοι ἄνδρες ἔσονται. |
| 75 | Primary ἀλλὰ ταλαιπωροῦσι κακοὶ κακότητα μένοντες |
| 76 | Primary ὀργὴν ἀθανάτοιο βαρυκτύπου οὐρανίωνος, |
| 77 | Primary ἀντὶ θεοῦ δὲ λίθους καὶ κνώδαλα θρησκεύοντες |
| 78 | Primary πολλὰ μάλ᾽ ἄλλυδις ἄλλα φοβούμενοι, οἷς λόγος οὐδείς, |
| 79 | Primary οὐ νοῦς, οὐκ ἀκοή, ἅτε μοι θέμις οὐδ᾽ ἀγορεύειν, |
| 80 | Primary εἰδώλων τὰ ἕκαστα, βροτῶν παλάμαις γεγαῶτα· |
| 81 | Primary ἐξ ἰδίων δὲ κόπων καὶ ἀτασθαλιῶν ἐπινοιῶν |
| 82 | Primary ἄνθρωποι δέξαντο θεοὺς ξυλίνους λιθίνους τε |
| 83 | Primary χαλκοῦς τε χρυσοῦς τε καὶ ἀργυρέους τε, ματαίους |
| 84 | Primary ἀψύχους κωφοὺς καὶ ἐν πυρὶ χωνευθέντας |
| 85 | Primary ποιήσαντο μάτην γε πεποιθότες ἐν τοιούτοις. — |
| 86 | Primary Θμοῦις καὶ Ξοῦις *θλίβεται κόπτεται βουλῆ* |
| 87 | Primary Ἡρακλέους τε Διός τε καὶ Ἑρμείαο. -- |
| 88 | Primary καὶ σὲ δ᾽, Ἀλεξάνδρεια, κλυτὴ θρέπτειρα { πολήων } |
| 89 | Primary οὐ λείψει πόλεμός τ᾽, οὐ.......... |
| 90 | Primary τῆς ὑπερηφανίης δώσεις, ὅσα πρόσθεν ἔρεξας. |
| 91 | Primary σιγήσεις αἰῶνα πολὺν καὶ νόστιμον ἦμαρ ― |
| 92 | Primary κοὐκέτι σοι ῥεύσει τρυφερὸν πόμα..... ― |
| 93 | Primary ἥξει γὰρ Πέρσης ἐπὶ σὸν *δάπος* ὥστε χάλαζα |
| 94 | Primary καὶ σὴν γαῖαν ὀλεῖ καὶ ἀνθρώπους κακοτέχνους, |
| 95 | Primary αἵματι καὶ νεκύεσσι *παρ᾽ ἐκπάγλοισί τε βωμοῖς* |
| 96 | Primary βαρβαρόφρων σθεναρὸς πολυαίματος ἄφρονα λυσσῶν, |
| 97 | Primary παμπληθεὶ ψαμαθηδὸν *ἀπαίξων σὸν ὄλεθρον*. |
| 98 | Primary καὶ τότ᾽ ἔσῃ, πόλεων πολύολβος, πολλὰ καμοῦσα. |
| 99 | Primary κλαύσεται Ἀσὶς ὅλη δώρων χάριν, ὧν ἀπὸ σεῖο |
| 100 | Primary στεψαμένη κεφαλὴν ἐχάρη, πίπτουσ᾽ ἐπὶ γαίης. |
| 101 | Primary αὐτὸς δ᾽ ὃς Περσῶν ἔλαχεν γαῖαν πτολεμίξει |
| 102 | Primary κτείνας τ᾽ ἄνδρα ἕκαστον ὅλον βίον ἐξαλαπάξει, |
| 103 | Primary ὥστε μένειν μοῖραν τριτάτην δειλοῖσι βροτοῖσιν. |
| 104 | Primary αὐτὸς δ᾽ ἐκ δυσμῶν εἰσπτήσεται ἅλματι κούφῳ |
| 105 | Primary σύμπασαν γαῖαν πολιορκῶν, πᾶσαν ἐρημῶν. |
| 106 | Primary ἀλλ᾽ ὅταν ὕψος ἔχῃ κρατερὸν καὶ θάρσος *ἀηδές*, |
| 107 | Primary ἥξει καὶ μακάρων ἐθέλων πόλιν ἐξαλαπάξαι. |
| 108 | Primary καί κέν τις θεόθεν βασιλεὺς πεμφθεὶς ἐπὶ τοῦτον |
| 109 | Primary πάντας ὀλεῖ βασιλεῖς μεγάλους καὶ φῶτας ἀρίστους. |
| 110 | Primary εἶθ᾽ οὕτως κρίσις ἔσται ὑπ᾽ ἀφθίτου ἀνθρώποισιν. |
| 111 | Primary αἰαῖ σοι, κραδίη δειλή, τί με ταῦτ᾽ ἐρεθίζεις |
| 112 | Primary δηλοῦν Αἰγύπτῳ, πολυκοιρανίην ἀλεγεινήν; |
| 113 | Primary βαῖνε πρὸς ἀντολίην, Περσῶν γενεὰς ἀνοήτους |
| 114 | Primary καὶ δήλου τοῖσιν τὸ παρὸν τό τε μέλλον ἔσεσθαι. |
| 115 | Primary Εὐφρήτου ποταμοῦ ῥεῖθρον κατακλυσμὸν ἐποίσει |
| 116 | Primary καὶ Πέρσας ὀλέσει καὶ Ἴβηρας καὶ Βαβυλῶνας |
| 117 | Primary Μασσαγέτας τε φιλοπτολέμους τόξοισί τε πιστούς. |
| 118 | Primary Ἀσὶς ὅλη πυρίφλεκτος ἕως νήσων σελαγήσει. |
| 119 | Primary Πέργαμος ἣ τὸ πάλαι σεμνὴ βοτρυδὸν ὀλεῖται |
| 120 | Primary καὶ Πιτάνη πανέρημος ἐν ἀνθρώποισι φανεῖται. |
| 121 | Primary Λέσβος ὅλη δύσει βαθὺν εἰς βυθὸν ὥστ᾽ ἀπολέσθαι. |
| 122 | Primary Σμύρνα κατὰ κρημνῶν εἱλισσομένη ποτὲ κλαύσει, |
| 123 | Primary ἣ τὸ πάλαι σεμνὴ καὶ ἐπώνυμος ἐξαπολεῖται. |
| 124 | Primary Βιθυνοὶ κλαύσουσιν ἑὴν χθόνα τεφρωθεῖσαν |
| 125 | Primary καὶ Συρίην μεγάλην καὶ Φοινίκην πολύφυλον. |
| 126 | Primary αἰαῖ σοι, Λυκίη, ὅσα σοι κακὰ μηχανάαται |
| 127 | Primary πόντος ἀπ᾽ αὐτομάτου ἐπιβὰς χώρης ἀλεγεινῆς, |
| 128 | Primary ὥστε κλύσαι σεισμῷ τε κακῷ καὶ νάμασι πικροῖς |
| 129 | Primary τὴν Λυκίης ἄμυρον καὶ τὴν μυρίπνουν ποτε χέρσον. |
| 130 | Primary ἔσται καὶ Φρυγίῃ δεινὸς χόλος εἵνεκα λύπης, |
| 131 | Primary ἧς χάριν ἡ Διὸς ἦλθε Ῥέη κἀκεῖ προσέμεινεν. |
| 132 | Primary πόντος ὀλεῖ Ταύρων γενεὴν καὶ βάρβαρον ἔθνος· |
| 133 | Primary *καὶ Λαπίθας δάπεδον κατὰ γῆν ἐναρίξει. |
| 134 | Primary Θεσσαλίην χώρην ἀπολεῖ ποταμὸς βαθυδίνης, |
| 135 | Primary Πηνειὸς βαθύρους μορφὰς θηρῶν ἀπὸ γαίης· |
| 136 | Primary Ἠπιδανὸς φάσκων θηρῶν μορφάς ποτε γεννᾶν*. |
| 137 | Primary Ἑλλάδα τὴν τριτάλαιναν ἀναιάξουσι ποιηταί, |
| 138 | Primary ἡνίκ᾽ ἀπ᾽ Ἰταλίης ἰσθμοῦ πλήξειε τένοντα |
| 139 | Primary τῆς μεγάλης Ῥώμης βασιλεὺς μέγας ἰσόθεος φώς, |
| 140 | Primary ὅν, φάσ᾽, αὐτὸς ὁ Ζεὺς ἔτεκεν καὶ πότνια Ἥρη· |
| 141 | Primary ὅστις παμμούσῳ φθόγγῳ μελιηδέας ὕμνους |
| 142 | Primary θεατροκοπῶν ἀπολεῖ πολλοὺς σὺν μητρὶ ταλαίνῃ. |
| 143 | Primary φεύξεται ἐκ Βαβυλῶνος ἄναξ φοβερὸς καὶ ἀναιδής, |
| 144 | Primary ὃν πάντες στυγέουσι βροτοὶ καὶ φῶτες ἄριστοι· |
| 145 | Primary ὤλεσε γὰρ πολλοὺς καὶ γαστέρι χεῖρας ἔθηκεν, |
| 146 | Primary εἰς ἀλόχους ἥμαρτε καὶ ἐκ μιαρῶν ἐτέτυκτο. |
| 147 | Primary ἥξει δ᾽ εἰς Μήδους καὶ Περσῶν πρὸς βασιλῆας, |
| 148 | Primary πρώτους οὓς ἐπόθησε καὶ οἷς κλέος ἐγκατέθηκεν |
| 149 | Primary φωλεύων μετὰ τῶνδε κακῶν εἰς ἔθνος ἀληθές· |
| 150 | Primary ὃς ναὸν θεότευκτον ἕλεν καὶ ἔφλεξε πολίτας |
| 151 | Primary λαοὺς εἰσανιόντας, ὅσους ὕμνησα δικαίως· |
| 152 | Primary τούτου γὰρ *φανέντος * {ὅλ}η κτίσις ἐξετινάχθη |
| 153 | Primary καὶ βασιλεῖς ὤλοντο, καὶ ἐν τοῖσιν μένεν ἀρχή, |
| 154 | Primary ἐξόλεσαν μεγάλην τε πόλιν λαόν τε δίκαιον. |
| 155 | Primary ἀλλ᾽ ὅταν ἐκ τετράτου ἔτεος λάμψῃ μέγας ἀστήρ, |
| 156 | Primary ὃς πᾶσαν γαῖαν καθελεῖ μόνος εἵνεκα τιμῆς, |
| 157 | Primary *αὐτοὶ πρῶτον ἔθηκάν τ᾽ εἰναλίῳ Ποσειδῶνι*, |
| 158 | Primary ἥξει δ᾽ οὐρανόθεν ἀστὴρ μέγας εἰς ἅλα δῖαν |
| 159 | Primary καὶ φλέξει πόντον βαθὺν αὐτήν τε Βαβυλῶνα |
| 160 | Primary Ἰταλίης γαῖάν θ᾽, ἧς εἵνεκα πολλοὶ ὄλοντο |
| 161 | Primary Ἑβραίων ἅγιοι πιστοὶ καὶ λαὸς ἀληθής. |
| 162 | Primary ἔσσεαι ἐν θνητοῖσι κακοῖς κακὰ μοχθήσασα, |
| 163 | Primary ἀλλὰ μενεῖς πανέρημος ὅλους αἰῶνας ἐσαῦτις |
| 164 | Primary [ἔσσεται, ἀλλὰ μενεῖ εἰς αἰῶνας πανέρημος,] |
| 165 | Primary σὸν στυγέουσ᾽ ἔδαφος, ὅτι φαρμακίην ἐπόθησας· |
| 166 | Primary μοιχεῖαι παρά σοι καὶ παίδων μῖξις ἄθεσμος |
| 167 | Primary θηλυγενὴς ἄδικός τε, κακὴ πόλι, δύσμορε πασῶν. |
| 168 | Primary αἰαῖ πάντ᾽ ἀκάθαρτε πόλι Λατινίδος αἴης |
| 169 | Primary μαινὰς ἐχιδνοχαρής, χήρη καθεδοῖο παρ᾽ ὄχθας, |
| 170 | Primary καὶ ποταμὸς Τίβερίς σε κλαύσεται, ἣν παράκοιτιν, |
| 171 | Primary ἥτε μιαιφόνον ἦτορ ἔχεις ἀσεβῆ δέ τε θυμόν. |
| 172 | Primary οὐκ ἔγνως, τί θεὸς δύναται, τί δὲ μηχανάαται; |
| 173 | Primary ἀλλ᾽ ἔλεγες· "μόνη εἰμὶ καὶ οὐδείς μ᾽ ἐξαλαπάξει". |
| 174 | Primary νῦν δὲ σὲ καὶ σοὺς πάντας ὀλεῖ θεὸς αἰὲν ὑπάρχων, |
| 175 | Primary κοὐκέτι σου σημεῖον ἔτ᾽ ἔσσεται ἐν χθονὶ κείνῃ, |
| 176 | Primary ὡς τὸ πάλαι, ὅτι σὰς ὁ μέγας θεὸς εὕρατο τιμάς. |
| 177 | Primary μεῖνον, ἄθεσμε, μόνη, πυρὶ δὲ φλεγέθοντι μιγεῖσα |
| 178 | Primary ταρτάρεον οἴκησον ἐς Ἅιδου χῶρον ἄθεσμον. |
| 179 | Primary νῦν δὲ πάλιν, Αἴγυπτε, τεὴν ὀλοφύρομαι ἄτην· |
| 180 | Primary Μέμφι, πόνων ἀρχηγὸς ἔσῃ, πληχθεῖσα τένοντας· |
| 181 | Primary ἐν σοὶ πυραμίδες φωνὴν φθέγξονται ἀναιδῆ. |
| 182 | Primary *Πυθών*, ἡ τὸ πάλαι δίπολις κληθεῖσα δικαίως, |
| 183 | Primary αἰῶσιν σίγησον, ὅπως παύσῃ κακότητος. |
| 184 | Primary ὕβρι, κακῶν θησαυρὲ πόνων, μαινὰς πολύθρηνε, |
| 185 | Primary αἰνοπαθὴς πολύδακρυ, μενεῖς χήρη διὰ παντός. |
| 186 | Primary πουλυετὴς ἐγένου σὺ μόνη κόσμοιο κρατοῦσα. |
| 187 | Primary ἀλλ᾽ ὅταν ἡ Βάρκη τὸ κυπάσσιον ἀμφιβάληται |
| 188 | Primary λευκὸν ἐπὶ ῥυπαρῷ, μήτ᾽ εἴην μήτε γενοίμαν. |
| 189 | Primary ὦ Θῆβαι, ποῦ σοι τὸ μέγα σθένος; ἄγριος ἀνήρ |
| 190 | Primary ἐξολέσει λαόν· σὺ δὲ εἵματα φαιὰ λαβοῦσα |
| 191 | Primary θρηνήσεις, δύστηνε, μόνη, καὶ πάντ᾽ ἀποτίσεις, |
| 192 | Primary ὅσσα τὸ πρόσθεν ἔρεξας ἀναιδέα θυμὸν ἔχουσα. |
| 193 | Primary *καὶ κοπετὸν ὄψονται ἀθέσμων εἵνεκα ἔργων.* |
| 194 | Primary Συήνην δ᾽ ὀλέσειε μέγας φὼς Αἰθιοπήων· |
| 195 | Primary Τεύχιραν οἰκήσουσι βίῃ μελανόχροες Ἰνδοί. |
| 196 | Primary Πεντάπολι, κλαύσεις· σὲ δ᾽ ὀλεῖ μεγαλόσθενος ἀνήρ. |
| 197 | Primary σάς, Λιβύη πάγκλαυστε, τίς ἐξηγήσεται ἄτας; |
| 198 | Primary τίς δέ σε, Κυρήνη, μερόπων ἐλεεινὰ δακρύσει; |
| 199 | Primary οὐ παύσῃ θρήνου στυγεροῦ πρὸς καιρὸν ὀλέθρου. |
| 200 | Primary ἔσσεται ἐν Βρύγεσσι καὶ ἐν Γάλλοις πολυχρύσοις |
| 201 | Primary ὠκεανὸς κελαδῶν πληρούμενος αἵματι πολλῷ· |
| 202 | Primary καὐτοὶ γὰρ κακότητα θεοῦ τέκνοις ἐποίησαν, |
| 203 | Primary ἡνίκα Σιδονίοις βασιλεὺς Φοῖνιξ Γαλικανόν |
| 204 | Primary ἤγαγεν ἐκ Συρίης πλῆθος πολύ· καί σε φονεύσει, |
| 205 | Primary αὐτήν, Ῥαβέννη, τε καὶ εἰς φόνον ἡγεμονεύσει. |
| 206 | Primary Ἰνδοί, μὴ θαρσεῖτε καὶ Αἰθίοπες μεγάθυμοι· |
| 207 | Primary ἡνίκα γὰρ * τούτους * τροχὸς Ἄξονος, Αἰγοκεράστης |
| 208 | Primary Ταῦρός τ᾽ ἐν Διδύμοις μέσον οὐρανὸν ἀμφιελίξῃ, |
| 209 | Primary Παρθένος ἐξαναβᾶσα καὶ Ἥλιος ἀμφὶ μετώπῳ |
| 210 | Primary πηξάμενος ζώνην *περιπάμπολον* ἡγεμονεύσῃ· |
| 211 | Primary ἔσσεται ἐμπρησμὸς μέγας αἰθέριος κατὰ γαῖαν, |
| 212 | Primary *ἄστρων δ᾽ ἐν μαχίμοις * καινὴ φύσις, ὥστ᾽ ἀπολέσθαι |
| 213 | Primary ἐν πυρὶ καὶ στοναχαῖσιν ὅλην γῆν Αἰθιοπήων. |
| 214 | Primary μύρεο καὶ σύ, Κόρινθε, τὸν ἐν σοὶ λυγρὸν ὄλεθρον· |
| 215 | Primary ἡνίκα γὰρ στρεπτοῖσι μίτοις Μοῖραι τριάδελφοι |
| 216 | Primary κλωσάμεναι φεύγοντα δόλῳ ἰσθμοῖο παρ᾽ ὄχθην |
| 217 | Primary ἄξουσιν μετέωρον, ἕως ἐσίδωσίν ἑ πάντες, |
| 218 | Primary τὸν πάλαι ἐκκόψαντα πέτρην πολυήλατι χαλκῷ, |
| 219 | Primary καὶ σὴν γαῖαν ὀλεῖ καὶ κόψει, ὡς προτέθειται. |
| 220 | Primary τούτῳ γάρ τοι δῶκε θεὸς μένος ἐς τὸ ποιῆσαι |
| 221 | Primary οἷά τις οὐ πρότερος τῶν συμπάντων βασιλήων· |
| 222 | Primary πρῶτα μὲν ἐκ τρισσῶν κεφαλῶν σὺν πληγάδι ῥίζας |
| 223 | Primary *στησάμενος* μεγάλως ἑτέροις δώσειε πάσασθαι, |
| 224 | Primary ὥστε φαγεῖν σάρκας γονέων βασιλῆος ἀνάγνου. |
| 225 | Primary πᾶσι γὰρ ἀνθρώποισι φόνος καὶ δείματα κεῖται |
| 226 | Primary εἵνεκα τῆς μεγάλης πόλεως λαοῦ τε δικαίου |
| 227 | Primary σῳζομένου διὰ παντός, ὃν ἔξοχον εἶχε Πρόνοια. |
| 228 | Primary ἄστατε καὶ κακόβουλε, κακὰς περικείμενε κῆρας, |
| 229 | Primary ἀρχὴ καὶ καμάτοιο καὶ ἀνθρώποις μέγα τέρμα |
| 230 | Primary βλαπτομένης κτίσεως καὶ σῳζομένης πάλι Μοίραις, |
| 231 | Primary ὕβρι, κακῶν ἀρχηγὲ καὶ ἀνθρώποις μέγα πῆμα, |
| 232 | Primary τίς σε βροτῶν ἐπόθησε, τίς ἔνδοθεν οὐ χαλέπηνεν· |
| 233 | Primary ἐν σοί τις βασιλεὺς σεμνὸν βίον ὤλεσε ῥιφθείς. |
| 234 | Primary πάντα κακῶς διέθηκας ὅλον τε κακὸν κατέκλυσσας, |
| 235 | Primary καὶ διὰ σοῦ κόσμοιο καλαὶ πτύχες ἠλλάχθησαν. |
| 236 | Primary εἰς ἔριν ἡμετέρην τυχὸν ὕστατα ταῦτα προβάλλου· |
| 237 | Primary πῶς τί λέγεις; πείσω σε καὶ εἴ τί σε μέμφομαι αὐδῶ· |
| 238 | Primary ἦν ποτ᾽ ἐν ἀνθρώποις λαμπρὸν σέλας ἠελίοιο |
| 239 | Primary σπειρομένης ἀκτῖνος ὁμοσπόνδοιο προφητῶν· |
| 240 | Primary γλῶσσα μελισταγέουσα καλὸν πόμα πᾶσι βροτοῖσιν |
| 241 | Primary φαῖνέ τε καὶ προὔβαλλε καὶ ἥμερα πᾶσιν ἔτελλεν. |
| 242 | Primary τοῦδ᾽ ἕνεκεν, στενόβουλε κακῶν ἀρχηγὲ μεγίστων, |
| 243 | Primary καὶ ῥαμφὴ καὶ πένθος ἐλεύσεται ἤματι κείνῳ. |
| 244 | Primary ἀρχὴ καὶ καμάτοιο καὶ ἀνθρώποις μέγα τέρμα |
| 245 | Primary βλαπτομένης κτίσεως καὶ σῳζομένης πάλι Μοίραις, |
| 246 | Primary κλῦθι πικρᾶς φήμης δυσηχέος, ἀνδράσι πῆμα. |
| 247 | Primary ἀλλ᾽ ὁπόταν Περσὶς γαῖ᾽ ἀπόσχηται πτολέμοιο |
| 248 | Primary λοιμοῦ τε στοναχῆς τε, τότ᾽ ἔσσεται ἤματι κείνῳ |
| 249 | Primary Ἰουδαίων μακάρων θεῖον γένος οὐράνιόν τε, |
| 250 | Primary οἳ περιναιετάουσι θεοῦ πόλιν ἐν μεσογαίοις· |
| 251 | Primary ἄχρι δὲ καὶ Ἰόπης τεῖχος μέγα κυκλώσαντες |
| 252 | Primary ὑψόσ᾽ ἀείρονται ἄχρι καὶ νεφέων ἐρεβεννῶν. |
| 253 | Primary οὐκέτι συρίξει σάλπιγξ πολεμόκλονον ἦχον, |
| 254 | Primary οὐδ᾽ ἔτι μαινομέναις παλάμαις ἐχθραῖς διολοῦνται, |
| 255 | Primary *ἀλλ᾽ ἐπι*στήσει τε κακῶν αἰῶνι τρόπαια. |
| 256 | Primary εἷς δέ τις ἔσσεται αὖτις ἀπ᾽ αἰθέρος ἔξοχος ἀνήρ, |
| 257 | Primary ὃς παλάμας ἥπλωσεν ἐπὶ ξύλου πολυκάρπου, |
| 258 | Primary Ἑβραίων ὁ ἄριστος, ὃς ἠέλιόν ποτε στήσει |
| 259 | Primary φωνήσας ῥήσει τε καλῇ καὶ χείλεσιν ἁγνοῖς. |
| 260 | Primary μηκέτι τείρεο θυμὸν ἐνὶ στήθεσσι, μάκαιρα, |
| 261 | Primary θειογενές, πάμπλουτε, μόνον πεποθημένον ἄνθος, |
| 262 | Primary φῶς ἀγαθὸν σεμνόν τε τέλος *πεποθημένον ἅγνος*, |
| 263 | Primary Ἰουδαίη χαρίεσσα, καλὴ πόλις, ἔνθεος ὕμνων. |
| 264 | Primary οὐκέτι βακχεύσει περὶ σὴν χθόνα ποὺς ἀκάθαρτος |
| 265 | Primary Ἑλλήνων ὁμόθεσμον ἐνὶ στήθεσσιν ἔχων νοῦν· |
| 266 | Primary ἀλλά σε κυδάλιμοι παῖδες περιτιμήσουσιν |
| 267 | Primary καὶ μούσαις ἁγίαισι τράπεζαν ἐπιστήσονται |
| 268 | Primary παντοίαις θυσίαισι καὶ εὐχαῖς ἐν θεοτίμοις, |
| 269 | Primary ἐκ μικρᾶς στενότητος ὅσοι καμάτους ὑπέμειναν, |
| 270 | Primary πλείονα καὶ χαρίεντα *καλὸν ἄρξουσι* δίκαιοι· |
| 271 | Primary οἱ δὲ κακοὶ στείλαντες ἐπ᾽ αἰθέρα γλῶσσαν ἄθεσμον |
| 272 | Primary παύσονται λαλέοντες ἐναντίον ἀλλήλοισιν, |
| 273 | Primary αὐτοὺς δὲ κρύψουσιν, ἕως *κόσμος ἀλλαγῇ*. |
| 274 | Primary ἔσται δ᾽ ἐκ νεφέων ὄμβρος πυρὸς αἰθομένοιο· |
| 275 | Primary κοὐκέτι καρπεύσουσι βροτοὶ στάχυν ἀγλαὸν ἐκ γῆς· |
| 276 | Primary πάντ᾽ ἄσπαρτα μενεῖ καὶ ἀνήροτα, ἄχρι νοῆσαι |
| 277 | Primary τὸν πρύτανιν πάντων θεὸν ἄμβροτον αἰὲν ἐόντα |
| 278 | Primary ἀνθρώπους θνητοὺς καὶ μηκέτι θνητὰ γεραίρειν |
| 279 | Primary μηδὲ κύνας καὶ γῦπας ἃ Αἴγυπτος κατέδειξεν |
| 280 | Primary σεμνύνειν στομάτεσσι κενοῖς καὶ χείλεσι μωροῖς. |
| 281 | Primary εὐσεβέων δὲ μόνων ἁγία χθὼν πάντα τάδ᾽ οἴσει, |
| 282 | Primary νᾶμα μελισταγέος ἀπὸ πέτρης ἠδ᾽ ἀπὸ πηγῆς |
| 283 | Primary καὶ γλάγος ἀμβρόσιον ῥεύσει πάντεσσι δικαίοις· |
| 284 | Primary εἰς ἕνα γὰρ γενετῆρα θεὸν μόνον ἔξοχον ὄντα |
| 285 | Primary ἤλπισαν εὐσεβίην μεγάλην καὶ πίστιν ἔχοντες. |
| 286 | Primary ἀλλὰ τί δή μοι ταῦτα νόος σοφὸς ἐγγυαλίζει; |
| 287 | Primary ἄρτι δέ σε, τλήμων Ἀσίη, κατοδύρομαι οἰκτρῶς |
| 288 | Primary καὶ γένος Ἰώνων Καρῶν Λυδῶν πολυχρύσων. |
| 289 | Primary αἰαῖ { σοι, } Σάρδεις· αἰαῖ πολυήρατε Τράλλις· |
| 290 | Primary αἰαῖ, Λαοδίκεια, καλὴ πόλι· ὡς ἀπολεῖσθε |
| 291 | Primary σεισμοῖς ὀλλύμεναί τε καὶ εἰς κόνιν ἀλλαχθεῖσαι. |
| 292 | Primary Ἀσίδι τῇ δνοφερῇ [Λυδῶν τε. - πολυχρύσων] ― |
| 293 | Primary Ἀρτέμιδος σηκὸς Ἐφέσου πηγνύμενος |
| 294 | Primary χάσμασι καὶ σεισμοῖσί ποθ᾽ ἵξεται εἰς ἅλα δῖαν |
| 295 | Primary πρηνής, ἠύτε νῆας ἐπικλύζουσιν ἄελλαι. |
| 296 | Primary *ὕπτια δ᾽ οἰμώξει* Ἔφεσος κλαίουσα παρ᾽ ὄχθαις |
| 297 | Primary καὶ νηὸν ζητοῦσα τὸν οὐκέτι ναιετάοντα. |
| 298 | Primary καὶ τότε θυμωθεὶς θεὸς ἄφθιτος αἰθέρι ναίων |
| 299 | Primary οὐρανόθεν πρηστῆρα βαλεῖ κατὰ κρατὸς ἀνάγνου. |
| 300 | Primary ἀντὶ δὲ χειμῶνος θέρος ἔσσεται ἤματι τῷδε. |
| 301 | Primary καὶ τότε δὴ *μετέπειτ᾽* ἔσται *ἄνδρεσσι* βροτοῖσιν· |
| 302 | Primary ἐξολέσει γὰρ πάντας ἀναιδέας ὑψικέραυνος |
| 303 | Primary βρονταῖς τε στεροπαῖς τε κεραυνοῖς τε φλεγέθουσιν, |
| 304 | Primary ἀνδράσι δυσμενέεσσι, καὶ ὡς ἀσεβεῖς ὀλοθρεύσει, |
| 305 | Primary ὥστε μένειν νέκυας κατὰ γῆς πλέονας ψαμάθοιο. |
| 306 | Primary ἥξει γὰρ καὶ Σμύρνα ἑὸν κλαίουσα *λυκουργόν* |
| 307 | Primary εἰς *Ἐφέσοιο* πύλας καὶ αὐτὴ μᾶλλον ὀλεῖται. |
| 308 | Primary Κύμη δ᾽ ἡ μωρὰ σὺν νάμασι τοῖς θεοπνεύστοις |
| 309 | Primary ἐν παλάμαις ἀθέων ἀνδρῶν ἀδίκων καὶ ἀθέσμων |
| 310 | Primary ῥιφθεῖσ᾽ οὐκέτι τόσσον ἐς αἰθέρα *ἅρμα προδώσει*, |
| 311 | Primary ἀλλὰ μενεῖ νεκρὰ ἐν νάμασι *κυμήοισιν*. |
| 312 | Primary καὶ τότ᾽ ἀναιάξουσιν ὁμοῦ κακότητα μένοντες. |
| 313 | Primary εἰδήσει σημεῖον ἔχων, ἀνθ᾽ ὧν ἐμόγησεν, |
| 314 | Primary Κυμαίων δῆμος χαλεπὸς καὶ φῦλον ἀναιδές. |
| 315 | Primary εἶθ᾽ ὅτ᾽ ἀναιάξουσι κακὴν χθόνα τεφρωθεῖσαν, |
| 316 | Primary Λέσβος ὑπ᾽ Ἠριδανοῦ αἰώνιον ἐξαπολεῖται. |
| 317 | Primary αἰαῖ σοι, *Κέρκυρα*, καλὴ πόλι, παύεο κώμου. |
| 318 | Primary καὶ Ἱεράπολι, γαῖα μόνη Πλούτω{νι} μιγεῖσα, |
| 319 | Primary ἕξεις, ὃν πεπόθηκας ἔχειν, χῶρον πολύδακρυν |
| 320 | Primary ἐς γῆν χωσαμένη παρὰ χεύμασι Θερμώδοντος. |
| 321 | Primary πετροφυὴς Τρίπολίς τε παρ᾽ ὕδασι Μαιάνδροιο, |
| 322 | Primary κύμασι νυκτερινοῖσι ὑπ᾽ ᾐόνι κληρωθεῖσα, |
| 323 | Primary ἄρδην ἐξολέσει σε θεοῖό ποθ᾽ ἥδε πρόνοια. |
| 324 | Primary μή μ᾽ ἐθέλουσαν ἑλεῖν Φοίβου τὴν γείτονα χώραν· |
| 325 | Primary Μίλητον τρυφερὴν ἀπολεῖ πρηστήρ ποτ᾽ ἄνωθεν, |
| 326 | Primary ἀνθ᾽ ὧν εἵλετο τὴν Φοίβου δολόεσσαν ἀοιδήν |
| 327 | Primary *τήν τε σοφὴν ἀνδρῶν μελέτην καὶ σώφρονα βουλήν*. |
| 328 | Primary ἵλαθι, παγγενέτωρ, τρυφερῇ χθονὶ τῇ πολυκάρπῳ |
| 329 | Primary Ἰουδαίᾳ μεγάλῃ, ἵνα σὰς γνώμας ἐπίδωμεν. |
| 330 | Primary ταύτην γὰρ πρώτην ἔγνως, θεός, ἐν χαρίτεσσιν |
| 331 | Primary ἐς τὸ δοκεῖν προχάρισμα τεὸν πάντεσσι βροτοῖσιν |
| 332 | Primary εἶναι καὶ προσέχειν, οἷον θεὸς ἐγγυάλιξεν. |
| 333 | Primary ἱμείρω τριτάλαινα τὰ Θρῃκῶν ἔργα ἰδέσθαι |
| 334 | Primary καὶ τεῖχος διθάλασσον ὑπ᾽ Ἄρεος ἐν κονίῃσιν |
| 335 | Primary συρόμενον ποταμηδὸν ἐπ᾽ ἰχθυόεντι κολύμβῳ. |
| 336 | Primary Ἑλλήσποντε τάλαν, ζεύξει ποτέ σ᾽ Ἀσσυρίων παῖς, |
| 337 | Primary *εἰς σὲ μάχη* Θρῃκῶν κρατερὸν σθένος ἐξαλαπάξει. |
| 338 | Primary τήν τε Μακηδονίην βασιλεὺς Αἰγύπτιος αἱρεῖ, |
| 339 | Primary καὶ κλίμα βαρβαρικὸν ῥίψει σθένος ἡγεμονήων. |
| 340 | Primary Λυδοὶ καὶ Γαλάται Πάμφυλοι σὺν Πισίδαισι |
| 341 | Primary πανδημεὶ κρατέουσι κακὴν ἔριν ὁπλισθέντες. |
| 342 | Primary Ἰταλίη τριτάλαινα, μενεῖς πανέρημος ἄκλαυστος |
| 343 | Primary ἐν γαίῃ θαλερῇ ὀλοὸν δάκος ἐξαπολέσθαι. |
| 344 | Primary ἔσται δ᾽ * αἰθέρος * οὐρανὸς εὐρὺς ὕπερθεν |
| 345 | Primary βροντηδὸν κελάδημα, θεοῦ φωνὴν *ἐπακοῦσαι* |
| 346 | Primary ἠελίου δ᾽ αὐτοῦ φλόγες ἄφθιτοι οὐκέτ᾽ ἔσονται |
| 347 | Primary οὐδὲ σεληναίης λαμπρὸν φάος ἔσσεται αὖτις |
| 348 | Primary ὑστατίῳ καιρῷ, ὁπόταν θεὸς ἡγεμονεύσῃ. |
| 349 | Primary πάντα μελανθείη, σκοτίη δ᾽ ἔσται κατὰ γαῖαν, |
| 350 | Primary καὶ τυφλοὶ μέροπες θῆρές τε κακοὶ καὶ ὀιζύς. |
| 351 | Primary ἔσσεται ἦμαρ ἐκεῖνο χρόνον πολύν, ὥστε νοῆσαι |
| 352 | Primary αὐτὸν ἄνακτα θεὸν πανεπίσκοπον οὐρανόθι πρό. |
| 353 | Primary αὐτὸς δυσμενέας ἄνδρας τότε δ᾽ οὐκ ἐλεήσει, |
| 354 | Primary ἀρνῶν ἠδ᾽ ὀίων ταύρων τ᾽ ἀγέλας ἐριμύκων |
| 355 | Primary ἐκθυσιάζοντας μόσχων μεγάλων κεροχρύσων |
| 356 | Primary ἀψύχοις θ᾽ Ἑρμαῖς καὶ τοῖς λιθίνοισι θεοῖσιν. |
| 357 | Primary ἡγείσθω δὲ θέμις σοφίη καὶ δόξα δικαίων· |
| 358 | Primary μή ποτε θυμωθεὶς θεὸς ἄφθιτος ἐξαπολέσσῃ |
| 359 | Primary πᾶν γένος ἀνθρώπων *βίοτον* καὶ φῦλον ἀναιδές, |
| 360 | Primary δεῖ στέργειν γενετῆρα θεὸν σοφὸν αἰὲν ἐόντα. |
| 361 | Primary ἔσσεται ὑστατίῳ καιρῷ περὶ τέρμα σελήνης |
| 362 | Primary κοσμομανὴς πόλεμος καὶ ἐπίκλοπος ἐν δολότητι. |
| 363 | Primary ἥξει δ᾽ ἐκ περάτων γαίης μητροκτόνος ἀνήρ |
| 364 | Primary φεύγων ἠδὲ νόῳ ὀξύστομα μερμηρίζων, |
| 365 | Primary ὃς πᾶσαν γαῖαν καθελεῖ καὶ πάντα κρατήσει |
| 366 | Primary πάντων τ᾽ ἀνθρώπων φρονιμώτερα πάντα νοήσει· |
| 367 | Primary ἧς χάριν ὤλετό τ᾽ αὐτός, ἑλεῖ ταύτην παραχρῆμα. |
| 368 | Primary ἄνδρας τ᾽ ἐξολέσει πολλοὺς μεγάλους τε τυράννους |
| 369 | Primary πάντας τ᾽ ἐμπρήσει, ὡς οὐδέποτ᾽ ἄλλος ἐποίει, |
| 370 | Primary τοὺς δ᾽ αὖ πεπτηῶτας ἀνορθώσει διὰ ζῆλον. |
| 371 | Primary ἔσται δ᾽ ἐκ δυσμῶν πόλεμος πολὺς ἀνθρώποισιν, |
| 372 | Primary ῥεύσει δ᾽ αἵμαθ᾽ ἕως ὄχθου ποταμῶν βαθυδινῶν. |
| 373 | Primary τῆς τε Μακηδονίης στάξει χόλος ἐν πεδίοισιν ― |
| 374 | Primary συμμαχίην *δῶ δ᾽* ἐκ δυσμῶν, βασιλῆι δ᾽ ὄλεθρον. |
| 375 | Primary καὶ τότε χειμερίη πνοιὴ πνεύσει κατὰ γαῖαν, |
| 376 | Primary καὶ πεδίον πολέμοιο κακοῦ πλησθήσεται αὖτις. |
| 377 | Primary πῦρ γὰρ ἀπ᾽ οὐρανίων δαπέδων βρέξει μερόπεσσιν, |
| 378 | Primary πῦρ καὶ αἷμα ὕδωρ πρηστὴρ γνόφος οὐρανίη νύξ |
| 379 | Primary καὶ φθίσις ἐν πολέμῳ καὶ ἐπὶ σφαγῇσιν ὀμίχλη |
| 380 | Primary πάντας ὁμοῦ τ᾽ ὀλέσει βασιλεῖς καὶ φῶτας ἀρίστους. |
| 381 | Primary εἶθ᾽ οὕτως πολέμοιο πεπαύσεται οἰκτρὸς ὄλεθρος, |
| 382 | Primary κοὐκέτι τις ξίφεσιν πολεμίξεται οὐδὲ σιδήρῳ |
| 383 | Primary οὐδ᾽ αὐτοῖς βελέεσσιν, ἃ μὴ θέμις ἔσσεται αὖτις. |
| 384 | Primary εἰρήνην δ᾽ ἕξει λαὸς σοφός, ὅσπερ ἐλείφθη, |
| 385 | Primary πειραθεὶς κακότητος, ἵν᾽ ὕστερον εὐφρανθείη. |
| 386 | Primary μητρολέται, παύσασθε θράσους τόλμης τε κακούργου, |
| 387 | Primary οἳ τὸ πάλαι παίδων κοίτην ἐπορίζετ᾽ ἀνάγνως |
| 388 | Primary καὶ τέγεσιν πόρνας ἐστήσατε τὰς πάλαι ἁγνάς |
| 389 | Primary ὕβρεσι καὶ κολάσει κἀσχημοσύνῃ πολυμόχθῳ. ― |
| 390 | Primary ἐν σοὶ γὰρ μήτηρ τέκνῳ ἐμίγη ἀθεμίστως, |
| 391 | Primary καὶ θυγάτηρ γενετῆρι ἑῷ συζεύξατο νύμφη· |
| 392 | Primary ἐν σοὶ καὶ βασιλεῖς στόμα δύσμορον ἐξεμίηναν, |
| 393 | Primary ἐν σοὶ καὶ κτηνῶν εὗρον κοίτην κακοὶ ἄνδρες. |
| 394 | Primary σίγησον, πανόδυρτε κακὴ πόλι, κῶμον ἔχουσα· |
| 395 | Primary οὐκέτι γὰρ *παρὰ σοῖο τὴν τῆς * φιλοθρέμμονος ὕλης |
| 396 | Primary παρθενικαὶ κοῦραι πῦρ ἔνθεον ὠρήσουσιν. |
| 397 | Primary ἔσβεσται παρὰ σεῖο πάλαι πεποθημένος οἶκος, |
| 398 | Primary ἡνίκα δεύτερον εἶδον ἐγὼ ῥιπτούμενον οἶκον |
| 399 | Primary πρηνηδὸν πυρὶ τεγγόμενον διὰ χειρὸς ἀνάγνου, |
| 400 | Primary οἶκον ἀεὶ θάλλοντα, θεοῦ τηρήμονα ναόν, |
| 401 | Primary ἐξ ἁγίων γεγαῶτα καὶ ἄφθιτον αἰὲν ἐόντα |
| 402 | Primary ἐκ ψυχῆς ἐλπιζόμενον καὶ σώματος *αὐτοῦ* |
| 403 | Primary οὐ γὰρ ἀκηδέστως *αἰνεῖ* θεὸν ἐξ ἀφανοῦς γῆς |
| 404 | Primary οὐδὲ πέτρης ποίησε σοφὸς τέκτων παρὰ τούτοις, |
| 405 | Primary οὐ χρυσοῦ κόσμον, ἀπάτην ψυχῶν ἐσεβάσθη. |
| 406 | Primary ἀλλὰ μέγαν γενετῆρα θεὸν πάντων θεοπνεύστων |
| 407 | Primary ἐν θυσίαις ἁγίαις ἐγέραιρον καὶ ἑκατόμβαις. |
| 408 | Primary νῦν δέ τις ἐξαναβὰς ἀφανὴς βασιλεὺς καὶ ἄναγνος |
| 409 | Primary ταύτην ἔρριψεν καὶ ἀνοικοδόμητον ἀφῆκεν |
| 410 | Primary σὺν πλήθει μεγάλῳ καὶ ἀνδράσι κυδαλίμοισιν. |
| 411 | Primary αὐτὸς δ᾽ ὤλετο *χέρσον ἀπ᾽ ἀθανάτην ἐπιβὰς γῆν*, |
| 412 | Primary κοὐκέτι σῆμα τοιοῦτον ἐπ᾽ ἀνθρώποισι τέτυκτο, |
| 413 | Primary ὥστε δοκεῖν ἑτέρους μεγάλην πόλιν ἐξαλαπάξαι. |
| 414 | Primary ἦλθε γὰρ οὐρανίων νώτων ἀνὴρ μακαρίτης |
| 415 | Primary σκῆπτρον ἔχων ἐν χερσίν, ὅ οἱ θεὸς ἐγγυάλιξεν, |
| 416 | Primary καὶ πάντων ἐκράτησε καλῶς πᾶσίν τ᾽ ἀπέδωκεν |
| 417 | Primary τοῖς ἀγαθοῖς τὸν πλοῦτον, ὃν οἱ πρότεροι λάβον ἄνδρες. |
| 418 | Primary πᾶσαν δ᾽ ἐκ βάθρων εἷλεν πόλιν ἐν πυρὶ πολλῷ |
| 419 | Primary καὶ δήμους ἔφλεξε βροτῶν τῶν πρόσθε κακούργων |
| 420 | Primary καὶ πόλιν, ἣν ἐπόθησε θεός, ταύτην ἐποίησεν |
| 421 | Primary φαιδροτέραν ἄστρων τε καὶ ἡλίου ἠδὲ σελήνης |
| 422 | Primary καὶ κόσμον κατέθηχ᾽ ἅγιόν τ᾽..... ἐποίησεν |
| 423 | Primary ἔνσαρκον καλὸν περικαλλέα ἠδὲ ἔπλασσεν |
| 424 | Primary πολλοῖς ἐν σταδίοισι μέγαν καὶ ἀπείρονα πύργον |
| 425 | Primary αὐτῶν ἁπτόμενον νεφέων καὶ πᾶσιν ὁρατόν, |
| 426 | Primary ὥστε βλέπειν πάντας πιστοὺς πάντας τε δικαίους |
| 427 | Primary ἀιδίοιο θεοῦ δόξαν, πεποθημένον εἶδος· |
| 428 | Primary ἀντολίαι δύσιές τε θεοῦ κλέος ἐξύμνησαν. |
| 429 | Primary οὐκέτι γὰρ πέλεται *δειλοῖσι βροτοῖσιν δεινά* |
| 430 | Primary οὐδὲ γαμοκλοπίαι καὶ παίδων Κύπρις ἄθεσμος, |
| 431 | Primary οὐ φόνος οὐδὲ κυδοιμός, ἔρις δ᾽ ἐν πᾶσι δικαίη. |
| 432 | Primary ὕστατος ἔσθ᾽ ἁγίων καιρός, ὅτε ταῦτα περαίνει |
| 433 | Primary θεὸς ὑψιβρεμέτης, κτίστης ναοῖο μεγίστου. |
| 434 | Primary αἰαῖ σοι, Βαβυλὼν χρυσόθρονε, χρυσοπέδιλε, |
| 435 | Primary πουλυετὴς βασίλεια μόνη κόσμοιο κρατοῦσα, |
| 436 | Primary ἡ τὸ πάλαι μεγάλη καὶ πάμπολις, οὐκέτι κείσῃ |
| 437 | Primary οὔρεσιν ἐν χρυσέοις καὶ νάμασιν Εὐφρήταο· |
| 438 | Primary στρωθήσῃ σεισμοῖο κλόνῳ· Πάρθοι δέ σε δεινοί |
| 439 | Primary πάντα κρατεῖν ἐποίησαν. ἔχε στόμα φιμῷ, ἄναγνε |
| 440 | Primary Χαλδαίων γενεή, μήτ᾽ εἴρεο μηδὲ μερίμνα, |
| 441 | Primary πῶς Περσῶν ἄρξεις ἢ πῶς Μήδων *τε* κρατήσεις· |
| 442 | Primary εἵνεκα γὰρ τῆς σῆς ἀρχῆς, ἧς ἔσχες, ὅμηρα |
| 443 | Primary εἰς Ῥώμην πέμψασα καὶ Ἀσίδι θητεύοντας, |
| 444 | Primary *τοιγάρτοι καὐτὴ βασιλὶς φρονέουσ᾽ εἰς κρίσιν |
| 445 | Primary ἀντιδίκων ἥξεις, ὧν εἵνεκα λύτρα πέπομφας·* |
| 446 | Primary δώσεις δ᾽ ἀντὶ λόγων σκολιῶν πικρὸν λόγον ἐχθροῖς. |
| 447 | Primary ἔσται δ᾽ ὑστατίῳ καιρῷ ξηρός ποτε πόντος, |
| 448 | Primary κοὐκέτι πλωτεύσουσιν ἐς Ἰταλίην τότε νῆες, |
| 449 | Primary Ἀσὶς δ᾽ ἡ μεγάλη τότε πάμφορον ἔσσεται ὕδωρ |
| 450 | Primary καὶ Κρήτη πεδίον. Κύπρος δ᾽ ἕξει μέγα πῆμα |
| 451 | Primary καὶ Πάφος αἰάξει δεινὸν μόρον, ὥστε νοῆσαι |
| 452 | Primary καὶ Σαλαμῖνα πόλιν μεγάλην μέγα πῆμα παθοῦσαν· |
| 453 | Primary νῦν μὲν χέρσος ἄκαρπος ἐπ᾽ ᾐόνος ἔσσεται αὖθις, |
| 454 | Primary ἀκρὶς δ᾽ οὐκ ὀλίγη χθόνα Κύπριον ἐξολοθρεύσει. |
| 455 | Primary εἰς Τύρον, αἰνόμοροι μέροπες, κλαύσεσθε βλέποντες. |
| 456 | Primary Φοινίκη, δεινός σε μένει χόλος, ἄχρι πεσεῖν σε |
| 457 | Primary πτῶμα κακόν, Σειρῆνες ὅπως κλαύσωνται ἀληθῶς. |
| 458 | Primary ἔσται δ᾽ ἐν πέμπτῃ γενεῇ, ὅτε παύσετ᾽ ὄλεθρος |
| 459 | Primary Αἰγύπτου, βασιλῆες ὅταν μιχθῶσιν ἀναιδεῖς· |
| 460 | Primary Παμφύλων γενεαὶ δ᾽ εἰς Αἴγυπτον καθεδοῦνται, |
| 461 | Primary ἔν τε Μακηδονίῃ καὶ ἐν Ἀσίδι καὶ *Λυκίοισιν* |
| 462 | Primary κοσμομανὴς πόλεμος πολυαίματος ἐν κονίῃσιν, |
| 463 | Primary ὃν παύσει Ῥώμης βασιλεὺς δυσμῶν τε δυνάσται. |
| 464 | Primary χειμερίη ὁπόταν ῥιπὴ στάξῃ χιονώδης |
| 465 | Primary πηγνυμένου μεγάλου ποταμοῦ λιμνῶν τε μεγίστων, |
| 466 | Primary εὐθὺς βάρβαρος ὄχλος ἐς Ἀσίδα γαῖαν ὁδεύσει, |
| 467 | Primary καὶ Θρᾳκῶν ὀλέσει δεινῶν γένος ὡς ἀλαπαδνόν. |
| 468 | Primary καὶ τότε θυμοβόροι μέροπες κατέδουσι γονῆας |
| 469 | Primary λιμῷ τειρόμενοι καὶ ἐδέσματα λαιφάσσονται. |
| 470 | Primary πάντων δ᾽ ἐκ μελάθρων θῆρες κατέδουσι τράπεζαν, |
| 471 | Primary αὐτοί τ᾽ οἰωνοί τε βροτοὺς κατέδουσιν ἅπαντας |
| 472 | Primary ὠκεανός τε κακοῦ πλησθήσεται ἐκ πολέμοιο |
| 473 | Primary αἱματόεις σάρκας τε καὶ αἵματα τῶν ἀνοήτων. |
| 474 | Primary εἶθ᾽ οὕτως ὀλιγηπελίη ἔσται κατὰ γαῖαν, |
| 475 | Primary ὥστε νοεῖν ἀνδρῶν τ᾽ ἀριθμὸν μέτρον τε γυναικῶν. |
| 476 | Primary μυρία δ᾽ οἰμώξει δειλὴ γενεὴ κατὰ τέρμα |
| 477 | Primary ἠελίου δύνοντος, ἵν᾽ ἔμπαλι μηκέτ᾽ ἀνέλθῃ, |
| 478 | Primary ὠκεανοῦ μείνας ἵν᾽ ἐφ᾽ ὕδασι βαπτισθείη· |
| 479 | Primary πολλῶν γὰρ μερόπων εἶδεν κακότητας ἀνάγνους. |
| 480 | Primary ἔσται δὲ σκοτόμαινα περὶ μέγαν οὐρανὸν αὐτόν, |
| 481 | Primary ἀχλὺς δ᾽ οὐκ ὀλίγη κόσμου πτύχας ἀμφικαλύψει |
| 482 | Primary δεύτερον· αὐτὰρ ἔπειτα θεοῦ φάος ἡγεμονεύσει |
| 483 | Primary ἀνδράσι τοῖς ἀγαθοῖσιν, ὅσοι θεὸν ἐξύμνησαν. |
| 484 | Primary Ἶσι, θεὰ τριτάλαινα, μενεῖς ἐπὶ χεύμασι Νείλου |
| 485 | Primary μούνη, μαινὰς ἄναυδος ἐπὶ ψαμάθοις Ἀχέροντος, |
| 486 | Primary κοὐκέτι σου μνεία γε μενεῖ κατὰ γαῖαν ἅπασαν. |
| 487 | Primary καὶ σύ, Σάραπι λίθους ἀργοὺς ἐπικείμενε πολλούς, |
| 488 | Primary κείσῃ πτῶμα μέγιστον ἐν Αἰγύπτῳ τριταλαίνῃ. |
| 489 | Primary ὅσσοι δ᾽ Αἰγύπτου πόθον ἤγαγον εἴς σε, ἅπαντες |
| 490 | Primary κλαύσονταί σε κακῶς θεὸν ἄφθιτον ἐν φρεσὶ θέντες· |
| 491 | Primary γνώσονταί σε τὸ μηδέν, ὅσοι θεὸν ἐξύμνησαν. |
| 492 | Primary καί { ποτε } τῶν ἱερέων τις ἐρεῖ λινόστολος ἀνήρ· |
| 493 | Primary "δεῦτε, θεοῦ τέμενος καλὸν στήσωμεν ἀληθοῦς· |
| 494 | Primary δεῦτε, τὸν ἐκ προγόνων δεινὸν νόμον ἀλλάξωμεν, |
| 495 | Primary τοῦ χάριν οἱ λιθίνοις καὶ ὀστρακίνοισι θεοῖσιν |
| 496 | Primary πομπὰς καὶ τελετὰς ποιούμενοι οὐκ ἐνόησαν. |
| 497 | Primary στρέψωμεν ψυχὰς θεὸν ἄφθιτον ἐξυμνοῦντες |
| 498 | Primary αὐτὸν τὸν γενετῆρα, τὸν ἀίδιον γεγαῶτα, |
| 499 | Primary τὸν πρύτανιν πάντων, τὸν ἀληθέα, τὸν βασιλῆα, |
| 500 | Primary ψυχοτρόφον γενετῆρα, θεὸν μέγαν αἰὲν ἐόντα." — |
| 501 | Primary καὶ τότ᾽ ἐν Αἰγύπτῳ ναὸς μέγας ἔσσεται ἁγνός |
| 502 | Primary κεἰς αὐτὸν θυσίας οἴσει λαὸς θεότευκτος, |
| 503 | Primary κείνοισιν δώσει θεὸς ἄφθιτος {ἐμ}βιοτεύειν. |
| 504 | Primary ἀλλ᾽ ὅταν ἐκπρολιπόντες ἀναιδέα φῦλα Τριβαλλῶν |
| 505 | Primary Αἰθίοπες μέλλωσ᾽ *Αἴγυπτον ἑήν τε* ἀροῦσθαι, |
| 506 | Primary ἄρξονται κακότητος, ἵν᾽ ὕστερα πάντα γένηται. |
| 507 | Primary νηὸν γὰρ καθελοῦσι μέγαν Αἰγυπτιάδος γῆς· |
| 508 | Primary ἐν δὲ θεὸς βρέξει κατὰ γῆς δεινὸν χόλον αὐτοῖς, |
| 509 | Primary ὥστ᾽ ὀλέσαι πάντας τε κακοὺς πάντας τ᾽ *ἀνόμους τε*. |
| 510 | Primary κοὐκέτι δὴ φειδώ τις ἔτ᾽ ἔσσεται ἐν χθονὶ κείνῃ, |
| 511 | Primary ἀνθ᾽ ὧν οὐκ ἐφύλαξαν ὅ μιν θεὸς ἐγγυάλιξεν. |
| 512 | Primary Ἠελίου φαέθοντος ἐν ἀστράσιν εἶδον ἀπειλήν |
| 513 | Primary ἠδὲ Σεληναίης δεινὸν χόλον ἐν στεροπῇσιν· |
| 514 | Primary ἄστρα μάχην ὤδινε· θεὸς δ᾽ ἐπέτρεψε μάχεσθαι. |
| 515 | Primary ἀντὶ γὰρ Ἠελίου μακραὶ φλόγες ἐστασίαζον, |
| 516 | Primary ἠδὲ Σεληναίης δίκερως ἠλλάξατο ῥοῖζος· |
| 517 | Primary Φωσφόρος ἔσχε μάχην, ἐπιβὰς ἐς νῶτα Λέοντος· |
| 518 | Primary Αἰγόκερως δ᾽ ἔπληξε νέου Ταύροιο τένοντα· |
| 519 | Primary Ταῦρος δ᾽ Αἰγοκέρωτος ἀφήρπασε νόστιμον ἦμαρ. |
| 520 | Primary καὶ Ζυγὸν Ὠρίων ἀπενόσφισε μηκέτι μεῖναι· |
| 521 | Primary Παρθένος ἐν Κριῷ Διδύμων ἠλλάξατο μοῖραν· |
| 522 | Primary Πλειὰς δ᾽ οὐκέτ᾽ ἔφαινε· Δράκων δ᾽ ἠρνήσατο ζώνην· |
| 523 | Primary Ἰχθύες εἰσεδύοντο κατὰ ζωστῆρα Λέοντος· |
| 524 | Primary Καρκίνος οὐκ ἐνέμεινεν, ἔδεισε γὰρ Ὠρίωνα· |
| 525 | Primary Σκορπίος *οὐρὰν ἐπῆλθε* διὰ δεινοῖο Λέοντος, |
| 526 | Primary ἠδὲ Κύων ὤλισθεν ἀπὸ φλογὸς Ἠελίοιο· |
| 527 | Primary Ὑδροχόον δ᾽ ἐπύρωσε μένος κρατεροῖο Φαεινοῦ. |
| 528 | Primary ὦρτο μὲν Οὐρανὸς αὐτός, ἕως ἐτίναξε μαχητάς· |
| 529 | Primary θυμωθεὶς δ᾽ ἔρριψε καταπρηνεῖς ἐπὶ γαῖαν. |
| 530 | Primary ῥίμφα μὲν οὖν πληγέντες ἐπ᾽ Ὠκεανοῖο λοετρά |
| 531 | Primary ἧψαν γαῖαν ἅπασαν· ἔμεινε δ᾽ ἀνάστερος αἰθήρ. |